ᱥᱟᱱ ᱵᱚᱝᱜᱟ

ᱥᱟᱱ ᱵᱚᱝᱜᱟ ᱫᱚ ᱥᱮᱨᱢᱟ ᱨᱮᱱᱟᱜ ᱮᱭᱟᱭᱟᱜ ᱵᱚᱸᱜᱟ ᱥᱮ ᱪᱟᱸᱫᱚ ᱠᱟᱱᱟ ᱾ ᱱᱚᱶᱟ ᱫᱚ ᱟᱥᱟᱲ ᱵᱚᱝᱜᱟ ᱛᱟᱭᱚᱢ ᱟᱨ ᱵᱷᱟᱫᱚᱨ ᱵᱚᱝᱜᱟ ᱢᱟᱬᱟᱝ ᱦᱤᱡᱩᱜ-ᱟ ᱾

ᱵᱚᱝᱜᱟ ᱵᱩᱨᱩ ᱠᱚ

ᱥᱟᱱ ᱵᱚᱝᱜᱟ ᱠᱩᱱᱟᱹᱢᱤ ᱨᱮᱫᱚ ᱫᱚ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱫᱚ ᱦᱟᱹᱨᱭᱟᱹᱲ ᱥᱤᱢ ᱠᱚ ᱡᱚᱢ ᱠᱚᱣᱟ ᱾ ᱦᱟᱹᱨᱭᱟᱹᱲ ᱥᱤᱢ ᱡᱚᱢ ᱵᱚᱝᱜᱟ ᱫᱚ ᱡᱟᱦᱮᱨ ᱨᱮᱠᱚ ᱵᱚᱝᱜᱟ ᱭᱟ ᱾ ᱢᱟᱨᱟᱝ ᱵᱳᱨᱳ , ᱡᱟᱦᱮᱨ ᱟᱭᱳ , ᱢᱚᱬᱮᱠᱚ , ᱛᱩᱨᱩᱭ ᱠᱚ ᱥᱟᱶ ᱨᱟᱠᱟᱵ ᱵᱚᱝᱜᱟ ᱠᱚ ᱠᱚ ᱯᱮᱨᱮᱡ ᱩᱢᱟᱹᱬ ᱠᱚᱣᱟ ᱾

ᱵᱚᱝᱜᱟᱭ ᱨᱮᱱᱟᱜ ᱡᱚᱥ

ᱦᱟᱹᱨᱭᱟᱹᱲ ᱢᱮᱱ ᱞᱮᱠᱷᱟᱱ ᱫᱷᱟᱹᱨᱛᱤ ᱨᱮᱱᱟᱜ ᱫᱟᱲᱮ,ᱡᱤᱭᱟᱹᱲ,ᱪᱚᱨᱚᱠ, ᱨᱮᱭᱟᱲ ᱟᱨ ᱞᱟᱹᱵᱤᱫ ᱜᱩᱱᱛᱮᱫ ᱯᱷᱚᱴᱮᱞᱞᱚᱜ-ᱟ ᱾ ᱥᱤᱧᱚᱛ ᱫᱤᱥᱚᱢ ᱫᱚ ᱦᱟᱹᱨᱭᱟᱹᱲ ᱫᱤᱥᱚᱢ ᱢᱮᱱᱛᱮ ᱨᱮᱦᱚᱸ ᱵᱟᱝ ᱵᱟᱹᱲᱤᱡᱚᱜ-ᱟ ᱾ ᱟᱵᱚ ᱥᱤᱧᱚᱛ ᱫᱤᱥᱚᱢ ᱡᱚᱛᱚ ᱜᱮ ᱯᱟᱞᱮ ᱪᱟᱹᱥᱤ ᱠᱟᱱᱟᱵᱚ ᱾ ᱪᱟᱥ ᱞᱮᱠᱷᱟᱱ ᱠᱤᱨᱥᱤ ᱫᱚ ᱦᱟᱹᱨᱭᱟᱹᱲ ᱜᱮ ᱧᱮᱞᱚᱜ-ᱟ ᱾ ᱟᱹᱰᱤ ᱱᱟᱯᱟᱭ ᱾ ᱚᱱᱟᱜᱮ ᱤᱲᱤᱡ,ᱤᱵᱤᱡ,ᱛᱤᱡᱩ,ᱡᱟᱹᱱᱤ ᱠᱚ ᱟᱞᱚᱠᱚ ᱵᱟᱹᱲᱤᱡᱽᱢᱟ ᱚᱱᱟ ᱞᱟᱹᱜᱤᱫ ᱜᱮ ᱱᱮᱦᱚᱨ ᱵᱟᱠᱷᱮᱬ ᱠᱟᱛᱮ ᱵᱚ ᱯᱮᱨᱮᱡ ᱩᱢᱟᱹᱬ ᱠᱚᱞᱟ ᱾ ᱵᱟᱹᱫᱽ ᱵᱟᱹᱭᱦᱟᱲ ᱨᱮᱱᱟᱜ ᱠᱤᱨᱥᱤ ᱠᱚ ᱱᱤᱯᱷᱩᱴ ᱦᱟᱨᱟ ᱠᱟᱛᱮ ᱠᱮᱫᱟᱨ ᱠᱚ ᱥᱟᱨᱮᱲᱚᱜ ᱢᱟ ᱾ ᱱᱚᱝᱠᱟ ᱦᱩᱭᱩᱜ ᱠᱟᱱᱟ ᱦᱟᱹᱨᱭᱟᱹᱲ ᱵᱚᱝᱜᱟ ᱨᱮᱱᱟᱜ ᱡᱚᱥ ᱾

ᱯᱟᱨᱟᱵᱽ ᱯᱩᱱᱟᱹᱭ ᱠᱚ

ᱥᱟᱱ ᱵᱚᱝᱜᱟ ᱨᱮᱫᱚ ᱪᱤᱛᱟᱹᱶ, ᱜᱚᱢᱦᱟ ᱮᱢᱟᱱ ᱯᱟᱨᱟᱵᱽ ᱵᱚ ᱢᱟᱱᱟᱶᱟ ᱾