ᱡᱚᱨᱢᱟᱱ ᱯᱟᱹᱨᱥᱤ

ᱡᱚᱨᱢᱟᱱ ᱯᱟᱹᱨᱥᱤ (German: Deutsch or (die) deutsche Sprache) ᱫᱚ ᱯᱟᱪᱷᱮ ᱡᱚᱨᱢᱟᱱᱤᱭᱟᱹ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱤᱱᱰᱳ-ᱤᱣᱨᱚᱯᱤᱭᱟᱱ ᱯᱟᱹᱨᱥᱤ ᱜᱷᱟᱨᱚᱡᱽ ᱨᱮᱱᱟᱜ ᱢᱤᱫ ᱯᱟᱹᱨᱥᱤ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱡᱚᱨᱢᱟᱱᱤ, ᱚᱥᱴᱨᱤᱭᱟ, ᱥᱩᱭᱡᱟᱨᱞᱮᱱᱰ, ᱞᱮᱭᱥᱮᱱᱥᱮᱱ, ᱞᱚᱠᱥᱢᱵᱚᱨᱜᱽ ᱟᱢᱟᱱ ᱠᱚ ᱨᱮ ᱠᱚ ᱨᱚᱲ ᱠᱟᱱᱟ ᱾ ᱥᱩᱨᱥᱩᱯᱩᱨ ᱑᱐᱐ ᱢᱤᱞᱤᱭᱚᱱ ᱜᱟᱱ ᱦᱚᱲ ᱫᱚ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱜᱼᱟ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱡᱟᱹᱥᱛᱤ ᱠᱟᱛᱮ ᱤᱣᱨᱚᱯᱤᱭᱟᱱ ᱨᱮ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱨᱚᱲ ᱮᱫᱟ ᱾ ᱵᱮᱞᱡᱤᱭᱚᱢ, ᱱᱮᱫᱟᱨᱞᱮᱱᱰᱥ, ᱯᱷᱨᱟᱱᱥ ᱟᱨ ᱮᱛᱚᱢ ᱤᱴᱟᱞᱤ ᱨᱮᱦᱚᱸ ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱱᱚᱣᱟ ᱯᱟᱹᱨᱥᱤ ᱠᱚ ᱵᱮᱵᱷᱟᱨᱮᱜᱼᱟ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱡᱚᱨᱢᱟᱱᱤᱭᱟᱹ ᱯᱟᱹᱨᱥᱤ ᱜᱷᱟᱨᱚᱡᱽ ᱨᱮᱱᱟᱜ ᱠᱟᱱᱟ, ᱟᱨ ᱨᱚᱲ ᱠᱚ ᱫᱚ ᱤᱝᱞᱤᱥ ᱟᱨ ᱰᱚᱪ ᱥᱟᱶ ᱢᱤᱫ ᱢᱤᱫ ᱫᱷᱟᱨᱟ ᱜᱮᱭᱟ ᱾

ᱪᱤᱠᱤ

ᱡᱚᱨᱢᱟᱱ ᱯᱟᱹᱨᱥᱤ ᱞᱟᱹᱜᱤᱫ ᱫᱚ ᱞᱟᱴᱤᱱ ᱪᱤᱠᱤ ᱜᱮ ᱠᱚ ᱵᱮᱵᱷᱟᱨᱮᱜ-ᱟ ᱾ ᱢᱮᱱᱠᱷᱟᱱ ᱡᱚᱛᱚ ᱨᱟᱦᱟ ᱟᱲᱟᱝ ᱛᱮ ᱮᱦᱚᱵ ᱟᱠᱟᱠᱟᱱ ᱟᱹᱲᱟ ᱠᱚ ᱨᱮ ᱫᱚ ᱮᱛᱚᱦᱚᱵ ᱪᱤᱠᱤ ᱫᱚᱭ ᱢᱟᱨᱟᱝ (CAPS) ᱪᱤᱠᱤ ᱦᱩᱭᱩᱜ-ᱟ ᱾ ᱰᱮᱱᱤᱥ ᱯᱟᱹᱨᱥᱤ ᱨᱮᱦᱚᱸ ᱢᱟᱬᱟᱝ ᱫᱚ ᱱᱚᱝᱠᱟ ᱜᱮ ᱠᱚ ᱚᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱤᱛ ᱫᱚ ᱵᱟᱝᱟ ᱾ ᱟᱹᱲᱟᱹ ᱨᱮᱱᱟᱜ ᱢᱩᱬᱩᱛ ᱠᱟᱱᱣᱟ ᱫᱚ ᱯᱟᱹᱪᱷᱞᱟᱹ ᱥᱮᱫ ᱨᱮᱭ ᱚᱞᱚᱜ-ᱟ ᱾

ᱜᱟᱶᱛᱟ

ᱡᱚᱨᱢᱟᱱ ᱯᱟᱹᱨᱥᱤ ᱨᱮᱱᱟᱜ ᱵᱮᱵᱷᱟᱨ ᱟᱨ ᱞᱟᱦᱟᱱᱛᱤ ᱞᱟᱹᱜᱤᱫ ᱛᱤᱢᱤᱱ ᱜᱟᱱ ᱜᱟᱶᱛᱟ ᱠᱚ ᱠᱟᱹᱢᱤ ᱠᱟᱱᱟ ᱾ ᱩᱱᱠᱩ ᱢᱩᱸᱫᱽ ᱠᱷᱚᱱ ᱛᱤᱢᱤᱱ ᱜᱟᱱ ᱫᱚᱠᱚ ᱦᱩᱭᱩᱜ ᱠᱟᱱᱟ :-

• ᱜᱚᱭᱛᱷᱤ ᱜᱟᱶᱛᱟ -- ᱱᱚᱣᱟ ᱜᱟᱶᱛᱟ ᱫᱚ ᱜᱚᱴᱟ ᱫᱤᱥᱚᱢ ᱨᱮ ᱡᱚᱨᱢᱟᱱ ᱯᱟᱹᱨᱥᱤ ᱯᱟᱨᱥᱟᱞ ᱞᱟᱹᱜᱤᱫ-ᱮ ᱠᱟᱹᱢᱤ ᱠᱟᱱᱟ ᱾ ᱱᱚᱣᱟ ᱜᱟᱶᱛᱟ ᱫᱚ ᱡᱚᱨᱢᱟᱱ ᱨᱮᱱᱟᱜ ᱥᱟᱶᱛᱟ, ᱥᱮᱪᱮᱫ ᱟᱨ ᱨᱟᱡᱽᱟᱹᱨᱤ ᱠᱟᱹᱢᱤ ᱠᱚ ᱞᱟᱦᱟᱭ ᱞᱟᱹᱜᱤᱫ-ᱮ ᱠᱟᱹᱢᱤ ᱠᱟᱱᱟ ᱾

• ᱵᱷᱮᱨᱤᱱ ᱰᱚᱪ ᱥᱯᱨᱮᱪ -- ᱱᱚᱣᱟ ᱜᱟᱶᱛᱟ ᱫᱚ ᱒᱑᱑᱗ ᱥᱟᱞᱮ ᱨᱮ ᱵᱮᱨᱮᱫ ᱞᱮᱱ ᱛᱟᱦᱮᱸᱫ ᱾ ᱡᱚᱨᱢᱟᱱ ᱯᱟᱹᱨᱥᱤ ᱨᱤᱱᱤᱡ ᱥᱟᱨᱦᱟᱣᱤᱭᱟᱹ ᱠᱟᱱᱟᱭ ᱟᱨ ᱡᱮᱜᱮᱛ ᱨᱤᱱᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱟᱹᱨᱥᱤ ᱜᱟᱶᱛᱟ ᱠᱟᱱᱟ ᱾

• ᱰᱚᱪ ᱣᱮᱞᱤ -- ᱡᱚᱨᱢᱟᱱ ᱯᱚᱱᱚᱛ ᱞᱟᱦᱟᱱᱛᱤ ᱜᱟᱶᱛᱟ ᱠᱟᱱᱟᱭ ᱾ ᱱᱩᱭ ᱫᱚ ᱡᱚᱨᱢᱟᱱ ᱥᱟᱶᱛᱮ ᱟᱨᱦᱚᱸ ᱓᱐ ᱜᱚᱴᱟᱝ ᱯᱟᱹᱨᱥᱤ ᱛᱮ ᱨᱮᱰᱤᱭᱳ ᱩᱪᱷᱟᱹᱱ ᱮᱫᱟᱭ ᱾

ᱫᱟᱹᱭᱠᱟᱹ

ᱡᱚᱨᱢᱟᱱᱤ ᱯᱟᱹᱨᱥᱤ ᱥᱟᱱᱛᱟᱲᱤ ᱛᱮ ᱛᱤᱢᱤᱱ ᱜᱟᱱ ᱟᱹᱲᱟᱹ ᱛᱚᱨᱡᱚᱢᱟ ᱠᱟᱛᱮ ᱞᱟᱛᱟᱨ ᱨᱮ ᱮᱞ ᱮᱱᱟ :

null	ᱯᱷᱟᱝ, ᱥᱩᱱ
eins	ᱢᱤᱫ
zwei	ᱵᱟᱨ
drei	ᱯᱮ
vier	ᱯᱩᱱ
fünf	ᱢᱚᱬᱮ
sechs	ᱛᱩᱨᱩᱭ
sieben	ᱮᱭᱟᱭ
acht	ᱤᱨᱟᱹᱞ
neun	ᱟᱨᱮ
zehn	ᱜᱮᱞ
elf	ᱜᱮᱞ ᱢᱤᱫ
zwölf	ᱜᱮᱞ ᱵᱟᱨ
dreizehn	ᱜᱮᱞ ᱯᱮ
vierzehn	ᱜᱮᱞ ᱯᱩᱱ
fünfzehn	ᱜᱮᱞ ᱢᱚᱬ
sechzehn	ᱜᱮᱞ ᱛᱩᱨ
siebzehn	ᱜᱮᱞ ᱮᱭᱟᱭ
achtzehn	ᱜᱮᱞ ᱤᱨᱟᱹᱞ
neunzehn	ᱜᱮᱞ ᱟᱨᱮ
zwanzig	ᱵᱟᱨᱜᱮᱞ, ᱵᱟᱜᱮ
ja	ᱦᱮᱸ
nein	ᱵᱟᱝ
ich	ᱤᱧ
du	ᱟᱢ (ᱜᱟᱛᱮ)
er	ᱩᱱᱤ (ᱠᱚᱲᱟ)
sie	ᱩᱱᱤ (ᱠᱩᱲᱤ)
es	ᱱᱚᱣᱟ
wir	ᱟᱵᱚ
ihr	ᱟᱹᱵᱤᱱ (ᱥᱟᱸᱜᱮ, ᱢᱟᱹᱱ)
Sie	ᱟᱹᱵᱤᱱ (polite)
sie	ᱩᱱᱠᱩ
Schweiz	ᱥᱩᱭᱡᱟᱨᱞᱮᱱᱰ
Österreich	ᱚᱥᱴᱨᱤᱭᱟ
Deutschland	ᱡᱚᱨᱢᱟᱱᱤ
wer	ᱚᱠᱚᱭ
wie	ᱪᱮᱫ ᱞᱮᱠᱟ
wo	ᱚᱠᱟᱨᱮ
was	ᱪᱮᱫ

ᱵᱟᱨᱦᱮ ᱡᱚᱱᱚᱲ

• Online German Language Course An online German language course that includes lessons covering pronunciation, vocabulary, and grammar.
• German phrasebook at Wikivoyage
• Learn to Speak German Student Resource
• Free German Language Course
• German Thesaurus