ᱡᱷᱟᱨᱠᱷᱚᱸᱰᱤ ᱤᱥᱤᱱ ᱦᱚᱨᱟ
ᱡᱷᱟᱨᱠᱷᱚᱸᱰᱤᱱ ᱤᱥᱤᱱ ᱵᱟᱥᱟᱝ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱡᱚᱢᱟᱜ ᱤᱥᱤᱱ ᱵᱟᱥᱟᱝ ᱠᱟᱱᱟ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱩᱬᱩᱛ ᱡᱚᱢᱟᱜ ᱫᱚ ᱦᱩᱭᱩᱜ ᱠᱟᱱᱟ ᱫᱟᱠᱟ, ᱫᱟᱹᱞ ᱟᱨ ᱟᱨᱟᱜ ᱠᱚ᱾ ᱟᱹᱰᱤ ᱞᱮᱠᱟᱱ ᱡᱚᱢᱟᱜ ᱨᱮ ᱟᱭᱢᱟ ᱞᱮᱠᱟᱛᱮ ᱵᱮᱱᱟᱣ ᱡᱚᱢᱟᱜ ᱠᱚ ᱢᱮᱱᱟᱜᱼᱟ ᱡᱮᱞᱮᱠᱟ- ᱛᱤᱠᱤ, ᱵᱷᱟᱹᱡᱤ, ᱨᱟᱯᱟᱜ ᱟᱨ ᱞᱟᱫ ᱮᱢᱟᱱ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱟᱹᱰᱤ ᱜᱟᱱ ᱟᱹᱨᱤᱪᱟᱹᱞᱤ ᱡᱚᱢᱟᱜ ᱫᱚ ᱨᱮᱥᱴᱩᱨᱮᱱᱴ ᱨᱮ ᱵᱟᱝ ᱧᱟᱢᱚᱜᱼᱟ᱾ ᱢᱮᱱᱠᱷᱟᱱ ᱢᱤᱫᱴᱟᱹᱝ ᱴᱚᱴᱷᱟᱠᱤᱭᱟᱹ ᱟᱹᱛᱩ ᱨᱮ ᱥᱮᱴᱮᱨᱚᱜ ᱨᱮ, ᱢᱤᱫ ᱦᱚᱲ ᱱᱚᱝᱠᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱡᱚᱢᱟᱜ ᱠᱚ ᱪᱟᱠᱷᱟ ᱨᱮᱱᱟᱜ ᱫᱟᱣ ᱮ ᱧᱟᱢ ᱫᱟᱲᱮᱭᱟᱜᱼᱟ ᱾ ᱠᱤᱪᱷᱩ ᱡᱚᱢᱟᱜ ᱨᱮᱫᱚ ᱫᱚ ᱠᱚᱢ ᱥᱩᱱᱩᱢ ᱟᱨ ᱢᱚᱥᱞᱟ ᱛᱮ ᱦᱩᱭ ᱫᱟᱲᱮᱭᱟᱜᱼᱟ, ᱢᱮᱱᱠᱷᱟᱱ ᱥᱤᱵᱤᱞ ᱟᱨ ᱯᱚᱨᱚᱵᱽ ᱡᱚᱢᱟᱜ ᱨᱮ ᱱᱚᱝᱠᱟᱱ ᱟᱪᱟᱨ ᱠᱚ ᱦᱩᱭ ᱫᱟᱲᱮᱭᱟᱜᱼᱟ᱾
ᱡᱚᱢᱟᱜ ᱟᱨ ᱛᱷᱟᱞᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱚᱦᱚᱲ ᱦᱟᱹᱠᱩ:[᱑] ᱱᱚᱣᱟ ᱨᱮᱫᱚ ᱦᱟᱹᱠᱩ ᱥᱤᱛᱩᱝ ᱛᱮ ᱨᱚᱦᱚᱲ ᱠᱟᱛᱮ, ᱥᱩᱱᱩᱢ ᱨᱮ ᱵᱷᱟᱹᱡᱤ ᱛᱟᱭᱚᱢ ᱠᱚ ᱩᱛᱩᱭᱟ᱾ ᱩᱛᱩ ᱡᱚᱠᱷᱮᱡ ᱥᱚᱲᱚᱢ ᱟᱹᱜᱩ ᱞᱟᱹᱜᱤᱫ ᱮᱴᱟᱜ ᱢᱚᱥᱞᱟ ᱠᱚᱦᱚ ᱠᱚ ᱞᱟᱜᱟᱣᱟ᱾
- ᱯᱩᱞᱠᱟᱹ ᱞᱮᱴᱚ/ᱵᱷᱟᱹᱡᱤ:[᱒] ᱥᱟᱨᱡᱚᱢ ᱵᱤᱨ ᱨᱮ ᱱᱚᱣᱟ ᱯᱩᱴᱠᱟᱹ ᱫᱚ ᱧᱟᱢᱚᱜᱼᱟ᱾
- ᱡᱤᱞ ᱞᱟᱫ ᱱᱚᱣᱟ ᱨᱮᱫᱚ ᱡᱟᱱᱟᱦ ᱡᱤᱞ ᱜᱮ ᱛᱟᱞᱮ ᱥᱟᱱᱟᱢ ᱵᱟᱝᱠᱷᱟᱱ ᱵᱟᱲᱮ, ᱥᱟᱨᱡᱚᱢ, ᱠᱟᱨᱭᱟ ᱮᱢᱟᱱ ᱥᱟᱠᱟᱢ ᱨᱮ ᱡᱤᱞ ᱞᱟᱫ ᱠᱟᱛᱮ ᱠᱚ ᱨᱟᱯᱟᱜ ᱤᱥᱤᱱᱟ᱾
- ᱢᱟᱞᱯᱩᱣᱟ: ᱱᱚᱣᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱤᱫᱴᱮᱱ ᱡᱚᱢᱟᱜ ᱠᱟᱱᱟ ᱡᱟᱦᱟᱸ ᱫᱚ ᱦᱳᱞᱤ ᱯᱚᱨᱚᱵᱽ ᱚᱠᱛᱚ ᱨᱮᱜᱮ ᱵᱮᱱᱟᱣᱚᱜᱼᱟ᱾
- ᱟᱨᱥᱚ ᱯᱤᱴᱷᱟᱹ: ᱱᱚᱶᱟ ᱫᱚ ᱯᱚᱨᱚᱵᱽ ᱚᱠᱛᱚ ᱨᱮ ᱵᱮᱱᱟᱣ ᱟᱠᱟᱱ ᱢᱤᱫᱴᱮᱱ ᱥᱩᱠ ᱡᱚᱢᱟᱜ ᱠᱟᱱᱟ᱾ ᱦᱚᱞᱚᱝ ᱟᱨ ᱥᱩᱠᱨᱤ ᱟᱨᱵᱟᱝ ᱜᱩᱲ ᱵᱮᱵᱷᱟᱨᱚᱜ ᱠᱟᱱᱟ ᱵᱮᱱᱟᱣ ᱨᱮ᱾[᱓]
- ᱪᱷᱤᱞᱠᱟ ᱨᱳᱴᱤ: ᱱᱚᱶᱟ ᱫᱚ ᱪᱟᱣᱞᱮ ᱦᱚᱞᱚᱝ ᱟᱨ ᱫᱟᱹᱞ ᱵᱮᱵᱷᱟᱨ ᱠᱟᱛᱮ ᱵᱮᱱᱟᱣ ᱟᱠᱟᱱ ᱨᱳᱴᱤ ᱠᱟᱱᱟ᱾ ᱱᱚᱶᱟ ᱫᱚ ᱪᱟᱹᱴᱱᱤ, ᱥᱚᱵᱽᱡᱤ ᱟᱨ ᱡᱤᱞ ᱥᱟᱶ ᱡᱚᱢᱚᱜᱼᱟ᱾[᱔][᱕]
- ᱫᱷᱩᱥᱠᱟᱹ: ᱱᱚᱶᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱤᱫᱴᱮᱱ ᱡᱚᱢᱟᱜ ᱠᱟᱱᱟ᱾ ᱱᱚᱣᱟ ᱫᱚ ᱰᱤᱯ ᱵᱷᱟᱹᱡᱤ ᱪᱟᱣᱞᱮ ᱦᱚᱞᱚᱝ ᱨᱮᱭᱟᱜ ᱯᱮᱱᱠᱮᱠ ᱠᱟᱱᱟ ᱡᱟᱦᱟᱸ ᱫᱚ ᱵᱮᱥᱚᱱ ᱟᱨ ᱟᱹᱞᱩ ᱞᱮᱴᱚ ᱥᱟᱶ ᱠᱚ ᱡᱚᱢᱟ᱾[᱖]
- ᱚᱨᱩ ᱠᱤ ᱥᱟᱵᱽᱡᱤ: ᱱᱚᱣᱟ ᱫᱚ ᱡᱷᱟᱨᱠᱷᱚᱸᱰ ᱨᱮ ᱧᱟᱢᱚᱜ ᱠᱟᱱ ᱢᱤᱫ ᱨᱮᱦᱮᱫ ᱡᱚᱢᱟᱜ ᱛᱮ ᱵᱮᱱᱟᱣ ᱟᱠᱟᱱᱟ᱾
- ᱪᱟᱠᱳᱨ ᱡᱳᱞ: ᱱᱚᱶᱟ ᱫᱚ ᱵᱤᱨ ᱥᱟᱠᱟᱢ ᱛᱮᱭᱟᱜ ᱡᱚᱢ ᱡᱤᱱᱤᱥ ᱠᱟᱱᱟ, ᱡᱟᱦᱟᱸ ᱫᱚ ᱟᱨᱟᱜ ᱪᱟᱣᱞᱮ ᱫᱟᱠᱟ ᱢᱟᱹᱰᱤ ᱛᱮ ᱠᱚ ᱤᱥᱤᱱᱟ᱾
- ᱥᱚᱱᱟᱭ ᱠᱟ ᱯᱷᱩᱞ ᱠᱟ ᱵᱷᱟᱨᱛᱟ: ᱱᱚᱶᱟ ᱫᱚ ᱥᱚᱱ (ᱠᱨᱳᱴᱟᱞᱟᱨᱤᱭᱟ ᱡᱩᱱᱥᱤᱭᱟ) ᱵᱟᱦᱟ ᱠᱷᱚᱱ ᱵᱮᱱᱟᱣ ᱟᱠᱟᱱ ᱟᱹᱛᱩ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱤᱫ ᱡᱚᱢᱟᱜ ᱠᱟᱱᱟ᱾
- ᱢᱩᱱᱡᱤ ᱟᱰᱟ: ᱱᱚᱶᱟ ᱫᱚ ᱢᱤᱫ ᱞᱮᱠᱟᱱ ᱢᱚᱥᱞᱟ ᱫᱟᱹᱞ ᱠᱟᱱᱟ, ᱡᱟᱦᱟᱸ ᱫᱚ ᱱᱟᱥᱮ ᱟᱪ ᱨᱮ ᱞᱤᱢᱵᱩ ᱟᱨ ᱢᱟᱹᱨᱤᱪ ᱢᱮᱥᱟ ᱟᱛᱮ ᱠᱚ ᱵᱮᱱᱟᱣᱟ᱾
- ᱰᱩᱢᱵᱩᱜ: ᱪᱟᱣᱞᱮ ᱦᱚᱞᱚᱝ ᱛᱮ ᱵᱮᱱᱟᱣ ᱢᱤᱫ ᱞᱟᱹᱰᱩ ᱠᱟᱱᱟ᱾
- ᱛᱤᱞᱠᱩᱴ: ᱛᱤᱞᱠᱩᱴ ᱫᱚ ᱢᱤᱫᱴᱮᱱ ᱦᱮᱲᱮᱢ ᱡᱤᱱᱤᱥ ᱠᱟᱱᱟ ᱡᱟᱦᱟᱸ ᱫᱚ ᱜᱩᱲ ᱯᱟᱴᱴᱟ ᱟᱨᱵᱟᱝ ᱪᱤᱱᱤ ᱞᱮᱣᱦᱟ ᱛᱮ ᱵᱮᱱᱟᱣ ᱟᱠᱟᱱᱟ
ᱧᱩ ᱛᱮᱱᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱪᱟᱣᱞᱮ ᱦᱟᱺᱰᱤ: ᱠᱟᱫᱟ ᱨᱮ ᱨᱟᱹᱱᱩ ᱢᱮᱥᱟ ᱠᱟᱛᱮ ᱦᱟᱱᱦᱟ ᱨᱮᱠᱚ ᱫᱚᱦᱚᱭᱟ᱾ ᱢᱤᱫ ᱦᱟᱯᱛᱟ ᱛᱮᱜᱮ ᱧᱩ ᱜᱟᱱᱚᱜ ᱵᱮᱠᱟ ᱵᱮᱱᱟᱜᱼᱟ᱾ ᱱᱚᱣᱟ ᱫᱚ ᱯᱚᱨᱚᱵᱽ ᱠᱚᱨᱮ ᱥᱮ ᱯᱮᱲᱟ ᱠᱚ ᱦᱮᱡ ᱞᱮᱱ ᱠᱷᱟᱱ ᱠᱚ ᱧᱩᱭᱟ᱾ ᱥᱟᱱᱛᱟᱲ ᱥᱟᱶᱛᱮ ᱦᱟᱺᱰᱤ ᱨᱮᱭᱟᱜ ᱪᱚᱞ ᱥᱮᱫᱟᱭ ᱠᱷᱚᱱ ᱜᱮ ᱦᱮᱡ ᱟᱹᱜᱩ ᱟᱠᱟᱱᱟ᱾
- ᱢᱟᱛᱠᱚᱢ ᱦᱟᱺᱰᱤ: ᱪᱟᱣᱞᱮ ᱦᱟᱺᱰᱤ ᱞᱮᱠᱟ ᱜᱮ ᱢᱟᱛᱠᱚᱢ ᱥᱟᱶᱛᱮ ᱨᱟᱹᱱᱩ ᱢᱮᱥᱟ ᱟᱛᱮ ᱠᱚ ᱵᱮᱱᱟᱣᱟ᱾
ᱡᱚᱢᱟᱜ ᱫᱩᱜ ᱫᱟᱨᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱷᱟᱨᱠᱷᱚᱸᱰ ᱨᱮᱱᱟᱜ ᱵᱟᱨᱜᱮᱞ ᱯᱩᱱ ᱜᱚᱴᱟᱝ ᱦᱚᱱᱚᱛ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱡᱚᱢᱟᱜ ᱫᱩᱜ ᱫᱟᱨᱟᱢ ᱟᱹᱨᱤ, ᱒᱐᱑᱓ ᱞᱮᱠᱟᱛᱮ ᱥᱟᱵᱽᱞᱤᱢᱮᱱᱴᱟᱞ ᱡᱚᱢᱟᱜ ᱫᱩᱜ ᱫᱟᱨᱟᱢ ᱡᱚᱜᱟᱣ ᱧᱟᱢᱟᱭ᱾[᱗] ᱯᱟᱨᱚᱢᱮᱱ ᱚᱠᱛᱚ ᱨᱮ ᱡᱤᱞᱟ ᱠᱚᱨᱮ ᱡᱚᱢᱟᱜ ᱡᱤᱱᱤᱥ ᱠᱚ ᱛᱤᱱᱟᱹᱜ ᱛᱷᱚᱠ ᱨᱮ ᱦᱟᱛᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱠᱤᱪᱷᱩ ᱦᱚᱲ ᱠᱚ ᱮᱴᱠᱮᱴᱚᱬᱮ ᱞᱮᱠᱟᱛᱮ ᱠᱚ ᱵᱩᱡᱷᱟᱹᱣ ᱟᱠᱟᱫᱟ᱾[᱗] ᱡᱩᱱ ᱒᱐᱑᱕ ᱨᱮ, ᱥᱤᱧᱚᱛ ᱥᱚᱨᱠᱟᱨ ᱨᱤᱱᱤᱡ ᱵᱮᱵᱷᱟᱨᱤᱭᱟᱹ ᱵᱟᱵᱚᱛ ᱢᱚᱱᱛᱨᱤ, ᱡᱚᱢᱟᱜ ᱟᱨ ᱦᱟᱹᱴᱤᱧ ᱢᱚᱱᱛᱨᱤ ᱨᱟᱢ ᱵᱤᱞᱟᱥ ᱯᱟᱥᱣᱟᱱ ᱫᱚ ᱡᱚᱢᱟᱜ ᱫᱩᱜ ᱫᱟᱨᱟᱢ ᱟᱫᱷᱤᱱᱤᱭᱚᱢ ᱨᱮᱱᱟᱜ ᱞᱟᱹᱜᱩ ᱫᱚ ᱢᱤᱫ ᱫᱷᱟᱣ ᱨᱮ ᱵᱟᱝ, ᱛᱷᱚᱠ ᱛᱷᱚᱠ ᱨᱮ ᱦᱩᱭᱩᱜ ᱢᱟ ᱢᱮᱱᱛᱮᱭ ᱞᱟᱹᱭ ᱞᱮᱫᱼᱟ᱾[᱗] ᱱᱚᱝᱠᱟ ᱛᱮ ᱯᱚᱥᱣᱟᱱ ᱫᱚ ᱑ ᱥᱮᱯᱴᱮᱢᱵᱚᱨ ᱒᱐᱑᱕ ᱦᱟᱹᱵᱤᱡ ᱡᱚᱛᱚ ᱞᱮᱠᱟᱛᱮ ᱦᱟᱹᱯᱟᱹᱴᱤᱧ ᱯᱩᱨᱟᱹᱣ ᱨᱮᱭᱟᱜ ᱮ ᱢᱮᱱ ᱟᱠᱟᱫᱟ᱾[᱗]
ᱵᱟᱨᱦᱮ ᱡᱚᱱᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedtelegraphindia.com - ↑ "Pan-India tour on capital's buffet table - Tribal cuisine part of 10-day food festival". www.telegraphindia.com (in ᱟᱝᱜᱽᱨᱮᱡᱤ). Retrieved 2018-12-18.
- ↑ "14 Delectable Jharkhand Food Items You Must Try at least Once | Touch to the Tribal World. | Panda Reviewz - Discovering the Best of Food & Travel".
- ↑ "Chilka Roti Recipe: झारखंड की फेमस चिल्का रोटी का लें ज़ायका, आसान है रेसिपी". news18. 30 January 2022. Retrieved 18 September 2022.
- ↑ "Delectable dishes in Ranchi you should try once". pinkvilla. Archived from the original on 20 September 2022. Retrieved 18 September 2022.
- ↑ ᱗.᱐ ᱗.᱑ ᱗.᱒ ᱗.᱓ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedZee News 2015