ᱱᱚᱵᱚᱠᱨᱩᱥᱱᱚ ᱪᱚᱣᱫᱷᱚᱨᱤ
| ᱱᱚᱵᱚᱠᱨᱩᱥᱱᱚ ᱪᱚᱣᱫᱷᱚᱨᱤ | |
|---|---|
 | |
| ᱒ ᱟᱹᱱᱤᱡ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱑᱒ ᱢᱮ ᱑᱙᱕᱐ – ᱑᱙ ᱚᱠᱴᱚᱵᱚᱨ ᱑᱙᱕᱖ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱦᱚᱨᱮᱠᱨᱩᱥᱱᱚ ᱢᱚᱦᱚᱛᱟᱵᱽ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤᱡᱩ ᱯᱚᱴᱱᱟᱭᱮᱠ |
| ᱨᱮᱵᱷᱮᱱᱤᱣ ᱢᱤᱱᱤᱥᱴᱚᱨ , ᱳᱰᱤᱥᱟ | |
| ᱟᱹᱢᱟᱹᱞᱤ ᱨᱮ ᱒᱓ ᱮᱯᱨᱤᱞ ᱑᱙᱕᱖ – ᱒᱓ ᱮᱯᱨᱤᱞ ᱑᱙᱔᱘ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | None |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱚᱫᱟᱥᱤᱵᱚ ᱛᱨᱤᱯᱟᱴᱷᱤ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱓ ᱱᱚᱵᱷᱮᱢᱵᱚᱨ ᱑᱙᱐᱑[᱑] ᱠᱷᱮᱨᱥᱟ, ᱡᱚᱜᱚᱛᱥᱤᱝᱯᱩᱨ |
| ᱜᱩᱨ | ᱒᱔ ᱡᱩᱱ ᱑᱙᱘᱔ (ᱩᱢᱮᱨ ᱘᱒ ᱥᱮᱨᱢᱟ) |
| ᱨᱟᱡᱽᱟᱹᱨᱤ ᱫᱚᱞ | ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱢᱟᱞᱚᱛᱤ ᱪᱚᱣᱫᱷᱚᱨᱤ |
| ᱥᱮᱪᱮᱫ ᱟᱠᱷᱲᱟ | ᱨᱮᱵᱷᱮᱱᱥᱟ ᱵᱤᱨᱫᱟᱹᱜᱟᱲ |
ᱱᱚᱵᱚᱠᱨᱩᱥᱱᱚ ᱪᱚᱣᱫᱷᱚᱨᱤ (᱑᱙᱐᱑ ᱱᱚᱵᱷᱮᱢᱵᱚᱨ ᱒᱓ - ᱑᱙᱘᱔ ᱡᱩᱱ ᱒᱔) ᱫᱚ ᱳᱰᱤᱥᱟ ᱨᱮ ᱡᱟᱱᱟᱢ ᱟᱠᱟᱱ ᱢᱤᱫ ᱨᱟᱡᱽᱟᱹᱨᱤᱭᱟᱹ, ᱯᱷᱩᱨᱜᱟᱹᱞ ᱦᱩᱞᱥᱟᱹᱭᱤᱭᱟᱹ ᱟᱨ ᱢᱤᱫ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱒ ᱢᱮ ᱑᱙᱕᱐ ᱠᱷᱚᱱ ᱑᱙ ᱚᱠᱴᱚᱵᱚᱨ ᱑᱙᱕᱖ ᱫᱷᱟᱹᱨᱤᱡ ᱳᱰᱤᱥᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱟᱺᱜᱤᱵᱷᱟᱨ ᱮ ᱛᱚᱨᱟᱣ ᱞᱮᱫ ᱛᱟᱦᱮᱸᱫ ᱾
ᱡᱤᱭᱚᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱵᱚᱠᱨᱩᱥᱱᱚ ᱪᱚᱣᱫᱷᱩᱨᱤ ᱫᱚ ᱡᱚᱜᱚᱛᱥᱤᱝᱯᱩᱨ ᱨᱮᱱᱟᱜ ᱠᱷᱮᱨᱥᱟ ᱟᱹᱛᱩᱨᱮ ᱑᱙᱐᱑ ᱥᱟᱞᱮ ᱱᱚᱵᱷᱮᱢᱵᱚᱨ ᱑᱓ ᱢᱟᱺᱦᱤᱛ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱫᱚ ᱜᱳᱠᱩᱲᱟᱱᱚᱱᱫᱚ ᱪᱚᱣᱫᱷᱩᱨᱤ ᱢᱤᱫ ᱩᱠᱤᱞ ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱱᱚᱵᱚᱠᱨᱩᱥᱱᱚ ᱫᱚ ᱯᱭᱟᱨᱤᱳᱦᱚᱱ ᱮᱠᱟᱰᱮᱢᱤ ᱠᱷᱚᱱ ᱑᱔ ᱥᱮᱨᱢᱟ ᱩᱢᱮᱨ ᱨᱮ ᱥᱮᱪᱮᱫ ᱮ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱱᱚᱵᱚᱠᱨᱩᱥᱱᱚ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱠᱷᱮᱞ ᱠᱷᱮᱞᱚᱸᱰ ᱠᱚᱫᱚ ᱟᱹᱰᱤᱭ ᱠᱩᱥᱤᱭᱟᱜ ᱛᱟᱦᱮᱸᱫ ᱾ ᱟᱨ ᱟᱡ ᱵᱟᱵᱟ ᱦᱚᱸ ᱱᱚᱶᱟ ᱥᱮᱦᱮᱫ ᱥᱮᱫ ᱜᱮᱭ ᱩᱫᱽᱜᱟ.ᱣ ᱮ ᱠᱟᱱ ᱛᱟᱦᱮᱸᱫ ᱾ ᱴᱷᱟᱹᱣᱠᱟᱹ ᱥᱟᱺᱦᱤᱡ ᱛᱟᱹᱞᱤᱢ ᱮᱢᱟᱦᱟᱭ ᱞᱟᱹᱜᱤᱫ ᱢᱤᱫ ᱢᱟᱪᱮᱛ ᱦᱚᱸᱭ ᱡᱚᱜᱟᱲ ᱞᱮᱫᱮ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱯᱟᱲᱦᱟᱣᱜ ᱞᱟᱹᱜᱤᱫ ᱟᱡᱟᱜ ᱨᱟᱹᱥᱠᱟᱹ ᱧᱮᱞ ᱠᱟᱛᱮ ᱩᱱᱤ ᱫᱚ ᱠᱚᱴᱚᱠ ᱨᱮ ᱢᱮᱱᱟᱜ ᱯᱭᱟᱨᱤᱢᱳᱦᱚᱱ ᱮᱠᱟᱰᱮᱢᱤ ᱨᱮᱠᱚ ᱵᱷᱩᱨᱛᱤ ᱞᱮᱫᱮᱭᱟ ᱾ ᱩᱱᱩᱥᱩᱞ ᱟᱥᱲᱟ ᱵᱤᱱᱤᱰ ᱨᱮ ᱟᱹᱤ ᱱᱟᱯᱟᱭ ᱚᱨᱡᱚ ᱥᱟᱶᱛᱮᱭ ᱯᱟᱨᱚᱢ ᱮᱱ ᱥᱟᱶᱛᱮ ᱪᱮᱛᱟᱱ ᱥᱮᱫ ᱥᱮᱪᱮᱫ ᱞᱟᱹᱜᱤᱫ ᱫᱚ ᱩᱱᱤ ᱨᱮᱵᱷᱮᱱᱥᱟ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱧᱩᱛᱩᱢ ᱠᱚ ᱚᱞ ᱠᱮᱫ ᱛᱟᱭᱟ ᱾ ᱤᱠᱷᱟᱹᱱ ᱟᱹᱱᱭᱟᱹᱛ ᱥᱤᱧᱚᱛ ᱨᱮᱱᱟᱜ ᱵᱟᱹᱲᱤᱡ ᱚᱵᱚᱥᱛᱟ ᱩᱱᱤ ᱫᱚ ᱞᱮᱛᱟᱲ ᱮ ᱠᱟᱹᱦᱤᱞ ᱦᱚᱪᱚ ᱞᱮᱫᱮ ᱛᱟᱦᱮᱸᱱ ᱟᱨ ᱟᱫᱷᱟ ᱨᱮᱜᱮ ᱯᱟᱲᱦᱟᱣ ᱵᱟᱹᱜᱤ ᱠᱟᱛᱮ ᱩᱱᱤ ᱫᱚ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮᱭ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾
ᱨᱟᱡᱽᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱩᱨᱜᱟᱹᱞ ᱩᱛᱠᱚᱲ ᱯᱨᱚᱫᱮᱥ ᱜᱚᱴᱷᱚᱱ ᱮᱱ ᱛᱟᱭᱚᱢ ᱦᱩᱭ ᱮᱱ ᱵᱟᱪᱷᱱᱟᱣ ᱨᱮ ᱩᱱᱤ ᱫᱚ ᱛᱤᱨᱛᱳᱞ - ᱮᱨᱚᱥᱚᱢᱟ ᱢᱟᱹᱪᱤ ᱠᱷᱚᱱ ᱞᱟᱹᱰᱷᱟᱹᱭ ᱠᱟᱛᱮᱭ ᱡᱤᱛᱠᱟᱹᱨ ᱞᱮᱱᱟ ᱾ ᱚᱱᱠᱟ ᱜᱮ ᱥᱤᱧᱚᱛ ᱯᱷᱤᱨᱜᱟᱹᱞ ᱛᱟᱭᱚᱢ ᱠᱮᱸᱫᱽᱨᱟᱯᱚᱰᱟ ᱟᱥᱚᱱ ᱠᱷᱚᱱ ᱡᱤᱛᱠᱟᱹᱨ ᱠᱟᱛᱮ ᱯᱚᱱᱚᱛ ᱢᱚᱱᱛᱨᱤᱭ ᱵᱮᱱᱟᱣ ᱞᱮᱱᱟ ᱾ ᱥᱩᱢᱩᱝ ᱢᱤᱫᱴᱟᱹᱝ ᱦᱚᱯᱚᱱ ᱵᱤᱱᱟᱭᱚᱠ ᱟᱜ ᱟᱯᱚᱱᱜᱩᱨ ᱛᱟᱭᱚᱢ ᱩᱱᱤ ᱫᱚ ᱟᱹᱰᱤ ᱜᱮᱭ ᱠᱟᱹᱦᱤᱞ ᱮᱱ ᱠᱷᱟᱹᱛᱤᱨ ᱥᱚᱨᱠᱟᱨ ᱠᱷᱚᱱ ᱡᱤᱨᱟᱹᱣ ᱦᱟᱛᱟᱣ ᱠᱟᱛᱮ ᱫᱤᱥᱣᱟᱹ ᱥᱮᱵᱟ ᱨᱮᱭ ᱫᱷᱩᱨᱟᱹᱣ ᱮᱱᱟ ᱾ ᱛᱟᱭᱚᱢ ᱛᱮ ᱱᱮᱦᱨᱩᱣᱟᱜ ᱟᱸᱫᱮ ᱞᱮᱠᱟᱛᱮ ᱯᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱠᱟᱹᱢᱤᱭ ᱥᱟᱸᱵᱽᱲᱟᱣ ᱞᱮᱫ ᱛᱟᱦᱮᱸᱫ ᱾ ᱱᱚᱵᱚᱠᱨᱩᱥᱱᱚᱣᱟᱜ ᱥᱟᱥᱚᱱ ᱚᱠᱛᱚᱨᱮ ᱦᱤᱨᱟᱠᱩᱫᱽ ᱵᱟᱸᱫᱽ, ᱳᱰᱤᱥᱟ ᱨᱮᱱᱟᱜ ᱪᱟᱥᱵᱟᱥ ᱟᱨ ᱡᱟᱱᱣᱟ ᱛᱤᱠᱪᱷᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱵᱩᱨᱞᱟ ᱴᱮᱠᱱᱤᱠᱟᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱮᱢᱟᱱ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱟᱹᱰᱤ ᱵᱤᱨᱩᱫᱷ ᱠᱟᱛᱮ ᱦᱚᱸ ᱟᱡᱟᱜ ᱠᱩᱨᱩᱢᱩᱴᱩ ᱛᱮ ᱳᱰᱤᱭᱟᱹ ᱯᱟᱹᱨᱥᱤ ᱥᱚᱨᱠᱟᱨᱤ ᱯᱟᱹᱨᱥᱤ ᱨᱮᱱᱟᱜ ᱢᱟᱹᱱ ᱮ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱠᱩᱨᱩᱢᱩᱴᱩ ᱛᱮ ᱜᱩᱨᱥᱟᱡᱟᱭ ᱧᱟᱢᱮᱫ ᱱᱚᱠᱥᱚᱞ ᱱᱮᱛᱟ ᱱᱟᱜᱽᱵᱷᱩᱥᱚᱬ ᱯᱚᱴᱱᱟᱭᱮᱠ ᱟᱜ ᱨᱟᱡᱽᱤᱠᱟᱹ ᱪᱟᱞ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱡᱤᱵᱚᱱ ᱵᱷᱩᱨ ᱫᱤᱥᱣᱟᱹᱭ ᱥᱮᱵᱟ ᱟᱠᱟᱫ ᱠᱚ ᱱᱩᱭ ᱢᱟᱦᱟᱱ ᱳᱰᱤᱭᱟᱹ ᱱᱮᱛᱟ ᱫᱚ ᱒᱔ ᱡᱩᱱ ᱑᱙᱘᱔ ᱨᱮ ᱡᱟᱭᱡᱩᱜᱽ ᱞᱟᱹᱜᱤᱫ ᱡᱤᱣᱤᱵᱟᱹᱛᱤ ᱤᱬᱤᱡ ᱥᱟᱹᱨᱤ ᱞᱮᱱ ᱛᱟᱭᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Singh, K.S.; Anthropological Survey of India (1992). People of India: Odisha (2 pts.). People of India. Anthropological Survey of India. p. 140. ISBN 978-81-7046-293-4. Retrieved 19 August 2019.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱳᱰᱤᱥᱟ ᱴᱚᱴᱷᱟ | |
|---|---|
| ᱳᱰᱤᱥᱟ (ᱢᱩᱬ ᱳᱰᱤᱥᱟ) | |
