ᱱᱚᱱᱫᱤᱱᱤ ᱥᱚᱛᱯᱚᱛᱷᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱱᱚᱱᱫᱤᱱᱤ ᱥᱚᱛᱯᱚᱛᱷᱤ

ᱱᱚᱱᱫᱤᱱᱤ ᱥᱚᱛᱯᱚᱛᱷᱤ (᱖ ᱡᱩᱱ ᱑᱙᱓᱑-᱔ ᱚᱜᱚᱥᱴ ᱒᱐᱐᱖) ᱫᱚ ᱳᱰᱤᱥᱟ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱥᱤᱨᱟᱹ ᱢᱚᱱᱛᱨᱤ ᱥᱟᱶᱛᱮ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱳᱰᱤᱥᱟ ᱨᱤᱱᱤᱡ ᱢᱮᱬᱦᱮᱫ ᱢᱟᱹᱱᱢᱤ ᱢᱮᱱᱛᱮ ᱠᱚ ᱵᱟᱰᱟᱭᱮ ᱠᱟᱱᱟ ᱾ ᱩᱱᱤ ᱫᱚ ᱵᱟᱨ ᱫᱷᱟᱣ ᱥᱤᱨᱟᱹ ᱢᱚᱱᱛᱨᱤ ᱵᱷᱟᱹᱨᱭᱟᱹᱭ ᱜᱚᱜ ᱞᱮᱫᱼᱟ ᱾ ᱑᱙᱗᱒ ᱠᱷᱚᱱ᱗᱓ ᱟᱨ ᱑᱙᱗᱔-᱗᱖ ᱚᱠᱛᱚ ᱨᱮ ᱩᱱᱤ ᱳᱰᱤᱥᱟ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱤᱨᱤᱭᱟᱹᱭ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱱᱫᱤᱱᱤ ᱫᱮᱵᱤ ᱫᱚ ᱑᱙᱓᱑ ᱥᱟᱞᱮᱨᱮ ᱠᱚᱴᱚᱠ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱩᱞᱜᱟᱹᱨᱤᱭᱟᱹ ᱜᱷᱟᱨᱚᱡᱽ ᱨᱮ ᱟᱡᱟᱜ ᱡᱟᱱᱟᱢ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱚᱫᱽᱢᱚᱵᱷᱩᱥᱚᱬ ᱥᱟᱶᱦᱮᱫᱤᱭᱟᱹ ᱠᱟᱲᱤᱱᱫᱤ ᱪᱚᱴᱚᱬ ᱯᱟᱬᱤᱜᱨᱟᱦᱤ ᱟᱨ ᱨᱚᱛᱱᱚᱢᱚᱬᱤ ᱫᱮᱵᱤ ᱛᱤᱠᱤᱱ ᱨᱤᱱ ᱢᱟᱨᱟᱝ ᱩᱛᱟᱹᱨ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ ᱳᱰᱤᱥᱟ ᱨᱮ ᱵᱟᱨᱟᱵᱟᱹᱨᱤ ᱦᱚᱠ ᱞᱟᱦᱩᱞᱥᱟᱹᱭ ᱨᱤᱱ ᱥᱟᱞᱜᱟᱣᱤᱭᱟᱹ ᱵᱷᱚᱜᱚᱵᱚᱛᱤ ᱯᱟᱬᱤᱜᱨᱟᱦᱤ ᱛᱤᱠᱤᱱ ᱨᱤᱱᱤᱡ ᱦᱚᱢᱚᱱ ᱠᱩᱭᱲᱤᱭ ᱛᱟᱦᱮᱸ ᱠᱟᱱᱟ ᱟᱨ ᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ ᱥᱚᱯᱱᱮᱥᱚᱨ ᱯᱟᱬᱤᱜᱨᱟᱦᱤ ᱭᱤᱡ ᱜᱚᱲᱚᱢ ᱠᱩᱲᱤᱭ ᱛᱟᱦᱮᱸᱠᱟᱱᱟ ᱾ ᱯᱟᱹᱴᱷᱣᱟᱹ ᱡᱤᱭᱚᱱ ᱠᱷᱚᱱ ᱜᱮ ᱩᱱᱤ ᱫᱚ ᱨᱟᱹᱡᱽᱟᱹᱨᱤ ᱟᱨ ᱥᱟᱶᱦᱮᱫ ᱪᱮᱛᱟᱱ ᱨᱮ ᱟᱹᱰᱤ ᱜᱚᱨᱚᱡᱽ ᱛᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱨᱮᱵᱷᱮᱱᱥᱟ ᱵᱤᱨᱫᱟᱹᱜᱟᱲ ᱠᱷᱚᱱ ᱳᱰᱤᱭᱟᱹ ᱛᱮ ᱥᱚᱱᱮᱨ ᱮ ᱥᱤᱫ ᱞᱮᱫ ᱛᱟᱦᱮᱸᱫ ᱾ ᱵᱤᱨᱫᱟᱹᱜᱟᱲ ᱡᱤᱭᱚᱱ ᱨᱮ ᱑᱙᱕᱑ ᱥᱟᱞᱮᱨᱮ ᱯᱟᱹᱴᱷᱣᱟᱹ ᱦᱩᱞᱥᱟᱹᱭ ᱨᱮ ᱟᱹᱭᱩᱨᱤᱭᱟᱹ ᱠᱟᱹᱢᱤᱭ ᱛᱩᱞᱟᱹᱣ ᱞᱮᱫ ᱠᱷᱟᱹᱛᱤᱨ ᱡᱤᱦᱚᱞ ᱥᱮᱱᱚᱜ ᱦᱩᱭ ᱟᱫᱮ ᱛᱟᱦᱮᱸᱫ ᱾[᱑]

ᱵᱟᱯᱞᱟ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱱᱫᱤᱱᱤ ᱫᱮᱵᱤ ᱫᱚ ᱟᱡᱤᱡ ᱦᱩᱞᱜᱟᱹᱨᱤᱭᱟᱹ ᱡᱤᱭᱚᱱ ᱨᱤᱱᱤᱡ ᱜᱟᱛᱮ ᱫᱮᱵᱮᱱᱫᱽᱨᱚ ᱥᱚᱛᱯᱚᱛᱷᱤ ᱥᱟᱶ ᱵᱟᱯᱞᱟ ᱠᱟᱛᱮ ᱠᱚᱴᱚᱠ ᱨᱤᱱᱤᱡ ᱠᱩᱲᱤ ᱰᱷᱮᱝᱠᱟᱱᱟᱲ ᱨᱤᱱᱤᱡ ᱵᱟᱹᱦᱩᱭ ᱥᱟᱡᱟᱣ ᱞᱮᱱ ᱛᱟᱦᱮᱸᱫ ᱾ ᱫᱮᱵᱮᱱᱫᱽᱨᱚ ᱰᱷᱮᱝᱠᱟᱱᱟᱲ ᱠᱷᱚᱱ ᱵᱟᱨ ᱫᱷᱟᱣ ᱥᱟᱝᱥᱚᱫᱽ ᱞᱮᱠᱟᱛᱮᱭ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾ ᱟᱹᱠᱤᱱ ᱨᱤᱱ ᱵᱟᱨᱭᱟ ᱦᱚᱯᱚᱱ ᱢᱤᱫᱦᱚᱼᱲ ᱫᱚ ᱯᱚᱱᱚᱛ ᱵᱟᱨᱦᱮ ᱨᱮ ᱵᱮᱯᱟᱨ ᱮᱫᱟᱭ ᱟᱨ ᱦᱩᱰᱤᱧ ᱠᱚᱲᱟ ᱛᱚᱛᱷᱟᱜᱚᱛ ᱥᱚᱛᱯᱚᱛᱷᱤ ᱱᱤᱛᱚᱜ ᱰᱷᱮᱝᱠᱟᱱᱟᱲ ᱢᱟᱹᱪᱤ ᱠᱷᱚᱱ ᱵᱟᱪᱷᱱᱟᱣ ᱟᱹᱭᱩᱨ ᱥᱟᱶᱛᱮ ᱫᱤᱱᱟᱹᱢ ᱠᱷᱚᱵᱚᱨ ᱠᱟᱜᱚᱡᱽ ᱫᱦᱚᱨᱤᱛᱨᱤ ᱨᱤᱱ ᱥᱟᱯᱲᱮᱛ ᱢᱮᱱᱟᱭᱟ ᱾ [᱒]

ᱥᱟᱶᱦᱮᱫ ᱠᱟᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱱᱫᱤᱱᱤ ᱫᱮᱵᱤ ᱫᱚ ᱨᱟᱡᱽᱟᱹᱨᱤ ᱥᱟᱶᱛᱮ ᱥᱟᱶᱦᱮᱫ ᱛᱷᱚᱠ ᱨᱮᱦᱚᱸ ᱟᱡᱟᱜ ᱠᱟᱹᱨᱫᱷᱟᱹᱱᱤ ᱪᱷᱟᱯ ᱢᱮᱱᱟᱜ ᱜᱮᱭᱟ ᱾

ᱠᱟᱹᱦᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

    • ᱚᱱᱟᱛᱷᱚ- ᱑᱙᱔᱒
  • ᱠᱮᱴᱚᱴᱤ ᱠᱚᱛᱷᱟ- ᱑᱙᱗᱖
  • ᱥᱚᱯᱛᱚᱫᱚᱥᱤ- ᱑᱙᱘᱘

ᱜᱟᱢᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱴᱤᱠᱤ ᱥᱩᱱᱟ ᱦᱚᱡᱤᱜᱚᱞᱟ

ᱛᱚᱨᱡᱚᱢᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱜᱟᱱᱫᱷᱤ ᱠᱚᱛᱷᱟᱢᱨᱩᱛᱚ - ᱑᱙᱗᱐ (ᱱᱚᱶᱟ ᱫᱚ ᱠᱨᱤᱥᱱᱟ ᱠᱨᱤᱯᱟᱲᱤᱱᱤ ᱭᱟᱜ 'ᱚᱞ ᱢᱮᱱ ᱟᱨ ᱵᱨᱚᱫᱚᱨᱥ' ᱨᱮᱱᱟᱜ ᱳᱰᱤᱭᱟ ᱛᱚᱨᱡᱚᱢᱟ ), ᱛᱟᱞᱢᱟ ᱥᱶᱦᱮᱫ ᱠᱟᱰᱮᱢᱤ ᱦᱚᱛᱮᱛᱮ ᱯᱟᱨᱥᱟᱞ ᱾
  • ᱨᱚᱥᱤᱫᱽ ᱴᱤᱠᱚᱴ - ᱑᱙᱙᱐ (ᱨᱮᱵᱷᱤᱱᱭᱩ)
  • ᱞᱚᱡᱽᱡᱟ - ᱑᱙᱙᱓
  • ᱡᱚᱢᱤ ᱡᱮᱵᱮ ᱡᱟᱜᱤ ᱩᱴᱷᱮ

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite web|url=http://www.orissaspider.com/resources/2321-Biography-Nandini-Satpathy-The-former-Chief.aspx
  2. cite web |url http://articles.timesofindia.indiatimes.com/2006-08-05/india/27801889_1_oriya-orissa-cm-orissa-chief-minister |title=Ex-CM of Orissa Nandini Satpathy passes away - Times Of India |work=indiatimes.com |year=2012 |quote=His younger son Tathagat is a BJD MP from Dhenkanal and owner-editor of oriya daily Dharitri |accessdate=2 July 2012