ᱟᱫᱤᱛᱯᱩᱨ

ᱟᱫᱤᱛᱯᱩᱨ
ᱟᱫᱤᱛᱯᱩᱨ
ᱥᱚᱦᱚᱨ ᱟᱨ ᱥᱩᱨᱥᱩᱯᱩᱨ
	ᱴᱟᱴᱟ ᱠᱟᱱᱰᱨᱟ ᱥᱚᱲᱚᱠ, ᱮᱠᱥᱯᱨᱮᱥᱵᱮ, ᱟᱫᱤᱛᱯᱩᱨ ᱴᱚᱞ ᱯᱚᱞ
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ ᱟᱨᱵᱟᱝ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ	ᱡᱷᱟᱨᱠᱷᱚᱸᱰ
ᱢᱮᱴᱨᱚ/ᱥᱚᱦᱚᱨ/ᱱᱚᱜᱚᱨ	ᱡᱟᱢᱥᱮᱫᱽᱯᱩᱨ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ

ᱟᱫᱤᱛᱯᱩᱨ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱚᱠᱚᱭᱟᱜ ᱧᱩᱛᱩᱢ ᱥᱟᱹᱨᱟᱹᱭᱠᱮᱞᱟ ᱨᱤᱱᱤᱡ ᱢᱩᱪᱟᱹᱫ ᱢᱚᱞᱤᱠ ᱨᱟᱡᱟ ᱟᱫᱤᱛ ᱯᱨᱚᱛᱟᱯ ᱥᱤᱝ ᱫᱮᱣ ᱟᱜ ᱧᱩᱛᱩᱢ ᱨᱮ ᱫᱚᱦᱚ ᱟᱠᱟᱱᱟ ᱾ ᱱᱚᱣᱟ ᱫᱚ ᱱᱤᱛᱚᱜ ᱢᱤᱫ ᱠᱟᱹᱨᱜᱟᱲ ᱥᱚᱦᱚᱨ/ᱢᱮᱥᱨᱟ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱠᱷᱟᱲᱟᱝ ᱜᱟᱰᱟ ᱦᱚᱛᱮᱛᱮ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱧᱩᱛᱩᱢᱟᱱ ᱥᱚᱦᱚᱨ ᱠᱷᱚᱱ ᱵᱷᱤᱱᱟᱹ ᱟᱠᱟᱱᱟ ᱾ ᱢᱮᱱᱠᱷᱟᱱ ᱱᱚᱣᱟ ᱡᱟᱢᱥᱮᱫᱽᱯᱩᱨ ᱟᱜ ᱜᱮ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱟᱹᱨᱟᱹᱭᱠᱮᱞᱟᱼᱠᱷᱚᱨᱥᱚᱶᱟ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱛᱮᱦᱮᱧ ᱱᱚᱣᱟ ᱟᱹᱰᱤ ᱢᱟᱨᱟᱝ ᱡᱟᱢᱥᱮᱫᱽᱯᱩᱨ ᱢᱟᱦᱟᱱᱚᱜᱚᱨ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱠᱚ ᱢᱟᱱᱟᱣᱟ ᱾ ᱥᱤᱧᱚᱛ ᱥᱚᱨᱠᱟᱨ ᱨᱤᱡ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱡᱟᱹᱛᱤᱭᱟᱹᱨᱤ ᱥᱚᱦᱨᱤ ᱨᱮᱱᱭᱩᱣᱟᱞ ᱢᱤᱥᱚᱱ (JNNURM) ᱨᱮᱱᱟᱜ ᱴᱷᱟᱶ ᱞᱮᱠᱟᱛᱮ, ᱟᱫᱤᱛᱯᱩᱨ ᱫᱚ ᱟᱹᱰᱤ ᱢᱟᱨᱟᱝ ᱡᱟᱢᱥᱮᱫᱽᱯᱩᱨ ᱯᱞᱟᱱ ᱵᱷᱤᱛᱤᱨ ᱨᱮ ᱥᱮᱞᱮᱫᱚᱜᱼᱟ ᱾^[᱑] ᱱᱚᱣᱟ ᱢᱩᱬ ᱞᱮᱠᱟᱛᱮ ᱢᱤᱫ ᱠᱟᱹᱨᱜᱟᱲ ᱴᱚᱴᱷᱟ ᱠᱟᱱᱟ ᱟᱨ ᱛᱤᱥ ᱮᱥᱤᱭᱟ ᱨᱮ ᱟᱹᱰᱤ ᱢᱟᱨᱟᱝ ᱠᱟᱹᱨᱜᱟᱲ ᱴᱚᱴᱷᱟ ᱤᱫᱤ ᱛᱮ ᱨᱤᱠᱳᱰ ᱛᱟᱦᱮᱸ ᱠᱟᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱦᱚᱲ ᱮᱞ

᱒᱐᱑᱑ ᱨᱮᱱᱟᱜ, ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,^[᱒] ᱟᱫᱤᱛᱯᱩᱨ ᱨᱤᱱ ᱦᱚᱲ ᱮᱞ ᱒᱒᱕,᱖᱒᱘ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱦᱚᱲ ᱟᱜ ᱮᱞ ᱫᱚ ᱕᱔% ᱟᱨ ᱠᱩᱲᱤ ᱠᱚᱣᱟᱜ ᱮᱞ ᱫᱚ ᱔᱖% ᱢᱮᱱᱟᱜᱼᱟ ᱾ ᱟᱫᱤᱛᱯᱩᱨ ᱨᱮᱱᱟᱜ ᱥᱮᱪᱮᱫ ᱫᱚᱨ ᱖᱘% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱦᱟᱨ ᱕᱙ᱹ᱕% ᱠᱷᱚᱱ ᱰᱮᱦᱮᱨ ᱜᱮᱭᱟ, ᱚᱠᱟᱨᱮ ᱖᱐% ᱠᱚᱲᱟ ᱟᱨ ᱔᱐% ᱠᱩᱲᱤ ᱠᱚᱣᱟᱜ ᱥᱮᱪᱮᱫ ᱢᱮᱱᱟᱜᱼᱟ ᱾ ᱜᱮᱞᱯᱩᱱ ᱥᱟᱭᱠᱚᱲᱟ ᱦᱚᱲ ᱮᱞ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾

ᱚᱛᱱᱚᱜ

ᱠᱷᱟᱲᱟᱝ ᱜᱟᱰᱟ ᱟᱫᱤᱛᱯᱩᱨ ᱫᱚ ᱯᱮ ᱥᱮᱫ ᱠᱷᱚᱱ (ᱯᱟᱪᱮ ᱪᱷᱟᱰᱟ ᱠᱟᱛᱮ) ᱜᱷᱮᱨᱟᱣ ᱟᱠᱟᱱᱟ, ᱟᱨ ᱜᱟᱰᱟ ᱫᱷᱟᱨᱮ ᱨᱮ ᱵᱤᱥᱴᱩᱯᱩᱨ ᱨᱮᱱᱟᱜ ᱛᱟᱞᱟ ᱠᱷᱚᱱ ᱠᱟᱫᱽᱢᱟ ᱟᱨ ᱠᱷᱟᱲᱟᱝ ᱯᱚᱞ ᱨᱮᱱᱟᱜ ᱛᱟᱞᱟ ᱠᱷᱚᱱ ᱢᱤᱫ ᱴᱚᱞ ᱵᱨᱤᱡᱽ ᱨᱮᱱᱟᱜ ᱛᱟᱞᱟ ᱠᱷᱚᱱ ᱡᱟᱢᱥᱮᱫᱽᱯᱩᱨ (ᱴᱟᱴᱟ ᱥᱴᱤᱞ ᱞᱟᱹᱜᱤᱫ ᱛᱮ ᱯᱷᱮᱢᱚᱥ ᱜᱮᱭᱟ) ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾

ᱦᱚᱨ ᱰᱟᱦᱟᱨ

ᱟᱫᱤᱛᱯᱩᱨ ᱨᱮᱱᱟᱜ ᱟᱡᱟᱜ ᱟᱫᱤᱛᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱟᱨ ᱢᱤᱫᱴᱟᱹᱝ ᱯᱩᱱᱼᱞᱮᱱ ᱯᱚᱱᱚᱛ ᱰᱟᱦᱟᱨ (ᱟᱫᱤᱛᱯᱩᱨ ᱼᱠᱟᱱᱰᱨᱟ ᱢᱩᱬ ᱰᱟᱦᱟᱨ) ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱱᱚᱣᱟ ᱡᱟᱢᱥᱮᱫᱽᱯᱩᱨ ᱫᱚ ᱵᱟᱰᱵᱤᱞ ᱠᱷᱚᱱ ᱥᱟᱹᱨᱟᱹᱠᱮᱞᱟ, ᱪᱟᱸᱭᱵᱟᱥᱟ ᱥᱮᱫ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱠᱟᱫᱽᱢᱟ ᱟᱨ ᱟᱫᱤᱛᱯᱩᱨ ᱛᱟᱞᱟ ᱨᱮ ᱢᱤᱫ ᱯᱚᱞ ᱢᱮᱱᱟᱜᱼᱟ, ᱱᱚᱣᱟ ᱢᱟᱨᱤᱱ ᱰᱨᱟᱭᱤᱵᱽ, ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱛᱟᱞᱟ ᱠᱷᱚᱱ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱓ ᱢᱤᱫ ᱠᱷᱟᱴᱚ ᱢᱟᱪᱟ ᱯᱟᱥᱱᱟᱣᱜ ᱠᱟᱱᱟ ᱾

ᱱᱟᱜᱽᱨᱤᱠ ᱥᱩᱵᱷᱤᱫᱟ

ᱟᱫᱤᱛᱯᱩᱨ ᱫᱚ ᱜᱨᱮᱴᱟᱨ ᱡᱟᱢᱥᱮᱫᱽᱯᱩᱨ ᱢᱟᱦᱟᱱᱚᱜᱚᱨ ᱴᱚᱴᱷᱟ ᱵᱷᱤᱛᱤᱨ ᱨᱮ ᱢᱤᱫᱴᱟᱹᱝ ᱱᱚᱜᱚᱨ ᱱᱤᱜᱟᱢ ᱴᱚᱴᱷᱟ ᱠᱟᱱᱟ ᱾

ᱢᱤᱰᱤᱭᱟ

ᱨᱮᱰᱤᱭᱚ ᱥᱴᱮᱥᱚᱱ (ᱚᱠᱚᱭ ᱥᱤᱧᱚᱛ ᱡᱟᱜᱟᱛ ᱨᱮᱰᱤᱭᱚ ᱠᱚ ᱢᱮᱛᱟᱜᱼᱟ ᱠᱚ, ᱡᱟᱢᱥᱮᱫᱽᱯᱩᱨ ᱨᱮ ᱱᱚᱣᱟ ᱥᱴᱮᱥᱚᱱ ᱟᱫᱤᱛᱯᱩᱨ ᱨᱮ ᱢᱮᱱᱟᱜᱼᱟ), ᱵᱤᱜᱽ ᱮᱯᱷᱮᱢ ᱙᱒ᱹ᱗, ᱨᱮᱰ ᱮᱯᱷᱮᱢ ᱙᱓ᱹ᱕, ᱨᱮᱰᱤᱭᱚ ᱫᱷᱩᱢ ᱑᱐᱔ᱹ᱘ ᱮᱯᱷᱮᱢ, ᱵᱷᱤᱵᱷᱤᱫᱷ ᱵᱷᱟᱨᱛᱤ (ᱳᱞ ᱤᱱᱰᱤᱭᱟ ᱨᱮᱰᱤᱭᱚ) ᱑᱐᱐ᱹ᱘ ᱮᱯᱷᱮᱢ ᱨᱮ ᱯᱟᱥᱱᱟᱣ ᱦᱩᱭᱩᱜ ᱟᱠᱟᱱᱟ ᱾

ᱠᱟᱹᱣᱰᱤ ᱟᱹᱨᱤ

ᱥᱮᱪᱮᱫ

ᱴᱮᱠᱱᱤᱠᱟᱞ ᱛᱤᱻ (hands) ᱥᱟᱯᱲᱟᱣ ᱞᱟᱹᱜᱤᱫ ᱛᱮ ᱡᱟᱹᱛᱤᱭᱟᱹᱨᱤ ᱴᱮᱠᱱᱚᱞᱚᱡᱤ ᱤᱱᱥᱴᱟᱴᱭᱩᱴ (NIT ᱡᱟᱢᱥᱮᱫᱽᱯᱩᱨ), ᱥᱚᱨᱠᱟᱨᱤ ᱯᱳᱞᱤᱴᱮᱠᱱᱤᱠ, ᱟᱫᱤᱛᱯᱩᱨ^[᱓] ᱤᱱᱰᱚ ᱰᱮᱱᱤᱰ ᱴᱩᱞ ᱨᱩᱢ, ᱡᱟᱢᱥᱮᱫᱽᱯᱩᱨ ^[᱔] ᱮᱢᱟᱱ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

↑ "Greater Jamshedpur plan tabled". The Times of India. 28 April 2012. Retrieved 2018-09-02.
↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
↑ "Archived copy". Archived from the original on 2013-11-08. Retrieved 2013-03-10.{{cite web}}: CS1 maint: archived copy as title (link)
↑ "Indo Danish Tool Room | MSME Tool Room | Jamshedpur". idtr.gov.in. Retrieved 2020-04-14.

[1] "Greater Jamshedpur plan tabled". The Times of India. 28 April 2012. Retrieved 2018-09-02.

[2] "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

[3] "Archived copy". Archived from the original on 2013-11-08. Retrieved 2013-03-10.{{cite web}}: CS1 maint: archived copy as title (link)

[idtr-4] "Indo Danish Tool Room | MSME Tool Room | Jamshedpur". idtr.gov.in. Retrieved 2020-04-14.

[᱑]

[᱒]

[᱓]

[᱔]