ᱵᱟᱞᱮᱥᱚᱨ ᱡᱤᱞᱞᱟᱹ

ᱵᱟᱞᱮᱥᱚᱨ
ᱦᱚᱱᱚᱛ
ᱪᱟᱸᱫᱤᱯᱩᱨ ᱫᱚᱨᱭᱟᱠᱟᱛᱟ
ᱮᱴᱟᱜ ᱧᱩᱛᱩᱢ: Granary of Odisha
Location in Odisha, India
Coordinates: 21.5°N 86.9°E / 21.5; 86.9
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱳᱰᱤᱥᱟ
ᱦᱮᱰᱠᱣᱟᱴᱚᱨ	ᱵᱟᱞᱮᱥᱚᱨ
ᱥᱚᱨᱠᱟᱨ
• ᱠᱚᱞᱮᱠᱴᱚᱨ ᱟᱨ ᱰᱤᱥᱴᱨᱤᱠᱴ ᱢᱟᱡᱤᱥᱴᱨᱮᱴ	ᱢᱟᱱᱚᱛᱟᱱ ᱨᱚᱢᱮᱥ ᱪᱚᱸᱫᱽᱨᱚ ᱨᱟᱣᱩᱛ, OAS (SAG)
• ᱯᱩᱞᱤᱥ ᱥᱩᱯᱚᱨᱤᱱᱴᱮᱱᱰᱮᱸᱴ	ᱢᱟᱱᱚᱛᱟᱱ ᱵᱟᱱᱳᱛᱷ ᱡᱩᱜᱟᱞ ᱠᱤᱥᱚᱨ ᱠᱩᱢᱟᱨ, IPS
ᱮᱨᱤᱭᱟ
• ᱞᱮᱠᱷᱟᱜᱩᱴ	3634 ᱠᱤᱢᱤ২ (1403 ᱜᱟᱺᱴ ᱢᱟᱭᱤᱞ)
ᱩᱥᱩᱞ	90.08 ᱢᱤᱴᱚᱨ (295.54 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011)
• ᱞᱮᱠᱷᱟᱜᱩᱴ	᱒,᱓᱑᱗,᱔᱑᱙
• ᱫᱷᱟᱹᱲ ᱮᱞ	4
• ᱰᱮᱱᱥᱤᱴᱤ	609/ᱠᱤᱢᱤ2 (1580/ᱜᱟᱺᱴ ᱢᱟᱹᱭᱤᱞ)
ᱯᱟ.ᱨᱥᱤ
• ᱟ.ᱢᱟ.ᱞᱮᱛ	ᱳᱰᱤᱭᱟ., ᱤᱝᱞᱤᱥ, ᱦᱤᱱᱫᱤ
IST (ᱭᱩᱴᱤᱥᱤ+5:30)
ᱯᱤᱱ ᱠᱳᱰ	756 xxx
Telephone code	06782
ᱜᱟᱹᱰᱤ ᱨᱤᱡᱤᱥᱴᱨᱤ	OD-01
Coastline	81 kilometres (50 mi)
ᱡᱟᱱᱟᱝ ᱡᱟ.ᱱᱤ	957 ♂/♀
ᱥᱮᱪᱮᱫ	80.66%
ᱦᱚᱭᱞᱚᱝ	Aw (Köppen)
Precipitation	1,583 millimetres (62.3 in)
ᱥᱤᱛᱩᱝ ᱫᱤᱱᱟᱝ ᱮᱵᱷᱚᱨᱮᱡᱽ ᱞᱚᱞᱚᱥᱚᱝ	43.1 °C (109.6 °F)
ᱨᱟᱵᱟᱝ ᱫᱤᱱᱟᱜ ᱮᱵᱷᱚᱨᱮᱡᱽ ᱞᱚᱞᱚᱥᱚᱝ	10.6 °C (51.1 °F)
ᱣᱮᱵᱽᱥᱟᱭᱤᱴ	baleswar.nic.in

ᱥᱟᱫᱷᱟᱨᱚᱱ ᱵᱟᱰᱟᱭᱡᱚᱝ
Name of Parliamentary Constituency:	ᱵᱟᱞᱮᱥᱚᱨ
No. & Name of Assembly Constituency:	᱐᱓᱕-ᱡᱚᱞᱮᱥᱚᱨ ᱐᱓᱖-ᱵᱷᱚᱜᱽᱨᱟᱭᱤ ᱐᱓᱗-ᱵᱚᱥᱛᱟ ᱐᱓᱘-ᱵᱟᱞᱮᱥᱚᱨ ᱐᱓᱙-ᱨᱮᱢᱩᱬᱟ(SC) ᱐᱔᱐-ᱱᱤᱞᱜᱤᱨᱤ ᱐᱔᱑-ᱥᱚᱨᱚ(SC) ᱐᱔᱒- ᱥᱤᱢᱩᱲᱤᱭᱟ
ᱥᱚᱵᱽᱼᱰᱤᱵᱷᱤᱡᱚᱱ:	᱒ ( ᱵᱟᱞᱮᱥᱚᱨ, ᱱᱤᱞᱜᱤᱨᱤ)
ᱵᱞᱚᱠ:	᱑᱒
ᱛᱩᱥᱤᱞ:	᱑᱒
ᱢᱩᱱᱥᱤᱯᱟᱞᱤᱴᱭ:	᱓
N.A.C.:	᱑
ᱟᱹᱛᱩ ᱯᱚᱧᱪᱟᱛ:	᱒᱘᱙
ᱟᱹᱛᱩ:	᱒᱙᱗᱑

ᱵᱟᱞᱮᱥᱚᱨ ᱦᱚᱱᱚᱛ ᱳᱰᱤᱥᱟ ᱨᱮᱭᱟᱜ ᱩᱛᱚᱨ ᱱᱟᱠᱷᱟ ᱨᱮ ᱢᱮᱱᱟᱜ ᱢᱤᱫ ᱯᱨᱚᱥᱟᱥᱚᱱᱤᱠ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱫᱚ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱑᱙᱔ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱵᱟᱞᱮᱥᱚᱨ ᱵᱟᱡᱟᱨ ᱫᱚ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱯᱨᱚᱥᱟᱥᱚᱱᱤᱠ ᱢᱩᱠᱷᱤᱭᱟ. ᱴᱷᱟᱶ ᱠᱟᱱᱟ ᱾

ᱦᱚᱲ ᱞᱮᱠᱷᱟ

ᱵᱟᱞᱮᱥᱚᱨ ᱥᱴᱮᱥᱚᱱ ᱪᱷᱚᱠ

᱒᱐᱑᱑ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱵᱟᱞᱮᱥᱚᱨ ᱦᱚᱱᱚᱛ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱒,᱓᱑᱗,᱔᱑᱙ ᱾ ᱱᱩᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱟ.ᱛᱩ ᱴᱚᱞᱟᱨᱮ ᱒᱐,᱖᱔,᱓᱕᱗ ᱟᱨ ᱵᱟᱡᱟᱨ ᱨᱮ ᱒,᱕᱓,᱐᱖᱒ ᱦᱚᱲ ᱵᱟᱥᱟ ᱵᱚᱥᱠᱚᱫ ᱠᱚ ᱛᱟᱦᱮᱸᱱ ᱠᱟᱱᱟ ᱾

• ᱠᱚᱲᱟ ᱦᱚᱯᱚᱱ ᱺ ᱑᱑,᱘᱔,᱓᱗᱑

• ᱠᱩᱲᱤ ᱦᱚᱯᱚᱱ ᱺ ᱑᱑,᱓᱓,᱐᱔᱘
  • ᱛᱩᱨᱩᱭ ᱵᱚᱪᱷᱚᱨ ᱠᱷᱚᱱ ᱠᱟ.ᱡ ᱩᱢᱮᱨ ᱜᱤᱫᱽᱨᱟ. ᱺ ᱒,᱗᱔,᱔᱓᱒

• ᱥᱮᱪᱮᱫ ᱫᱚᱨ ᱺ ᱘᱐.᱖᱖%
  • ᱠᱚᱲᱟ ᱦᱚᱯᱚᱱ ᱺ ᱘᱘.᱐᱖%
  • ᱠᱩᱲᱤ ᱦᱚᱯᱚᱱ ᱺ ᱗᱒.᱙᱕%

ᱦᱩᱫᱟ.

ᱵᱟᱞᱮᱥᱚᱨ ᱫᱚ ᱢᱤᱫ ᱯᱨᱚᱥᱟᱥᱚᱱᱤᱠ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱫᱚ ᱵᱟᱨᱮᱭᱟ ᱥᱚᱫᱚᱨ ᱢᱚᱦᱚᱠᱩᱢᱟ ᱢᱮᱱᱟᱜᱼᱟ , ᱵᱟᱞᱮᱥᱚᱨ ᱟᱨ ᱱᱤᱞᱜᱤᱨᱤ ᱟᱨ ᱑᱒ ᱜᱚᱴᱟᱝ ᱵᱞᱚᱠ ᱢᱮᱱᱟᱜᱼᱟ ᱡᱟᱦᱟᱸ ᱠᱚᱫᱚ ᱟᱹᱛᱩ ᱴᱚᱞᱟ ᱩᱛᱱᱟᱹᱣ ᱞᱟᱹᱜᱤᱫ ᱮ ᱠᱟᱹᱢᱤᱭᱟ , ᱠᱷᱟᱡᱽᱱᱟ ᱟᱨ ᱯᱨᱚᱥᱟᱥᱚᱱᱤᱠ ᱟᱜ ᱠᱟᱨᱵᱟᱨ ᱞᱟᱹᱜᱤᱫ ᱗ ᱜᱚᱴᱟᱝ ᱛᱩᱥᱤᱞ ᱟᱨ ᱒᱘᱙ ᱜᱚᱴᱟᱝ ᱟᱹᱛᱩ ᱯᱚᱧᱪᱟᱛ ᱢᱮᱱᱟᱜᱼᱟ ᱾ ᱚᱱᱟ ᱵᱟᱹᱜᱤ ᱠᱟᱛᱮ ᱔ ᱜᱚᱴᱟᱝ ᱵᱟᱡᱟᱨ (ᱢᱤᱫᱴᱟᱹᱝ ᱢᱩᱱᱥᱤᱯᱟᱹᱞᱴᱤ ᱟᱨ ᱯᱮᱭᱟ ᱫᱚ ᱮᱱᱹᱮᱹᱥᱤᱹ) ᱢᱮᱱᱟᱜᱼᱟ ᱾ ᱟᱨ ᱦᱚᱸ ᱒,᱙᱗᱑ ᱜᱚᱴᱟᱝ ᱟᱹᱛᱩ ᱢᱮᱱᱟᱜᱼᱟ ᱚᱱᱟ ᱠᱚ ᱵᱷᱤᱛᱨᱤ ᱠᱷᱚᱱ ᱒,᱖᱐᱒ ᱜᱚᱴᱟᱝ ᱟᱹᱛᱩ ᱨᱮ ᱦᱚᱲ ᱵᱟᱥᱟ ᱵᱚᱥᱠᱟᱫ ᱠᱟᱛᱮ ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱦᱚᱱᱚᱛ ᱨᱮᱫᱚ ᱢᱤᱫᱴᱟᱹᱝ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱟᱨ ᱗ ᱜᱚᱴᱟᱝ ᱵᱤᱫᱷᱟᱹᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱢᱮᱱᱟᱜᱼᱟ ᱾

ᱯᱚᱧᱪᱟᱛ ᱥᱚᱢᱤᱛᱤ ᱟᱨ ᱛᱩᱥᱤᱞ

• ᱯᱚᱧᱪᱟᱛ ᱥᱚᱢᱤᱛᱤ ᱠᱚᱣᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱺ

᱑ᱹ ᱵᱟᱞᱮᱥᱚᱨ ᱪᱟᱸᱜᱟ ᱼ ᱵᱟᱦᱟᱱᱚᱜᱟ, ᱵᱟᱞᱮᱥᱚᱨ, ᱵᱟᱞᱤᱭᱟᱹᱯᱟᱲ, ᱵᱚᱥᱛᱟ, ᱵᱷᱳᱜᱽᱨᱟᱭᱤ, ᱡᱚᱞᱮᱥᱚᱨ, ᱠᱷᱚᱭᱨᱟ, ᱨᱮᱢᱩᱬᱟ, ᱥᱤᱢᱩᱲᱤᱭᱟ, ᱥᱳᱨᱚ

᱒ᱹ ᱱᱤᱲᱜᱤᱨᱤ ᱥᱚᱫᱚᱨ ᱢᱚᱦᱠᱩᱢᱟ ᱺ ᱱᱚᱲᱜᱤᱨᱤ, ᱚᱣᱯᱚᱫᱟ

• ᱛᱩᱥᱤᱞ ᱠᱚ ᱺ ᱵᱟᱞᱮᱥᱚᱨ, ᱵᱟᱹᱞᱤᱭᱟᱹᱯᱟᱲ, ᱵᱚᱥᱛᱟ, ᱡᱚᱞᱮᱥᱚᱨ, ᱱᱤᱲᱜᱤᱨᱤ, ᱥᱤᱢᱩᱲᱤᱭᱟ, ᱥᱳᱨᱚ

ᱚᱛᱱᱚᱜ

ᱳᱰᱤᱥᱟ ᱨᱮᱭᱟᱜ ᱞᱟᱦᱟᱨᱮ ᱵᱟᱞᱮᱥᱚᱨ ᱢᱮᱱᱟᱜᱼᱟ ᱾ ᱥᱤᱧᱚᱛ ᱨᱮᱭᱟᱜ ᱫᱩᱠᱷᱤᱱ ᱯᱩᱨᱩᱵᱽ ᱱᱟᱠᱷᱟᱨᱮ ᱵᱚᱝᱜᱚᱯ ᱥᱟᱜᱚᱨ ᱫᱷᱟᱨᱮ ᱨᱮ ᱱᱚᱣᱟ ᱫᱚ ᱢᱮᱱᱟᱜᱼᱟ ᱾ ᱵᱟᱞᱮᱥᱚᱨ ᱫᱚ ᱓,᱐᱗᱖᱒ ᱠᱤᱞᱚᱢᱤᱴᱚᱨ ᱨᱮᱭᱟᱜ ᱡᱟᱭᱜᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱫᱩᱠᱷᱤᱱᱼᱯᱩᱨᱩᱵᱽ ᱵᱤᱨ ᱯᱟᱦᱴᱟ ᱨᱮ ᱯᱮᱭᱟ ᱴᱚᱴᱷᱟ ᱵᱟᱞᱮᱥᱚᱨ ᱵᱷᱤᱛᱨᱤ ᱨᱮ ᱢᱮᱱᱟᱜᱼᱟ ᱾ᱱᱚᱣᱟ ᱫᱚ ᱵᱟᱹᱨᱯᱟᱫᱟ ᱠᱷᱚᱱ ᱒᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱵᱟᱞᱮᱥᱚᱨ ᱫᱚ ᱳᱰᱤᱥᱟ ᱨᱮᱭᱟᱜ ᱫᱟᱠᱟ ᱴᱩᱠᱩᱡ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱦᱟᱜᱼᱟ ᱾

ᱵᱟᱞᱮᱥᱚᱨ ᱨᱮᱫᱚ ᱟᱹᱰᱤᱜᱟᱱ ᱵᱤᱨ ᱟᱨ ᱠᱷᱟᱫᱟᱱ ᱠᱚᱦᱚᱸ ᱢᱮᱱᱟᱜᱼᱟ ᱾ ᱱᱚᱰᱮ ᱫᱚ ᱵᱩᱰᱷᱟᱹ ᱵᱚᱲᱚᱝ ᱟᱨ ᱥᱩᱵᱚᱨᱱᱚᱨᱮᱠᱷᱟ ᱜᱟᱰᱟ ᱞᱤᱸᱜᱤᱱ ᱠᱟᱱᱟ ᱾ ᱟᱨ ᱓,᱘᱒᱔ ᱯᱷᱩᱴ ᱩᱥᱩᱞ ᱨᱮᱭᱟᱜ ᱢᱟᱦᱟᱜᱤᱨᱤ ᱵᱩᱨᱩ ᱢᱮᱱᱟᱜᱼᱟ ᱾ ᱵᱟᱞᱮᱥᱚᱨ ᱨᱮᱫᱚ ᱫᱚᱨᱮᱭᱟᱭ ᱡᱚᱴᱮᱫ ᱟᱠᱟᱫ ᱟᱹᱰᱤᱜᱟᱱ ᱱᱟᱹᱭ ᱟᱨ ᱪᱟᱸᱜᱟᱱᱟᱹᱭ ᱦᱚᱸ ᱢᱮᱱᱟᱜᱼᱟ ᱾ ᱵᱟᱞᱮᱥᱚᱨ ᱨᱮᱫᱚ ᱫᱟᱜ ᱯᱟᱴᱟᱱ ᱨᱮᱭᱟᱜ ᱠᱟᱹᱢᱤ ᱟᱹᱰᱤ ᱱᱟᱯᱟᱭ ᱥᱟᱺᱦᱤᱡ ᱯᱟᱥᱱᱟᱣ ᱟᱠᱟᱱᱟ ᱾

ᱱᱟᱜᱟᱢ

ᱵᱚᱣᱫᱷᱚ ᱡᱩᱜᱽ

ᱵᱚᱣᱫᱷᱚ ᱡᱩᱜᱽᱨᱮ ᱵᱟᱞᱮᱥᱚᱨ ᱫᱚ "ᱠᱚᱥᱟᱢᱵᱚ" ᱢᱮᱛᱟᱦᱟᱜ ᱠᱟᱱ ᱛᱟᱦᱮᱸᱫ ᱾ ᱛᱚᱯᱥᱩ ᱟᱨ ᱵᱚᱦᱞᱤᱠ ᱧᱩᱛᱩᱢᱟᱱ ᱵᱟᱨᱭᱟ ᱵᱚᱭᱦᱟ ᱕᱐᱐ ᱜᱚᱴᱟᱝ ᱥᱟᱜᱟᱲ ᱛᱮ ᱵᱟᱱᱤᱡ ᱞᱟᱹᱜᱤᱫ ᱛᱮ ᱠᱤᱱ ᱥᱮᱱᱚᱜ ᱠᱟᱱ ᱚᱠᱛᱚ ᱨᱮ ᱩᱨᱩᱵᱮᱲᱟ ᱥᱩᱨ ᱨᱮ ᱵᱷᱚᱜᱚᱵᱟᱱ ᱵᱩᱫᱷᱚ ᱥᱟᱶ ᱟᱹᱠᱤᱱᱟᱜ ᱧᱟᱯᱟᱱ ᱦᱩᱭ ᱮᱱᱟ ᱾ ᱵᱩᱫᱷᱚᱫᱮᱵᱽ ᱩᱱᱠᱤᱱ ᱫᱚ ᱟᱡ ᱨᱤᱱ ᱟᱪᱮᱛᱤᱭᱟᱹ ᱞᱮᱠᱟᱛᱮᱭ ᱟᱯᱱᱟᱨ ᱠᱮᱫ ᱠᱤᱱᱟ ᱾ ᱠᱚᱞᱤᱸᱜᱽ ᱨᱟᱡᱟ ᱵᱟᱞᱩᱠᱮᱥᱣᱚᱨᱟᱜ ᱚᱠᱛᱚ ᱨᱮ ᱥᱟᱫᱷᱚᱵᱽ ᱦᱚᱯᱚᱱ ᱠᱚ ᱵᱟᱹᱞᱤᱰᱷᱤᱯ ᱥᱟᱶᱛᱮ ᱛᱤᱱ ᱡᱚᱦᱚᱜ ᱵᱮᱯᱟᱨ ᱵᱟᱹᱱᱤᱡ ᱮᱫ ᱛᱟᱦᱮᱸᱫ ᱠᱚ ᱩᱱ ᱡᱚᱦᱚᱜ ᱦᱚᱸ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱵᱟᱞᱮᱥᱚᱨ ᱜᱮ ᱛᱟᱦᱮᱸ ᱠᱟᱱᱟ ᱾ᱵᱟᱞᱮᱥᱚᱨ ᱦᱚᱱᱚᱛ ᱫᱚ ᱯᱟᱹᱦᱤᱞ ᱠᱚᱲᱤᱸᱜᱽ ᱨᱮᱭᱟᱜ ᱢᱤᱫ ᱢᱩᱠᱷᱤᱭᱟᱹ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱾ ᱢᱩᱠᱩᱱᱫᱚ ᱫᱮᱵᱽ ᱮ ᱜᱩᱨ ᱮᱱ ᱛᱟᱭᱚᱢ ᱱᱚᱣᱟ ᱫᱚ ᱩᱛᱠᱚᱲ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ ᱴᱷᱟᱶ ᱮ ᱧᱟᱢ ᱠᱮᱫᱼᱟ ᱾

ᱴᱚᱞᱮᱢᱤ ᱭᱟᱜ ᱚᱛᱱᱮᱛ ᱯᱩᱛᱷᱤ ᱟᱨ ᱱᱟᱜᱟᱢᱮᱛ ᱞᱮᱥᱳᱢᱤᱭᱟᱜ ᱵᱟᱞᱮᱥᱚᱨ ᱪᱮᱛᱟᱱ ᱨᱮ ᱢᱮᱱᱟᱜ ᱜᱟᱱᱟᱝ ᱚᱱᱚᱞ ᱠᱷᱚᱱ ᱵᱟᱰᱟᱭᱚᱜᱼᱟ ᱪᱤ ᱵᱟᱞᱮᱥᱚᱨ ᱫᱚ ᱯᱟᱹᱦᱤᱞ ᱡᱩᱜᱽᱨᱮ ᱵᱟᱹᱱᱤᱡ ᱨᱮ ᱟᱹᱰᱤᱜᱟᱱ ᱮ ᱞᱟᱦᱟᱱᱛᱤ ᱞᱮᱫᱼᱟ ᱾

ᱢᱳᱜᱚᱞ ᱥᱟᱥᱚᱱ

ᱱᱚᱰᱮ ᱫᱚ ᱢᱳᱜᱚᱞ ᱠᱚ ᱑᱕᱖᱘ ᱥᱟᱞᱮ ᱨᱮᱠᱚ ᱦᱮᱡ ᱞᱮᱱ ᱛᱟᱦᱮᱸᱫ ᱟᱨ ᱩᱱᱠᱩᱣᱟᱜ ᱜᱚᱵᱚᱞ ᱨᱮ ᱱᱚᱣᱟ ᱫᱚ ᱑᱗᱕᱐ᱼ᱕᱑ ᱥᱮᱨᱢᱟ ᱫᱷᱟᱹᱵᱤᱡ ᱛᱟᱦᱮᱸ ᱠᱟᱱᱟ ᱾ ᱟᱯᱷᱜᱟᱱ ᱥᱟᱥᱚᱱ ᱱᱟᱝᱨᱮ ᱟᱯᱷᱜᱟᱹᱱᱤᱭᱟᱹ ᱠᱚ ᱵᱟᱞᱮᱥᱚᱨ ᱫᱚᱠᱷᱳᱞ ᱠᱟᱛᱮ ᱠᱚ ᱥᱟᱥᱚᱱ ᱮᱫ ᱛᱟᱦᱮᱸᱫ ᱾ ᱑᱕᱙᱒ ᱥᱟᱞᱮᱨᱮ ᱢᱳᱜᱚᱞ ᱥᱚᱢᱨᱟᱴ ᱟᱠᱵᱚᱨ ᱵᱟᱞᱮᱥᱚᱨ ᱫᱚᱠᱷᱚᱞ ᱠᱟᱛᱮ ᱟᱹᱰᱤ ᱥᱮᱨᱢᱟ ᱫᱷᱟᱹᱵᱤᱡ ᱮ ᱥᱟᱥᱚᱱ ᱞᱮᱫᱼᱟ ᱾ ᱑᱔᱗᱐ ᱥᱟᱞᱮᱨᱮ ᱵᱟᱝᱜᱚᱨᱚ ᱱᱚᱵᱟᱵᱽ ᱟᱞᱤᱵᱚᱨᱫᱷᱤᱱ ᱠᱷᱟᱸ ᱠᱷᱚᱱ ᱵᱟᱞᱮᱥᱚᱨ ᱨᱤᱱᱤᱡ ᱥᱩᱵᱟᱫᱟᱨ ᱢᱩᱨᱥᱤᱫᱽ ᱠᱷᱟᱸ ᱞᱩᱲᱤᱭᱟᱡᱳᱰᱤ ᱯᱚᱨᱚ ᱥᱩᱨ ᱨᱮ ᱢᱮᱱᱟᱜ ᱦᱟᱡᱤᱯᱩᱨ (ᱱᱤᱛᱚᱜ ᱫᱚ ᱦᱚᱨᱤᱯᱩᱨ) ᱴᱷᱮᱱ ᱞᱟᱹᱰᱷᱟᱹᱭ ᱨᱮᱭ ᱦᱟᱨᱟᱣ ᱞᱮᱱ ᱛᱟᱦᱮᱸᱫ ᱟᱨ ᱳᱰᱤᱥᱟ ᱵᱟᱹᱜᱤ ᱠᱟᱛᱮᱭ ᱪᱟᱞᱟᱣ ᱮᱱᱟ ᱾

ᱢᱚᱨᱟᱴᱷᱟ ᱥᱟᱥᱚᱱ

᱑᱗᱕᱑ ᱥᱟᱞᱮᱨᱮ ᱢᱚᱨᱟᱴᱷᱟ ᱠᱚᱫᱚ ᱢᱳᱜᱚᱞ ᱠᱚᱠᱚ ᱞᱟᱜᱟ ᱠᱮᱫ ᱠᱚᱛᱮ ᱵᱟᱞᱮᱥᱚᱨ ᱠᱚ ᱫᱚᱠᱷᱚᱞ ᱞᱮᱫᱼᱟ ᱾ ᱢᱚᱨᱟᱴᱷᱟ ᱥᱮᱱᱟᱯᱚᱛᱤ ᱵᱷᱟᱥᱠᱚᱨ ᱯᱚᱱᱰᱤᱛ ᱱᱚᱣᱟ ᱨᱤᱱᱤᱡ ᱟᱺᱜᱤᱵᱷᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱛᱤᱱᱟᱹᱝ ᱜᱟᱱ ᱢᱚᱨᱟᱴᱷᱟ ᱠᱟᱹᱢᱤᱭᱟᱹ ᱠᱚ ᱵᱟᱞᱮᱥᱚᱨ ᱨᱮᱭᱟᱜ ᱵᱟᱱᱴᱷᱩᱣᱟ ᱡᱚᱜᱚᱱᱱᱟᱛᱷ ᱢᱩᱫᱽᱨᱤ, ᱞᱚᱠᱷᱢᱤ ᱱᱟᱨᱟᱭᱚᱬ ᱢᱩᱫᱽᱨᱤ ᱮᱢᱟᱱ ᱠᱚ ᱵᱮᱱᱟᱣ ᱞᱮᱫᱼᱟ ᱾ ᱤᱱᱟᱹ ᱚᱠᱛᱚ ᱨᱮ ᱛᱤ ᱵᱟᱰᱚᱦᱤ ᱟᱨ ᱥᱩᱛᱟᱹᱢ ᱛᱮ ᱵᱮᱱᱟᱣ ᱟᱠᱟᱱ ᱵᱟᱞᱮᱥᱚᱨᱤᱭᱟᱹ ᱞᱩᱜᱽᱲᱤ ᱛᱮᱧᱚᱜ ᱠᱟᱱ ᱛᱟᱦᱮᱸᱫ ᱾ ᱢᱟᱠᱚᱞᱯᱩᱨ ᱫᱚ ᱱᱚᱣᱟ ᱠᱷᱟᱹᱛᱤᱨ ᱜᱮ ᱦᱚᱲ ᱠᱚ ᱵᱟᱰᱟᱭ ᱞᱮᱫ ᱛᱟᱦᱮᱸᱫ ᱾ᱢᱚᱨᱟᱴᱷᱟ ᱠᱚᱫᱚ ᱚᱢᱚᱨᱫᱟ ᱨᱮ ᱢᱮᱱᱟᱜ ᱨᱟᱭᱵᱚᱬᱤᱭᱟ ᱫᱩᱨᱜᱽ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱵᱟᱞᱮᱥᱚᱨ ᱫᱚ ᱢᱚᱬᱮ ᱜᱚᱴᱟᱝ ᱯᱟᱨᱜᱟᱱᱟ ᱨᱮ ᱦᱟᱹᱴᱤᱧ ᱞᱮᱱ ᱛᱟᱦᱮᱸᱫ ᱾

ᱴᱚᱴᱷᱟ ᱨᱮᱭᱟᱜ ᱪᱷᱟ.ᱴᱭᱟ.ᱨ

ᱢᱚᱨᱟᱴᱷᱟ ᱥᱚᱨᱫᱟᱨ ᱵᱷᱟᱥᱠᱚᱨ ᱯᱚᱸᱰᱤᱛ ᱟᱜ ᱧᱩᱛᱩᱢ ᱞᱮᱠᱟᱛᱮ ᱵᱷᱟᱥᱠᱚᱨᱜᱚᱸᱡᱽ, ᱢᱳᱛᱤᱨᱟᱢ ᱯᱷᱚᱣᱡᱽᱫᱟᱨ ᱟᱜ ᱧᱩᱛᱩᱢ ᱞᱮᱠᱟᱛᱮ ᱢᱳᱛᱤᱜᱚᱸᱡᱽ, ᱱᱤᱲᱚᱠᱷᱳᱞᱩ ᱥᱚᱨᱫᱟᱨ ᱟᱜ ᱧᱩᱛᱩᱢ ᱞᱮᱠᱟᱛᱮ ᱱᱤᱲᱚᱜᱤᱨᱤ ᱧᱩᱛᱩᱢ ᱪᱷᱟᱹᱴᱭᱟᱹᱨ ᱞᱮᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱚᱱᱠᱟ ᱜᱮ ᱢᱟᱱᱥᱤᱝ ᱧᱩᱛᱩᱢ ᱞᱮᱠᱟᱛᱮ ᱢᱟᱱᱥᱤᱝ ᱵᱟᱡᱟᱨ, ᱱᱚᱝᱠᱟ ᱜᱮ ᱞᱮᱠᱟᱱ ᱞᱮᱠᱟᱱ ᱢᱳᱜᱚᱞ ᱟᱜ ᱧᱩᱛᱩᱢ ᱠᱷᱚᱱ ᱵᱟᱭᱤᱨᱚᱢ ᱱᱚᱜᱚᱨ, ᱢᱤᱨᱡᱟᱹ ᱯᱩᱠᱷᱨᱤ, ᱫᱚᱨᱡᱤ ᱯᱩᱠᱷᱨᱤ, ᱟᱡᱤᱢᱟᱵᱟᱫᱽ, ᱯᱟᱴᱷᱟᱬ ᱢᱚᱦᱞᱟ ᱧᱩᱛᱩᱢ ᱪᱷᱟᱹᱴᱭᱟᱹᱨ ᱞᱮᱱᱟ ᱾ ᱞᱟᱞᱟ ᱠᱤᱥᱚᱨ ᱨᱟᱡᱟᱦᱟᱜ ᱧᱩᱛᱩᱢ ᱞᱮᱠᱟᱛᱮ ᱵᱟᱨᱚᱵᱟᱴᱤ ᱟᱨ ᱞᱟᱞᱟ ᱵᱟᱡᱟᱨ ᱫᱚ ᱧᱩᱛᱩᱢ ᱞᱮᱱ ᱛᱟᱦᱮᱸᱫ ᱾

ᱯᱚᱨᱛᱩᱜᱤᱡᱽ, ᱯᱷᱚᱨᱟᱥᱤ ᱟᱨ ᱳᱞᱚᱸᱫᱟᱡᱽ ᱜᱚᱵᱚᱞ

᱑᱕᱑᱔ ᱥᱟᱞᱮᱨᱮ ᱯᱚᱨᱛᱩᱜᱤᱡᱽ ᱠᱚᱫᱚ ᱟᱨ ᱤᱱᱟᱹ ᱛᱟᱭᱚᱢ ᱯᱷᱚᱨᱟᱥᱤ , ᱫᱤᱱᱟᱢᱟᱨ ᱟᱨ ᱳᱞᱚᱱᱫᱟᱡᱽ ᱠᱚᱫᱚ ᱵᱟᱞᱮᱥᱚᱨ ᱨᱮ ᱵᱮᱯᱟᱨ ᱵᱟᱹᱱᱤᱡ ᱞᱟᱹᱜᱤᱫ ᱠᱳᱴᱷᱤ ᱠᱚ ᱛᱷᱟᱯᱚᱱ ᱞᱮᱫᱼᱟ ᱾ ᱑᱙᱙᱖ ᱱᱚᱵᱷᱮᱢᱵᱚᱨ ᱒᱓ ᱨᱮ ᱵᱟᱞᱮᱥᱚᱨ ᱨᱮᱭᱟᱜ ᱵᱟᱨᱚᱵᱟᱴᱤ ᱩᱱᱩᱥᱩᱞ ᱟᱥᱲᱟ ᱨᱮᱭᱟᱜ ᱱᱚᱣᱟ ᱚᱠᱛᱚ ᱨᱮᱭᱟᱜ ᱩᱭᱦᱟᱹᱨ ᱨᱮ ᱢᱟᱭᱠᱮᱞ ᱥᱮᱭᱱᱚᱥ ᱟᱨ ᱮᱱᱟᱵᱮᱞᱟ ᱱᱟᱢᱱᱤ ᱢᱤᱫ ᱳᱞᱚᱱᱫᱟᱡᱽ ᱛᱤᱨᱞᱟᱹ ᱦᱟᱜ ᱧᱩᱛᱩᱢ ᱨᱮ ᱵᱟᱨᱭᱟ ᱢᱟᱬᱜᱷᱟᱹᱴᱤ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱑᱗᱑᱙ ᱨᱮ ᱯᱷᱚᱨᱟᱥᱤ ᱵᱟᱹᱱᱤᱡᱤᱭᱟᱹ ᱠᱚᱫᱚ ᱯᱷᱚᱨᱟᱥᱤ ᱨᱮᱭᱟᱜ ᱞᱮᱠᱟᱜᱮ ᱵᱟᱹᱱᱤᱡ ᱠᱩᱴᱷᱤ ᱠᱚᱫᱚ ᱠᱚ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾ ᱑᱗᱔᱒ ᱥᱟᱞᱮᱨᱮ ᱱᱤᱛᱚᱜᱟᱜ ᱵᱟᱞᱮᱥᱚᱨ ᱠᱩᱪᱨᱤ ᱴᱷᱮᱱ ᱢᱚᱨᱟᱴᱷᱟ ᱥᱮᱱᱟᱯᱚᱛᱤ ᱵᱷᱟᱥᱠᱚᱨ ᱯᱚᱸᱰᱤᱛ ᱟᱨ ᱟᱞᱤᱵᱚᱨᱫᱷᱚᱱ ᱛᱤᱠᱤᱱ ᱛᱟᱞᱟᱨᱮ ᱦᱩᱭ ᱞᱮᱱ ᱞᱟᱹᱰᱷᱟᱹᱭ ᱨᱮ ᱢᱳᱨᱟᱴᱷᱟ ᱠᱚᱫᱚ ᱠᱚ ᱦᱟᱨᱟᱣ ᱞᱮᱱ ᱛᱟᱦᱮᱸᱫ ᱾᱑᱗ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱱᱟᱜ ᱮᱛᱚᱦᱚᱵ ᱨᱮ ᱵᱟᱞᱮᱥᱚᱨ ᱨᱮᱭᱟᱜ ᱯᱩᱨᱩᱵᱽ ᱱᱟᱠᱷᱟ ᱫᱚ ᱵᱮᱯᱟᱨ ᱵᱟᱹᱱᱤᱡ ᱨᱮᱭᱟᱜ ᱟᱰᱟ ᱜᱮ ᱯᱟᱞᱴᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱰᱮᱱ ᱠᱚᱜ ᱵᱚᱥᱠᱚᱫᱤᱭᱟᱹ ᱠᱚᱫᱚ ᱫᱚᱨᱮᱭᱟ ᱦᱚᱨ ᱨᱮ ᱫᱩᱠᱷᱤᱱ ᱯᱩᱨᱩᱵᱽ ᱮᱥᱤᱭᱟ ᱨᱮᱭᱟᱜ ᱞᱟᱠᱷᱭᱟᱫᱤᱯ ᱟᱨ ᱢᱟᱞᱫᱤᱯ ᱛᱮ ᱵᱮᱯᱟᱨ ᱵᱟᱹᱱᱤᱡ ᱞᱟᱹᱜᱤᱫ ᱠᱚ ᱪᱟᱞᱟᱣ ᱞᱮᱱ ᱛᱟᱦᱮᱸᱫ ᱾ ᱵᱷᱚᱜᱽᱨᱟᱭᱤ ᱠᱷᱚᱱ ᱧᱟᱢ ᱟᱠᱟᱱ ᱛᱟᱸᱵᱟ ᱠᱟᱹᱣᱰᱤ ᱟᱨ ᱚᱵᱷᱚᱬᱟ, ᱠᱩᱯᱟᱨᱤ, ᱵᱚᱥᱛᱟ ᱟᱨ ᱚᱡᱚᱫᱷᱭᱟ ᱠᱷᱚᱱ ᱧᱟᱢ ᱟᱠᱟᱱ ᱵᱩᱫᱷᱚᱣᱟᱜ ᱢᱩᱨᱛᱤ ᱱᱚᱰᱮ ᱵᱩᱫᱷᱚ ᱫᱷᱚᱨᱚᱢ ᱨᱮᱭᱟᱜ ᱛᱷᱟᱯᱚᱱ ᱪᱮᱛᱟᱱ ᱨᱮ ᱥᱟᱹᱠᱷᱭᱟᱹᱛ ᱮ ᱮᱢᱟ ᱡᱟᱦᱟᱸ ᱫᱚ ᱵᱷᱚᱣᱢᱚᱠᱚᱨ ᱨᱟᱡᱽ ᱥᱟᱥᱚᱱ ᱚᱠᱛᱚᱨᱮ ᱵᱟᱹᱭ ᱞᱮᱱ ᱛᱟᱦᱮᱸᱫ ᱾ᱡᱚᱞᱮᱥᱚᱨ, ᱵᱟᱞᱮᱥᱚᱨ ᱟᱨ ᱚᱵᱷᱚᱬᱟ ᱠᱷᱚᱱ ᱧᱟᱢ ᱟᱠᱟᱱ ᱢᱚᱦᱟᱵᱤᱨ ᱡᱮᱭᱱ ᱟᱜ ᱑᱐ᱼ᱑᱑ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱵᱮᱱᱟᱣ ᱢᱩᱨᱛᱤ ᱜᱮ ᱱᱚᱰᱮ ᱡᱮᱭᱱᱚ ᱫᱷᱚᱨᱚᱢ ᱛᱟᱦᱮᱸᱱ ᱨᱮᱭᱟᱜ ᱦᱚᱸ ᱯᱚᱨᱢᱟᱬ ᱮ ᱮᱢᱟ ᱾ ᱑᱘᱖᱕ ᱥᱟᱞᱮᱨᱮ ᱚᱞᱚᱱᱫᱟᱡᱽ ᱠᱚᱣᱟᱜ ᱵᱟᱹᱱᱤᱡ ᱠᱩᱴᱷᱤ ᱫᱚ ᱤᱸᱜᱽᱨᱮᱡᱽ ᱠᱚᱠᱚ ᱫᱚᱠᱷᱚᱞ ᱞᱮᱫ ᱛᱟᱦᱮᱸᱫ ᱟᱨ ᱑᱘᱖᱔ ᱥᱟᱞᱮᱨᱮ ᱚᱞᱚᱱᱫᱟᱡᱽ ᱟᱜ ᱠᱩᱴᱷᱤ ᱠᱚ ᱫᱚᱠᱷᱚᱞ ᱞᱮᱫ ᱛᱟᱦᱮᱸᱫ᱾

ᱯᱷᱤᱨᱤᱝᱜᱤ ᱜᱚᱵᱚᱞ

᱑᱘᱐᱓ ᱥᱟᱞᱮᱨᱮ ᱱᱚᱣᱟ ᱫᱚ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱟᱜ ᱜᱚᱵᱚᱞ ᱛᱮ ᱪᱟᱞᱟᱣ ᱞᱮᱱᱟ ᱟᱨ ᱑᱙᱑᱒ ᱫᱷᱟᱹᱵᱤᱡ ᱟᱠᱚᱣᱟᱜ ᱜᱚᱵᱚᱞ ᱨᱮᱜᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱵᱨᱤᱴᱤᱥ, ᱰᱚᱪ ᱟᱨ ᱚᱞᱚᱱᱫᱟᱡᱽ ᱞᱟᱹᱜᱤᱫ ᱵᱮᱯᱟᱨ ᱵᱟᱹᱱᱤᱡ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱜ ᱯᱚᱨᱴ ᱛᱟᱦᱮᱸ ᱠᱟᱱᱟ ᱾ ᱱᱚᱰᱮ ᱫᱚ ᱑᱖᱔᱐ ᱥᱟᱞᱮᱨᱮ ᱯᱩᱭᱞᱩ ᱵᱨᱤᱴᱤᱥ ᱠᱟᱹᱨᱠᱷᱟᱱᱟᱭ ᱵᱟᱹᱭᱥᱟᱹᱣ ᱞᱮᱫᱼᱟ ᱾

ᱯᱷᱩᱨᱜᱟᱹᱞ ᱦᱚᱱᱚᱛ ᱜᱚᱲᱦᱚᱱ

ᱚᱠᱴᱚᱵᱚᱨ ᱑᱘᱒᱘ ᱥᱟᱞᱮᱨᱮ ᱵᱟᱞᱮᱥᱚᱨ ᱫᱚ ᱢᱤᱫ ᱵᱷᱮᱜᱟᱨ ᱦᱚᱱᱚᱛ ᱨᱮᱭᱟᱜ ᱯᱷᱩᱨᱜᱟᱹᱞ ᱮ ᱧᱟᱢ ᱞᱮᱫᱼᱟ ᱾ ᱑ ᱮᱯᱨᱤᱞ ᱑᱙᱓᱖ ᱥᱟᱞᱮᱨᱮ ᱯᱷᱩᱨᱜᱟᱹᱞ ᱩᱛᱠᱚᱲ ᱯᱨᱚᱫᱮᱥ ᱜᱚᱲᱦᱚᱱ ᱛᱟᱭᱚᱢ ᱵᱟᱞᱮᱥᱚᱨ ᱫᱚ ᱳᱰᱤᱥᱟ ᱨᱮᱭᱟᱜ ᱢᱤᱫ ᱢᱟᱨᱟᱝ ᱦᱚᱱᱚᱛ ᱨᱮ ᱴᱷᱟᱶ ᱮ ᱧᱟᱢ ᱠᱮᱫᱼᱟ ᱾ ᱑᱙᱒᱑ ᱨᱮ ᱢᱚᱦᱟᱛᱢᱟ ᱜᱟᱱᱫᱷᱤᱭᱟᱜ ᱦᱮᱡ ᱚᱠᱛᱚ ᱨᱮ ᱱᱚᱰᱮ ᱫᱚ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱮᱛᱚᱦᱚᱵ ᱞᱮᱱ ᱛᱟᱦᱮᱸᱫ ᱾ ᱤᱧᱪᱩᱰᱤ ᱵᱩᱞᱩᱝ ᱥᱚᱛᱭᱟᱜᱨᱚᱦᱚ ᱟᱨ ᱠᱷᱟᱡᱽᱱᱟ ᱵᱟᱝ ᱮᱢ ᱞᱟᱹᱜᱤᱫ ᱞᱟᱹᱰᱷᱟᱹᱭ ᱵᱟᱞᱮᱥᱚᱨ ᱨᱮ ᱦᱩᱭ ᱞᱮᱱ ᱥᱚᱛᱭᱟᱜᱨᱚᱦᱚ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮᱭᱟᱜ ᱛᱤᱱᱟᱹᱜ ᱜᱟᱱ ᱩᱯᱨᱩᱢ ᱦᱟᱹᱴᱤᱧ ᱠᱟᱱᱟ ᱾

ᱯᱷᱩᱨᱜᱟᱹᱞ ᱛᱟᱭᱚᱢ

᱓ ᱮᱯᱨᱤᱞ ᱑᱙᱙᱓ ᱨᱮ ᱵᱷᱚᱫᱽᱨᱚᱠ ᱥᱚᱫᱚᱨ ᱢᱚᱦᱚᱠᱩᱢᱟ ᱫᱚ ᱢᱤᱫ ᱵᱷᱮᱜᱟᱨ ᱛᱮ ᱦᱚᱱᱚᱛ ᱵᱮᱱᱟᱣ ᱞᱮᱱᱟ ᱾

ᱵᱮᱯᱟᱨ ᱵᱟᱹᱱᱤᱡ

ᱵᱟᱞᱮᱥᱚᱨ ᱵᱟᱡᱟᱨ ᱫᱚ ᱵᱟᱞᱮᱥᱚᱨ ᱦᱚᱱᱚᱛ ᱨᱮᱭᱟᱜ ᱵᱟᱹᱱᱤᱡ ᱨᱮᱭᱟᱜ ᱛᱟᱞᱢᱟ ᱴᱚᱴᱷᱟ ᱠᱟᱱᱟ ᱾ ᱵᱟᱹᱞᱤᱭᱟᱹᱯᱟᱲ ᱟᱨ ᱢᱤᱫ ᱵᱟᱡᱟᱨ , ᱱᱚᱣᱟ ᱫᱚ ᱯᱟᱱ, ᱦᱳᱲᱳ ᱟᱨ ᱦᱟᱹᱠᱩ ᱵᱟᱡᱟᱨ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱪᱟᱥᱵᱟᱥ, ᱠᱚᱞ ᱠᱟᱹᱨᱠᱷᱟᱱᱟ, ᱦᱟᱹᱠᱩᱥᱟᱵ ᱱᱚᱰᱮᱱᱟᱜ ᱫᱚ ᱢᱩᱲ ᱵᱮᱵᱽᱥᱟ ᱠᱟᱱᱟ ᱾ ᱱᱟᱣᱟ ᱵᱟᱡᱟᱨ, ᱢᱳᱛᱤᱜᱚᱸᱡᱽ, ᱵᱤᱵᱮᱠᱟᱱᱚᱱᱫᱚ ᱢᱟᱨᱜᱽ, ᱯᱷᱚᱠᱤᱨ ᱢᱳᱦᱚᱱ ᱜᱩᱞᱟᱹᱭ, ᱥᱴᱮᱥᱚᱱ ᱪᱷᱚᱠ, ᱟᱭᱴᱤᱟᱭ ᱪᱷᱚᱠ, ᱠᱩᱪᱨᱤ ᱵᱟᱡᱟᱨ, ᱱᱩᱣᱟᱹᱥᱟᱹᱭ ᱮᱢᱟᱱ ᱱᱚᱰᱮᱱᱟᱜ ᱵᱮᱯᱟᱨ ᱵᱟᱹᱱᱤᱡ ᱨᱮᱭᱟᱜ ᱢᱩᱲ ᱫᱚ ᱾ ᱳᱰᱤᱥᱟ ᱨᱮᱭᱟᱜ ᱵᱟᱰᱚᱦᱤ, ᱥᱟᱶᱦᱮᱫ, ᱪᱟᱹᱭ ᱪᱚᱞᱚᱱ, ᱡᱚᱢ ᱧᱩ, ᱪᱟᱥᱵᱟᱥ ᱟᱨ ᱠᱚᱞ ᱠᱟᱹᱨᱠᱷᱟᱱᱟ ᱩᱛᱱᱟᱹᱣ ᱨᱮ ᱵᱟᱞᱮᱥᱚᱨ ᱨᱮᱭᱟᱜ ᱴᱷᱟᱶ ᱫᱚ ᱢᱩᱪᱟᱹᱫ ᱜᱮ ᱵᱟᱹᱱᱩᱜ-ᱟ ᱾ ᱱᱚᱰᱮ ᱫᱚ ᱵᱤᱨᱞᱟᱹ ᱴᱟᱭᱟᱨ, ᱤᱢᱟᱢᱤ ᱠᱟᱜᱚᱡᱽ ᱠᱟᱹᱨᱜᱟᱲ, ᱚᱨᱤᱯᱞᱟᱥᱴ ᱯᱞᱟᱥᱴᱤᱠ ᱠᱟᱹᱨᱠᱷᱟᱱᱟ ᱥᱟᱶᱛᱟ ᱟᱨ ᱦᱚᱸ ᱟᱹᱰᱤᱜᱟᱱ ᱠᱟᱹᱨᱠᱷᱟᱱᱟ ᱢᱮᱱᱟᱜ-ᱟ ᱾

ᱦᱮᱡᱥᱮᱱ

ᱵᱟᱞᱮᱥᱚᱨ ᱨᱮᱞ ᱥᱴᱮᱥᱚᱱ ᱫᱚ ᱪᱮᱱᱟᱹᱭ ᱠᱷᱚᱱ ᱠᱚᱞᱠᱟᱛᱟ ᱫᱷᱟᱹᱵᱤᱡ ᱥᱟᱹᱭᱥᱟᱹᱣ ᱟᱠᱟᱱ ᱫᱩᱠᱷᱤᱱ-ᱯᱩᱨᱩᱵᱽ ᱨᱮᱞᱦᱚᱨ ᱨᱮ ᱯᱟᱲᱟᱣᱜ ᱠᱟᱱᱟ ᱾ ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱕/ᱡᱚᱜᱚᱱᱱᱟᱛᱷ ᱥᱚᱲᱚᱠ ᱠᱚᱞᱠᱟᱛᱟ ᱠᱷᱚᱱ ᱪᱮᱱᱟᱭ ᱪᱟᱞᱟᱣ ᱟᱠᱟᱱᱟ ᱟᱨ ᱯᱩᱱ ᱞᱮᱱ ᱟᱜ ᱡᱟᱹᱛᱤᱭᱟᱹᱨᱤ ᱨᱟᱡᱽ ᱦᱚᱨ-᱖᱐ ᱵᱟᱞᱮᱥᱚᱨ ᱠᱷᱚᱱ ᱠᱚᱞᱠᱟᱛᱟ ᱪᱟᱞᱟᱣ ᱟᱠᱟᱱᱟ ᱾

ᱥᱩᱨ ᱩᱰᱟᱹᱱᱟᱰᱟ ᱺ ᱵᱷᱩᱵᱽᱱᱮᱥᱚᱨ (᱑᱙᱑ ᱠᱤᱹᱢᱤᱹ) ᱟᱨ ᱠᱚᱞᱠᱟᱛᱟ ᱡᱟᱦᱟᱸ ᱫᱚ ᱱᱚᱰᱮ ᱠᱷᱚᱱ ᱯᱟᱞᱮ ᱓ ᱴᱟᱲᱟᱝ ᱟᱫᱷᱟ ᱜᱷᱚᱱᱴᱟ ᱦᱚᱨ ᱥᱟᱺᱜᱤᱧ ᱾

ᱵᱷᱚᱫᱽᱨᱚᱠ, ᱡᱟᱡᱽᱯᱩᱨ, ᱠᱚᱴᱚᱠ, ᱵᱷᱩᱵᱽᱱᱮᱥᱚᱨ, ᱠᱚᱨᱟᱯᱩᱴ, ᱨᱟᱣᱞᱠᱮᱞᱟ, ᱥᱚᱢᱵᱚᱞᱯᱩᱨ, ᱵᱚᱨᱜᱚᱰ ᱟᱨ ᱳᱰᱤᱥᱟ ᱨᱮᱭᱟᱜ ᱮᱴᱟᱜ ᱵᱟᱡᱟᱨ ᱠᱚ ᱥᱟᱶ ᱵᱟᱞᱮᱥᱚᱨ ᱫᱚ ᱵᱚᱥ ᱟᱨ ᱠᱟᱨ ᱦᱚᱛᱮᱛᱮ ᱟᱹᱰᱤ ᱱᱟᱯᱟᱭ ᱥᱟᱺᱦᱤᱡ ᱡᱩᱲᱟᱹᱭ ᱢᱮᱱᱟᱜ-ᱟ ᱾ ᱵᱟᱞᱮᱥᱚᱨ ᱠᱷᱚᱱ ᱖᱐ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱵᱟᱹᱨᱯᱟᱰᱟ ᱵᱟᱡᱟᱨ ᱢᱮᱱᱟᱜ-ᱟ ᱾

ᱧᱮᱢᱮᱞ ᱴᱚᱴᱷᱟ

ᱯᱚᱨᱴ ᱟᱨ ᱫᱚᱨᱮᱭᱟ ᱜᱷᱟᱴ

ᱛᱟᱲᱚᱥᱟᱨᱤ ᱨᱮᱭᱟᱜ ᱵᱮᱲᱟ ᱦᱟᱺᱥᱩᱨ

• ᱪᱟᱸᱫᱤᱯᱩᱨ ᱟᱨ ᱵᱚᱲᱚᱨᱟᱢᱜᱚᱰᱤ

ᱱᱚᱣᱟ ᱫᱚ ᱵᱟᱞᱮᱥᱚᱨ ᱵᱟᱡᱟᱨ ᱠᱷᱚᱱ ᱫᱚ ᱑᱒ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱢᱮᱱᱟᱜ ᱢᱤᱫ ᱫᱚᱨᱮᱭᱟ ᱜᱷᱟᱴ ᱠᱟᱱᱟ ᱾ ᱱᱚᱣᱟ ᱫᱚ ᱮᱴᱟᱜ ᱫᱚᱨᱮᱭᱟ ᱜᱷᱟᱴ ᱠᱚᱨᱮ ᱠᱷᱚᱱ ᱫᱚ ᱵᱷᱮᱜᱟᱨ ᱜᱮᱭᱟ ᱾ ᱱᱚᱰᱮ ᱫᱚ ᱰᱷᱟᱹᱣ ᱫᱚ ᱥᱩᱢᱩᱝ ᱵᱷᱳᱨ ᱥᱮᱛᱟᱜ ᱟᱨ ᱧᱤᱫᱟᱹ ᱜᱮ ᱧᱮᱞ ᱨᱮ ᱧᱟᱢᱚᱜ-ᱟ ᱾ ᱫᱤᱱᱥᱟᱨᱟ ᱫᱚᱨᱮᱭᱟ ᱨᱮᱭᱟᱜ ᱓-᱔ ᱢᱟᱹᱭᱤᱞ ᱫᱷᱟᱹᱵᱤᱡ ᱫᱚ ᱛᱤᱥ ᱦᱚᱸ ᱰᱷᱟᱹᱣ ᱫᱚ ᱵᱟᱝ ᱦᱟᱹᱡᱩᱜ-ᱟ ᱾ ᱱᱚᱣᱟ ᱨᱮᱭᱟᱜ ᱱᱟᱥᱮ ᱥᱟᱺᱜᱤᱧ ᱨᱮ ᱵᱚᱲᱚᱨᱟᱢᱜᱚᱰᱤ ᱦᱟᱹᱠᱩᱥᱟᱵ ᱯᱚᱨᱴ ᱢᱮᱱᱟᱜ-ᱟ ᱾

ᱵᱩᱰᱷᱟᱹ ᱵᱚᱲᱚᱝᱜᱚ ᱱᱟᱹᱭ ᱠᱟᱛᱟᱨᱮ ᱞᱟᱹᱣᱠᱟᱹ

• ᱛᱟᱲᱚᱥᱟᱨᱤ ᱵᱮᱲᱟ ᱦᱟᱺᱥᱩᱨ

ᱱᱚᱣᱟ ᱫᱚ ᱵᱟᱹᱞᱤᱭᱟᱹᱯᱟᱲ ᱥᱩᱨ ᱨᱮ ᱢᱮᱱᱟᱜ ᱵᱟᱞᱮᱥᱚᱨ ᱦᱚᱱᱚᱛ ᱨᱮᱭᱟᱜ ᱢᱤᱫ ᱫᱚᱨᱮᱭᱟ ᱜᱷᱟᱴ ᱠᱟᱱᱟ ᱾

• ᱫᱷᱟᱢᱚᱨᱟ

ᱱᱚᱣᱟ ᱫᱚ ᱢᱤᱫ ᱟᱹᱰᱤ ᱱᱟᱯᱟᱭ ᱯᱚᱨᱴ ᱠᱟᱱᱟ ᱟᱨ ᱱᱚᱰᱮᱱᱟᱜ ᱦᱩᱭᱞᱚᱨᱥ ᱰᱷᱤᱯ ᱨᱮ ᱜᱳᱲᱟᱵᱟᱹᱨᱩᱫᱽ ᱵᱤᱱᱤᱰᱟᱹᱣ ᱦᱩᱭᱩᱜ-ᱟ ᱾

• ᱵᱟᱹᱞᱤᱜᱷᱟᱴ ᱯᱚᱨᱴ

ᱵᱟᱞᱮᱥᱚᱨ ᱵᱟᱡᱟᱨ ᱨᱮ ᱢᱮᱱᱟᱜ ᱱᱚᱣᱟ ᱢᱟᱨᱮ ᱯᱚᱨᱴ ᱫᱚ ᱢᱤᱫ ᱧᱩᱛᱩᱢᱟᱱ ᱦᱟᱹᱠᱤ ᱥᱟᱵ ᱯᱚᱨᱴ ᱠᱟᱱᱟ ᱾ ᱱᱚᱣᱟ ᱠᱚ ᱵᱟᱹᱜᱤ ᱠᱟᱛᱮ ᱰᱚᱜᱚᱨᱟ ᱟᱨ ᱪᱚᱣᱢᱩᱠᱷᱟ ᱴᱷᱮᱱ ᱦᱚᱸ ᱵᱟᱨᱮᱭᱟ ᱫᱚᱨᱮᱭᱟ ᱜᱷᱟᱴ ᱢᱮᱱᱟᱜ-ᱟ ᱾

ᱵᱚᱸᱜᱟ ᱛᱷᱟᱱ

• ᱯᱚᱧᱪᱚᱞᱤᱱᱜᱮᱥᱣᱚᱨ ᱥᱤᱵᱽ ᱢᱩᱫᱽᱨᱤ

ᱱᱚᱣᱟ ᱫᱚ ᱱᱤᱞᱜᱤᱨᱤ ᱥᱩᱨ ᱨᱮ ᱢᱮᱱᱟᱜ ᱯᱚᱧᱪᱚᱞᱤᱱᱜᱮᱥᱣᱚᱨ ᱵᱩᱨᱩ ᱪᱮᱛᱟᱱ ᱨᱮ ᱢᱮᱱᱟᱜ-ᱟ ᱾ ᱵᱩᱨᱩ ᱡᱷᱟᱨᱱᱟ ᱵᱷᱤᱛᱨᱤ ᱨᱮ ᱢᱮᱱᱟᱜ ᱢᱚᱬᱮ ᱜᱚᱴᱟᱝ ᱥᱤᱵᱽ ᱞᱤᱸᱜᱚ ᱜᱮ ᱵᱟᱵᱟ ᱯᱚᱧᱪᱚᱞᱤᱱᱜᱮᱥᱣᱚᱨ ᱫᱚᱠᱚ ᱢᱮᱛᱟᱜ-ᱟ ᱾ᱢᱮᱞᱟᱱ ᱵᱩᱨᱩ ᱟᱨ ᱫᱟᱨᱮ ᱱᱟᱹᱬᱤ ᱛᱮ ᱯᱮᱨᱮᱡ ᱟᱠᱟᱱ ᱱᱚᱣᱟ ᱫᱚ ᱥᱩᱢᱩᱝ ᱢᱤᱫ ᱥᱤᱵᱽ ᱢᱩᱫᱽᱨᱤ ᱫᱚ ᱵᱟᱝ ᱠᱟᱱᱟ , ᱱᱚᱣᱟ ᱫᱚ ᱢᱤᱫ ᱪᱚᱨᱚᱠ ᱵᱤᱨᱥᱚᱲᱮ ᱴᱚᱴᱷᱟ ᱦᱚᱸ ᱠᱟᱱᱟ ᱾ ᱵᱟᱞᱮᱥᱚᱨ ᱦᱚᱱᱚᱛ ᱨᱮᱭᱟᱜ ᱱᱚᱣᱟ ᱫᱚ ᱢᱤᱫ ᱜᱷᱟᱹᱜᱤ ᱩᱯᱨᱩᱢ ᱟᱠᱟᱱ ᱥᱟᱸᱜᱷᱟᱨ ᱡᱚᱝ ᱡᱟᱭᱜᱟ ᱾ ᱳᱰᱤᱥᱟ ᱟᱨ ᱥᱩᱨ ᱥᱩᱯᱩᱨ ᱯᱚᱱᱚᱛ ᱨᱮᱭᱟᱜ ᱟᱹᱰᱤᱜᱟᱱ ᱴᱚᱴᱷᱟ ᱠᱷᱚᱱ ᱦᱚᱲ ᱱᱚᱰᱮ ᱫᱟᱬᱟᱱ ᱠᱚ ᱦᱟᱹᱡᱩᱜ-ᱟ ᱾

• ᱵᱤᱨᱚᱧᱪᱤᱱᱟᱨᱟᱭᱚᱬ ᱢᱩᱫᱽᱨᱤ, ᱯᱟᱲᱤᱭᱟ

• ᱵᱷᱩᱡᱟᱠᱷᱤᱭᱟ ᱯᱤᱨ

ᱥᱩᱱᱦᱚᱴ ᱨᱮ ᱢᱮᱱᱟᱜ ᱵᱷᱩᱡᱟᱠᱷᱤᱭᱟ ᱯᱤᱨ ᱫᱚ ᱵᱟᱱᱟᱨ ᱦᱤᱸᱫᱩ ᱟᱨ ᱛᱩᱲᱩᱠ ᱫᱷᱚᱨᱚᱢ ᱠᱤᱱ ᱦᱚᱛᱮᱛᱮ ᱵᱚᱸᱜᱟ ᱵᱩᱨᱩ ᱦᱩᱭᱩᱜ-ᱟ ᱾ ᱟᱥᱛᱟᱱᱟ ᱥᱚᱨᱤᱯᱷ ᱦᱚᱡᱽᱨᱚᱛ ᱯᱤᱨᱵᱟᱵᱟ ᱱᱚᱰᱮ ᱫᱚ ᱦᱟᱹᱭᱡᱟᱹ ᱨᱩᱜᱤ ᱠᱚ ᱛᱤᱠᱪᱷᱟᱹ ᱠᱚ ᱞᱟᱹᱜᱤᱫ ᱮ ᱦᱮᱡ ᱞᱮᱱ ᱠᱷᱟᱹᱛᱤᱨ ᱟᱡᱟᱜ ᱧᱩᱛᱩᱢ ᱞᱮᱠᱟᱛᱮ ᱱᱚᱣᱟ ᱛᱷᱟᱱ ᱨᱮᱭᱟᱜ ᱧᱩᱛᱩᱢ ᱫᱚ ᱵᱷᱩᱡᱟᱠᱷᱤᱭᱟ ᱯᱤᱨ ᱫᱚᱦᱚ ᱟᱠᱟᱱᱟ ᱾

• ᱡᱩᱬᱤᱭᱟ ᱨᱟᱢ ᱢᱩᱫᱽᱨᱤ

ᱱᱟᱜᱟᱢᱮᱛ ᱴᱚᱴᱷᱟ

ᱠᱷᱤᱨᱚᱪᱚᱨᱟ ᱜᱳᱯᱤᱱᱟᱛᱷ ᱢᱩᱫᱽᱨᱤ

ᱨᱮᱢᱩᱬᱟ ᱨᱮ ᱢᱮᱱᱟᱜ ᱠᱷᱤᱨᱚᱪᱚᱨᱟ ᱜᱳᱯᱤᱱᱟᱛᱷ ᱢᱩᱫᱽᱨᱤ ᱫᱚ ᱵᱟᱞᱮᱥᱚᱨ ᱠᱷᱚᱱ ᱫᱚ ᱙ ᱠᱤᱹᱢᱤᱹ ᱯᱩᱨᱩᱵᱽ ᱨᱮ ᱢᱮᱱᱟᱜ-ᱟ ᱟᱨ ᱦᱟᱵᱽᱲᱟ ᱟᱨ ᱵᱷᱩᱵᱽᱱᱮᱥᱚᱨ ᱴᱟᱞᱟᱨᱮ ᱯᱟᱲᱟᱣᱜ-ᱟ ᱾ ᱱᱚᱣᱟ ᱫᱚ ᱩᱛᱠᱚᱲ ᱨᱤᱱᱤᱡ ᱱᱚᱨᱚᱯᱚᱛᱤ ᱞᱟᱸᱜᱩᱲᱟ ᱱᱚᱨᱚᱥᱤᱝᱦᱚ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱᱟ ᱾

• ᱵᱷᱩᱥᱚᱸᱰᱷᱮᱥᱣᱚᱨ ᱥᱤᱵᱽ ᱢᱩᱫᱽᱨᱤ

ᱱᱚᱰᱮ ᱫᱚ ᱮᱥᱤᱭᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱵᱽ ᱞᱤᱸᱜᱚ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱢᱤᱫ ᱧᱩᱛᱩᱢᱟᱱ ᱥᱤᱵᱽ ᱴᱚᱴᱷᱟ ᱞᱮᱠᱟᱛᱮ ᱩᱯᱨᱩᱢ ᱢᱮᱱᱟᱜ-ᱟ ᱾

• ᱪᱚᱸᱫᱽᱱᱮᱥᱣᱚᱨ ᱥᱤᱵᱽ ᱢᱩᱫᱽᱨᱤ

ᱱᱚᱣᱟ ᱫᱚ ᱢᱤᱫ ᱧᱩᱛᱩᱢᱟᱱ ᱥᱤᱵᱽ ᱛᱷᱟᱱ ᱠᱟᱱᱟ ᱾ ᱱᱚᱰᱮᱱᱟᱜ ᱡᱟᱜᱚᱨ ᱢᱮᱲᱟ ᱯᱟᱨᱟᱵᱽ ᱫᱚ ᱢᱤᱫ ᱟᱸᱡᱚᱢ ᱟᱠᱟᱫ ᱯᱟᱨᱟᱵᱽ ᱠᱟᱱᱟ ᱾

• ᱵᱷᱩᱫᱟᱨ ᱪᱚᱸᱰᱤ ᱢᱩᱫᱽᱨᱤ

ᱱᱚᱣᱟ ᱫᱚ ᱧᱩᱛᱩᱢᱟᱱ ᱪᱩᱱᱰᱤ ᱢᱩᱫᱽᱨᱤ ᱠᱟᱱᱟ ᱾ ᱵᱟᱞᱮᱥᱚᱨ ᱠᱷᱚᱱ ᱩᱫᱽᱲᱟᱹ ᱪᱟᱞᱟᱜ ᱦᱚᱨ ᱨᱮ ᱥᱚᱡᱽᱱᱟᱜᱚᱰ ᱨᱮ ᱱᱚᱣᱟ ᱢᱩᱫᱽᱨᱤ ᱫᱚ ᱢᱮᱱᱟᱜ-ᱟ ᱾

• ᱡᱚᱜᱚᱱᱱᱟᱛᱷ ᱢᱩᱫᱽᱨᱤ, ᱱᱤᱞᱜᱤᱨᱤ

• ᱚᱢᱵᱤᱠᱟ ᱢᱩᱫᱽᱨᱤ, ᱵᱟᱞᱮᱥᱚᱨ

• ᱵᱚᱠᱨᱮᱥᱣᱚᱨ ᱢᱚᱦᱟᱫᱮᱵᱽ ᱢᱩᱫᱽᱨᱤ, ᱵᱚᱠᱨᱮᱥᱣᱚᱨ

• ᱵᱟᱬᱮᱥᱣᱚᱨ ᱥᱤᱵᱽ ᱢᱩᱫᱽᱨᱤ, ᱢᱟᱨᱮ ᱵᱟᱞᱮᱥᱚᱨ

ᱵᱟᱦᱨᱮ ᱡᱚᱱᱚᱲ

• Official website of Balasore District
• Chandipur ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
• Balasore at Encyclopedia Astronautica