ᱪᱟᱱᱰᱤᱞ
| ᱪᱟᱱᱰᱤᱞ | |
|---|---|
| ᱱᱚᱜᱚᱨ | |
  ᱪᱟᱱᱰᱤᱞ  ᱪᱟᱱᱰᱤᱞ | |
| Coordinates: 22°58′N 86°03′E / 22.97°N 86.05°ECoordinates: 22°58′N 86°03′E / 22.97°N 86.05°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱥᱟᱹᱨᱟᱹᱭᱠᱮᱞᱟ ᱠᱷᱚᱨᱥᱚᱶᱟ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 1.11 ᱠᱤᱢᱤ২ (0.43 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 246 ᱢᱤᱴᱚᱨ (807 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱔,᱓᱔᱗ |
| • ᱰᱮᱱᱥᱤᱴᱤ | 3900/ᱠᱤᱢᱤ2 (10000/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱥᱟᱱᱛᱟᱲᱤ, ᱦᱤᱱᱫᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱓᱒᱔᱐᱑ |
| ᱴᱮᱞᱤᱯᱷᱚᱱ ᱠᱳᱰ | +᱙᱑ ᱖᱕᱙᱑ |
| ᱜᱟᱹᱰᱤ ᱨᱤᱡᱤᱥᱴᱨᱤ | JH |
ᱪᱟᱱᱰᱤᱞ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱥᱟᱹᱨᱟᱹᱭᱠᱮᱞᱟ ᱠᱷᱚᱨᱥᱚᱶᱟ ᱦᱚᱱᱚᱛ ᱨᱮ ᱢᱤᱫ ᱥᱮᱱᱥᱮᱥ (Census) ᱱᱚᱜᱚᱨ ᱠᱟᱱᱟ ᱾ ᱥᱤᱧᱚᱛ ᱨᱮ ᱯᱩᱭᱞᱩ ᱠᱚᱢᱢᱮᱨᱥᱤᱭᱟᱞ (commercial) ᱥᱯᱟᱝᱡ ᱟᱭᱨᱮᱱ ᱯᱞᱟᱸᱴ ᱪᱟᱱᱰᱤᱞ ᱨᱮᱱᱟᱜ ᱩᱢᱮᱥ ᱱᱚᱜᱚᱨ ᱨᱮ ᱢᱮᱱᱟᱜᱼᱟ ᱾
ᱪᱚᱱᱰᱤᱞ ᱫᱚ ᱦᱟᱹᱨᱭᱟᱹᱲ ᱵᱤᱨ, ᱵᱩᱨᱩ, ᱡᱷᱟᱨᱱᱟ ᱟᱨ ᱜᱟᱰᱟ ᱛᱮ ᱮᱥᱮᱫ ᱟᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱠᱚᱞᱦᱟᱱ ᱠᱷᱚᱸᱰ ᱨᱮ ᱥᱟᱹᱨᱟᱹᱭᱠᱮᱞᱟ ᱠᱷᱚᱨᱥᱚᱶᱟ ᱦᱚᱱᱚᱛ ᱨᱮᱱᱟᱜ ᱥᱚᱦᱚᱨ, ᱱᱚᱜᱚᱨ ᱴᱷᱟᱶ ᱮᱢ: ᱱᱚᱜᱚᱨ ᱯᱟᱞᱤᱠᱟ, ᱟᱨ: ᱫᱮᱦᱟᱛ/ᱥᱚᱦᱨᱤ ᱛᱟᱞᱢᱟ, ᱥᱤ.ᱴᱤ.: ᱦᱚᱲ ᱞᱮᱠᱷᱟ ᱥᱚᱦᱚᱨ, ᱴᱤ: ᱧᱮᱞᱡᱚᱝ ᱛᱟᱞᱢᱟ ᱦᱩᱰᱤᱧ ᱱᱚᱠᱥᱟ ᱨᱮ ᱴᱷᱟᱶ ᱨᱮᱱᱟᱜ ᱚᱵᱷᱟᱵᱽ ᱤᱫᱤ ᱛᱮ, ᱢᱟᱨᱟᱝ ᱱᱚᱠᱥᱟ ᱨᱮ ᱟᱥᱞᱤ ᱴᱷᱟᱶ ᱫᱚ ᱟᱹᱠ ᱵᱷᱮᱜᱟᱨ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ |
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱚᱱᱰᱤᱞ 22°58′N 86°03′E / 22.97°N 86.05°E ᱨᱮ ᱢᱮᱱᱟᱜᱼᱟ ᱾[᱑] ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱒᱔᱖ ᱢᱤᱴᱚᱨ (᱘᱐᱗ ᱯᱷᱤᱴ) ᱢᱮᱱᱟᱜᱼᱟ ᱾
ᱦᱮᱡ ᱥᱮᱱ ᱰᱟᱦᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱚᱱᱰᱤᱞ ᱨᱮᱞᱣᱮ ᱥᱴᱮᱥᱚᱱ ᱫᱚ ᱟᱥᱟᱱᱥᱚᱱᱼᱴᱟᱴᱟᱱᱚᱜᱚᱨᱼᱠᱷᱚᱲᱚᱜᱽᱯᱩᱨ ᱞᱟᱭᱤᱱ ᱟᱨ ᱴᱟᱴᱟᱱᱚᱜᱚᱨᱼᱵᱟᱨᱠᱟᱠᱟᱱᱟ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾
ᱢᱤᱰᱤᱭᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱢᱥᱮᱫᱽᱯᱩᱨ ᱥᱚᱦᱚᱨ ᱠᱷᱚᱱ ᱟᱹᱰᱤ ᱞᱮᱠᱟ ᱱᱟᱜ ᱦᱤᱱᱫᱤ, ᱵᱟᱸᱜᱟᱞᱤ ᱟᱨ ᱤᱝᱜᱽᱞᱤᱥ ᱠᱷᱚᱵᱚᱨ ᱫᱤᱥᱩᱣᱟᱹ (Published) ᱦᱩᱭᱩᱜ ᱠᱟᱱᱟ ᱟᱨ ᱱᱚᱸᱰᱮ ᱯᱟᱥᱱᱟᱣ ᱠᱟᱱᱟ ᱾ ᱱᱚᱣᱟ ᱠᱷᱚᱱ, ᱦᱤᱱᱫᱩᱥᱛᱟᱱ, ᱯᱨᱟᱵᱷᱚᱛ ᱠᱷᱚᱵᱚᱨ ᱟᱨ ᱫᱟᱭᱱᱤᱠ ᱡᱚᱜᱚᱨᱚᱱ ᱯᱟᱲᱦᱟᱣ ᱞᱟᱹᱜᱤᱫ ᱛᱮ ᱟᱹᱰᱤ ᱯᱷᱮᱢᱚᱥᱟ ᱾
ᱥᱤᱴᱤ ᱥᱮᱱᱴᱨᱤᱠ ᱴᱤᱵᱤ ᱯᱨᱚᱜᱨᱟᱢᱤᱝ ᱒᱔ ᱴᱟᱲᱟᱝ ᱨᱮᱱᱟᱜ ᱥᱟᱢᱟᱪᱟᱨ ᱪᱮᱱᱟᱞ ᱜᱚᱲᱚ ᱛᱮ ᱦᱤᱡᱩᱜᱼᱟ (ᱡᱟᱢᱥᱮᱫᱽᱯᱩᱨ) ᱟᱨ ᱟᱹᱰᱤ ᱞᱮᱠᱟ ᱱᱟᱜ ᱵᱤᱰᱤᱭᱚ ᱪᱮᱱᱟᱞ ᱤᱫᱤ ᱛᱮ ᱯᱨᱚᱵᱷᱤᱰᱮᱰ (Provided) ᱪᱮᱠᱟ ᱟᱠᱟᱫᱟ ᱟᱫᱚ ᱞᱚᱠᱟᱞ ᱠᱮᱵᱟᱞ ᱳᱯᱨᱮᱴᱟᱨ ᱤᱫᱤ ᱛᱮ ᱯᱟᱥᱱᱟᱣ ᱠᱟᱱᱟ ᱾
ᱪᱟᱱᱰᱤᱞ ᱨᱮ ᱞᱟᱛᱟᱨ ᱨᱮ ᱚᱞ ᱟᱠᱟᱱᱟ ᱮᱯᱷᱮᱢ ᱨᱮᱰᱤᱭᱚ ᱥᱴᱮᱥᱚᱱ ᱢᱮᱱᱟᱜᱼᱟᱺ ᱢᱟᱨᱟᱝ ᱮᱯᱷᱮᱢ ᱙᱒.᱗ (Big FM 92.7), ᱟᱨᱟᱜ ᱮᱯᱷᱮᱢ ᱙᱓.᱕ (Red FM 93.5), ᱨᱮᱰᱤᱭᱚ ᱰᱷᱩᱢ ᱑᱐᱔.᱘, ᱨᱮᱰᱤᱭᱚ ᱢᱟᱱᱛᱨᱟ ᱙᱑.᱙ ᱟᱨ ᱵᱷᱤᱵᱷᱤᱰᱷ ᱵᱷᱟᱨᱛᱤ ᱑᱐᱐.᱘ ᱾
ᱧᱮᱞᱡᱚᱝ ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱪᱟᱱᱰᱤᱞ ᱰᱮᱢ - ᱥᱚᱵᱚᱨᱱᱟᱠᱷᱟ ᱜᱟᱰᱟ ᱨᱮ ᱪᱟᱱᱰᱤᱞ ᱰᱮᱢ ᱫᱚ ᱢᱮᱱᱟᱜᱼᱟ, ᱡᱷᱟᱨᱠᱷᱚᱸᱰ ᱨᱮᱱᱟᱜ ᱟᱹᱰᱤ ᱰᱷᱮᱨ ᱧᱮᱞ ᱞᱟᱜ ᱴᱷᱟᱶ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱪᱟᱱᱰᱤᱞ ᱰᱮᱢ ᱥᱩᱨ ᱨᱮ ᱢᱮᱱᱟᱜ ᱥᱟᱝᱜᱽᱨᱟᱞᱟᱭ ᱨᱮ ᱪᱟᱹᱴᱟᱹᱱᱤ ᱨᱮ ᱚᱞ ᱟᱠᱟᱱᱟ ᱦᱚᱨᱚᱯ, ᱱᱚᱣᱟ ᱫᱚ ᱒᱐᱐᱐ ᱥᱮᱨᱢᱟ ᱢᱟᱨᱮ ᱜᱮᱭᱟ ᱾ ᱰᱮᱢ ᱨᱮᱱᱟᱜ ᱩᱥᱩᱞ ᱫᱚ ᱒᱒᱐ ᱢᱤᱴᱚᱨ ᱢᱮᱱᱟᱜᱼᱟ ᱟᱨ ᱱᱚᱣᱟ ᱫᱟᱜ ᱟᱴᱮᱫ ᱨᱮᱱᱟᱜ ᱩᱥᱩᱞ ᱫᱚ ᱑᱙᱐ ᱢᱤᱴᱚᱨ ᱢᱮᱱᱟᱜᱼᱟ ᱾ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱫᱚ ᱱᱚᱣᱟ ᱴᱚᱴᱷᱟ ᱞᱮᱠᱟᱛᱮ ᱞᱤᱸᱜᱤᱱ ᱠᱟᱱᱟ ᱾ ᱦᱩᱸᱰᱨᱩ ᱠᱷᱚᱱ ᱚᱸᱰᱚᱠ ᱟᱠᱟᱱ ᱠᱚᱨᱠᱚᱨᱤ ᱜᱟᱰᱟ ᱫᱚ ᱱᱚᱸᱰᱮ ᱪᱟᱱᱰᱤᱞ ᱨᱮ ᱥᱚᱵᱚᱨᱱᱟᱠᱟ ᱜᱟᱰᱟ ᱥᱟᱞᱟᱜ ᱧᱟᱯᱟᱢ ᱟᱠᱟᱱᱟ ᱾[᱒]
- ᱡᱚᱭᱫᱟ ᱢᱩᱱᱫᱤᱨ - ᱵᱷᱟᱜᱽᱣᱟᱱ ᱥᱤᱵᱟᱜ ᱢᱤᱫᱴᱟᱹᱝ ᱢᱟᱨᱮ ᱢᱩᱱᱫᱤᱨ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱛᱚᱜᱟᱜ ᱯᱟᱴᱠᱚᱢ ᱯᱚᱱᱚᱛ (ᱤᱪᱟᱹᱜᱜᱚᱲ) ᱨᱤᱱᱤᱡ ᱨᱟᱡᱟ ᱵᱤᱠᱨᱚᱢ ᱟᱫᱤᱛᱭᱚ ᱫᱮᱵᱽ ᱦᱚᱛᱮᱨᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ, ᱱᱚᱣᱟ ᱡᱷᱟᱨᱠᱷᱚᱸᱰ ᱨᱟᱱᱟᱜ ᱢᱤᱫ ᱧᱮᱞᱡᱚᱝ ᱴᱷᱟᱶ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱨᱟᱺᱪᱤ-ᱴᱟᱴᱟ ᱨᱟᱱᱟᱜ ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱥᱟᱞ ᱠᱮ ᱥᱟᱞ ᱢᱚᱠᱚᱨ ᱥᱟᱠᱨᱟᱸᱛᱤ ᱨᱟᱱᱟᱜ ᱥᱟᱢᱟᱝ ᱟᱭᱩᱵ ᱨᱮ ᱯᱟᱛᱟ ᱦᱩᱭᱩᱜᱼᱟ ᱾
- ᱥᱟᱭ ᱵᱟᱵᱟ ᱢᱩᱱᱫᱤᱨ (ᱦᱚᱢᱤᱰ) - ᱨᱟᱺᱪᱤ-ᱴᱟᱴᱟ ᱨᱟᱱᱟᱜ ᱰᱟᱦᱟᱨ ᱨᱮ ᱵᱷᱟᱜᱽᱣᱟᱱ ᱥᱟᱭ ᱵᱟᱵᱟ ᱟᱜ ᱢᱩᱱᱫᱤᱨ ᱫᱚ ᱢᱮᱱᱟᱜᱼᱟ ᱾
- ᱢᱮᱛᱷᱤᱭᱟ ᱢᱩᱱᱫᱤᱨ - ᱥᱟᱹᱫᱷᱩ ᱵᱟᱸᱫᱷ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱢᱚᱴᱷᱤᱭᱟ ᱡᱩᱱᱟ ᱟᱠᱷᱲᱟ ᱨᱟᱱᱟᱜ ᱛᱟᱞᱢᱟ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱢᱩᱱᱫᱤᱨ ᱦᱚᱛᱮᱛᱮ ᱪᱟᱱᱰᱤᱞ ᱨᱟᱱᱟᱜ ᱢᱤᱫᱴᱟᱹᱝ ᱨᱟᱛᱷ ᱪᱟᱞᱟᱜ ᱨᱮᱱᱟᱜ ᱴᱷᱟᱯᱟᱱ ᱨᱟᱱᱟᱜ ᱦᱩᱭᱩᱜᱼᱟ ᱾
- ᱫᱚᱞᱢᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ- ᱫᱚᱞᱢᱟ ᱵᱩᱨᱩ, ᱱᱚᱣᱟ ᱫᱚ "ᱪᱟᱱᱰᱤᱞ ᱵᱚᱱᱚᱛ ᱨᱟᱱᱟᱜ ᱛᱟᱡᱽ" ᱠᱟᱱᱟ, ᱵᱤᱨ ᱵᱤᱨᱡᱤᱭᱟᱹᱞᱤ ᱠᱚ ᱡᱮᱞᱮᱠᱟᱼ ᱦᱟᱹᱛᱤ, ᱡᱤᱞ, ᱵᱤᱨ ᱥᱩᱠᱨᱤ, ᱥᱟᱢᱵᱷᱟᱨ ᱟᱨ ᱪᱮᱬᱮ ᱟᱨ ᱵᱤᱧ ᱠᱚᱣᱟᱜ ᱟᱨ ᱟᱹᱰᱤ ᱜᱟᱱ ᱯᱨᱟᱡᱟᱹᱛᱤ ᱛᱟᱦᱮᱸᱱ ᱞᱟᱹᱜᱤᱫ ᱟᱥᱲᱟ ᱴᱷᱟᱶ ᱠᱟᱱᱟ ᱛᱟᱠᱚ ᱾ ᱫᱚᱞᱢᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ ᱫᱚ ᱦᱟᱹᱛᱤ ᱭᱟᱜ ᱟᱨ ᱡᱤᱞ ᱠᱚᱣᱟᱜ ᱚᱲᱟᱜ ᱠᱟᱱᱟ ᱾
- ᱥᱤᱥ ᱢᱚᱦᱚᱞ ᱥᱟᱵᱷᱟᱜᱟᱨ- ᱥᱤᱥ ᱢᱚᱦᱚᱞ ᱫᱚ ᱢᱟᱨᱮ ᱢᱚᱱᱫᱤᱨ ᱢᱩᱨᱛᱤ ᱭᱟᱜ ᱥᱟᱝᱜᱨᱟᱦ (collection) ᱠᱟᱱᱟ ᱾
ᱪᱤᱛᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]-
ᱰᱮᱢ ᱨᱮ ᱫᱷᱚᱝᱜᱟ -
ᱡᱚᱭᱰᱟ ᱢᱚᱱᱫᱤᱨ -
ᱥᱤᱥ ᱢᱚᱦᱚᱞ ᱥᱟᱵᱷᱟᱜᱟᱨ (ᱪᱚᱱᱰᱤᱞ ᱰᱮᱢ)
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱧᱩᱨᱩᱜ ᱠᱟᱱᱟ ᱫᱟᱜ ᱡᱤᱱᱚᱢᱤᱠᱥ, ᱤᱸᱠ -ᱪᱚᱱᱰᱤᱞ
- ↑ "Chandil dam raises flooding fears". The Telegraph (Calcutta). 18 July 2011. Retrieved 10 March 2012.