ᱯᱮᱲᱟᱦᱚᱲ
 | ᱱᱚᱣᱟ ᱥᱟᱛᱟᱢ ᱣᱤᱠᱤ ᱞᱚᱵᱽᱥ ᱞᱤᱴᱮᱨᱮᱪᱚᱨ ᱒᱐᱒᱒ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ । |  |
| ᱥᱟᱼᱥᱟᱯᱲᱟᱣᱤᱡ |
|
|---|---|
| ᱛᱷᱚᱠ | ᱥᱟᱶᱦᱮᱫ ᱟᱨ ᱫᱷᱚᱨᱚᱢ |
| ᱯᱟᱨᱥᱟᱞ ᱚᱠᱛᱚ | ᱯᱩᱭᱞᱩ ᱨᱮ ᱮᱢᱟᱦᱟᱸᱠᱤᱭᱟᱹ, ᱛᱟᱭᱚᱢ ᱛᱮ ᱟᱫᱷᱟ ᱪᱟᱸᱫᱚᱠᱤᱭᱟᱹ |
| ᱛᱷᱟᱯᱚᱱᱤᱡ | ᱨᱮᱵᱷᱟᱨᱮᱱᱴ ᱡᱮ. ᱜᱚᱥᱰᱚᱞ |
| ᱯᱩᱭᱞᱩ ᱩᱪᱷᱟᱹᱱ | ᱑᱙᱒᱒ |
| ᱫᱤᱥᱚᱢ | ᱥᱤᱧᱚᱛ |
| ᱴᱷᱟᱶ | ᱵᱮᱱᱟᱜᱟᱹᱲᱤᱭᱟᱹ ᱢᱤᱥᱚᱱ ᱯᱨᱮᱥ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
ᱯᱮᱲᱟᱦᱚᱲ ᱫᱚ ᱑᱙᱒᱒ ᱥᱮᱨᱢᱟ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ ᱢᱤᱫ ᱥᱟᱶᱦᱮᱫ ᱟᱨ ᱫᱷᱚᱨᱚᱢ ᱯᱟᱛᱷᱟᱢ ᱠᱟᱱᱟ᱾ ᱱᱚᱣᱟ ᱯᱟᱛᱷᱟᱢ ᱫᱚ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱵᱮᱱᱟᱜᱟᱲᱤᱭᱟᱹ ᱢᱤᱥᱚᱱ ᱯᱨᱮᱥ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱱᱟ᱾ ᱮᱛᱚᱦᱚᱵ ᱨᱮ ᱱᱚᱣᱟ ᱢᱤᱫ ᱮᱢᱟᱦᱟᱸᱠᱤᱭᱟᱹ ᱯᱟᱛᱷᱟᱢ ᱞᱮᱠᱟᱛᱮ ᱪᱷᱟᱯᱟᱜ ᱠᱟᱱ ᱛᱟᱦᱮᱱᱟ, ᱛᱟᱭᱚᱢ ᱛᱮ ᱱᱚᱣᱟ ᱫᱚ ᱢᱤᱫ ᱟᱫᱷᱟ ᱪᱟᱸᱫᱚᱠᱤᱭᱟᱹ ᱯᱟᱛᱷᱟᱢ ᱞᱮᱠᱟᱛᱮ ᱪᱷᱟᱯᱟᱜ ᱮᱦᱚᱵ ᱞᱮᱱᱟ᱾
ᱟᱭᱢᱟ ᱦᱚᱲ ᱠᱚ ᱢᱮᱱᱟ, ᱯᱤ.ᱳ. ᱵᱚᱰᱤᱝ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱸᱫ ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ ᱑᱙᱐᱔ ᱥᱮᱨᱢᱟ ᱨᱮ ᱦᱟᱹᱯᱤᱫ ᱮᱱ ᱛᱟᱭᱚᱢ, ᱚᱱᱟ ᱜᱮ ᱑᱙᱒᱒ ᱥᱮᱨᱢᱟ ᱨᱮ ᱯᱮᱲᱟᱦᱚᱲ ᱧᱩᱛᱩᱢ ᱛᱮ ᱪᱷᱟᱯᱟ ᱮᱦᱚᱵ ᱞᱮᱱᱟ᱾ ᱛᱚᱵᱮ ᱟᱭᱢᱟ ᱦᱚᱲ ᱜᱮᱠᱚ ᱢᱮᱱᱮᱭᱟ, ᱱᱚᱣᱟ ᱫᱚ ᱢᱤᱫ ᱵᱷᱮᱜᱟᱨ ᱯᱟᱛᱷᱟᱢ ᱠᱟᱱᱟ, ᱱᱚᱣᱟ ᱥᱟᱶ ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ ᱟᱜ ᱪᱮᱫ ᱥᱟᱹᱜᱟᱹᱭ ᱜᱮ ᱵᱟᱹᱱᱩᱜᱼᱟ᱾ ᱑᱙᱒᱒ ᱥᱮᱨᱢᱟ ᱠᱷᱚᱱ ᱱᱤᱛ ᱦᱟᱹᱵᱤᱫ ᱞᱮᱛᱟᱲ ᱜᱮ ᱱᱚᱣᱟ ᱯᱟᱛᱷᱟᱢ ᱪᱷᱟᱯᱟᱜ ᱠᱟᱱᱟ᱾
ᱥᱟᱶᱦᱮᱫ ᱨᱮ ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱜᱮ ᱯᱩᱭᱞᱩ ᱮᱢᱟᱦᱟᱸᱠᱤᱭᱟᱹ (ᱦᱟᱯᱛᱟᱠᱤᱭᱟᱹ) ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ ᱠᱟᱱᱟ᱾ ᱮᱛᱚᱦᱚᱵ ᱨᱮ ᱫᱷᱚᱨᱚᱢ ᱤᱫᱤ ᱠᱟᱛᱮ ᱚᱱᱚᱞ ᱠᱚ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱸᱱ ᱨᱮᱦᱚᱸ ᱛᱟᱭᱚᱢ ᱛᱮᱫᱚ, ᱱᱚᱣᱟ ᱯᱟᱛᱷᱟᱢ ᱨᱮ ᱛᱩᱢᱟᱹᱞ ᱡᱟᱣᱨᱟ ᱠᱷᱟᱴᱚ ᱠᱟᱹᱦᱱᱤ, ᱚᱱᱚᱬᱦᱮᱸ, ᱥᱮᱨᱮᱧ ᱮᱢᱟᱱ ᱠᱚ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱱᱟ᱾ ᱩᱱ ᱚᱠᱛᱚ ᱨᱮᱱ ᱟᱭᱢᱟ ᱥᱟᱱᱛᱟᱲ ᱠᱚ ᱱᱚᱣᱟ ᱯᱟᱛᱷᱟᱢ ᱨᱮᱠᱚ ᱚᱞᱮᱫ ᱛᱟᱦᱮᱸ ᱠᱟᱱᱟ᱾ ᱟᱨ ᱱᱚᱝᱠᱟ ᱚᱞ ᱠᱚ ᱯᱟᱨᱥᱟᱞ ᱛᱟᱞᱟ ᱛᱮ ᱱᱚᱣᱟ ᱯᱟᱛᱷᱟᱢ ᱟᱹᱰᱤ ᱟᱭᱢᱟ ᱥᱟᱱᱛᱟᱲ ᱚᱱᱚᱞᱤᱭᱟᱹ ᱠᱚᱸᱭ ᱡᱟᱱᱟᱢ ᱟᱠᱟᱫ ᱠᱚᱣᱟ᱾
ᱥᱟᱥᱟᱯᱲᱟᱣᱤᱡ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱕᱕ ᱥᱮᱨᱢᱟ ᱨᱮ ᱱᱚᱣᱟ ᱨᱮᱱ ᱯᱩᱭᱞᱩ ᱥᱟᱥᱟᱯᱲᱟᱣᱤᱡ ᱜᱚᱥᱰᱟᱞ ᱥᱟᱦᱮᱵᱽ ᱟᱡᱟᱜ ᱫᱤᱥᱚᱢ ᱱᱚᱨᱣᱮ ᱛᱮᱭ ᱨᱩᱣᱟᱹᱲ ᱪᱟᱞᱟᱣᱮᱱ ᱛᱟᱭᱚᱢ ᱮᱱᱟᱥ ᱦᱮᱢᱵᱽᱨᱚᱢ ᱱᱚᱣᱟ ᱯᱟᱛᱷᱟᱢ ᱥᱟᱥᱟᱯᱲᱟᱣ ᱨᱮᱭᱟᱜ ᱠᱟᱹᱢᱤ ᱵᱷᱟᱨ ᱮ ᱜᱚᱜ ᱞᱮᱫᱟ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ.