ᱯᱩᱸᱪᱷ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱯᱩᱸᱪᱷ ᱦᱚᱱᱚᱛ
ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱦᱚᱱᱚᱛ
ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱯᱩᱸᱪᱷ ᱦᱚᱱᱚᱛ
ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱯᱩᱸᱪᱷ ᱦᱚᱱᱚᱛ
Coordinates: 33°46′N 74°06′E / 33.77°N 74.1°E / 33.77; 74.1Coordinates: 33°46′N 74°06′E / 33.77°N 74.1°E / 33.77; 74.1
ᱫᱤᱥᱚᱢ ᱥᱤᱧᱚᱛ
ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ
ᱠᱷᱚᱸᱰ ᱡᱟᱹᱢᱢᱩ ᱠᱷᱚᱸᱰ
Headquarters ᱯᱩᱸᱪᱷ
ᱮᱨᱤᱭᱟ
 • Total 1674 ᱠᱤᱢᱤ (646 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • Total ᱔᱗᱖,᱘᱓᱕
 • ᱰᱮᱱᱥᱤᱴᱤ 280/ᱠᱤᱢᱤ2 (740/ᱜᱟᱺᱴ ᱢᱟᱹᱭᱤᱞ)
 • ᱱᱟᱜᱟᱨ ᱘.᱑%
Demographics
 • Literacy ᱖᱖.᱗᱔%
 • Sex ratio ᱘᱙᱓
IST (UTC+05:30)
ᱜᱟᱹᱰᱤ ᱨᱤᱡᱤᱥᱴᱨᱤ JK-12
ᱣᱮᱵᱽᱥᱟᱭᱤᱴ http://poonch.nic.in/

ᱯᱩᱸᱪᱷ ᱦᱚᱱᱚᱛ ᱥᱤᱧᱚᱛᱤᱭᱟᱹ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ᱾ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱᱤᱭᱟᱹ ᱛᱟᱞᱢᱟ ᱯᱩᱸᱪᱷ ᱥᱚᱦᱚᱨ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱯᱮ ᱥᱮᱫ (ᱮᱛᱚᱢ, ᱯᱟᱪᱮ ᱟᱨ ᱠᱚᱧᱮ) ᱞᱟᱭᱤᱱ ᱚᱯᱷ ᱠᱚᱱᱴᱨᱚᱞ ᱛᱮ ᱵᱮᱨᱦᱟᱭ ᱮᱥᱮᱫ ᱢᱮᱱᱟᱜᱼᱟ᱾ ᱥᱤᱧᱚᱛ-ᱯᱟᱠᱤᱥᱛᱟᱱ ᱢᱩᱫ ᱑᱙᱔᱗ᱼ᱔᱘ ᱞᱟᱹᱰᱷᱟᱹᱭ ᱨᱮ ᱱᱚᱣᱟ ᱦᱚᱱᱚᱛ ᱵᱟᱨ ᱦᱟᱹᱴᱤᱝ ᱨᱮ ᱦᱟᱹᱴᱤᱝ ᱞᱮᱱᱟ᱾ ᱢᱤᱫ ᱴᱮᱱ ᱯᱟᱠᱤᱥᱛᱟᱱ ᱨᱮ ᱪᱟᱞᱟᱣ ᱮᱱᱟ ᱟᱨ ᱢᱤᱫ ᱩᱱ ᱚᱠᱛᱚ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮ ᱥᱮᱞᱮᱫ ᱞᱮᱱᱟ᱾

ᱥᱟᱥᱚᱱᱤᱭᱟᱹ ᱴᱚᱴᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Poonch district tehsils

ᱯᱩᱸᱪᱷ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱᱤᱭᱟᱹ ᱨᱟᱡᱽᱜᱟᱲ ᱯᱩᱸᱪᱷ ᱥᱚᱦᱚᱨ᱾ ᱨᱟᱦᱩᱞ ᱭᱟᱫᱚᱵ ᱦᱚᱱᱚᱛ ᱨᱮᱱ ᱧᱤᱛᱚᱜᱤᱜ ᱦᱚᱱᱚᱛ ᱠᱚᱢᱤᱥᱚᱱᱟᱨ ᱠᱟᱱᱟᱭ᱾ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱱᱚᱣᱟ ᱯᱩᱸᱪᱷ ᱦᱚᱱᱚᱛ ᱧᱤᱛ ᱦᱟᱹᱵᱤᱫ ᱛᱩᱨᱩᱭ ᱜᱚᱴᱟᱝ ᱛᱚᱦᱚᱥᱤᱞ ᱨᱮ ᱦᱟᱹᱴᱤᱝ ᱢᱮᱱᱟᱜᱼᱟ᱾ ᱱᱚᱣᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ

  • ᱦᱟᱵᱷᱮᱞᱤ ᱛᱚᱦᱚᱥᱤᱞ
  • ᱢᱟᱱᱰᱤ ᱛᱚᱦᱚᱥᱤᱞ
  • ᱢᱮᱱᱫᱷᱟᱨ ᱛᱚᱦᱚᱥᱤᱞ
  • ᱥᱩᱨᱟᱱᱠᱳᱴ ᱛᱚᱦᱚᱥᱤᱞ
  • ᱢᱟᱱᱠᱳᱴ ᱛᱚᱦᱚᱥᱤᱞ
  • ᱵᱟᱞᱟᱠᱳᱴ ᱛᱚᱦᱚᱥᱤᱞ

ᱥᱟᱱᱟᱢ ᱛᱚᱦᱚᱥᱤᱞ ᱨᱮᱜᱮ ᱛᱚᱦᱚᱥᱤᱞᱟᱨ ᱢᱮᱱᱟᱭᱟ ᱡᱟᱦᱟᱭ ᱫᱚ ᱱᱚᱣᱟ ᱨᱮᱱᱤᱡ ᱥᱟᱥᱚᱱᱤᱭᱟᱹ ᱠᱟᱱᱟᱭ᱾ ᱦᱚᱱᱚᱛ ᱟᱨᱦᱚ ᱜᱮᱞᱢᱤᱫ ᱵᱚᱱᱚᱛ ᱨᱮ ᱦᱟᱹᱴᱤᱝ ᱢᱮᱱᱟᱜᱼᱟ᱾ ᱵᱚᱱᱚᱛ ᱠᱚ ᱦᱩᱭᱩᱜ ᱠᱟᱱᱟ ᱺ ᱯᱩᱸᱪᱷ, ᱢᱟᱱᱫᱤ, ᱞᱳᱨᱟᱱ, ᱥᱟᱛᱷᱨᱟ, ᱢᱮᱱᱫᱟᱜ, ᱢᱟᱱᱠᱳᱴ ᱵᱟᱞᱟᱠᱳᱴ, ᱥᱩᱨᱟᱱᱠᱳᱴ ᱟᱨ ᱵᱩᱯᱷᱞᱤᱭᱟᱡᱽ ᱾ ᱱᱚᱣᱟ ᱠᱚ ᱵᱚᱱᱚᱛ ᱨᱮᱱ ᱥᱟᱥᱚᱱᱤᱭᱟᱹ ᱫᱚ ᱵᱚᱱᱚᱛ ᱰᱮᱵᱷᱞᱚᱵᱷᱢᱮᱱᱴ ᱚᱯᱷᱤᱥᱟᱨ (ᱵᱤᱰᱤᱳ) ᱾ ᱵᱟᱵᱚᱱ ᱟᱵᱟᱨ ᱟᱭᱢᱟ ᱯᱚᱧᱪᱟᱭᱮᱛ ᱨᱮ ᱦᱟᱹᱴᱤᱝ ᱢᱮᱱᱟᱜᱼᱟ᱾

ᱠᱟᱹᱣᱰᱤᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱖ ᱥᱮᱨᱢᱟ ᱨᱮ ᱯᱚᱧᱪᱟᱭᱮᱛᱤ ᱨᱟᱡᱽ ᱢᱚᱱᱛᱨᱟᱞᱚᱭ (Ministry of Panchayati Raj) ᱞᱮᱠᱟᱛᱮ ᱯᱩᱸᱪᱷ ᱦᱚᱱᱚᱛ ᱫᱤᱥᱚᱢ ᱨᱮᱱᱟᱜ(᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫ ᱨᱮ) ᱒᱕᱐ ᱟᱱᱟᱜ ᱛᱟᱭᱚᱢ ᱟᱠᱟᱱ ᱦᱚᱱᱚᱛ ᱠᱟᱱᱟ᱾[᱒] ᱱᱚᱣᱟ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱯᱮᱭᱟ ᱦᱚᱱᱚᱛ ᱢᱩᱫ ᱨᱮ ᱢᱤᱫ ᱦᱚᱱᱚᱛ ᱠᱟᱱᱟ, ᱡᱟᱦᱟ ᱦᱚᱱᱚᱛ ᱫᱚ ᱧᱤᱛ ᱦᱚᱸ ᱛᱟᱭᱚᱢ ᱟᱠᱟᱱ ᱴᱚᱴᱷᱟ ᱜᱚᱲᱚ ᱠᱟᱹᱢᱤᱦᱚᱲᱟ (Backward Regions Grant Fund Programme) ᱠᱷᱚᱱ ᱜᱚᱲᱚ ᱮ ᱦᱟᱛᱟᱣ ᱮᱫᱟ᱾[᱒]

ᱨᱟᱡᱽᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱸᱪᱷ ᱦᱚᱱᱚᱛ ᱨᱮ ᱯᱮᱭᱟ ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟ ᱢᱮᱱᱟᱜᱼᱟ᱾ ᱡᱟᱦᱟ ᱫᱚ ᱦᱩᱭᱩᱜ ᱠᱟᱱᱟ ᱺ ᱥᱩᱨᱟᱱᱠᱳᱴ, ᱢᱮᱱᱫᱷᱟᱨ ᱟᱨ ᱯᱩᱸᱪᱷ ᱦᱟᱵᱷᱮᱞᱤ᱾

ᱰᱮᱢᱚᱜᱽᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱸᱪᱷ ᱦᱚᱱᱚᱛ ᱨᱮ ᱫᱷᱚᱨᱚᱢ (᱒᱐᱑᱑)[᱓]

  ᱤᱥᱞᱟᱢ (90.45%)
  ᱦᱤᱱᱫᱩ (6.84%)
  ᱥᱤᱠᱷ (2.35%)
  ᱤᱥᱟᱹᱭ (0.20%)
  ᱮᱴᱟᱜ (0.02%)
  ᱱᱟᱥᱛᱤᱠ (0.15%)

᱒᱐᱑᱑ ᱥᱮᱨᱢᱟ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱯᱩᱸᱪᱷ ᱦᱚᱱᱚᱛ ᱨᱮ ᱞᱮᱠᱷᱟᱜᱩᱴ ᱔᱗᱖,᱘᱓᱕ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱡᱟᱦᱟ ᱫᱚ ᱟᱹᱰᱤ ᱜᱟᱱ ᱜᱮ ᱥᱩᱨᱤᱱᱟᱢ ᱫᱤᱥᱚᱢ ᱨᱮᱱ ᱞᱮᱠᱷᱟᱜᱩᱴ ᱦᱚᱲᱮᱞ ᱥᱚᱢᱟᱱᱟ᱾ ᱦᱚᱲᱮᱞ ᱞᱮᱠᱟᱛᱮ ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫ ᱨᱮ ᱕᱔᱘ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ᱾ ᱦᱚᱱᱚᱛ ᱨᱮ ᱢᱤᱫ ᱪᱟᱹᱣᱠᱟᱹ ᱠᱤᱢᱤ ᱨᱮ ᱒᱘᱕ ᱜᱟᱱ ᱦᱚᱲ ᱠᱚ ᱛᱟᱦᱮᱱ ᱠᱟᱱᱟ (᱗᱔᱐/ ᱪᱟᱹᱣᱠᱟᱹ ᱢᱟᱭᱤᱞ)᱾ ᱒᱐᱐᱑ ᱠᱷᱚᱱ ᱒᱐᱑᱑ ᱥᱮᱨᱢᱟ ᱦᱚᱲᱞᱮᱠᱷᱟ ᱢᱩᱫ ᱨᱮ ᱒᱗.᱙᱗% ᱦᱚᱲ ᱠᱚ ᱡᱟᱹᱥᱛᱤ ᱣᱟᱠᱟᱱᱟ᱾ ᱯᱩᱸᱪᱷ ᱦᱚᱱᱚᱛ ᱨᱮᱱᱟᱜ ᱡᱟᱱᱟᱝ ᱡᱟᱹᱱᱤ ᱑᱐᱐᱐ ᱠᱚᱲᱟ ᱨᱮ ᱘᱙᱐ ᱠᱩᱲᱤ ᱟᱨ ᱠᱟᱜᱚᱡᱤᱭᱟᱹ ᱦᱚᱲ ᱮᱞ ᱖᱘.᱖᱙%᱾ ᱦᱚᱱᱚᱛ ᱨᱮᱱ ᱙᱐.᱔᱕% ᱦᱚᱲ ᱢᱩᱥᱞᱟᱹ ᱠᱟᱱᱟ ᱠᱚ᱾

ᱡᱟᱹᱛᱤ ᱞᱮᱠᱟᱛᱮ ᱜᱩᱡᱟᱨ, ᱵᱟᱠᱮᱨᱣᱟᱞ, ᱡᱮᱛ, ᱯᱟᱦᱟᱨᱤ, ᱯᱚᱧᱡᱟᱵᱤ, ᱠᱟᱥᱢᱤᱨᱤ ᱟᱨ ᱨᱟᱡᱽᱯᱩᱛ ᱢᱮᱱᱟᱜ ᱠᱚᱣᱟ᱾ ᱜᱩᱡᱟᱨ ᱡᱟᱹᱛᱤ ᱫᱚ ᱡᱟᱹᱥᱛᱤ ᱵᱩᱨᱩ ᱨᱮ ᱠᱚ ᱛᱟᱦᱮᱱᱟ᱾ ᱱᱚᱰᱮᱱ ᱠᱩᱡᱽ ᱦᱚᱲ ᱠᱟᱹᱴᱤᱡᱽ ᱠᱟᱹᱴᱤᱡᱽ ᱠᱷᱮᱛ ᱨᱮᱠᱚ ᱪᱟᱥᱟ ᱟᱨ ᱛᱷᱚᱨᱟ ᱜᱷᱟᱨᱚᱧᱡᱤᱭᱟᱹ ᱜᱟᱹᱭᱼᱰᱟᱝᱨᱟ ᱠᱚ ᱩᱥᱩᱞ ᱠᱚᱣᱟ᱾ ᱜᱳᱡᱨᱤ ᱟᱨ ᱵᱟᱠᱮᱨᱣᱟᱞ ᱜᱳᱡᱨᱤ ᱯᱟᱹᱨᱥᱤ ᱠᱚ ᱨᱚᱲᱟ ᱟᱨ ᱠᱟᱥᱢᱤᱨᱤ ᱵᱮᱜᱚᱨ ᱮᱴᱟᱜ ᱦᱚᱲ ᱠᱚ ᱯᱟᱦᱟᱨᱤᱼᱞᱳᱛᱷᱣᱟᱨᱤ (ᱯᱩᱸᱪᱷᱤ) ᱯᱟᱹᱨᱥᱤ ᱟᱨ ᱛᱷᱚᱨᱟ ᱦᱚᱲ ᱰᱳᱜᱨᱤ ᱯᱟᱹᱨᱥᱤ ᱛᱮᱠᱚ ᱨᱚᱲᱟ᱾

ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱨᱮ ᱱᱚᱣᱟ ᱦᱚᱱᱚᱛ ᱨᱮ ᱤᱥᱞᱟᱢ (᱙᱐.᱔᱕%), ᱦᱤᱱᱫᱩ (᱖.᱘᱔%), ᱥᱤᱠᱷ (᱒.᱓᱕%), ᱤᱥᱟᱹᱭ (᱐.᱒᱐%) ᱟᱨ ᱛᱷᱚᱨᱟ ᱜᱟᱱ ᱦᱚᱲ ᱵᱩᱫᱫᱷᱚ, ᱡᱚᱭᱱᱚ ᱟᱨ ᱮᱴᱟᱜ ᱫᱷᱚᱨᱚᱢ ᱠᱚ ᱢᱟᱱᱟᱣᱟ᱾

ᱥᱟᱹᱱᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱮᱡᱽᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱤᱛᱟᱹᱨ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. https://poonch.nic.in/tehsil/
  2. ᱒.᱐ ᱒.᱑ Ministry of Panchayati Raj (8 ᱥᱮᱯᱴᱮᱢᱵᱚᱨ 2009). "A Note on the Backward Regions Grant Fund Programme" (PDF). National Institute of Rural Development. Archived from the original (PDF) on 5 ᱮᱯᱨᱤᱞ 2012. Retrieved 27 ᱥᱮᱯᱴᱮᱢᱵᱚᱨ 2011.  Unknown parameter |url-status= ignored (help)
  3. "C-1 Population By Religious Community". Census. Retrieved 10 ᱡᱩᱱ 2019.