ᱫᱤᱦᱮ
ᱫᱤᱦᱮ ᱫᱚ ᱚᱱᱠᱟᱱ ᱡᱤᱱᱤᱥ ᱠᱟᱱᱟ ᱡᱟᱦᱟᱸ ᱫᱚ ᱞᱩᱜᱽᱲᱤᱜ ᱨᱮᱱᱟᱜ ᱵᱟᱹᱛᱤ ᱟᱨ ᱥᱩᱱᱩᱢ ᱥᱮ ᱛᱚᱣᱟ ᱨᱮᱱᱟᱜ ᱜᱚᱛᱚᱢ ᱫᱩᱞ ᱫᱚᱦᱚ ᱠᱟᱛᱮᱜ ᱫᱤᱦᱮ ᱵᱟᱛᱤ ᱵᱚ ᱡᱩᱞ ᱚᱪᱚᱭᱟ, ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱫᱤᱦᱮ ᱫᱚ ᱦᱟᱥᱟ ᱨᱮᱱᱟᱜ ᱵᱟᱱᱟᱣ ᱛᱟᱦᱮᱱ ᱠᱟᱱᱟ ᱢᱮᱱᱠᱷᱟᱱ ᱱᱮᱛᱟᱨ ᱫᱚ ᱢᱮᱬᱦᱮᱫ, ᱡᱟᱨᱢᱩᱱᱤ ᱠᱚᱨᱮᱱᱟᱜ ᱠᱚ ᱟᱭᱢᱟ ᱵᱟᱱᱟᱣ ᱢᱮᱱᱟᱜ-ᱟ᱾ ᱥᱮᱫᱟᱭ ᱱᱟᱝ ᱡᱩᱜ ᱨᱮ ᱱᱚᱶᱟ ᱨᱮᱱᱟᱜ ᱠᱟᱹᱢᱤ ᱫᱚ ᱢᱟᱨᱥᱟᱞ ᱵᱟᱲᱟ ᱞᱟᱹᱜᱤᱫ ᱫᱚᱨᱠᱟᱨᱚᱜ ᱠᱟᱱ ᱛᱟᱦᱮᱱᱟ ᱢᱮᱱᱠᱷᱟᱱ ᱵᱤᱡᱞᱤ ᱨᱮᱱᱟᱜ ᱠᱷᱚᱡ ᱛᱟᱭᱚᱢ ᱱᱤᱛᱚᱜ ᱱᱚᱶᱟ ᱟᱭᱢᱟ ᱜᱟᱱ ᱥᱟᱡᱟᱣ ᱮᱢᱟᱱ ᱠᱚᱨᱮ ᱞᱟᱜᱟᱜ ᱠᱟᱱᱟ᱾ ᱟᱨ ᱦᱚᱸ ᱧᱮᱞᱟᱵᱚᱵᱱ ᱥᱟᱶᱛᱟ ᱟᱹᱨᱤᱪᱟᱹᱞᱤ ᱥᱮ ᱫᱷᱚᱨᱚᱢ ᱠᱟᱹᱢᱤ ᱨᱮ ᱱᱚᱶᱟ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱢᱟᱹᱱ ᱱᱤᱛᱚᱜ ᱦᱚᱸ ᱢᱮᱱᱟᱜ-ᱟ᱾
•ᱚ)ᱱᱚᱶᱟ ᱢᱚᱬᱮ ᱛᱟᱛᱣ ᱨᱮᱭᱟᱜ ᱢᱤᱫ ᱥᱮᱸᱜᱮᱞ ᱨᱮᱱᱟᱜ ᱩᱯᱨᱩᱢ ᱢᱟᱱᱟᱜ ᱠᱟᱱᱟ᱾
•ᱛ)ᱫᱤᱦᱮ ᱡᱩᱞᱩᱜ ᱨᱮᱱᱟᱜ ᱦᱚᱸ ᱢᱟᱸᱛᱟᱨ ᱢᱮᱱᱟᱜ-ᱟ ᱱᱚᱶᱟ ᱨᱮᱱᱟᱜ ᱟᱹᱲ ᱯᱷᱚᱴᱮᱞ ᱚᱪᱚᱭ ᱞᱟᱹᱜᱤᱫ ᱥᱟᱱᱟᱢ ᱥᱟᱹᱜᱩᱱ ᱠᱟᱹᱢᱤ ᱨᱮ ᱞᱟᱜᱟᱜ-ᱟ ᱠᱟᱱᱟ᱾
ᱱᱚᱶᱟ ᱨᱮᱠᱚ ᱢᱮᱱᱟ ᱡᱮ ᱥᱚᱨᱮᱥ ᱟᱨ ᱟᱥᱤᱥ, ᱟᱨᱚᱜᱭᱚ ᱟᱨ ᱥᱚᱸᱯᱚᱫᱟ ᱮᱢᱚᱜ ᱟᱱᱤᱡ ᱦᱮ ᱫᱤᱦᱮ, ᱫᱟᱹᱱᱢᱤ ᱠᱚᱣᱟᱜ ᱵᱩᱨᱫᱷᱤ ᱵᱟᱹᱲᱤᱡ ᱞᱟᱹᱜᱤᱫ ᱤᱧ ᱟᱢᱤᱧ ᱜᱚᱰ ᱡᱚᱦᱟᱨ ᱟᱢ ᱠᱟᱱᱟ᱾
ᱟᱥᱚᱞ ᱛᱟᱠ ᱨᱮ ᱡᱚᱠᱷᱚᱱ ᱫᱤᱦᱮ ᱥᱮᱱᱴᱮᱨ ᱞᱟᱹᱱ ᱨᱮ ᱫᱚ ᱦᱚ ᱠᱟᱛᱮᱜ ᱠᱚ ᱡᱩᱞᱟ ᱛᱚᱠᱷᱚᱱ ᱚᱱᱟ ᱫᱚ ᱫᱤᱦᱮᱢᱟᱹᱞᱤ ᱠᱚ ᱢᱮᱛᱟᱜ-ᱟ᱾ ᱟᱭᱥᱮ ᱠᱷᱟᱥ ᱛᱮᱫᱚ ᱱᱚᱶᱟ ᱫᱚ ᱦᱤᱸᱫᱩ ᱫᱤᱠᱩ ᱠᱚᱣᱟᱜ ᱫᱤᱣᱟᱞᱤ ᱨᱮ ᱱᱚᱶᱟ ᱫᱚ ᱦᱩᱭᱩᱜ ᱠᱟᱱᱟ᱾ ᱟᱨᱚ ᱠᱩᱥᱤ ᱛᱟᱠ ᱨᱮ ᱡᱮᱞᱮᱠᱟ ᱵᱟᱯᱞᱟ ᱮᱢᱟᱱ ᱠᱚᱨᱮ ᱫᱤᱦᱮᱢᱟᱹᱞᱤ ᱦᱩᱭᱩᱜ ᱠᱟᱱᱟ᱾
•ᱟᱨ ᱟᱵᱚ ᱥᱟᱱᱛᱟᱲ ᱟᱹᱫᱤᱵᱟᱹᱥᱤ ᱠᱚᱦᱚᱸ ᱫᱤᱦᱮ ᱢᱟᱹᱞᱤ ᱨᱮᱱᱟᱜ ᱠᱟᱹᱢᱤ ᱫᱚ ᱥᱟᱨ ᱥᱟᱹᱜᱩᱱ ᱵᱟᱯᱞᱟ ᱠᱟᱹᱢᱤ ᱨᱮ ᱟᱨ ᱠᱟᱨᱟᱢ ᱵᱚᱸᱜᱟ, ᱥᱚᱦᱨᱟᱭ ᱵᱚᱸᱜᱟ, ᱵᱟᱦᱟ ᱵᱚᱸᱜᱟ ᱮᱢᱟᱱ ᱥᱟᱱᱛᱟᱲ ᱵᱚᱸᱜᱟ ᱵᱩᱨᱩ ᱥᱮ ᱯᱚᱨᱚᱵ ᱨᱮ ᱱᱚᱶᱟ ᱨᱮᱱᱟᱜ ᱠᱟᱹᱢᱤ ᱦᱩᱭᱩᱜ ᱠᱟᱱᱟ᱾
ᱫᱤᱦᱮ ᱨᱮᱱᱟᱜ ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱭᱚᱛᱤ ᱥᱮᱸᱜᱮᱞ ᱟᱨ ᱢᱟᱨᱥᱟᱞ ᱞᱟᱹᱜᱤᱫ ᱩᱯᱨᱩᱢ ᱫᱤᱦᱮ ᱛᱤᱱᱟᱹᱜ ᱢᱟᱨᱮ ᱡᱤᱱᱤᱥ ᱠᱟᱱᱟ ᱱᱚᱶᱚ ᱨᱮᱱᱟᱜ ᱥᱟᱛᱟᱢ ᱵᱟᱵᱚᱛ ᱪᱮᱫ ᱦᱚᱸ ᱵᱟᱝ ᱢᱮᱱ ᱫᱟᱲᱮᱭᱟᱜ-ᱟ᱾ ᱫᱤᱷᱤᱨ ᱵᱷᱩᱜ ᱥᱮ ᱵᱩᱨᱩ ᱵᱷᱩᱜ ᱨᱮ ᱦᱚᱸ ᱱᱚᱶᱟ ᱢᱟᱹᱱᱢᱤ ᱠᱚ ᱥᱟᱶ ᱛᱟᱦᱮᱱ ᱠᱟᱱ ᱛᱟᱦᱮᱱᱟ᱾ ᱟᱫᱷᱟᱱ ᱫᱚ ᱟᱹᱰᱤ ᱧᱩᱛ ᱵᱩᱜ ᱨᱮ ᱩᱱᱟᱹᱜ ᱥᱚᱨᱮᱥ ᱪᱤᱛᱟᱹᱨ ᱧᱟᱢᱚᱜ ᱠᱟᱱᱟ ᱡᱟᱦᱟᱸ ᱫᱚ ᱵᱮᱜᱚᱨ ᱫᱤᱦᱮ ᱛᱮ ᱵᱟᱱᱟᱣ ᱟᱞᱜᱟ ᱵᱟᱹᱱᱩᱜ-ᱟ᱾ ᱥᱤᱧᱚᱛ ᱨᱮ ᱫᱤᱦᱮ ᱨᱮᱱᱟᱜ ᱱᱟᱜᱟᱢ ᱯᱚᱨᱢᱟᱱ ᱞᱮᱠᱟᱛᱮ ᱕᱐᱐᱐ ᱥᱟᱞᱮ ᱠᱷᱚᱱ ᱦᱚᱸ ᱟᱹᱰᱤ ᱢᱟᱨᱮ ᱜᱮᱭᱟ ᱡᱚᱠᱷᱚᱱ ᱢᱚᱦᱟᱱ-ᱡᱚ-ᱫᱟᱲᱚ ᱨᱮ ᱤᱴᱟ ᱨᱮᱱᱟᱜ ᱚᱲᱟᱜ ᱨᱮ ᱠᱚ ᱡᱩᱞ ᱮᱫ ᱛᱟᱦᱮᱱᱟ᱾ ᱜᱟᱰᱷᱟ ᱞᱟ ᱚᱠᱛᱮ ᱚᱸᱰᱮ ᱦᱟᱥᱟ ᱨᱮᱱᱟᱜ ᱨᱟᱯᱟᱜ ᱫᱤᱦᱮ ᱧᱟᱢ ᱟᱠᱟᱱᱟ᱾ ᱠᱷᱟᱢᱵᱟ ᱰᱷᱟᱵᱟ ᱨᱮ ᱫᱤᱦᱮ ᱞᱟᱹᱜᱤᱫ ᱟᱞᱮ ᱥᱮ ᱛᱟᱠ ᱵᱟᱱᱟᱣ ᱢᱮᱱᱟᱜ-ᱟ, ᱟᱨ ᱟᱠᱟᱱᱟ ᱣᱟᱠᱟᱱ ᱫᱤᱦᱮ ᱧᱟᱢ ᱟᱠᱟᱱᱟ ᱟᱨ ᱟᱣᱟᱜᱢᱟᱱ ᱠᱚ ᱟᱩᱵᱤᱥᱛᱟ ᱞᱟᱹᱜᱤᱫ ᱦᱚᱨ ᱰᱟᱦᱟᱨ ᱠᱷᱚᱱ ᱵᱟᱱᱟᱨ ᱯᱟᱦᱴᱟ ᱠᱷᱚᱱ ᱚᱲᱟᱜ ᱟᱨᱮ ᱢᱟᱨᱟᱝ ᱚᱲᱟᱜ ᱨᱮᱱᱟᱜ ᱢᱟᱨᱟᱝ ᱵᱷᱤᱛ ᱨᱮ ᱞᱟᱜᱟᱣ ᱟᱠᱟᱱ ᱫᱤᱦᱮ ᱡᱚᱡᱱᱟ ᱦᱚᱸ ᱧᱟᱢ ᱟᱠᱟᱱᱟ᱾ᱱᱚᱶᱟ ᱫᱩᱣᱟᱹᱨ ᱨᱮ ᱫᱤᱦᱮ ᱫᱚᱦᱚᱭ ᱞᱟᱹᱜᱤᱫ ᱠᱚᱢᱟᱱᱫᱟᱨ ᱵᱟᱱᱟᱣ ᱯᱟᱠᱷᱟ ᱠᱚ ᱵᱟᱱᱟᱣ ᱦᱩᱭ ᱟᱠᱟᱱᱟ᱾
ᱫᱤᱦᱮ ᱥᱤᱧᱚᱛ ᱟᱹᱨᱤᱪᱟᱹᱞᱤ ᱟᱨ ᱡᱤᱵᱚᱱ ᱨᱮ ᱱᱚᱸᱠᱟᱱ ᱡᱚᱲᱟᱣ ᱡᱚᱯᱚᱲᱟᱣ ᱢᱮᱱᱟᱜ-ᱟ ᱡᱮ ᱱᱚᱶᱟ ᱧᱩᱛᱩᱢ ᱛᱮ ᱥᱤᱧᱚᱛ ᱫᱟᱥᱛᱨᱤᱭ ᱥᱮᱨᱮᱧ ᱨᱮ ᱢᱤᱫ ᱫᱷᱟᱨᱟ ᱨᱟᱦᱟᱮ ᱨᱮᱱᱟᱜ ᱧᱩᱛᱩᱢ ᱫᱤᱦᱮ ᱨᱟᱦᱟ- ᱧᱩᱛᱩᱢ ᱫᱚᱦᱚ ᱦᱭᱩ ᱟᱠᱟᱱᱟ᱾ ᱢᱮᱱᱟᱠᱚ ᱱᱚᱶᱟ ᱨᱮ ᱱᱚᱸᱠᱟ ᱢᱮᱱ ᱞᱮᱠᱷᱟᱱ ᱫᱤᱦᱮ ᱟᱡ ᱛᱮ ᱡᱩᱞᱩᱜ-ᱟ᱾
ᱫᱤᱦᱮ ᱵᱟᱱᱟᱣ ᱞᱟᱹᱜᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱫᱤᱦᱮ ᱵᱟᱱᱟᱣ ᱞᱟᱹᱜᱤᱫ ᱫᱚ ᱴᱟᱸᱰᱤ ᱠᱷᱮᱛ ᱨᱮ ᱧᱟᱢᱚᱜ ᱱᱟᱲᱠᱟ ᱦᱟᱥᱟ ᱥᱮ ᱪᱤᱠᱟ ᱦᱟᱥᱟ ᱛᱮ ᱫᱤᱦᱮ ᱵᱟᱱᱟᱜ ᱠᱟᱱᱟ,ᱱᱚᱶᱟ ᱠᱷᱚᱱ ᱮᱴᱟᱜ ᱱᱚᱸᱠᱟᱱ ᱦᱟᱥᱟ ᱛᱮᱫᱚ ᱚᱲᱟᱜ ᱵᱟᱱᱟᱣ ᱞᱟᱹᱜᱤᱫ ᱠᱷᱟᱯᱨᱟ, ᱠᱟᱸᱰᱟ ᱠᱷᱟᱯᱨᱟ ᱯᱤᱴᱟᱷᱟ ᱰᱩᱝᱜᱤ ᱟᱨ ᱦᱩᱠᱟᱹ ᱮᱢᱟᱱ ᱠᱚ᱾
ᱞᱟᱜᱟᱜ ᱠᱟᱱ ᱥᱟᱢᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱹᱛᱤ ᱞᱟᱹᱜᱤᱫ ᱥᱩᱛᱤ ᱞᱩᱜᱽᱲᱤᱜ ᱨᱮ ᱥᱩᱱᱩᱢ ᱡᱚᱜ ᱟᱛᱮᱜ ᱠᱚ ᱡᱩᱞᱟ᱾
ᱢᱮᱴᱮ ᱨᱤᱭᱟᱞ ᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱩᱲᱤ ᱥᱩᱱᱩᱢ, ᱠᱩᱸᱭᱰᱤ ᱥᱩᱱᱩᱢ ᱟᱨ ᱜᱚᱛᱚᱢ
ᱫᱷᱚᱨᱚᱢ ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱶᱟ ᱫᱚ ᱦᱤᱸᱫᱩ ᱫᱚᱷᱨᱚᱢᱟᱱ ᱦᱚᱲ ᱫᱚ ᱢᱟᱸᱫᱤᱨ ᱨᱮ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱫᱚ ᱡᱟᱦᱮᱨ ᱜᱟᱲ ᱟᱨ ᱴᱟᱸᱡᱷᱤ ᱛᱷᱟᱱ ᱨᱮ ᱱᱚᱶᱟ ᱨᱮᱱᱟᱜ ᱠᱟᱹᱢᱤ ᱫᱚ ᱦᱩᱭᱩᱜ ᱠᱟᱱᱟ᱾