ᱵᱟᱸᱥᱣᱟᱲᱟ

ᱵᱟᱸᱥᱣᱟᱲᱟ
ᱵᱟᱸᱥᱣᱟᱲᱟ
ᱥᱚᱦᱚᱨ
	ᱵᱟᱸᱥᱣᱟᱲᱟ ᱵᱟᱸᱥᱣᱟᱲᱟᱨᱟᱡᱚᱥᱛᱷᱟᱱ ᱨᱮᱱᱟᱜ ᱴᱷᱟᱶ ᱥᱤᱧᱚᱛ ᱨᱮ
	Coordinates: 23°33′N 74°27′E / 23.55°N 74.45°ECoordinates: 23°33′N 74°27′E / 23.55°N 74.45°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱨᱟᱡᱚᱥᱛᱷᱟᱱ
ᱦᱚᱱᱚᱛ	ᱵᱟᱸᱥᱣᱟᱲᱟ
ᱥᱚᱨᱠᱟᱨ
• ᱞᱮᱠᱟᱱ	ᱱᱚᱜᱚᱨ ᱵᱟᱹᱭᱥᱤ
• ᱪᱟᱪᱞᱟᱣ	ᱠᱚᱝᱜᱽᱨᱮᱥ
ᱩᱥᱩᱞ	302 ᱢᱤᱴᱚᱨ (991 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱑᱐᱐,᱑᱒᱘
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱦᱤᱱᱫᱤ
• ᱨᱚᱲ	ᱣᱟᱜᱽᱰᱤ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱓᱒᱗᱐᱐᱑
ᱴᱮᱞᱤᱯᱷᱚᱱ ᱠᱳᱰ	᱐᱒᱙᱖᱒
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	RJ-IN
ᱜᱟᱹᱰᱤ ᱨᱤᱡᱤᱥᱴᱨᱤ	RJ-03
ᱡᱟᱱᱟᱝ ᱡᱟᱹᱱᱤ	ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱕᱔ ᱛᱤᱨᱞᱟᱹ
ᱣᱮᱵᱽᱥᱟᱭᱤᱴ	banswara.rajasthan.gov.in

ᱵᱟᱸᱥᱣᱟᱲᱟ ᱫᱚ ᱥᱤᱧᱚᱛ ᱨᱮᱱᱟᱜ ᱮᱛᱚᱢ ᱨᱟᱡᱚᱥᱛᱷᱟᱱ ᱨᱮ ᱵᱟᱸᱥᱣᱟᱲᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱨᱟᱡᱟ ᱵᱚᱸᱥᱤᱭᱟ ᱵᱷᱤᱞ ᱟᱨᱵᱟᱝ ᱴᱚᱴᱷᱟ ᱨᱮ "ᱵᱟᱸᱥ" ᱟᱨᱵᱟᱝ ᱢᱟᱫ ᱵᱤᱨ ᱞᱟᱹᱜᱤᱫ ᱫᱚᱦᱚ ᱟᱠᱟᱱᱟ ᱾

ᱨᱟᱡᱚᱥᱛᱷᱟᱱ ᱨᱮ ᱟᱹᱰᱤ ᱥᱚᱛᱛᱚ ᱫᱟᱜ ᱟᱨ "ᱪᱟᱪᱠᱚᱴᱟ" ᱧᱩᱛᱩᱢᱟᱜ ᱢᱟᱦᱤ ᱜᱟᱰᱟ ᱨᱮ ᱟᱹᱰᱤ ᱜᱟᱱ ᱫᱤᱯ ᱢᱮᱱᱟᱜ ᱤᱫᱤ ᱛᱮ ᱱᱚᱣᱟ 'ᱥᱟᱭ ᱫᱤᱯ ᱨᱮᱱᱟᱜ ᱥᱚᱦᱚᱨ' ᱟᱨᱵᱟᱝ 'ᱨᱟᱡᱚᱥᱛᱷᱟᱱ ᱨᱮᱱᱟᱜ ᱪᱮᱨᱟᱯᱩᱸᱡᱤ' ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱫᱤᱯ ᱢᱮᱱᱟᱜᱼᱟ, ᱱᱚᱣᱟ ᱵᱟᱸᱥᱣᱟᱲᱟ ᱞᱮᱠᱟᱛᱮ ᱞᱤᱸᱜᱤᱱᱟ ᱾ ᱥᱚᱦᱚᱨ ᱫᱚ ᱱᱚᱜᱚᱨ ᱵᱟᱹᱭᱥᱤ ᱦᱚᱛᱮᱛᱮ ᱥᱟᱥᱚᱱᱚᱜ ᱠᱟᱱᱟ ᱱᱚᱣᱟ ᱵᱟᱸᱥᱣᱟᱲᱟ ᱥᱚᱦᱨᱤ ᱜᱩᱴ ᱵᱷᱤᱛᱤᱨ ᱨᱮ ᱦᱤᱡᱩᱜᱼᱟ ᱾ ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱫᱚ ᱑᱐᱐,᱑᱒᱘ ᱦᱚᱲ ᱢᱮᱱᱟᱜ ᱠᱚᱣᱟ, ᱱᱩᱠᱩ ᱥᱚᱦᱨᱤ/ᱢᱟᱦᱟᱱᱚᱜᱽᱨᱤᱭ ᱦᱚᱲ ᱮᱞ ᱫᱚ ᱑᱐᱑,᱑᱗᱗ ᱦᱚᱲ ᱢᱮᱱᱟᱜ ᱠᱚᱣᱟ ᱚᱸᱰᱮ ᱠᱷᱚᱱ ᱕᱑,᱙᱔᱑ ᱠᱚᱲᱟ ᱟᱨ ᱔᱙,᱒᱓᱖ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾^[᱑]

ᱱᱟᱜᱟᱢ

ᱵᱟᱸᱥᱣᱟᱲᱟ ᱫᱚ (ᱟᱹᱲᱟᱹ ᱞᱮᱠᱟᱛᱮ "ᱵᱷᱤᱞ ᱫᱤᱥᱚᱢ") ᱵᱨᱤᱴᱤᱥ ᱥᱤᱧᱚᱛ ᱚᱠᱛᱚ ᱨᱟᱡᱽᱯᱩᱛᱟᱱᱟ ᱨᱮ ᱢᱤᱫ ᱨᱟᱡᱽᱯᱩᱛ ᱥᱟᱢᱚᱱᱛᱤ ᱯᱚᱱᱚᱛ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱜᱩᱡᱽᱨᱟᱛ ᱥᱤᱢᱟᱹ ᱨᱮ ᱢᱮᱱᱟᱜᱼᱟ ᱟᱨ ᱠᱚᱧᱮ ᱨᱮ ᱢᱩᱬ ᱯᱚᱱᱚᱛ ᱠᱚ ᱰᱩᱝᱜᱚᱨᱯᱩᱨ ᱟᱨ ᱩᱫᱚᱭᱯᱩᱨ ᱟᱨᱵᱟᱝ ᱢᱮᱣᱟᱲ ᱛᱮ ᱜᱷᱮᱨᱟᱣ ᱟᱠᱟᱱᱟ; ᱯᱨᱚᱛᱟᱯᱜᱚᱲ ᱦᱚᱛᱮᱛᱮ ᱠᱚᱧᱮ ᱥᱟᱢᱟᱝ ᱟᱨ ᱥᱟᱢᱟᱝ ᱨᱮ; ᱮᱛᱚᱢ ᱨᱮ ᱦᱚᱞᱠᱟᱨ ᱨᱮᱱᱟᱜ ᱠᱚᱞᱚᱱᱤ ᱟᱨ ᱡᱟᱵᱩᱣᱟ ᱯᱚᱱᱚᱛ ᱦᱚᱛᱮᱛᱮ; ᱟᱨ ᱯᱟᱪᱮ ᱨᱮ ᱨᱤᱣᱟ ᱠᱟᱸᱛᱷᱟ ᱯᱚᱱᱚᱛ ᱦᱚᱛᱮᱛᱮ ᱾

ᱵᱟᱸᱥᱣᱟᱲᱟ ᱫᱚ ᱯᱚᱱᱚᱛ ᱨᱮᱱᱟᱜ ᱡᱤᱞᱤᱧ ᱫᱚ ᱠᱚᱧᱮ ᱠᱷᱚᱱ ᱮᱛᱚᱢ ᱫᱷᱟᱹᱵᱤᱡ ᱫᱚ ᱗᱒ ᱠᱤᱞᱚᱢᱤᱴᱚᱨ (᱔᱕ ᱢᱤᱞ) ᱟᱨ ᱥᱟᱢᱟᱝ ᱠᱷᱚᱱ ᱯᱟᱪᱮ ᱫᱷᱟᱹᱵᱤᱡ ᱫᱚ ᱕᱓ ᱠᱤᱞᱚᱢᱤᱴᱚᱨ (᱓᱓ ᱢᱤᱞ) ᱚᱥᱟᱨ ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱔,᱑᱖᱐ ᱜᱟᱺᱴ ᱠᱤᱞᱚᱢᱤᱴᱚᱨ (᱑,᱖᱐᱖ ᱜᱟᱺᱴ ᱢᱤᱞ) ᱛᱟᱦᱮᱸ ᱠᱟᱱᱟ ᱾^[᱒] ᱑᱙᱔᱑ ᱥᱟᱞ ᱨᱮ ᱦᱚᱲ ᱮᱞ ᱫᱚ ᱒᱕᱘,᱗᱖᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾^[᱓]

ᱵᱟᱸᱥᱣᱟᱲᱟ ᱦᱚᱱᱚᱛ ᱫᱚ ᱵᱟᱜᱚᱲ ᱟᱨᱵᱟᱝ ᱵᱟᱜᱽᱣᱟᱨ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱴᱚᱴᱷᱟ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱮ ᱵᱮᱱᱟᱣᱟ ᱾ ᱦᱚᱱᱚᱛ ᱫᱚ ᱢᱟᱬᱟᱝ ᱢᱚᱦᱟᱨᱟᱣᱞᱚ ᱦᱚᱛᱮᱛᱮ ᱥᱟᱥᱚᱱᱮᱫ ᱯᱚᱱᱚᱛ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱢᱟᱫ ᱤᱫᱤ ᱛᱮ ᱯᱟᱲᱟᱣ ᱟᱠᱟᱱᱟ ᱱᱚᱣᱟ ᱵᱤᱨ ᱨᱮ ᱟᱹᱰᱤ ᱜᱟᱱ ᱢᱮᱱᱟᱜᱼᱟ ᱾

ᱵᱟᱸᱥᱣᱟᱲᱟ ᱢᱟᱥᱠᱚᱨ ᱫᱚ ᱨᱟᱡᱚᱥᱛᱷᱟᱱ ᱨᱮᱱᱟᱜ 'ᱡᱚᱞᱤᱭᱟᱝᱵᱟᱞᱟ ᱵᱟᱜᱽ' ᱧᱩᱛᱩᱢ ᱛᱮ ᱦᱚᱸ ᱵᱟᱰᱟᱭᱚᱜᱼᱟ, ᱱᱚᱣᱟ ᱵᱨᱤᱴᱤᱥ ᱨᱟᱡᱽ ᱡᱩᱜᱽ ᱨᱮᱱᱟᱜ ᱢᱤᱫ ᱜᱷᱟᱴᱱᱟ ᱟᱹᱰᱤ ᱠᱚᱢ ᱦᱚᱲ ᱠᱚ ᱵᱟᱰᱟᱭᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱚᱛᱱᱚᱜ

ᱵᱟᱸᱥᱣᱟᱲᱟ ᱫᱚ 23°33′N 74°27′E / 23.55°N 74.45°E / 23.55; 74.45 ᱨᱮ ᱢᱮᱱᱟᱜᱼᱟ ᱾^[᱔] ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱓᱐᱒ ᱢᱤᱴᱚᱨ (᱙᱙᱐ ᱯᱷᱤᱴ) ᱢᱮᱱᱟᱜᱼᱟ ᱾

ᱵᱟᱸᱥᱣᱟᱲᱟ ᱦᱚᱱᱚᱛ ᱫᱚ ᱮᱛᱚᱢ ᱨᱟᱡᱚᱥᱛᱷᱟᱱ ᱨᱮ ᱕,᱙᱙᱙ ᱜᱟᱺᱴ ᱠᱤᱞᱚᱢᱤᱴᱚᱨ (᱒,᱓᱑᱖ ᱜᱟᱺᱴ ᱢᱤᱞ) ᱴᱚᱴᱷᱟ ᱥᱟᱶ ᱒᱓.᱑᱑° N ᱠᱷᱚᱱ ᱒᱓.᱔᱕᱖° N ᱠᱷᱚᱱ ᱞᱟᱴᱤᱴᱭᱩᱰ ᱟᱨ ᱗᱓.᱕᱘° E ᱠᱷᱚᱱ ᱗᱔.᱔᱙° E ᱞᱚᱝᱜᱤᱴᱭᱩᱰ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱯᱨᱚᱛᱟᱯᱜᱚᱲ ᱦᱚᱱᱚᱛ ᱨᱮᱱᱟᱜ ᱫᱷᱟᱨᱤᱭᱟᱣᱟᱲ, ᱯᱤᱯᱚᱞᱠᱩᱴ ᱟᱨ ᱚᱨᱱᱚᱫᱽ ᱛᱚᱦᱥᱤᱞ ᱛᱮ ᱠᱚᱧᱮᱼᱥᱟᱢᱟᱝ ᱨᱮ ᱜᱷᱮᱨᱟᱣ ᱟᱠᱟᱱᱟ; ᱥᱟᱢᱟᱝ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱛᱚᱛᱞᱚᱢ ᱦᱚᱱᱚᱛ ᱛᱮ; ᱯᱟᱪᱮ ᱨᱮ ᱥᱚᱜᱽᱣᱟᱲᱟ ᱟᱨ ᱠᱚᱧᱮᱼᱯᱟᱪᱮ ᱨᱮ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱰᱩᱝᱜᱚᱨᱯᱩᱨ ᱦᱚᱱᱚᱛ ᱨᱮᱱᱟᱜ ᱟᱥᱯᱩᱨ ᱛᱚᱦᱥᱤᱞ ᱦᱚᱛᱮᱛᱮ; ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱡᱷᱟᱵᱩᱣᱟ ᱦᱚᱱᱚᱛ ᱨᱮᱱᱟᱜ ᱮᱛᱚᱢᱼᱥᱟᱢᱟᱝ ᱨᱮ ᱟᱨ ᱜᱩᱡᱽᱨᱟᱴ ᱨᱮᱱᱟᱜ ᱫᱟᱦᱚᱫᱽ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱟᱨ ᱮᱛᱚᱢᱼᱯᱟᱪᱮ ᱨᱮ ᱾

ᱴᱷᱟᱶ

ᱵᱟᱸᱥᱣᱟᱲᱟ ᱦᱚᱱᱚᱛ ᱫᱚ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱟᱹᱰᱤ ᱮᱛᱚᱢ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚᱧᱮ ᱨᱮ ᱯᱨᱚᱛᱟᱯᱜᱚᱲ, ᱯᱟᱪᱮ ᱨᱮ ᱰᱩᱝᱜᱚᱨᱯᱩᱨ, ᱥᱟᱢᱟᱝ ᱟᱨ ᱮᱛᱚᱢ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱨᱚᱛᱞᱚᱢ ᱟᱨ ᱡᱷᱟᱵᱩᱣᱟ ᱦᱚᱱᱚᱛ ᱟᱨ ᱮᱛᱚᱢ ᱨᱮ ᱫᱟᱦᱚᱫᱽ ᱦᱚᱱᱚᱛ, ᱜᱩᱡᱽᱨᱟᱴ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾

ᱢᱩᱬ ᱥᱚᱦᱚᱨ ᱠᱷᱚᱱ ᱥᱟᱺᱜᱤᱧ

ᱵᱟᱸᱥᱣᱟᱲᱟ ᱥᱩᱨ ᱨᱮᱱᱟᱜ ᱢᱩᱬ ᱥᱚᱦᱚᱨ ᱫᱚ ᱩᱫᱚᱭᱯᱩᱨ ᱠᱟᱱᱟ ᱱᱚᱣᱟ ᱑᱖᱕ ᱠᱤᱞᱚᱢᱤᱴᱚᱨ (᱑᱐᱓ ᱢᱤᱞ) ᱥᱟᱺᱜᱤᱧᱟ ᱾ ᱤᱱᱫᱚᱨ ᱟᱨ ᱚᱦᱢᱚᱫᱟᱵᱟᱫᱽ ᱦᱚᱸ ᱒᱑᱕ ᱠᱤᱞᱚᱢᱤᱴᱚᱨ (᱑᱓᱔ ᱢᱤᱞ) ᱟᱨ ᱒᱔᱕ ᱠᱤᱞᱚᱢᱤᱴᱚᱨ (᱑᱕᱒ ᱢᱤᱞ) ᱥᱟᱺᱜᱤᱧᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱱᱟᱶᱟ ᱫᱤᱞᱞᱤ ᱠᱷᱚᱱ ᱘᱒᱗ ᱠᱤᱞᱚᱢᱤᱴᱚᱨ (᱕᱑᱔ ᱢᱤᱞ) ᱟᱨ ᱢᱩᱢᱵᱟᱭ ᱠᱷᱚᱱ ᱗᱑᱐ ᱠᱤᱞᱚᱢᱤᱴᱚᱨ (᱔᱔᱐ ᱢᱤᱞ) ᱥᱟᱺᱜᱤᱧᱟ ᱾

ᱦᱚᱲ ᱮᱞ

ᱵᱟᱸᱥᱣᱟᱲᱟ ᱨᱮ ᱫᱷᱚᱨᱚᱢ (᱒᱐᱑᱑ ᱦᱚᱲ ᱞᱮᱠᱷᱟ ᱡᱚᱠᱷᱟ)
ᱫᱷᱚᱨᱚᱢ			ᱥᱟᱭᱠᱚᱲᱟ
ᱦᱤᱱᱫᱩ			64.83%
ᱢᱩᱥᱞᱤᱢ			26.32%

᱒᱐᱐᱑ ᱥᱟᱞ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,^[᱕] ᱵᱟᱸᱥᱣᱟᱲᱟ ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱫᱚ ᱑᱐᱑,᱑᱗᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱦᱚᱲ ᱮᱞ ᱟᱜ ᱕᱑% ᱟᱨ ᱛᱤᱨᱞᱟᱹ ᱔᱙% ᱢᱮᱱᱟᱜ ᱠᱚᱣᱟ ᱾ ᱵᱟᱸᱥᱣᱟᱲᱟ ᱥᱚᱦᱚᱨ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱘᱖.᱙᱘% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱫᱚ ᱕᱙.᱕% ᱠᱷᱚᱱ ᱰᱮᱦᱮᱨ ᱜᱮᱭᱟ, ᱚᱠᱟ ᱨᱮ ᱙᱒.᱗᱖% ᱠᱚᱲᱟ ᱟᱨ ᱘᱑.᱐᱑% ᱛᱤᱨᱞᱟᱹ ᱟᱜ ᱥᱮᱪᱮᱫ ᱢᱮᱱᱟᱜᱼᱟ ᱾

ᱥᱟᱜᱟᱲᱚᱢ

ᱥᱚᱲᱚᱠ

ᱥᱚᱲᱚᱠ ᱥᱟᱜᱟᱲᱚᱢ ᱢᱟᱞ ᱯᱟᱥᱮᱧᱡᱚᱨ ᱦᱚᱱᱚᱛ ᱠᱷᱚᱱ ᱦᱮᱡ ᱥᱮᱱ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱨᱮᱱᱟᱜ ᱨᱚᱛᱞᱚᱢ, ᱰᱩᱝᱜᱚᱨᱯᱩᱨ, ᱫᱟᱦᱚᱫᱽ ᱟᱨ ᱡᱚᱭᱯᱩᱨ ᱠᱷᱚᱱ ᱥᱚᱡᱷᱮ ᱥᱚᱲᱚᱠ ᱡᱚᱲᱟᱣ ᱟᱠᱟᱱᱟ ᱾ ᱓᱑ ᱢᱟᱨᱪ ᱒᱐᱐᱐ ᱫᱷᱟᱹᱵᱤᱡ ᱦᱚᱱᱚᱛ ᱨᱮ ᱜᱩᱴ ᱥᱚᱲᱚᱠ ᱨᱮᱱᱟᱜ ᱡᱤᱞᱤᱧ ᱑,᱗᱔᱗ ᱠᱤᱞᱚᱢᱤᱴᱚᱨ ᱟᱨᱵᱟᱝ ᱑,᱐᱘᱖ ᱢᱤᱞ ᱢᱮᱱᱟᱜᱼᱟ ᱾

ᱨᱮᱞ

ᱨᱮᱞ ᱢᱚᱱᱛᱨᱤ ᱫᱚ ᱰᱩᱝᱜᱚᱨᱯᱩᱨ ᱟᱨ ᱨᱚᱛᱞᱚᱢ ᱥᱴᱮᱥᱚᱱ ᱫᱚ ᱡᱚᱲᱟᱣ ᱞᱟᱹᱜᱤᱫ ᱛᱮ ᱛᱷᱟᱯᱚᱱ ᱟᱠᱟᱱ ᱨᱮᱞᱣᱮ ᱞᱟᱭᱤᱱ ᱫᱚ ᱢᱚᱱᱡᱚᱨ ᱮᱢ ᱟᱠᱟᱱᱟ ᱾ ᱨᱚᱛᱞᱚᱢ ᱠᱷᱚᱱ ᱰᱩᱝᱜᱚᱨᱯᱩᱨ ᱛᱟᱞᱟ ᱨᱮᱱᱟᱜ ᱜᱩᱴ ᱡᱤᱞᱤᱧ ᱫᱚ ᱑᱘᱗.᱖ ᱠᱤᱞᱚᱢᱤᱴᱚᱨ ᱟᱨᱵᱟᱝ ᱑᱑᱗ ᱢᱤᱞ ᱢᱮᱱᱟᱜᱼᱟ, ᱵᱟᱸᱥᱣᱟᱲᱟ ᱫᱚ ᱱᱚᱣᱟ ᱵᱟᱨᱭᱟ ᱥᱴᱮᱥᱚᱱ ᱨᱮᱱᱟᱜ ᱛᱟᱞᱢᱟ ᱨᱮ ᱢᱮᱱᱟᱜᱼᱟ ᱾ ᱠᱟᱹᱡ ᱫᱤᱞ ᱦᱩᱭ ᱮᱱᱟ ᱨᱮᱞᱣᱮ ᱞᱟᱭᱤᱱ ᱨᱮᱱᱟᱜ ᱠᱟᱹᱢᱤ ᱵᱟᱲᱦᱟᱣ ᱨᱮ ᱢᱮᱱᱟᱜᱼᱟ ᱟᱨ ᱮᱡᱮᱱᱥᱤ ᱦᱚᱛᱮᱛᱮ ᱪᱤᱱᱦᱟᱹᱣ ᱟᱠᱟᱱ ᱨᱮᱞ ᱴᱨᱮᱠ ᱞᱟᱹᱜᱤᱫ ᱛᱮ ᱢᱩᱪᱟᱹᱫ ᱛᱷᱟᱱ ᱠᱟᱱᱟ ᱢᱮᱱᱠᱷᱟᱱ ᱱᱤᱛᱚᱜ ᱒᱐᱒᱑ ᱥᱟᱞ ᱨᱮ ᱵᱟᱸᱥᱣᱟᱲᱟ ᱟᱜ ᱟᱡᱟᱜ ᱨᱮᱞᱣᱮ ᱵᱟᱱᱩᱜᱼᱟ ᱾ ᱥᱩᱨ ᱨᱮ ᱵᱟᱨᱭᱟ ᱥᱚᱦᱚᱨ ᱰᱩᱝᱜᱚᱨᱯᱩᱨ ᱟᱨ ᱩᱫᱚᱭᱯᱩᱨ ᱟᱜ ᱟᱡᱟᱜ ᱨᱮᱞᱣᱮ ᱢᱮᱱᱟᱜᱼᱟ ᱢᱮᱱᱠᱷᱟᱱ ᱵᱟᱸᱥᱣᱟᱲᱟ ᱨᱮ ᱢᱤᱫᱴᱟᱹᱝ ᱦᱚᱸ ᱨᱮᱞᱣᱮ ᱵᱟᱱᱩᱜᱼᱟ ᱾

ᱦᱚᱭ ᱰᱟᱦᱟᱨ

ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱫᱚ ᱩᱫᱚᱭᱯᱩᱨ ᱑᱖᱕ ᱠᱤᱞᱚᱢᱤᱴᱚᱨ (᱑᱐᱓ ᱢᱤᱞ) ᱨᱮ ᱢᱮᱱᱟᱜᱼᱟ, ᱵᱟᱸᱥᱣᱟᱲᱟ ᱥᱚᱦᱚᱨ ᱠᱷᱚᱱ ᱑᱓ ᱠᱤᱞᱚᱢᱤᱴᱚᱨ (᱘.᱑ ᱢᱤᱞ) ᱥᱟᱺᱜᱤᱧ ᱛᱚᱞᱣᱟᱲᱟ ᱟᱹᱛᱩ ᱩᱰᱟᱹᱱ ᱯᱟᱴᱴᱤ ᱞᱟᱹᱜᱤᱫ ᱛᱮ ᱪᱟᱨᱴᱟᱨ ᱩᱰᱟᱹᱜ ᱜᱟᱹᱰᱤ ᱞᱟᱹᱜᱤᱫ ᱢᱤᱫ ᱦᱮᱞᱤᱯᱮᱰ ᱟᱨ ᱨᱟᱱᱵᱮ ᱢᱮᱱᱟᱜᱼᱟ ᱾ ᱵᱟᱸᱥᱣᱟᱲᱟ ᱨᱮ ᱦᱚᱸ ᱩᱰᱟᱹᱱ ᱰᱟᱹᱦᱤ ᱫᱚ ᱵᱟᱱᱩᱜᱼᱟ, ᱢᱮᱱᱠᱷᱟᱱ ᱩᱫᱚᱭᱯᱩᱨ ᱥᱩᱨ ᱑᱖᱐ ᱠᱤᱞᱚᱢᱤᱴᱚᱨ (᱙᱙ ᱢᱤᱞ), ᱤᱱᱫᱚᱨ (ᱢᱚᱫᱷᱭᱚ ᱯᱨᱚᱫᱮᱥ) ᱒᱑᱒ ᱠᱤᱞᱚᱢᱤᱴᱚᱨ (᱑᱓᱒ ᱢᱤᱞ) ᱟᱨ ᱚᱦᱢᱚᱫᱟᱵᱟᱫᱽ (ᱜᱩᱡᱽᱨᱟᱴ) ᱒᱘᱕ ᱠᱤᱞᱚᱢᱤᱴᱚᱨ (᱑᱗᱗ ᱢᱤᱞ) ᱵᱟᱸᱥᱣᱟᱲᱟ ᱥᱩᱨ ᱨᱮᱱᱟᱜ ᱢᱩᱬ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾

ᱥᱮᱪᱮᱫ

ᱥᱟᱹᱠᱷᱭᱟᱹᱛ

↑ [Parathapur disturbances in stock of big tea business, penalty recovery with tax of 11 lakhs "Banswara District population"]. Retrieved 27 March 2017. {{cite web}}: Check |url= value (help)
↑ ᱪᱷᱟᱸᱪ:EB1911
↑ "Princely History of Banswara". Retrieved 3 May 2012.^{[permanent dead link]}
↑ "Maps, Weather, and Airports for Banswara, India". www.fallingrain.com.
↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

ᱪᱷᱟᱸᱪ:ᱵᱟᱸᱥᱣᱟᱲᱟ ᱦᱚᱱᱚᱛ

[1] [Parathapur disturbances in stock of big tea business, penalty recovery with tax of 11 lakhs "Banswara District population"]. Retrieved 27 March 2017. {{cite web}}: Check |url= value (help)

[2] ᱪᱷᱟᱸᱪ:EB1911

[3] "Princely History of Banswara". Retrieved 3 May 2012.^{[permanent dead link]}

[4] "Maps, Weather, and Airports for Banswara, India". www.fallingrain.com.

[5] "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

[᱑]

[᱒]

[᱓]

[᱔]

[᱕]