ᱥᱩᱥᱤᱞᱟ ᱠᱮᱨᱠᱮᱴᱴᱟ
| ᱥᱩᱥᱤᱞᱟ ᱠᱮᱨᱠᱮᱴᱴᱟ | |
|---|---|
| ᱮᱢ.ᱯᱤ | |
| ᱟᱹᱢᱟᱹᱞᱤ ᱨᱮ ᱒᱐᱐᱔–᱒᱐᱐᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱟᱨᱤᱭᱟ ᱢᱩᱱᱰᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱠᱟᱨᱤᱭᱟ ᱢᱩᱱᱰᱟ |
| ᱵᱟᱪᱱᱟᱣ ᱮᱞᱮᱠᱟ | ᱠᱷᱩᱸᱴᱤ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱗ ᱮᱯᱨᱤᱞ ᱑᱙᱓᱙ ᱨᱟᱺᱪᱤ, ᱡᱷᱟᱨᱠᱷᱚᱸᱰ |
| ᱜᱩᱨ | ᱑᱙ ᱚᱠᱴᱚᱵᱚᱨ ᱒᱐᱐᱙ ᱠᱷᱩᱸᱴᱤ, ᱡᱷᱟᱨᱠᱷᱚᱸᱰ |
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱱᱳᱴᱴᱨᱳᱴ ᱠᱮᱨᱠᱮᱴᱴᱟ |
| ᱦᱚᱯᱚᱱ | ᱓ ᱠᱚᱲᱟ ᱟᱨ ᱒ ᱠᱩᱲᱤ |
| ᱚᱲᱟᱜ | ᱨᱟᱺᱪᱤ, ᱡᱷᱟᱨᱠᱷᱚᱸᱰ |
| As of ᱒᱕ ᱥᱮᱯᱴᱮᱢᱵᱚᱨ, ᱒᱐᱐᱖ Source: [᱑] | |
ᱥᱩᱥᱤᱞᱟ ᱠᱮᱨᱠᱮᱴᱴᱟ (᱒᱗ ᱮᱯᱨᱤᱞ ᱑᱙᱓᱙ - ᱑᱙ ᱚᱠᱴᱚᱵᱚᱨ ᱒᱐᱐᱙) ᱫᱚ ᱑᱙᱘᱕ ᱠᱷᱚᱱ ᱒᱐᱐᱐ ᱥᱟᱞ ᱢᱩᱸᱫᱽ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱟᱨ ᱠᱷᱩᱸᱴᱤ ᱞᱳᱠᱥᱚᱵᱷᱟ ᱛᱟᱞᱢᱟ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾
ᱥᱩᱥᱤᱞᱟ ᱵᱤᱦᱟᱨ ᱥᱚᱨᱠᱟᱨᱟᱜ ᱟᱭᱢᱟ ᱞᱟᱹᱠᱛᱤᱭᱟᱱ ᱵᱤᱵᱷᱟᱜᱽ ᱮ ᱥᱟᱢᱵᱽᱲᱟᱣ ᱟᱠᱟᱫᱟ ᱾ ᱩᱱᱤ ᱑᱙᱘᱕ ᱠᱷᱚᱱ ᱑᱙᱘᱘ ᱫᱷᱟᱹᱵᱤᱡ ᱯᱚᱱᱚᱛ ᱨᱮᱱ ᱫᱟᱜ ᱵᱟᱛᱟᱱ (ᱤᱨᱤᱜᱮᱥᱟᱱ) ᱢᱚᱱᱛᱨᱤ ᱮ ᱛᱟᱦᱮᱸ ᱠᱟᱱᱟ ᱾[᱑] ᱩᱱᱤ ᱑᱙᱘᱙ ᱥᱮᱨᱢᱟ ᱨᱮ ᱢᱚᱱᱛᱨᱤ ᱢᱟᱰᱮᱨ ᱦᱩᱫᱟᱹ ᱨᱮᱭ ᱨᱟᱠᱟᱵ ᱞᱮᱱᱟ ᱟᱨ ᱠᱷᱟᱫᱟᱱ ᱟᱨ ᱚᱛᱥᱟᱬᱮᱥ (ᱡᱤᱭᱳᱞᱚᱡᱤ) ᱟᱨ ᱡᱚᱢᱼᱧᱩ ᱟᱨ ᱥᱤᱵᱷᱤᱞ ᱥᱟᱯᱞᱟᱭ ᱵᱤᱵᱷᱟᱜᱽ ᱨᱮᱱ ᱢᱩᱬᱩᱛ ᱮ ᱛᱟᱦᱮᱸ ᱠᱟᱱᱟ ᱾
ᱩᱱᱤ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱠᱷᱩᱸᱴᱤ ᱵᱟᱪᱷᱱᱟᱣ ᱛᱟᱞᱢᱟ ᱨᱮᱭᱟᱜ ᱮ ᱯᱨᱚᱛᱤᱱᱤᱫᱷᱤᱛᱚ ᱭᱮᱫ ᱠᱟᱱ ᱛᱟᱦᱮᱸᱠᱟᱱᱟ ᱟᱨ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱟᱨᱦᱚᱸ ᱠᱷᱩᱸᱴᱤ ᱨᱮᱭᱟᱜ ᱵᱤᱨᱥᱟ ᱠᱚᱞᱮᱡᱽ ᱨᱮᱱ ᱞᱮᱠᱪᱟᱨᱟᱨ ᱟᱨ ᱛᱟᱭᱚᱢ ᱛᱮ ᱯᱨᱤᱱᱥᱤᱯᱟᱞ ᱮ ᱵᱮᱱᱟᱣ ᱞᱮᱱᱟ ᱾[᱒]
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱥᱤᱞᱟ ᱠᱮᱨᱠᱮᱴᱴᱟ ᱫᱚ ᱩᱱ ᱚᱠᱛᱚ ᱵᱤᱦᱟᱨ ᱨᱮᱭᱟᱜ ᱨᱟᱺᱪᱤ ᱨᱮ ᱒᱗ ᱮᱯᱨᱤᱞ ᱑᱙᱓᱙ ᱥᱮᱨᱢᱟ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱨᱮᱱ ᱟᱯᱟᱛ ᱛᱟᱹᱠᱤᱱ ᱫᱚ ᱯᱨᱚᱵᱷᱩᱫᱚᱭᱟᱞ ᱢᱟᱨᱠᱤ ᱟᱨ ᱢᱟᱹᱭᱱᱤ ᱢᱟᱨᱠᱤ ᱾ ᱩᱱᱤ ᱫᱚ ᱨᱟᱺᱪᱤ ᱨᱮᱭᱟᱜ ᱥᱮᱱᱴ ᱡᱤᱵᱷᱤᱭᱟᱨᱥ ᱠᱚᱞᱮᱡᱽ ᱠᱷᱚᱱ ᱥᱮᱪᱮᱫ ᱨᱮ ᱵᱮᱪᱟᱞᱟᱨ ᱟᱨ ᱧᱮᱱᱮᱞ (ᱯᱷᱤᱞᱚᱡᱚᱯᱤ) ᱥᱟᱛᱟᱢ ᱨᱮ ᱢᱟᱥᱴᱟᱨᱥ ᱮ ᱠᱚᱨᱟᱣ ᱞᱮᱫᱟ ᱾
ᱛᱟᱭᱚᱢ ᱛᱮ, ᱒᱘ ᱰᱤᱥᱮᱢᱵᱚᱨ ᱑᱙᱗᱐ ᱨᱮ ᱩᱱᱤ ᱥᱨᱤ ᱱᱳᱴᱴᱨᱳᱴ ᱠᱮᱨᱠᱮᱴᱴᱟ ᱥᱟᱶ ᱮ ᱵᱟᱯᱞᱟ ᱮᱱᱟ ᱟᱨ ᱩᱱᱠᱤᱱ ᱨᱮᱱ ᱯᱮᱭᱟ ᱠᱚᱲᱟ ᱟᱨ ᱵᱟᱨᱭᱟ ᱠᱩᱲᱤ ᱧᱩᱛᱩᱢ ᱫᱚ ᱨᱳᱣᱥᱟᱱ, ᱯᱨᱚᱣᱤᱱ, ᱱᱚᱵᱷᱤᱱ, ᱥᱚᱱᱫᱷᱤᱭᱟ ᱟᱨ ᱟᱨᱥᱟ ᱢᱮᱱᱟᱜ ᱠᱚᱣᱟ ᱾[᱑]
ᱟᱯᱱᱟᱨᱟᱜ ᱨᱩᱪᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱮᱨᱠᱮᱴᱴᱟ ᱢᱤᱫ ᱥᱟᱶᱛᱟ ᱠᱟᱹᱢᱤᱭᱟᱹ ᱟᱨ ᱢᱟᱪᱮᱫ ᱠᱟᱱᱟᱭ ᱡᱟᱦᱟᱸᱭ ᱫᱚ ᱞᱮᱛᱟᱲ ᱜᱮ ᱟᱹᱛᱩ ᱫᱤᱥᱚᱢ ᱠᱚᱸᱭ ᱦᱤᱬᱤᱭᱮᱫ ᱠᱟᱱ ᱛᱟᱦᱮᱸᱱᱟ ᱟᱨ ᱛᱷᱟᱹᱱᱤᱛ ᱠᱟᱹᱨᱤᱜᱚᱲ ᱠᱚᱣᱟᱜ ᱠᱟᱹᱢᱤ ᱩᱛᱷᱱᱟᱹᱣ ᱟᱨ ᱯᱟᱨᱥᱟᱞᱮᱫ ᱠᱟᱱ ᱛᱟᱦᱮᱸᱱᱟᱭ ᱾ ᱩᱱᱤᱭᱟᱜ ᱠᱷᱮᱞᱚᱸᱰ ᱥᱟᱱᱟ ᱢᱩᱸᱫᱽ ᱨᱮ ᱟᱹᱯᱟᱹᱨᱤ ᱛᱩᱧ, ᱯᱷᱩᱴᱵᱚᱞ ᱟᱨ ᱦᱚᱠᱤ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱡᱷᱟᱨᱠᱷᱚᱸᱰ ᱦᱚᱠᱤ ᱮᱥᱳᱥᱤᱭᱮᱥᱚᱱ, ᱢᱚᱦᱤᱞᱟ ᱦᱚᱠᱤ ᱮᱥᱳᱥᱤᱭᱮᱥᱚᱱ, ᱪᱷᱳᱴᱳᱱᱟᱜᱽᱯᱩᱨ ᱟᱨ ᱵᱤᱦᱟᱨ ᱦᱚᱠᱤ ᱮᱥᱳᱥᱤᱭᱮᱥᱚᱱ ᱮᱢᱟᱱ ᱠᱚᱨᱮᱱ ᱟᱹᱭᱩᱨᱤᱭᱟᱹ ᱮ ᱛᱟᱦᱮᱸ ᱠᱟᱱᱟ ᱾[᱑]
ᱦᱩᱫᱟᱹ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱑᱙᱘᱕–᱒᱐᱐᱐ ᱥᱚᱦᱮᱫ, ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ (ᱯᱮ ᱫᱷᱟᱣ)
- ᱑᱙᱘᱕–᱘᱘ ᱯᱚᱱᱚᱛ ᱢᱚᱱᱛᱨᱤ, (ᱯᱷᱩᱱᱩᱨᱜᱟᱹᱞ ᱫᱟᱹᱭᱵᱷᱟᱨ), ᱫᱟᱜ ᱵᱟᱛᱟᱱ, ᱵᱤᱦᱟᱨ ᱥᱚᱨᱠᱟᱨ
- ᱑᱙᱘᱘–᱘᱙ ᱠᱮᱵᱤᱱᱮᱴ ᱢᱚᱱᱛᱨᱤ, ᱟᱹᱛᱩ ᱫᱤᱥᱚᱢ ᱩᱛᱷᱱᱟᱹᱣ, ᱡᱚᱢᱼᱧᱩ ᱟᱨ ᱥᱤᱵᱷᱤᱞ ᱥᱟᱯᱞᱟᱭ, ᱵᱤᱦᱟᱨ ᱥᱚᱨᱠᱟᱨ
- ᱑᱙᱘᱙–᱙᱐ ᱠᱮᱵᱤᱱᱮᱴ ᱢᱚᱱᱛᱨᱤ, ᱠᱷᱟᱫᱟᱱ ᱟᱨ ᱚᱛᱥᱟᱬᱮᱥ (ᱡᱤᱭᱳᱞᱚᱡᱤ), ᱵᱤᱦᱟᱨ ᱥᱚᱨᱠᱟᱨ
- ᱑᱙᱙᱐–᱙᱕ ᱠᱳ-ᱚᱨᱰᱤᱱᱮᱴᱚᱨ, ᱯᱟᱵᱽᱞᱤᱠ ᱮᱠᱟᱭᱩᱱᱴ ᱠᱚᱢᱤᱴᱤ, ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ; ᱠᱳ-ᱚᱨᱰᱤᱱᱮᱴᱚᱨ, ᱱᱤᱵᱷᱟᱫᱚᱱ ᱠᱩᱢᱩᱴ, ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ
- ᱑᱙᱙᱐–᱒᱐᱐᱐ ᱰᱮᱯᱩᱴᱤ ᱞᱤᱰᱟᱨ, ᱠᱚᱝᱜᱽᱨᱮᱥ ᱯᱟᱨᱴᱤ, ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ; ᱪᱟᱭᱨᱮᱛ, ᱜᱤᱫᱽᱨᱟᱹ ᱟᱨ ᱛᱤᱨᱞᱟᱹ ᱩᱛᱷᱱᱟᱹᱣ ᱠᱩᱢᱩᱴ (ᱵᱟᱨ ᱫᱷᱟᱣ)
- ᱒᱐᱐᱔ ᱨᱮ ᱑᱔ ᱟᱱᱟᱜ ᱞᱳᱠᱥᱚᱵᱷᱟ ᱨᱮᱭ ᱵᱟᱪᱷᱟᱣ ᱞᱮᱱᱟ; ᱥᱚᱦᱮᱫ, ᱛᱤᱨᱞᱟᱹ ᱫᱟᱲᱮᱭᱟᱱ (Empowerment) ᱵᱟᱵᱚᱛ ᱠᱩᱢᱩᱴ; ᱥᱚᱦᱮᱫ, ᱞᱮᱵᱟᱨ ᱠᱩᱢᱩᱴ
- ᱑᱖ ᱟᱜᱚᱥᱴ ᱒᱐᱑᱖ ᱥᱚᱦᱮᱫ, ᱛᱤᱨᱞᱟᱹ ᱫᱟᱲᱮᱭᱟᱱ ᱵᱟᱵᱚᱛ ᱠᱩᱢᱩᱴ
- ᱕ ᱟᱜᱚᱥᱴ ᱒᱐᱐᱗ ᱥᱚᱦᱮᱫ, ᱞᱮᱵᱟᱨ ᱵᱟᱵᱚᱛ ᱛᱷᱟᱭᱤ ᱠᱩᱢᱩᱴ
ᱟᱯᱱᱟᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱒᱘ ᱰᱤᱥᱮᱢᱵᱚᱨ ᱑᱙᱗᱐ ᱨᱮ ᱱᱳᱴᱴᱨᱳᱴ ᱠᱮᱨᱠᱮᱴᱴᱟ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱟᱨ ᱩᱱᱠᱤᱱ ᱨᱮᱱ ᱯᱮᱭᱟ ᱠᱚᱲᱟ ᱟᱨ ᱵᱟᱨᱭᱟ ᱠᱩᱲᱤ ᱢᱮᱱᱟᱜ ᱠᱚᱣᱟ ᱾
ᱥᱩᱥᱤᱞᱟ ᱠᱮᱨᱠᱮᱴᱴᱟ ᱒᱐᱐᱙ ᱥᱮᱨᱢᱟ ᱨᱮᱭᱟᱜ ᱑᱙ ᱰᱤᱥᱮᱢᱵᱚᱨ ᱨᱟᱺᱪᱤ ᱨᱮ ᱗᱐ ᱥᱮᱨᱢᱟ ᱩᱢᱮᱨ ᱨᱮ ᱦᱟᱨᱴ ᱮᱴᱟᱠ ᱠᱷᱟᱹᱛᱤᱨ ᱛᱮᱭ ᱵᱚᱸᱜᱟ ᱛᱟᱞᱟ ᱮᱱᱟ ᱾[᱑]
ᱠᱮᱨᱠᱮᱴᱴᱟ ᱟᱡ ᱨᱮᱱ ᱢᱟᱲᱟᱝ ᱠᱚᱲᱟ ᱨᱳᱣᱥᱟᱱ ᱠᱩᱢᱟᱨ ᱥᱟᱶ ᱛᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱱᱟ ᱟᱨ ᱟᱡᱟᱜ ᱢᱩᱪᱟᱹᱫ ᱮᱢᱦᱟᱸ ᱢᱚᱡᱽ ᱵᱟᱭ ᱵᱩᱡᱷᱟᱹᱣᱮᱫ ᱛᱟᱦᱮᱸᱱᱟ ᱾ ᱩᱱᱤ ᱛᱤᱠᱤᱱ ᱚᱠᱛᱚ ᱦᱟᱨᱴ ᱮᱴᱟᱠ ᱦᱮᱡᱽ ᱟᱫᱮᱭᱟ ᱟᱨ ᱟᱡ ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱥᱩᱨ ᱨᱮᱭᱟᱜ ᱨᱟᱡᱽ ᱦᱟᱥᱯᱟᱛᱟᱞ ᱛᱮᱠᱚ ᱤᱫᱤ ᱠᱮᱫᱮᱭᱟ, ᱢᱮᱱᱠᱷᱟᱱ ᱩᱱᱤ ᱵᱟᱧᱪᱟᱣ ᱨᱮᱭᱟᱜ ᱠᱩᱨᱩᱢᱩᱴᱩ ᱵᱟᱝ ᱯᱩᱨᱟᱹᱣ ᱞᱮᱱ ᱛᱟᱠᱚᱣᱟ ᱾[᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ ᱑.᱒ ᱑.᱓ "Members : Lok Sabha". 164.100.47.194. Retrieved 2017-07-29.
- ↑ ᱒.᱐ ᱒.᱑ "The Telegraph – Calcutta (Kolkata) | Jharkhand | Sushila Kerketta passes away". www.telegraphindia.com. Retrieved 2017-07-29.