Jump to content

ᱵᱟᱵᱩᱨᱟᱢ ᱵᱮᱧᱡᱟᱢᱤᱱ ᱥᱚᱨᱮᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱵᱟᱵᱩᱨᱟᱢ ᱵᱮᱧᱡᱟᱢᱤᱱ ᱥᱚᱨᱮᱱ
Baburam Benjamin Saren
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱑᱘᱖᱔
ᱰᱩᱢᱩᱨᱤᱭᱟᱹ, ᱦᱟᱡᱟᱨᱤᱵᱟᱜᱽ
ᱜᱩᱨ᱑᱙᱓᱐
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟᱹ
ᱧᱩᱢᱱᱟᱢᱚᱱᱚᱞᱤᱭᱟᱹ
ᱧᱩᱢᱦᱟᱞᱟᱝ ᱠᱟᱹᱢᱤ"ᱵᱩᱫᱽᱜᱟᱹᱨᱤᱭᱟᱹ", "ᱫᱤᱞᱜᱟᱹᱨᱤᱭᱟᱹ"

ᱵᱟᱵᱩᱨᱟᱢ ᱵᱮᱧᱡᱟᱢᱤᱱ ᱥᱚᱨᱮᱱ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱢᱤᱥᱚᱱᱟᱨᱤ ᱡᱩᱜᱽ ᱨᱮᱱ ᱢᱤᱫ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱱᱩᱭ ᱫᱚ ᱵᱤ.ᱵᱤ.ᱥᱚᱨᱮᱱ ᱧᱩᱛᱩᱢ ᱛᱮᱜᱮ ᱡᱟᱹᱥᱛᱤᱭ ᱵᱟᱲᱟᱭᱚᱜᱼᱟ᱾ ᱑᱘᱖᱔ ᱥᱮᱨᱢᱟ ᱨᱮ ᱦᱟᱡᱟᱨᱤᱵᱟᱜᱽ ᱨᱮᱭᱟᱜ ᱰᱩᱢᱩᱨᱤᱭᱟᱹ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾[᱑]

ᱮᱴᱟᱜ ᱠᱟᱹᱢᱤ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱵᱟᱵᱩᱨᱟᱢ ᱵᱮᱧᱡᱟᱢᱤᱱ ᱥᱚᱨᱮᱱ ᱫᱚ ᱢᱤᱥᱚᱱᱟᱨᱤ ᱠᱮᱢᱯᱮᱵᱮᱞ ᱥᱟᱦᱮᱵᱽ ᱥᱟᱶ ᱟᱛᱳ ᱟᱛᱳ ᱫᱟᱬᱟ ᱠᱟᱛᱮ ᱥᱟᱱᱛᱟᱲᱤ ᱥᱮᱨᱮᱧ, ᱚᱱᱚᱬᱦᱮᱸ ᱮᱢᱟᱱ ᱠᱚ ᱛᱩᱢᱟᱹᱞᱮᱫ ᱛᱟᱦᱮᱱᱟ᱾

ᱥᱟᱶᱦᱮᱫ ᱪᱟᱨᱪᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤ.ᱵᱤ.ᱥᱚᱨᱮᱱ ᱟᱜ ᱚᱞ ᱠᱚ ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ ᱟᱨ ᱯᱮᱲᱟᱦᱚᱲ ᱞᱮᱠᱟᱱ ᱯᱟᱛᱷᱟᱢ ᱨᱮ ᱞᱮᱛᱟᱲ ᱜᱮ ᱪᱷᱟᱯᱟᱜ ᱠᱟᱱ ᱛᱟᱦᱮᱸᱱᱟ᱾ ᱟᱡᱟᱜ ᱚᱞᱟᱜ ᱥᱮᱨᱮᱧ ᱠᱚ ᱯᱳᱠᱷᱩᱨᱤᱭᱟ ᱥᱮᱨᱮᱧ ᱯᱩᱛᱷᱤ ᱨᱮ ᱴᱷᱟᱶ ᱮ ᱧᱟᱢ ᱟᱠᱟᱫᱟ᱾

ᱤᱥᱟᱹᱭ ᱢᱤᱥᱚᱱ ᱦᱚᱛᱮᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱯᱩᱱ ᱪᱟᱱᱟᱪ ᱦᱟᱹᱵᱤᱫ ᱚᱞᱚᱜ ᱯᱟᱲᱦᱟᱜ ᱨᱮᱭᱟᱜ ᱵᱮᱵᱚᱥᱛᱷᱟ ᱦᱩᱭᱮᱱ ᱠᱷᱟᱱ ᱚᱱᱟ ᱞᱟᱹᱜᱤᱫ ᱵᱮᱧᱡᱟᱢᱤᱱ ᱥᱚᱨᱮᱱ ᱫᱚ ᱵᱩᱫᱽᱜᱟᱹᱨᱤᱭᱟᱹ ᱟᱨ ᱫᱤᱞᱜᱟᱹᱨᱤᱭᱟᱹ ᱧᱩᱛᱩᱢ ᱛᱮ ᱵᱟᱨᱭᱟ ᱯᱩᱛᱷᱤᱭ ᱚᱞ ᱟᱠᱟᱫᱟ᱾ ᱟᱡᱟᱜ ᱮᱴᱟᱜ ᱯᱩᱛᱷᱤ ᱠᱚᱫᱚ ᱦᱩᱭᱩᱜ ᱠᱟᱱᱟ -

  1. ᱢᱟᱨᱥᱟᱞ ᱨᱟᱠᱟᱵ ᱯᱩᱛᱷᱤ
  2. ᱢᱟᱨᱥᱟᱞ ᱫᱤᱥᱚᱢ
  3. ᱵᱷᱟᱜᱮ ᱱᱚᱢᱩᱱᱟ
  4. ᱱᱟᱣᱟ ᱫᱤᱱ

ᱵᱚᱸᱜᱟ ᱛᱟᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱓᱐ ᱥᱮᱨᱢᱟ ᱨᱮ ᱵᱟᱵᱩᱨᱟᱢ ᱵᱮᱧᱡᱟᱢᱤᱱ ᱥᱚᱨᱮᱱ ᱮ ᱜᱩᱨ ᱞᱮᱱᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ). ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. pp. ᱑᱒᱓. {{cite book}}: |access-date= requires |url= (help)