ᱞᱚᱠᱷᱤᱥᱚᱨᱟᱭ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱞᱚᱠᱷᱤ ᱥᱚᱨᱟᱭ ᱦᱚᱱᱚᱛ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
Jump to navigation Jump to search

ᱞᱚᱠᱷᱤᱥᱚᱨᱟᱭ ᱦᱚᱱᱚᱛ ᱫᱚ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱯᱮᱼᱜᱮ ᱤᱨᱟᱹᱞ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱟᱨ ᱞᱚᱠᱷᱤ ᱥᱚᱨᱟᱭ ᱱᱟᱝᱜᱽᱨᱟᱦᱟ ᱜᱮ ᱦᱚᱱᱚᱛ ᱨᱮᱱᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱶ ᱠᱟᱱᱟ ᱾ ᱞᱚᱠᱷᱤ ᱥᱚᱨᱟᱭ ᱦᱚᱱᱚᱛ ᱫᱚ ᱢᱩᱝᱜᱮᱨ ᱰᱤᱵᱤᱡᱚᱱ ᱨᱮᱭᱟᱜ ᱢᱤᱫᱴᱟᱹᱝ ᱦᱟᱹᱴᱤᱧ ᱠᱟᱱᱟ ᱾ ᱜᱚᱴᱟ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱑,᱒᱒᱘ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱞᱮᱠᱷᱟ ᱜᱩᱴ : ᱑,᱐᱐᱐,᱗᱑᱗ ᱡᱚᱱᱟ, ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱙᱓ ᱥᱮᱨᱢᱟ ᱨᱮᱱᱟᱜ ᱓ ᱡᱩᱞᱟᱭ ᱢᱟᱹᱦᱤᱛ ᱦᱤᱞᱚᱜ ᱱᱚᱶᱟ ᱦᱚᱱᱚᱛ ᱫᱚ ᱢᱩᱝᱜᱮᱨ ᱦᱚᱱᱚᱛ ᱠᱷᱚᱱ ᱜᱮᱫ ᱵᱮᱜᱟᱨ ᱞᱮᱱᱟ, ᱱᱚᱶᱟ ᱫᱚ ᱢᱟᱲᱟᱝ ᱵᱤᱱ ᱠᱮᱪᱮᱫ ᱢᱩᱝᱜᱮᱨ ᱦᱚᱱᱚᱛ ᱨᱮᱭᱟᱜ ᱢᱤᱫᱴᱟᱹᱝ ᱢᱚᱦᱩᱠᱢᱟ ᱛᱟᱦᱮᱸ ᱠᱟᱱᱟ ᱾

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱠᱷᱤᱥᱚᱨᱟᱭ ᱦᱚᱱᱚᱛ ᱨᱮ ᱟᱹᱰᱤ ᱟᱭᱢᱟ ᱱᱟᱢᱵᱟᱠ ᱠᱟᱨᱠᱷᱟᱱᱟ ᱠᱚ ᱢᱮᱱᱟᱜ ᱟᱠᱟᱫᱼᱟ ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ- ᱵᱤᱦᱟᱨ ᱢᱤᱱᱟᱨᱟᱞ ᱤᱱᱰᱟᱥᱴᱨᱤᱥ ᱾ ᱞᱚᱠᱷᱤ ᱥᱚᱨᱟᱭ ᱨᱮᱭᱟᱜ ᱠᱤᱪᱨᱤᱡ ᱠᱚ ᱦᱚᱸ ᱟᱹᱰᱤ ᱱᱟᱢᱰᱟᱠ ᱜᱮᱭᱟ ᱥᱟᱶᱛᱮ ᱢᱟᱨᱮ ᱟᱨ ᱱᱟᱶᱟ ᱫᱚᱠᱟᱱ ᱠᱚ ᱦᱚᱸ ᱢᱮᱱᱟᱜᱼᱟ ᱾ ᱚᱱᱰᱮ ᱟᱭᱢᱟ ᱞᱮᱠᱟᱱ ᱥᱤᱱᱫᱩᱨ ᱨᱮᱭᱟᱜ ᱠᱟᱨᱠᱷᱟᱱᱟ ᱢᱮᱱᱟᱜ ᱟᱠᱟᱫᱼᱟ, ᱚᱠᱟ ᱫᱚ ᱥᱤᱧᱚᱛ ᱨᱮᱭᱟᱜ ᱡᱤ.ᱰᱤ.ᱯᱤ. ᱵᱟᱹᱰᱚᱜ ᱨᱮ ᱞᱟᱯᱷᱟᱝ ᱮᱱᱮᱢ ᱢᱮᱱᱟᱜᱼᱟ ᱾

᱒᱐᱐᱖ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱚᱧᱪᱟᱭᱚᱛ ᱢᱚᱱᱛᱨᱟᱱᱟᱞᱚᱭ ᱫᱚ ᱒᱕0 ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱞᱚᱠᱷᱤᱥᱚᱨᱟᱭ ᱦᱚᱱᱚᱛ ᱫᱚ ᱯᱟᱹᱪᱷᱟᱹᱠ ᱦᱚᱱᱚᱛ ᱢᱮᱱᱛᱮ ᱞᱮᱠᱷᱟ ᱥᱮᱞᱮᱫ ᱞᱮᱫᱼᱟ ᱾ ᱢᱩᱴ ᱖᱔᱐ ᱦᱚᱱᱚᱛ ᱢᱩᱫᱽ ᱨᱮ ᱱᱚᱶᱟ ᱞᱚᱠᱷᱤᱥᱚᱨᱟᱭ ᱦᱚᱱᱚᱛ ᱫᱚ ᱵᱤᱦᱟᱨ ᱨᱮᱭᱟᱜ ᱯᱮ ᱜᱮᱞ ᱛᱩᱨᱩᱭ ᱜᱚᱴᱟᱝ ᱦᱚᱱᱚᱛ ᱠᱚ ᱨᱮ ᱱᱟᱦᱟᱜ Backward Region Grant Fund Programme (BRGF) ᱠᱷᱚᱱ ᱠᱟ.ᱣᱰᱤ ᱜᱚᱲᱚᱭ ᱦᱟᱛᱟᱣ ᱮᱫᱼᱟ ।

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱞᱚᱠᱷᱤ ᱥᱚᱨᱟᱭ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱑,᱐00,᱗᱑᱗ ᱾ ᱱᱚᱶᱟ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔0 ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱔᱔᱕ ᱮᱞᱟᱱ ᱦᱚᱱᱚᱛ ᱯᱟᱲᱟᱣᱜ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱨᱮ ᱘᱑᱕ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮᱼᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮᱸ ᱠᱟᱱᱟ ᱒᱔.᱗᱔% ᱾ ᱞᱚᱠᱷᱤ ᱥᱚᱨᱟᱭ ᱦᱚᱱᱚᱛ ᱨᱮ ᱢᱤᱫ ᱜᱮᱼᱥᱟᱭ ᱠᱚᱲᱟ ᱦᱚᱲ ᱵᱚᱫᱚᱞ ᱛᱮ ᱙᱐᱐ ᱡᱚᱱᱟ ᱠᱩᱲᱤ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱫ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱖᱔.᱙᱕% ᱦᱤᱥ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]