ᱟᱥᱟᱲ ᱪᱟᱸᱫᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱟᱥᱟᱲ ᱵᱚᱝᱜᱟ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)

ᱟᱥᱟᱲ ᱪᱟᱸᱫᱚ ᱫᱚ ᱥᱮᱨᱢᱟ ᱨᱮᱱᱟᱜ ᱛᱩᱨᱩᱭᱟᱜ ᱵᱚᱸᱜᱟ ᱥᱮ ᱪᱟᱸᱫᱚ ᱠᱟᱱᱟ ᱾

ᱱᱚᱶᱟ ᱪᱟᱸᱫᱚ ᱨᱮ ᱫᱚ ᱟᱹᱰᱤ ᱜᱮᱭ ᱡᱟᱹᱯᱩᱫᱟ ᱾ ᱡᱷᱮᱸᱴ ᱵᱚᱸᱜᱟ ᱨᱮ ᱮᱨ ᱟᱠᱟᱱ ᱦᱳᱲᱳ ᱠᱚ ᱟᱥᱟᱲ ᱵᱚᱸᱜᱟ ᱥᱮᱴᱮᱨᱚᱜ ᱛᱮ ᱫᱚ ᱵᱟᱹᱫᱽ ᱵᱟᱹᱭᱦᱟᱹᱲ ᱨᱮ ᱦᱟᱞᱮ ᱦᱟᱹᱨᱭᱟᱹᱲ ᱦᱳᱲᱳ ᱫᱟᱨᱮ ᱵᱮᱱᱟᱣ ᱠᱚᱜᱼᱟ ᱾ ᱡᱷᱤᱴᱤᱠ ᱡᱷᱤᱴᱤᱠ ᱮ ᱡᱟᱹᱯᱩᱫᱟ, ᱪᱟᱹᱥᱤ ᱠᱚ ᱢᱚᱱᱮ ᱨᱮ ᱨᱟᱹᱥᱠᱟᱹ ᱨᱟᱠᱟᱵᱼᱟ ᱾ ᱦᱳᱲᱳ ᱫᱟᱨᱮ ᱠᱚ ᱠᱟᱰᱷᱟᱱ ᱛᱟᱭᱚᱢ ᱠᱚ ᱪᱷᱤᱲᱭᱟᱹᱣ (ᱥᱚᱢᱟᱱ ᱛᱮ ᱯᱟᱥᱱᱟᱣ) ᱟᱠᱚ, ᱪᱮᱠᱟᱛᱮ ᱮᱨ ᱦᱳᱲᱳ ᱥᱚᱢᱟᱱ ᱛᱮ ᱵᱟᱝ ᱚᱢᱚᱱᱚᱜᱼᱟ ᱾ ᱵᱟᱝ ᱪᱷᱤᱲᱭᱟᱹᱣ ᱞᱮᱠᱷᱟᱱ ᱢᱤᱫ ᱴᱷᱮᱱ ᱜᱮ ᱦᱳᱲᱳ ᱫᱟᱨᱮ ᱵᱮᱱᱟᱣᱜᱼᱟ ᱟᱨ ᱮᱴᱟᱜ ᱠᱚ ᱨᱮ ᱯᱩᱲᱤᱭᱟᱹ ᱛᱟᱦᱮᱸᱱᱟ ᱾ ᱡᱷᱮᱸᱴ ᱵᱚᱸᱜᱟ ᱨᱮ ᱦᱳᱲᱳ ᱮᱨ ᱠᱟᱛᱮ ᱵᱟᱹᱫᱽ ᱦᱟᱥᱟ ᱵᱟᱹᱭᱥᱟᱹᱣᱜᱼᱟ ᱾ ᱟᱫᱚ ᱪᱷᱤᱛᱭᱟᱹᱣ ᱟᱨ ᱵᱟᱝ ᱪᱷᱤᱲᱭᱟᱹᱣ ᱢᱟᱬᱟᱝ ᱠᱚ ᱥᱤᱻᱟ ᱾ ᱥᱤᱻ ᱞᱮᱠᱷᱟᱱ ᱦᱟᱥᱟ ᱨᱟᱣᱟᱞᱚᱜᱼᱟ, ᱚᱱᱟ ᱫᱚ ᱠᱟᱰᱷᱟᱱ ᱠᱚ ᱢᱮᱛᱟᱜᱼᱟ ᱾ ᱟᱥᱟᱲ ᱵᱚᱸᱜᱟ ᱨᱮ ᱱᱚᱶᱟ ᱵᱟᱨᱭᱟ ᱠᱟᱹᱢᱤ ᱞᱮᱱ ᱮᱱᱟ ᱜᱮ ᱮᱨ ᱦᱳᱲᱳ ᱪᱟᱥ ᱵᱮᱥ ᱜᱟᱱᱚᱜᱼᱟ, ᱵᱟᱝᱠᱷᱟᱱ ᱦᱳᱲᱳ ᱫᱟᱨᱮ ᱴᱩᱨᱟᱹᱜᱼᱟ ᱾ ᱵᱮᱥ ᱵᱟᱝ ᱜᱮᱞᱮᱜᱼᱟ ᱟᱨ ᱪᱟᱥ ᱵᱟᱝ ᱦᱩᱭᱩᱜᱼᱟ ᱾ ᱟᱥᱟᱲ ᱵᱚᱸᱜᱟ ᱨᱮ ᱱᱟᱯᱟᱭ ᱮ ᱡᱟᱹᱯᱩᱫᱽ ᱠᱷᱟᱹᱛᱤᱨ ᱛᱚᱯᱟ ᱟᱠᱟᱱ ᱜᱚᱸᱜᱷᱟ, ᱠᱟᱴᱠᱚᱢ ᱟᱨ ᱟᱭᱢᱟ ᱞᱮᱠᱟᱱ ᱡᱤᱵᱽ ᱡᱤᱭᱟᱹᱞᱤ ᱠᱚ ᱥᱟᱦᱮᱫ ᱨᱩᱣᱟᱹᱲᱟ ᱾ ᱞᱟᱹᱭ ᱛᱮ ᱜᱟᱱᱚᱜᱼᱟ ᱡᱮ ᱟᱥᱟᱲ ᱵᱚᱸᱜᱟ ᱡᱟᱹᱯᱩᱫ ᱛᱮ ᱫᱷᱟᱹᱨᱛᱤ ᱨᱤᱱ ᱡᱤᱵᱽ ᱡᱤᱭᱟᱹᱞᱤ ᱟᱨ ᱫᱟᱨᱮ ᱞᱟᱨᱮ ᱥᱮ ᱦᱩᱰᱤᱧ ᱢᱟᱨᱟᱝ ᱡᱤᱱᱛᱤ ᱯᱤᱯᱤᱲᱤ ᱡᱮᱛᱮ ᱠᱚ ᱥᱟᱦᱮᱫ ᱨᱩᱣᱟᱹᱲᱟ ᱾ ᱚᱱᱟ ᱛᱮ ᱫᱷᱟᱹᱨᱛᱤ ᱨᱮ ᱵᱟᱧᱪᱟᱣᱜ ᱞᱟᱹᱜᱤᱫ ᱟᱥᱟᱲ ᱵᱚᱸᱜᱟ ᱨᱮᱱᱟᱜ ᱟᱭᱢᱟ ᱮᱱᱮᱢ ᱢᱮᱱᱟᱜᱼᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]