ᱳᱠᱟᱨᱟ, ᱯᱟᱠᱤᱥᱛᱟᱱ

ᱳᱠᱟᱨᱟ
اوکاڑہ
ᱳᱠᱟᱨᱟ; اوکاڑہ
ᱥᱚᱦᱚᱨ
	ᱠᱷᱩ ᱯᱟᱠ ᱨᱮᱱᱟᱜ ᱢᱚᱱᱫᱤᱨ, ᱠᱚᱢᱯᱟᱹᱱᱤ ᱵᱟᱜᱷ
	ᱳᱠᱟᱨᱟ
	Coordinates: 30°48′33″N 73°27′13″E / 30.80917°N 73.45361°ECoordinates: 30°48′33″N 73°27′13″E / 30.80917°N 73.45361°E
ᱫᱤᱥᱚᱢ	ᱯᱟᱠᱤᱥᱛᱟᱱ
ᱯᱨᱚᱫᱮᱥ	ᱯᱟᱧᱡᱟᱵᱽ
ᱦᱟᱹᱴᱤᱧ	ᱥᱟᱦᱤᱣᱟᱞ
ᱦᱚᱱᱚᱛ	ᱳᱠᱟᱨᱟ
ᱥᱚᱨᱠᱟᱨ
• ᱰᱤᱯᱴᱤ ᱠᱚᱢᱤᱥᱚᱱᱟᱨ	ᱰᱚᱠᱴᱚᱨ ᱡᱤᱥᱟᱱ ᱦᱟᱱᱤᱯᱷ
ᱮᱨᱤᱭᱟ
• ᱱᱟᱜᱟᱨ	4377 ᱠᱤᱢᱤ২ (1690 ᱜᱟᱺᱴ ᱢᱟᱭᱤᱞ)
ᱩᱥᱩᱞ	105 ᱢᱤᱴᱚᱨ (344 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱒᱓ ᱦᱚᱲ ᱞᱮᱠᱷᱟ ᱡᱚᱠᱷᱟ)
• ᱥᱚᱦᱚᱨ	᱕᱓᱓᱖᱙᱓
• ᱫᱷᱟᱹᱲ ᱮᱞ	᱒᱕ ᱟᱱᱟᱜ, ᱯᱟᱠᱤᱥᱛᱟᱱ ᱨᱮ
	PST (ᱭᱩᱴᱤᱥᱤ+᱐᱕:᱐᱐)
ᱯᱤᱱ ᱠᱳᱰ	᱕᱖᱓᱐᱐
ᱮᱨᱤᱭᱟ ᱠᱳᱰ	᱐᱔᱔
ᱭᱩᱱᱤᱭᱚᱱ ᱠᱚᱣᱩᱱᱥᱤᱞ ᱨᱮᱱᱟᱜ ᱮᱞ ᱠᱚ	᱑᱔᱐
ᱣᱮᱵᱽᱥᱟᱭᱤᱴ	okara.punjab.gov.pk

ᱳᱠᱟᱨᱟ (ᱯᱟᱧᱡᱟᱵᱤ, ᱩᱨᱫᱩ: اوکاڑہ), ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱟᱧᱡᱟᱵᱽ ᱯᱨᱚᱫᱮᱥ ᱨᱮ ᱳᱠᱟᱨᱟ ᱦᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱥᱚᱦᱚᱨ ᱠᱟᱱᱟ ᱾^[᱕] ᱳᱠᱟᱨᱟ ᱧᱩᱛᱩᱢ ᱫᱚ ᱳᱠᱟᱱ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱞᱮᱠᱟᱱ ᱜᱩᱱ ᱨᱮᱱᱟᱜ ᱧᱩᱛᱩᱢ ᱠᱟᱱᱟ ᱾^[᱒]^[᱖] ᱱᱟᱜᱟᱢ ᱨᱮ ᱳᱠᱟᱱ ᱨᱮ ᱟᱹᱰᱤ ᱜᱟᱱ ᱵᱩᱨᱩ ᱠᱚ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱮ ᱱᱚᱣᱟ ᱴᱚᱴᱷᱟ ᱫᱚ ᱳᱠᱟᱨᱟ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱦᱚᱲ ᱮᱞ ᱞᱮᱠᱟᱛᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱒᱓ ᱟᱱᱟᱜ ᱢᱟᱨᱟᱝ ᱱᱚᱜᱚᱨ ᱠᱟᱱᱟ ᱾^[᱗] ᱱᱚᱣᱟ ᱥᱚᱦᱚᱨ ᱫᱚ ᱞᱟᱦᱚᱨ ᱥᱚᱦᱚᱨ ᱨᱮᱱᱟᱜ ᱮᱛᱚᱢ-ᱯᱟᱪᱮ ᱨᱮ ᱢᱮᱱᱟᱜᱼᱟ ᱟᱨ ᱯᱷᱟᱭᱥᱟᱞᱟᱵᱟᱫᱽ ᱫᱚ ᱨᱟᱵᱤ ᱜᱟᱰᱟ ᱨᱮᱱᱟᱜ ᱥᱩᱨ ᱛᱮ ᱑᱐᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱪᱟᱥ-ᱵᱟᱥᱛᱟ ᱠᱟᱹᱣᱰᱤᱟᱹᱨᱤ ᱟᱨ ᱠᱚᱴᱚᱱ ᱢᱤᱞ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾ ᱳᱠᱟᱨᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱥᱩᱨ ᱨᱮᱱᱟᱜ ᱢᱩᱬ ᱥᱚᱦᱚᱨ ᱫᱚ ᱥᱟᱦᱤᱣᱟᱞ ᱠᱟᱱᱟ, ᱡᱟᱦᱟᱸ ᱫᱚ ᱢᱚᱱᱴᱜᱳᱢᱟᱨᱤ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ ᱾ ᱠᱟᱥᱩᱨ ᱥᱚᱦᱚᱨ ᱨᱮᱱᱟᱜ ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾ ᱯᱟᱠᱤᱥᱛᱟᱱ ᱨᱮᱱᱟᱜ ᱢᱤᱞᱤᱴᱟᱨᱤ ᱰᱮᱭᱨᱤ ᱯᱷᱚᱨᱢ, ᱡᱟᱦᱟᱸ ᱫᱚ ᱟᱡᱟᱜ ᱯᱮᱱᱤᱥ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ, ᱳᱠᱟᱨᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱥᱟᱦ ᱢᱩᱠᱤᱢ ᱠᱷᱚᱱ ᱙ ᱠᱤᱞᱚᱢᱤᱴᱚᱨ ᱟᱨ ᱪᱩᱸᱭᱚᱱ ᱠᱷᱚᱱ ᱑᱗ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱯᱷᱚᱨᱢ ᱫᱚ ᱯᱟᱠᱤᱥᱛᱟᱱ ᱵᱮᱱᱟᱣ ᱛᱟᱭᱚᱢ ᱑᱙᱔᱗ ᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱾

ᱦᱚᱭ ᱦᱤᱥᱤᱫ

ᱥᱤᱛᱩᱝ ᱨᱤᱛᱩ ᱨᱮᱱᱟᱜ ᱚᱠᱛᱚ ᱪᱷᱟᱰᱟ ᱠᱟᱛᱮ, ᱳᱠᱟᱨᱟ ᱨᱮᱱᱟᱜ ᱦᱚᱭ ᱦᱤᱥᱤᱫ ᱫᱚ ᱥᱤᱛᱩᱝ ᱟᱨ ᱨᱮᱭᱟᱲ ᱜᱮᱭᱟ ᱾ ᱰᱤᱥᱮᱢᱵᱚᱨ ᱠᱷᱚᱱ ᱯᱷᱮᱵᱽᱨᱩᱣᱟᱨᱤ ᱫᱷᱟᱹᱨᱤᱡ ᱫᱚ ᱡᱚᱛᱚ ᱠᱷᱚᱱ ᱨᱮᱭᱟᱲ ᱜᱮᱭᱟ, ᱚᱠᱟ ᱨᱮ ᱫᱚ ᱓° ᱥᱮᱞᱥᱤᱭᱚᱥ (᱓᱗° ᱯᱷ) ᱫᱷᱟᱹᱨᱤᱡ ᱡᱟᱹᱯᱩᱫ ᱦᱩᱭ ᱫᱟᱲᱮᱭᱟᱜᱼᱟ ᱾ ᱡᱚᱛᱚ ᱠᱷᱚᱱ ᱞᱚᱞᱚ ᱪᱟᱸᱫᱚ ᱫᱚ ᱢᱮ ᱠᱷᱚᱱ ᱡᱩᱞᱟᱭ ᱫᱷᱟᱹᱨᱤᱡ, ᱡᱚᱠᱷᱚᱱ ᱞᱚᱞᱚᱥᱚᱝ ᱔᱕° ᱥᱮᱞᱥᱤᱭᱚᱥ (᱑᱑᱓° ᱯᱷᱚᱨᱮᱱᱪᱤᱴ) ᱫᱷᱟᱹᱨᱤᱡ ᱥᱮᱴᱮᱨᱚᱜᱼᱟ ᱾ ᱥᱚᱦᱚᱨ ᱨᱮ ᱥᱮᱨᱢᱟᱠᱤᱭᱟᱹ ᱮᱵᱷᱚᱨᱮᱡᱽ ᱡᱟᱹᱯᱩᱫ ᱫᱚ ᱕᱑᱕ ᱢᱤᱞᱤᱢᱤᱴᱚᱨ (᱒᱐.᱓ ᱤᱸᱪ) ᱢᱮᱱᱟᱜᱼᱟ ᱾^[᱒]

ᱱᱟᱜᱟᱢ

ᱳᱠᱟᱨᱟ ᱫᱚ ᱢᱤᱫ ᱱᱟᱶᱟ ᱪᱟᱥ ᱥᱚᱦᱚᱨ ᱠᱟᱱᱟ ᱾ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ ᱳᱠᱟᱱ ᱨᱮᱱᱟᱜ ᱢᱤᱫ ᱵᱤᱨ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱥᱚᱦᱚᱨ ᱫᱚ ᱫᱚᱦᱚ ᱞᱮᱱᱟ ᱛᱟᱦᱮᱸᱫ ᱟᱨ ᱱᱚᱣᱟ ᱠᱷᱚᱱ ᱜᱮ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱦᱮᱡ ᱞᱮᱱᱟ ᱛᱟᱦᱮᱸᱫ ᱾^[᱒] ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ ᱱᱚᱣᱟ ᱴᱚᱴᱷᱟ ᱫᱚ ᱢᱚᱱᱴᱜᱳᱢᱟᱨᱤ ᱦᱚᱱᱚᱛ ᱨᱮᱱᱟᱜ ᱢᱤᱫ ᱴᱷᱟᱶ ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱨᱮ ᱢᱤᱫ ᱢᱟᱨᱟᱝ ᱥᱚᱞᱴᱯᱤᱴᱚᱨ ᱨᱤᱯᱟᱭᱤᱱᱟᱨᱤ ᱛᱟᱦᱮᱸ ᱠᱟᱱᱟ ᱾^[᱘] ᱳᱠᱟᱨᱟ ᱨᱮ ᱟᱭᱢᱟ ᱴᱟᱠᱟ ᱠᱚ ᱧᱟᱢᱚᱜᱼᱟ ᱾ ᱢᱩᱥᱞᱤᱢ ᱦᱚᱲ ᱫᱚ ᱢᱩᱥᱞᱤᱢ ᱞᱤᱜᱽ ᱟᱨ ᱯᱟᱠᱤᱥᱛᱟᱱ ᱚᱢᱵᱟᱱᱴᱚᱱ ᱠᱚ ᱥᱚᱫᱚᱨ ᱠᱮᱫᱟ ᱾ ᱑᱙᱔᱗ ᱥᱟᱞ ᱨᱮ ᱯᱟᱠᱤᱥᱛᱟᱱ ᱯᱷᱩᱨᱜᱟᱹᱞ ᱛᱟᱭᱚᱢ ᱢᱩᱥᱞᱤᱢ ᱠᱚ ᱳᱠᱟᱨᱟ ᱦᱚᱱᱚᱛ ᱨᱮ ᱠᱚ ᱵᱟᱥᱟ ᱞᱮᱱᱟ ᱾ ᱑᱙᱘᱒ ᱥᱮᱨᱢᱟ ᱨᱮ ᱥᱚᱦᱚᱨ ᱫᱚ ᱱᱟᱣᱟ ᱛᱮᱭᱟᱨ ᱟᱠᱟᱱ ᱳᱠᱟᱨᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱵᱮᱱᱟᱣ ᱮᱱᱟ ᱾ ᱳᱠᱟᱨᱟ ᱨᱮ ᱑᱘᱙᱒ ᱠᱷᱚᱱ ᱨᱮᱞᱣᱮ ᱞᱟᱭᱤᱱ ᱢᱮᱱᱟᱜᱼᱟ ᱾

ᱳᱠᱟᱨᱟ ᱫᱚ ᱟᱡᱟᱜ ᱰᱟᱸᱜᱽᱨᱟ ᱡᱟᱹᱛ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟ ᱡᱟᱦᱟᱸ ᱫᱚ ᱥᱟᱦᱤᱣᱟᱞ ᱟᱨ ᱫᱟᱜ ᱠᱟᱰᱟ ᱡᱟᱹᱛ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟ ᱡᱟᱦᱟᱸ ᱫᱚ ᱱᱤᱞᱤᱨᱵᱤ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱱᱚᱣᱟ ᱫᱚ ᱡᱤᱵᱽ ᱡᱤᱭᱟᱹᱞᱤ ᱠᱚᱣᱟᱜ ᱦᱚᱲᱢᱚ ᱟᱨ ᱯᱨᱚᱰᱚᱠᱥᱚᱱ ᱨᱮ ᱟᱹᱰᱤ ᱠᱤᱥᱟᱹᱬ ᱜᱮᱭᱟ ᱾ ᱡᱤᱵᱽ ᱡᱤᱭᱟᱹᱞᱤ ᱯᱨᱚᱰᱚᱠᱥᱚᱱ ᱨᱤᱥᱟᱨᱪ ᱤᱱᱥᱴᱤᱴᱭᱩᱴ ᱵᱟᱦᱟᱫᱩᱨ ᱱᱚᱜᱚᱨ ᱯᱷᱚᱨᱢ ᱫᱚ ᱢᱤᱫᱴᱟᱹᱝ ᱟᱹᱰᱤ ᱢᱟᱨᱟᱝ ᱥᱚᱨᱠᱟᱨᱤ ᱯᱷᱚᱨᱢ ᱠᱟᱱᱟ ᱾ ᱯᱷᱚᱨᱢ ᱨᱮ ᱟᱭᱢᱟ ᱜᱟᱱ ᱜᱟᱹᱭ, ᱠᱟᱰᱟ, ᱰᱟᱸᱜᱽᱨᱟ (ᱯᱨᱚᱰᱚᱠᱥᱚᱱ ᱞᱟᱹᱜᱤᱫ), ᱢᱮᱨᱚᱢ ᱟᱨ ᱵᱷᱤᱰᱤ ᱢᱮᱱᱟᱜ ᱠᱚᱣᱟ ᱾

ᱥᱟᱥᱚᱱ ᱪᱟᱪᱞᱟᱣ

ᱳᱠᱟᱨᱟ ᱥᱚᱦᱚᱨ ᱫᱚ ᱦᱚᱱᱚᱛ ᱟᱨ ᱛᱚᱦᱥᱤᱞ ᱨᱟᱡᱽᱜᱟᱲ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟ ᱟᱨ ᱱᱚᱣᱟ ᱫᱚ ᱥᱟᱥᱚᱱ ᱪᱟᱪᱞᱟᱣ ᱞᱮᱠᱟᱛᱮ ᱑᱐ ᱜᱚᱴᱟᱝ ᱭᱩᱱᱤᱭᱚᱱ ᱠᱚᱣᱩᱱᱥᱤᱞ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾^[᱕]

ᱰᱮᱢᱚᱜᱨᱟᱯᱷᱤ

ᱦᱚᱲ ᱮᱞ

ᱦᱚᱲ ᱮᱞ ᱴᱨᱮᱱᱰ ᱠᱚ
᱑᱙᱘᱑	᱑᱙᱙᱘	᱒᱐᱐᱖
᱑᱒᱗.᱔᱕᱕^[᱙]	᱒᱐᱐.᱙᱐᱑	᱒᱒᱖.᱓᱒᱖

ᱯᱟᱹᱨᱥᱤ ᱠᱚ

ᱳᱠᱟᱨᱟ ᱨᱮ ᱯᱟᱧᱡᱟᱵᱤ ᱫᱚ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱨᱚᱲᱚᱜᱚᱜ ᱠᱟᱱ ᱯᱟᱹᱨᱥᱤ ᱠᱟᱱᱟ ᱾ ᱙᱕% ᱦᱚᱲ ᱱᱚᱣᱟ ᱫᱚ ᱟᱠᱚᱣᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱨᱚᱲᱼᱟ ᱾ ᱴᱚᱴᱷᱟ ᱨᱤᱱ ᱢᱩᱬ ᱯᱟᱧᱡᱟᱵᱤ ᱨᱚᱲᱚᱜᱚᱜ ᱢᱟᱡᱷᱤ ᱟᱨ ᱡᱷᱟᱝᱜᱽᱵᱤ ᱠᱟᱱᱟ ᱠᱚ ᱾

ᱫᱷᱚᱨᱚᱢ

ᱳᱠᱟᱨᱟ ᱨᱮ ᱤᱥᱞᱟᱢ ᱫᱚ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱠᱚ ᱯᱟᱧᱡᱟᱭᱮᱫ ᱫᱷᱚᱨᱚᱢ ᱠᱟᱱᱟ ᱾

ᱥᱟᱹᱠᱷᱭᱟᱹᱛ

↑ "Punjab CM appoints juniors as DCs in 22 districts". Pakistan Observer (newspaper). 6 January 2022. Retrieved 8 January 2022.
1 2 3 4 Okara on Punjab Portal, Government of Punjab website Archived ᱒᱐᱒᱒-᱐᱙-᱒᱖ at the Wayback Machine. Retrieved 11 April 2021
↑ City population of Okara listed Retrieved 11 April 2021
↑ "Okara District UC List, MNA MPA Seats". January 26, 2017.
1 2 "Tehsils & Unions in the District of Okara". Government of Pakistan website. 27 November 2011. Archived from the original on 9 February 2012. Retrieved 11 April 2021.
↑ (Ikram Junaidi) Okara farms dispute nearing 'amicable solution' Dawn (newspaper), Published 14 February 2017, Retrieved 11 April 2021
↑ "Pakistan City & Town Population List". Tageo.com website. Retrieved 11 April 2021.
↑ "Punjab - Imperial Gazetteer of India, v. 20, p. 312". Archived from the original on 2024-07-07. Retrieved 2024-11-27.
↑ "PAKISTAN". citypopulation.de.

ᱵᱟᱦᱨᱮ ᱡᱚᱱᱚᱲ

[1] "Punjab CM appoints juniors as DCs in 22 districts". Pakistan Observer (newspaper). 6 January 2022. Retrieved 8 January 2022.

[okara2-2] 1 2 3 4 Okara on Punjab Portal, Government of Punjab website Archived ᱒᱐᱒᱒-᱐᱙-᱒᱖ at the Wayback Machine. Retrieved 11 April 2021

[3] City population of Okara listed Retrieved 11 April 2021

[4] "Okara District UC List, MNA MPA Seats". January 26, 2017.

[NRB-5] 1 2 "Tehsils & Unions in the District of Okara". Government of Pakistan website. 27 November 2011. Archived from the original on 9 February 2012. Retrieved 11 April 2021.

[6] (Ikram Junaidi) Okara farms dispute nearing 'amicable solution' Dawn (newspaper), Published 14 February 2017, Retrieved 11 April 2021

[Population_city-7] "Pakistan City & Town Population List". Tageo.com website. Retrieved 11 April 2021.

[8] "Punjab - Imperial Gazetteer of India, v. 20, p. 312". Archived from the original on 2024-07-07. Retrieved 2024-11-27.

[9] "PAKISTAN". citypopulation.de.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]