ᱫᱚᱭᱟᱢᱚᱱᱤ ᱵᱟᱨᱞᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱫᱚᱭᱟᱢᱚᱱᱤ ᱵᱟᱨᱞᱟ
᱒᱐᱑᱒, ᱵᱷᱤᱵᱜᱤᱭᱳᱨ ᱯᱷᱞᱤᱢ ᱯᱷᱮᱥᱴᱤᱵᱚᱞ ᱨᱮ ᱫᱚᱭᱟᱢᱚᱱᱤ ᱵᱟᱨᱞᱟ
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟᱹ
ᱠᱟᱹᱢᱤᱡᱟᱨᱱᱟᱞᱤᱡᱚᱢ
ᱜᱟᱶᱛᱟᱟᱹᱫᱤᱵᱟᱹᱥᱤ, ᱢᱩᱞᱵᱟᱹᱥᱤ, ᱚᱥᱛᱤᱛᱣᱚ ᱨᱚᱠᱥᱟ ᱢᱳᱨᱪᱟ
ᱥᱤᱨᱯᱷᱟᱹ᱒᱐᱐᱐ ᱨᱮ ᱟᱹᱛᱩ ᱫᱤᱥᱚᱢ ᱨᱮ ᱡᱟᱨᱱᱟᱞᱤᱡᱚᱢ ᱞᱟᱹᱜᱤᱫ ᱠᱟᱭᱩᱱᱴᱟᱨ ᱢᱤᱰᱤᱭᱟ ᱥᱤᱨᱯᱷᱟᱹ, ᱒᱐᱐᱔ ᱨᱮ ᱱᱮᱥᱟᱱᱟᱞ ᱯᱷᱟᱣᱩᱱᱰᱮᱥᱚᱱ ᱯᱷᱚᱨ ᱤᱱᱰᱤᱭᱟ ᱯᱷᱮᱞᱳᱥᱤᱯ

ᱫᱚᱭᱟᱢᱚᱱᱤ ᱵᱟᱨᱞᱟ ᱥᱤᱧᱚᱛ ᱨᱮᱭᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱ ᱢᱤᱫ ᱟᱹᱫᱤᱵᱟᱹᱥᱤ ᱡᱟᱨᱱᱟᱞᱤᱥᱴ ᱟᱨ ᱠᱟᱹᱢᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱟᱨᱥᱟᱞ ᱢᱤᱛᱛᱟᱞ ᱟᱜ ᱥᱴᱤᱞ ᱠᱟᱹᱨᱠᱷᱟᱱᱟ ᱵᱤᱨᱳᱫᱷ ᱨᱮᱭ ᱪᱷᱩᱴᱟᱹᱣ ᱟᱠᱟᱱ ᱛᱟᱦᱮᱫ ᱠᱷᱟᱹᱛᱤᱨ ᱛᱮᱭ ᱵᱟᱲᱟᱭᱚᱜᱼᱟ, ᱟᱹᱫᱤᱵᱟᱹᱥᱤ ᱠᱟᱹᱢᱤᱭᱟᱹ ᱠᱚᱣᱟᱜ ᱢᱮᱱ ᱱᱚᱣᱟ ᱠᱷᱟᱹᱛᱤᱨ ᱛᱮ ᱥᱟᱢᱟᱝ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱯᱩᱱᱜᱮᱞ ᱜᱚᱴᱟᱱ ᱟᱹᱛᱩ ᱚᱪᱚᱜ ᱦᱩᱭᱩᱜᱼᱟ ᱾

ᱵᱟᱨᱞᱟ ᱡᱟᱨᱱᱟᱞᱤᱡᱚᱢ ᱞᱟᱹᱜᱤᱫ ᱟᱭᱢᱟ ᱢᱟᱹᱱᱟᱱ ᱥᱤᱨᱯᱷᱟᱹ ᱠᱚᱸᱭ ᱡᱤᱛᱠᱟᱹᱨ ᱟᱠᱟᱱᱟ ᱾[᱑] ᱩᱱᱤ ᱒᱐᱑᱔ ᱨᱮᱭᱟᱜ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱠᱷᱩᱸᱴᱤ ᱞᱳᱠᱥᱚᱵᱷᱟ ᱛᱟᱞᱢᱟ ᱠᱷᱚᱱ ᱟᱢ ᱟᱫᱽᱢᱤ ᱯᱟᱨᱴᱤ ᱨᱮᱱ ᱨᱟᱹᱥᱤᱭᱟᱹ ᱞᱮᱠᱟᱛᱮᱭ ᱛᱤᱸᱜᱩ ᱞᱮᱱᱟ, ᱛᱚᱵᱮ ᱵᱟᱪᱷᱱᱟᱣ ᱨᱮ ᱵᱟᱭ ᱫᱟᱲᱮ ᱞᱮᱱᱟ ᱾[᱒][᱓]

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱭᱟᱢᱚᱱᱤ ᱵᱟᱨᱞᱟ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱢᱤᱫ ᱢᱩᱱᱰᱟᱹ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱫᱚᱭᱟᱢᱚᱱᱤ ᱟᱡ ᱵᱟᱵᱟ ᱱᱚᱣᱟ ᱴᱚᱴᱷᱟ ᱨᱮᱱ ᱮᱴᱟᱜ ᱟᱹᱫᱤᱵᱟᱹᱥᱤ ᱠᱚ ᱞᱮᱠᱟ ᱜᱮ ᱟᱡᱟᱜ ᱚᱛᱼᱦᱟᱥᱟ ᱮ ᱨᱮᱡ ᱚᱪᱚ ᱞᱮᱱᱟ, ᱪᱮᱫᱟᱜ ᱥᱮ ᱩᱱᱤ ᱩᱱᱟᱹᱜ ᱚᱞᱚᱜ ᱯᱟᱲᱦᱟᱣ ᱵᱟᱭ ᱵᱟᱲᱟᱭ ᱠᱟᱱ ᱛᱟᱦᱮᱸᱱᱟ ᱟᱨ ᱚᱛᱼᱦᱟᱥᱟ ᱨᱮ ᱟᱡᱟᱜ ᱟᱹᱭᱫᱟᱹᱨᱤ ᱩᱫᱩᱜ ᱞᱟᱹᱜᱤᱫ ᱠᱟᱜᱚᱡᱽ ᱠᱚᱦᱚ ᱩᱱᱟᱹᱜ ᱵᱟᱝ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱚᱱᱟ ᱛᱮ ᱟᱡ ᱵᱟᱵᱟ ᱢᱤᱫ ᱥᱚᱦᱚᱨ ᱨᱮᱭ ᱠᱟᱹᱢᱤᱭᱮᱫ ᱠᱟᱱ ᱛᱟᱦᱮᱱᱟ ᱟᱨ ᱟᱡ ᱟᱭᱚ ᱟᱨ ᱢᱤᱫ ᱮᱴᱟᱜ ᱥᱚᱦᱚᱨ ᱨᱮ ᱾ ᱵᱟᱨᱞᱟ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱜ ᱚᱠᱛᱚ ᱕ ᱠᱷᱚᱱ ᱗ ᱪᱟᱱᱟᱪ ᱫᱷᱟᱹᱵᱤᱡ ᱵᱟᱹᱫᱽ ᱨᱮᱭ ᱠᱟᱹᱢᱤᱭᱮᱫ ᱛᱟᱦᱮᱱᱟ ᱾ ᱛᱟᱞᱢᱟ ᱪᱟᱱᱟᱪ ᱨᱮᱭᱟᱜ ᱯᱟᱲᱦᱟᱣ ᱞᱮᱛᱟᱲ ᱤᱫᱤ ᱞᱟᱹᱜᱤᱫ ᱩᱱᱤ ᱨᱟᱺᱪᱤ ᱛᱮᱭ ᱪᱟᱞᱟᱣ ᱮᱱᱟ ᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱠᱟᱹᱣᱰᱤ ᱮᱢ ᱞᱟᱹᱜᱤᱫ ᱢᱤᱫ ᱫᱟᱹᱥᱤ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱟᱫᱚᱢ ᱡᱚᱠᱷᱮᱡ, ᱟᱡᱟᱜ ᱡᱟᱨᱱᱟᱞᱤᱡᱚᱢ ᱯᱟᱲᱦᱟᱣ ᱛᱚᱨᱟᱣ ᱤᱫᱤᱭ ᱞᱟᱹᱜᱤᱫ ᱨᱮᱞ ᱥᱴᱮᱥᱚᱱ ᱠᱚᱨᱮ ᱦᱚᱸᱭ ᱡᱟᱹᱯᱤᱫ ᱟᱠᱟᱫ ᱛᱟᱸᱦᱮᱱᱟ ᱾[᱔]

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱴᱚᱴᱷᱟ ᱨᱮ ᱢᱩᱱᱰᱟᱹ ᱟᱨ ᱮᱴᱟᱜ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱥᱟᱢᱟᱝ ᱨᱮ ᱦᱤᱡᱩᱜ ᱠᱟᱱ ᱱᱟᱱᱟᱼᱦᱩᱱᱟᱹᱨ ᱮᱴᱠᱮᱴᱚᱬᱮ ᱠᱚ ᱥᱟᱢᱟᱝ ᱞᱟᱹᱜᱤᱫ ᱵᱟᱨᱞᱟ ᱢᱤᱫ ᱧᱩᱛᱩᱢᱟᱱ ᱦᱤᱱᱫᱤ ᱠᱷᱚᱵᱚᱨ ᱠᱟᱜᱚᱡᱽ ᱯᱨᱚᱵᱷᱟᱛ ᱠᱷᱚᱵᱚᱨ ᱨᱮᱭ ᱠᱟᱹᱢᱤᱭᱟ ᱾ ᱩᱱᱤ ᱤᱱᱰᱤᱭᱟᱱ ᱥᱳᱥᱤᱭᱟᱞ ᱮᱠᱥᱚᱱ ᱯᱷᱳᱨᱟᱢ ᱟᱭ.ᱮᱱ.ᱮᱥ.ᱮ.ᱮᱯᱷ ᱨᱮᱱ ᱡᱟᱹᱛᱤᱭᱟᱹᱨᱤ ᱯᱟᱨᱥᱮᱛ ᱠᱟᱱᱟᱭ ᱾ ᱱᱚᱣᱟ ᱢᱟᱬᱟᱝ ᱨᱮ ᱟᱡᱟᱜ ᱡᱟᱨᱱᱟᱞᱤᱡᱚᱢ ᱠᱟᱹᱢᱤ ᱫᱚ ᱮᱥᱳᱥᱤᱭᱮᱥᱚᱱ ᱯᱷᱚᱨ ᱤᱱᱰᱤᱭᱟᱥ ᱰᱮᱵᱷᱮᱞᱚᱵᱷᱢᱮᱱᱴ (ᱮ.ᱟᱭ.ᱰᱤ)[᱕] ᱦᱚᱛᱮᱛᱮ ᱠᱟᱹᱴᱤᱡ ᱯᱷᱮᱞᱳᱥᱤᱯ ᱞᱮᱠᱟᱛᱮ ᱠᱚ ᱜᱚᱲᱚ ᱟᱭ ᱠᱟᱱ ᱛᱟᱦᱮᱸᱱᱟ ᱾ ᱵᱟᱨᱞᱟ ᱢᱤᱫ ᱪᱟ ᱫᱳᱠᱟᱱ ᱮ ᱪᱟᱞᱟᱣᱟ ᱟᱨ ᱚᱱᱟ ᱨᱮᱱ ᱢᱟᱹᱞᱤᱠ ᱠᱟᱱᱟᱭ ᱡᱟᱦᱟᱸ ᱫᱚ ᱟᱡᱟᱜ ᱡᱟᱨᱱᱟᱞᱤᱡᱚᱢ ᱤᱪᱪᱷᱟᱹ ᱟᱨ ᱠᱟᱹᱢᱤ ᱨᱮ ᱜᱚᱲᱚᱭ ᱮᱢᱮᱫ ᱛᱟᱭᱟ ᱾ ᱩᱱᱤ ᱟᱺᱜᱤᱵᱷᱟᱹᱵᱤ ᱠᱟᱛᱮ ᱜᱮ ᱱᱚᱣᱟ ᱵᱮᱯᱟᱨ ᱫᱚᱸᱭ ᱵᱟᱪᱷᱟᱣ ᱟᱠᱟᱫᱟ ᱪᱮᱫᱟᱜ ᱥᱮ ᱪᱟ ᱫᱳᱠᱟᱱ ᱫᱚ ᱱᱚᱝᱠᱟᱱ ᱢᱤᱫ ᱡᱟᱭᱜᱟ ᱠᱟᱱᱟ ᱡᱟᱦᱟᱸ ᱨᱮ ᱥᱟᱶᱛᱟᱠᱤᱭᱟᱹ ᱜᱟᱞᱢᱟᱨᱟᱣ ᱠᱚ ᱦᱩᱭᱩᱜᱼᱟ ᱾[᱑][᱔]

ᱞᱟᱲᱟᱣᱟᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱴᱚᱴᱷᱟ ᱥᱟᱪᱟᱨᱦᱮ ᱨᱮᱭᱟᱜ ᱱᱟᱱᱟᱼᱦᱩᱱᱟᱹᱨ ᱫᱩᱨᱤᱵᱽ ᱛᱮ ᱯᱮᱨᱮᱪ ᱢᱮᱱᱟᱜᱼᱟ ᱟᱨ ᱟᱭᱢᱟ ᱥᱚᱨᱠᱟᱨᱤ ᱟᱨ ᱵᱮᱼᱥᱚᱨᱠᱟᱨᱤ ᱠᱚᱢᱯᱟᱱᱤ ᱠᱚ ᱱᱚᱣᱟ ᱫᱩᱨᱤᱵᱽ ᱠᱚ ᱧᱟᱢ ᱞᱟᱹᱜᱤᱫ ᱠᱟᱹᱨᱠᱷᱟᱱᱟ ᱵᱮᱱᱟᱣ ᱨᱮᱭᱟᱜ ᱡᱟᱭᱜᱟ ᱠᱚ ᱦᱟᱛᱟᱣ ᱫᱚᱦᱚ ᱟᱠᱟᱫᱟ ᱾ ᱟᱹᱫᱤᱵᱟᱹᱥᱤ ᱦᱚᱲ ᱠᱚ ᱠᱷᱩᱛᱤᱯᱩᱨᱚᱱ ᱧᱟᱢ ᱨᱮᱭᱟᱜ ᱠᱟᱛᱷᱟ ᱢᱮᱱᱟᱜ ᱨᱮᱦᱚᱸ ᱟᱭᱢᱟ ᱠᱟᱹᱢᱤᱭᱟᱹ ᱠᱚᱣᱟᱜ ᱞᱟᱹᱭ ᱡᱮ ᱩᱱᱠᱩ ᱴᱷᱤᱠ ᱠᱮᱞᱟ ᱠᱷᱩᱛᱤᱯᱩᱨᱚᱱ ᱵᱟᱝ ᱠᱚ ᱧᱟᱢᱮᱫ ᱠᱟᱱᱟ ᱾[᱑] ᱟᱨᱥᱟᱞ ᱢᱤᱛᱛᱟᱞ ᱱᱚᱣᱟ ᱴᱚᱴᱷᱟ ᱨᱮ ᱡᱮᱜᱮᱛ ᱨᱮᱭᱟᱜ ᱢᱟᱲᱟᱝ ᱥᱴᱤᱞ ᱠᱟᱹᱨᱠᱷᱟᱱᱟ ᱠᱚ ᱢᱩᱸᱫᱽ ᱨᱮ ᱢᱤᱫ ᱠᱟᱹᱨᱠᱷᱟᱱᱟ ᱵᱮᱱᱟᱣ ᱞᱟᱹᱜᱤᱫ $᱘.᱗᱙ ᱵᱤᱞᱤᱭᱚᱱ ᱟᱢᱮᱨᱤᱠᱟᱱ ᱰᱚᱞᱟᱨ ᱵᱤᱱᱤᱭᱳᱜ ᱮ ᱠᱷᱚᱡᱚᱜ ᱠᱟᱱᱟ ᱾ ᱱᱚᱣᱟ ᱜᱽᱨᱤᱱᱯᱷᱤᱞᱰ ᱥᱴᱤᱞ ᱯᱚᱨᱛᱚᱱ ᱞᱟᱹᱜᱤᱫ ᱑᱒,᱐᱐᱐ ᱮᱠᱚᱨ (᱔᱙ ᱪᱟᱹᱣᱠᱟᱹ ᱠᱤᱢᱤ) ᱚᱛᱼᱦᱟᱥᱟ ᱟᱨ ᱢᱤᱫ ᱱᱟᱣᱟ ᱵᱤᱡᱽᱞᱤ ᱠᱟᱹᱨᱠᱷᱟᱱᱟ ᱨᱮᱭᱟᱜ ᱞᱟᱹᱠᱛᱤ ᱢᱮᱱᱟᱜᱼᱟ ᱾ ᱵᱟᱨᱞᱟ ᱟᱜ ᱠᱟᱛᱷᱟ ᱞᱮᱠᱟᱛᱮ ᱱᱚᱣᱟ ᱫᱚ ᱯᱩᱱᱜᱮᱞ ᱟᱹᱛᱩ ᱮ ᱚᱪᱚᱜ ᱚᱪᱚᱭᱟ ᱾[᱑] ᱵᱟᱨᱞᱟ ᱟᱨ ᱩᱱᱤᱭᱟᱜ ᱥᱚᱝᱜᱚᱴᱷᱚᱱ ᱟᱹᱫᱤᱵᱟᱹᱥᱤ, ᱢᱩᱞᱵᱟᱹᱥᱤ, ᱚᱥᱛᱤᱛᱣᱚ ᱨᱚᱠᱥᱟ ᱢᱳᱨᱪᱟ (ᱟᱹᱫᱤᱵᱟᱹᱥᱤ ᱟᱨ ᱢᱩᱬᱩᱛ ᱦᱚᱲ ᱠᱚᱣᱟᱜ ᱩᱯᱨᱩᱢ ᱨᱩᱠᱷᱤᱭᱟᱹ ᱫᱚᱦᱚ ᱢᱳᱨᱪᱟ) ᱟᱜ ᱞᱟᱹᱭ ᱱᱚᱣᱟ ᱠᱷᱟᱹᱛᱤᱨ ᱛᱮ ᱟᱭᱢᱟ ᱦᱚᱲ ᱠᱚ ᱚᱱᱚᱪᱚᱜ ᱥᱟᱶᱛᱮ, ᱱᱚᱣᱟ ᱯᱚᱨᱛᱚᱱ ᱴᱚᱴᱷᱟ ᱨᱮᱭᱟᱜ ᱵᱤᱨᱼᱵᱩᱨᱩ ᱠᱚᱸᱭ ᱫᱷᱚᱝᱥᱚᱭᱟ ᱾ ᱱᱚᱣᱟ ᱫᱚ ᱟᱨᱦᱚᱸ ᱫᱟᱜ ᱨᱮᱭᱟᱜ ᱯᱷᱮᱰᱟᱛ (ᱥᱳᱨᱥ) ᱟᱨ ᱡᱤᱵᱽᱡᱤᱭᱟᱹᱞᱤ, ᱥᱟᱪᱟᱨᱦᱮ ᱟᱨ ᱥᱤᱥᱤᱨᱡᱟᱹᱣᱤᱭᱟᱜ ᱥᱤᱨᱡᱚᱱ ᱟᱨ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱡᱤᱭᱚᱱ ᱠᱷᱟᱸᱰᱣᱟ ᱨᱮ ᱮᱴᱠᱮᱴᱚᱬᱮ ᱮ ᱥᱤᱨᱡᱟᱹᱣᱟ ᱾ ᱟᱨᱥᱟᱞ ᱢᱤᱛᱛᱟᱞ ᱟᱜ ᱞᱟᱹᱭ ᱩᱱᱤ ᱫᱚ ᱛᱷᱟᱹᱱᱤᱛ ᱦᱚᱲ ᱠᱚᱣᱟᱜ ᱚᱛᱼᱦᱟᱥᱟ ᱨᱮᱡ ᱫᱚ ᱵᱟᱭ ᱠᱷᱚᱡᱚᱜ ᱠᱟᱱᱟ ᱩᱱᱤ ᱫᱚ ᱱᱚᱣᱟ ᱥᱟᱶ ᱡᱚᱯᱨᱟᱣ ᱥᱟᱱᱟᱢ ᱯᱟᱥᱴᱟ ᱥᱟᱶ ᱨᱚᱯᱚᱲ ᱞᱟᱹᱜᱤᱫ ᱥᱟᱯᱲᱟᱣ ᱢᱮᱱᱮᱭᱟ ᱾[᱑] ᱛᱚᱵᱮ ᱵᱟᱨᱞᱟ ᱟᱜ ᱞᱟᱹᱭ, ᱚᱱᱚᱪᱚᱜ ᱦᱩᱭᱩᱜ ᱟᱹᱫᱤᱵᱟᱹᱥᱤ ᱠᱚ ᱟᱠᱚᱣᱟᱜ ᱡᱟᱱᱟᱢ ᱴᱷᱟᱶ ᱵᱮᱜᱚᱨ ᱵᱟᱝ ᱠᱚ ᱵᱟᱧᱪᱟᱣ ᱫᱟᱲᱮᱭᱟᱜᱼᱟ ᱟᱨ ᱩᱱᱠᱩ ᱫᱚ ᱱᱚᱝᱠᱟᱱ ᱠᱷᱩᱛᱤᱯᱩᱨᱚᱱ ᱵᱟᱝ ᱮᱢ ᱜᱟᱱᱚᱜᱼᱟ ᱾[᱑]

ᱥᱤᱨᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱟᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ ᱑.᱒ ᱑.᱓ ᱑.᱔ ᱑.᱕ Basu, Moushumi (2008). "Steely resolve:Dayamani Barla". BBC. Retrieved 14 October 2008.
  2. "AAP introduces seven candidates in fray in Jharkhand".
  3. Kislaya, Kelly (18 May 2014). "NOTA ahead of AAP in many seats". The Times of India. Retrieved 15 December 2015.
  4. ᱔.᱐ ᱔.᱑ "Off India's Beaten Path". UCLA. 2008. Archived from the original on 5 June 2011. Retrieved 14 October 2008.
  5. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named MA