ᱚᱡᱚᱭ ᱜᱟᱰᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱚᱡᱚᱭ ᱜᱟᱰᱟ
Ajay River 2.jpg
Etymology ᱥᱚᱝᱠᱨᱤᱛ: ᱡᱟᱦᱟ ᱵᱟᱝ ᱡᱤᱛᱠᱟᱹᱨ ᱡᱩᱛᱩᱜ-ᱟ
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱡᱷᱟᱨᱠᱷᱚᱸᱰ, ᱯᱚᱪᱷᱤᱢ ᱵᱟᱸᱜᱽᱞᱟ
ᱥᱟᱦᱟᱨ ᱫᱮᱣᱜᱷᱚᱨ, ᱡᱟᱢᱛᱟᱲᱟ, ᱠᱟᱴᱳᱣᱟ, ᱤᱞᱟᱢᱵᱟᱡᱟᱨ
Physical characteristics
Main source ᱡᱟᱢᱩᱭ, ᱵᱤᱦᱟᱨ
24°31′29″N 86°21′22″E / 24.52472°N 86.35611°E / 24.52472; 86.35611
Length ᱒᱘᱘ ᱠᱤᱞᱳᱢᱤᱴᱟᱨ (᱑᱗᱙ ᱢᱟᱭᱤᱞ) units?
Discharge
Basin features
Tributaries
  • Right:
    ᱡᱷᱟᱨᱠᱷᱚᱸᱰ ᱨᱮᱭᱟᱜ ᱯᱟᱛᱷᱨᱳ ᱟᱨ ᱡᱚᱭᱚᱱᱛᱤ, ᱯᱚᱪᱷᱤᱢ ᱵᱟᱸᱜᱽᱞᱟ, ᱵᱚᱨᱫᱷᱚᱢᱟᱱ ᱨᱮᱭᱟᱜ ᱛᱩᱢᱩᱱᱤ ᱟᱨ ᱠᱩᱱᱩᱨ

ᱚᱡᱚᱭ ᱜᱟᱰᱟ (ᱵᱟᱝᱞᱟ ᱺ অজয় নদ) ᱡᱷᱟᱨᱠᱷᱚᱸᱰ ᱟᱨ ᱯᱚᱪᱷᱤᱢ ᱵᱟᱸᱜᱽᱞᱟ ᱪᱮᱛᱟᱱ ᱛᱮ ᱟᱛᱳ ᱪᱟᱞᱟᱣ ᱟᱠᱟᱱᱟ ᱢᱤᱫ ᱜᱟᱰᱟ ᱠᱟᱱᱟ᱾ ᱱᱚᱣᱟ ᱫᱚ ᱦᱩᱜᱽᱞᱤ ᱜᱟᱰᱟ ᱨᱮᱭᱟᱜ ᱢᱤᱫ ᱪᱟᱸᱜᱟ ᱜᱟᱰᱟ ᱠᱟᱱᱟ᱾ ᱵᱟᱝᱞᱟ "ᱚᱡᱚᱭ" ᱢᱮᱱᱮᱫ ᱡᱟᱦᱟ ᱵᱟᱝ ᱡᱤᱛᱠᱟᱹᱨ ᱫᱟᱨᱮᱭᱟᱜ-ᱟ ᱵᱚᱱ᱾

ᱚᱛᱱᱚᱜ ᱴᱷᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱡᱚᱭ ᱜᱟᱰᱟ ᱵᱤᱦᱟᱨ ᱯᱚᱱᱚᱛ ᱡᱟᱢᱩᱭ ᱵᱚᱱᱚᱛ (block) ᱨᱮᱭᱟᱜ ᱵᱟᱴᱯᱟᱨᱟ ᱚᱱᱪᱚᱞ ᱨᱮ ᱢᱮᱱᱟᱜ ᱵᱩᱨᱩ ᱠᱷᱚᱱ ᱮᱛᱟᱦᱚᱵ ᱠᱟᱱᱟ᱾[᱑] ᱚᱱᱟ ᱛᱟᱭᱚᱢ ᱥᱟᱢᱟᱝ-ᱠᱚᱧᱮ ᱥᱮ ᱟᱛᱳ ᱠᱟᱛᱮᱡᱽ ᱱᱚᱣᱟ ᱜᱟᱰᱟ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱫᱮᱵᱷᱤᱯᱩᱨ ᱥᱩᱨ ᱛᱮ ᱡᱷᱟᱨᱠᱷᱚᱸᱰ ᱨᱮ ᱵᱚᱞᱚᱣᱟᱠᱟᱱᱟ᱾ ᱡᱷᱟᱨᱠᱷᱚᱸᱰ ᱪᱮᱛᱟᱱ ᱛᱮ ᱟᱛᱳ ᱯᱟᱨᱚᱢ ᱠᱟᱛᱮᱡᱽ ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱥᱟᱢᱟᱝ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱭᱟᱜ ᱪᱤᱛᱛᱚᱨᱚᱱᱡᱚᱱ ᱥᱩᱨ ᱥᱤᱢᱡᱩᱨᱤ ᱥᱮᱫ ᱛᱮ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮ ᱵᱚᱞᱚᱣᱟᱠᱟᱱᱟ᱾ ᱱᱚᱣᱟ ᱯᱟᱹᱦᱤᱞ ᱯᱟᱪᱮ ᱵᱚᱨᱫᱷᱚᱢᱟᱱ ᱟᱨ ᱡᱷᱟᱨᱠᱷᱚᱸᱰ ᱛᱟᱞᱟ ᱛᱮ ᱚᱱᱟ ᱛᱟᱭᱚᱢ ᱯᱟᱪᱮ ᱵᱚᱨᱫᱷᱚᱢᱟᱱ ᱟᱨ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱥᱤᱢᱟᱹᱱᱟ ᱥᱮᱫ ᱛᱮ ᱟᱛᱳ ᱪᱟᱞᱟᱣ ᱠᱟᱛᱮᱡᱽ ᱥᱟᱢᱟᱝ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱭᱟᱜ ᱠᱟᱴᱳᱣᱟ ᱥᱟᱵᱰᱤᱵᱷᱤᱥᱟᱱ, ᱠᱮᱛᱩᱜᱨᱟᱢ ᱛᱷᱟᱱᱟ ᱨᱮᱭᱟᱜ ᱱᱟᱨᱮᱝ ᱟᱹᱛᱩ ᱴᱷᱮᱱ ᱥᱟᱢᱟᱝ ᱵᱚᱨᱫᱷᱚᱢᱟᱱ ᱨᱮ ᱵᱚᱞᱚᱣᱟᱠᱟᱱᱟ᱾ ᱟᱱᱟ ᱛᱟᱭᱚᱢ ᱚᱡᱚᱭ ᱜᱟᱰᱟ ᱠᱟᱴᱣᱟ ᱥᱟᱦᱟᱨ ᱴᱷᱮᱱ ᱵᱷᱟᱜᱤᱨᱚᱛᱷᱤ ᱜᱟᱰᱟ ᱨᱮ ᱥᱮᱞᱮᱫ ᱟᱠᱟᱱᱟ᱾[᱒] ᱚᱡᱚᱭ ᱜᱟᱰᱟ ᱨᱮᱭᱟᱜ ᱡᱤᱞᱤᱝ ᱫᱚ ᱦᱩᱭᱩᱜ ᱠᱟᱱᱟ ᱒᱘᱘ ᱠᱤᱞᱳᱢᱤᱴᱟᱨ (᱑᱗᱙ ᱢᱟᱭᱤᱞ) ᱚᱱᱟ ᱢᱩᱫ ᱨᱮᱭᱟᱜ ᱢᱩᱪᱟᱹᱫ ᱑᱕᱒ ᱠᱤᱞᱳᱢᱤᱴᱟᱨ (᱙᱔ ᱢᱟᱭᱤᱞ) ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮ ᱢᱮᱱᱟᱜ-ᱟ᱾[᱓]

ᱚᱡᱚᱭ ᱜᱟᱰᱟ ᱨᱮᱭᱟᱜ ᱢᱩᱨᱩᱛ ᱪᱟᱸᱜᱟ ᱜᱟᱰᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱡᱷᱟᱨᱠᱷᱚᱸᱰ ᱨᱮ ᱯᱟᱛᱷᱨᱳ ᱟᱨ ᱡᱚᱭᱚᱱᱛᱤ ᱟᱨ ᱵᱚᱨᱫᱷᱚᱢᱟᱱ ᱨᱮ ᱛᱩᱢᱩᱱᱤ ᱟᱨ ᱠᱩᱱᱩᱨ᱾[᱓]

ᱚᱡᱚᱭ ᱜᱟᱰᱟ ᱨᱮᱭᱟᱜ ᱪᱮᱛᱟᱱ ᱱᱟᱠᱷᱟ ᱠᱟᱠᱚᱲ ᱦᱟᱥᱟ ᱨᱮᱭᱟᱜ ᱵᱩᱨᱩ ᱪᱮᱛᱟᱱ ᱛᱮ ᱟᱛᱳ ᱦᱮᱡᱽ ᱟᱠᱟᱱᱟ᱾ ᱵᱚᱨᱫᱷᱚᱢᱟᱱ ᱨᱮᱭᱟᱜ ᱟᱣᱩᱥᱜᱨᱟᱢ ᱠᱷᱚᱱ ᱱᱚᱣᱟ ᱜᱟᱰᱟ ᱥᱟᱹᱢᱩᱱ ᱚᱱᱪᱚᱞ ᱨᱮ ᱯᱷᱮᱸᱰ ᱟᱠᱟᱱᱟ᱾ ᱚᱡᱚᱭ ᱜᱟᱰᱟ ᱵᱮᱰᱟ ᱨᱮ ᱟᱭᱟᱢᱟ ᱥᱟᱨᱡᱳᱢ ,ᱛᱟᱨᱚᱵ ᱟᱨ ᱢᱩᱨᱩᱫ ᱫᱟᱨᱮ ᱨᱮᱭᱟᱜ ᱵᱤᱨ ᱢᱮᱱᱟᱜ-ᱟ᱾ ᱢᱮᱱᱠᱷᱟᱱ ᱱᱮᱛᱟᱨ ᱠᱷᱟᱫᱟᱱ ᱠᱟᱹᱢᱤ ᱟᱨ ᱦᱚᱲᱟᱜ ᱱᱟᱱᱟᱦᱩᱱᱟᱹᱲ ᱠᱟᱹᱢᱤ ᱠᱷᱟᱹᱛᱤᱨ ᱱᱚᱣᱟ ᱠᱚ ᱵᱤᱨ ᱫᱚ ᱟᱹᱰᱤ ᱟᱭᱢᱟ ᱥᱟᱯᱟ ᱪᱟᱵᱟ ᱟᱠᱟᱱᱟ᱾[᱓] ᱱᱟᱦᱟᱜ ᱫᱤᱱ ᱜᱮ ᱥᱤᱧᱚᱛ ᱥᱚᱨᱠᱟᱨ (Ministry of Shipping) ᱚᱡᱚᱭ ᱜᱟᱰᱟ ᱡᱟᱹᱛᱤᱭᱟᱹᱨᱤ ᱫᱟᱜ ᱰᱟᱦᱟᱨ ᱟᱭᱤᱱ,᱒᱐᱑᱖{᱖} ᱨᱮᱭᱟᱜ ᱩᱢᱩᱞ ᱨᱮ ᱡᱟᱹᱛᱤᱭᱟᱹᱨᱤ ᱫᱟᱜ ᱰᱟᱦᱟᱨ-᱗ ᱢᱮᱱᱛᱮᱭ ᱩᱛᱷᱱᱟᱹᱣ ᱟᱠᱟᱫᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱪᱷᱟᱸᱪ:Map Url=http://www.brandbharat.com/english/bihar/districts/jamui/blocks jamui.html
  2. Chattopadhyay, Akkori, Bardhaman Jelar Itihas O Lok Sanskriti (History and Folk lore of Bardhaman District.), Lua error in ᱢᱳᱰᱩᱞ:Lang/utilities at line 79: attempt to call local 'name_from_tag' (a nil value). , Vol I, p 27, Radical Impression. ISBN 81-85459-36-3
  3. ᱓.᱐ ᱓.᱑ ᱓.᱒ Chattopadhyay, Akkori, p 28