ᱩᱞᱯᱟᱦᱟᱲᱤ
| ᱩᱞᱯᱟᱦᱟᱲᱤ | |
|---|---|
| ᱟᱛᱳ | |
  ᱩᱞᱯᱟᱦᱟᱲᱤ  ᱩᱞᱯᱟᱦᱟᱲᱤ | |
| Coordinates: 24°05′18″N 87°39′51″E / 24.0882405°N 87.664280°ECoordinates: 24°05′18″N 87°39′51″E / 24.0882405°N 87.664280°E | |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | |
ᱩᱞᱯᱟᱦᱟᱲᱤ ᱵᱷᱟᱨᱚᱛ ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱢᱤᱫᱴᱟᱝ ᱥᱟᱱᱛᱟᱞ ᱟᱛᱳ ᱠᱟᱱᱟ᱾
ᱵᱟᱨᱮᱛᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱞ ᱠᱚ ᱒᱐᱐ ᱥᱮᱨᱢᱟ ᱠᱷᱚᱱ ᱦᱚᱸ ᱰᱷᱮᱨ ᱚᱠᱛᱚ ᱠᱷᱚᱱ ᱱᱚᱸᱰᱮ ᱠᱚ ᱛᱟᱦᱮᱸᱱ ᱠᱟᱱᱟ᱾ ᱗᱖ ᱜᱚᱴᱟᱝ ᱜᱷᱟᱨᱚᱸᱡᱽ ᱢᱮᱱᱟᱜᱼᱟ ᱾ ᱱᱚᱣᱟ ᱟᱛᱳ ᱫᱚ ᱵᱤᱨ ᱢᱩᱫᱽᱨᱮ ᱢᱮᱱᱟᱜᱼᱟ ᱱᱚᱸᱰᱮ ᱨᱮᱱ ᱦᱚᱲ ᱠᱚᱫᱚ ᱡᱟᱹᱥᱛᱤ ᱠᱟᱭᱛᱮ ᱥᱟᱨᱡᱚᱢ ᱥᱟᱠᱟᱢ ᱨᱮᱭᱟᱜ ᱯᱟᱛᱲᱟ, ᱯᱷᱩᱲᱩᱜ ᱮᱢᱟᱱ ᱵᱮᱱᱟᱣ ᱟᱨ ᱟᱹᱠᱷᱨᱤᱧ ᱠᱟᱛᱮ ᱡᱤᱭᱚᱱ ᱠᱚ ᱠᱷᱟᱸᱰᱟᱣ ᱮᱫᱟ᱾[᱑] ᱩᱞᱯᱟᱦᱟᱲᱤ ᱨᱮ "ᱩᱞᱯᱟᱦᱟᱲᱤ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ" ᱧᱩᱛᱩᱢ ᱛᱮ ᱢᱤᱫᱴᱟᱝ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ "ᱵᱤᱨᱵᱷᱩᱢ ᱦᱚᱱᱚᱛ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱢᱟᱸᱰᱮᱨ" ᱨᱮᱭᱟᱜ ᱟᱶᱛᱟ ᱨᱮ ᱢᱮᱱᱟᱜᱼᱟ᱾
ᱞᱟᱠᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱞ ᱠᱚᱫᱚ ᱢᱩᱬᱩᱫ ᱠᱷᱮᱨᱣᱟᱞ ᱡᱟᱹᱛᱤ ᱜᱷᱟᱨᱚᱸᱡᱽ ᱨᱮᱱ ᱠᱟᱱᱟ ᱠᱚ᱾ ᱱᱚᱣᱟ ᱟᱛᱳ ᱨᱮ ᱥᱟᱱᱛᱟᱞᱤ ᱯᱟᱹᱨᱥᱤ ᱠᱚ ᱵᱮᱣᱦᱟᱨᱼᱟ, ᱢᱮᱱᱠᱷᱟᱱ ᱡᱚᱠᱷᱚᱱ ᱩᱱᱠᱩ ᱢᱤᱫᱴᱟᱝ "ᱫᱤᱠᱩ" (ᱥᱟᱱᱛᱟᱞ ᱫᱚ ᱵᱟᱝ) ᱥᱟᱶ ᱠᱚ ᱨᱚᱯᱚᱲ ᱠᱷᱟᱱ ᱵᱟᱝᱞᱟ ᱯᱟᱹᱨᱥᱤ ᱠᱚ ᱵᱮᱣᱦᱟᱨᱟ ᱾ ᱩᱱᱠᱩ ᱫᱚ ᱟᱠᱚ ᱛᱮ "ᱦᱚᱲ" ᱠᱚ ᱞᱟᱹᱭᱚᱜᱼᱟ᱾ ᱩᱞᱯᱟᱦᱟᱲᱤ ᱫᱚ ᱢᱤᱫᱴᱟᱝ ᱟᱛᱳ ᱡᱟᱦᱟᱸ ᱨᱮ ᱡᱟᱹᱥᱛᱤ ᱠᱟᱭᱛᱮ ᱨᱮᱸᱜᱮᱡ ᱦᱚᱲ ᱠᱚ ᱢᱮᱱᱟᱜ ᱠᱚᱣᱟ᱾ ᱩᱱᱠᱩᱭᱟᱜ ᱢᱤᱫᱴᱟᱝ ᱢᱟᱨᱮᱱ ᱞᱟᱠᱪᱟᱨ ᱢᱮᱱᱟᱜᱼᱟ ᱾ ᱩᱱᱠᱩ ᱟᱭᱢᱟ ᱯᱚᱨᱚᱵᱽ ᱠᱚ ᱢᱟᱱᱟᱣᱼᱟ ᱡᱮᱞᱮᱠᱟ ᱵᱟᱦᱟ ᱯᱚᱨᱚᱵᱽ, ᱠᱟᱨᱟᱢ, ᱥᱚᱦᱨᱟᱭ ᱮᱢᱟᱱ ᱾ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱩᱱᱠᱩ ᱚᱲᱟᱜ ᱨᱮ ᱵᱮᱱᱟᱣ ᱦᱟᱺᱰᱤ ᱯᱚᱨᱚᱵᱽ ᱯᱚᱨᱵᱟᱥ ᱠᱚᱨᱮ ᱠᱚ ᱧᱩᱭᱟ᱾
ᱥᱟᱶᱛᱟ ᱟᱨ ᱫᱷᱚᱨᱚᱢ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱞᱯᱟᱦᱟᱲᱤ ᱨᱮᱱ ᱥᱟᱱᱟᱢ ᱦᱚᱲ ᱜᱮ ᱥᱟᱱᱛᱟᱞ ᱠᱟᱱᱟ ᱠᱚ᱾ ᱱᱚᱣᱟ ᱟᱛᱳ ᱨᱮ ᱢᱟᱺᱡᱷᱤ ᱛᱷᱟᱱ ᱡᱟᱦᱮᱨ ᱛᱷᱟᱢ ᱢᱮᱱᱟᱜᱼᱟ, ᱢᱤᱫᱴᱟᱝ ᱢᱚᱱᱫᱤᱨ ᱦᱚᱸ ᱵᱟᱹᱱᱩᱜᱼᱟ, ᱥᱮᱫᱟᱜ ᱥᱮ ᱱᱩᱠᱩ ᱠᱚ ᱦᱤᱱᱫᱤ ᱵᱟᱝ ᱠᱟᱱᱟ ᱠᱚ᱾ ᱟᱠᱚᱣᱟᱜ ᱟᱯᱱᱟᱨ ᱫᱷᱚᱨᱚᱢ ᱥᱟᱨᱱᱟ ᱫᱷᱚᱨᱚᱢ ᱠᱚ ᱢᱟᱱᱟᱣ ᱵᱟᱛᱟᱣᱟ᱾ ᱩᱱᱠᱩ ᱫᱚ ᱢᱟᱨᱟᱝᱵᱩᱨᱩ, ᱡᱟᱦᱮᱨ ᱮᱨᱟ ᱟᱨ ᱢᱟᱺᱡᱷᱤ ᱨᱮ ᱠᱚ ᱵᱚᱸᱜᱟ ᱵᱩᱨᱩ ᱟᱠᱚᱣᱟ᱾ ᱟᱛᱳ ᱨᱮᱱᱟᱜ ᱥᱟᱱᱟᱢ ᱵᱚᱸᱜᱟ ᱵᱩᱨᱩ ᱠᱟᱹᱢᱤ ᱠᱚ ᱱᱟᱭᱠᱮ ᱜᱮᱭ ᱠᱚᱨᱟᱣᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Birbhumer Bon Udbhidjo O Banyapran, Paschim Banga, Birbhum Special Issue,