ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ
Sidho Kanho Birsha University
ᱨᱮᱫ:Sidho-Kanho-Birsha University Logo.svg
ᱩᱱᱩᱭᱦᱟᱹᱨस नो बुद्ध्या शुभया संयुनक्तु (ᱥᱚᱸᱥᱠᱨᱤᱛ)
sa no buddhyā śubhayā saṃyunaktu (ISO)
ᱛᱷᱟᱯᱚᱱ᱖ ᱡᱩᱞᱟᱭ ᱒᱐᱑᱐ (᱑᱑ ᱥᱮᱨᱢᱟ ᱞᱟᱦᱟ ᱨᱮ)
ᱞᱮᱠᱟᱱᱥᱚᱨᱠᱟᱨᱤ ᱯᱚᱱᱚᱛ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱵᱟᱡᱮᱴIndian Rupee ₹᱒᱓.᱓᱗᱕᱑ ᱠᱳᱴᱤ (US$᱓.᱒᱕ ᱢᱤᱞᱤᱭᱚᱱ) (᱒᱐᱒᱑–᱒᱒ ᱟᱢᱫᱟᱡᱽ)[᱑]
ᱪᱟᱱᱥᱮᱞᱚᱨᱡᱚᱭᱫᱤᱯ ᱫᱷᱚᱱᱠᱷᱚᱲ, (ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ)
ᱵᱷᱟᱭᱤᱥ ᱪᱟᱱᱥᱮᱞᱚᱨᱫᱤᱯᱚᱠ ᱠᱩᱢᱟᱨ ᱠᱚᱨ[᱒]
ᱥᱮᱪᱮᱫ ᱥᱚᱦᱮᱫ᱑᱑᱑[᱓]
ᱟᱪᱮᱫᱤᱭᱟᱹ ᱮᱞᱮᱞ᱒,᱐᱓᱔[᱓]
ᱥᱮᱬᱟ ᱥᱚᱱᱮᱨ᱑,᱘᱙᱗[᱓]
ᱠᱷᱚᱸᱫᱽᱨᱚᱝ ᱟᱪᱮᱫᱤᱭᱟᱹ᱑᱓᱗[᱓]
ᱴᱷᱟᱶᱯᱩᱨᱩᱞᱤᱭᱟᱹ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
23°21′40.55″N 86°20′23.81″E / 23.3612639°N 86.3399472°E / 23.3612639; 86.3399472Coordinates: 23°21′40.55″N 86°20′23.81″E / 23.3612639°N 86.3399472°E / 23.3612639; 86.3399472
ᱠᱮᱢᱯᱚᱥᱟᱹᱛᱩ ᱨᱮ
12.86 acres (0.0520 km2)
ᱣᱮᱵᱽᱥᱟᱭᱤᱴwww.skbu.ac.in Edit this at Wikidata

ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱥ.ᱠ.ᱵ.ᱡ.ᱵ) ᱫᱚ ᱥᱤᱧᱚᱛ ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱥᱚᱨᱠᱟᱨᱤ ᱯᱚᱱᱚᱛ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ᱾ ᱱᱚᱣᱟ ᱫᱚ ᱮᱯᱨᱤᱞ ᱒᱐᱑᱐ ᱥᱮᱨᱢᱟ ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱢᱤᱫ ᱟᱹᱨᱤ ᱞᱮᱠᱟᱛᱮ ᱛᱷᱟᱯᱚᱱ ᱦᱩᱭ ᱞᱮᱱᱟ᱾ ᱱᱚᱸᱰᱮ ᱫᱚ ᱟᱨᱴᱥ ᱨᱮᱭᱟᱜ ᱱᱟᱱᱟᱼᱦᱩᱱᱟᱹᱨ ᱥᱟᱛᱟᱢ ᱪᱮᱛᱟᱱ ᱨᱮ ᱟᱱᱰᱟᱨᱜᱽᱨᱮᱡᱩᱭᱮᱴ ᱟᱨ ᱯᱳᱥᱴ ᱜᱨᱮᱡᱩᱭᱮᱴ ᱠᱳᱨᱥ ᱯᱟᱲᱦᱟᱣ ᱦᱩᱭᱩᱜ ᱠᱟᱱᱟ᱾[᱔][᱕]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱖ ᱡᱩᱞᱟᱭ ᱒᱐᱑᱐ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱦᱚᱛᱮᱛᱮ ᱯᱟᱥ ᱞᱮᱱ ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱹᱨᱤ, ᱒᱐᱑᱐, ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱᱟ᱾[᱖] ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱷᱟᱯᱚᱱ ᱞᱟᱹᱜᱤᱫ ᱯᱩᱨᱩᱞᱤᱭᱟᱹ ᱨᱮᱭᱟᱜ ᱡᱚᱜᱚᱱᱱᱟᱛᱷ ᱠᱤᱥᱚᱨ ᱠᱚᱞᱮᱡᱽ ᱑᱓ ᱮᱠᱚᱨ ᱡᱟᱭᱜᱟᱭ ᱫᱟᱱ ᱞᱮᱫᱟ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱵᱽᱨᱤᱴᱤᱥ ᱥᱟᱥᱚᱱ ᱵᱤᱨᱩᱫᱽ ᱨᱮᱠᱚ ᱞᱟᱹᱲᱦᱟᱹᱭ ᱞᱮᱱ ᱯᱮᱭᱟ ᱦᱩᱞᱜᱟᱹᱨᱤᱭᱟᱹ ᱥᱤᱫᱚ ᱢᱩᱨᱢᱩ, ᱠᱟᱹᱱᱦᱩ ᱢᱩᱨᱢᱩ ᱟᱨ ᱵᱤᱨᱥᱟ ᱢᱩᱱᱰᱟ ᱟᱜ ᱧᱩᱛᱩᱢ ᱛᱮ ᱫᱚᱦᱚ ᱦᱩᱭ ᱟᱠᱟᱱᱟ᱾[᱗]

ᱛᱚᱯᱚᱛᱤ ᱢᱩᱠᱷᱟᱨᱡᱤ ᱫᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱯᱩᱭᱞᱩ ᱵᱷᱟᱭᱤᱥ-ᱪᱟᱱᱥᱤᱞᱟᱨ ᱞᱮᱠᱟᱛᱮᱭ ᱵᱚᱦᱟᱞ ᱞᱮᱱᱟ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱢᱩᱬᱩᱛ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱟᱹᱫᱤᱵᱟᱹᱥᱤ ᱞᱟᱠᱪᱟᱨ ᱟᱨ ᱯᱟᱹᱨᱥᱤ ᱞᱟᱦᱟᱱᱛᱤ ᱟᱨ ᱨᱩᱠᱷᱤᱭᱟᱹ ᱫᱚᱦᱚ ᱠᱟᱜ — ᱡᱟᱹᱥᱛᱤ ᱠᱟᱭᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ᱾ ᱱᱚᱸᱰᱮᱱᱟᱜ ᱯᱳᱥᱴ ᱜᱨᱮᱡᱩᱭᱮᱴ ᱵᱤᱵᱷᱟᱜᱽ ᱠᱚᱫᱚ ᱒᱐᱑᱑-᱑᱒ ᱥᱮᱪᱮᱫ ᱥᱮᱨᱢᱟ ᱠᱷᱚᱱ ᱑᱒ ᱜᱚᱴᱟᱱ ᱥᱮᱪᱮᱛᱟᱱ ᱵᱤᱵᱷᱟᱜᱽ (ᱵᱟᱝᱞᱟ, ᱥᱟᱱᱛᱟᱲᱤ, ᱤᱝᱞᱤᱥ, ᱥᱚᱸᱥᱠᱨᱤᱛ, ᱱᱟᱜᱟᱢ, ᱨᱟᱡᱽᱟᱹᱨᱤ ᱥᱟᱬᱮᱥ, ᱧᱮᱱᱮᱞ, ᱥᱮᱪᱮᱫ, ᱯᱷᱤᱡᱤᱠᱥ, ᱠᱮᱢᱤᱥᱴᱨᱤ, ᱮᱞᱠᱷᱟ ᱥᱟᱬᱮᱥ ᱟᱨ ᱵᱮᱯᱟᱨ) ᱤᱫᱤ ᱠᱟᱛᱮ ᱪᱟᱹᱞᱩ ᱟᱠᱟᱱᱟ᱾ ᱪᱟᱞᱟᱣ ᱮᱱᱟ ᱥᱮᱨᱢᱟ ᱢᱩᱸᱫᱽ ᱨᱮ ᱩᱛᱷᱱᱟᱹᱣ ᱟᱨ ᱞᱟᱦᱟᱱᱛᱤ ᱨᱮᱭᱟᱜ ᱦᱚᱨ ᱰᱟᱦᱟᱨ ᱩᱭᱦᱟᱹᱨ ᱠᱟᱛᱮ ᱠᱟᱹᱣᱰᱤᱭᱟᱹᱨᱤ, ᱥᱟᱶᱛᱟ ᱥᱟᱬᱮᱥ (ᱥᱚᱥᱤᱭᱚᱞᱚᱡᱤ), ᱟᱹᱫᱤᱵᱟᱹᱥᱤ ᱯᱚᱲᱦᱚᱱ (ᱴᱨᱟᱭᱵᱟᱞ ᱴᱥᱟᱰᱤᱥ), ᱚᱛᱱᱚᱜ, ᱡᱩᱞᱚᱡᱤ, ᱵᱚᱴᱟᱱᱤ ᱟᱨ ᱢᱚᱱ ᱥᱟᱬᱮᱥ ᱞᱮᱠᱟᱱ ᱵᱤᱵᱷᱟᱜᱽ ᱠᱚ ᱥᱮᱞᱮᱫ ᱠᱟᱛᱮ ᱑᱙ ᱜᱚᱴᱟᱱ ᱵᱤᱵᱷᱟᱜᱽ ᱦᱩᱭ ᱟᱠᱟᱱᱟ᱾

ᱠᱮᱢᱯᱟᱥ ᱟᱨ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱹᱛᱩ ᱴᱚᱴᱷᱟ ᱟᱲᱮ ᱥᱮᱫ ᱨᱮ ᱢᱮᱱᱟᱜ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱜᱩᱴ ᱮᱨᱤᱭᱟ ᱫᱚ ᱑᱒.᱘᱖ ᱮᱠᱚᱨ᱾

ᱱᱚᱣᱟ ᱠᱮᱢᱯᱟᱥ ᱫᱚ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱯᱩᱨᱩᱞᱤᱭᱟᱹ-ᱨᱟᱺᱪᱤ ᱡᱟᱹᱛᱤᱭᱟᱹᱨᱤ ᱥᱚᱨᱚᱠ (ᱡ.ᱥ ᱓᱒) ᱟᱲᱮ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱯᱩᱨᱩᱞᱤᱭᱟᱹ ᱨᱮᱞ ᱥᱴᱮᱥᱚᱱ ᱠᱷᱚᱱ ᱗ ᱠᱤᱢᱤ ᱟᱨ ᱯᱩᱨᱩᱞᱤᱭᱟᱹ ᱵᱟᱥ ᱥᱴᱮᱱᱰ ᱠᱷᱚᱱ ᱓ ᱠᱤᱢᱤ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ᱾ ᱟᱡᱚᱫᱤᱭᱟᱹ ᱵᱩᱨᱩ ᱱᱚᱣᱟ ᱠᱮᱢᱯᱟᱥ ᱠᱷᱚᱱ ᱟᱹᱰᱤ ᱵᱷᱟᱜᱮ ᱞᱮᱠᱟ ᱜᱮ ᱧᱮᱞ ᱧᱟᱢᱚᱜᱼᱟ᱾

ᱜᱚᱱᱚᱴᱷᱚᱱ ᱟᱨ ᱪᱟᱪᱞᱟᱣ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱪᱞᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱵᱷᱟᱭᱤᱥ-ᱪᱟᱱᱥᱤᱞᱟᱨ ᱜᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱢᱩᱬ ᱪᱟᱪᱞᱟᱣᱤᱡ ᱫᱚ ᱠᱟᱱᱟᱭ᱾ ᱫᱤᱯᱚᱠ ᱠᱩᱢᱟᱨ ᱠᱚᱨ ᱫᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱱᱤᱛᱚᱜᱤᱡ ᱵᱷᱟᱭᱤᱥ-ᱪᱟᱱᱥᱤᱞᱟ ᱠᱟᱱᱟᱭ᱾

ᱥᱟᱱᱟᱢ ᱵᱷᱟᱭᱤᱥ-ᱪᱟᱱᱥᱤᱞᱟᱨ ᱠᱚᱣᱟᱜ ᱛᱟᱹᱞᱠᱟᱹ
ᱮᱞ. ᱧᱩᱛᱩᱢ
᱑. ᱯᱨᱚᱯᱷ. ᱛᱚᱯᱚᱛᱤ ᱢᱩᱠᱷᱟᱨᱡᱤ
᱒. ᱯᱨᱚᱯᱷ. ᱥᱚᱢᱤᱛᱟ ᱢᱟᱱᱱᱟ
᱓. ᱯᱨᱚᱯᱷ. ᱫᱤᱯᱚᱠ ᱨᱚᱧᱡᱚᱱ ᱢᱚᱱᱰᱚᱞ
᱔. ᱯᱨᱚᱯᱷ. ᱫᱤᱯᱚᱠ ᱠᱩᱢᱟᱨ ᱠᱚᱨ (ᱱᱤᱛ)

ᱯᱷᱮᱠᱟᱞᱴᱤᱥ ᱟᱨ ᱵᱤᱵᱷᱟᱜᱽ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱒᱒ ᱜᱚᱴᱟᱱ ᱵᱤᱵᱷᱟᱜᱽ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱯᱮᱭᱟ ᱯᱷᱮᱠᱟᱞᱴᱤᱥ ᱨᱮ ᱦᱟᱹᱴᱤᱧ ᱟᱠᱟᱱᱟ: ᱥᱟᱬᱮᱥ, ᱟᱨᱴᱥ ᱥᱮ ᱵᱮᱯᱟᱨ᱾[᱘]

  • ᱥᱟᱬᱮᱥ

ᱱᱚᱣᱟ ᱯᱷᱮᱠᱟᱞᱴᱤ ᱨᱮᱫᱚ ᱵᱚᱴᱟᱱᱤ, ᱯᱷᱤᱡᱤᱠᱥ, ᱠᱮᱢᱤᱥᱴᱨᱤ, ᱮᱞᱠᱷᱟ ᱥᱟᱬᱮᱥ, ᱠᱚᱢᱯᱤᱭᱩᱴᱟᱨ ᱥᱟᱬᱮᱥ, ᱢᱚᱱ ᱥᱟᱬᱮᱥ, ᱚᱛᱱᱚᱜ ᱟᱨ ᱡᱩᱞᱚᱡᱤ ᱵᱤᱵᱷᱟᱜᱽ ᱥᱮᱞᱮᱫ ᱢᱮᱱᱟᱜᱼᱟ᱾

  • ᱟᱨᱴᱥ ᱟᱨ ᱥᱟᱶᱛᱟ ᱥᱟᱬᱮᱥ

ᱱᱚᱣᱟ ᱯᱷᱮᱠᱟᱞᱴᱤ ᱨᱮᱫᱚ ᱮᱱᱛᱷᱨᱚᱯᱚᱞᱚᱡᱤ ᱟᱨ ᱴᱨᱟᱭᱵᱟᱞ ᱴᱥᱟᱰᱤᱥ, ᱵᱟᱝᱞᱟ, ᱥᱟᱱᱛᱟᱲᱤ, ᱤᱝᱞᱤᱥ, ᱥᱚᱸᱥᱠᱨᱤᱛ, ᱱᱟᱜᱟᱢ ᱨᱟᱡᱽᱟᱹᱨᱤ ᱥᱟᱬᱮᱥ, ᱧᱮᱱᱮᱞ, ᱥᱮᱪᱮᱫ, ᱠᱟᱹᱣᱰᱤᱭᱟᱹᱨᱤ, ᱡᱟᱨᱱᱟᱞᱤᱡᱚᱢ ᱟᱨ ᱢᱟᱥ ᱠᱚᱢᱤᱭᱩᱱᱤᱠᱮᱥᱚᱱ (ᱠᱷᱚᱵᱚᱨᱤᱭᱟᱹ ᱟᱨ ᱥᱟᱸᱜᱮ ᱥᱟᱹᱜᱟᱹᱭ), ᱠᱩᱲᱢᱟᱞᱤ ᱟᱨ ᱥᱟᱶᱛᱟ ᱥᱟᱬᱮᱥ (ᱥᱚᱥᱤᱭᱚᱞᱚᱡᱤ) ᱵᱤᱵᱷᱟᱜᱽ ᱥᱮᱞᱮᱫ ᱢᱮᱱᱟᱜᱼᱟ᱾

  • ᱵᱮᱯᱟᱨ

ᱱᱚᱣᱟ ᱯᱷᱮᱠᱟᱞᱴᱤ ᱨᱮᱫᱚ ᱵᱮᱯᱟᱨ (ᱠᱚᱢᱟᱨᱥ) ᱟᱨ ᱢᱟᱥᱴᱟᱨ ᱚᱯᱷ ᱵᱤᱥᱱᱮᱥ ᱮᱰᱢᱤᱱᱤᱥᱥᱴᱨᱮᱥᱚᱱ (ᱵᱮᱯᱟᱨ ᱪᱟᱪᱞᱟᱣ ᱨᱮ ᱢᱟᱥᱴᱟᱨ) (ᱮᱢ.ᱵᱤ.ᱮ) ᱵᱤᱵᱷᱟᱜᱽ ᱥᱮᱞᱮᱫ ᱢᱮᱱᱟᱜᱼᱟ᱾

ᱡᱚᱯᱲᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱥ.ᱠ.ᱵ.ᱡ.ᱵ) ᱨᱮᱭᱟᱜ ᱫᱚ ᱯᱩᱨᱩᱞᱤᱭᱟᱹ ᱨᱮᱱᱟᱜ ᱠᱚᱞᱮᱡᱽ ᱠᱚ ᱪᱮᱛᱟᱱ ᱨᱮ ᱪᱟᱪᱞᱟᱣ ᱫᱟᱲᱮ ᱢᱮᱱᱟᱜ ᱛᱟᱭᱟ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱩᱢᱩᱞ ᱨᱮ ᱓᱑ ᱜᱚᱴᱟᱱ ᱠᱚᱞᱮᱡᱽ ᱢᱮᱱᱟᱜᱼᱟ᱾ ᱚᱱᱟᱠᱚ ᱢᱩᱸᱫᱽ ᱨᱮ ᱒᱑ ᱜᱚᱴᱟᱱ ᱫᱚ ᱰᱤᱜᱽᱨᱤ ᱠᱚᱞᱮᱡᱽ ᱟᱨ ᱜᱮᱞ ᱜᱚᱴᱟᱱ ᱫᱚ ᱵᱤ.ᱮᱰ. ᱠᱚᱞᱮᱡᱽ ᱟᱨ ᱯᱷᱨᱚᱯᱷᱮᱥᱚᱱᱟᱞ ᱠᱚᱞᱮᱡᱽ ᱠᱟᱱᱟ᱾[᱙]

ᱯᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱩᱨᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱫ ᱦᱚᱲ ᱪᱮᱛᱟᱱ ᱛᱟᱱᱟᱞᱟ (᱑᱐+᱒) ᱟᱨ ᱜᱽᱨᱮᱡᱩᱭᱮᱥᱚᱱ (᱑᱐+᱒+᱓) ᱯᱟᱥ ᱛᱟᱭᱚᱢ ᱟᱱᱰᱟᱨᱜᱽᱨᱮᱡᱩᱭᱮᱴ ᱟᱨ ᱯᱳᱥᱴ ᱜᱨᱮᱡᱩᱭᱮᱴ ᱠᱳᱨᱥ ᱞᱟᱹᱜᱤᱫ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭ ᱵᱷᱩᱨᱛᱤ ᱫᱟᱲᱮᱭᱟᱜᱼᱟ᱾ Ph.D ᱛᱷᱚᱠ ᱨᱮ ᱵᱷᱩᱨᱛᱤ ᱞᱟᱹᱜᱤᱫ ᱫᱚ, ᱢᱤᱫ ᱦᱚᱲ ᱱᱮᱥᱟᱱᱟᱞ ᱮᱞᱤᱡᱮᱵᱤᱞᱤᱴᱤ ᱴᱮᱥᱴ (ᱮᱱ.ᱤ.ᱴᱤ) ᱵᱤᱱᱤᱰ ᱟᱨᱵᱟᱝᱠᱷᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱛᱮᱛᱮ ᱦᱩᱭᱩᱜ ᱨᱤᱥᱟᱨᱪ ᱠᱳᱣᱟᱞᱤᱯᱷᱟᱭᱤᱝ ᱴᱮᱥᱴ (ᱟᱨ.ᱤ.ᱴᱤ) ᱨᱮ ᱯᱟᱥ ᱦᱩᱭᱩᱜ ᱛᱟᱭᱟ᱾

ᱰᱤᱯᱞᱳᱢᱟ ᱟᱨ ᱥᱟᱨᱴᱤᱯᱷᱤᱠᱮᱴ ᱠᱳᱨᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱟᱱᱟᱼᱦᱩᱱᱟᱹᱨ ᱟᱱᱰᱟᱨᱜᱽᱨᱮᱡᱩᱭᱮᱴ ᱟᱨ ᱯᱳᱥᱴ ᱜᱨᱮᱡᱩᱭᱮᱴ ᱠᱳᱨᱥ ᱠᱚ ᱥᱟᱶᱛᱮ ᱥ.ᱠ.ᱵ.ᱡ.ᱵ ᱨᱮ ᱱᱟᱱᱟᱼᱦᱩᱱᱟᱹᱨ ᱰᱤᱯᱞᱳᱢᱟ ᱟᱨ ᱥᱟᱨᱴᱤᱯᱷᱤᱠᱮᱴ ᱠᱳᱨᱥ ᱦᱚᱸ ᱠᱚᱨᱟᱣ ᱦᱩᱭᱩᱜ ᱠᱟᱱᱟ᱾ ᱰᱤᱜᱽᱨᱤ ᱛᱷᱚᱠ ᱨᱮᱭᱟᱜ ᱠᱳᱨᱥ ᱠᱚ ᱠᱷᱚᱱ ᱫᱚ ᱱᱚᱣᱟ ᱠᱚ ᱠᱳᱨᱥ ᱨᱮᱭᱟᱜ ᱚᱠᱛᱚ ᱠᱚ ᱠᱷᱟᱴᱚ ᱜᱮᱭᱟ᱾ ᱵᱤᱥᱮᱥ ᱠᱟᱭᱛᱮ, ᱱᱚᱸᱰᱮ ᱢᱤᱫ ᱥᱮᱨᱢᱟ ᱨᱮᱭᱟᱜ ᱪᱷᱳᱶ ᱮᱱᱮᱡ ᱟᱨ ᱡᱷᱩᱢᱩᱨ ᱨᱮ ᱰᱤᱯᱞᱳᱢᱟ ᱠᱳᱨᱥ ᱪᱟᱞ ᱦᱩᱭᱩᱜ ᱠᱟᱱᱟ᱾ ᱱᱚᱸᱰᱮ ᱫᱚ ᱟᱨᱦᱚᱸ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱛᱷᱟᱱᱤᱛ ᱩᱯᱨᱩᱢ ᱨᱩᱠᱷᱤᱭᱟᱹ ᱫᱚᱦᱚᱭ ᱨᱮᱭᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱥᱟᱛᱟᱢ ᱪᱮᱛᱟᱱ ᱨᱮ ᱥᱟᱨᱴᱤᱯᱷᱤᱠᱮᱴ ᱠᱳᱨᱥ ᱦᱚᱸ ᱠᱚᱨᱟᱣ ᱦᱩᱭᱩᱜ ᱠᱟᱱᱟ᱾ ᱱᱚᱣᱟ ᱜᱮ ᱱᱚᱝᱠᱟᱱ ᱢᱤᱫ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ ᱡᱟᱦᱟᱸ ᱨᱮ ᱠᱩᱨᱢᱟᱹᱞᱤ ᱯᱟᱹᱨᱥᱤ ᱟᱨ ᱥᱟᱱᱛᱟᱲᱤ ᱪᱤᱠᱤᱵᱤᱨᱫᱟᱹ (ᱥᱠᱨᱤᱯᱴᱚᱞᱚᱡᱤ) ᱨᱮᱭᱟᱜ ᱥᱟᱨᱴᱤᱯᱷᱤᱠᱮᱴ ᱠᱳᱨᱥ ᱪᱟᱞ ᱦᱩᱭᱩᱜ ᱠᱟᱱᱟ᱾

ᱢᱟᱹᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱮᱥᱟᱱᱟᱞ ᱮᱥᱮᱥᱢᱮᱱᱴ ᱮᱱᱰ ᱮᱠᱨᱮᱰᱮᱴᱮᱥᱚᱱ ᱠᱟᱭᱩᱱᱥᱤᱞ (ᱮᱱ.ᱮ.ᱮ.ᱥᱤ) ᱦᱚᱛᱮᱛᱮ ᱥᱤᱫᱚ ᱠᱟᱹᱱᱦᱩ ᱵᱤᱨᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱥ.ᱠ.ᱵ.ᱡ.ᱵ) ᱫᱚ B+ ᱜᱽᱨᱮᱰ ᱢᱟᱹᱱ ᱮᱢ ᱦᱩᱭ ᱟᱠᱟᱱᱟ᱾[᱑᱐]

ᱥᱟᱹᱠᱷᱟᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Detailed Demands For Grants For 2021-22" (PDF). Feb 5, 2021. Retrieved Feb 6, 2021.
  2. "Vice Chancellore". Archived from the original on 27 September 2012. Retrieved 6 September 2012.
  3. ᱓.᱐ ᱓.᱑ ᱓.᱒ ᱓.᱓ "Sidho-Kanho-Birsha University Data for NIRF'2021'" (PDF). Sidho Kanho Birsha University. Archived from the original (PDF) on 2021-12-23. Retrieved 2021-12-23.
  4. "The SKBU University Act, 2010" (PDF). wbhed.gov.in. 20 June 2021. Retrieved 20 June 2021.
  5. Tribal areas get own university, indianexpress.com. The Indian Express. Published Kolkata, 23 April 2010. Retrieved 29 July 2012
  6. "The SKBU University Act, 2010" (PDF). wbhed.gov.in. 20 June 2021. Retrieved 20 June 2021.
  7. University History Archived ᱒᱐᱑᱒-᱐᱓-᱐᱔ at the Wayback Machine., skbu.ac.in. Retrieved 29 July 2012.
  8. "Sidho Kanho Birsha University :: Purulia :: West Bengal". www.skbu.ac.in. Archived from the original on 2021-12-23. Retrieved 2021-12-23.
  9. "List of Colleges". skbu.ac.in. Archived from the original on 23 December 2021. Retrieved 15 April 2018.
  10. "NAAC Grade Sheet". NAAC. May 29, 2019. Archived from the original on 22 Sep 2021. Retrieved May 29, 2019.