ᱵᱩᱸᱫᱮᱞᱤ ᱯᱟᱹᱨᱥᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱵᱩᱸᱫᱮᱞᱤ
बुन्देली
ᱡᱟᱱᱟᱢ ᱴᱷᱟᱶ ᱥᱤᱧᱚᱛ
ᱮᱞᱟᱠᱟ ᱵᱩᱱᱫᱮᱞᱠᱷᱚᱸᱰ
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ
᱕.᱖ ᱢᱤᱞᱤᱭᱚᱱ (᱒᱐᱑᱑)[᱑]
ᱦᱚᱲᱞᱮᱠᱷᱟ ᱨᱮᱭᱟᱜ ᱚᱨᱥᱚᱝ ᱦᱤᱱᱫᱤ ᱥᱟᱶᱛᱮ ᱨᱮᱯᱮᱪ ᱢᱮᱱᱟᱜᱼᱟ
ᱚᱞ ᱛᱚᱦᱚᱨ
ᱫᱮᱵᱽᱱᱟᱜᱽᱨᱤ
ᱥᱚᱨᱠᱟᱨᱤ ᱢᱟᱱᱚᱛ
ᱟᱹᱢᱟᱹᱞᱮᱛ ᱯᱟᱹᱨᱥᱤ ᱴᱚᱴᱷᱟ
ᱥᱤᱧᱚᱛ (ᱢᱚᱫᱷᱭᱚ ᱯᱨᱚᱫᱮᱥ ᱟᱨ ᱩᱛᱛᱚᱨ ᱯᱨᱚᱫᱮᱥ)
ᱯᱟᱹᱨᱥᱤ ᱠᱳᱰ
ISO 639-3 bns
ᱜᱽᱞᱚᱴᱴᱚᱞᱚᱜᱽ bund1253[᱒]

ᱵᱩᱱᱫᱮᱞᱤ ᱥᱮ ᱵᱩᱸᱫᱮᱞᱤ (ᱫᱮᱵᱽᱱᱟᱜᱽᱨᱤ: बुन्देली ᱥᱮ बुंदेली) ᱫᱚ ᱢᱤᱫ ᱤᱱᱫᱳᱼᱟᱨᱡᱚ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮᱭᱟᱜ ᱵᱩᱱᱫᱮᱞᱠᱷᱚᱸᱰ ᱴᱚᱴᱷᱟ ᱨᱮᱠᱚ ᱨᱚᱲᱟ ᱾ ᱱᱚᱣᱟ ᱫᱚ ᱛᱟᱞᱢᱟ ᱤᱱᱫᱳᱼᱟᱨᱡᱚ ᱯᱟᱹᱨᱥᱤᱠᱚ ᱨᱮᱭᱟᱜ ᱯᱟᱪᱮ ᱦᱤᱱᱫᱤ ᱪᱟᱸᱜᱟ ᱜᱩᱥᱴᱤ ᱯᱟᱹᱨᱥᱤ ᱠᱟᱱᱟ ᱾

ᱦᱟᱹᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱳᱣᱨᱚᱥᱮᱱ ᱚᱯᱚᱵᱷᱨᱚᱢᱥᱚ ᱜᱷᱟᱨᱚᱸᱡᱤᱭᱟᱹ ᱯᱟᱹᱨᱥᱤ, ᱵᱩᱸᱫᱮᱞᱤ ᱫᱚ ᱡᱚᱨᱡᱽ ᱟᱵᱽᱨᱟᱦᱟᱢ ᱜᱨᱤᱭᱮᱨᱥᱚᱱ ᱦᱚᱛᱮᱛᱮ ᱟᱡᱟᱜ ᱥᱤᱧᱚᱛᱤᱭᱟᱹ ᱯᱟᱹᱨᱥᱤ ᱥᱟᱨᱵᱷᱮ ᱨᱮ ᱯᱟᱪᱮ ᱦᱤᱱᱫᱤ ᱯᱟᱹᱨᱥᱤ ᱞᱮᱠᱟᱛᱮᱭ ᱞᱮᱠᱷᱟ ᱞᱮᱫᱟ ᱾[᱓] ᱵᱩᱸᱫᱮᱞᱤ ᱫᱚ ᱵᱨᱚᱡᱽ ᱯᱟᱹᱨᱥᱤ ᱥᱟᱶ ᱦᱚᱸ ᱥᱩᱨᱼᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱜᱮᱼᱟᱨᱮ ᱟᱱ ᱯᱤᱲᱦᱤ ᱫᱷᱟᱹᱵᱤᱡ ᱠᱚᱸᱭᱮᱼᱛᱟᱞᱟᱢ ᱥᱤᱧᱚᱛ ᱨᱮᱭᱟᱜ ᱢᱩᱬᱩᱛ ᱥᱟᱶᱦᱮᱫ ᱯᱟᱹᱨᱥᱤ ᱛᱟᱸᱦᱮ ᱠᱟᱱᱟ ᱾

ᱮᱴᱟᱜ ᱤᱱᱫᱳᱼᱟᱨᱡᱚ ᱯᱟᱹᱨᱥᱤ ᱠᱚ ᱞᱮᱠᱟ ᱜᱮ, ᱵᱩᱸᱫᱮᱞᱤ ᱦᱚᱸ ᱢᱤᱫ ᱯᱟᱹᱨᱥᱤ ᱞᱮᱠᱟᱛᱮ ᱵᱟᱝ ᱞᱮᱠᱷᱟ ᱠᱟᱛᱮ ᱢᱤᱫ ᱪᱟᱸᱜᱟ ᱯᱟᱹᱨᱥᱤ ᱞᱮᱠᱟᱛᱮ ᱞᱮᱠᱷᱟᱜ ᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱛᱮ, ᱮᱴᱟᱜ ᱦᱤᱱᱫᱤ ᱯᱟᱹᱨᱥᱤ ᱠᱚ ᱞᱮᱠᱟ ᱜᱮ ᱵᱩᱸᱫᱮᱞᱤ ᱫᱚ ᱦᱚᱲᱞᱮᱠᱷᱟ ᱨᱮ ᱢᱟᱱᱚᱠ ᱦᱤᱱᱫᱤ ᱥᱟᱶᱛᱮ ᱥᱮᱞᱮᱫ ᱦᱩᱭ ᱟᱠᱟᱱᱟ ᱾

ᱜᱨᱤᱭᱮᱨᱥᱚᱱ ᱫᱚ ᱵᱩᱸᱫᱮᱞᱤ ᱯᱩᱱᱭᱟᱹ ᱪᱟᱸᱜᱟ ᱦᱟᱹᱴᱤᱧ ᱨᱮᱭ ᱦᱟᱹᱴᱤᱧ ᱟᱠᱟᱫᱟ ᱾[᱔]

  • ᱢᱟᱱᱚᱠ ᱵᱩᱸᱫᱮᱞᱤ
  • ᱥᱟᱢᱟᱝᱼᱠᱚᱸᱭᱮ ᱵᱩᱸᱫᱮᱞᱤ (ᱵᱟᱜᱷᱮᱞᱤ ᱥᱟᱶ ᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ)
  • ᱠᱚᱸᱭᱮᱼᱯᱟᱪᱮ ᱵᱩᱸᱫᱮᱞᱤ (ᱵᱨᱟᱡᱽ ᱯᱟᱹᱨᱥᱤ ᱞᱮᱠᱟ)
  • ᱮᱛᱚᱢ ᱵᱩᱸᱫᱮᱞᱤ

ᱚᱛᱱᱚᱜ ᱪᱷᱮᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱩᱱᱫᱮᱞᱠᱷᱚᱸᱰ ᱴᱚᱴᱷᱟ ᱨᱮ ᱩᱛᱛᱚᱨ ᱯᱨᱚᱫᱮᱥ ᱟᱨ ᱢᱚᱫᱷᱭᱚ ᱯᱨᱚᱫᱮᱥ ᱥᱮᱞᱮᱫ ᱢᱮᱱᱟᱜᱼᱟ ᱾ ᱵᱩᱸᱫᱮᱞᱤ ᱫᱚ ᱵᱟᱱᱫᱟ, ᱦᱚᱢᱤᱨᱯᱩᱨ, ᱡᱟᱞᱳᱱ, ᱡᱷᱟᱸᱥᱤ, ᱞᱟᱞᱤᱛᱯᱩᱨ, ᱪᱤᱛᱨᱚᱠᱩᱴ, ᱢᱟᱦᱚᱵᱟ, ᱫᱟᱛᱤᱭᱟ, ᱪᱷᱚᱛᱨᱚᱯᱩᱨ, ᱯᱟᱱᱱᱟ, ᱴᱤᱠᱟᱢᱜᱚᱲ, ᱜᱽᱣᱟᱞᱤᱭᱟᱨ, ᱵᱤᱫᱤᱥᱟ, ᱡᱟᱵᱟᱞᱯᱩᱨ, ᱥᱟᱜᱚᱨ, ᱫᱟᱢᱚᱦ ᱮᱢᱟᱱ ᱦᱚᱱᱚᱛ ᱠᱚ ᱨᱮᱠᱚ ᱨᱚᱲᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱟᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Scheduled Languages in descending order of speaker's strength - 2011" (PDF). Registrar General and Census Commissioner of India. 29 ᱡᱩᱱ 2018. 
  2. Hammarström, Harald; Forkel, Robert; Haspelmath, Martin, eds. (2017). "ᱵᱩᱸᱫᱮᱞᱤ". Glottolog 3.0. Jena, Germany: Max Planck Institute for the Science of Human History. 
  3. https://dsal.uchicago.edu/books/lsi/lsi.php?volume=9-1&pages=843#page/103/mode/1up
  4. ᱪᱷᱟᱸᱪ:Linguistic Survey of India