ᱨᱟᱡᱮᱱᱫᱽᱨᱚ ᱱᱟᱨᱟᱭᱚᱬ ᱥᱤᱝ ᱫᱮᱣ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱟᱭᱟᱨ ᱢᱟᱦᱟᱨᱟᱡᱟ
ᱨᱟᱡᱮᱱᱫᱽᱨᱚ ᱱᱟᱨᱟᱭᱟᱬ ᱥᱤᱝ ᱜᱮᱣ
KCIE
6th ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ
ᱟᱹᱢᱟᱹᱞᱤ ᱨᱮ
᱘ ᱢᱟᱨᱪ ᱑᱙᱖᱗ – ᱙ ᱡᱟᱱᱩᱣᱟᱨᱤ ᱑᱙᱗᱑
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱥᱚᱫᱟᱥᱤᱵᱚ ᱛᱨᱤᱯᱟᱴᱷᱤ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹᱵᱤᱥᱣᱚᱱᱟᱛᱷ ᱫᱟᱥ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ᱓᱑ ᱢᱟᱨᱪ ᱑᱙᱑᱒(1912-03-31)
ᱵᱚᱞᱟᱝᱜᱤᱨ, ᱥᱮᱱᱴᱨᱟᱞ ᱯᱨᱳᱵᱷᱤᱱᱥᱮᱥ, ᱵᱽᱨᱤᱴᱤᱥ ᱤᱱᱰᱤᱭᱟ
ᱜᱩᱨ᱒᱓ ᱯᱷᱮᱵᱽᱨᱩᱣᱟᱨᱤ ᱑᱙᱗᱕ (᱖᱒ ᱵᱚᱭᱚᱥ)
ᱨᱟᱡᱽᱟᱹᱨᱤ ᱫᱚᱞᱥᱣᱚᱛᱚᱱᱛᱨᱚ ᱯᱟᱴᱤ
ᱮᱴᱟᱜ ᱨᱟᱡᱽᱟᱹᱨᱤ
ᱥᱟᱹᱜᱟᱹᱭ
ᱜᱚᱬᱚᱛᱚᱱᱛᱨᱚ ᱯᱚᱨᱤᱥᱚᱫᱽ
ᱡᱤᱭᱚᱱ ᱥᱚᱦᱮᱫᱠᱚᱭᱤᱞᱟᱥ ᱠᱩᱢᱟᱨᱤ ᱫᱮᱵᱤ
ᱦᱚᱯᱚᱱ᱒ ᱦᱚᱯᱚᱱ (ᱨᱟᱡᱽ ᱨᱟᱡᱽ ᱥᱤᱝ ᱫᱮᱣ,
ᱟᱱᱚᱝᱜᱚ ᱩᱫᱚᱭᱚ ᱥᱤᱝ ᱫᱮᱣ)
and 4 daughters
ᱥᱮᱪᱮᱫ ᱟᱠᱷᱲᱟᱢᱟᱭᱳ ᱵᱤᱨᱫᱟᱹᱜᱟᱲ,
ᱮᱥᱴᱤ ᱠᱚᱞᱚᱢᱵᱟ ᱵᱤᱨᱫᱟᱹᱜᱟᱲ, ᱦᱚᱡᱟᱨᱤᱵᱟᱜᱽ
ᱠᱟᱹᱢᱤᱨᱟᱡᱽᱟᱹᱨᱤᱭᱟᱹ
ᱫᱷᱚᱨᱚᱢᱦᱤᱱᱫᱩ

ᱢᱟᱦᱟᱨᱟᱡᱟ ᱥᱟᱨ ᱨᱟᱡᱮᱱᱫᱽᱨᱚ ᱱᱟᱨᱟᱭᱚᱬ ᱥᱤᱝ ᱫᱮᱣ KCIE (᱓᱑ ᱢᱟᱨᱪ ᱑᱙᱑᱒ - ᱒᱓ ᱯᱷᱮᱵᱽᱨᱩᱣᱟᱨᱤ ᱑᱙᱗᱕) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱑᱙᱔᱗ ᱨᱮ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱠᱷᱚᱱ ᱞᱟᱦᱟᱨᱮ ᱳᱰᱤᱥᱟ ᱨᱮ ᱯᱟᱴᱱᱟ ᱯᱨᱤᱱᱥᱞᱤ ᱥᱴᱮᱴ ᱨᱤᱱᱤᱡ ᱢᱩᱪᱟᱹᱫ ᱥᱟᱥᱚᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱕᱐ ᱠᱷᱚᱱ ᱜᱚᱬᱚᱛᱚᱱᱛᱨᱚ ᱯᱚᱨᱤᱥᱚᱫᱽ ᱨᱮ ᱨᱟᱡᱽᱟᱹᱨᱤᱭᱟᱹ ᱜᱟᱫᱮᱞ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱖᱒ ᱨᱮ ᱟᱨ ᱑᱙᱖᱒ ᱨᱮ ᱜᱚᱬᱚᱛᱚᱱᱛᱨᱚ ᱯᱚᱨᱤᱥᱚᱫᱽ ᱨᱮ ᱢᱮᱥᱟᱜ ᱛᱟᱭᱚᱢ ᱥᱣᱚᱛᱚᱱᱛᱨᱚ ᱯᱟᱴᱤ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱭᱩᱱᱤᱴ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱖᱗ [᱑] ᱠᱷᱚᱱ ᱑᱙᱗᱑ ᱫᱷᱟᱹᱨᱤᱰ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱾

ᱜᱤᱫᱽᱨᱟᱹ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱡᱮᱱᱫᱽᱨᱚ ᱱᱟᱨᱟᱭᱚᱬ ᱥᱤᱝ ᱫᱮᱣ ᱟᱜ ᱡᱟᱱᱟᱢ ᱫᱚ ᱥᱟᱨᱟᱭᱠᱮᱞᱟ ᱨᱤᱭᱟᱥᱚᱛ ᱨᱤᱱᱤᱡ ᱥᱟᱥᱚᱱᱤᱭᱟᱹ ᱟᱨ ᱨᱟᱹᱱᱤ ᱯᱚᱫᱽᱢᱤᱱᱤ ᱠᱩᱢᱟᱨᱤ ᱫᱮᱵᱤᱭᱤᱡ ᱨᱟᱡᱟ ᱨᱟᱡᱟ ᱟᱫᱤᱛᱭᱚ ᱯᱨᱚᱛᱟᱯ ᱥᱤᱝ ᱟᱜ ᱵᱟᱹᱠᱷᱩᱞ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱟᱴᱱᱟ ᱯᱚᱱᱚᱛ ᱨᱤᱱᱤᱡ ᱢᱟᱦᱟᱨᱟᱡᱟ ᱯᱨᱩᱛᱷᱣᱤᱨᱟᱡᱽ ᱥᱤᱝ ᱫᱮᱣ ᱫᱚ ᱦᱚᱯᱚᱱ ᱞᱮᱠᱟᱭ ᱟᱯᱱᱟᱨ ᱞᱮᱫᱮ ᱛᱟᱦᱮᱸᱫ ᱾ ᱩᱱᱤ ᱫᱚ ᱚᱡᱽᱢᱮᱨ ᱨᱮ ᱢᱮᱭᱳ ᱵᱤᱨᱫᱟᱹᱜᱟᱲ ᱟᱨ ᱦᱚᱡᱟᱨᱤᱵᱟᱜᱽ ᱨᱮᱱᱟᱜ ᱥᱮᱸᱴ ᱠᱳᱞᱚᱢᱵᱤᱭᱟ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ [᱑] ᱩᱱᱤ ᱫᱚ ᱑᱙᱒᱔ ᱨᱮ ᱯᱟᱴᱱᱟ ᱯᱚᱱᱚᱛ ᱨᱤᱱᱤᱡ ᱢᱟᱦᱟᱨᱟᱡᱟᱭ ᱵᱮᱱᱟᱣᱮᱱᱟ ᱟᱨ ᱑᱙᱓᱓ ᱨᱮ ᱯᱩᱨᱟᱹ ᱫᱟᱲᱮᱭ ᱟᱯᱱᱟᱨ ᱠᱮᱫ-ᱟ ᱾ ᱑᱙᱔᱖ ᱨᱮᱱᱟᱜ ᱱᱟᱶᱟ ᱥᱮᱨᱢᱟ ᱨᱮᱱᱟᱜ ᱢᱟᱱᱚᱛ ᱛᱟᱹᱞᱠᱟᱹ ᱨᱮ ᱩᱱᱤ ᱫᱚ ᱱᱟᱭᱤᱴ ᱠᱚᱢᱟᱱᱰᱚᱨ ᱳᱯᱷ ᱫᱤ ᱤᱱᱰᱤᱭᱟᱱ ᱮᱢᱯᱟᱭᱚᱨ (KCIE) ᱞᱮᱠᱟᱛᱮ ᱠᱚ ᱟᱹᱪᱩ ᱠᱮᱫᱮᱭᱟ ᱾ ᱑᱙᱔᱘ ᱨᱮ, ᱯᱟᱴᱱᱟ ᱥᱤᱭᱟᱥᱚᱛ ᱫᱚ ᱭᱩᱱᱤᱭᱚᱱ ᱳᱯᱷ ᱤᱱᱰᱤᱭᱟ ᱨᱮᱠᱚ ᱥᱮᱞᱮᱫ ᱠᱟᱫ-ᱟ ᱾

ᱨᱟᱡᱽᱟᱹᱨᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱕᱑ ᱨᱮ, ᱨᱟᱡᱮᱱᱫᱽᱨᱚ ᱱᱟᱨᱟᱭᱚᱬ ᱥᱤᱝ ᱫᱮᱣ ᱳᱰᱤᱥᱟ ᱨᱮᱱᱟᱜ ᱠᱚᱲᱟᱦᱟᱱᱰᱤ ᱵᱳᱞᱱᱚᱜᱤᱨ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱜᱚᱬᱚᱛᱚᱱᱛᱨᱚ ᱯᱚᱨᱤᱥᱚᱫᱽ ᱨᱤᱱᱤᱡ ᱩᱢᱤᱫᱽᱵᱟᱨ ᱞᱮᱠᱟᱛᱮ ᱯᱩᱭᱞᱩ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ [᱒]

᱑᱙᱕᱗ ᱨᱮ, ᱩᱱᱤ ᱫᱚ ᱴᱤᱴᱤᱞᱟᱜᱚᱰ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾

ᱟᱨ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱨᱮ ᱵᱮᱯᱟᱦᱴᱟ ᱱᱮᱛᱟᱭ ᱵᱮᱱᱟᱣ ᱮᱱᱟ ᱾ ᱠᱟᱹᱡ-ᱮᱞᱮᱞ ᱠᱚᱸᱜᱽᱨᱮᱥ ᱥᱚᱨᱠᱟᱨ ᱟᱨ ᱢᱩᱪᱟᱹᱫ ᱛᱟᱭᱚᱢ ᱜᱚᱬᱚᱛᱚᱱᱛᱨᱚ ᱯᱚᱨᱤᱥᱚᱫᱽ ᱫᱚ ᱒᱒ ᱢᱮ ᱑᱙᱕᱙ ᱦᱤᱞᱚᱜ ᱠᱚᱸᱜᱽᱨᱮᱥ ᱥᱟᱶ ᱜᱚᱴᱷᱵᱚᱱᱜᱷᱚᱱ ᱥᱚᱨᱠᱟᱨ ᱮ ᱵᱮᱱᱟᱣ ᱠᱮᱫ-ᱟ ᱾ ᱨᱟᱫᱮᱱᱫᱽᱨᱚ ᱱᱟᱨᱟᱭᱚᱬ ᱥᱤᱝ ᱫᱮᱣ ᱫᱚ ᱱᱚᱶᱟ ᱥᱚᱨᱠᱟᱨ ᱨᱮ ᱯᱷᱟᱭᱱᱟᱱᱥ ᱢᱤᱱᱤᱥᱴᱚᱨ ᱮ ᱵᱮᱱᱟᱣ ᱮᱱᱟ ᱾ ᱒᱑ ᱯᱷᱮᱵᱽᱨᱩᱣᱟᱨᱤ ᱑᱙᱖᱑ ᱦᱤᱞᱚᱜ ᱜᱚᱴᱷᱵᱚᱱᱫᱷᱚᱱ ᱥᱚᱨᱠᱟᱨ ᱫᱚ ᱦᱩᱡᱩᱲ ᱮᱱᱟ ᱟᱨ ᱫᱤᱥᱚᱢ ᱜᱚᱢᱠᱮ ᱥᱟᱥᱚᱱ ᱮᱛᱚᱦᱚᱵ ᱮᱱᱟ ᱾ ᱑᱙᱖᱑ ᱨᱮ, ᱩᱱᱤ ᱫᱚ ᱠᱟᱸᱴᱟᱵᱟᱸᱡᱤ ᱴᱚᱴᱷᱟ ᱠᱷᱚᱱ ᱳᱰᱤᱥᱟ ᱵᱤᱫᱷᱟᱱᱥᱚᱵᱷᱟ ᱞᱟᱹᱜᱤᱫ ᱫᱚᱦᱲᱟ ᱛᱮᱭ ᱵᱟᱪᱷᱚᱱ ᱮᱱᱟ ᱾

᱑᱙᱖᱗ ᱨᱮ, ᱩᱱᱤ ᱫᱚ ᱟᱨ ᱦᱚᱸ ᱵᱳᱞᱟᱝᱜᱤᱨ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱳᱰᱤᱥᱟ ᱵᱤᱫᱷᱟᱱᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱮᱱᱟ ᱾ ᱟᱨ ᱘ ᱢᱟᱨᱪ ᱑᱙᱖᱗ ᱦᱤᱞᱚᱜ ᱫᱚ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤᱭ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱥᱣᱚᱛᱚᱱᱛᱨᱚ ᱯᱟᱴᱤ ᱟᱨ ᱦᱚᱨᱮᱠᱨᱩᱥᱱᱚ ᱢᱚᱦᱚᱛᱟᱵᱽ ᱟᱜ ᱳᱰᱤᱥᱟ ᱡᱚᱱ ᱠᱚᱸᱜᱽᱨᱮᱥ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱜᱚᱴᱷᱵᱚᱱᱫᱷᱚᱱ ᱥᱚᱨᱠᱟᱨ ᱮ ᱧᱮᱞ ᱡᱚᱛᱚᱱ ᱠᱮᱫ-ᱟ ᱾ ᱩᱱᱤ ᱫᱚ ᱙ ᱡᱟᱱᱩᱣᱟᱨᱤ ᱑᱙᱗᱑ ᱦᱤᱞᱚᱜ ᱟᱹᱢᱟᱹᱞᱤ ᱠᱷᱚᱱ ᱡᱚᱵᱚᱨ ᱡᱤᱨᱟᱹᱣ ᱮ ᱦᱟᱛᱟᱣ ᱠᱮᱫ-ᱟ ᱟᱨ ᱑᱑ ᱡᱟᱱᱩᱣᱟᱨᱤ ᱑᱙᱗᱑ ᱦᱤᱞᱚᱜ ᱫᱤᱥᱚᱢ ᱜᱚᱢᱠᱮ ᱥᱟᱥᱚᱱ ᱞᱟᱜᱟᱣ ᱮᱱᱟ ᱾ ᱑᱙᱗᱑ ᱟᱨ ᱑᱙᱗᱔ ᱨᱮ, ᱩᱱᱤ ᱫᱚ ᱚᱱᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱜᱮ ᱳᱰᱤᱥᱟ ᱵᱤᱫᱷᱟᱱᱥᱚᱵᱷᱟ ᱞᱟᱹᱜᱤᱫ ᱫᱚᱦᱲᱟ ᱛᱮᱭ ᱵᱟᱪᱷᱚᱱ ᱮᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ "Bio - Data of Chief Ministers of Orissa" (PDF). Orissa Reference Manual - 2004. pp. 192–3. Retrieved 21 May 2010.
  2. "Statistical Report on General elections, 1951 to the 1st Lok Sabha, Volume I" (PDF). Election Commission of India website. p. 17. Retrieved 21 May 2010.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]