Jump to content

ᱵᱚᱨᱟᱠᱚᱨ ᱜᱟᱰᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱵᱚᱨᱟᱠᱚᱨ ᱜᱟᱰᱟ
ᱡᱷᱟᱨᱠᱷᱚᱸᱰ ᱨᱮᱭᱟᱜ ᱦᱟᱡᱟᱨᱤᱵᱟᱜᱽ ᱨᱮᱭᱟᱜ ᱵᱟᱨᱟᱱᱳ ᱨᱮ ᱵᱚᱨᱟᱠᱚᱨ ᱜᱟᱰᱟ
ᱫᱤᱥᱚᱢᱥᱤᱧᱚᱛ
ᱯᱚᱱᱚᱛᱡᱷᱟᱨᱠᱷᱚᱸᱰ, ᱯᱚᱪᱷᱤᱢ ᱵᱟᱝᱞᱟ
Physical characteristics
Main sourceᱯᱟᱫᱽᱢᱟ, ᱦᱚᱡᱟᱨᱤᱵᱟᱜᱽ
ᱦᱚᱡᱟᱨᱤᱵᱟᱜᱽ ᱦᱚᱱᱚᱛ, ᱪᱷᱳᱴᱟᱱᱟᱜᱽᱯᱩᱨ ᱯᱞᱮᱴᱚ, ᱡᱷᱟᱨᱠᱷᱚᱸᱰ
ᱡᱤᱞᱤᱧ225 km (140 mi) units?
Basin features
Tributaries

ᱵᱚᱨᱟᱠᱚᱨ ᱜᱟᱰᱟ ᱫᱚ ᱥᱟᱢᱟᱝ ᱥᱤᱧᱚᱛ ᱨᱮ ᱢᱮᱱᱟᱜ ᱫᱟᱢᱚᱫᱚᱨ ᱜᱟᱰᱟ ᱨᱮᱱᱟᱜ ᱢᱩᱬ ᱪᱟᱸᱜᱟ ᱱᱟᱹᱭ ᱠᱟᱱᱟ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱚᱡᱟᱨᱤᱵᱟᱜᱽ ᱦᱚᱱᱚᱛ ᱨᱮᱱᱟᱜ ᱯᱚᱫᱽᱢᱟ ᱥᱩᱨ ᱨᱮ ᱮᱛᱚᱦᱚᱵ ᱠᱟᱛᱮ ᱱᱚᱣᱟ ᱪᱳᱴᱟ ᱱᱟᱜᱽᱯᱩᱨ ᱯᱞᱮᱴᱚ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱛᱮ ᱒᱒᱕ ᱠᱤᱞᱚᱢᱤᱴᱚᱨ (᱑᱔᱐ ᱢᱤᱞ) ᱫᱷᱟᱹᱵᱤᱡ ᱞᱤᱸᱜᱤᱱ ᱟᱠᱟᱱᱟ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱱᱟᱜ ᱟᱥᱟᱱᱥᱳᱞ ᱨᱮᱭᱟᱜ ᱫᱤᱥᱮᱨᱜᱚᱲ ᱥᱩᱨ ᱫᱟᱢᱚᱫᱚᱨ ᱨᱮ ᱥᱮᱞᱮᱫ ᱢᱟᱲᱟᱝ, ᱵᱟᱹᱲᱛᱤ ᱠᱟᱛᱮᱜ ᱯᱟᱪᱮ ᱠᱷᱚᱱ ᱥᱟᱢᱟᱝ ᱥᱮᱦᱮᱫ ᱨᱮ ᱞᱤᱸᱜᱤᱱ ᱟᱠᱟᱱᱟ᱾ ᱱᱚᱶᱟ ᱜᱟᱰᱟ ᱨᱮᱭᱟᱜ ᱫᱟᱜ ᱟᱸᱜᱚᱪ ᱴᱷᱟᱶ ᱫᱚ ᱖,᱑᱕᱙ ᱪᱟᱹᱣᱠᱟᱹ ᱠᱤᱞᱚᱢᱤᱴᱚᱨ (᱒,᱓᱗᱘ ᱪᱟᱹᱣᱠᱟᱹ ᱢᱤᱞ) ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ᱾ ᱵᱟᱨᱥᱳᱴᱤ ᱟᱨ ᱩᱥᱨᱤ ᱧᱩᱛᱩᱢᱟᱱ ᱢᱩᱬ ᱪᱟᱸᱜᱟ ᱜᱟᱰᱟ ᱫᱚ ᱮᱛᱚᱢ ᱟᱨ ᱠᱚᱧᱮ ᱠᱷᱚᱱ ᱥᱮᱱᱚᱜᱼᱟ᱾ ᱵᱟᱨᱭᱟ ᱢᱩᱬ ᱜᱟᱰᱟ ᱵᱮᱜᱚᱨ ᱑᱕ ᱜᱚᱴᱟᱝ ᱛᱟᱞᱢᱟ ᱟᱨᱵᱟᱝ ᱦᱩᱰᱤᱝ ᱪᱟᱸᱜᱟ ᱜᱟᱰᱟ ᱱᱚᱰᱮ ᱥᱮᱞᱮᱫᱚᱜᱼᱟ᱾[᱑]

ᱵᱟᱨᱟᱠᱟᱨ ᱫᱚ ᱯᱟᱨᱟᱥᱱᱟᱛᱷ ᱦᱤᱞᱥ ᱨᱮᱱᱟᱜ ᱮᱛᱚᱢ ᱥᱮᱦᱮᱫ, ᱫᱚᱨᱭᱟ ᱞᱟᱛᱟᱨ ᱠᱷᱚᱱ ᱑,᱓᱕᱐ ᱢᱤᱴᱚᱨ (᱔,᱔᱓᱐ ᱯᱷᱩᱴ) ᱪᱮᱛᱟᱱ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱴᱚᱴᱷᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱦᱤᱞ ᱠᱟᱱᱟ, ᱡᱷᱟᱨᱠᱷᱚᱸᱰ ᱨᱮᱱᱟᱜ ᱜᱤᱨᱤᱰᱤᱦ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱟᱨ ᱡᱚᱭᱱ ᱫᱩᱲᱩᱵ ᱨᱮᱱᱟᱜ ᱛᱟᱞᱢᱟ ᱠᱟᱱᱟ᱾

ᱱᱚᱣᱟ ᱜᱟᱰᱟ ᱨᱮᱭᱟᱜ ᱫᱟᱜ ᱟᱸᱜᱚᱪ ᱴᱚᱴᱷᱟ ᱨᱮᱭᱟᱜ ᱮᱛᱚᱢ ᱥᱤᱢᱟᱹ ᱫᱚ ᱢᱟᱨᱟᱝ ᱵᱩᱨᱩ ᱦᱟᱹᱵᱤᱫ ᱯᱟᱥᱱᱟᱣ ᱢᱮᱱᱟᱜᱼᱟ᱾

ᱰᱩᱵᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱪᱮ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱭᱟᱜ ᱟᱥᱟᱱᱥᱳᱞ, ᱵᱚᱨᱟᱠᱚᱨ ᱴᱷᱮᱱ ᱵᱚᱨᱟᱠᱚᱨ ᱜᱟᱰᱟ

ᱱᱚᱶᱟ ᱜᱟᱰᱟ ᱫᱚ ᱫᱟᱜᱼᱡᱟᱹᱲᱤ ᱚᱠᱛᱚ ᱨᱮ ᱟᱹᱰᱤ ᱵᱟᱹᱲᱤᱡ ᱜᱮ ᱯᱮᱨᱮᱡᱚᱜ ᱛᱮ ᱵᱩᱰᱟᱹᱜᱼᱟ ᱟᱨ ᱱᱚᱶᱟ ᱜᱟᱰᱟ ᱫᱚ ᱜᱨᱮᱱᱰ ᱴᱨᱟᱝ ᱰᱟᱦᱟᱨ ᱨᱮ ᱵᱮᱱᱟᱣ ᱟᱠᱟᱱ ᱵᱟᱨᱭᱟ ᱵᱨᱤᱡᱽ ᱮ ᱵᱚᱦᱮᱞ ᱤᱫᱤ ᱟᱠᱟᱫᱟ᱾ ᱦᱚᱡᱟᱨᱤᱵᱟᱜᱽ ᱦᱚᱱᱚᱛ ᱨᱮᱱᱟᱜ ᱵᱟᱨᱦᱤ ᱥᱩᱨ ᱨᱮ ᱢᱮᱱᱟᱜ ᱜᱟᱰᱟ ᱨᱮᱱᱟᱜ ᱢᱟᱨᱟᱝ ᱫᱷᱤᱨᱤ ᱥᱟᱠᱳ, ᱡᱟᱦᱟᱸ ᱫᱚ ᱑᱘᱔᱘ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ, ᱒᱔ ᱴᱟᱲᱟᱝ ᱚᱠᱛᱚ ᱨᱮ ᱒᱕᱐ ᱢᱤᱞᱤᱢᱤᱴᱚᱨ ᱫᱟᱜ ᱡᱟᱹᱲᱤ ᱛᱟᱭᱚᱢ ᱑᱙᱑᱓ ᱥᱟᱞᱮ ᱨᱮ ᱵᱚᱦᱮᱞ ᱨᱟᱹᱯᱩᱫ ᱞᱮᱱᱟ᱾ ᱱᱚᱶᱟ ᱵᱮᱱᱟᱣ ᱞᱟᱹᱜᱤᱫ ᱛᱮ ᱵᱮᱱᱟᱣ ᱞᱮᱱ ᱟᱨᱢᱤᱫ ᱢᱮᱲᱦᱮᱫ ᱥᱟᱠᱳ ᱫᱚ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱯᱷᱟᱹᱫᱽ ᱠᱚᱣᱟᱜ ᱦᱮᱡ ᱥᱮᱱ ᱮ ᱥᱟᱦᱟᱣ ᱫᱟᱲᱮ ᱞᱮᱫ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱑᱙᱔᱖ ᱨᱮ ᱟᱨ ᱢᱤᱫ ᱢᱟᱨᱟᱝ ᱰᱩᱵᱟᱹ ᱨᱮ ᱚᱱᱟ ᱫᱚ ᱵᱚᱦᱮᱞ ᱨᱟᱹᱯᱩᱫ ᱞᱮᱱᱟ᱾ ᱑᱙᱕᱐ ᱥᱮᱨᱢᱟ ᱨᱮ ᱵᱮᱱᱟᱣ ᱟᱠᱟᱱ ᱢᱤᱫ ᱱᱟᱣᱟ ᱥᱟᱠᱳ ᱫᱚ ᱜᱟᱰᱟ ᱨᱮᱱᱟᱜ ᱛᱟᱹᱯᱤᱥ ᱞᱤᱸᱜᱤᱱ ᱛᱮ ᱨᱟᱹᱯᱩᱫ ᱞᱮᱱᱟ᱾

ᱵᱚᱨᱟᱠᱚᱨ ᱯᱟᱦᱴᱟ ᱨᱮ ᱜᱨᱮᱱᱰ ᱴᱨᱟᱝ ᱰᱟᱦᱟᱨ ᱨᱮ ᱟᱨ ᱢᱤᱫᱴᱟᱝ ᱵᱨᱤᱡᱽ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱚᱨᱟᱠᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ᱾ ᱱᱚᱣᱟ ᱥᱟᱠᱳ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱱᱟᱜ ᱟᱥᱟᱱᱥᱳᱞ ᱥᱟᱶ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱪᱤᱨᱠᱩᱱᱫᱟ ᱮ ᱡᱚᱲᱟᱣ ᱮᱫ ᱠᱟᱱᱟ᱾ ᱠᱩᱭᱞᱟᱹ ᱵᱮᱞᱴ ᱨᱮᱱᱟᱜ ᱢᱩᱬ ᱴᱷᱟᱶ ᱨᱮ ᱟᱹᱰᱤ ᱜᱟᱱ ᱜᱟᱹᱰᱤ ᱱᱚᱣᱟ ᱥᱟᱠᱳ ᱛᱮ ᱪᱟᱞᱟᱜ ᱦᱤᱡᱩᱜ ᱠᱟᱱᱟ, ᱑᱙ ᱥᱟᱭ ᱥᱮᱨᱢᱟ ᱛᱟᱞᱟ ᱨᱮ ᱵᱮᱱᱟᱣ ᱟᱠᱟᱱ ᱵᱽᱨᱤᱡᱽ ᱫᱚ ᱵᱮᱱᱟᱣ ᱨᱩᱣᱟᱹᱲ ᱞᱟᱹᱠᱛᱤ ᱠᱟᱱᱟ᱾ ᱟᱥᱟᱱᱥᱳᱞ ᱨᱮᱱᱟᱜ ᱠᱟᱞᱤᱯᱟᱦᱟᱨᱤ ᱠᱷᱚᱱ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱ ᱱᱤᱨᱥᱟ ᱦᱟᱹᱵᱤᱡ ᱪᱟᱞᱟᱣ ᱟᱠᱟᱱ ᱵᱟᱭᱯᱚᱥ ᱨᱮ ᱠᱚᱧᱮ ᱯᱟᱦᱴᱟ ᱨᱮ ᱢᱤᱫᱴᱟᱝ ᱱᱟᱣᱟ ᱵᱨᱤᱡᱽ ᱵᱮᱱᱟᱣ ᱟᱠᱟᱱᱟ᱾

ᱰᱮᱢ ᱟᱨ ᱵᱤᱡᱽᱞᱤ ᱵᱮᱱᱟᱣ ᱛᱟᱞᱢᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱤᱞᱟᱭᱭᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱤ.ᱵᱷᱤ.ᱥᱤ ᱨᱮᱱᱟᱜ ᱯᱩᱭᱞᱩ ᱰᱮᱢ, ᱛᱤᱞᱟᱭᱭᱟ ᱰᱮᱢ, ᱫᱚ ᱵᱚᱨᱟᱠᱚᱨ ᱯᱟᱦᱴᱟ ᱨᱮ ᱛᱤᱞᱟᱭᱟ ᱨᱮ ᱛᱟᱦᱮᱸ ᱠᱟᱱᱟ, ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱟᱡᱟᱨᱤᱵᱟᱜᱽ ᱦᱚᱱᱚᱛ, ᱱᱤᱛᱚᱜ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱠᱚᱰᱮᱨᱢᱟ ᱦᱚᱱᱚᱛ ᱨᱮ᱾ ᱱᱚᱶᱟ ᱫᱚ ᱒᱑ ᱯᱷᱮᱵᱽᱨᱩᱣᱟᱨᱤ ᱑᱙᱕᱓ ᱥᱟᱞᱮ ᱨᱮ ᱛᱷᱟᱯᱚᱱ ᱞᱮᱱᱟ᱾ ᱰᱮᱢ ᱫᱚ ᱓᱖᱖ ᱢᱤᱴᱚᱨ (᱑,᱑᱑᱑ ᱯᱷᱩᱴ) ᱡᱤᱞᱤᱧ ᱟᱨ ᱜᱟᱰᱟ ᱚᱛ ᱠᱷᱚᱱ ᱓᱐.᱑᱘ ᱢᱤᱴᱚᱨ (᱙᱙.᱐ ᱯᱷᱩᱴ) ᱩᱥᱩᱞ ᱠᱟᱱᱟ᱾ ᱛᱤᱞᱟᱭᱟ ᱦᱟᱭᱰᱮᱞ ᱯᱟᱣᱟᱨ ᱥᱴᱮᱥᱚᱱ ᱫᱚ ᱵᱚᱨᱟᱠᱚᱨ ᱫᱷᱟᱨᱮ ᱨᱮᱭᱟᱜ ᱵᱟᱡᱟᱨ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱯᱩᱨᱟᱹ ᱯᱩᱨᱤ ᱠᱚᱝᱠᱨᱤᱴ ᱛᱮ ᱵᱮᱱᱟᱣ ᱟᱠᱟᱱᱟ᱾ ᱱᱚᱸᱰᱮ ᱫᱚ ᱒ ᱢᱮᱜᱟᱣᱟᱴ ᱠᱟᱛᱮ ᱵᱟᱨᱭᱟ ᱵᱤᱡᱽᱞᱤ ᱵᱮᱱᱟᱣ ᱫᱟᱲᱮ ᱛᱟᱞᱢᱟ ᱢᱮᱱᱟᱜᱼᱟ ᱟᱨᱦᱚᱸ ᱟᱜᱟᱢ ᱨᱮ ᱢᱤᱫᱴᱟᱝ ᱵᱮᱱᱟᱣ ᱨᱮᱭᱟᱜ ᱴᱷᱟᱶ ᱦᱚᱸ ᱫᱚᱦᱚ ᱟᱠᱟᱱᱟ᱾[᱒]

ᱢᱟᱭᱛᱷᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱤ.ᱵᱷᱤ.ᱥᱤ. ᱨᱮᱱᱟᱜ ᱫᱚᱥᱟᱨ ᱰᱮᱢ ᱫᱚ ᱦᱚᱡᱟᱨᱤᱵᱟᱜᱽ ᱦᱚᱱᱚᱛ ᱨᱮ ᱫᱟᱢᱲᱫᱚᱨ ᱫᱷᱟᱨᱮ ᱠᱳᱱᱟᱨ ᱫᱷᱟᱨᱮ ᱟᱨ ᱛᱮᱥᱟᱨ ᱰᱮᱢ ᱫᱚ ᱵᱤᱦᱟᱨ (ᱱᱤᱛ ᱡᱷᱟᱨᱠᱷᱚᱸᱰ) ᱨᱮᱱᱟᱜ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱢᱟᱭᱛᱷᱚᱱ ᱨᱮᱭᱟᱜ ᱵᱚᱨᱟᱠᱚᱨ ᱫᱷᱟᱨᱮ ᱨᱮ ᱛᱟᱦᱮᱸ ᱢᱮᱱᱟᱜᱼᱟ᱾ ᱱᱚᱶᱟ ᱰᱮᱢ ᱫᱚ ᱯᱚᱪᱷᱤᱢ ᱵᱟᱝᱞᱟ ᱟᱨ ᱡᱷᱟᱨᱠᱷᱚᱸᱰ ᱛᱟᱞᱟᱨᱮ ᱢᱮᱱᱟᱜ ᱥᱤᱢᱟᱹ ᱥᱤᱢᱟᱹ ᱠᱟᱱᱟ ᱾ ᱰᱮᱢ ᱫᱚ ᱒᱗ ᱥᱮᱯᱴᱮᱢᱵᱚᱨ ᱑᱙᱕᱗ ᱥᱟᱞᱮ ᱨᱮ ᱛᱷᱟᱯᱚᱱ ᱞᱮᱱᱟ ᱾ ᱰᱮᱢ (ᱵᱤᱴᱚᱱ ᱟᱨ ᱫᱷᱟᱹᱨᱛᱤ ᱵᱟᱱᱟᱨ) ᱫᱚ ᱔,᱘᱖᱐ ᱢᱤᱴᱚᱨ (᱑᱕,᱙᱔᱐ ᱯᱷᱩᱴ) ᱡᱤᱞᱤᱧ ᱟᱨ ᱵᱤᱴᱚᱱ ᱰᱮᱢ ᱫᱚ ᱫᱟᱨᱮ ᱠᱷᱚᱱ ᱔᱓.᱘᱙ ᱢᱤᱴᱚᱨ (᱑᱔᱔.᱐ ᱯᱷᱩᱴ) ᱡᱤᱞᱤᱧ ᱢᱮᱱᱟᱜᱼᱟ ᱾ ᱢᱟᱭᱛᱷᱚᱱ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱪᱮᱛᱟᱱ ᱫᱚ ᱦᱟᱭᱰᱮᱞ ᱯᱚᱣᱟᱨ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱫᱚ ᱫᱟᱨᱮ ᱨᱮᱱᱟᱜ ᱵᱟᱧᱪᱟᱣ ᱫᱷᱟᱨᱮ (ᱯᱚᱪᱷᱤᱢ ᱵᱟᱝᱞᱟ ᱯᱟᱦᱴᱟ) ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱯᱚᱣᱟᱨ ᱥᱴᱮᱥᱚᱱ ᱠᱟᱱᱟ ᱾

ᱦᱟᱹᱠᱩ ᱥᱟᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱤᱞᱟᱭᱭᱟ ᱟᱨ ᱢᱟᱭᱛᱷᱚᱱ ᱰᱮᱢ ᱠᱷᱚᱱ ᱦᱟᱹᱠᱩ ᱥᱟᱵ ᱨᱮᱭᱟᱜ ᱥᱩᱡᱳᱜᱽ ᱧᱟᱢ ᱟᱠᱟᱱᱟ᱾[᱓]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Chattopadhyay, Akkori, Bardhaman Jelar Itihas O Lok Sanskriti (History and Folk lore of Bardhaman District.), Lua error in ᱢᱳᱰᱩᱞ:In_lang at line 40: attempt to call local 'name_from_tag' (a nil value)., Vol I, p 26, Radical Impression. ISBN 81-85459-36-3
  2. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named DVC
  3. "Fisheries". Archived from the original on 29 January 2007. Retrieved 2007-02-14.