ᱯᱷᱤᱨᱠᱟᱞ ᱮᱱᱮᱡ
ᱯᱷᱤᱨᱠᱟᱞ ᱵᱷᱩᱢᱤᱡᱽ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱢᱤᱫ ᱢᱟᱨᱥᱟᱞ ᱟᱨᱴ ᱦᱚᱲ ᱮᱱᱮᱡ ᱠᱟᱱᱟ᱾ ᱯᱷᱤᱨᱠᱟᱞ ᱨᱮᱭᱟᱜ ᱢᱩᱬ ᱥᱟᱯᱟᱵᱽ ᱫᱚ ᱦᱩᱭᱩᱜ ᱠᱟᱱᱟ ᱰᱷᱟᱞ, ᱛᱚᱨᱣᱟᱞ, ᱟᱜ ᱟᱨ ᱟᱹᱯᱟᱹᱨᱤ᱾ ᱱᱚᱣᱟ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱯᱚᱴᱠᱟ ᱵᱚᱱᱚᱛ ᱟᱨ ᱳᱰᱤᱥᱟ ᱨᱮᱭᱟᱜ ᱟᱫᱚᱢ ᱴᱷᱟᱶ ᱨᱮ ᱧᱮᱞᱚᱜᱼᱟ᱾[᱑]
ᱠᱟᱞᱟᱨᱤᱯᱟᱭᱟᱴᱴᱩ ᱠᱷᱚᱱ ᱦᱚᱸ ᱢᱟᱨᱮᱭᱟ, ᱮᱢᱟᱱ ᱪᱮᱫ ᱚᱱᱮ ᱚᱱᱟ ᱠᱚ ᱢᱟᱨᱥᱟᱞ ᱟᱨᱴ ᱡᱟᱦᱟᱸ ᱠᱚ ᱪᱤᱱ ᱟᱨ ᱡᱟᱯᱟᱱ ᱨᱮ ᱧᱮᱞᱚᱜᱼᱟ᱾ ᱯᱷᱤᱨᱠᱟᱞ ᱱᱤᱛ ᱦᱚᱸ ᱢᱤᱫ ᱡᱤᱣᱮᱫ ᱢᱟᱨᱥᱟᱞ ᱟᱨᱴ ᱫᱷᱟᱨᱟ ᱨᱮᱭᱟᱜ ᱮᱱᱮᱡ ᱠᱟᱱᱟ, ᱡᱟᱦᱟᱸ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱪᱷᱳᱴᱟᱱᱟᱜᱽᱯᱩᱨ ᱮᱞᱟᱠᱟ ᱨᱮᱱ ᱵᱷᱩᱢᱤᱡᱽ ᱟᱹᱫᱤᱵᱟᱹᱥᱤ ᱠᱚ ᱮᱱᱮᱡᱟ᱾
ᱯᱳᱭᱞᱳ ᱧᱮᱞ ᱨᱮ, ᱯᱷᱤᱨᱠᱟᱞ ᱫᱚ ᱟᱯᱷᱨᱤᱠᱟᱱ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱮᱱᱮᱡ ᱞᱮᱠᱟ ᱧᱮᱞᱚᱜᱼᱟ᱾ ᱮᱱᱮᱡ ᱨᱮᱭᱟᱜ ᱩᱫᱩᱜ ᱠᱚᱫᱚ ᱥᱮᱸᱫᱽᱨᱟ ᱨᱮᱭᱟᱜ ᱪᱤᱛᱟᱹᱨ ᱟᱨ ᱟᱯᱱᱟᱨ ᱵᱟᱧᱪᱟᱜ ᱨᱮᱭᱟᱜ ᱦᱚᱨᱟ ᱢᱩᱬᱩᱛ ᱡᱚᱥ ᱫᱚ ᱛᱟᱦᱮᱱᱟ ᱵᱮᱨᱮᱞ ᱢᱟᱪᱳ ᱫᱟᱲᱮ ᱪᱮᱛᱟᱱ ᱨᱮ᱾ ᱚᱠᱛᱮ ᱯᱟᱨᱚᱢᱚᱜ ᱥᱟᱶ ᱥᱟᱶᱛᱮ, ᱵᱷᱩᱢᱤᱡᱽ ᱠᱚᱣᱟᱜ ᱞᱟᱦᱟ ᱪᱟᱞᱟᱜ ᱡᱤᱭᱚᱱ ᱦᱚᱨᱟ ᱮᱱᱮᱡ ᱨᱮᱭᱟᱜ ᱨᱟᱹᱭᱨᱤᱛ ᱠᱚᱸᱭ ᱵᱚᱫᱚᱞ ᱤᱫᱤᱭᱮᱫᱟ᱾ ᱚᱠᱛᱮ ᱯᱚᱞᱚᱢᱚᱜ ᱥᱟᱶᱛᱮ, ᱮᱱᱮᱡ ᱨᱮᱭᱟᱜ ᱫᱟᱲᱮ ᱩᱫᱩᱜ ᱨᱮᱭᱟᱜ ᱦᱚᱨᱟ ᱵᱚᱫᱚᱞ ᱛᱮ ᱱᱚᱣᱟ ᱫᱚ ᱢᱤᱫ ᱨᱟᱹᱥᱠᱟᱹ–ᱨᱚᱢᱚᱡ ᱨᱮᱭᱟᱜ ᱦᱮᱣᱟ ᱨᱮ ᱵᱚᱫᱚᱞ ᱦᱮᱡ ᱟᱠᱟᱱᱟ᱾ ᱱᱚᱣᱟ ᱠᱚ ᱮᱱᱮᱡ ᱨᱮᱭᱟᱜ ᱪᱤᱛᱟᱹᱨ ᱫᱚ ᱵᱟᱜᱽ ᱛᱟᱞ, ᱵᱤᱨᱥᱟ ᱢᱩᱱᱰᱟ ᱛᱟᱞ, ᱯᱟᱦᱟᱞᱵᱟᱱᱤ ᱛᱟᱞ ᱮᱢᱟᱱ ᱠᱚᱛᱮ ᱵᱟᱰᱟᱭᱚᱜᱼᱟ᱾ ᱱᱚᱣᱟ ᱫᱚ ᱵᱷᱩᱢᱤᱡᱽ ᱥᱟᱶᱛᱟ ᱨᱮᱱ ᱦᱚᱲ ᱠᱚᱣᱟᱜ ᱮᱴᱠᱮᱴᱚᱬᱮ ᱠᱚ ᱛᱟᱞᱚᱢ ᱯᱟᱨᱚᱢ ᱨᱮᱭᱟᱜ ᱠᱩᱨᱩᱢᱩᱴᱩ ᱮ ᱩᱫᱩᱜᱟ᱾ ᱢᱮᱱᱠᱷᱟᱱ ᱡᱩᱣᱟᱹᱱ ᱠᱚᱲᱟ ᱜᱤᱫᱽᱨᱟᱹ ᱠᱚ ᱱᱚᱶᱟ ᱮᱱᱮᱡ ᱨᱮᱭᱟᱜ ᱦᱚᱨᱟ ᱠᱚ ᱵᱟᱰᱟᱭᱟ ᱵᱟᱝ ᱛᱟᱦᱮᱱ ᱠᱟᱱ ᱛᱟᱠᱚᱣᱟ᱾[᱒]
ᱯᱷᱤᱨᱠᱚᱞ ᱫᱚ ᱡᱟᱢᱥᱮᱫᱽᱯᱩᱨ ᱨᱮ ᱢᱮᱱᱟᱜ ᱢᱤᱫ NGO, ᱠᱚᱞᱟᱢᱟᱱᱫᱤᱨ ᱼᱥᱮᱞᱩᱞᱳᱭᱮᱰ ᱪᱮᱯᱴᱚᱨ ᱟᱨᱴ ᱯᱷᱚᱣᱩᱱᱰᱮᱥᱚᱱ (TCCAF) ᱨᱮᱱᱟᱜ ᱟᱹᱰᱤ ᱜᱟᱱ ᱠᱟᱹᱢᱤ ᱠᱷᱟᱹᱛᱤᱨ ᱱᱤᱛ ᱦᱚᱸ ᱡᱤᱣᱤ ᱢᱮᱱᱟᱜᱼᱟ᱾ ᱟᱭᱢᱟ ᱥᱮᱨᱢᱟ ᱠᱷᱚᱱ ᱱᱤᱭᱟᱹ ᱜᱟᱶᱛᱟ ᱯᱷᱤᱨᱠᱚᱞ ᱨᱤᱱ ᱦᱚᱲ ᱠᱚᱣᱟᱜ ᱡᱤᱭᱚᱱ ᱟᱨ ᱩᱛᱷᱱᱟᱹᱣ ᱞᱟᱹᱜᱤᱫ ᱛᱮ ᱟᱹᱰᱤ ᱜᱮᱠᱚ ᱠᱟᱹᱢᱤ ᱠᱟᱱᱟ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱯᱚᱴᱠᱟ ᱵᱚᱱᱚᱛ ᱨᱮᱱᱟᱜ ᱡᱟᱱᱩᱢᱰᱤᱦ ᱧᱩᱛᱩᱢᱟᱱ ᱢᱤᱫᱴᱮᱱ ᱵᱟᱰᱟᱭᱚᱜ ᱠᱟᱱ ᱟᱹᱛᱩ ᱨᱮᱜᱮ ᱯᱷᱤᱨᱠᱚᱞ ᱫᱚ ᱱᱤᱛ ᱫᱷᱟᱹᱵᱤᱡ ᱡᱤᱣᱤ ᱢᱮᱱᱟᱜᱼᱟ᱾ ᱱᱚᱸᱰᱮ ᱒᱕ ᱜᱚᱴᱟᱝ ᱵᱷᱩᱢᱤᱡᱽ ᱟᱹᱫᱤᱵᱟᱹᱥᱤ ᱜᱷᱟᱨᱚᱸᱡᱽ ᱨᱮᱱ ᱢᱤᱫ ᱜᱟᱶᱛᱟ ᱱᱤᱛᱦᱚᱸ ᱱᱚᱶᱟ ᱟᱹᱨᱤᱪᱟᱹᱞᱤ ᱠᱚ ᱡᱤᱣᱮᱫ ᱫᱚᱦᱚ ᱟᱠᱟᱫᱟ᱾
ᱜᱟᱹᱠᱷᱩᱲᱤᱭᱟᱹ ᱠᱚ ᱢᱮᱱᱟ, ᱯᱷᱤᱨᱠᱟᱞ ᱫᱚ ᱟᱥᱚᱞ ᱨᱮ ᱠᱤᱨᱯᱟᱱ ᱥᱩᱥᱩᱱ (ᱠᱤᱨᱯᱟᱱ ᱢᱮᱱᱮᱛ ᱛᱚᱨᱣᱟᱞ ᱟᱨ ᱥᱩᱥᱩᱱ ᱮᱱᱮᱡ) ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ, ᱪᱷᱳᱴᱟᱱᱟᱜᱽᱯᱩᱨ ᱨᱮᱱ ᱵᱷᱩᱢᱤᱡᱽ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱢᱤᱫ ᱮᱱᱮᱡ ᱠᱟᱱᱟ᱾ ᱮᱱᱮᱡ ᱨᱮᱭᱟᱜ ᱪᱤᱛᱟᱹᱨ ᱠᱚᱫᱚ ᱡᱟᱹᱥᱛᱤ ᱠᱟᱭᱛᱮ ᱥᱮᱸᱫᱽᱨᱟ ᱟᱨ ᱟᱯᱱᱟᱨ ᱵᱟᱧᱪᱟᱜ ᱨᱮᱭᱟᱜ ᱩᱱᱩᱫᱩᱜ ᱮ ᱩᱫᱩᱜᱟ᱾[᱓]
ᱟᱨᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- FIRKAL DANCE । NATIONAL TRIBAL FESTIVAL VANAJ 2015 (Video), Desi Cinema Classical, Ministry of tribal affairs, Govt of India, 24 August 2015, retrieved 25 May 2022
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "The last frontier of Firkal martial art of Chotanagpur area – Jharkhand | Tribal Cultural Heritage in India Foundation". indiantribalheritage.org. Retrieved 2022-04-13.
- ↑ "The last frontier of Firkal martial art of Chotanagpur area – Jharkhand | Tribal Cultural Heritage in India Foundation". indiantribalheritage.org. Retrieved 2022-04-13.
- ↑ "The Sunday Tribune - Books". m.tribuneindia.com. Retrieved 2022-04-13.