ᱦᱳ ᱟᱹᱫᱤᱵᱟᱹᱥᱤ
ᱞᱟᱲᱠᱟ ᱠᱳᱞ | |
|---|---|
 ᱥᱮᱨᱣᱟ ᱦᱚᱨᱚᱜ-ᱵᱟᱸᱫᱮ ᱛᱮ ᱢᱤᱫ ᱦᱳ ᱟᱹᱫᱤᱵᱟᱹᱥᱤ ᱛᱤᱨᱞᱟᱹ ᱾ | |
| ᱜᱩᱴ ᱦᱚᱲ ᱮᱞ | |
| ᱜᱚᱴᱟᱜᱩᱴᱤ ᱑.᱗ ᱢᱤᱞᱤᱭᱚᱱ[lower-alpha ᱑] (᱒᱐᱑᱑) | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
 ᱥᱤᱧᱚᱛ | |
| ᱡᱷᱟᱨᱠᱷᱚᱸᱰ | ᱙᱒᱘,᱒᱘᱙[᱑] |
| ᱳᱰᱤᱥᱟ | ᱗᱐᱕,᱖᱑᱘[᱑] |
| ᱯᱟᱪᱮ ᱵᱟᱝᱞᱟ | ᱒᱓,᱔᱘᱓[᱑] |
| ᱵᱤᱦᱟᱨ | ᱗᱑᱕[᱑] |
| ᱯᱟᱹᱨᱥᱤ ᱠᱚ | |
| ᱦᱳ ᱯᱟᱹᱨᱥᱤ | |
| ᱫᱷᱚᱨᱚᱢ | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
ᱳᱰᱤᱥᱟ ᱨᱮᱱᱟᱜ ᱞᱮᱠᱷᱟ ᱨᱮ ᱠᱳᱞ, ᱠᱳᱞᱦᱟ ᱟᱨ ᱞᱟᱲᱠᱟ-ᱠᱳᱞ ᱥᱮᱞᱮᱫ ᱢᱮᱱᱟᱜ ᱠᱚᱣᱟ, ᱡᱟᱦᱟᱸᱭ ᱫᱚ ᱵᱷᱮᱜᱟᱨ ᱟᱹᱫᱤᱵᱟᱹᱥᱤ ᱞᱮᱠᱟᱛᱮ ᱚᱞ ᱟᱠᱟᱱ ᱨᱮᱦᱚᱸ, ᱦᱳ ᱦᱚᱲ ᱠᱚᱣᱟᱜ ᱜᱮ ᱟᱨ ᱢᱤᱫᱴᱟᱹᱝ ᱧᱩᱛᱩᱢ ᱠᱟᱱᱟ ᱾[᱒] | |
ᱦᱳ ᱦᱚᱲ ᱫᱚ ᱥᱤᱧᱚᱛ ᱨᱤᱱ ᱢᱤᱫ ᱚᱥᱴᱨᱳ-ᱮᱥᱤᱭᱟᱴᱤᱠ ᱢᱩᱱᱰᱟ ᱡᱟᱹᱛᱤ ᱠᱟᱱᱟ ᱠᱚ ᱾ ᱩᱱᱠᱩ ᱫᱚ ᱡᱟᱹᱥᱛᱤ ᱠᱟᱭᱛᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱠᱳᱞᱦᱟᱱ ᱴᱚᱴᱷᱟ ᱟᱨ ᱠᱚᱧᱮ ᱳᱰᱤᱥᱟ ᱨᱮ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱨᱮ ᱩᱱᱠᱩ ᱫᱚ ᱒᱐᱑᱑ ᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ ᱡᱚᱛᱚ ᱛᱮ ᱟᱹᱫᱤᱵᱟᱹᱥᱤ ᱞᱮᱠᱷᱟ ᱨᱮᱱᱟᱜ ᱑᱐.᱗% ᱟᱨ ᱗.᱓% ᱢᱮᱱᱟᱜ ᱠᱚᱣᱟ ᱾[᱓] ᱒᱐᱐᱑ ᱥᱮᱨᱢᱟ ᱨᱮ ᱗᱐᱐,᱐᱐᱐ ᱜᱟᱱ ᱞᱮᱠᱷᱟ ᱥᱟᱶᱛᱮ, ᱦᱳ ᱫᱚ ᱡᱷᱟᱨᱠᱷᱚᱸᱰ ᱨᱮ ᱥᱟᱱᱛᱟᱲ, ᱠᱩᱲᱩᱠᱷ, ᱟᱨ ᱢᱩᱱᱰᱟ ᱠᱚ ᱛᱟᱭᱚᱢ ᱯᱩᱱ ᱟᱱᱟᱜ ᱢᱟᱨᱟᱝ ᱟᱹᱫᱤᱵᱟᱹᱥᱤ ᱠᱟᱱᱟ ᱠᱚ ᱾[᱔] ᱦᱳ ᱦᱚᱲ ᱫᱚ ᱥᱩᱨ-ᱥᱩᱯᱩᱨ ᱯᱚᱱᱚᱛ ᱡᱮᱞᱮᱠᱟ ᱳᱰᱤᱥᱟ, ᱯᱚᱪᱷᱤᱢ ᱵᱟᱝᱞᱟ ᱟᱨ ᱵᱤᱦᱟᱨ ᱨᱮ ᱦᱚᱸ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱛᱮ ᱒᱐᱐᱑ ᱫᱷᱟᱹᱵᱤᱡ ᱩᱱᱠᱩᱣᱟᱜ ᱡᱚᱛᱚ ᱛᱮ ᱞᱮᱠᱷᱟ ᱫᱚ ᱘᱐᱖,᱙᱒᱑ ᱦᱩᱭᱩᱜ ᱠᱟᱱᱟ ᱾[᱓][᱕][᱖] ᱩᱱᱠᱩ ᱫᱚ ᱵᱟᱝᱞᱟᱫᱮᱥ ᱟᱨ ᱱᱮᱯᱟᱞ ᱨᱮ ᱦᱚᱸ ᱠᱚ ᱛᱟᱦᱮᱸᱱᱟ ᱾[᱗]
ᱮᱛᱷᱱᱳᱞᱳᱜᱽ ᱞᱮᱠᱟᱛᱮ, ᱒᱐᱐᱑ ᱥᱮᱨᱢᱟ ᱨᱮ ᱦᱳ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚᱣᱟᱜ ᱡᱚᱛᱚ ᱛᱮ ᱞᱮᱠᱷᱟ ᱫᱚ ᱑,᱐᱔᱐,᱐᱐᱐ ᱛᱟᱦᱮᱸ ᱠᱟᱱᱟ ᱾[᱘] ᱱᱚᱣᱟ ᱴᱚᱴᱷᱟ ᱨᱤᱱ ᱮᱴᱟᱜ ᱚᱥᱴᱨᱳ-ᱮᱥᱤᱭᱟᱴᱤᱠ ᱜᱟᱫᱮᱞ ᱠᱚ ᱞᱮᱠᱟ ᱜᱮ, ᱦᱳ ᱦᱚᱲ ᱠᱚ ᱦᱚᱸ ᱟᱭᱢᱟ ᱯᱟᱹᱨᱥᱤ ᱠᱚ ᱵᱟᱰᱟᱭᱟ, ᱡᱮᱞᱮᱠᱟ ᱦᱤᱱᱫᱤ ᱟᱨ ᱤᱝᱞᱤᱥ ᱯᱟᱹᱨᱥᱤ ᱾[᱙]
ᱦᱳ ᱦᱚᱲ ᱠᱚᱣᱟᱜ ᱢᱩᱬᱩᱛ ᱠᱟᱹᱢᱤ ᱫᱚ ᱪᱟᱥ-ᱵᱟᱥ ᱠᱟᱱᱟ, ᱱᱤᱡᱮᱨᱟᱜ ᱡᱟᱭᱜᱟ ᱨᱮ ᱟᱨᱵᱟᱝ ᱢᱩᱱᱤᱥ ᱞᱮᱠᱟᱛᱮ, ᱡᱚᱠᱷᱚᱱ ᱮᱴᱟᱜ ᱠᱚᱫᱚ ᱠᱷᱟᱫᱟᱱ ᱠᱟᱹᱢᱤ ᱨᱮ ᱢᱮᱱᱟᱜ ᱠᱚᱣᱟ ᱾ ᱥᱤᱧᱚᱛ ᱨᱮᱱᱟᱜ ᱮᱴᱟᱜ ᱴᱚᱴᱷᱟ ᱠᱚ ᱛᱩᱞᱟᱹᱡᱚᱠᱷᱟ ᱨᱮ, ᱦᱳ ᱦᱚᱲ ᱠᱚᱣᱟᱜ ᱥᱮᱪᱮᱫ ᱫᱚ ᱠᱚᱢ ᱜᱮᱭᱟ ᱾ ᱡᱷᱟᱨᱠᱷᱚᱸᱰ ᱥᱚᱨᱠᱟᱨ ᱱᱤᱛᱚᱜ ᱜᱤᱫᱽᱨᱟᱹ ᱠᱚᱣᱟᱜ ᱥᱮᱪᱮᱫ ᱟᱨ ᱞᱟᱦᱟᱱᱛᱤ ᱞᱟᱹᱜᱤᱫ ᱟᱭᱢᱟ ᱠᱟᱹᱢᱤ ᱦᱚᱨᱟᱭ ᱟᱯᱱᱟᱨ ᱟᱠᱟᱫᱼᱟ ᱾
ᱯᱟᱹᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱳ ᱦᱚᱲ ᱫᱚ ᱦᱳ ᱯᱟᱹᱨᱥᱤ ᱛᱮᱠᱚ ᱨᱚᱲᱟ, ᱡᱟᱦᱟᱸ ᱫᱚ ᱢᱤᱫ ᱚᱥᱴᱨᱳ-ᱮᱥᱤᱭᱟᱴᱤᱠ ᱯᱟᱹᱨᱥᱤ ᱠᱟᱱᱟ ᱾ ᱱᱚᱣᱟ ᱫᱚ ᱢᱩᱱᱰᱟᱨᱤ ᱥᱟᱶ ᱟᱹᱰᱤ ᱥᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱟᱨ ᱥᱟᱢᱟᱝ-ᱠᱚᱧᱮ ᱮᱥᱤᱭᱟ ᱨᱮᱱᱟᱜ ᱠᱷᱮᱢᱮᱨ ᱟᱨ ᱢᱳᱱ ᱞᱮᱠᱟᱱ ᱯᱟᱹᱨᱥᱤ ᱠᱚ ᱥᱟᱶ ᱦᱚᱸ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱥᱤᱧᱚᱛ ᱨᱮᱱᱟᱜ ᱚᱥᱴᱨᱳ-ᱮᱥᱤᱭᱟᱴᱤᱠ ᱯᱟᱹᱨᱥᱤ ᱠᱚ, ᱦᱳ ᱥᱮᱞᱮᱫ ᱠᱟᱛᱮ, ᱫᱚ ᱯᱷᱤᱣᱡᱟᱱᱟᱞ ᱯᱟᱹᱨᱥᱤ ᱠᱟᱱᱟ, ᱢᱮᱱᱠᱷᱟᱱ ᱥᱟᱢᱟᱝ-ᱠᱚᱧᱮ ᱮᱥᱤᱭᱟ ᱨᱮᱱᱟᱜ ᱯᱟᱹᱨᱥᱤ ᱠᱚᱫᱚ ᱮᱱᱟᱞᱟᱭᱴᱤᱠ ᱯᱟᱹᱨᱥᱤ ᱠᱟᱱᱟ ᱾ ᱱᱚᱣᱟ ᱯᱟᱹᱨᱥᱤ ᱨᱮᱱᱟᱜ ᱜᱚᱲᱦᱚᱱ ᱨᱮ ᱵᱷᱮᱜᱟᱨ ᱫᱚ ᱤᱱᱫᱳ-ᱟᱨᱡᱚ ᱟᱨ ᱫᱽᱨᱟᱵᱤᱰᱤᱭᱟᱱ ᱯᱟᱹᱨᱥᱤ ᱠᱚ ᱥᱟᱶ ᱥᱟᱹᱜᱟᱹᱭ ᱠᱷᱟᱹᱛᱤᱨ ᱦᱩᱭ ᱟᱠᱟᱱᱟ ᱾ ᱦᱳ ᱯᱟᱹᱨᱥᱤ ᱨᱮᱱᱟᱜ ᱨᱟᱦᱟ ᱨᱮ ᱦᱚᱸ ᱥᱩᱨ-ᱥᱩᱯᱩᱨ ᱨᱮᱱᱟᱜ ᱮᱴᱟᱜ ᱯᱟᱹᱨᱥᱤ ᱠᱚᱣᱟᱜ ᱚᱨᱥᱚᱝ ᱢᱮᱱᱟᱜᱼᱟ ᱾ ᱦᱳ ᱯᱟᱹᱨᱥᱤ ᱨᱮᱱᱟᱜ ᱠᱚᱢ ᱠᱷᱚᱱ ᱠᱚᱢ ᱯᱮᱭᱟ ᱪᱟᱸᱜᱟ ᱯᱟᱹᱨᱥᱤ ᱢᱮᱱᱟᱜᱼᱟ: ᱞᱳᱦᱟᱨᱟ, ᱪᱟᱭᱵᱟᱥᱟ ᱟᱨ ᱴᱷᱟᱹᱠᱩᱨᱢᱩᱱᱰᱟ ᱾ ᱥᱟᱱᱟᱢ ᱪᱟᱸᱜᱟ ᱯᱟᱹᱨᱥᱤ ᱜᱮ ᱢᱤᱫ ᱴᱟᱹᱝ ᱟᱨ ᱢᱤᱫ ᱴᱟᱹᱝ ᱥᱟᱶ ᱢᱮᱞ ᱢᱮᱱᱟᱜᱼᱟ, ᱟᱨ ᱥᱩᱯᱩᱨ ᱙᱒% ᱦᱳ ᱨᱚᱲ ᱦᱚᱲ ᱪᱟᱭᱵᱟᱥᱟ ᱟᱨ ᱴᱷᱟᱹᱠᱩᱨᱢᱩᱱᱰᱟ ᱵᱟᱱᱟ ᱦᱚᱲᱟᱜ ᱠᱟᱹᱦᱱᱤ ᱟᱨ ᱜᱟᱞᱢᱟᱨᱟᱣ ᱠᱚ ᱵᱩᱡᱷᱟᱹᱣ ᱫᱟᱲᱮᱭᱟᱜᱼᱟ ᱾[᱘] ᱡᱚᱛᱚ ᱠᱷᱚᱱ ᱵᱷᱮᱜᱟᱨ ᱪᱟᱸᱜᱟ ᱯᱟᱹᱨᱥᱤ ᱠᱚᱫᱚ ᱦᱳ ᱮᱞᱟᱠᱟ ᱨᱮᱱᱟᱜ ᱢᱩᱪᱟᱹᱫ ᱠᱚᱧᱮ ᱟᱨ ᱥᱟᱢᱟᱝ ᱥᱮᱫ ᱢᱮᱱᱟᱜᱼᱟ ᱾
ᱦᱳ ᱨᱚᱲ ᱦᱚᱲ ᱠᱚ ᱢᱩᱫᱽ ᱨᱮ ᱕% ᱠᱷᱚᱱ ᱦᱚᱸ ᱠᱚᱢ ᱦᱚᱲ ᱱᱚᱣᱟ ᱯᱟᱹᱨᱥᱤ ᱛᱮ ᱚᱞ ᱯᱟᱲᱦᱟᱣ ᱠᱚ ᱵᱟᱰᱟᱭᱟ ᱾ ᱦᱳ ᱯᱟᱹᱨᱥᱤ ᱫᱚ ᱟᱥᱚᱠᱟᱭ ᱛᱮ ᱫᱮᱵᱽᱱᱟᱜᱽᱨᱤ ᱟᱨ ᱞᱟᱴᱤᱱ ᱪᱤᱠᱤ ᱛᱮ ᱠᱚ ᱚᱞᱟ ᱾ ᱢᱤᱫ ᱱᱤᱡᱮᱨᱟᱜ ᱪᱤᱠᱤ, ᱡᱟᱦᱟᱸ ᱫᱚ ᱣᱟᱨᱟᱝ ᱪᱤᱛᱤ ᱠᱚ ᱢᱮᱛᱟᱜᱼᱟ ᱟᱨ ᱒᱐ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮ ᱞᱟᱠᱚ ᱵᱚᱫᱽᱨᱟ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ, ᱚᱱᱟ ᱦᱚᱸ ᱢᱮᱱᱟᱜᱼᱟ ᱾[᱑᱐]
ᱠᱟᱹᱣᱰᱤᱭᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱯᱩᱨ ᱟᱫᱷᱟ ᱜᱟᱱ ᱦᱚᱲ ᱞᱮᱠᱷᱟ ᱫᱚ ᱪᱟᱥ-ᱵᱟᱥ ᱠᱟᱹᱢᱤ ᱨᱮ ᱢᱮᱱᱟᱜ ᱠᱚᱣᱟ ᱟᱨ ᱟᱨ ᱢᱤᱫ ᱛᱮᱥᱟᱨ ᱦᱤᱥ ᱫᱚ ᱵᱤᱱ-ᱡᱟᱹᱭᱜᱟ ᱪᱟᱥ ᱢᱩᱱᱤᱥ ᱞᱮᱠᱟᱛᱮ ᱠᱚ ᱠᱟᱹᱢᱤᱭᱟ ᱾ ᱦᱳ ᱠᱚ, ᱥᱟᱱᱛᱟᱲ, ᱩᱨᱟᱹᱣ ᱟᱨ ᱢᱩᱱᱰᱟ ᱠᱚ ᱥᱟᱶ ᱛᱮ, ᱛᱩᱞᱟᱹᱡᱚᱠᱷᱟ ᱞᱮᱠᱟᱛᱮ ᱰᱮᱦᱮᱨ ᱞᱟᱦᱟᱱᱛᱤ ᱟᱠᱟᱱᱟ ᱠᱚ, ᱟᱨ ᱢᱤᱫ ᱴᱷᱟᱹᱶ ᱨᱮ ᱪᱟᱥ-ᱵᱟᱥ ᱜᱮ ᱟᱠᱚᱣᱟᱜ ᱡᱤᱭᱚᱱ ᱠᱷᱟᱸᱰᱟᱣ ᱦᱚᱨᱟ ᱞᱮᱠᱟᱛᱮ ᱠᱚ ᱟᱯᱱᱟᱨ ᱟᱠᱟᱫᱼᱟ ᱾
ᱦᱳ ᱮᱞᱟᱠᱟ ᱨᱮ ᱢᱮᱬᱦᱮᱫ ᱫᱷᱤᱨᱤ ᱨᱮᱱᱟᱜ ᱯᱟᱸᱡᱟ ᱧᱟᱢ ᱛᱟᱭᱚᱢ ᱑᱙᱐᱑ ᱥᱮᱨᱢᱟ ᱨᱮ ᱯᱟᱱᱥᱤᱨᱟ ᱵᱩᱨᱩ ᱨᱮ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱢᱮᱬᱦᱮᱫ ᱠᱷᱟᱫᱟᱱ ᱞᱟᱹᱜᱤᱫ ᱰᱟᱦᱟᱨ ᱮ ᱡᱷᱤᱡ ᱠᱮᱫᱼᱟ ᱾[᱑᱑] ᱥᱮᱨᱢᱟ ᱯᱤᱪᱷᱤ ᱱᱚᱣᱟ ᱮᱞᱟᱠᱟ ᱨᱮ ᱢᱮᱬᱦᱮᱫ ᱠᱷᱟᱫᱟᱱ ᱠᱟᱹᱢᱤ ᱯᱟᱥᱱᱟᱣ ᱤᱫᱤ ᱮᱱᱟ ᱾ ᱟᱭᱢᱟ ᱦᱳ ᱦᱚᱲ ᱠᱷᱟᱫᱟᱱ ᱠᱟᱹᱢᱤ ᱨᱮ ᱢᱮᱱᱟᱜ ᱠᱚᱣᱟ ᱢᱮᱱᱠᱷᱟᱱ ᱚᱱᱟ ᱫᱚ ᱟᱹᱰᱤ ᱰᱷᱮᱨ ᱦᱤᱥ ᱫᱚ ᱵᱟᱝ ᱠᱟᱱᱟ ᱾ ᱮᱱᱛᱮ ᱨᱮᱦᱚᱸ, ᱱᱚᱣᱟ ᱮᱞᱟᱠᱟ ᱨᱮ ᱢᱮᱱᱟᱜ ᱠᱟᱹᱴᱤᱡ ᱟᱨ ᱱᱟᱯᱟᱭ ᱛᱮ ᱥᱟᱯᱲᱟᱣ ᱟᱠᱟᱱ ᱠᱷᱟᱫᱟᱱ ᱵᱟᱡᱟᱨ ᱠᱚ ᱦᱳ ᱦᱚᱲ ᱠᱚ ᱵᱟᱡᱟᱨ ᱡᱤᱭᱚᱱ ᱨᱮᱱᱟᱜ ᱱᱟᱯᱟᱭ ᱟᱨ ᱵᱟᱹᱲᱤᱡ ᱜᱩᱱ ᱠᱚ ᱥᱟᱶ ᱮ ᱡᱚᱲᱟᱣ ᱟᱠᱟᱫ ᱠᱚᱣᱟ ᱾ ᱱᱚᱣᱟ ᱮᱞᱟᱠᱟ ᱨᱮᱱᱟᱜ ᱠᱤᱪᱷᱩ ᱧᱩᱛᱩᱢᱟᱱ ᱠᱷᱟᱫᱟᱱ ᱵᱟᱡᱟᱨ ᱠᱚᱫᱚ ᱦᱩᱭᱩᱜ ᱠᱟᱱᱟ ᱪᱤᱨᱤᱭᱟ, ᱜᱩᱣᱟ, ᱱᱳᱣᱟᱢᱩᱱᱰᱤ ᱟᱨ ᱠᱤᱨᱤᱵᱩᱨᱩ ᱾
ᱧᱩᱛᱩᱢᱟᱱ ᱦᱚᱲ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱯᱨᱚᱫᱤᱯ ᱠᱩᱢᱟᱨ ᱵᱟᱞᱢᱩᱪᱩ - ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱑᱔ ᱟᱱᱟᱜ ᱞᱳᱠ ᱥᱚᱵᱷᱟ ᱨᱤᱱᱤᱡ ᱢᱟᱨᱮ ᱥᱚᱦᱮᱫ [᱑᱒]
- ᱫᱮᱵᱮᱱᱫᱽᱨᱚᱱᱟᱛᱷ ᱪᱟᱢᱯᱤᱭᱟ - ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱢᱟᱨᱮ ᱥᱚᱦᱮᱫ
- ᱞᱤᱯᱤᱠᱟ ᱥᱤᱝ ᱫᱟᱨᱟᱭ - ᱥᱤᱧᱚᱛᱤᱭᱟᱹ ᱯᱷᱤᱞᱢ ᱵᱮᱱᱟᱣᱤᱡ ᱟᱨ ᱰᱤᱨᱮᱠᱴᱚᱨ [᱑᱓]
- ᱞᱚᱠᱷᱢᱚᱱ ᱜᱤᱞᱩᱣᱟ - ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱪᱟᱸᱜᱟ ᱨᱤᱱᱤᱡ ᱢᱟᱨᱮ ᱯᱟᱨᱥᱮᱛ [᱑᱔]
- ᱜᱤᱛᱟ ᱠᱳᱲᱟ - ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱥᱚᱦᱮᱫ [᱑᱕]
- ᱢᱟᱫᱷᱩ ᱠᱳᱲᱟ - ᱡᱷᱟᱨᱠᱷᱚᱸᱰ ᱨᱤᱱᱤᱡ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ [᱑᱕]
- ᱪᱤᱛᱨᱚᱥᱮᱱ ᱥᱤᱝᱠᱩ - ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱑᱑ ᱟᱱᱟᱜ ᱞᱳᱠ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ [᱑᱖]
- ᱡᱟᱱᱩᱢ ᱥᱤᱝ ᱥᱚᱭ - ᱥᱤᱧᱚᱛᱤᱭᱟᱹ ᱵᱤᱫᱽᱣᱟᱱ ᱟᱨ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹ ᱧᱟᱢᱤᱡ [᱑᱗]
- ᱵᱟᱜᱩᱱ ᱥᱩᱢᱵᱨᱟᱭ - ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱑᱔ ᱟᱱᱟᱜ ᱞᱳᱠ ᱥᱚᱵᱷᱟ ᱨᱤᱱᱤᱡ ᱢᱟᱨᱮ ᱥᱚᱦᱮᱫ [᱑᱘]
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 4 5 "ST-14 Scheduled Tribe Population By Religious Community". Census of India. Ministry of Home Affairs, India. Retrieved 15 October 2017.
- ↑ Kolha (PDF). Scheduled Castes and Scheduled Tribes Research and Training Institute, Odisha. 2018. ISBN 978-93-80705-56-9. Archived (PDF) from the original on 21 September 2024.
- 1 2 "Census of India Website : Office of the Registrar General & Census Commissioner, India".
- ↑ "Jharkhand: Data Highlights the Scheduled Tribes" (PDF). Census of India 2001. Census Commission of India. Retrieved 6 March 2008.
- ↑ "Scheduled Tribals" (PDF). tribal.nic.in. Retrieved 30 June 2019.
- ↑ "High hopes for Ho". The Times of India (in ᱟᱝᱜᱽᱨᱮᱡᱤ). 19 July 2011. Retrieved 23 April 2022.
- ↑ "Journeying together with Ho tribes in Odisha". 16 February 2015.
- 1 2 "Ho: A Language of India". Ethnologue. SIL International. Retrieved 14 October 2017.
- ↑ Mohan, Shailendra (2013). "20" (PDF). In Hashnain, Imtiaz; Bagga-Gupta, Sangeeta; Mohan, Shailendra (eds.). Linguistic Identity and Language Preferences Among the Austro-Asiatic Language Speakers of Jharkhand. United Kingdom: Cambridge Scholars Publishing. pp. 286–303. ISBN 9781443847162. Retrieved 9 October 2017.
- ↑ Hoffman, Paul. "(Re)inventing writing: stories and histories" (PDF). hoffmancommapaul.com: 5. Retrieved 16 October 2017.
- ↑ Srinivasan, N.R., History of The Indian Iron and Steel Company, 1983, p. 137
- ↑ Balmuchu, Pradeep Kumar (31 May 2018). "Demand to include the language 'Ho' spoken in Jharkhand, in the Eighth Schedule to the Constitution". Parliament of India. Retrieved Jan 13, 2025.
- ↑ "Tribal girl Lipika Singh Darai from Odisha wins 4 National Awards in 7 years". Deccan Chronicle. 13 April 2017.
- ↑ "हो भाषा को संविधान की आठवीं अनुसूची में शामिल करने की मांग के साथ जंतर मंतर पर प्रदर्शन". Prabhat Khabar (in ᱦᱤᱱᱫᱤ). 3 December 2018. Retrieved 12 April 2021.
- 1 2 Thaker, Jayesh (28 November 2014). "Poll Power Trips Geeta Koda means business". The Telegraph India. Archived from the original on 28 November 2014. Retrieved 11 November 2017.
- ↑ Choudhary, Manoj (12 Apr 2014). "Madhu Koda, Bagun Sumbrui still call the shots in Singhbhum". PressReader. Retrieved Jan 13, 2025.
- ↑ "Hamare Padma: Dr Janum Singh Soy gets Padma Shri Award for preserving Ho language". YouTube (in ᱦᱤᱱᱫᱤ). DD News. 7 May 2023. Retrieved 18 September 2023.
Ethnicity mentioned between 2:10 to 2:15
- ↑ "Ranchi diary". 29 June 2018.
- ↑ ᱥᱤᱧᱚᱛ ᱨᱮ ᱦᱳ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱥᱩᱯᱩᱨ ᱑.᱗ ᱢᱤᱞᱤᱭᱚᱱ (᱑,᱗᱓᱓,᱓᱕᱕), ᱡᱟᱦᱟᱸ ᱨᱮ ᱵᱤᱦᱟᱨ, ᱯᱟᱪᱮ ᱵᱟᱝᱞᱟ, ᱡᱷᱟᱨᱠᱷᱚᱸᱰ ᱟᱨ ᱳᱰᱤᱥᱟ ᱨᱤᱱ ᱑,᱐᱓᱓,᱐᱙᱕ ᱦᱳ ᱦᱚᱲ; ᱵᱤᱦᱟᱨ, ᱡᱷᱟᱨᱠᱷᱚᱸᱰ ᱟᱨ ᱳᱰᱤᱥᱟ ᱨᱤᱱ ᱗᱕,᱒᱕᱑ ᱠᱳᱞ ᱦᱚᱲ; ᱟᱨ ᱳᱰᱤᱥᱟ ᱨᱤᱱ ᱖᱒᱕,᱐᱐᱙ ᱠᱳᱞᱦᱟ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱑]
<ref> tags exist for a group named "lower-alpha", but no corresponding <references group="lower-alpha"/> tag was found.