ᱦᱨᱤᱫᱚᱭ ᱱᱟᱨᱟᱭᱚᱱ ᱢᱚᱱᱰᱚᱞ
| ᱦᱨᱤᱫᱚᱭ ᱱᱟᱨᱟᱭᱚᱢ ᱢᱚᱱᱰᱚᱞ Hridoy Narayan Mandal | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱱᱩᱣᱟᱨᱤ ᱑᱖, ᱑᱙᱒᱖ ᱫᱟᱞᱫᱚᱞᱤ, ᱜᱚᱰᱰᱟ ᱦᱚᱱᱚᱛ, ᱥᱟᱱᱛᱟᱞ ᱯᱟᱨᱜᱟᱱᱟ, ᱡᱷᱟᱨᱠᱷᱚᱸᱰ |
| ᱜᱩᱨ | ᱑᱙᱙᱖ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱚᱱᱚᱞᱤᱭᱟᱹ |
ᱦᱨᱤᱫᱚᱭ ᱱᱟᱨᱟᱭᱚᱱ ᱢᱚᱱᱰᱚᱞ 'ᱚᱫᱷᱤᱨ' ᱫᱚ ᱯᱩᱱ ᱜᱮᱞ ᱫᱚᱥᱚᱠ ᱨᱮᱱ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱯᱳᱭᱞᱳ ᱥᱤᱨᱡᱚᱱ ᱠᱟᱹᱦᱱᱤ ᱫᱚ ᱦᱩᱭᱩᱜ ᱠᱟᱱᱟ "ᱵᱟᱹᱯᱩᱲᱤᱡ ᱠᱤᱱ" ᱡᱟᱦᱟᱸ ᱫᱚ ᱦᱨᱤᱫᱚᱭ ᱱᱟᱨᱟᱭᱚᱱ ᱢᱚᱱᱰᱚᱞ ᱜᱮᱭ ᱚᱞ ᱟᱠᱟᱫᱟ᱾[᱑]
ᱮᱛᱦᱚᱵ ᱡᱤᱭᱚᱱ ᱟᱨ ᱚᱞᱚᱜ ᱯᱟᱲᱦᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱨᱤᱫᱚᱭ ᱱᱟᱨᱟᱭᱚᱱ ᱢᱚᱱᱰᱚᱞ ᱟᱜ ᱡᱟᱱᱟᱢ ᱫᱚ ᱑᱙᱒᱖ ᱥᱮᱨᱢᱟ ᱨᱮᱭᱟᱜ ᱑᱖ ᱡᱟᱱᱩᱣᱟᱨᱤ ᱦᱤᱞᱳᱜ᱾ ᱡᱟᱱᱟᱢ ᱟᱹᱛᱩ ᱫᱚ ᱩᱱᱚᱠᱛᱚ ᱵᱤᱦᱟᱨ (ᱱᱤᱛ ᱡᱷᱟᱨᱠᱷᱚᱸᱰ) ᱯᱚᱱᱚᱛ ᱨᱮᱭᱟᱜ ᱜᱚᱰᱰᱟ ᱦᱚᱱᱚᱛ ᱨᱮᱱᱟᱜ ᱫᱟᱞᱫᱚᱞᱤ ᱟᱹᱛᱩ ᱨᱮ᱾ ᱫᱟᱞᱫᱚᱞᱤ ᱫᱚ ᱢᱤᱫ ᱥᱟᱱᱛᱟᱲ ᱟᱹᱛᱩ ᱛᱟᱦᱮᱸ ᱠᱟᱱ ᱨᱮ ᱦᱩᱰᱤᱧ ᱠᱷᱚᱱ ᱜᱮ ᱩᱱᱤ ᱫᱚ ᱥᱟᱱᱛᱟᱲ ᱜᱤᱫᱽᱨᱟᱹ ᱠᱚ ᱥᱟᱶ ᱢᱮᱥᱟ ᱠᱟᱛᱮ ᱥᱟᱱᱛᱟᱲᱤ ᱫᱚᱭ ᱥᱮᱬᱟ ᱞᱮᱫᱟ᱾ ᱥᱟᱱᱛᱟᱲᱤ ᱫᱚ ᱟᱡ ᱴᱷᱮᱱ ᱫᱚᱥᱟᱨ ᱟᱭᱳ ᱟᱲᱟᱝ ᱞᱮᱠᱟ ᱛᱟᱦᱮᱸ ᱠᱟᱱᱟ᱾
ᱢᱚᱱᱰᱚᱞ ᱟᱜ ᱚᱞᱚᱜ ᱡᱤᱭᱚᱱ ᱫᱚ ᱞᱚᱠᱠᱷᱤᱯᱩᱨ ᱤᱥᱠᱩᱞ ᱠᱷᱚᱱ ᱮᱦᱚᱵ ᱞᱮᱱ ᱛᱟᱭᱟ ᱟᱨ ᱛᱟᱭᱚᱢ ᱛᱮ ᱜᱚᱰᱰᱟ ᱨᱮᱭᱟᱜ ᱯᱟᱛᱷᱨᱟ ᱤᱥᱠᱩᱞ ᱨᱮᱭᱟᱜ ᱵᱷᱩᱨᱛᱤ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱥᱟᱱᱛᱟᱞ ᱯᱟᱨᱜᱟᱱᱟ ᱦᱚᱱᱚᱛ ᱨᱮᱱᱟᱜ "ᱦᱤᱱᱫᱤ ᱵᱤᱫᱽᱭᱟᱯᱤᱴᱷ" ᱠᱷᱚᱱ "ᱥᱟᱦᱤᱛᱭᱚ ᱵᱷᱩᱥᱚᱱ" ᱵᱤᱱᱤᱰ ᱫᱚ ᱢᱟᱹᱱ ᱥᱟᱞᱟᱜ ᱮ ᱯᱟᱥ ᱞᱮᱫᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]"ᱥᱟᱱᱛᱟᱞ ᱯᱟᱦᱟᱨᱤᱭᱟ ᱥᱮᱵᱟ ᱢᱚᱱᱰᱚᱞ", ᱫᱮᱣᱜᱷᱚᱨ ᱠᱷᱚᱱ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱫᱚ ᱮᱦᱚᱵ ᱞᱮᱱ ᱛᱟᱭᱟ᱾ ᱚᱱᱟ ᱛᱟᱭᱚᱢ ᱯᱟᱴᱱᱟ ᱨᱮᱭᱟᱜ "ᱵᱤᱦᱟᱨ ᱨᱟᱡᱽᱵᱷᱟᱥᱟ ᱯᱚᱨᱤᱥᱚᱫᱽ" ᱨᱮᱭ ᱠᱟᱹᱢᱤ ᱞᱮᱫᱟ᱾ ᱛᱟᱭᱚᱢ ᱛᱮ ᱵᱤᱦᱟᱨ ᱥᱚᱨᱠᱟᱨ ᱟᱜ ᱛᱚᱛᱷᱭᱚ ᱟᱨ ᱱᱮᱼᱦᱚᱲ ᱥᱟᱹᱜᱟᱹᱭ ᱵᱤᱵᱷᱟᱜᱽ ᱨᱮᱭ ᱠᱟᱹᱢᱤ ᱞᱮᱫᱟ᱾ ᱚᱸᱰᱮ ᱠᱷᱚᱱ ᱥᱤᱧᱚᱛ ᱥᱚᱨᱠᱟᱨ ᱟᱜ ᱛᱚᱛᱷᱭᱚ ᱟᱨ ᱱᱮᱼᱦᱚᱲ ᱥᱟᱹᱜᱟᱹᱭ ᱵᱤᱵᱷᱟᱜᱽ ᱨᱮᱭ ᱪᱟᱹᱠᱨᱤ ᱞᱮᱫᱟ ᱟᱨ ᱡᱤᱨᱟᱹᱣ ᱦᱟᱛᱟᱣ ᱢᱟᱲᱟᱝ ᱚᱸᱰᱮ ᱜᱮᱭ ᱠᱟᱹᱢᱤ ᱟᱠᱟ ᱛᱟᱦᱮᱸ ᱠᱟᱱᱟ᱾
ᱥᱟᱶᱦᱮᱫ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱫᱤᱥᱚᱢ ᱯᱷᱩᱨᱜᱟᱹᱞ ᱮᱱ ᱛᱟᱭᱚᱢ ᱑᱙᱔᱗ ᱥᱟᱞᱮ ᱨᱮ ᱰᱨ. ᱰᱚᱢᱚᱱ ᱥᱟᱹᱦᱩ 'ᱥᱚᱢᱤᱨ' ᱟᱜ ᱥᱟᱯᱲᱟᱣ ᱛᱮ ᱦᱚᱲ ᱥᱚᱢᱵᱟᱫᱽ ᱯᱟᱛᱷᱟᱢ ᱩᱰᱩᱠ ᱮᱱᱟ᱾ ᱱᱚᱣᱟ ᱯᱟᱛᱷᱟᱢ ᱛᱟᱞᱟ ᱛᱮᱜᱮ 'ᱚᱫᱷᱤᱨ' ᱫᱚ ᱥᱟᱶᱦᱮᱫ ᱫᱩᱱᱤᱭᱟᱹ ᱨᱮ ᱛᱟᱲᱟᱢ ᱮ ᱮᱦᱚᱵ ᱞᱮᱫᱼᱟ᱾ ᱩᱱᱤᱭᱟᱜ ᱯᱩᱭᱞᱩ ᱥᱟᱱᱛᱟᱲᱤ ᱠᱟᱹᱦᱱᱤ "ᱵᱟᱹᱯᱩᱲᱤᱡ ᱠᱤᱱ" ᱑᱙᱔᱗ ᱥᱟᱞᱮ ᱨᱮ ᱱᱚᱣᱟ ᱯᱟᱛᱷᱟᱢ ᱨᱮ ᱪᱷᱟᱯᱟ ᱞᱮᱱᱟ᱾ ᱱᱚᱣᱟ ᱜᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱯᱩᱭᱞᱩ ᱥᱤᱨᱡᱚᱱ ᱠᱟᱹᱦᱱᱤ ᱢᱮᱱᱛᱮ ᱠᱚ ᱞᱮᱠᱷᱟᱭᱟ ᱾
ᱩᱱᱤᱭᱟᱜ ᱚᱞ ᱟᱠᱟᱱ ᱧᱩᱛᱩᱢᱟᱱ ᱯᱩᱛᱷᱤ ᱠᱚᱫᱚ ᱦᱩᱭᱩᱜ ᱠᱟᱱᱟ:[᱒]
- ᱥᱟᱱᱛᱟᱞᱤ ᱥᱳᱯᱟᱱ
- ᱢᱚᱦᱟᱛᱢᱟ ᱜᱟᱱᱫᱷᱤ
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱩᱭ ᱜᱟᱹᱠᱷᱩᱲ ᱚᱱᱚᱞᱤᱭᱟᱹ ᱑᱙᱙᱖ ᱥᱮᱨᱢᱟ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ᱾