ᱥᱚᱫᱟᱥᱤᱵᱚ ᱛᱨᱤᱯᱟᱴᱷᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱚᱫᱟᱥᱤᱵᱚ ᱛᱨᱤᱯᱟᱴᱷᱤ
Sadasiva-Tripathy.jpg
᱕ ᱟᱹᱱᱤᱡ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ
ᱟᱹᱢᱟᱹᱞᱤ ᱨᱮ
᱒᱑ ᱯᱷᱮᱵᱽᱨᱩᱣᱟᱨᱤ ᱑᱙᱖᱕ – ᱘ ᱢᱟᱨᱪ ᱑᱙᱖᱗
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱵᱤᱨᱮᱱ ᱢᱤᱛᱨᱚ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ ᱨᱟᱡᱮᱱᱫᱽᱨᱚ ᱱᱟᱨᱟᱭᱚᱬ ᱥᱤᱝ ᱫᱮᱣ
ᱵᱟᱪᱱᱟᱣ ᱮᱞᱮᱠᱟ ᱩᱢᱚᱨᱠᱳᱴ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱒᱑ ᱮᱯᱨᱤᱞ ᱑᱙᱑᱐(1910-04-21)
ᱱᱚᱵᱚᱨᱚᱝᱜᱚᱯᱩᱨ (ᱳᱰᱤᱥᱟ)
ᱜᱩᱨ ᱙ ᱥᱮᱯᱴᱮᱢᱵᱚᱨ ᱑᱙᱘᱐ (᱗᱐ ᱵᱚᱭᱚᱥ)
ᱠᱚᱴᱚᱠ, ᱳᱰᱤᱥᱟ
ᱨᱟᱡᱽᱟᱹᱨᱤ ᱫᱚᱞ ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ
ᱡᱤᱭᱚᱱ ᱥᱚᱦᱮᱫ ᱛᱤᱞᱚᱛᱚᱢᱢᱟ ᱛᱨᱤᱯᱟᱴᱷᱤ
ᱦᱚᱯᱚᱱ ᱓ ᱦᱚᱯᱚᱱ
ᱚᱲᱟᱜ ᱱᱚᱵᱚᱨᱚᱝᱜᱚᱯᱩᱨ (ᱳᱰᱤᱥᱟ)
ᱠᱟᱹᱢᱤ ᱨᱟᱡᱽᱟᱹᱨᱤᱭᱟᱹ

ᱥᱤᱫᱟᱥᱤᱵᱚ ᱛᱨᱤᱯᱟᱴᱷᱤ (᱑᱙᱑᱐ - ᱑᱙᱘᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ, ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱨᱟᱡᱽᱟᱹᱨᱤᱛ ᱜᱟᱫᱮᱞ ᱨᱤᱱᱤᱡ ᱢᱤᱫ ᱱᱮᱛᱟ ᱟᱨ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ [᱑]᱒᱑ ᱯᱷᱮᱵᱽᱨᱩᱣᱟᱨᱤ ᱑᱙᱖᱕ ᱠᱷᱚᱱ ᱘ ᱢᱟᱨᱪ ᱑᱙᱖᱗ ᱫᱷᱟᱹᱨᱤᱡ ᱮ ᱛᱟᱦᱮᱸ ᱠᱟᱱᱟ ᱾ [᱒]

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱫᱟᱥᱤᱵᱚ ᱟᱜ ᱡᱟᱱᱟᱢ ᱫᱚ ᱳᱰᱤᱥᱟ ᱨᱮᱱᱟᱜ ᱱᱚᱵᱚᱨᱚᱝᱜᱚᱯᱩᱨ ᱵᱟᱡᱟᱨ ᱨᱮ ᱒᱑ ᱮᱯᱨᱤᱞ ᱑᱙᱑᱐ ᱦᱤᱞᱚᱜ ᱛᱨᱤᱯᱟᱴᱷᱤ ᱵᱟᱹᱠᱷᱩᱞ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱸᱭ ᱴᱷᱮᱱ ᱚᱛ ᱦᱟᱥᱟ ᱨᱮᱱᱟᱜ ᱟᱹᱡᱤ ᱢᱟᱨᱟᱝ ᱵᱷᱟᱜᱽ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮ ᱫᱟᱣ ᱮ ᱦᱟᱛᱟᱣ ᱠᱮᱫ ᱠᱷᱟᱹᱛᱤᱨ ᱡᱤᱦᱚᱞ ᱦᱚᱸᱭ ᱪᱟᱞᱟᱣ ᱟᱠᱟᱱᱟ ᱾

ᱨᱟᱡᱽᱟᱹᱨᱤ ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱕᱑ ᱨᱮ ᱯᱩᱭᱞᱩ ᱫᱷᱟᱣ ᱑᱙᱕᱗, ᱑᱙᱖᱑ ᱟᱨ ᱑᱙᱖᱗ ᱨᱮ ᱞᱮᱛᱟᱲ ᱯᱩᱱ ᱫᱷᱟᱣ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱮᱱᱟ ᱾ ᱩᱱᱤ ᱫᱚ ᱟᱹᱰᱤ ᱡᱤᱞᱤᱧ ᱚᱠᱛᱚ ᱫᱷᱟᱹᱨᱤᱡ ᱳᱰᱤᱥᱟ ᱨᱤᱱᱤᱡ ᱨᱮᱵᱷᱮᱱᱤᱣ ᱢᱤᱱᱤᱥᱴᱚᱨ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫ-ᱟ ᱾ ᱩᱱᱤ ᱫᱚ ᱑᱙᱖᱕ ᱯᱷᱮᱵᱽᱨᱩᱣᱟᱨᱤ ᱒᱑ ᱠᱷᱚᱱ ᱑᱙᱖᱗ ᱢᱟᱨᱪ ᱘ ᱨᱮᱱᱟᱜ ᱛᱟᱞᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫ-ᱟ ᱾ ᱩᱱᱤᱭᱟᱜ ᱠᱟᱹᱢᱤᱠᱛᱚ ᱨᱮ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱞᱮᱸᱰ ᱨᱤᱯᱷᱚᱨᱢ ᱮᱠᱴ ᱠᱚ ᱥᱚᱫᱚᱨ ᱠᱮᱫ-ᱟ ᱾ ᱩᱱᱤ ᱫᱚ ᱟᱡ ᱨᱤᱱ ᱯᱮᱭᱟ ᱦᱚᱯᱚᱱ ᱠᱷᱚᱱ ᱡᱚᱛᱚ ᱦᱚᱲ ᱜᱮ ᱒᱒ ᱮᱠᱚᱨ ᱨᱮᱱᱟᱜ ᱦᱟᱥᱟ ᱦᱟᱹᱴᱤᱧ ᱟᱫ ᱠᱚᱣᱟᱭ ᱟᱨ ᱟᱹᱰᱤᱜᱟᱱ ᱚᱛ ᱦᱟᱥᱟ ᱜᱮ ᱥᱚᱨᱠᱟᱨ ᱮ ᱴᱟᱞ ᱟᱫᱮᱭᱟ ᱾ ᱩᱱᱤᱭᱟᱜ ᱧᱮᱞ ᱡᱚᱛᱚᱱ ᱨᱮ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱑᱙᱖᱗ ᱨᱮ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮᱭ ᱦᱟᱨᱟᱣ ᱮᱱᱟ ᱾ ᱟᱡ ᱫᱚ ᱑᱘ ᱢᱟᱨᱪ ᱑᱙᱖᱗ ᱠᱷᱚᱱ ᱑᱔ ᱥᱮᱯᱴᱮᱢᱵᱚᱨ ᱑᱙᱗᱐ ᱫᱷᱟᱹᱨᱤᱡ ᱳᱰᱤᱥᱟ ᱵᱤᱫᱷᱟᱹᱱ ᱥᱚᱵᱷᱟ ᱨᱮ ᱵᱮᱯᱟᱦᱴᱟ ᱨᱤᱱᱤᱡ ᱱᱮᱛᱟ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫ-ᱟ ᱾

ᱮᱛᱚᱦᱚᱵ ᱡᱤᱭᱚᱱ ᱫᱚ ᱢᱤᱫ ᱢᱟᱪᱮᱛ ᱞᱮᱠᱟᱛᱮ ᱮᱛᱚᱦᱚᱵ ᱠᱟᱛᱮ ᱥᱚᱫᱟᱥᱤᱵᱚ ᱫᱚ ᱛᱟᱭᱚᱢ ᱫᱤᱥᱚᱢ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮᱭ ᱥᱮᱞᱮᱫ ᱮᱱᱟ ᱾ ᱑᱙᱓᱗ ᱥᱟᱞᱮᱨᱮ ᱩᱱᱤ ᱫᱚ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟᱨᱮ ᱢᱤᱫ ᱵᱤᱫᱷᱟᱭᱚᱠ ᱞᱮᱠᱟᱛᱮ ᱥᱮᱞᱮᱫ ᱠᱟᱛᱮ ᱓᱐ ᱵᱚᱪᱷᱚᱨ ᱫᱷᱟᱹᱨᱤᱡ ᱱᱚᱶᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱾ ᱤᱱᱟᱹ ᱚᱠᱛᱚ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱱᱚᱵᱚᱠᱨᱩᱥᱱᱚ ᱪᱚᱣᱫᱷᱚᱨᱤᱭᱟᱜ ᱥᱟᱥᱚᱱ ᱚᱠᱛᱚ ᱨᱮ ᱟᱡ ᱫᱚ ᱨᱮᱵᱷᱮᱱᱤᱣ ᱢᱤᱤᱥᱴᱚᱨ ᱞᱮᱠᱟᱛᱮ ᱠᱟᱹᱢᱤᱭ ᱛᱚᱨᱟᱣ ᱞᱮᱫ ᱛᱟᱦᱮᱸᱫ ᱾ ᱵᱤᱡᱩ ᱯᱚᱴᱱᱟᱭᱚᱠ ᱫᱚ ᱩᱱᱤ ᱥᱚᱨᱠᱟᱨᱤ ᱜᱟᱫᱮᱞ ᱨᱤᱱᱤᱡ ᱱᱮᱛᱟ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱫᱮ ᱛᱮ ᱚᱱᱟ ᱜᱟᱫᱮᱞ ᱨᱤᱱ ᱮᱴᱟᱜ ᱥᱚᱦᱮᱛ ᱟᱨ ᱢᱚᱱᱛᱨᱤ ᱢᱟᱰᱮᱨ ᱨᱮ ᱚᱥᱟᱹᱱᱛᱤ ᱥᱤᱨᱡᱟᱹᱣ ᱞᱮᱱ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱩᱱᱤ ᱱᱚᱶᱟ ᱫᱚᱭ ᱵᱟᱨᱚᱱ ᱜᱤᱰᱤ ᱞᱮᱫ ᱛᱟᱦᱮᱸᱫ ᱾ ᱑᱙᱖᱙ ᱥᱟᱞᱮᱨᱮ ᱠᱚᱸᱜᱽᱨᱮᱥ ᱟᱜ ᱯᱩᱭᱞᱩ ᱦᱟᱹᱴᱤᱧ ᱛᱟᱭᱚᱢ ᱩᱱᱤ ᱫᱚ ᱭᱩᱱᱟᱭᱴᱮᱰ ᱠᱚᱸᱜᱽᱨᱮᱥ ᱨᱮᱭ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾

ᱛᱟᱭᱚᱢ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡᱟᱜ ᱡᱤᱭᱚᱱ ᱨᱮᱱᱟᱜ ᱢᱩᱪᱟᱹᱫ ᱯᱟᱹᱣᱲᱤ ᱨᱮᱫᱚ ᱱᱟᱥᱮ ᱞᱟᱸᱜᱟ ᱫᱷᱟᱨᱟ ᱡᱤᱭᱚᱱ ᱜᱮᱭ ᱠᱷᱮᱢᱟᱣ ᱟᱠᱟᱫ-ᱟ ᱾ ᱚᱱᱟ ᱚᱠᱛᱚ ᱨᱮᱫᱚ ᱩᱱᱤ ᱟᱹᱰᱤ ᱜᱟᱺᱦᱤᱨ ᱫᱷᱟᱨᱟ ᱜᱮ ᱵᱮᱢᱟᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱯᱚᱱᱚᱛ ᱥᱚᱨᱠᱟᱨ ᱫᱚ ᱩᱱᱤ ᱢᱚᱬᱮ ᱪᱟᱸᱫᱚ ᱫᱷᱟᱹᱨᱤᱡ ᱛᱤᱠᱪᱷᱟᱹᱭ ᱮᱢᱟ ᱟᱫᱮ ᱛᱟᱦᱮᱸᱫ ᱾ ᱮᱱ ᱦᱚᱸ ᱩᱱᱤᱭᱟᱜ ᱡᱤᱣᱤᱵᱟᱹᱛᱤ ᱫᱚ ᱙ ᱥᱮᱯᱴᱮᱢᱵᱚᱨ ᱑᱙᱘᱐ ᱨᱮ ᱦᱩᱭ ᱮᱱ ᱜᱮᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Bio-Data of Chief Ministers of Orissa" (PDF). Orissa Reference Manual - 2004. p. 192. Retrieved 22 ᱢᱮ 2010. 
  2. Rabindra Kumar Sethy (2003). Political Crisis and President's Rule in an Indian State. APH Publishing. pp. 138–. ISBN 978-81-7648-463-3. Retrieved 25 ᱢᱮ 2018. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]