ᱫᱷᱟᱱᱣᱟᱨ, ᱜᱤᱨᱤᱰᱤᱦ

ᱫᱷᱟᱱᱣᱟᱨ
ᱨᱟᱡᱽᱫᱷᱟᱱᱣᱟᱨ
ᱫᱷᱟᱱᱣᱟᱨ; ᱨᱟᱡᱽᱫᱷᱟᱱᱣᱟᱨ
ᱦᱚᱲ ᱞᱮᱠᱷᱟ ᱥᱚᱦᱚᱨ
	ᱫᱷᱟᱱᱣᱟᱨ ᱫᱷᱟᱱᱣᱟᱨᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱨᱮ ᱴᱷᱟᱶ
	Coordinates: 24°25′N 85°59′E / 24.42°N 85.98°ECoordinates: 24°25′N 85°59′E / 24.42°N 85.98°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱡᱷᱟᱨᱠᱷᱚᱸᱰ
ᱦᱚᱱᱚᱛ	ᱜᱤᱨᱤᱰᱤᱦ
ᱮᱨᱤᱭᱟ
• ᱞᱮᱠᱷᱟᱜᱩᱴ	2.7 ᱠᱤᱢᱤ২ (1�0 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱘,᱗᱗᱗
• ᱰᱮᱱᱥᱤᱴᱤ	3300/ᱠᱤᱢᱤ2 (8400/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱦᱤᱱᱫᱤ, ᱥᱟᱱᱛᱟᱲᱤ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱘᱒᱕᱔᱑᱒
ᱜᱟᱹᱰᱤ ᱨᱤᱡᱤᱥᱴᱨᱤ	JH-11
ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱠᱚᱰᱟᱨᱢᱟ
ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱫᱷᱟᱱᱣᱟᱨ
ᱣᱮᱵᱽᱥᱟᱭᱤᱴ	giridih.nic.in

ᱫᱷᱟᱱᱣᱟᱨ, ᱡᱟᱦᱟᱸ ᱫᱚ ᱨᱟᱡᱽᱫᱷᱟᱱᱣᱟᱨ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ, ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮ ᱜᱤᱨᱤᱰᱤᱦ ᱦᱚᱱᱚᱛ ᱨᱮᱱᱟᱜ ᱠᱷᱳᱨᱤ ᱢᱚᱦᱩᱣᱟ ᱥᱟᱵᱽᱰᱤᱵᱤᱡᱚᱱ ᱨᱮ ᱫᱷᱟᱱᱣᱟᱨ ᱥᱤᱰᱤ ᱵᱚᱱᱚᱛ ᱨᱮ ᱢᱤᱫ ᱞᱮᱠᱷᱟᱥᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱜᱤᱨᱤᱰᱤᱦ ᱦᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱵᱮᱯᱟᱨᱤ ᱴᱷᱟᱶ ᱠᱟᱱᱟ ᱾

ᱚᱛᱱᱚᱜ

ᱴᱷᱟᱶ

ᱫᱷᱟᱱᱣᱟᱨ ᱫᱚ 24°25′N 85°59′E / 24.42°N 85.98°E / 24.42; 85.98 ᱨᱮ ᱢᱮᱱᱟᱜᱼᱟ ᱾^[᱑] ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱓᱓᱖ ᱢᱤᱴᱚᱨ (᱑᱑᱐᱒ ᱯᱷᱩᱴ) ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮ ᱢᱤᱫ ᱪᱮᱠ ᱰᱮᱢ (ᱪᱟᱥ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟ) ᱢᱮᱱᱟᱜᱼᱟ ᱡᱟᱦᱟᱸ ᱫᱚ "ᱱᱚᱣᱞᱠᱷᱟ ᱰᱮᱢ" ᱠᱚ ᱢᱮᱛᱟᱜᱼᱟ ᱟᱨ ᱟᱹᱰᱤ ᱜᱟᱱ ᱦᱚᱲ ᱱᱚᱰᱮ ᱯᱤᱠᱱᱤᱠ ᱞᱟᱹᱜᱤᱫ ᱠᱚ ᱦᱤᱡᱩᱜᱼᱟ ᱾ ᱱᱚᱣᱟ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱟᱹᱴᱤᱧ ᱨᱮ ᱠᱷᱳᱨᱤ ᱢᱚᱦᱩᱣᱟ ᱨᱮ ᱢᱚᱬᱮ ᱜᱚᱴᱟᱝ ᱵᱚᱱᱚᱛ ᱢᱮᱱᱟᱜᱼᱟ, ᱡᱮᱞᱮᱠᱟ ᱨᱟᱡᱽᱫᱷᱟᱱᱣᱟᱨ, ᱡᱚᱢᱩᱣᱟ, ᱜᱚᱶᱟ, ᱛᱤᱥᱨᱤ ᱟᱨ ᱫᱮᱣᱨᱤ ᱾

ᱱᱟᱜᱽᱨᱤᱠ ᱪᱟᱪᱞᱟᱣ

ᱯᱩᱞᱤᱥ ᱥᱴᱮᱥᱚᱱ

ᱫᱷᱟᱱᱣᱟᱨ ᱯᱩᱞᱤᱥ ᱥᱴᱮᱥᱚᱱ ᱨᱮᱱᱟᱜ ᱟᱹᱭᱫᱟᱹᱨᱤ ᱴᱚᱴᱷᱟ ᱫᱚ ᱫᱷᱟᱱᱣᱟᱨ ᱥᱤᱰᱤ ᱵᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱵᱨᱤᱴᱤᱥ ᱨᱤᱠᱳᱨᱰ ᱞᱮᱠᱟᱛᱮ ᱑᱘᱗᱐ ᱥᱟᱞᱮ ᱨᱮ ᱜᱤᱨᱤᱰᱤᱦ ᱥᱟᱵᱽᱰᱤᱵᱤᱡᱚᱱ ᱵᱮᱱᱟᱣ ᱛᱟᱭᱚᱢ ᱱᱚᱣᱟ ᱯᱩᱞᱤᱥ ᱥᱴᱮᱥᱚᱱ ᱵᱮᱱᱟᱣ ᱞᱮᱱᱟ ᱾^[᱒]

ᱥᱤᱰᱤ ᱵᱚᱱᱚᱛ ᱦᱮᱰᱠᱩᱣᱟᱴᱚᱨ

ᱫᱷᱟᱱᱣᱟᱨ ᱥᱤᱰᱤ ᱵᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱫᱷᱟᱱᱣᱟᱨ ᱨᱮ ᱢᱮᱱᱟᱜᱼᱟ ᱾^[᱓]^[᱔]

ᱦᱚᱲ ᱮᱞ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱫᱷᱟᱱᱣᱟᱨ ᱨᱮ ᱜᱩᱴ ᱦᱚᱲ ᱮᱞ ᱫᱚ ᱘,᱗᱗᱗ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱸᱰᱮ ᱠᱷᱚᱱ ᱔,᱕᱓᱑ (᱕᱒%) ᱠᱚᱲᱟ ᱟᱨ ᱔,᱒᱔᱖ (᱔᱘%) ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱐ ᱠᱷᱚᱱ ᱖ ᱥᱮᱨᱢᱟ ᱩᱢᱮᱨ ᱨᱮ ᱦᱚᱲ ᱮᱞ ᱫᱚ ᱑,᱒᱕᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱫᱷᱟᱱᱣᱟᱨ ᱨᱮ ᱥᱤᱠᱷᱱᱟᱹᱛ ᱦᱚᱲ ᱠᱚᱣᱟᱜ ᱜᱩᱴ ᱮᱞ ᱫᱚ ᱖,᱑᱕᱓ (᱖ ᱥᱮᱨᱢᱟ ᱨᱮ ᱦᱚᱲ ᱮᱞ ᱨᱮᱱᱟᱜ ᱘᱑.᱗᱘%) ᱛᱟᱦᱮᱸ ᱠᱟᱱᱟ ᱾^[᱕]

᱒᱐᱐᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱫᱷᱟᱱᱣᱟᱨ ᱨᱤᱱ ᱦᱚᱲ ᱮᱞ ᱫᱚ ᱗,᱙᱓᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱦᱚᱲ ᱮᱞ ᱨᱮ ᱕᱑% ᱠᱚᱲᱟ ᱟᱨ ᱔᱙% ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱫᱷᱟᱱᱣᱟᱨ ᱨᱮ ᱥᱤᱠᱷᱱᱟᱹᱛ ᱫᱚ ᱖᱔% ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱟᱹᱛᱤᱭᱟᱹᱨᱤ ᱕᱙.᱕% ᱠᱷᱚᱱ ᱰᱷᱮᱨ ᱢᱮᱱᱟᱜᱼᱟ ᱾ ᱠᱚᱲᱟ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚ ᱗᱓% ᱟᱨ ᱛᱤᱨᱞᱟᱹ ᱠᱚᱣᱟᱜ ᱫᱚ ᱕᱕% ᱢᱮᱱᱟᱜᱼᱟ ᱾ ᱫᱷᱟᱱᱣᱟᱨ ᱨᱮ, ᱑᱖% ᱦᱚᱲ ᱮᱞ ᱫᱚ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱢᱮᱱᱟᱜ ᱠᱚᱣᱟ ᱾^[᱖]

ᱠᱟᱹᱣᱰᱤ ᱟᱹᱨᱤ

ᱨᱟᱡᱽᱦᱟᱸᱵᱚᱨ ᱫᱚ ᱢᱤᱫ ᱢᱩᱬᱩᱛ ᱵᱮᱯᱟᱨ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱫᱚ ᱫᱤᱱᱟᱹᱢ ᱦᱤᱞᱚᱜ ᱞᱟᱠᱷ ᱜᱟᱱ ᱠᱟᱹᱢᱤᱦᱚᱨᱟ ᱛᱮᱭᱟᱨᱚᱜ ᱠᱟᱱ ᱢᱤᱫ ᱢᱟᱨᱟᱝ ᱵᱟᱡᱟᱨ ᱵᱮᱱᱟᱣ ᱮᱱᱟ ᱾

ᱵᱮᱸᱠ ᱠᱚ

ᱥᱤᱧᱚᱛᱤᱭᱟᱹ ᱥᱴᱮᱴ ᱵᱮᱸᱠ (ᱮᱥ.ᱵᱤ.ᱟᱭᱤ.)
ᱵᱮᱸᱠ ᱚᱯᱷ ᱤᱱᱰᱤᱭᱟ
ᱵᱟᱱᱫᱷᱟᱱ ᱵᱮᱸᱠ (ᱵᱮᱸᱠᱤᱝ ᱭᱩᱱᱤᱴ)
ᱡᱷᱟᱨᱠᱷᱚᱸᱰ ᱜᱨᱟᱢᱤᱬ ᱵᱮᱸᱠ
ᱡᱷᱟᱨᱠᱷᱚᱸᱰ ᱥᱴᱮᱴ ᱠᱚᱯᱚᱨᱮᱴᱤᱵᱽ ᱵᱮᱸᱠ

ᱚᱴᱚᱢᱮᱴᱤᱠ ᱴᱮᱞᱟᱨ ᱢᱤᱥᱤᱱ - ᱵᱮᱸᱠ ᱚᱯᱷ ᱤᱱᱰᱤᱭᱟ, ᱮᱥ.ᱵᱤ.ᱟᱭᱤ., ᱮᱠᱥᱤᱥ ᱵᱮᱸᱠ - ᱤᱱᱰᱤᱭᱟ ᱑ ᱮᱴᱤᱮᱢ ᱵᱷᱮᱜᱟᱨ ᱵᱷᱮᱜᱟᱨ ᱠᱟᱹᱢᱤᱦᱚᱨᱟ (CSP) (ᱢᱤᱱᱤ ᱵᱮᱸᱠ)

ᱥᱟᱜᱟᱲᱚᱢ

ᱫᱷᱟᱱᱣᱟᱨ ᱦᱟᱡᱟᱨᱤᱵᱟᱜᱽ-ᱫᱮᱵᱽᱜᱟᱲ (ᱵᱟᱜᱳᱫᱚᱨ-ᱠᱷᱳᱨᱤ ᱢᱚᱦᱩᱣᱟ) ᱯᱚᱱᱚᱛ ᱨᱟᱡᱽᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱡᱤᱴᱤ ᱨᱳᱰ (NH 19) ᱠᱷᱚᱱ ᱔᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱜᱨᱮᱱᱰ ᱠᱚᱨᱰ ᱨᱮᱞᱣᱮ ᱞᱟᱭᱤᱱ (ᱦᱟᱡᱟᱨᱤᱵᱟᱜᱽ ᱨᱳᱰ) ᱠᱷᱚᱱ ᱒᱙ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱠᱚᱰᱟᱨᱢᱟ (ᱡᱷᱩᱢᱨᱤ ᱛᱤᱞᱮᱭᱟ) ᱨᱟᱡᱽᱫᱷᱟᱱᱣᱟᱨ ᱠᱷᱚᱱ ᱕᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱨᱮᱞᱣᱮ

ᱨᱟᱡᱽᱫᱷᱟᱱᱣᱟᱨ ᱥᱚᱦᱚᱨ ᱨᱮᱱᱟᱜ ᱛᱟᱞᱢᱟ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱫᱷᱟᱱᱣᱟᱨ ᱧᱩᱛᱩᱢᱟᱱ ᱢᱤᱫ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱢᱚᱫᱷᱩᱯᱩᱨ-ᱜᱤᱨᱤᱰᱤᱦ-ᱠᱚᱰᱟᱨᱢᱟ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾^[᱗]

ᱥᱮᱪᱮᱫ

ᱯᱨᱟᱭᱢᱟᱨᱤ ᱟᱨ ᱥᱮᱠᱮᱱᱰᱟᱨᱤ ᱥᱮᱪᱮᱫ ᱞᱟᱹᱜᱤᱫ ᱟᱭᱢᱟ ᱱᱟᱯᱟᱭ ᱟᱥᱲᱟ ᱢᱮᱱᱟᱜᱼᱟ ᱾ ᱮᱥ.ᱮᱥ. ᱦᱟᱭ ᱤᱥᱠᱩᱞ ᱫᱚ ᱫᱷᱟᱱᱣᱟᱨ ᱜᱤᱨᱤᱰᱤᱦ ᱦᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱥᱲᱟ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱟᱥᱲᱟ ᱨᱤᱱ ᱯᱟᱹᱴᱷᱩᱣᱟᱹ ᱠᱚ ᱵᱤᱦᱟᱨ ᱴᱚᱯᱚᱨ (ᱢᱟᱲᱟᱝ ᱨᱮ ᱵᱤᱦᱟᱨ) ᱠᱚ ᱧᱟᱢ ᱞᱮᱫᱟ ᱾ ᱩᱥᱩᱞ ᱥᱮᱪᱮᱫ ᱨᱮ ᱴᱚᱴᱷᱟ ᱨᱮᱱ ᱦᱚᱲ ᱠᱚᱣᱟᱜ ᱠᱩᱨᱩᱢᱩᱴᱩ ᱛᱮ ᱑᱙᱗᱓ ᱥᱟᱞᱮ ᱨᱮ ᱨᱟᱡᱽᱫᱷᱟᱱᱣᱟᱨ ᱨᱮ ᱢᱟᱨᱮ ᱵᱤᱫᱷᱟᱭᱚᱠ ᱟᱨ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱞᱤᱯᱴᱮᱱᱮᱱᱴ ᱯᱩᱱᱤᱛ ᱨᱚᱭ ᱟᱜ ᱜᱚᱲᱚ ᱛᱮ ᱟᱫᱷᱚᱨᱥ ᱠᱚᱞᱮᱡᱽ ᱫᱚ ᱵᱮᱱᱟᱣ ᱞᱮᱱᱟ । ᱱᱚᱶᱟ ᱫᱚ ᱟᱨᱥᱴ, ᱥᱟᱬᱮᱥ ᱟᱨ ᱠᱚᱢᱚᱨᱥ ᱨᱮ ᱵᱮᱪᱞᱚᱨ ᱠᱚᱨᱥ ᱮᱢᱚᱜᱼᱟ ᱾^[᱘] ᱫᱷᱟᱱᱣᱟᱨ ᱨᱮᱱᱟᱜ ᱯᱚᱧᱪᱨᱩᱠᱷᱤ ᱨᱮ ᱢᱤᱫ ᱢᱟᱪᱮᱛ ᱴᱨᱮᱱᱤᱝ ᱠᱚᱞᱮᱡᱽ ᱦᱚᱸ ᱢᱮᱱᱟᱜᱼᱟ ᱾

ᱠᱟᱞᱪᱟᱨ

ᱢᱚᱱᱫᱤᱨ

ᱡᱷᱟᱨᱠᱷᱚᱸᱰ ᱫᱷᱟᱢ - ᱱᱚᱣᱟ ᱜᱤᱨᱤᱰᱤᱦ ᱠᱷᱚᱱ ᱕᱕ ᱠᱤᱞᱚᱢᱤᱴᱚᱨ ᱟᱨ ᱨᱟᱡᱽᱫᱷᱟᱱᱣᱟᱨ ᱠᱷᱚᱱ ᱑᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ "ᱡᱷᱟᱨᱠᱷᱚᱸᱰ ᱫᱷᱟᱢ" ᱡᱟᱦᱟᱸ ᱫᱚ ᱫᱮᱣᱜᱷᱚᱨ ᱨᱮ ᱵᱚᱭᱫᱷᱚᱱᱟᱛᱷ ᱫᱷᱟᱢ ᱛᱟᱭᱚᱢ ᱥᱤᱵᱽ ᱟᱜ ᱫᱚᱥᱟᱨ ᱟᱹᱰᱤ ᱵᱟᱹᱲᱛᱤ ᱫᱷᱚᱨᱚᱢ ᱢᱚᱱᱫᱤᱨ ᱠᱷᱚᱱ ᱢᱤᱫᱴᱟᱹᱝ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾

ᱨᱟᱡᱟ ᱴᱚᱞᱟ ᱥᱩᱨ ᱨᱮ ᱨᱟᱡᱟ ᱢᱚᱱᱫᱤᱨ ᱾

ᱜᱟᱭᱚᱛᱨᱤ ᱢᱚᱱᱫᱤᱨ, ᱜᱚᱱᱮᱥ ᱢᱚᱱᱫᱚᱯ ᱟᱨ ᱟᱭᱢᱟ ᱮᱴᱟᱜ ᱫᱷᱚᱱᱣᱟᱨ ᱵᱟᱡᱟᱨ ᱨᱮ ᱢᱮᱱᱟᱜᱼᱟ ᱾

ᱦᱚᱱᱩᱢᱟᱱ ᱢᱚᱱᱫᱤᱨ ᱫᱚ ᱫᱷᱚᱱᱣᱟᱨ ᱥᱴᱮᱥᱚᱱ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱢᱟᱨᱟᱝ ᱪᱷᱚᱠ (ᱥᱤᱱᱮᱢᱟ ᱨᱳᱰ) ᱨᱮ ᱢᱮᱱᱟᱜᱼᱟ ᱾

ᱥᱟᱱᱤ ᱫᱮᱵᱽ ᱱᱚᱣ ᱜᱨᱚᱦ ᱢᱚᱱᱫᱤᱨ - ᱱᱚᱣᱟ ᱫᱚ ᱱᱤᱛᱚᱜ ᱜᱮ ᱦᱚᱱᱚᱛ ᱨᱮ ᱥᱟᱱᱤ ᱫᱮᱵᱽ ᱟᱜ ᱢᱤᱫᱴᱟᱹᱝ ᱢᱚᱱᱫᱤᱨ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱨᱟᱡᱽ ᱜᱷᱟᱴ ᱥᱩᱨ ᱨᱮ ᱢᱮᱱᱟᱜᱼᱟ ᱾

ᱱᱟᱣᱟᱰᱤᱦ ᱢᱚᱱᱰᱚᱯ - ᱱᱚᱣᱟ ᱫᱚ ᱨᱩᱯᱩᱴᱚᱞᱟ ᱱᱟᱣᱟᱰᱤᱦ ᱨᱮ ᱢᱮᱱᱟᱜᱼᱟ ᱾

ᱪᱷᱚᱴ ᱯᱩᱡᱟ

ᱱᱚᱣᱟ ᱥᱚᱦᱚᱨ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱦᱤᱱᱫᱩ ᱯᱚᱨᱚᱵᱽ ᱪᱷᱚᱴ ᱯᱩᱡᱟ ᱞᱟᱹᱜᱤᱫ ᱟᱹᱰᱤ ᱯᱷᱮᱢᱚᱥ ᱟᱠᱟᱱᱟ ᱾ ᱡᱟᱣ ᱥᱮᱨᱢᱟ ᱜᱮ ᱯᱟᱨᱚᱢᱮᱱ ᱫᱤᱱ ᱨᱮ ᱯᱩᱱ ᱞᱟᱠᱷ ᱜᱟᱱ ᱦᱚᱲ ᱫᱷᱟᱱᱣᱟᱨ ᱪᱷᱚᱴ ᱜᱷᱟᱴ ᱧᱮᱞ ᱞᱟᱹᱜᱤᱫ ᱠᱚ ᱦᱤᱡᱩᱜᱼᱟ, ᱡᱟᱦᱟᱸ ᱫᱚ ᱨᱟᱡᱽ ᱜᱷᱟᱴ ᱠᱚ ᱢᱮᱛᱟᱜᱼᱟ ᱾ ᱨᱟᱡᱽ ᱜᱷᱟᱴ ᱨᱮᱱᱟᱜ ᱥᱤᱞᱯᱤ ᱫᱚ ᱟᱹᱰᱤ ᱢᱟᱨᱟᱝ ᱜᱮᱭᱟ, ᱡᱟᱦᱟᱸ ᱫᱚ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱢᱚᱱᱮᱭ ᱵᱩᱡᱷᱟᱹᱣᱟ ᱾

ᱦᱚᱲᱢᱚ ᱥᱟᱶᱟᱨ

ᱨᱮᱯᱷᱚᱨᱟᱞ ᱟᱥᱯᱟᱛᱟᱞ ᱫᱚ ᱵᱚᱱᱚᱛ ᱠᱮᱢᱯᱟᱥ, ᱜᱟᱱᱫᱷᱤ ᱪᱷᱚᱠ ᱨᱮ ᱢᱮᱱᱟᱜ ᱢᱤᱫ ᱥᱚᱨᱠᱟᱨᱤ ᱟᱥᱯᱟᱛᱟᱞ ᱠᱟᱱᱟ ᱾ ᱱᱚᱸᱰᱮ ᱜᱮ ᱱᱚᱨᱢᱟᱞ ᱚᱯᱨᱮᱥᱚᱱ ᱠᱚ ᱦᱩᱭᱩᱜᱼᱟ ᱾ ᱛᱤᱱᱟᱹᱜ ᱜᱟᱱ ᱯᱨᱟᱭᱵᱷᱮᱴ ᱱᱚᱨᱥᱤᱝ ᱦᱳᱢ ᱦᱚᱸ ᱱᱚᱸᱰᱮ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

↑ Falling Rain Genomics, Inc - Dhanwar
↑ "District Census Handbook Giridih, 2011, Series 21, Part XII A" (PDF). Pages 5-7. 14 November 2019. Archived from the original (PDF) on 14 November 2019.
↑ "2011 District Census Handbook Giridih, Series 21, Part XII B" (PDF). Map on Page 3. Directorate of Census Operations, Jharkhand. Retrieved 28 November 2017.
↑ "Giridih". District Administration, Giridih. Archived from the original on 27 May 2011. Retrieved 28 November 2017.
↑ "District Census Handbook, Giridih, Series 21, Part XII B" (PDF). Page 292: District Primary Census Abstract, 2011 census. Directorate of Census Operations Jharkhand. Retrieved 8 December 2020.
↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
↑ "Koderma-Maheshmunda Passenger". Time Table. IndiaRailInfo. Retrieved 10 December 2019.
↑ "Adarsh College, Raj Dhanwar". AC. Archived from the original on 2 December 2017. Retrieved 2 December 2017.

[1] Falling Rain Genomics, Inc - Dhanwar

[2] "District Census Handbook Giridih, 2011, Series 21, Part XII A" (PDF). Pages 5-7. 14 November 2019. Archived from the original (PDF) on 14 November 2019.

[dchb1-3] "2011 District Census Handbook Giridih, Series 21, Part XII B" (PDF). Map on Page 3. Directorate of Census Operations, Jharkhand. Retrieved 28 November 2017.

[admin-4] "Giridih". District Administration, Giridih. Archived from the original on 27 May 2011. Retrieved 28 November 2017.

[census2011-5] "District Census Handbook, Giridih, Series 21, Part XII B" (PDF). Page 292: District Primary Census Abstract, 2011 census. Directorate of Census Operations Jharkhand. Retrieved 8 December 2020.

[6] "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

[7] "Koderma-Maheshmunda Passenger". Time Table. IndiaRailInfo. Retrieved 10 December 2019.

[8] "Adarsh College, Raj Dhanwar". AC. Archived from the original on 2 December 2017. Retrieved 2 December 2017.

[᱑]

[᱒]

[᱓]

[᱔]

[᱕]

[᱖]

[᱗]

[᱘]