ᱣᱤᱠᱤᱯᱤᱰᱤᱭᱟ:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ/᱒᱐᱒᱓
- ᱡᱟᱱᱩᱣᱟᱨᱤ ᱒᱐᱒᱓
- ᱱᱚᱶᱟ ᱪᱟᱸᱫᱚ ᱞᱟᱹᱜᱤᱫ ᱵᱟᱪᱷᱟᱣ ᱚᱱᱚᱞ ᱵᱟᱝ ᱵᱟᱪᱷᱟᱣ ᱟᱠᱟᱱᱟ ᱾
- ᱟᱢ ᱱᱟᱶᱟ ᱱᱮᱦᱚᱸᱨ ᱟᱨᱵᱟᱝ ᱚᱠᱛᱟ (comment) ᱮᱢ ᱫᱟᱲᱮᱭᱟᱜᱼᱟ ᱟᱢ Wikipedia:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ/ᱱᱮᱦᱚᱸᱨ ᱥᱟᱦᱴᱟ ᱨᱮ ᱾ ᱧᱮᱞᱢᱮ Wikipedia:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ
- ᱯᱷᱮᱵᱽᱨᱩᱣᱟᱨᱤ ᱒᱐᱒᱓
ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ ᱫᱚ ᱜᱚᱴᱟ ᱫᱷᱟᱹᱨᱛᱤᱨᱮ ᱠᱚ ᱢᱟᱱᱟᱣ ᱟᱹᱜᱩᱭᱫᱟ᱾ ᱵᱟᱝᱞᱟᱫᱮᱥ ᱨᱮᱱ ᱢᱟᱹᱱᱢᱤ ᱠᱩ ᱞᱟᱹᱜᱤᱛ ᱱᱚᱣᱟ ᱢᱟᱦᱟᱸ ᱫᱚ ᱵᱷᱟᱥᱟ ᱥᱳᱦᱤᱫᱽ ᱫᱤᱵᱚᱥ ᱦᱚᱸ ᱠᱩ ᱢᱮᱛᱟᱜᱼᱟ᱾ ᱱᱚᱣᱟ ᱢᱟᱦᱟᱸᱨᱮ ᱜᱚᱴᱟ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚᱞᱮᱠᱟᱱ ᱯᱟᱹᱨᱥᱤ ᱨᱮᱭᱟᱜ ᱟᱹᱭᱫᱟᱹᱨᱤ ᱟᱨ ᱚᱱᱟᱠᱩ ᱵᱟᱸᱪᱟᱣ ᱫᱚᱦᱚ ᱟᱨ ᱯᱟᱥᱱᱟᱣ ᱞᱟᱹᱜᱤᱛ ᱵᱤᱥᱮᱥ ᱢᱟᱦᱟᱸ ᱦᱤᱥᱟᱹᱵᱛᱮᱠᱩ ᱢᱟᱱᱟᱣ ᱟᱹᱜᱩᱭᱫᱟ᱾ ᱑᱙᱕᱒ ᱥᱮᱨᱢᱟ ᱨᱮᱱᱟᱜ ᱒᱑ ᱢᱟᱦᱟᱸ ᱨᱮ ᱵᱟᱝᱞᱟ ᱯᱟᱹᱨᱥᱤ ᱥᱟᱢᱟᱝ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱟᱛᱤᱭᱳ ᱯᱟᱹᱨᱥᱤ ᱠᱚᱨᱟᱣ ᱞᱟᱹᱜᱤᱛ ᱯᱟᱹᱴᱷᱩᱣᱟᱹ ᱠᱩ ᱟᱜ ᱢᱤᱪᱷᱤᱞ ᱨᱮ ᱯᱟᱠᱤᱥᱛᱟᱱ ᱵᱟᱦᱤᱱᱤ ᱠᱩ ᱜᱩᱞᱤ ᱞᱮᱫᱟ᱾ ᱩᱱ ᱡᱚᱠᱷᱚᱡ ᱵᱮᱥ ᱠᱤᱪᱷᱩ ᱢᱟᱹᱱᱢᱤ ᱠᱩ ᱜᱚᱪ ᱚᱪᱚ ᱞᱮᱱᱟ᱾ ᱚᱱᱟ ᱠᱟᱨᱚᱱᱛᱮ ᱱᱚᱣᱟ ᱢᱟᱦᱟᱸ ᱫᱚ ᱥᱚᱦᱤᱫ ᱫᱤᱵᱚᱥ ᱠᱩ ᱢᱮᱛᱟᱜ-ᱟ᱾ ᱟᱨ ᱒᱐᱑᱐ ᱥᱮᱨᱢᱟ ᱠᱷᱚᱱ ᱡᱟᱛᱤᱥᱚᱝᱜᱷᱚ ᱱᱚᱣᱟ ᱢᱟᱦᱟᱸᱨᱮ ᱡᱮᱜᱮᱛᱟᱹᱨᱤ ᱜᱚᱜᱚ ᱯᱟᱹᱨᱥᱤ ᱢᱟᱦᱟᱸ ᱦᱤᱥᱟᱹᱵᱛᱮᱭ ᱜᱷᱳᱥᱳᱱᱟ ᱠᱮᱫᱟ᱾
- ᱢᱟᱨᱪ ᱒᱐᱒᱓
ᱵᱟᱦᱟ ᱯᱚᱨᱚᱵ ᱫᱚ ᱦᱚᱲ ᱦᱚᱯᱚᱱᱟᱜ ᱫᱚᱥᱟᱨ ᱢᱟᱨᱟᱝ ᱯᱚᱨᱚᱵ ᱠᱟᱱᱟ ᱾ ᱯᱷᱟᱹᱜᱩᱱ ᱪᱟᱸᱫᱚ ᱠᱩᱱᱟᱹᱢᱤ ᱠᱮᱪᱟᱜ ᱦᱤᱞᱚᱜ ᱠᱷᱚᱱ ᱱᱤᱭᱟᱹ ᱯᱚᱨᱚᱵ ᱫᱚ ᱦᱩᱭᱩᱜᱼᱟ ᱾ ᱡᱟᱦᱮᱨ ᱛᱷᱟᱱᱨᱮ ᱵᱟᱦᱟ ᱵᱚᱝᱜᱟ ᱫᱚ ᱦᱩᱭᱩᱜᱼᱟ; ᱵᱟᱦᱟ ᱯᱚᱨᱚᱵᱽ ᱨᱮᱱᱟᱜ ᱫᱤᱱ ᱫᱚ ᱦᱩᱭᱩᱜ ᱠᱟᱱᱟ ᱯᱷᱟᱹᱜᱩᱱ ᱵᱚᱝᱜᱟ ᱨᱮᱭᱟᱜ ᱢᱩᱞᱩᱜ ᱢᱚᱬᱮ ᱢᱟᱦᱟ ᱦᱤᱞᱚᱜ ᱵᱟᱦᱟ ᱯᱚᱨᱚᱵᱽ ᱫᱚ ᱯᱮ ᱫᱤᱱ ᱦᱩᱭᱩᱜᱼᱟ ᱾ ᱯᱟᱹᱦᱤᱞ ᱫᱤᱱ ᱫᱚᱠᱚ ᱢᱮᱛᱟᱜᱼᱟ ᱩᱢ ᱢᱟᱦᱟ, ᱫᱚᱥᱟᱨ ᱫᱤᱱ ᱫᱚᱠᱚ ᱢᱮᱛᱟᱜᱼᱟ ᱵᱟᱦᱟ ᱥᱟᱹᱨᱫᱤ ᱢᱟᱦᱟᱸ ᱛᱮᱥᱟᱨ ᱢᱟᱦᱟ ᱫᱚ ᱦᱩᱭᱩᱜ ᱠᱟᱱᱟ ᱵᱟᱦᱟ ᱡᱟᱞᱮ ᱾
- ᱮᱯᱨᱤᱞ ᱒᱐᱒᱓
ᱫᱨᱚᱣᱯᱚᱫᱤ ᱢᱩᱨᱢᱩ ᱫᱚ (ᱡᱟᱱᱟᱢ ᱒᱐ ᱡᱩᱱ ᱑᱙᱕᱘) ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽ ᱟᱹᱨᱤ ᱠᱟᱱᱟᱭ, ᱱᱩᱭ ᱫᱚ ᱒᱕ ᱡᱩᱞᱟᱭ ᱒᱐᱒᱒ ᱠᱷᱚᱱ ᱥᱤᱧᱚᱛ ᱨᱤᱱᱤᱡ ᱑᱕ ᱟᱱᱤᱡ ᱟᱨ ᱱᱤᱛᱚᱜ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱠᱟᱹᱢᱤ ᱮᱫᱟᱭ ᱾ ᱱᱩᱭ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ ᱾[᱑] ᱱᱩᱭ ᱫᱚ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱵᱟᱪᱷᱱᱟᱣ ᱭᱤᱡ ᱟᱹᱫᱤᱵᱟᱹᱥᱤ ᱜᱩᱴ ᱥᱟᱶ ᱡᱚᱲᱟᱣ ᱟᱠᱟᱱ ᱯᱩᱭᱞᱩ ᱦᱚᱲ ᱠᱟᱱᱟᱭ ᱾[᱒] ᱢᱩᱨᱢᱩ ᱫᱚ ᱯᱨᱚᱛᱤᱵᱷᱟ ᱯᱟᱴᱤᱞ ᱛᱟᱭᱚᱢ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱥᱮᱵᱟ ᱭᱤᱡ ᱢᱤᱫᱴᱟᱹᱝ ᱫᱚᱥᱟᱨ ᱛᱤᱨᱞᱟᱹ ᱠᱟᱱᱟᱭ ᱾
- ᱢᱮ ᱒᱐᱒᱓
ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱟᱨ ᱵᱟᱝᱠᱷᱟᱱ ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ,[᱑][᱒] ᱡᱟᱦᱟᱸᱭ ᱫᱚ ᱚᱞ ᱪᱤᱠᱤ ᱵᱮᱱᱟᱣ ᱞᱮᱫ ᱟᱭ ᱾ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱨᱟᱭᱨᱟᱝᱯᱩᱨ ᱩᱯᱳᱡᱤᱞᱟ ᱨᱮᱭᱟᱜ ᱰᱟᱸᱰᱵᱩᱥ ᱟᱛᱩ ᱨᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛ ᱢᱩᱨᱢᱩ ᱫᱚ ᱑᱙᱐᱕ ᱥᱟᱞ ᱨᱮᱱᱟᱜ ᱤᱝᱨᱮᱡᱤ ᱢᱮ ᱪᱟᱸᱫᱚ ᱨᱮᱱᱟᱜ ᱕ ᱢᱟᱹᱦᱤᱛ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱠᱟᱹᱢᱤ ᱠᱟᱡᱽ ᱨᱮᱫᱚ ᱩᱱᱤ ᱫᱚ ᱩᱱᱩᱥᱩᱞ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ᱾
- ᱡᱩᱱ ᱒᱐᱒᱓
ᱥᱟᱱᱛᱟᱲ ᱦᱩᱞ ᱫᱚ ᱮᱦᱚᱵ ᱞᱮᱱᱟ ᱑᱘᱕᱕ ᱥᱟᱞ ᱨᱮ ᱾ ᱤᱝᱨᱮᱡᱽ ᱟᱢᱚᱞ ᱨᱮ ᱡᱚᱢᱤᱫᱟᱨ, ᱢᱚᱦᱟᱡᱚᱱ ᱟᱨ ᱤᱝᱨᱮᱡᱽ ᱠᱚᱨᱢᱚᱪᱟᱹᱨᱤ ᱠᱚ ᱦᱚᱲ ᱪᱮᱛᱟᱱ ᱱᱟᱦᱟᱪᱟᱨ ᱠᱚ ᱮᱦᱚᱵ ᱞᱮᱫᱛᱮ ᱩᱱᱠᱩ ᱵᱤᱨᱩᱫᱷ ᱥᱟᱱᱛᱟᱲ ᱠᱚ ᱦᱩᱞ ᱞᱮᱫᱼᱟ ᱾ ᱤᱝᱨᱮᱡᱽ ᱵᱤᱨᱩᱫᱷ ᱨᱮ ᱱᱤᱭᱟᱹ ᱜᱮ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱠᱟᱱᱟ ᱜᱚᱴᱟ ᱵᱷᱟᱨᱚᱛ ᱫᱤᱥᱚᱢ ᱨᱮ᱾ ᱱᱤᱭᱟᱹ ᱞᱟᱹᱲᱦᱟᱹᱭ ᱨᱮ ᱥᱤᱫᱚ ᱟᱨ ᱠᱟᱹᱱᱦᱩ ᱢᱩᱨᱢᱩ, ᱪᱟᱸᱫᱽ ᱢᱩᱨᱢᱩ, ᱵᱷᱟᱭᱨᱚ ᱢᱩᱨᱢᱩ ᱱᱩᱠᱩ ᱯᱩᱱ ᱵᱚᱭᱦᱟ ᱟᱨ ᱵᱟᱨ ᱠᱩᱲᱤ ᱵᱚᱭᱦᱟ ᱯᱷᱩᱞᱳ ᱟᱨ ᱡᱷᱟᱱᱚ ᱢᱩᱨᱢᱩ ᱛᱮᱠᱚ ᱫᱚ ᱟᱹᱜᱩᱣᱟᱹᱱ ᱞᱮᱠᱟ ᱛᱮᱠᱚ ᱛᱟᱦᱮᱸ ᱠᱟᱱᱟ ᱾[᱑] ᱥᱤᱯᱟᱹᱦᱤ ᱦᱩᱞ ᱨᱮᱱᱟᱜ ᱮᱦᱚᱵ ᱦᱚᱸ ᱥᱟᱱᱛᱟᱲ ᱦᱩᱞ ᱠᱷᱚᱱ ᱜᱮᱠᱚ ᱧᱟᱢ ᱞᱮᱫᱼᱟ ᱾
- ᱡᱩᱞᱟᱭ ᱒᱐᱒᱓
ᱚᱞ ᱪᱤᱠᱤ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱱᱟᱜ ᱪᱤᱠᱤᱢᱟᱞᱟ ᱠᱟᱱᱟ᱾ ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛ ᱢᱩᱨᱢᱩ ᱑᱙᱒᱕ ᱥᱟᱞ ᱨᱮ ᱵᱟᱹᱨᱯᱟᱫᱟ ᱨᱟᱡᱽᱼᱟᱜ ᱯᱨᱚᱫᱚᱨᱥᱚᱱᱤ (ᱩᱫᱮᱞᱟ) ᱨᱮ ᱫᱤᱥᱚᱢ ᱦᱚᱲ ᱥᱟᱢᱟᱝ ᱨᱮ ᱚᱞ ᱪᱤᱠᱤ ᱥᱚᱫᱚᱨ ᱞᱮᱫᱼᱟᱭ ᱾ ᱱᱚᱶᱟ ᱪᱤᱠᱤ ᱫᱚ ᱵᱟᱨ ᱯᱨᱚᱠᱟᱨ ᱛᱮ ᱠᱚ ᱚᱞᱟ ᱢᱤᱫᱴᱟᱹᱝ ᱫᱚ ᱪᱷᱟᱯᱟ ᱟᱨ ᱫᱚᱥᱟᱨ ᱫᱚ ᱩᱥᱟᱹᱨᱟ ᱚᱞ, ᱟᱨ ᱵᱟᱨ ᱯᱨᱚᱠᱟᱨ ᱫᱚ ᱢᱮᱥᱟ ᱠᱟᱛᱮ ᱵᱟᱠᱚ ᱚᱞᱟ ᱾ ᱥᱟᱱᱛᱟᱲ ᱠᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱵᱤᱦᱟᱨ, ᱵᱮᱸᱜᱚᱞ, ᱳᱰᱤᱥᱟ ᱯᱚᱱᱚᱛ ᱥᱟᱶᱛᱮ ᱯᱩᱲᱥᱟᱹ ᱱᱮᱯᱟᱞ ᱟᱨ ᱵᱟᱝᱞᱟᱫᱮᱥ ᱠᱚᱨᱮ ᱦᱚᱸ ᱟᱭᱢᱟ ᱫᱷᱟᱨᱟ ᱜᱮ ᱢᱮᱱᱟᱜ ᱠᱚᱣᱟ ᱾
- ᱚᱜᱚᱥᱴ ᱒᱐᱒᱓
ᱡᱮᱜᱮᱛᱟᱹᱨᱤ ᱟᱹᱫᱤᱵᱟᱹᱥᱤ ᱢᱟᱦᱟᱸ (en:International Day of the World's Indigenous Peoples) ᱫᱚ ᱥᱮᱨᱢᱟ ᱨᱮᱱᱟᱜ ᱤᱝᱨᱮᱡᱤ ᱙ ᱟᱜᱚᱱᱴ ᱠᱚ ᱢᱟᱱᱟᱣᱟ᱾ ᱡᱟᱛᱤᱥᱚᱝᱜᱷᱚ ᱑᱙᱙᱔ ᱥᱮᱨᱢᱟ ᱠᱷᱚᱱ ᱱᱚᱣᱟ ᱢᱟᱦᱟᱸᱭ ᱢᱟᱱᱟᱣ ᱟᱹᱜᱩᱭᱫᱟ᱾
- ᱥᱮᱯᱴᱮᱢᱵᱚᱨ ᱒᱐᱒᱓
-->
ᱠᱟᱨᱟᱢ/ᱠᱚᱨᱚᱢ ᱱᱚᱶᱟ ᱵᱚᱝᱜᱟ ᱵᱩᱨᱩ ᱯᱟᱨᱟᱵᱽ ᱫᱚ ᱪᱟᱥ ᱠᱷᱮᱛ ᱠᱚ ᱨᱟᱠᱟᱵᱽ ᱫᱮᱞᱟ ᱫᱮᱞᱤ ᱨᱟᱥᱠᱟ ᱛᱮ ᱟᱹᱛᱩ ᱦᱚᱲ ᱠᱚ ᱟᱱᱛᱮ ᱢᱟᱱᱟᱣ ᱦᱩᱭᱩᱜᱼᱟ ᱾ ᱠᱟᱨᱟᱢ ᱯᱟᱨᱟᱵᱽ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱡᱷᱟᱨᱠᱷᱟᱸᱰ, ᱢᱚᱫᱷᱭᱚᱯᱨᱚᱫᱮᱥ, ᱪᱷᱚᱛᱤᱥᱜᱚᱰ, ᱟᱥᱟᱢ, ᱳᱰᱤᱥᱟ ᱟᱨ ᱣᱚᱮᱥᱴ ᱵᱮᱸᱜᱚᱞ ᱯᱚᱱᱚᱛ ᱠᱚᱨᱮ ᱵᱟᱹᱲᱛᱤ ᱧᱮᱞ ᱧᱟᱢᱚᱜᱼᱟ ᱾ ᱱᱚᱶᱟ ᱵᱚᱝᱜᱟ ᱵᱩᱨᱩ ᱫᱚ ᱠᱟᱨᱟᱢ ᱵᱚᱝᱜᱟ ᱧᱩᱛᱩᱢ ᱛᱮ ᱵᱚᱝᱜᱟᱭᱟᱠᱚ, ᱫᱟᱲᱮ, ᱫᱷᱚᱱ ᱟᱨ ᱱᱟᱭ ᱱᱟᱯᱟᱭ ᱞᱟᱹᱜᱤᱫ ᱾ ᱠᱟᱨᱟᱢ ᱵᱚᱝᱜᱟ ᱫᱚ ᱠᱚᱨᱵᱟ, ᱵᱟᱤᱜᱟ, ᱵᱤᱧᱡᱷᱩᱣᱟᱨᱤ, ᱱᱟᱜᱯᱩᱨᱤ, ᱠᱚᱨᱛᱷᱟ, ᱠᱩᱰᱩᱢᱤ, ᱚᱨᱟᱶ, ᱢᱩᱸᱰᱟ, ᱥᱟᱱᱛᱟᱲ ᱟᱨ ᱟᱹᱰᱤ ᱞᱮᱠᱟᱱ ᱡᱟᱹᱛᱨᱤᱱ ᱦᱚᱲ ᱠᱚ ᱢᱟᱱᱟᱣᱼᱟ ᱾ ᱱᱚᱶᱟ ᱵᱟᱨᱟᱵᱽ ᱫᱚ ᱠᱩᱱᱟᱹᱢᱤ ᱨᱮᱭᱟᱜ ᱜᱮᱞ ᱢᱤᱫ ᱫᱤᱱ ᱨᱮ ᱵᱷᱟᱫᱚᱨ ᱵᱚᱝᱜᱟᱨᱮ ᱵᱚᱝᱜᱟᱭᱟ, ᱡᱟᱦᱟ ᱪᱤ ᱤᱸᱜᱨᱟᱡᱤ ᱵᱚᱝᱜᱟ ᱚᱜᱚᱥᱴ ᱟᱨ ᱥᱮᱯᱴᱮᱢᱵᱚᱨ ᱯᱟᱲᱟᱣᱚᱜᱼᱟ ᱾ ᱡᱩᱣᱟᱱ ᱠᱚᱲᱟ ᱠᱩᱲᱤ ᱟᱨ ᱟᱹᱛᱩ ᱦᱚᱲ ᱠᱚ ᱡᱚᱛᱚ ᱵᱤᱨ ᱪᱟᱞᱟᱣ ᱠᱟᱛᱮ ᱥᱟᱦᱟᱱ, ᱡᱚ ᱟᱨ ᱵᱟᱦᱟ ᱠᱚ ᱟᱹᱜᱩᱭᱟ ᱾ ᱱᱚᱶᱟ ᱠᱚᱫᱚ ᱡᱚᱛᱚ ᱵᱚᱝᱜᱟ ᱵᱩᱨᱩ ᱡᱷᱚᱜ ᱫᱚᱨᱠᱟᱨ ᱤᱫᱤ ᱠᱟᱛᱮ ᱞᱟᱜᱟᱣᱜᱼᱟ ᱾ ᱵᱚᱝᱜᱟ ᱵᱩᱨᱩ ᱛᱟᱭᱚᱢ ᱡᱚᱛᱚ ᱢᱮᱥᱟ ᱠᱟᱛᱮ ᱠᱚ ᱠᱟᱨᱟᱢ ᱮᱱᱮᱡ ᱥᱮᱨᱮᱧ ᱡᱚᱝᱟᱠᱚ ᱾ ᱟᱹᱛᱩ ᱡᱟᱠᱟᱛ ᱛᱮᱠᱚ ᱤᱱᱟᱹ ᱦᱤᱞᱚᱜ ᱫᱚ ᱮᱱᱮᱡ ᱥᱮᱨᱮᱧ ᱛᱮᱠᱚ ᱟᱫᱚᱲ ᱠᱟᱜᱼᱟ ᱾
- ᱚᱠᱴᱚᱵᱚᱨ ᱒᱐᱒᱓
- ᱱᱚᱶᱟ ᱪᱟᱸᱫᱚ ᱞᱟᱹᱜᱤᱫ ᱵᱟᱪᱷᱟᱣ ᱚᱱᱚᱞ ᱵᱟᱝ ᱵᱟᱪᱷᱟᱣ ᱟᱠᱟᱱᱟ ᱾
- ᱟᱢ ᱱᱟᱶᱟ ᱱᱮᱦᱚᱸᱨ ᱟᱨᱵᱟᱝ ᱚᱠᱛᱟ (comment) ᱮᱢ ᱫᱟᱲᱮᱭᱟᱜᱼᱟ ᱟᱢ Wikipedia:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ/ᱱᱮᱦᱚᱸᱨ ᱥᱟᱦᱴᱟ ᱨᱮ ᱾ ᱧᱮᱞᱢᱮ Wikipedia:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ
- ᱱᱚᱵᱷᱮᱢᱵᱚᱨ ᱒᱐᱒᱓
ᱥᱟᱜᱚᱨᱢᱟᱛᱷᱟ ᱡᱟᱹᱛᱤᱭᱟᱹᱨᱤ ᱯᱟᱨᱠ ᱫᱚ ᱱᱮᱯᱟᱞ ᱨᱮᱱᱟᱜ ᱯᱩᱨᱩᱵᱽ ᱨᱮ ᱢᱮᱱᱟᱜ ᱦᱤᱢᱟᱞᱚᱭ ᱨᱮᱱᱟᱜ ᱢᱤᱫ ᱡᱟᱹᱛᱤᱭᱟᱹᱨᱤ ᱯᱟᱨᱠ ᱠᱟᱱᱟ, ᱡᱟᱦᱟᱸ ᱫᱚ ᱢᱟᱣᱩᱱᱴ ᱮᱵᱷᱚᱨᱮᱥᱴ ᱨᱮᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱑᱙᱗᱖ ᱨᱮ ᱡᱟᱹᱛᱤᱭᱟᱹᱨᱤ ᱯᱟᱨᱠ ᱞᱮᱠᱟᱛᱮ ᱵᱮᱱᱟᱣ ᱞᱮᱱᱟ ᱾ ᱱᱚᱶᱟ ᱫᱚ ᱥᱳᱞᱩᱠᱷᱩᱢᱵᱩ ᱦᱚᱱᱚᱛ ᱨᱮ ᱑,᱑᱔᱘ km2 (᱔᱔᱓ sq mi) ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱟᱨ ᱢᱚᱶᱴ ᱮᱵᱷᱚᱨᱮᱥᱴ ᱨᱮ ᱒᱘᱔᱕ ᱠᱷᱚᱱ ᱘᱘᱔᱘ m (᱙᱓᱔ ᱠᱷᱚᱱ ᱒᱙,᱐᱒᱙ ᱯᱷᱩᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱮᱛᱚᱢ ᱨᱮ, ᱱᱚᱣᱟ ᱛᱤᱵᱵᱚᱛ ᱚᱴᱚᱱᱚᱢᱟᱥ ᱨᱤᱡᱚᱱ ᱨᱮ ᱠᱩᱢᱚᱞᱚᱝᱜᱟᱢ ᱡᱟᱹᱛᱤᱭᱟᱹᱨᱤ ᱱᱮᱪᱟᱨ ᱯᱨᱮᱥᱟᱨᱵᱽ ᱥᱟᱶ ᱡᱮᱡᱟᱹᱛᱤᱭᱟᱹᱨᱤ ᱥᱤᱢᱟᱹ ᱮᱢᱟᱜᱼᱟ ᱾ ᱯᱩᱨᱩᱵᱽ ᱨᱮ, ᱱᱚᱣᱟ ᱢᱚᱠᱟᱞᱩ ᱵᱟᱨᱩᱱ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱥᱩᱨ ᱨᱮ ᱢᱮᱱᱟᱜᱼᱟ, ᱟᱨ ᱠᱚᱧᱮ ᱨᱮ ᱱᱚᱣᱟ ᱫᱩᱫᱷ ᱠᱳᱥᱤ ᱫᱤᱯ ᱨᱮ ᱦᱤᱡᱩᱜᱼᱟ ᱾[᱑] ᱱᱚᱣᱟ ᱫᱚ ᱥᱚᱨᱠᱟᱨᱤ ᱦᱤᱢᱟᱞᱚᱭᱟᱱ ᱞᱮᱸᱰᱥᱠᱟᱯ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾
- ᱰᱤᱥᱮᱢᱵᱚᱨ ᱒᱐᱒᱓
- ᱱᱚᱶᱟ ᱪᱟᱸᱫᱚ ᱞᱟᱹᱜᱤᱫ ᱵᱟᱪᱷᱟᱣ ᱚᱱᱚᱞ ᱵᱟᱝ ᱵᱟᱪᱷᱟᱣ ᱟᱠᱟᱱᱟ ᱾
- ᱟᱢ ᱱᱟᱶᱟ ᱱᱮᱦᱚᱸᱨ ᱟᱨᱵᱟᱝ ᱚᱠᱛᱟ (comment) ᱮᱢ ᱫᱟᱲᱮᱭᱟᱜᱼᱟ ᱟᱢ Wikipedia:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ/ᱱᱮᱦᱚᱸᱨ ᱥᱟᱦᱴᱟ ᱨᱮ ᱾ ᱧᱮᱞᱢᱮ Wikipedia:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ