ᱱᱚᱠᱥᱟᱞᱵᱟᱲᱤ ᱵᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱱᱚᱠᱥᱟᱞᱵᱟᱲᱤ
ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ
Location of ᱱᱚᱠᱥᱟᱞᱵᱟᱲᱤ
Coordinates: 26°41′N 88°13′E / 26.68°N 88.22°E / 26.68; 88.22Coordinates: 26°41′N 88°13′E / 26.68°N 88.22°E / 26.68; 88.22
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛᱫᱟᱨᱡᱤᱞᱤᱝ
ᱮᱨᱤᱭᱟ
 • ᱞᱮᱠᱷᱟᱜᱩᱴ181.88 ᱠᱤᱢᱤ২ (70.22 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒᱐᱑᱑)
 • ᱞᱮᱠᱷᱟᱜᱩᱴ᱑᱖᱕,᱕᱒᱓
 • ᱰᱮᱱᱥᱤᱴᱤ910/ᱠᱤᱢᱤ2 (2400/ᱜᱟᱺᱴ ᱢᱟᱹᱭᱤᱞ)
IST (ᱭᱩᱴᱤᱥᱤ+᱐᱕:᱓᱐)
ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟᱫᱟᱨᱡᱤᱞᱤᱝ
ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟᱢᱟᱴᱤᱜᱟᱲᱟ-ᱱᱚᱠᱥᱟᱞᱵᱟᱲᱤ
ᱣᱮᱵᱽᱥᱟᱭᱤᱴdarjeeling.gov.in

ᱱᱚᱠᱥᱟᱞᱵᱟᱲᱤ ᱫᱚ ᱢᱤᱫ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱟᱱᱟ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮ ᱫᱟᱨᱡᱤᱞᱤᱝ ᱦᱚᱱᱚᱛ ᱨᱮᱱᱟᱜ ᱥᱤᱞᱤᱜᱩᱲᱤ ᱡᱚᱜᱚ ᱠᱷᱚᱸᱰ ᱨᱮ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱠᱷᱚᱸᱰᱮ ᱵᱮᱱᱟᱣᱟ ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱠᱥᱟᱞᱵᱟᱲᱤ 26°41′N 88°13′E / 26.68°N 88.22°E / 26.68; 88.22 ᱨᱮ ᱢᱮᱱᱟᱜᱼᱟ ᱾[᱑] ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱑᱕᱒ ᱢᱤᱴᱚᱨ (᱕᱐᱑ ᱯᱷᱤᱴ) ᱢᱮᱱᱟᱜᱼᱟ ᱾

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱠᱚᱧᱮ ᱨᱮ ᱢᱤᱨᱤᱠ ᱟᱨ ᱠᱟᱨᱥᱤᱭᱟᱝ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ, ᱥᱟᱢᱟᱝ ᱨᱮ ᱢᱟᱴᱤᱜᱟᱲᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ, ᱮᱛᱚᱢ ᱨᱮ ᱯᱷᱟᱸᱥᱤᱫᱮᱣᱟ ᱟᱨ ᱠᱷᱚᱲᱤᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱟᱨ ᱯᱟᱪᱮ ᱨᱮ ᱱᱮᱯᱟᱞ ᱨᱮᱱᱟᱜ ᱯᱨᱟᱸᱛ ᱮᱞ ᱑ ᱨᱮ ᱤᱞᱟᱢ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾[᱒][᱓]

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱑᱘᱑.᱘᱘ ᱠᱤᱞᱚᱢᱤᱴᱚᱨ᱒ ᱢᱮᱱᱟᱜᱼᱟ ᱾ ᱱᱚᱸᱰᱮ ᱢᱤᱫᱴᱟᱹᱝ ᱯᱟᱸᱪᱟᱭᱟᱛ ᱥᱟᱢᱤᱛᱤ, ᱖ ᱜᱚᱴᱟᱝ ᱜᱨᱟᱢ ᱯᱟᱸᱪᱟᱭᱟᱛ, ᱑᱒᱑ ᱜᱚᱴᱟᱝ ᱜᱨᱟᱢ ᱥᱚᱸᱥᱚᱫᱽ (ᱟᱹᱛᱩ ᱵᱟᱹᱭᱥᱤ), ᱙᱘ ᱜᱚᱴᱟᱝ ᱢᱚᱣᱡᱟ ᱟᱨ ᱗᱘ ᱜᱚᱴᱟᱝ ᱟᱹᱛᱩ ᱟᱨ ᱖ ᱜᱚᱴᱟᱝ ᱦᱚᱲ ᱞᱮᱠᱷᱟ ᱡᱚᱠᱷᱟ ᱥᱚᱦᱚᱨ ᱢᱮᱱᱟᱜᱼᱟ ᱾ ᱱᱚᱠᱥᱟᱞᱵᱟᱲᱤ ᱯᱩᱞᱤᱥ ᱥᱴᱮᱥᱚᱱ ᱫᱚ ᱱᱚᱣᱟ ᱵᱚᱱᱚᱛ ᱨᱮ ᱠᱟᱹᱢᱤᱭᱟ ᱾[᱔][᱕] ᱱᱚᱣᱟ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱱᱚᱠᱥᱟᱞᱵᱟᱲᱤ ᱨᱮ ᱢᱮᱱᱟᱜᱼᱟ ᱾[᱖]

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱜᱨᱟᱢ ᱯᱟᱸᱪᱟᱭᱟᱛ ᱠᱚ ᱢᱮᱱᱟᱜᱼᱟ: ᱜᱳᱥᱟᱭᱯᱩᱨ, ᱦᱟᱹᱛᱤᱜᱷᱤᱥᱟ, ᱞᱟᱛᱟᱨ ᱵᱟᱜᱽᱰᱚᱜᱽᱨᱟ, ᱢᱚᱱᱤᱨᱟᱢ, ᱱᱚᱠᱥᱟᱞᱵᱟᱲᱤ ᱟᱨ ᱪᱮᱛᱟᱱ ᱵᱟᱜᱽᱰᱚᱜᱽᱨᱟ ᱾[᱗]

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱑᱖᱕,᱕᱒᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱙᱗,᱗᱑᱓ ᱦᱚᱲ ᱫᱚ ᱟᱹᱛᱩ ᱨᱮ ᱟᱨ ᱖᱗,᱘᱐᱖ ᱦᱚᱲ ᱫᱚ ᱥᱚᱦᱚᱨ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱘᱕,᱐᱕᱔ (᱕᱑%) ᱠᱚᱲᱟ ᱟᱨ ᱘᱐,᱔᱖᱙ (᱔᱙%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐-᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚᱫᱚ ᱑᱘,᱘᱙᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱫᱚ ᱔᱔,᱓᱒᱘ (᱒᱖.᱗᱘%) ᱟᱨ ᱟᱹᱫᱤᱵᱟᱹᱥᱤ ᱫᱚ ᱓᱒,᱓᱘᱘ (᱑᱙.᱕᱗%) ᱦᱚᱲ ᱢᱮᱱᱟᱜ ᱠᱚᱣᱟ ᱾[᱘]

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱦᱚᱲ ᱞᱮᱠᱷᱟ ᱡᱚᱠᱷᱟ ᱥᱚᱦᱚᱨ ᱠᱚ ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱰᱩᱢᱨᱤᱜᱩᱲᱤ (᱑᱓,᱔᱑᱖), ᱩᱛᱛᱚᱨ ᱵᱟᱜᱽᱰᱚᱜᱽᱨᱟ (᱒᱕,᱐᱔᱔), ᱡᱮᱱᱤ (᱘,᱗᱔᱗), ᱵᱷᱤᱢᱨᱟᱢ (᱑᱑,᱐᱕᱘), ᱞᱟᱞᱢᱚᱱ (᱖,᱘᱙᱔) ᱟᱨ ᱫᱚᱠᱠᱷᱤᱱ ᱵᱟᱜᱽᱰᱚᱜᱽᱨᱟ (᱒,᱖᱔᱗) ᱾[᱘]

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱟᱨᱟᱝ ᱟᱹᱛᱩ ᱠᱚ (᱔,᱐᱐᱐+ ᱦᱚᱲ ᱮᱞ ᱟᱜ) ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱠᱚᱢᱞᱟ (᱔,᱙᱐᱘) ᱟᱨ ᱨᱟᱹᱱᱤᱰᱟᱸᱜᱟ (᱔,᱖᱕᱕) ᱾[᱘]

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱮᱴᱟᱜ ᱟᱹᱛᱩ ᱠᱚ ᱢᱮᱱᱟᱜᱼᱟ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ): ᱨᱚᱝᱯᱟᱹᱱᱤ (᱓,᱖᱑᱙), ᱰᱷᱚᱠᱱᱟ (᱓,᱕᱓᱗) ᱟᱨ ᱱᱚᱠᱥᱟᱞᱵᱟᱲᱤ (᱑,᱖᱑᱘) ᱾[᱘]

ᱥᱤᱠᱷᱱᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱥᱤᱠᱷᱱᱟᱹᱛ ᱦᱚᱲᱟᱜ ᱜᱩᱴ ᱮᱞ ᱫᱚ ᱑᱑᱐,᱖᱖᱓ ᱜᱚᱴᱟᱝ (᱗᱕.᱔᱗%) ᱥᱤᱠᱷᱱᱟᱹᱛ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱖᱒,᱒᱗᱐ (᱘᱒.᱗᱐%) ᱠᱚᱲᱟ ᱟᱨ ᱔᱘,᱓᱙᱓ (᱖᱗.᱘᱔%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱡᱟᱱᱟᱝ ᱵᱷᱮᱜᱟᱨ (ᱛᱤᱨᱞᱟᱹ ᱟᱨ ᱠᱚᱲᱟ ᱥᱤᱠᱷᱱᱟᱹᱛ ᱫᱚᱨ ᱛᱟᱞᱟ ᱨᱮ ᱵᱷᱮᱜᱟᱨ) ᱫᱚ ᱑᱔.᱘᱖% ᱛᱟᱦᱮᱸ ᱠᱟᱱᱟ ᱾[᱘]

ᱯᱟᱹᱨᱥᱤ ᱟᱨ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱫᱷᱚᱨᱚᱢ ᱠᱚ (᱒᱐᱑᱑)[᱙]
ᱦᱤᱱᱫᱩ
 
 86.03%
ᱤᱥᱟᱹᱭ
 
 6.57%
ᱤᱥᱞᱟᱢ
 
 5.69%
ᱵᱩᱫᱫᱷᱚ
 
 1.31%
ᱮᱴᱟᱜᱟᱜ ᱟᱨᱵᱟᱝ ᱵᱟᱭ ᱞᱟᱹᱭ ᱟᱠᱟᱱᱟ
 
 0.40%

᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱦᱤᱱᱫᱩ ᱫᱷᱚᱨᱚᱢ ᱠᱚᱣᱟᱜ ᱮᱞ ᱑᱔᱒,᱓᱙᱖ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱘᱖.᱐᱘% ᱛᱟᱦᱮᱸ ᱠᱟᱱᱟ ᱾ ᱤᱥᱟᱹᱭ ᱫᱷᱚᱨᱚᱢ ᱠᱚᱣᱟᱜ ᱮᱞ ᱑᱐,᱘᱗᱘ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱖.᱕᱗% ᱛᱟᱦᱮᱸ ᱠᱟᱱᱟ ᱾ ᱤᱥᱞᱟᱢ ᱫᱷᱚᱨᱚᱢ ᱠᱚᱣᱟᱜ ᱮᱞ ᱙,᱔᱒᱐ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱕.᱖᱙% ᱛᱟᱦᱮᱸ ᱠᱟᱱᱟ ᱾ ᱵᱩᱫᱫᱷᱚ ᱫᱷᱚᱨᱚᱢ ᱠᱚᱣᱟᱜ ᱮᱞ ᱒,᱑᱖᱔ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱑.᱓᱑% ᱛᱟᱦᱮᱸ ᱠᱟᱱᱟ ᱾ ᱮᱴᱟᱜ ᱠᱚᱣᱟᱜ ᱮᱞ ᱖᱖᱕ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩᱣᱟᱜ ᱦᱚᱲ ᱮᱞ ᱨᱮᱱᱟᱜ ᱐.᱔᱐% ᱛᱟᱦᱮᱸ ᱠᱟᱱᱟ ᱾[᱙]

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱯᱟᱹᱨᱥᱤ ᱠᱚ (᱒᱐᱑᱑)[᱑᱐]

  ᱵᱟᱝᱞᱟ (32.64%)
  ᱱᱮᱯᱟᱞᱤ (14.79%)
  ᱥᱟᱫᱽᱨᱤ (13.27%)
  ᱨᱟᱡᱽᱵᱚᱝᱥᱤ (12.47%)
  ᱦᱤᱱᱫᱤ (12.22%)
  ᱠᱩᱲᱩᱠᱷ (2.97%)
  ᱵᱷᱳᱡᱽᱯᱩᱨᱤ (1.69%)
  ᱵᱳᱲᱳ (1.07%)
  'ᱮᱴᱟᱜ' ᱵᱟᱝᱞᱟ (1.02%)
  ᱥᱟᱱᱛᱟᱲᱤ (0.91%)
  ᱮᱴᱟᱜ ᱠᱚᱣᱟᱜ (6.95%)

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱓᱒.᱖᱔% ᱫᱚ ᱵᱟᱝᱞᱟ, ᱑᱔.᱗᱙% ᱫᱚ ᱱᱮᱯᱟᱞᱤ, ᱑᱓.᱒᱗% ᱫᱚ ᱥᱟᱫᱽᱨᱤ, ᱑᱒.᱔᱗% ᱫᱚ ᱨᱟᱡᱽᱵᱚᱝᱥᱤ, ᱑᱒.᱒᱒% ᱫᱚ ᱦᱤᱱᱫᱤ, ᱒.᱙᱗% ᱫᱚ ᱠᱩᱲᱩᱠᱷ, ᱑.᱖᱙% ᱫᱚ ᱵᱷᱳᱡᱽᱯᱩᱨᱤ, ᱑.᱐᱗% ᱫᱚ ᱵᱳᱲᱳ ᱟᱨ ᱐.᱙᱑% ᱫᱚ ᱥᱟᱱᱛᱟᱲᱤ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱨᱚᱲᱼᱮᱫ ᱛᱟᱦᱮᱸᱫ ᱾[᱑᱐]

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱸᱠᱤᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱒-᱑᱓ ᱥᱟᱞ ᱨᱮ, ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱖ ᱜᱚᱴᱟᱝ ᱵᱮᱯᱟᱨ ᱵᱮᱸᱠ ᱟᱨ ᱵᱟᱨᱭᱟ ᱜᱨᱟᱢᱤᱬ ᱵᱮᱸᱠ ᱨᱮᱱᱟᱜ ᱚᱯᱷᱤᱥ ᱛᱟᱦᱮᱸ ᱠᱟᱱᱟ ᱾

ᱦᱮᱡ ᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱠᱟᱴᱤᱦᱟᱨ–ᱥᱤᱞᱤᱜᱩᱲᱤ ᱞᱟᱭᱤᱱ

ᱯᱚᱱᱚᱛ ᱨᱟᱡᱽᱰᱟᱦᱟᱨ ᱑᱒ ᱫᱚ ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱞᱮᱠᱟᱛᱮ ᱥᱮᱱᱚᱜᱼᱟ ᱾[᱑᱑]

ᱠᱟᱴᱤᱦᱟᱨ-ᱥᱤᱞᱤᱜᱩᱲᱤ ᱞᱟᱭᱤᱱ ᱨᱮ ᱵᱟᱜᱽᱰᱚᱜᱽᱨᱟ, ᱦᱚᱛᱤᱜᱷᱤᱥᱟ ᱟᱨ ᱱᱚᱠᱥᱟᱞᱵᱟᱲᱤ ᱨᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱾[᱑᱒]

ᱵᱟᱜᱽᱰᱚᱜᱽᱨᱟ ᱩᱰᱟᱹᱱ ᱰᱟᱹᱦᱤ ᱫᱚ ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱥᱩᱨ ᱨᱮ ᱢᱮᱱᱟᱜᱼᱟ ᱾[᱑᱓]

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱒-᱑᱓ ᱥᱟᱞ ᱨᱮ, ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱑᱒᱔ ᱜᱚᱴᱟᱝ ᱯᱨᱟᱭᱢᱮᱨᱤ ᱤᱥᱠᱩᱞ ᱨᱮ ᱑᱒,᱐᱖᱑ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱗ ᱜᱚᱴᱟᱝ ᱛᱟᱱᱟᱞᱟ ᱟᱥᱲᱟ ᱨᱮ ᱑,᱗᱕᱙ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱖ ᱜᱚᱴᱟᱝ ᱩᱱᱩᱥᱩᱞ ᱟᱥᱲᱟ ᱨᱮ ᱕,᱑᱖᱒ ᱜᱚᱴᱟᱝ ᱯᱟᱹᱴᱷᱩᱣᱟᱹ, ᱙ ᱜᱚᱴᱟᱝ ᱩᱱᱩᱥᱩᱞ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱨᱮ ᱑᱕,᱐᱔᱙ ᱜᱚᱴᱟᱝ ᱯᱟᱹᱴᱷᱩᱣᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾

ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ, ᱗᱘ ᱜᱚᱴᱟᱝ ᱟᱹᱛᱩ ᱠᱷᱚᱱ ᱑᱖ ᱜᱚᱴᱟᱝ ᱟᱹᱛᱩ ᱨᱮ ᱤᱥᱠᱩᱞ ᱜᱮ ᱵᱟᱭ ᱛᱟᱦᱮᱸ ᱠᱟᱱᱟ, ᱑᱘ ᱜᱚᱴᱟᱝ ᱟᱹᱛᱩ ᱨᱮ ᱵᱟᱨᱭᱟ ᱟᱨᱵᱟᱝ ᱰᱮᱦᱮᱨ ᱯᱨᱟᱭᱢᱮᱨᱤ ᱤᱥᱠᱩᱞ ᱛᱟᱦᱮᱸ ᱠᱟᱱᱟ, ᱑᱒ ᱜᱚᱴᱟᱝ ᱟᱹᱛᱩ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱯᱨᱟᱭᱢᱮᱨᱤ ᱟᱨ ᱢᱤᱫᱴᱟᱹᱝ ᱛᱟᱱᱟᱞᱟ ᱟᱥᱲᱟ ᱛᱟᱦᱮᱸ ᱠᱟᱱᱟ ᱟᱨ ᱗ ᱜᱚᱴᱟᱝ ᱟᱹᱛᱩ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱛᱟᱱᱟᱞᱟ ᱟᱥᱲᱟ ᱛᱟᱦᱮᱸ ᱠᱟᱱᱟ ᱟᱨ ᱢᱤᱫᱴᱟᱹᱝ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱛᱟᱦᱮᱸ ᱠᱟᱱᱟ ᱾[᱑᱔]

ᱦᱚᱲᱢᱚ ᱥᱟᱶᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱓ ᱥᱟᱞ ᱨᱮ, ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱤᱫᱴᱟᱹᱝ ᱫᱮᱦᱟᱛ ᱟᱥᱯᱟᱛᱟᱞ, ᱢᱤᱫᱴᱟᱹᱝ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ ᱟᱨ ᱱᱤᱡᱮ ᱟᱥᱯᱟᱛᱟᱞ ᱚᱲᱟᱜ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱜᱩᱴ ᱖᱐ ᱵᱮᱰ ᱟᱨ ᱑᱕ ᱜᱚᱴᱟᱝ ᱰᱚᱠᱴᱚᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱑᱕ ᱜᱷᱟᱨᱚᱸᱡᱽ ᱠᱚᱞᱭᱟᱬ ᱡᱚᱜᱚ ᱛᱟᱞᱢᱟ ᱟᱨ ᱢᱤᱫᱴᱟᱹᱝ ᱜᱷᱟᱨᱚᱸᱡᱽ ᱠᱚᱞᱭᱟᱬ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱾

ᱱᱚᱠᱥᱟᱞᱵᱟᱲᱤ ᱜᱨᱟᱢᱤᱬ ᱟᱥᱯᱟᱛᱟᱞ, ᱱᱚᱠᱥᱟᱞᱵᱟᱲᱤ ᱨᱮ ᱕᱐ ᱵᱮᱰ ᱟᱜ, ᱱᱚᱠᱥᱟᱞᱵᱟᱲᱤ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱢᱩᱬ ᱥᱚᱨᱠᱟᱨᱤ ᱢᱮᱰᱤᱠᱟᱞ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱵᱟᱜᱽᱰᱚᱜᱽᱨᱟ ᱨᱮ ᱢᱤᱫᱴᱟᱹᱝ ᱯᱨᱟᱭᱢᱮᱨᱤ ᱦᱮᱞᱛᱷ ᱛᱟᱞᱢᱟ (᱑᱐ ᱵᱮᱰ ᱟᱜ) ᱢᱮᱱᱟᱜᱼᱟ ᱾[᱑᱘][᱑᱙]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ↑ Falling Rain Genomics, Inc - Naxalbari
  2. ↑ "District Census Handbook, Darjeeling, Series 20, Part XII A, 2011 Census of India" (PDF). Map of Darjeeling district on the fifth page. Directorate of Census Operations, West Bengal. Retrieved 12 February 2020.
  3. ↑ "Map of Nepal by district" (PDF). Nepal. Retrieved 12 February 2020.
  4. ↑ "District Statistical Handbook 2013 Darjeeling". Tables 2.1, 2.2. Department of Statistics and Programme Implementation, Government of West Bengal. Archived from the original on 21 January 2019. Retrieved 12 February 2020.
  5. ↑ "Provisional Population Totals, West Bengal , Table 4". Census of India 2001, Darjeeling district (01). Census Commissioner of India. Archived from the original on 19 ᱡᱩᱞᱟᱭ 2011. Retrieved 12 ᱯᱷᱮᱵᱽᱨᱩᱣᱟᱨᱤ 2020.
  6. ↑ "District Census Handbook: Darjiling" (PDF). Map of District Darjiling with CD block HQs and Police Stations (on the fifth page). Directorate of Census Operations, West Bengal, 2011. Retrieved 12 February 2020.
  7. ↑ "Egiye Bangla Darjeeling" (PDF). Miscellaneous - District Detail. District administration. Retrieved 12 February 2020.
  8. ↑ ᱘.᱐ ᱘.᱑ ᱘.᱒ ᱘.᱓ ᱘.᱔ "CD block Wise Primary Census Abstract Data(PCA)". 2011 census: West Bengal – District-wise CD blocks. Registrar General and Census Commissioner, India. Retrieved 12 February 2020.
  9. ↑ ᱙.᱐ ᱙.᱑ "Table C-01 Population by Religion: West Bengal". censusindia.gov.in. Registrar General and Census Commissioner of India. 2011.
  10. ↑ ᱑᱐.᱐ ᱑᱐.᱑ "Table C-16 Population by Mother Tongue: West Bengal". www.censusindia.gov.in. Registrar General and Census Commissioner of India.
  11. ↑ "List of State Highways in West Bengal". West Bengal Traffic Police. Retrieved 21 February 2020.
  12. ↑ "55715 => 75743 Katihar-Siliguri DEMU". Time Table. India Railinfo. Retrieved 22 February 2020.
  13. ↑ "Airports Authority of India". Archived from the original on 22 December 2015. Retrieved 2 January 2016.
  14. ↑ "District Census Handbook, Darjiling, 2011, Series 20, Part XII A" (PDF). Page 394, Appendix I A: Villages by number of Primary Schools and Appendix I B: Villages by Primary, Middle and Secondary Schools. Directorate of Census Operations, West Bengal. Retrieved 12 February 2020.
  15. ↑ "Kalipada Ghosh Tarai Mahavidyalaya". KGTM. Retrieved 24 February 2020.
  16. ↑ "Kalipada Ghosh Tarai Mahavidyalaya". Careers360. Retrieved 24 February 2020.
  17. ↑ "Nakshalbari College". NC. Retrieved 27 February 2020.
  18. ↑ "Health & Family Welfare Department" (PDF). Health Statistics – Rural Hospitals. Government of West Bengal. Archived from the original (PDF) on 8 October 2022. Retrieved 28 February 2020.
  19. ↑ "Health & Family Welfare Department" (PDF). Health Statistics – Primary Health Centres. Government of West Bengal. Archived from the original (PDF) on 21 April 2018. Retrieved 28 February 2020.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱥᱤᱞᱤᱜᱩᱲᱤ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
"https://sat.wikipedia.org/w/index.php?title=ᱱᱚᱠᱥᱟᱞᱵᱟᱲᱤ_ᱵᱚᱱᱚᱛ&oldid=130428" ᱠᱷᱚᱱ ᱧᱟᱢ ᱟᱹᱜᱩᱭ