ᱚᱱᱡᱚᱲᱤ ᱵᱷᱚᱜᱣᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱚᱧᱡᱚᱲᱤ ᱵᱷᱚᱜᱽᱣᱚᱛ
Personal information
ᱡᱟᱱᱟᱢ ᱧᱩᱢ ᱚᱧᱡᱚᱲᱤ ᱨᱚᱢᱟᱠᱟᱱᱛᱚ ᱵᱷᱮᱫᱽᱯᱟᱴᱷᱚᱠ
ᱡᱟᱹᱛᱤᱭᱟᱹ ᱤᱱᱰᱤᱭᱟᱱ
ᱡᱟᱱᱟᱢ ᱕ ᱰᱤᱥᱮᱢᱵᱚᱨ ᱑᱙᱖᱙ (1969-12-05) (᱕᱐ ᱥᱮᱨᱢᱟ)
ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ
ᱵᱟᱥᱟ ᱯᱩᱱᱮ, ᱢᱚᱦᱟᱨᱟᱥᱴᱨᱚ
ᱩᱥᱩᱞ ᱕'᱔
Sport
ᱠᱷᱮᱞ ᱨᱟᱭᱯᱷᱚᱞ ᱥᱩᱴᱤᱝ (Rifle shooting)
Turned pro ᱑᱙᱘᱘

ᱚᱱᱡᱚᱲᱤ ᱵᱷᱚᱜᱽᱣᱚᱛ (ᱡᱟᱱᱟᱢ ᱕ ᱰᱤᱥᱮᱢᱵᱚᱨ ᱑᱙᱖᱙) ᱫᱚ ᱢᱤᱫ ᱤᱱᱰᱤᱭᱟᱱ ᱯᱨᱚᱯᱷᱮᱥᱚᱱᱟᱞ ᱥᱩᱴᱚᱨ ᱠᱟᱱᱟᱭ ᱾ ᱱᱩᱭ ᱫᱚ ᱒᱐᱐᱒ ᱨᱮ ᱑᱐ ᱢᱤᱴᱚᱨ ᱮᱭᱟᱨ ᱨᱟᱭᱯᱷᱚᱞ ᱠᱷᱟ.ᱛᱤᱨ ᱣᱟᱨᱞᱰ ᱨᱮ ᱯᱩᱭᱞᱩ ᱨᱮ ᱛᱟᱦᱮᱸ ᱞᱮᱱᱟᱭ ᱾ ᱱᱩᱭ ᱫᱚ ᱟᱡᱟᱜ ᱯᱩᱭᱞᱩ ᱣᱟᱨᱞᱰ ᱠᱚᱯ ᱯᱷᱟᱭᱱᱟᱞ ᱒᱐᱐᱓ ᱨᱮ ᱡᱤᱛᱠᱟ.ᱨ ᱞᱮᱱᱟᱭ ᱾ ᱡᱟᱦᱟᱸ ᱫᱚ ᱢᱤᱞᱚᱱ ᱨᱮ ᱦᱩᱭ ᱞᱮᱱᱟ ᱟᱨ ᱚᱱᱡᱚᱲᱤ ᱫᱚ ᱱᱚᱣᱟ ᱨᱮ ᱓᱙᱙/᱔᱐᱐ ᱮ ᱥᱠᱳᱨ ᱞᱮᱫ-ᱟ ᱾

ᱢᱩᱱᱤᱪ ᱨᱮ ᱒᱐᱐᱒ ᱨᱮ ᱦᱩᱭ ᱞᱮᱱ ᱠᱚᱲᱟ ᱠᱩᱲᱤ ᱠᱚᱣᱟᱜ ᱡᱚᱲᱟᱣ ᱛᱮ ᱮᱭᱟᱨ ᱨᱟᱭᱯᱷᱚᱞ ᱤᱵᱷᱮᱸᱴ ᱨᱮ, ᱮᱠᱞᱟ ᱤᱱᱰᱤᱭᱟᱱ ᱞᱮᱠᱟᱛᱮ ᱚᱧᱡᱚᱲᱤ ᱤ. ᱥ. ᱥ. ᱯᱷ. ᱪᱟᱢᱯᱤᱭᱟᱱ ᱴᱨᱚᱯᱷᱤ ᱡᱤᱛᱠᱟ.ᱨ ᱞᱮᱱᱟᱭ ᱾ ᱚᱧᱡᱚᱲᱤ ᱫᱚ ᱡᱚᱠᱷᱟ ᱡᱚᱲᱟᱣ ᱯᱮ ᱡᱮᱠᱷᱟ ᱚᱞᱚᱢᱯᱤᱠ ᱮ ᱠᱷᱮᱞ ᱞᱮᱫ-ᱟ ᱾ ᱒᱐᱐᱒ ᱥᱤᱰᱱᱤ ᱚᱞᱚᱢᱯᱤᱠ ᱨᱮ ᱯᱩᱭᱞᱩ ᱤᱱᱰᱤᱭᱟᱱ ᱛᱤᱨᱞᱟ. ᱥᱩᱴᱚᱨ ᱞᱮᱠᱟᱛᱮ ᱢᱟᱬᱟᱝ ᱴᱷᱟᱶ ᱮ ᱟᱢᱮᱴ ᱞᱮᱫ-ᱟ ᱾ ᱱᱩᱭ ᱫᱚ ᱠᱚᱢᱚᱱ ᱣᱮᱞᱛᱷ ᱜᱮᱢᱥ ᱟᱨ ᱠᱚᱢᱚᱱ ᱣᱮᱞᱛᱷ ᱥᱩᱴᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱑᱒ ᱜᱚᱴᱟᱝ ᱥᱚᱱᱟ, ᱔ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱱᱟ ᱾ ᱱᱩᱭ ᱫᱚ ᱑᱐ ᱢᱤᱴᱚᱨ ᱮᱭᱟᱨ ᱨᱟᱭᱯᱷᱚᱞ ᱟᱨ ᱥᱯᱳᱴᱥ ᱨᱟᱭᱯᱷᱚᱞ 3P(ᱛᱷᱨᱤ ᱯᱳᱡᱤᱥᱚᱱ) ᱨᱤᱱᱤᱡ ᱪᱟᱢᱯᱤᱭᱟᱱᱥ ᱠᱟᱱᱟᱭ ᱾ ᱒᱐᱐᱓ ᱨᱮ ᱟᱯᱷᱨᱳ-ᱮᱥᱤᱭᱟᱱ ᱜᱮᱢ 3P(ᱛᱷᱨᱤ ᱯᱳᱡᱤᱥᱚᱱ) ᱨᱮ ᱥᱚᱱᱟ ᱟᱨ ᱮᱭᱟᱨ ᱨᱟᱭᱯᱷᱚᱞ ᱨᱮ ᱨᱩᱯᱟᱹ ᱡᱤᱛᱠᱟ.ᱨ ᱠᱟᱛᱮ ᱯᱩᱭᱞᱩ ᱤᱱᱰᱤᱭᱟᱱ ᱛᱤᱨᱞᱟ. ᱥᱩᱴᱚᱨ ᱮ ᱵᱮᱱᱟᱣ ᱮᱱᱟ ᱾

ᱛᱮᱦᱮᱧ ᱫᱷᱟ.ᱵᱤᱡ ᱚᱧᱡᱚᱲᱤ ᱫᱚ ᱑᱓ ᱜᱚᱴᱟᱝ ᱤᱱᱴᱚᱨᱱᱮᱥᱱᱟᱞ ᱱᱟᱣᱟ ᱨᱮᱠᱚᱰ ᱥᱟᱶ ᱓᱑ ᱥᱚᱱᱟ, ᱒᱓ ᱨᱩᱯᱟᱹ, ᱗ ᱵᱽᱨᱳᱸᱡᱽ ᱢᱮᱰᱟᱞ ᱮ ᱟᱢᱮᱴ ᱟᱠᱟᱣᱟᱱᱟ᱾ ᱟᱨ ᱘ ᱜᱚᱴᱟᱝ ᱱᱮᱥᱱᱟᱞ ᱱᱟᱣᱟ ᱨᱮᱠᱚᱰ ᱥᱟᱶ ᱛᱮ ᱕᱕ ᱥᱚᱱᱟ, ᱓᱕ ᱥᱤᱞᱵᱷᱚᱨ, ᱗ ᱵᱽᱨᱳᱸᱡᱽ ᱮ ᱡᱤᱛᱠᱟ.ᱨ ᱟᱠᱟᱱᱟ ᱾

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱧᱡᱚᱲᱤ ᱨᱚᱢᱟᱠᱟᱱᱛᱚ ᱵᱷᱮᱫᱽᱯᱟᱴᱷᱚᱠ ᱫᱚ ᱕ ᱰᱤᱥᱮᱢᱵᱚᱨ ᱑᱙᱖᱙ ᱨᱮ ᱡᱟᱱᱟᱢ ᱞᱮᱱᱟᱭ ᱾ [᱑] ᱱᱩᱭ ᱫᱚ ᱢᱚᱨᱟᱴᱷᱤ ᱫᱮᱥᱟᱥᱛᱷᱟ ᱚᱲᱟᱜ ᱨᱮ ᱢᱩᱢᱵᱟᱭ ᱨᱮᱭ ᱡᱟᱱᱟᱢ ᱞᱮᱱᱟ ᱾ [᱒] ᱚᱧᱡᱚᱲᱤ ᱫᱚ ᱞᱮᱠᱷᱟ ᱡᱚᱞᱷᱟ ᱠᱷᱮᱞᱚᱸᱰᱤᱭᱟ. ᱠᱟᱨᱞ ᱞᱩᱭᱤᱥ ᱧᱮᱞ ᱛᱮ ᱟ.ᱠᱤᱞ ᱞᱮᱱᱟᱭ ᱟᱨ ᱠᱷᱮᱞ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫ-ᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱱᱩᱭ ᱫᱚ ᱯᱩᱭᱞᱩ ᱥᱤᱴᱩᱝ ᱡᱤᱭᱚᱱ ᱱᱮᱥᱱᱟᱞ ᱠᱟᱰᱮᱴ ᱠᱚᱨᱯᱥ ᱨᱮᱭ ᱮᱛᱚᱦᱚᱵ ᱠᱮᱫ-ᱟ ᱾ ᱡᱩᱰᱳ ᱠᱚᱨᱟᱴᱮ ᱟᱨ ᱢᱟᱣᱩᱱᱴᱮᱱᱤᱨᱤᱝ (mountaineering) ᱠᱚ ᱧᱮᱞ ᱛᱮ ᱟ.ᱰᱤ ᱜᱮ ᱥᱮᱪᱮᱫ ᱥᱟᱱᱟ ᱠᱮᱫᱮᱭᱟ ᱾ ᱚᱱᱟ ᱛᱟᱭᱚᱢ ᱱᱩᱭ ᱫᱚ ᱠᱤᱨᱛᱤ ᱠᱚᱞᱮᱡᱽ, ᱢᱩᱢᱰᱟᱭ ᱨᱮ ᱧᱩᱛᱩᱢ ᱮ ᱚᱞ ᱠᱮᱫ-ᱟ ᱾ ᱪᱮᱫᱟᱜ ᱥᱮ ᱱᱩᱭ ᱫᱚ ᱱ. ᱠ. ᱠ. ᱨᱮ ᱥᱮᱞᱮᱫᱚᱜ ᱥᱟᱱᱟ ᱞᱮᱫᱮᱭᱟ ᱾ ᱚᱱᱟ ᱛᱟᱭᱚᱢ ᱱᱩᱭ ᱫᱚ ᱢ. ᱨ. ᱟ. (ᱢᱚᱦᱟᱨᱟᱥᱴᱨᱚ ᱨᱟᱭᱯᱷᱮᱞ ᱟᱥᱳᱥᱤᱭᱮᱥᱚᱱ) ᱨᱮ ᱠᱚ ᱥᱮᱞᱮᱫ ᱞᱮᱫᱮᱭᱟ ᱾ ᱒᱑ ᱩᱢᱮᱨ ᱨᱮ ᱱᱩᱭ ᱫᱚ ᱥᱩᱴᱤᱝ ᱡᱤᱭᱚᱱ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱮᱭᱟᱭ ᱢᱟᱦᱟᱸ ᱵᱟᱺᱫᱩᱠ ᱥᱟᱵ ᱛᱟᱭᱚᱢ ᱑᱙᱘᱘ ᱨᱮ ᱱᱮᱥᱱᱟᱞ ᱪᱟᱢᱯᱤᱭᱟᱱᱥᱤᱯ ᱨᱮ ᱫᱟᱣ ᱮ ᱦᱟᱛᱟᱣ ᱠᱮᱫ-ᱟ ᱟᱨ ᱨᱩᱯᱟ. ᱢᱮᱰᱟᱞ ᱢᱚᱦᱟᱨᱟᱥᱴᱨᱚ ᱞᱟ.ᱜᱤᱱ ᱮ ᱫᱟᱲᱮ ᱞᱮᱱᱟ ᱾

ᱠᱟ.ᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱧᱡᱚᱭ ᱪᱚᱠᱨᱚᱵᱚᱨᱛᱤ ᱫᱚ, ᱚᱧᱡᱚᱲᱤ ᱨᱤᱱ ᱯᱩᱭᱞᱩ ᱠᱳᱪ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱜᱮ ᱚᱧᱡᱚᱲᱤ ᱫᱚ ᱢᱚᱬᱮ ᱥᱮᱨᱢᱟ, ᱵᱷᱟ.ᱜᱤ ᱫᱷᱟᱨᱟᱭ ᱴᱨᱮᱸᱰ ᱞᱮᱫᱮᱭᱟ ᱢᱮᱱᱛᱮ ᱚᱧᱡᱚᱲᱤᱭ ᱞᱟ.ᱭ ᱛᱟᱦᱮᱸᱫ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱑᱙᱘᱘ ᱨᱮ ᱱᱮᱥᱱᱟᱞ ᱪᱟᱢᱯᱤᱭᱟᱱᱥᱤᱯ ᱦᱚᱛᱮᱛᱮ ᱯᱩᱭᱞᱩ ᱫᱷᱟᱣ ᱨᱮᱜᱮ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱩᱱ ᱠᱷᱚᱱ ᱜᱮ ᱱᱩᱭ ᱫᱚ ᱢᱚᱦᱟᱨᱟᱥᱴᱨᱚ ᱴᱤᱢ ᱠᱷᱚᱱ ᱮ ᱠᱷᱮᱞ ᱠᱟᱱᱟ ᱾ ᱟᱨ ᱱᱤᱛ ᱦᱟ.ᱵᱤᱡ ᱕᱕ ᱥᱚᱱᱟ, ᱓᱕ ᱨᱩᱯᱟᱹ, ᱑᱖ ᱵᱽᱨᱳᱸᱡᱽ ᱮ ᱡᱤᱛᱠᱟ.ᱨ ᱟᱠᱟᱱᱟ, ᱡᱟᱦᱟᱸ ᱫᱚ ᱵᱟᱵᱚᱱ ᱦᱤᱲᱤᱧ ᱫᱟᱲᱮᱭᱟᱜ-ᱟ ᱾

ᱚᱧᱡᱚᱲᱤ ᱫᱚ ᱑᱙᱙᱕ ᱨᱮ ᱯᱩᱭᱞᱩ ᱫᱷᱟᱣ ᱤᱱᱴᱚᱨᱱᱮᱥᱱᱟᱞ ᱨᱮ ᱥᱟᱣᱩᱛᱷ ᱮᱥᱤᱭᱟᱱ ᱜᱮᱢ (SAF games) ᱦᱚᱛᱮᱛᱮ ᱮᱛᱚᱦᱚᱵ ᱞᱮᱫ ᱟᱭ ᱾ ᱑᱙᱙᱙ ᱨᱮ ᱚᱠᱞᱟᱸᱰ ᱨᱮ ᱦᱩᱭ ᱞᱮᱱ ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱨᱮᱭ ᱠᱷᱮᱞ ᱞᱮᱫ ᱠᱷᱟ.ᱛᱤᱨ ᱯᱩᱭᱞᱩ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟ.ᱨ ᱞᱮᱱᱟ, ᱡᱟᱦᱟᱸᱨᱮ ᱱᱩᱭ ᱮᱭᱟᱨ ᱨᱟᱭᱯᱷᱚᱞ, 3P ᱮᱠᱟᱞ ᱟᱨ ᱴᱤᱢ ᱨᱮ ᱠᱷᱮᱞ ᱠᱟᱛᱮ ᱯᱮᱭᱟ ᱥᱚᱱᱟ ᱢᱮᱰᱟᱞ ᱟᱨ ᱢᱤᱫ ᱨᱩᱯᱟᱹ ᱢᱮᱰᱟᱞ ᱮ ᱟᱢᱮᱴ ᱞᱮᱫ-ᱟ ᱾ ᱱᱩᱭ ᱫᱚ ᱯᱩᱭᱞᱩ ᱛᱤᱨᱞᱟ. ᱡᱟᱦᱟᱸᱭ ᱤᱱᱰᱤᱭᱟ ᱞᱟ.ᱜᱤᱱ ᱣᱟᱨᱞᱰ ᱠᱚᱯ ᱨᱮ ᱯᱩᱭᱞᱩ ᱫᱷᱟᱣ ᱮ ᱡᱤᱛᱠᱟ.ᱨ ᱞᱮᱱᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱱᱩᱭ ᱫᱚ ᱜᱟᱞᱠᱤᱱᱟ ᱞᱤᱳᱵᱳᱵᱷ (ᱨᱩᱥᱤᱭᱟ) ᱨᱮ ᱟᱭᱰᱳᱞ ᱠᱚᱢᱯᱤᱴᱮᱴᱚᱨ ᱠᱚ ᱢᱚᱱᱮ ᱮᱭᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]

᱑᱙᱙᱙ ᱨᱮ ᱱᱩᱭ ᱫᱚ ᱞᱟᱡᱽᱞᱳ ᱥᱩᱠᱥᱟᱠ ᱴᱷᱮᱱ ᱮ ᱴᱨᱮᱱᱤᱝ ᱮᱱᱟ, ᱡᱟᱦᱟᱸᱭ ᱫᱚ ᱛᱟᱭᱚᱢ ᱵᱤᱫᱟ.ᱞ ᱤᱱᱰᱤᱭᱟᱱ ᱥᱩᱴᱤᱝ ᱴᱤᱢ ᱨᱮ ᱠᱳᱪ ᱮ ᱵᱮᱱᱟᱣ ᱞᱮᱱᱟ ᱾ ᱚᱧᱡᱚᱲᱤ ᱫᱚ ᱞᱟᱡᱽᱞᱳ ᱜᱮᱭ ᱵᱟᱪᱷᱟᱣ ᱞᱮᱫᱮᱭᱟ, ᱪᱮᱫᱟᱜ ᱥᱮ ᱱᱩᱭ ᱢᱟᱞᱟᱥᱤᱭᱟ ᱥᱩᱴᱤᱝ ᱥᱠᱣᱟᱰ ᱨᱮᱭ ᱧᱮᱞ ᱞᱮᱫᱮᱭᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱚᱱᱟ ᱛᱟᱭᱚᱢ ᱱᱩᱭ ᱫᱚ ᱒᱐᱐᱐ ᱥᱤᱰᱱᱤ ᱚᱞᱤᱢᱯᱤᱠ ᱞᱟ.ᱜᱤᱫ ᱣᱟᱭᱤᱞᱰ ᱠᱟᱰ ᱮ ᱧᱟᱢ ᱠᱮᱫ-ᱟ, ᱡᱟᱦᱟᱸᱨᱮ ᱚᱧᱡᱚᱲᱤ ᱯᱷᱟᱭᱱᱟᱞᱤᱥᱴ ᱮ ᱵᱮᱱᱟᱣ ᱞᱮᱱᱟ ᱾ ᱒᱐᱐᱑ ᱠᱷᱚᱱ ᱒᱐᱐᱔ ᱦᱟ.ᱵᱤᱡ ᱚᱧᱡᱚᱲᱤ ᱫᱚ ᱮᱠᱞᱟ ᱜᱮᱭ ᱴᱨᱮᱱᱤᱝ ᱞᱮᱱᱟ ᱟᱨ ᱒᱐᱐᱒ ᱨᱮ ᱡᱮᱜᱮᱛ ᱨᱮ ᱢᱟᱬᱟᱝ ᱴᱷᱟᱶ ᱮ ᱟᱢᱮᱴ ᱞᱮᱫ-ᱟ ᱾

᱒᱐᱐᱖ ᱨᱮ ᱞᱟᱡᱽᱞᱳ, ᱱᱮᱥᱱᱟᱞ ᱥᱩᱴᱤᱝ ᱥᱠᱚᱣᱟᱰ ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱚᱧᱡᱚᱲᱤ ᱫᱚ ᱟᱡ ᱥᱟᱶ ᱒᱐᱐᱘ ᱦᱟ.ᱵᱤᱡ ᱮ ᱴᱨᱮᱱᱤᱝ ᱞᱮᱱᱟ ᱾ ᱒᱐᱐᱘ ᱨᱮ ᱥᱴᱟᱱᱤᱥᱞᱟᱵᱷ ᱞᱟᱯᱤᱰᱚᱥ ᱾ ᱤᱱᱰᱤᱭᱟᱱ ᱱᱮᱥᱱᱟᱞ ᱟᱨᱢᱤ ᱠᱚᱣᱟᱜ ᱠᱩᱨᱩᱢᱩᱴᱩ ᱛᱮ ᱱᱮᱥᱱᱟᱞ ᱥᱠᱚᱣᱟᱰ ᱞᱟ.ᱜᱤᱱ ᱠᱳᱪ ᱮ ᱵᱮᱱᱟᱣ ᱮᱱᱟ ᱾ ᱚᱧᱡᱚᱲᱤ ᱫᱚ ᱱᱤᱛ ᱦᱟ.ᱵᱤᱡ ᱛᱮ ᱯᱩᱭᱞᱩ ᱤᱱᱰᱤᱭᱟᱱ ᱛᱤᱨᱞᱟ. ᱦᱚᱯᱚᱱ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱐᱐᱒ ᱨᱮ ᱪᱟᱢᱯᱤᱭᱟᱱ ᱳᱯᱷ ᱪᱟᱢᱯᱤᱭᱟᱱ ᱮ ᱟᱢᱮᱴ ᱟᱠᱟᱫ-ᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱠᱷᱮᱞ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱢᱯᱤᱭᱟᱱᱥᱤᱯ ᱴᱷᱟᱶ ᱤᱵᱷᱮᱸᱴ ᱥᱠᱳᱨ/ᱨᱮᱸᱠ ᱢᱮᱰᱟᱞ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱗ ᱦᱚᱝᱜᱽᱨᱤ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱖ ᱵᱽᱨᱳᱸᱡᱽ
ᱣᱟᱞᱰ ᱠᱚᱯ ᱒᱐᱐᱖ ᱵᱨᱟᱡᱤᱞ Sports 3P (ᱮᱠᱞᱟ) ᱕᱘᱒ / IV ᱠᱩᱴᱟ ᱯᱞᱮᱥ
ᱠᱚᱢᱚᱱ ᱣᱮᱞᱛᱷ ᱜᱮᱢ ᱒᱐᱐᱖ ᱢᱮᱞᱵᱚᱨᱱ Sports 3P (ᱴᱤᱢ) ᱓᱗᱓ ᱨᱩᱯᱟᱹ
ᱠᱚᱢᱚᱱ ᱣᱮᱞᱛᱷ ᱜᱮᱢ ᱒᱐᱐᱕ ᱢᱮᱞᱵᱚᱨᱱ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱘
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱒᱐᱐᱕ ᱢᱮᱞᱵᱚᱨᱱ ᱴᱤᱢ ᱓᱙᱕ ᱨᱩᱯᱟᱹ
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱒᱐᱐᱕ ᱢᱮᱞᱵᱚᱨᱱ Sports 3P ᱴᱤᱢ ᱕᱗᱓ ᱥᱚᱱᱟ
ᱚᱞᱤᱢᱯᱤᱠ ᱒᱐᱐᱔ ᱟᱛᱷᱮᱱᱥ Sports 3P ( ᱮᱠᱞᱟ ) ᱕᱗᱕/ XIII
ᱣᱟᱞᱰ ᱠᱚᱯ ᱒᱐᱐᱔ ᱥᱤᱰᱱᱤ Sports 3P ( ᱮᱠᱞᱟ ) ᱕᱘᱓ ᱵᱽᱨᱳᱸᱡᱽ
ᱟᱯᱷᱨᱳ-ᱮᱥᱤᱭᱟᱱ ᱜᱮᱢ ᱒᱐᱐᱓ ᱤᱱᱰᱤᱭᱟ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱖ ᱨᱩᱯᱟᱹ
ᱟᱯᱷᱨᱳ-ᱮᱥᱤᱭᱟᱱ ᱜᱮᱢ ᱒᱐᱐᱔ ᱤᱱᱰᱤᱭᱟ Sports 3P ᱕᱗᱗ Gold
ᱣᱟᱞᱰ ᱠᱚᱯ ᱯᱷᱟᱭᱱᱟᱞ ᱒᱐᱐᱓ ᱢᱤᱞᱚᱱ ᱮᱭᱟᱨ ᱨᱟᱭᱯᱷᱚᱞ ᱓᱙᱙ ᱥᱚᱱᱟ*
ᱣᱟᱞᱰ ᱠᱚᱯ ᱯᱷᱟᱭᱱᱟᱞ ᱒᱐᱐᱓ ᱟᱴᱞᱟᱱᱴᱟ ᱮᱭᱟᱨ ᱨᱟᱭᱯᱷᱚᱞ ᱓᱙᱙ ᱥᱚᱱᱟ*
ᱮᱥᱤᱭᱟᱱ ᱜᱮᱢ ᱒᱐᱐᱒ ᱠᱳᱨᱤᱭᱟ ᱮᱭᱟᱨ ᱨᱟᱭᱯᱷᱚᱞ (ᱴᱤᱢ) ᱓᱙᱖ ᱨᱩᱯᱟᱹ
ᱣᱟᱞᱰ ᱠᱚᱯ ᱯᱷᱟᱭᱱᱟᱞ ᱒᱐᱐᱒ ᱢᱩᱱᱤᱪ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱙ ᱨᱩᱯᱟᱹ
ᱠᱚᱢᱚᱱ ᱣᱮᱞᱛᱷ ᱜᱮᱢ ᱒᱐᱐᱒ ᱤᱸᱜᱽᱞᱚᱸᱰ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱘ ᱥᱚᱱᱟ (ᱱᱟᱣᱟ ᱨᱮᱠᱚᱰ)
ᱠᱚᱢᱚᱱ ᱣᱮᱞᱛᱷ ᱜᱮᱢ ᱒᱐᱐᱒ ᱤᱸᱜᱽᱞᱚᱸᱰ ᱮᱭᱟᱨ ᱨᱟᱭᱯᱷᱚᱞ (ᱴᱤᱢ) ᱓᱙᱘ ᱥᱚᱱᱟ (ᱱᱟᱣᱟ ᱨᱮᱠᱚᱰ)
ᱠᱚᱢᱚᱱ ᱣᱮᱞᱛᱷ ᱜᱮᱢ ᱒᱐᱐᱒ ᱤᱸᱜᱽᱞᱚᱸᱰ Sports 3P ( ᱮᱠᱞᱟ ) ᱕᱗᱘ ᱥᱚᱱᱟ (ᱱᱟᱣᱟ ᱨᱮᱠᱚᱰ)
ᱠᱚᱢᱚᱱ ᱣᱮᱞᱛᱷ ᱜᱮᱢ ᱒᱐᱐᱒ ᱤᱸᱜᱽᱞᱚᱸᱰ Sports 3P ᱕᱗᱔ ᱥᱚᱱᱟ (ᱱᱟᱣᱟ ᱨᱮᱠᱚᱰ)
ᱣᱟᱞᱰ ᱠᱚᱯ ᱒᱐᱐᱒ ᱟᱴᱞᱟᱱᱴᱟ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱙ ᱨᱩᱯᱟᱹ (Quota Place )
ᱣᱟᱞᱰ ᱠᱚᱯ ᱒᱐᱐᱒ ᱥᱤᱰᱱᱤ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱗ ᱨᱩᱯᱟᱹ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱢᱩᱱᱤᱪ ᱮᱭᱟᱨ ᱨᱟᱭᱯᱷᱚᱞ (1st Day) ᱓᱙᱘ ᱥᱚᱱᱟ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱰᱮᱱᱢᱟᱨᱠ ᱮᱭᱟᱨ ᱨᱟᱭᱯᱷᱚᱞ (2nd Day) ᱓᱙᱘ ᱨᱩᱯᱟᱹ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱰᱮᱱᱢᱟᱨᱠ ᱮᱭᱟᱨ ᱨᱟᱭᱯᱷᱚᱞ (1st Day) ᱓᱙᱘ ᱨᱩᱯᱟᱹ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱰᱮᱱᱢᱟᱨᱠ ᱴᱤᱢ ᱓᱙᱖ ᱨᱩᱯᱟᱹ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱰᱮᱱᱢᱟᱨᱠ ᱴᱤᱢ ᱓᱙᱗ ᱥᱚᱱᱟ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱰᱮᱱᱢᱟᱨᱠ ᱮᱭᱟᱨ ᱨᱟᱭᱯᱷᱚᱞ (2nd Day) ᱓᱙᱙ ᱵᱽᱨᱳᱸᱡᱽ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱰᱮᱱᱢᱟᱨᱠ ᱴᱤᱢ ᱨᱩᱯᱟᱹ
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱰᱮᱱᱢᱟᱨᱠ ᱮᱭᱟᱨ ᱨᱟᱭᱯᱷᱚᱞ (3rd Day) ᱥᱚᱱᱟ (Equaled World Record)
ᱭᱩᱨᱳᱯ ᱥᱟᱨᱠᱤᱴ ᱒᱐᱐᱒ ᱰᱮᱱᱢᱟᱨᱠ ᱴᱤᱢ ᱨᱩᱯᱟᱹ
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱒᱐᱐᱑ ᱤᱸᱜᱽᱞᱚᱸᱰ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱖ ᱥᱚᱱᱟ (Record)
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱒᱐᱐᱑ ᱤᱸᱜᱽᱞᱚᱸᱰ ᱴᱤᱢ ᱕᱘᱒ ᱥᱚᱱᱟ
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱒᱐᱐᱑ ᱤᱸᱜᱽᱞᱚᱸᱰ Sports 3P ( ᱮᱠᱞᱟ ) ᱥᱚᱱᱟ
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱒᱐᱐᱑ ᱤᱸᱜᱽᱞᱚᱸᱰ ᱴᱤᱢ (ᱱᱟᱣᱟ ᱨᱮᱠᱟᱰ)
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱒᱐᱐᱑ ᱤᱸᱜᱽᱞᱚᱸᱰ ᱨᱩᱯᱟᱹ
ᱚᱞᱤᱢᱯᱤᱠ ᱒᱐᱐᱐ ᱥᱤᱰᱱᱤ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱔ / VII ᱯᱷᱟᱭᱱᱟᱞᱤᱥᱴ
ᱜᱨᱟᱱᱰ ᱯᱨᱤᱠᱥ ᱒᱐᱐᱐ Czech ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱖ ᱨᱩᱯᱟᱹ
ᱮᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱒᱐᱐0 ᱢᱟᱞᱟᱥᱤᱭᱟ Sport Prone ( ᱮᱠᱞᱟ ) ᱕᱘᱘ ᱨᱩᱯᱟᱹ
ᱮᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱒᱐᱐᱐ ᱢᱟᱞᱟᱥᱤᱭᱟ ᱴᱤᱢ ᱥᱚᱱᱟ
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱑᱙᱙᱙ ᱚᱠᱞᱟᱸᱰ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱘ ᱥᱚᱱᱟ
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱑᱙᱙᱙ ᱚᱠᱞᱟᱸᱰ ᱴᱤᱢ ᱕᱗᱑ (ᱱᱟᱣᱟ ᱨᱮᱠᱚᱰ)
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱑᱙᱙᱙ ᱚᱠᱞᱟᱸᱰ Sports 3P ( ᱮᱠᱞᱟ ) ᱥᱚᱱᱟ
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱑᱙᱙᱙ ᱚᱠᱞᱟᱸᱰ ᱴᱤᱢ (ᱱᱟᱣᱟ ᱨᱮᱠᱚᱰ)
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱑᱙᱙᱙ ᱚᱠᱞᱟᱸᱰ ᱥᱚᱱᱟ
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱑᱙᱙᱙ ᱚᱠᱞᱟᱸᱰ (ᱱᱟᱣᱟ ᱨᱮᱠᱚᱰ)
ᱠᱚᱢᱚᱱ ᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱑᱙᱙᱙ ᱚᱠᱞᱟᱸᱰ ᱨᱩᱯᱟᱹ
ᱳᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱑᱙᱙᱙ ᱥᱤᱰᱱᱤ ᱮᱭᱟᱨ ᱨᱟᱭᱯᱷᱚᱞ ᱓᱙᱕ ᱥᱚᱱᱟ
SAF ᱜᱮᱢ ᱑᱙᱙᱙ ᱱᱮᱯᱟᱲ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱓᱙᱖ ᱥᱚᱱᱟ (ᱱᱟᱣᱟ ᱨᱮᱠᱚᱰ)
SAF ᱜᱮᱢ ᱑᱙᱙᱙ ᱱᱮᱯᱟᱲ ᱴᱤᱢ ᱕᱖᱘ ᱥᱚᱱᱟ (ᱱᱟᱣᱟ ᱨᱮᱠᱚᱰ)
SAF ᱜᱮᱢ ᱑᱙᱙᱙ ᱱᱮᱯᱟᱲ Sports 3P ( ᱮᱠᱞᱟ ) ᱕᱗᱔ ᱥᱚᱱᱟ (ᱱᱟᱣᱟ ᱨᱮᱠᱚᱰ)
SAF ᱜᱮᱢ ᱑᱙᱙᱙ ᱱᱮᱯᱟᱲ ᱴᱤᱢ ᱥᱚᱱᱟ (ᱱᱟᱣᱟ ᱨᱮᱠᱚᱰ)
SAF ᱜᱮᱢ ᱑᱙᱙᱙ ᱱᱮᱯᱟᱲ Sport Prone ( ᱮᱠᱞᱟ ) ᱨᱩᱯᱟᱹ
SAF ᱜᱮᱢ ᱑᱙᱙᱙ ᱱᱮᱯᱟᱲ ᱴᱤᱢ ᱵᱽᱨᱳᱸᱡᱽ
SAF ᱪᱟᱢᱯᱤᱭᱟᱱᱥᱤᱯ ᱑᱙᱙᱗ ᱱᱟᱣᱟ ᱫᱤᱞᱞᱤ ᱮᱭᱟᱨ ᱨᱟᱭᱯᱷᱚᱞ (ᱮᱠᱞᱟ) ᱥᱚᱱᱟ
SAF ᱪᱟᱢᱯᱤᱭᱟᱱᱥᱤᱯ ᱑᱙᱙᱗ ᱱᱟᱣᱟ ᱫᱤᱞᱞᱤ ᱴᱤᱢ ᱥᱚᱱᱟ
SAF ᱪᱟᱢᱯᱤᱭᱟᱱᱥᱤᱯ ᱑᱙᱙᱗ ᱱᱟᱣᱟ ᱫᱤᱞᱞᱤ ᱥᱯᱤᱴ ᱯᱨᱳᱱ (ᱴᱤᱢ) ᱨᱩᱯᱟᱹ
SAF ᱪᱟᱢᱯᱤᱭᱟᱱᱥᱤᱯ ᱑᱙᱙᱗ ᱱᱟᱣᱟ ᱫᱤᱞᱞᱤ ᱥᱚᱱᱟ
SAF ᱜᱮᱢ ᱑᱙᱙᱕ ᱢᱟᱫᱽᱨᱟᱥ ᱮᱭᱟᱨ ᱨᱟᱭᱯᱷᱚᱞ (ᱴᱤᱢ) ᱵᱽᱨᱳᱸᱡᱽ
SAF ᱜᱮᱢ ᱑᱙᱙᱕ ᱢᱟᱫᱽᱨᱟᱥ Sports 3P ( ᱮᱠᱞᱟ ) ᱨᱩᱯᱟᱹ
SAF ᱜᱮᱢ ᱑᱙᱙᱕ ᱢᱟᱫᱽᱨᱟᱥ ᱴᱤᱢ ᱥᱚᱱᱟ

ᱜᱚᱲᱚ ᱥᱚᱯᱚᱦᱚᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱧᱡᱚᱲᱤ ᱫᱚ ᱟᱡᱟᱜ ᱮᱭᱟᱨ ᱨᱟᱭᱯᱷᱚᱞ ᱞᱟ.ᱜᱤᱱ ᱡᱚᱨᱢᱟᱱᱤ ᱨᱮ ᱵᱮᱱᱟᱣᱜ ᱠᱟᱱ ᱯᱷᱮᱭᱤᱱᱣᱮᱠᱵᱟᱣᱩ (Feinwerkbau) ᱨᱟᱭᱯᱷᱚᱞ-ᱮ ᱵᱮᱵᱷᱟᱨ ᱛᱟᱦᱮᱸᱫ ᱾ ᱑᱐ ᱢᱤᱴᱚᱨ ᱞᱟ.ᱜᱤᱱ ᱯᱷᱮᱭᱤᱱᱣᱮᱠᱵᱟᱣᱩ (Feinwerkbau) ᱱᱚᱣᱟᱭ ᱵᱮᱵᱷᱟᱨᱟ ᱟᱨ ᱕᱐ ᱢᱤᱴᱚᱨ ᱞᱟ.ᱜᱤᱱ ᱫᱚ .᱒᱒ ᱣᱮᱞᱛᱷᱚᱨ (Walther) ᱮ ᱵᱮᱵᱷᱟᱨ ᱛᱟᱦᱮᱸᱫ ᱾

ᱚᱧᱡᱚᱲᱤ ᱫᱚ ᱯᱩᱭᱞᱩ ᱵᱚᱞᱤᱭᱳᱰ ᱟᱠᱴᱚᱨ ᱟᱨ ᱥᱩᱴᱚᱨ ᱱᱟᱱᱟ ᱯᱟᱴᱠᱚᱨ ᱴᱷᱮᱱ ᱠᱷᱚᱱ ᱑᱙᱙᱓ ᱨᱮ ᱯᱩᱭᱞᱩ ᱠᱤᱴ (kit) ᱮ ᱧᱟᱢ ᱞᱮᱫ-ᱟ ᱾ ᱚᱱᱟ ᱛᱟᱭᱚᱢ ᱒᱐᱐᱐ ᱨᱮ ᱦᱤᱱᱫᱩᱡᱟ ᱯᱷᱟᱸᱣᱩᱱᱰᱮᱥᱚᱱ ᱠᱷᱚᱱ ᱜᱚᱲᱚ ᱥᱚᱯᱚᱦᱚᱫ ᱮ ᱧᱟᱢ ᱞᱮᱫ-ᱟ ᱾ ᱒᱐᱐᱘ ᱨᱮ ᱢᱤᱛᱟᱞ ᱪᱟᱢᱯᱤᱭᱟᱱ ᱴᱨᱚᱥᱴ ᱠᱷᱚᱱ ᱟᱨ ᱒᱐᱐᱔ ᱨᱮ ᱦᱩᱱᱰᱟᱭᱤ ᱠᱚᱨᱯᱳᱨᱮᱥᱚᱱ ᱠᱷᱚᱱ ᱜᱚᱲᱚ ᱦᱚᱸᱭ ᱧᱟᱢ ᱞᱮᱫ-ᱟ ᱾

ᱥᱤᱨᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱡᱤᱵᱽ ᱜᱟᱱᱫᱷᱤ ᱠᱷᱮᱞ ᱨᱚᱛᱱᱚ (᱒᱐᱐᱓)[᱓]
ᱚᱨᱡᱩᱱᱟ ᱟᱣᱟᱰ (᱑᱐᱐᱐)[᱔]

  • ᱑᱙᱙᱒ : ᱥᱨᱤ ᱥᱤᱵᱽ ᱪᱷᱚᱛᱨᱚᱯᱚᱛᱤ ᱟᱣᱟᱰ
  • ᱑᱙᱙᱓ : ᱢᱚᱦᱟᱨᱟᱥᱴᱨᱚ ᱜᱚᱣᱩᱨᱚᱵᱽ ᱯᱩᱨᱚᱥᱠᱟᱨ
  • ᱑᱙᱙᱓ : ᱵᱚᱥᱚᱱᱛᱨᱚᱵᱽ ᱱᱟᱭᱮᱠ ᱯᱩᱨᱚᱥᱠᱟᱨ
  • ᱒᱐᱐᱒ : ᱤᱱᱫᱳ-ᱟᱢᱮᱨᱤᱠᱟᱱ ᱥᱳᱥᱟᱭᱤᱴᱤ ᱭᱚᱝ ᱟᱪᱤᱵᱷᱚᱨ ᱟᱣᱟᱰ[᱑]
  • ᱒᱐᱐᱓ : ᱴᱟᱭᱤᱢᱥ ᱜᱽᱨᱩᱯ ᱢᱚᱦᱟᱨᱟᱥᱴᱨᱚ ᱥᱟᱱ
  • ᱒᱐᱐᱓ : ᱦᱤᱨᱳ ᱤᱱᱰᱤᱭᱟᱱ ᱥᱯᱳᱨᱴᱥ ᱟᱣᱟᱰ-ᱵᱮᱟᱴ ᱥᱯᱳᱨᱴᱥ ᱛᱤᱨᱞᱟ.
  • ᱒᱐᱐᱓ : ᱦᱤᱥᱟ ᱥᱯᱳᱨᱴᱥ ᱳᱢᱮᱱ ᱳᱯᱷ ᱫᱤ ᱭᱚᱨ
  • ᱒᱐᱐᱓ : ᱦᱤᱥᱟ ᱥᱩᱴᱚᱨ ᱳᱢᱮᱱ ᱳᱯᱷ ᱫᱤ ᱭᱚᱨ
  • ᱒᱐᱐᱔ : ᱦᱤᱥᱟ ᱥᱩᱴᱚᱨ ᱳᱢᱮᱱ ᱳᱯᱷ ᱫᱤ ᱭᱚᱨ
  • ᱒᱐᱐᱕ : GR8 ᱳᱢᱮᱱ ᱟᱪᱤᱵᱷᱚᱨ ᱟᱣᱟᱰ
  • ᱒᱐᱐᱕ : ᱴᱤᱪᱚᱨᱥ ᱟᱪᱤᱵᱷᱢᱮᱸᱴ ᱟᱣᱟᱰ
  • ᱒᱐᱐᱖ : F I E ᱯᱷᱟᱣᱩᱱᱰᱮᱥᱚᱱ ᱱᱮᱥᱱᱟᱞ ᱟᱣᱟᱰ

ᱱᱤᱡᱮᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:BLP unsourced section ᱚᱧᱡᱚᱲᱤ ᱭᱤᱡ ᱢᱤᱫ ᱦᱩᱰᱤᱧ ᱵᱚᱭᱦᱟ ᱟᱨ ᱢᱟᱨᱟᱝ ᱫᱟ.ᱭ ᱦᱚᱸ ᱢᱮᱱᱟᱜ ᱠᱤᱱᱟ ᱾ ᱟᱡ ᱫᱟ.ᱭ ᱫᱚ ᱴᱮᱱᱤᱥ ᱟᱨ ᱠᱨᱤᱠᱮᱴ ᱟ.ᱰᱤ ᱜᱮᱭ ᱠᱩᱥᱤᱭᱟᱜ-ᱟ ᱾ ᱱᱩᱠᱩ ᱫᱚ ᱫᱤᱱ ᱜᱮ ᱭᱳᱜᱟ ᱟᱨ ᱢᱮᱰᱤᱴᱮᱥᱚᱱ ᱦᱚᱸᱠᱚ ᱠᱚᱨᱟᱣ ᱜᱮᱭᱟ ᱾ ᱟᱡ ᱟᱭᱳ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ (ᱚ. ᱤ. ᱨ.) ᱨᱮᱭ ᱥᱮᱨᱮᱧ ᱛᱟᱦᱮᱸᱫ ᱾

᱒᱐᱐᱐ ᱨᱮ ᱚᱧᱡᱚᱲᱤ ᱫᱚ ᱢᱩᱢᱵᱟᱭ ᱨᱤᱱᱤᱡ ᱢᱤᱫ ᱵᱮᱯᱟᱨᱤ ᱠᱚᱲᱟ ᱢᱚᱱᱫᱟᱨ ᱵᱷᱚᱜᱽᱣᱚᱛ ᱴᱷᱮᱱ ᱮ ᱡᱟᱶᱟᱭ ᱟᱠᱟᱱᱟ ᱾ ᱒᱐᱑᱐ ᱨᱮ ᱱᱩᱠᱤᱱᱤᱡ ᱫᱤ ᱢᱤᱫ ᱦᱚᱯᱚᱱ ᱮᱨᱟᱭ ᱡᱟᱱᱟᱢ ᱟᱠᱟᱱᱟ ᱟᱨ ᱩᱱᱤ ᱫᱚ ᱟᱨᱟᱫᱷᱭᱟ ᱠᱚ ᱧᱩᱢ ᱟᱠᱟ ᱫᱮᱭᱟ ᱾ ᱥᱯᱳᱴᱤᱝ ᱥᱩᱵᱽᱫᱜᱟ. ᱡᱟ.ᱥᱛᱤ ᱧᱟᱢᱚᱜ ᱠᱷᱟ.ᱛᱤᱨ ᱱᱩᱠᱩ ᱫᱚ ᱒᱐᱐᱖ ᱨᱮ ᱢᱩᱢᱵᱟᱭ ᱠᱷᱚᱱ ᱯᱩᱱᱮ ᱠᱚ ᱥᱮᱱ ᱟᱠᱟᱱᱟ ᱾ ᱚᱧᱡᱚᱲᱤ ᱫᱚ ᱱᱤᱛᱚᱜ ᱯᱩᱱᱮ ᱨᱮ ᱛᱩᱨᱩᱭ ᱜᱚᱴᱟᱝ ᱥᱩᱴᱚᱨ ᱮ ᱴᱨᱮᱱᱤᱝ ᱮᱫ ᱠᱚᱣᱟ ᱾

ᱡᱤᱭᱚᱱ ᱠᱟ.ᱢᱤᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱧᱡᱚᱲᱤ ᱫᱚ ᱥᱟᱦᱟᱨᱟ ᱟᱨ ᱨᱤᱞᱤᱭᱟᱱᱥ ᱠᱚᱢᱯᱟᱱᱤ ᱠᱚ ᱥᱟᱶ ᱠᱷᱮᱞ ᱠᱚᱭ ᱪᱷᱟᱨᱟᱣ ᱟᱠᱟᱫ-ᱟ ᱾ᱚᱧᱡᱚᱲᱤ ᱫᱚ ᱵᱚᱨᱱᱵᱷᱤᱴᱟ ᱠᱩᱭᱤᱡᱽ ᱠᱚᱱᱴᱮᱥᱴ ᱨᱮ ᱢᱟᱨᱟᱝ ᱯᱮᱲᱟᱭ ᱛᱟᱦᱮᱸ ᱠᱟᱱᱟ ᱾ ᱠᱚᱢᱚᱱ ᱣᱮᱞᱛᱷ ᱜᱮᱢ ᱒᱐᱐᱖ ᱟᱨ ᱒᱐᱑᱐ ᱚᱠᱛᱚ ᱨᱮ ᱚᱧᱡᱚᱲᱤ ᱫᱚ CNN-IBN ᱥᱟᱶ ᱦᱚᱸ ᱥᱚᱦᱚᱫ ᱞᱮᱠᱟᱭ ᱛᱟᱦᱮᱸ ᱞᱮᱱᱟ ᱾ ᱱᱩᱭ ᱦᱤᱨᱳ ᱦᱩᱱᱰᱟ ᱥᱯᱳᱨᱴᱥ ᱟᱣᱟᱰ ᱒᱐᱐᱙ ᱨᱮ ᱧᱟᱢ ᱚᱠᱛᱚ ᱥᱮᱫᱟᱭ ᱤᱱᱰᱤᱭᱟᱱ ᱴᱤᱢ ᱠᱨᱤᱠᱮᱴᱚᱨ ᱵᱤᱱᱳᱫᱽ ᱠᱟᱢᱵᱽᱞᱮ ᱟᱨ ᱚᱡᱚᱭ ᱡᱟᱰᱮᱡᱟ ᱥᱟᱶ ᱦᱚᱸᱭ ᱮᱱᱮᱡ ᱥᱮᱨᱮᱧ ᱞᱮᱫ-ᱟ ᱾ ᱟᱭᱢᱟ ᱞᱮᱠᱟᱱ ᱚᱱᱚᱞᱤᱭᱟ. ᱠᱚ ᱚᱧᱡᱚᱲᱤ ᱵᱷᱚᱜᱽᱣᱚᱛ ᱫᱚ ᱠᱚ ᱚᱞ ᱦᱟ.ᱴᱤᱧ ᱟᱠᱟᱫᱮᱭᱟ ᱾ ᱚᱱᱚᱞᱤᱭᱟ. ᱥᱳᱵᱷᱟ ᱫᱮ ᱫᱚ ᱢᱤᱫ ᱜᱟᱞᱢᱟᱨᱟᱣ ᱨᱮ ᱟᱡᱟᱜ ᱯᱮᱱ ᱚᱧᱡᱚᱲᱤᱭ ᱮᱢ ᱟᱠᱟᱣᱫᱮᱭᱟ ᱾ ᱚᱧᱡᱚᱲᱤ ᱵᱷᱚᱜᱚᱛ ᱫᱚ ᱟᱭᱢᱟ ᱞᱮᱠᱟᱱ ᱥᱤᱨᱯᱟ. ᱠᱚᱭ ᱟᱢᱮᱴ ᱟᱠᱟᱣᱱᱟ ᱾ ᱱᱩᱭᱟᱜ ᱡᱤᱭᱚᱱ ᱛᱮ ᱢᱤᱫ ᱢᱚᱨᱟᱴᱷᱤ ᱯᱷᱤᱞᱤᱢ Bokya Satbande ᱠᱚ ᱵᱮᱱᱟᱣ ᱟᱠᱟᱫ-ᱟ ᱾ ᱯᱷᱮᱥᱚᱱ ᱥᱳ ᱨᱟᱸᱯ ᱨᱮ ᱯᱷᱮᱥᱚᱱ ᱰᱤᱡᱟᱭᱱᱚᱨ ᱵᱤᱠᱨᱚᱢ ᱯᱷᱟᱰᱱᱤᱥ ᱥᱟᱶ ᱵᱟᱨ ᱡᱮᱠᱷᱟᱭ ᱛᱟᱲᱟᱢ ᱟᱠᱟᱫ-ᱟ ᱾ ᱠᱟᱬᱟ ᱜᱤᱫᱽᱨᱟᱹ ᱠᱚᱭ ᱯᱟᱲᱦᱟᱣ ᱠᱚᱣᱟ ᱟᱨ ᱵᱷᱮᱜᱟᱨ ᱵᱷᱮᱜᱟᱨ ᱯᱮᱯᱚᱨ ᱠᱚᱨᱮ ᱦᱚᱸ ᱚᱱᱤᱞ ᱠᱚᱭ ᱥᱮᱞᱮᱫ ᱜᱮᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱪᱷᱟᱸᱪ:Cite Sports-Reference
  2. Chitra Garg. Indian Champions: Profiles of Famous Indian Sportspersons. Rajpal & Sons2010. p. 267. 
  3. "Anjali, Beenamol to share Khel Ratna". expressindia.com. Press Trust of India. 23 ᱚᱜᱚᱥᱴ 2003. Retrieved 6 ᱚᱜᱚᱥᱴ 2014. 
  4. "Anjali Bhagwat". National Rifle Association of India. Archived from the original on 14 ᱯᱷᱮᱵᱽᱨᱩᱣᱟᱨᱤ 2014. Retrieved 6 ᱚᱜᱚᱥᱴ 2014.  Unknown parameter |url-status= ignored (help)

ᱵᱟ.ᱲᱛᱤ ᱥᱟ.ᱜᱟ.ᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:Rajiv Gandhi Khel Ratna Awardees