ᱡᱷᱩᱢᱨᱤ ᱛᱤᱞᱮᱭᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱡᱷᱩᱢᱨᱤ ᱛᱤᱞᱮᱭᱟ
ᱱᱟᱜᱟᱨ
ᱡᱷᱩᱢᱨᱤ ᱛᱤᱞᱮᱭᱟ is located in Jharkhand
ᱡᱷᱩᱢᱨᱤ ᱛᱤᱞᱮᱭᱟ
ᱡᱷᱩᱢᱨᱤ ᱛᱤᱞᱮᱭᱟ
ᱡᱷᱩᱢᱨᱤ ᱛᱤᱞᱮᱭᱟ is located in ᱥᱤᱧᱚᱛ
ᱡᱷᱩᱢᱨᱤ ᱛᱤᱞᱮᱭᱟ
ᱡᱷᱩᱢᱨᱤ ᱛᱤᱞᱮᱭᱟ
Coordinates: 24°25′44″N 85°32′08″E / 24.42894°N 85.53547°E / 24.42894; 85.53547Coordinates: 24°25′44″N 85°32′08″E / 24.42894°N 85.53547°E / 24.42894; 85.53547
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱡᱷᱟᱨᱠᱷᱚᱸᱰ
ᱦᱚᱱᱚᱛ ᱠᱚᱰᱟᱨᱢᱟ
ᱛᱮᱦᱥᱤᱞ ᱠᱚᱰᱟᱨᱢᱟ
ᱩᱥᱩᱞ 383 ᱢᱤᱴᱚᱨ (1257 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)[᱑]
 • ᱞᱮᱠᱷᱟᱜᱩᱴ ᱘᱗᱘᱖᱗
IST (UTC+5:30)
ᱯᱤᱱ ᱠᱳᱰ ᱘᱒᱕᱔᱐᱙
STD Code ᱖᱕᱓᱔
ISO 3166 code IN-JH
ᱜᱟᱹᱰᱤ ᱨᱤᱡᱤᱥᱴᱨᱤ JH12

ᱡᱷᱩᱢᱨᱤ ᱛᱮᱞᱮᱭᱟ (ᱵᱟᱝᱢᱟ ᱡᱷᱩᱢᱨᱤ ᱛᱤᱞᱮᱭᱟ ᱦᱚᱸ ᱠᱚ ᱢᱮᱛᱟᱜᱼᱟ) ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱠᱚᱰᱟᱨᱢᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱫᱟᱢᱚᱫᱚᱨ ᱜᱷᱟᱴᱤ ᱨᱮ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱵᱟᱪᱷᱟᱣ ᱤᱝᱜᱽᱞᱤᱥ ᱛᱚᱨᱡᱚᱢᱟ ᱨᱮ ᱡᱷᱩᱢᱨᱤ ᱛᱤᱞᱮᱭᱟ ᱥᱮᱞᱮᱫ ᱢᱮᱱᱟᱜᱼᱟ ᱾[᱒] ᱡᱷᱩᱢᱨᱤ ᱛᱮᱞᱮᱭᱟ,[᱓] ᱟᱨ ᱡᱷᱩᱢᱨᱤ ᱛᱤᱞᱮᱭᱟ ᱾[᱔]

ᱪᱷᱟᱹᱴᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱩᱢᱨᱤ ᱴᱚᱴᱷᱟ ᱨᱮ ᱢᱩᱬ ᱟᱹᱛᱩ ᱧᱩᱛᱩᱢ ᱢᱮᱱᱟᱜᱼᱟ, ᱱᱚᱣᱟ ᱱᱤᱛ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱾ "ᱛᱮᱞᱮᱭᱟ" ᱟᱹᱲᱟᱹ ᱢᱤᱫ ᱦᱩᱰᱤᱧ ᱡᱷᱤᱞ (lake) (ᱛᱤᱞᱮᱭᱟ ᱰᱮᱢ ᱫᱚᱨᱭᱟ) ᱞᱟᱹᱜᱤᱫ ᱛᱮ ᱦᱤᱱᱫᱤ ᱯᱟᱹᱨᱥᱤ ᱨᱮᱱᱟᱜ ᱟᱹᱲᱟᱹ ᱠᱟᱱᱟ ᱾ ᱡᱷᱩᱢᱨᱤ ᱫᱚ ᱞᱚᱠᱟᱞ ᱥᱟᱶᱛᱟ ᱟᱹᱨᱤ ᱮᱱᱮᱡ ᱦᱚᱸ ᱠᱚ ᱢᱮᱛᱟᱜᱼᱟ ᱠᱚ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱩᱢᱨᱤ ᱛᱮᱞᱤᱭᱟ ᱫᱟᱢᱚᱫᱚᱨ ᱜᱟᱰᱟ ᱜᱷᱟᱴᱤ, ᱠᱚᱸᱭᱮ ᱪᱷᱚᱴᱟᱱᱟᱜᱽᱯᱩᱨ ᱛᱷᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱱᱟᱜ ᱩᱥᱩᱞ ᱓᱘᱓ ᱢᱤᱴᱚᱨ (᱑,᱒᱕᱗ ᱯᱷᱤᱴ) ᱢᱮᱱᱟᱜᱼᱟ ᱾[᱕] ᱱᱚᱣᱟ ᱠᱚᱰᱟᱨᱢᱟ ᱠᱷᱚᱱ ᱤᱨᱟᱹᱞ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾ ᱵᱟᱱᱟᱨ ᱱᱟᱜᱟᱨ ᱢᱤᱫ ᱴᱷᱮᱱ ᱠᱤᱱ ᱡᱚᱲᱟᱣ ᱟᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱨᱮ ᱢᱤᱫᱴᱟᱝ ᱢᱟᱨᱟᱝ ᱥᱚᱦᱨᱤ ᱴᱚᱴᱷᱟ ᱵᱮᱱᱟᱜ ᱠᱟᱱᱟ ᱾ ᱯᱩᱨᱟᱹ ᱥᱚᱦᱚᱨ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱜᱽᱨᱮᱰ ᱠᱳᱨᱰ ᱞᱟᱭᱤᱱ ᱥᱟᱞᱟᱜ ᱦᱟᱴᱤᱧ ᱟᱠᱟᱱᱟ, ᱱᱚᱣᱟ ᱥᱚᱦᱚᱨ ᱛᱟᱞᱟ ᱠᱷᱚᱱ ᱥᱮᱱᱚᱜᱼᱟ ᱾

ᱛᱤᱞᱮᱭᱟ ᱰᱮᱢ ᱫᱚᱨᱭᱟ ᱥᱚᱦᱚ4 ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱰᱮᱢ ᱵᱟᱲᱠᱟᱨ ᱜᱟᱰᱟ ᱯᱟᱨᱚᱢ ᱨᱮ ᱫᱟᱢᱚᱫᱚᱨ ᱜᱷᱟᱴᱤ ᱱᱤᱜᱟᱢ ᱤᱫᱤ ᱛᱮ ᱵᱮᱱᱟᱣ ᱠᱟᱱᱟ ᱯᱩᱞᱭᱩ ᱰᱮᱢ ᱟᱨ ᱦᱟᱭᱰᱨᱚᱼᱤᱞᱮᱠᱴᱨᱤᱠ ᱯᱟᱣᱟᱨ ᱤᱥᱴᱮᱥᱚᱱ ᱛᱟᱦᱮᱸ ᱠᱟᱱᱟ ᱾

ᱡᱷᱩᱢᱨᱤ ᱛᱮᱞᱮᱭᱟ ᱥᱩᱨ ᱵᱚᱸᱜᱟ ᱛᱷᱟᱱ ᱨᱮ ᱨᱟᱡᱽᱜᱤᱨ, ᱱᱟᱞᱚᱱᱫᱟ, ᱵᱚᱫᱷᱜᱟᱭᱟ, ᱦᱟᱡᱟᱨᱤᱵᱟᱜᱽ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ, ᱥᱚᱱᱵᱷᱟᱱᱫᱟᱨ ᱜᱩᱯᱷᱟ (Caves) ᱫᱷᱩᱣᱟᱡᱽᱫᱚᱨᱟ ᱵᱩᱨᱩ, ᱥᱟᱛᱜᱟᱣᱟᱱ ᱯᱮᱴᱨᱚ ᱡᱷᱟᱨᱱᱟ, ᱰᱚᱢᱪᱟᱸᱪ, ᱢᱚᱠᱟᱨᱫᱷᱣᱟᱡᱽ ᱵᱩᱨᱩ, ᱥᱟᱸᱛ ᱯᱟᱨᱢᱚᱦᱚᱸᱥ ᱵᱟᱵᱟ ᱟᱜ ᱢᱚᱠᱵᱟᱨᱟ (Mausoleum) ᱥᱮᱞᱮᱫ ᱢᱮᱱᱟᱜᱼᱟ ᱾ ᱢᱟᱸ ᱪᱟᱸᱪᱞᱟ ᱫᱮᱵᱤ ᱾ ᱪᱚᱸᱪᱟᱞ ᱵᱩᱨᱩ ᱧᱩᱛᱩᱢ ᱵᱩᱨᱩ ᱨᱮ ᱢᱤᱫ ᱧᱩᱛᱩᱢᱟᱱ ᱢᱚᱱᱫᱤᱨ ᱢᱮᱱᱟᱜᱼᱟ ᱾ ᱱᱚᱣᱟ ᱵᱷᱩᱴ ᱨᱮ ᱞᱚᱞᱚ ᱡᱷᱟᱨᱱᱟ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ ᱾ ᱟᱫᱚ ᱱᱤᱛ ᱡᱷᱟᱨᱱᱟ ᱨᱚᱦᱚᱲ ᱮᱱᱟ , ᱟᱫᱟ ᱢᱚᱱᱫᱤᱨ ᱱᱤᱛᱚᱜ ᱦᱚᱸ ᱦᱤᱱᱫᱩ ᱟᱹᱨᱤ ᱪᱟᱹᱞᱤ ᱞᱟᱹᱜᱤᱫ ᱛᱮ ᱯᱷᱮᱢᱟᱥ ᱟᱠᱟᱱᱟ ᱾

ᱦᱚᱨ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱢᱨᱤ ᱛᱮᱞᱮᱭᱟ ᱨᱮ ᱠᱚᱰᱟᱨᱢᱟ ᱨᱮᱞᱣᱮ ᱥᱴᱮᱥᱚᱱ ᱥᱟᱢᱟᱝ ᱛᱟᱞᱟ ᱨᱮᱞᱣᱮ ᱜᱨᱮᱸᱰ ᱠᱳᱨᱰ ᱨᱮᱞᱣᱮ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱱᱚᱣᱟ ᱠᱚᱞᱠᱟᱛᱟ ᱟᱨ ᱫᱤᱞᱞᱤ ᱫᱚ ᱫᱷᱟᱱᱵᱟᱫᱽ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱱᱚᱸᱰᱮ ᱛᱟᱞᱢᱟ ᱠᱷᱚᱱ, ᱥᱚᱦᱚᱨ ᱫᱤᱞᱞᱤ, ᱠᱚᱞᱠᱟᱛᱟ, ᱢᱩᱢᱵᱟᱭ, ᱩᱡᱡᱮᱱ, ᱚᱦᱢᱚᱫᱟᱵᱟᱫᱽ, ᱤᱱᱫᱚᱨ, ᱦᱟᱨᱫᱟ, ᱵᱷᱚᱯᱟᱲ, ᱞᱚᱠᱱᱚᱣ, ᱵᱟᱨᱚᱬᱟᱥᱤ, ᱨᱟᱺᱪᱤ ᱟᱨ ᱵᱷᱩᱵᱽᱱᱮᱥᱚᱨ ᱥᱟᱶᱛᱮ ᱟᱹᱰᱤ ᱜᱟᱱ ᱢᱩᱬ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾

ᱠᱚᱰᱟᱨᱢᱟ ᱨᱮᱞᱣᱮ ᱥᱴᱮᱥᱚᱱ ᱠᱷᱟᱱ ᱯᱮᱭᱟ ᱵᱷᱤᱱᱮ ᱵᱷᱤᱱᱮ ᱱᱟᱠᱷᱟ ᱨᱮ ᱯᱮᱭᱟ ᱱᱟᱣᱟ ᱨᱮᱞ ᱞᱟᱭᱤᱱ ᱟᱴᱮᱫ ᱮᱫᱼᱟ ᱠᱚ ᱺ ᱑. ᱠᱟᱰᱟᱨᱢᱟᱼᱜᱤᱨᱤᱰᱤᱦ ᱑᱐᱒ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱒. ᱠᱚᱰᱟᱨᱢᱟᱼᱦᱟᱡᱟᱨᱤᱵᱟᱜᱽ ᱗᱙ ᱠᱤᱞᱚᱢᱤᱴᱚᱨ ᱡᱤᱞᱤᱧ (ᱵᱟᱝᱢᱟ ᱵᱟᱨᱠᱟᱠᱟᱱᱟ ᱨᱮᱞᱣᱮ ᱡᱟᱸᱠᱥᱚᱱ, ᱠᱚᱰᱟᱨᱢᱟ ᱠᱷᱚᱱ ᱑᱓᱓ ᱠᱤᱞᱚᱢᱤᱴᱚᱨ) ᱓. ᱠᱚᱰᱟᱨᱢᱟᱼᱛᱤᱞᱮᱭᱟ (ᱡᱷᱟᱨᱠᱷᱚᱸᱰ) ᱠᱚᱰᱟᱨᱢᱟ ᱠᱷᱚᱱ ᱱᱟᱣᱟᱰᱤᱦ ᱫᱷᱟᱨᱤᱡ ᱜᱤᱨᱤᱰᱤᱦ ᱥᱮᱫ ᱓᱕ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱨᱮᱞᱣᱮ ᱞᱟᱭᱤᱱ ᱡᱩᱱ ᱒᱐᱑᱓ ᱨᱮ ᱪᱟᱹᱞᱩ ᱟᱠᱟᱱᱟ ᱟᱨ ᱱᱚᱣᱟ ᱦᱩᱰᱤᱧ ᱫᱷᱟᱨᱟ ᱟᱜ ᱠᱷᱟᱸᱰ ᱨᱮ ᱢᱤᱫ ᱯᱟᱥᱮᱱᱡᱟᱨ ᱴᱨᱮᱱ ᱡᱟᱸᱠᱥᱚᱱ ᱥᱮᱱᱟᱜ ᱠᱟᱱᱟ ᱾ ᱱᱚᱸᱰᱮ ᱠᱚᱰᱟᱨᱢᱟ ᱫᱚ ᱨᱮᱞᱣᱮ ᱡᱟᱸᱠᱥᱚᱱ ᱵᱮᱱᱟᱣ ᱟᱠᱟᱱᱟ ᱾ ᱦᱟᱡᱟᱨᱤᱵᱟᱜᱽ ᱫᱷᱟᱨᱤᱡ ᱨᱮᱞᱣᱮ ᱟᱴᱮᱫ ᱟᱠᱟᱱᱟ ᱾ ᱴᱨᱮᱱ ᱥᱮᱵᱟ ᱓᱑ ᱡᱩᱱ ᱒᱐᱑᱔ ᱠᱷᱚᱱ ᱮᱦᱚᱵ ᱞᱮᱱᱟ ᱛᱟᱦᱮᱸᱫ ᱾ ᱠᱚᱰᱟᱨᱢᱟ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱦᱟᱡᱟᱨᱤᱵᱟᱜᱽ ᱞᱟᱹᱜᱤᱫ ᱜᱚᱴᱟ ᱥᱤᱝ ᱛᱮ ᱵᱟᱨ ᱫᱷᱮᱣ ᱴᱨᱮᱱ ᱥᱮᱱᱚᱜᱼᱟ ᱾

ᱵᱟᱥ, ᱡᱤᱯ ᱟᱨ ᱯᱮᱭᱟ ᱪᱟᱠᱟ ᱟᱜ ᱜᱟᱰᱤ ᱡᱷᱩᱢᱨᱤ ᱛᱮᱞᱮᱭᱟ ᱥᱩᱨ ᱥᱩᱯᱩᱨ ᱨᱮᱱᱟᱜ ᱥᱚᱦᱚᱨ ᱟᱨ ᱟᱹᱛᱩ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱑ ᱞᱮᱠᱟᱛᱮ ᱛᱮ ᱥᱮᱴᱮᱨ ᱫᱟᱨᱮ ᱭᱟ ᱟᱠᱚ, ᱚᱫᱚ ᱨᱟᱺᱪᱤᱼᱯᱟᱴᱱᱟ ᱰᱟᱦᱟᱨ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ ᱾ ᱱᱚᱣᱟ ᱜᱨᱮᱸᱰ ᱴᱨᱟᱸᱠ ᱨᱚᱰ ᱠᱷᱚᱱ ᱒᱓ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾

ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱨᱟᱺᱪᱤ (᱑᱖᱒ ᱠᱤᱞᱚᱢᱤᱴᱚᱨ) ᱢᱮᱱᱟᱜᱼᱟ, ᱱᱚᱣᱟ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱯᱟᱴᱱᱟ, ᱥᱚᱦᱚᱨ ᱠᱷᱚᱱ ᱑᱗᱕ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾

ᱤᱱᱰᱟᱥᱴᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱛᱤᱞᱮᱭᱟ ᱱᱟᱜᱟᱨ ᱯᱚᱨᱤᱥᱟᱫ ᱨᱤᱱ ᱜᱩᱴ ᱦᱚᱲ ᱮᱞ ᱘᱗,᱘᱖᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱰᱮ ᱠᱷᱚᱱ ᱕᱔,᱙᱐᱕ ᱠᱚᱲᱟ ᱟᱨ ᱔᱑,᱙᱖᱓ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱟᱜ ᱮᱞ ᱔,᱖᱐᱑ ᱟᱨ ᱟᱹᱫᱤᱵᱟᱹᱥᱤ ᱟᱜ ᱮᱞ ᱑᱙᱗ ᱢᱮᱱᱟᱜᱼᱟ ᱾[᱖]

᱒᱐᱐᱑ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱗] ᱡᱷᱩᱢᱨᱤ ᱛᱮᱞᱮᱭᱟ ᱨᱮᱱᱟᱜ ᱦᱚᱲ ᱮᱞ ᱖᱙,᱔᱔᱔ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱜ ᱦᱚᱲ ᱮᱞ ᱕᱓% ᱟᱨ ᱛᱤᱨᱞᱟᱹ ᱟᱜ ᱔᱗% ᱢᱮᱱᱟᱜᱼᱟ ᱾ ᱡᱷᱩᱢᱨᱤ ᱛᱤᱞᱮᱭᱟ ᱨᱮᱱᱟᱜ ᱥᱮᱪᱮᱫ ᱫᱚᱨ ᱖᱒% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱕᱙.᱕ ᱠᱷᱚᱱ ᱰᱮᱦᱮᱨ ᱜᱮᱭᱟ : ᱠᱚᱲᱟ ᱟᱜ ᱥᱮᱪᱮᱫ ᱗᱒% ᱢᱮᱱᱟᱜᱼᱟ, ᱛᱤᱨᱞᱟᱹ ᱟᱜ ᱥᱮᱪᱮᱫ ᱕᱒% ᱢᱮᱱᱟᱜᱼᱟ ᱾ ᱡᱷᱩᱢᱨᱤ ᱛᱤᱞᱮᱭᱟ ᱨᱮ, ᱑᱖% ᱦᱚᱲ ᱮᱞ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾

ᱠᱷᱚᱨᱴᱷᱟ ᱱᱟᱜᱟᱨ ᱨᱮ ᱨᱚᱨᱚᱲ ᱟᱜ ᱢᱩᱬ ᱯᱟᱹᱨᱥᱤ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱨᱮ ᱦᱤᱱᱫᱤ ᱥᱟᱶᱛᱮ ᱵᱷᱚᱡᱽᱯᱩᱨᱤ, ᱯᱚᱧᱡᱟᱵᱤ, ᱵᱟᱸᱜᱟᱞᱤ, ᱢᱟᱨᱣᱟᱲᱤ ᱟᱨ ᱤᱝᱜᱽᱞᱤᱥ ᱦᱚᱸ ᱠᱚ ᱨᱚᱲᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Kodarma District Census Handbook, 2011
  2. "District Gazette of Koderma" (PDF). District Administration, Koderma. Archived from the original (PDF) on 12 ᱡᱟᱱᱩᱣᱟᱨᱤ 2011. Retrieved 2 ᱮᱯᱨᱤᱞ 2012.  Unknown parameter |url-status= ignored (help)
  3. "Lok Sabha 10 Debate (Session 6)". Government of India. Archived from the original on 4 ᱢᱟᱨᱪ 2016. Retrieved 2 ᱮᱯᱨᱤᱞ 2012.  Unknown parameter |url-status= ignored (help)
  4. "Jharkhand- List of Cities". Ministry of Urban Development, Government of India. Archived from the original on 2012-04-22. Retrieved 2012-04-02.  Unknown parameter |url-status= ignored (help)
  5. Falling Rain Genomics, Inc - Jhumri Taliya
  6. "2011 Census – Primary Census Abstract Data Tables". Jharkhand – District-wise. Registrar General and Census Commissioner, India. Retrieved 16 ᱰᱤᱥᱮᱢᱵᱚᱨ 2015. 
  7. "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱠᱚᱸᱭᱮ ᱪᱷᱚᱴᱟᱱᱟᱜᱽᱯᱩᱨ ᱛᱷᱚᱱᱚᱛ