ᱞᱚᱠᱥᱚᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱞᱚᱠᱥᱚᱨ ᱡᱚᱸᱠᱥᱚᱱ | |
|---|---|
| ᱥᱤᱧᱚᱛᱤᱭᱟᱹ ᱨᱮᱞ ᱥᱴᱮᱥᱚᱱ | |
 ᱥᱤᱧᱚᱛᱤᱭᱟᱹ ᱨᱮᱞ ᱞᱳᱜᱳ | |
| ᱢᱮᱱᱮᱞᱟ ᱠᱟᱛᱷᱟ | |
| ᱴᱷᱟᱶ | ᱢᱩᱬᱩᱛ ᱵᱟᱡᱟᱨ ᱮᱱ.ᱮᱪ.-᱓᱓᱔ᱮ, ᱞᱚᱠᱥᱚᱨ, ᱩᱛᱛᱚᱨᱟᱠᱷᱚᱸᱰ ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 29°45′10″N 78°01′10″E / 29.7528°N 78.0195°ECoordinates: 29°45′10″N 78°01′10″E / 29.7528°N 78.0195°E |
| ᱩᱥᱩᱞ | 287 metres (942 ft) |
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞ |
| ᱪᱟᱪᱟᱣ | ᱠᱚᱧᱮ ᱨᱮᱞᱣᱮ |
| ᱞᱟᱭᱤᱱ (ᱠᱚ) | ᱞᱚᱠᱥᱚᱨ–ᱫᱮᱦᱨᱟᱫᱩᱱ ᱞᱟᱭᱤᱱ ᱢᱳᱨᱟᱫᱟᱵᱟᱫᱽ–ᱟᱢᱵᱟᱞᱟ ᱞᱟᱭᱤᱱ |
| ᱯᱞᱮᱴᱯᱷᱚᱨᱢ | ᱖ |
| ᱴᱨᱮᱠ | ᱑᱑ |
| ᱵᱮᱱᱟᱣ | |
| ᱯᱟᱨᱠᱤᱝ | ᱢᱮᱱᱟᱜᱼᱟ |
| ᱮᱴᱟᱜ ᱠᱟᱛᱷᱟ ᱠᱚ | |
| ᱦᱟᱞᱚᱛ | ᱠᱟᱹᱢᱤᱦᱚᱨᱟ |
| ᱥᱴᱮᱥᱚᱱ ᱠᱳᱰ | LRJ |
| ᱵᱷᱟᱲᱟ ᱴᱷᱟᱶ | ᱠᱚᱧᱮ ᱨᱮᱞᱣᱮ ᱴᱚᱴᱷᱟ, ᱢᱳᱨᱟᱫᱟᱵᱟᱫᱽ ᱰᱤᱵᱤᱡᱚᱱ |
| ᱱᱟᱜᱟᱢ | |
| ᱪᱟᱹᱞᱩ | ᱑᱘᱖᱖ |
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱢᱮᱱᱟᱜᱼᱟ |
| ᱴᱷᱟᱶ | |
  ᱞᱚᱠᱥᱚᱨ ᱡᱚᱸᱠᱥᱚᱱ Location within Uttarakhand  ᱞᱚᱠᱥᱚᱨ ᱡᱚᱸᱠᱥᱚᱱ ᱞᱚᱠᱥᱚᱨ ᱡᱚᱸᱠᱥᱚᱱ (India) | |
ᱞᱚᱠᱥᱚᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱦᱚᱨᱤᱫᱣᱟᱨ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱩᱰᱤᱧ ᱫᱷᱟᱨᱟ ᱦᱟᱜ ᱥᱚᱦᱚᱨ ᱞᱚᱠᱥᱚᱨ ᱨᱮ ᱢᱮᱱᱟᱜ ᱢᱤᱫ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾[᱑]
ᱞᱚᱠᱥᱚᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ (ᱠᱳᱰ ᱮᱞ.ᱟᱨ.ᱡᱮ.) ᱫᱚ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱢᱤᱫ ᱢᱩᱬ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱮᱞᱣᱮ ᱡᱚᱸᱠᱥᱚᱱ ᱠᱟᱱᱟ ᱾ ᱑᱘᱖᱖ ᱥᱮᱨᱢᱟ ᱨᱮ ᱚᱵᱷᱚᱫᱷ-ᱨᱳᱦᱤᱞᱠᱷᱚᱸᱰ ᱞᱟᱭᱤᱱ ᱫᱚ ᱥᱚᱦᱟᱨᱚᱱᱯᱩᱨ ᱫᱷᱟᱹᱨᱤᱡ ᱵᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾
ᱱᱚᱣᱟ ᱥᱴᱮᱥᱚᱱ ᱫᱚ ᱞᱚᱠᱥᱚᱨ ᱥᱚᱦᱚᱨ ᱟᱨ ᱚᱱᱟ ᱥᱩᱨ ᱥᱩᱯᱩᱨ ᱴᱚᱴᱷᱟ ᱠᱚᱨᱮ ᱥᱮᱵᱟ ᱮᱢᱚᱜᱼᱟ ᱾ ᱞᱚᱠᱥᱚᱨ ᱡᱚᱸᱠᱥᱚᱱ ᱫᱚ ᱠᱚᱧᱮ ᱨᱮᱞᱣᱮ ᱨᱮᱱᱟᱜ ᱢᱩᱨᱟᱫᱟᱵᱟᱫᱽ ᱰᱤᱵᱤᱡᱚᱱ ᱨᱮ ᱢᱮᱱᱟᱜ ᱢᱤᱫᱴᱟᱹᱝ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱫᱚ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱹᱢᱤ ᱢᱮᱱᱟᱜ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱟᱨ ᱯᱞᱮᱴᱯᱷᱚᱨᱢ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱨᱮ ᱫᱚᱥᱟᱨ ᱢᱟᱨᱟᱝ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱥᱴᱮᱥᱚᱱ ᱨᱮ ᱖ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱢᱮᱱᱟᱜᱼᱟ ᱡᱟᱦᱟᱸ ᱠᱷᱚᱱ ᱢᱮᱞ/ᱮᱠᱥᱯᱨᱮᱥ, ᱥᱩᱯᱚᱨᱯᱷᱟᱥᱴ ᱮᱠᱥᱯᱨᱮᱥ, ᱜᱚᱨᱤᱵᱽ ᱨᱚᱛᱷ ᱮᱠᱥᱯᱨᱮᱥ, ᱮᱸᱛᱤᱭᱚᱫᱚᱭᱚ ᱮᱠᱥᱯᱨᱮᱥ ᱟᱨ ᱞᱚᱠᱟᱞ ᱴᱨᱮᱱ ᱠᱚ ᱪᱟᱞᱟᱜᱼᱟ ᱾
ᱱᱚᱣᱟ ᱥᱴᱮᱥᱚᱱ ᱨᱮᱱᱟᱜ ᱫᱤᱞᱞᱤ, ᱢᱩᱢᱵᱟᱭ, ᱠᱚᱞᱠᱟᱛᱟ, ᱟᱢᱨᱤᱛᱥᱚᱨ, ᱪᱚᱱᱰᱤᱜᱚᱲ, ᱢᱤᱨᱟᱴ, ᱡᱟᱵᱟᱞᱯᱩᱨ, ᱞᱚᱠᱷᱱᱚᱣ, ᱟᱜᱽᱨᱟ, ᱜᱩᱣᱟᱦᱟᱴᱤ, ᱥᱩᱨᱚᱛ, ᱯᱨᱚᱭᱟᱜᱽᱨᱟᱡᱽ, ᱯᱟᱴᱱᱟ, ᱫᱷᱟᱱᱵᱟᱫᱽ, ᱜᱳᱨᱟᱠᱷᱯᱩᱨ, ᱫᱚᱨᱵᱷᱚᱝᱜᱟ, ᱠᱟᱢᱟᱠᱷᱤᱭᱟ, ᱠᱚᱴᱟ, ᱡᱟᱹᱢᱢᱩ, ᱟᱞᱤᱜᱚᱲ ᱮᱢᱟᱱ ᱢᱩᱬ ᱥᱚᱦᱚᱨ ᱠᱷᱚᱱ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱢᱚᱛᱷᱩᱨᱟ, ᱟᱭᱳᱫᱷᱤᱭᱟ, ᱨᱟᱢᱱᱚᱜᱚᱨ, ᱠᱟᱴᱷᱜᱳᱫᱟᱢ, ᱦᱚᱨᱤᱫᱣᱟᱨ, ᱫᱮᱦᱨᱟᱫᱩᱱ ᱟᱨ ᱨᱤᱥᱤᱠᱮᱥ ᱾ ᱞᱚᱠᱥᱚᱨ ᱡᱚᱸᱠᱥᱚᱱ ᱨᱮ ᱫᱤᱱᱟᱹᱢ, ᱦᱟᱯᱛᱟᱠᱤᱭᱟᱹ ᱟᱨᱵᱟᱝ ᱵᱟᱨ ᱦᱟᱯᱛᱟᱠᱤᱭᱟᱹ ᱨᱮ ᱙᱐ ᱜᱚᱴᱟᱝ ᱴᱨᱮᱱ ᱠᱚ ᱥᱮᱱᱚᱜᱼᱟ ᱾
ᱞᱚᱠᱥᱟᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱫᱚ ᱫᱮᱦᱨᱟᱫᱩᱱ, ᱥᱚᱦᱟᱨᱚᱱᱯᱩᱨ ᱟᱨ ᱢᱚᱨᱟᱫᱟᱵᱟᱫᱽ ᱨᱮᱱᱟᱜ ᱡᱚᱸᱠᱥᱚᱱ ᱯᱚᱭᱮᱸᱴ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱥᱚᱦᱟᱨᱚᱱᱯᱩᱨ, ᱫᱮᱦᱨᱟᱫᱩᱱ, ᱦᱚᱨᱤᱫᱣᱟᱨ ᱟᱨ ᱨᱤᱥᱤᱠᱮᱥ ᱠᱷᱚᱱ ᱥᱮᱱᱚᱜ ᱠᱟᱱ ᱨᱮᱞ ᱠᱚ ᱞᱟᱹᱜᱤᱫ ᱢᱤᱫ ᱤᱱᱴᱟᱨᱪᱮᱸᱡᱽ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱨᱮ ᱠᱟᱱᱯᱩᱨ ᱥᱮᱱᱴᱨᱟᱞ-ᱡᱟᱹᱢᱢᱩ ᱛᱚᱵᱤ ᱥᱩᱯᱚᱨᱯᱷᱟᱥᱴ ᱮᱠᱥᱯᱨᱮᱥ, ᱠᱟᱢᱟᱠᱷᱤᱭᱟ-ᱥᱨᱤ ᱢᱟᱛᱟ ᱵᱚᱭᱥᱱᱳ ᱫᱮᱵᱤ ᱠᱟᱴᱨᱟ ᱮᱠᱥᱯᱨᱮᱥ, ᱢᱚᱣᱨ ᱯᱷᱞᱟᱡᱽ ᱮᱠᱥᱯᱨᱮᱥ ᱟᱨ ᱫᱟᱨᱵᱷᱚᱝᱜᱟ-ᱡᱟᱞᱚᱸᱫᱷᱚᱨ ᱥᱤᱴᱤ ᱮᱱᱴᱤᱭᱳᱫᱚᱭᱚ ᱮᱠᱥᱯᱨᱮᱥ ᱞᱮᱠᱟᱱ ᱟᱹᱰᱤ ᱜᱟᱱ ᱨᱮᱞ ᱥᱮᱞᱮᱫ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Laksar Jn Railway Station (LRJ) : Station Code, Time Table, Map, Enquiry". www.ndtv.com (in ᱟᱝᱜᱽᱨᱮᱡᱤ). Retrieved 2021-06-21.
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱥᱤᱧᱚᱛᱤᱭᱟᱹ ᱨᱮᱞ ᱤᱱᱯᱷᱳ ᱨᱮ ᱞᱚᱠᱥᱚᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ