ᱞᱟᱵᱷᱯᱩᱨ

ᱞᱟᱵᱷᱯᱩᱨ
ᱞᱟᱵᱷᱯᱩᱨ
ᱦᱚᱲᱞᱮᱠᱷᱟ ᱥᱚᱦᱚᱨ
	ᱞᱟᱵᱷᱯᱩᱨ ᱞᱟᱵᱷᱯᱩᱨᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ
	Coordinates: 23°50′N 87°49′E / 23.83°N 87.82°ECoordinates: 23°50′N 87°49′E / 23.83°N 87.82°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛ	ᱵᱤᱨᱵᱷᱩᱢ
ᱩᱥᱩᱞ	35 ᱢᱤᱴᱚᱨ (115 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱕,᱔᱑᱙
ᱯᱟᱹᱨᱥᱤ ᱠᱚ
• ᱚᱯᱷᱤᱥᱤᱭᱟᱞ	ᱵᱟᱝᱞᱟ, ᱤᱝᱞᱤᱥ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱓᱑᱓᱐᱓
ᱴᱮᱞᱤᱯᱷᱚᱱ ᱠᱳᱰ	᱐᱓᱔᱖᱓
ᱜᱟᱹᱰᱤ ᱨᱤᱡᱤᱥᱴᱨᱤ	WB
Sex ratio	᱙᱔᱔ ♂/♀
ᱞᱳᱠᱥᱚᱵᱷᱟ ᱛᱟᱞᱢᱟ	ᱵᱳᱞᱯᱩᱨ
ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟ	ᱞᱟᱵᱷᱯᱩᱨ
ᱣᱮᱵᱽᱥᱟᱭᱤᱴ	birbhum.nic.in

ᱞᱟᱵᱷᱯᱩᱨ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱵᱳᱞᱯᱩᱨ ᱪᱟᱸᱜᱟ ᱠᱷᱚᱸᱰ ᱨᱮᱭᱟᱜ ᱞᱟᱵᱽᱯᱩᱨ ᱵᱚᱱᱚᱛ ᱨᱮ ᱢᱤᱫ ᱦᱚᱲᱞᱮᱠᱷᱟ ᱥᱚᱦᱚᱨ ᱠᱟᱱᱟ᱾ ᱱᱚᱶᱟ ᱫᱚ ᱛᱟᱨᱟᱥᱚᱝᱠᱚᱨ ᱵᱟᱱᱫᱳᱯᱟᱫᱷᱭᱟᱭ ᱟᱜ ᱡᱟᱱᱟᱢ ᱴᱷᱟᱶ ᱞᱮᱠᱟᱛᱮ ᱫᱤᱥᱚᱢ ᱦᱚᱲ ᱴᱷᱮᱱ ᱵᱟᱰᱟᱭᱚᱜᱼᱟ ᱟᱨ ᱕᱑ ᱜᱚᱴᱟᱝ ᱥᱚᱠᱛᱤ ᱯᱤᱴᱷ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ᱾

ᱚᱛᱱᱚᱜ

[Full screen]
ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱵᱳᱞᱯᱩᱨ ᱪᱟᱸᱜᱟ ᱠᱷᱚᱸᱰ ᱨᱮᱭᱟᱜ ᱥᱚᱦᱚᱨ ᱟᱨ ᱵᱟᱡᱟᱨ ᱠᱚ M: ᱢᱤᱣᱱᱤᱥᱤᱯᱟᱞᱤᱴᱤ ᱥᱚᱦᱚᱨ/ ᱵᱟᱡᱟᱨ, CT: ᱦᱚᱲ ᱞᱮᱠᱷᱟ ᱥᱚᱦᱚᱨ, R: ᱟᱹᱛᱩ/ᱴᱚᱞᱟ᱾ ᱡᱟᱭᱜᱟ ᱠᱚᱢ ᱠᱷᱟᱹᱛᱤᱨ ᱞᱟᱹᱴᱩ ᱢᱮᱯ ᱨᱮ ᱟᱥᱚᱞ ᱴᱷᱟᱶ ᱠᱚ ᱱᱟᱥᱮ ᱦᱟᱱᱛᱮ ᱱᱷᱟᱛᱮ ᱫᱟᱲᱮᱭᱟᱜᱼᱟ᱾

ᱴᱷᱟᱶ

ᱞᱟᱵᱷᱯᱩᱨ ᱫᱚ ᱒᱓.᱘᱓° ᱠᱚᱧᱮ ᱘᱗.᱘᱒° ᱥᱟᱢᱟᱝ ᱨᱮ ᱢᱮᱱᱟᱜᱼᱟ᱾^[᱑] ᱱᱚᱣᱟ ᱨᱮᱱᱟᱜ ᱜᱷᱩᱴ ᱩᱥᱩᱞ ᱫᱚ ᱓᱕ ᱢᱤᱴᱚᱨ (᱑᱑᱕ ᱯᱷᱤᱴ) ᱢᱮᱱᱟᱜᱼᱟ᱾

ᱱᱚᱣᱟ ᱫᱚ ᱢᱳᱨ ᱜᱟᱰᱟ ᱨᱮᱭᱟᱜ ᱫᱟᱜ ᱰᱩᱵᱟᱹ ᱯᱞᱮᱱ ᱨᱮ ᱢᱮᱱᱟᱜᱼᱟ᱾ ᱢᱮᱥᱟᱧᱡᱳᱨ ᱰᱮᱢ ᱟᱨ ᱛᱤᱞᱯᱟᱨᱟ ᱵᱮᱨᱮᱡᱽ ᱠᱷᱚᱱ ᱡᱚᱠᱷᱚᱱ ᱫᱟᱜ ᱵᱟᱹᱲᱛᱤ ᱛᱮ ᱵᱚᱦᱮᱞᱚᱜᱼᱟ, ᱚᱱᱟ ᱛᱮ ᱱᱚᱣᱟ ᱴᱚᱴᱷᱟ ᱨᱮ ᱫᱟᱜ ᱰᱩᱵᱟᱹ ᱦᱩᱭᱩᱜᱼᱟ᱾ ᱒᱐᱐᱖ ᱥᱮᱨᱢᱟ ᱨᱮ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱞᱟᱵᱷᱯᱩᱨ ᱟᱨ ᱚᱱᱟ ᱥᱩᱨ ᱨᱮ ᱕᱐,᱐᱐᱐ ᱦᱚᱲ ᱫᱟᱜ ᱛᱮᱠᱚ ᱮᱥᱮᱫ ᱞᱮᱱᱟ᱾^[᱒]

ᱯᱩᱞᱤᱥ ᱥᱴᱮᱥᱚᱱ

ᱞᱟᱵᱷᱯᱩᱨ ᱯᱩᱞᱤᱥ ᱥᱴᱮᱥᱚᱱ ᱫᱚ ᱞᱟᱵᱷᱯᱩᱨ ᱵᱚᱱᱚᱛ ᱨᱮ ᱥᱮᱵᱟᱭ ᱮᱢ ᱮᱫᱟ᱾^[᱓]^[᱔]

ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ

ᱞᱟᱵᱽᱯᱩᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮᱭᱟᱜ ᱚᱯᱷᱤᱥ ᱚᱲᱟᱜ ᱫᱚ ᱞᱟᱵᱷᱯᱩᱨ ᱵᱟᱡᱟᱨ ᱨᱮ ᱢᱮᱱᱟᱜᱼᱟ᱾^[᱕]

ᱯᱚᱧᱪᱟᱭᱮᱛ

᱑. ᱞᱚᱵᱽᱯᱩᱨ ᱑ ᱜᱨᱟᱢ ᱯᱚᱧᱪᱟᱭᱚᱛ

᱒. ᱞᱚᱵᱽᱯᱩᱨ ᱒ ᱜᱨᱟᱢ ᱯᱚᱧᱪᱟᱭᱚᱛ

ᱰᱮᱢᱚᱜᱽᱨᱟᱯᱷᱤ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱞᱟᱵᱷᱯᱩᱨ ᱨᱮᱱᱟᱜ ᱜᱩᱴ ᱦᱚᱲ ᱮᱞ ᱕,᱔᱑᱙ ᱦᱚᱲ ᱢᱮᱱᱟᱜ ᱠᱚᱣᱟ ᱡᱟᱦᱟᱸ ᱠᱷᱚᱱ ᱒,᱗᱖᱒ (᱕᱑%) ᱠᱚᱲᱟ ᱟᱨ ᱒,᱖᱕᱗ (᱔᱙%) ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ᱾ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱔᱔᱓᱾ ᱞᱟᱵᱷᱯᱩᱨ ᱨᱮ ᱚᱞᱚᱜ ᱯᱟᱲᱦᱟᱣ ᱠᱚᱣᱟᱜ ᱜᱩᱴ ᱮᱞ ᱔,᱑᱙᱓ (᱖ ᱥᱮᱨᱢᱟ ᱠᱷᱚᱱ ᱰᱷᱮᱨ ᱦᱚᱲᱟᱜ ᱘᱔.᱒᱖%) ᱛᱟᱦᱮᱸ ᱠᱟᱱᱟ᱾^[᱖]

ᱯᱚᱨᱤᱠᱟᱴᱷᱟᱢᱳ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱦᱮᱱᱰᱵᱩᱠ ᱞᱮᱠᱟ ᱛᱮ, ᱞᱟᱵᱷᱯᱩᱨ ᱫᱚ ᱒.᱑᱐᱖᱙ ᱪᱟᱹᱣᱠᱟᱹ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱨᱮ ᱯᱟᱥᱱᱟᱣ ᱟᱠᱟᱱᱟ᱾ ᱞᱟᱵᱷᱯᱩᱨ ᱨᱮ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ᱾ ᱥᱚᱦᱚᱨ ᱨᱮ ᱵᱚᱥ ᱠᱚ ᱢᱮᱱᱟᱜᱼᱟ᱾ ᱱᱚᱸᱰᱮ ᱕ ᱠᱤᱞᱚᱢᱤᱴᱚᱨ ᱰᱟᱦᱟᱨ ᱟᱨ ᱨᱟᱲᱟ ᱰᱨᱮᱱ ᱢᱮᱱᱟᱜᱼᱟ᱾ ᱫᱟᱜ ᱨᱮᱭᱟᱜ ᱢᱩᱬᱩᱛ ᱯᱷᱮᱰᱟᱛ ᱫᱚ ᱜᱷᱟᱰᱨᱟ ᱯᱟᱭᱤᱯ ᱟᱨ ᱵᱚᱦᱚᱜ ᱪᱮᱛᱟᱱ ᱴᱮᱱᱠ ᱠᱷᱚᱱ ᱦᱟᱛᱟᱣᱚᱜ ᱠᱟᱱᱟ᱾ ᱑,᱐᱐᱐ ᱜᱟᱱ ᱚᱲᱟᱜ ᱨᱮ ᱤᱞᱮᱠᱴᱨᱤᱠ ᱡᱚᱲᱟᱣ ᱢᱮᱱᱟᱜᱼᱟ᱾ ᱱᱚᱣᱟ ᱨᱮ ᱑᱖ ᱜᱚᱴᱟᱝ ᱢᱮᱰᱤᱥᱤᱱ ᱥᱴᱚᱯ ᱢᱮᱱᱟᱜᱼᱟ ᱾ ᱱᱚᱸᱰᱮ ᱕ ᱜᱚᱴᱟᱝ ᱯᱨᱟᱭᱢᱟᱨᱤ ᱟᱥᱲᱟ, ᱒ ᱜᱚᱴᱟᱝ ᱢᱤᱰᱤᱞ ᱟᱥᱲᱟ, ᱒ ᱜᱚᱴᱟᱝ ᱥᱮᱠᱮᱱᱰᱟᱨᱤ ᱟᱥᱲᱟ ᱟᱨ ᱒ ᱜᱚᱴᱟᱝ ᱥᱤᱱᱤᱭᱚᱨ ᱥᱮᱠᱮᱱᱰᱟᱨᱤ ᱟᱥᱲᱟ ᱢᱮᱱᱟᱜᱼᱟ᱾ ᱥᱟᱶᱛᱟᱨᱤ, ᱨᱟᱹᱥᱠᱟᱹ ᱟᱨ ᱟᱹᱨᱤᱪᱟᱹᱞᱤ ᱨᱮᱱᱟᱜ ᱵᱮᱵᱚᱥᱛᱟ ᱨᱮ ᱑ ᱴᱟᱝ ᱥᱤᱱᱮᱢᱟ ᱛᱷᱤᱭᱮᱴᱚᱨ, ᱑ ᱴᱟᱝ ᱚᱰᱤᱴᱚᱨᱤᱭᱟᱢ/ ᱠᱚᱢᱭᱩᱱᱤᱴᱤ ᱦᱚᱞ, ᱑ ᱴᱟᱝ ᱯᱚᱵᱽᱞᱤᱠ ᱞᱟᱭᱵᱨᱮᱨᱤ ᱟᱨ ᱑ ᱴᱟᱝ ᱯᱟᱲᱦᱟᱣ ᱚᱲᱟᱜ ᱢᱮᱱᱟᱜᱼᱟ᱾ ᱱᱚᱸᱰᱮ ᱔ ᱭᱟ ᱡᱟᱹᱛᱤᱭᱟᱹᱨᱤ ᱵᱮᱝᱠ, ᱑ ᱴᱟᱝ ᱠᱚᱨᱯᱚᱨᱮᱴᱤᱵ ᱵᱮᱝᱠ ᱟᱨ ᱑ ᱴᱟᱝ ᱟᱜᱽᱨᱤᱠᱨᱮᱰᱤᱴ ᱥᱳᱥᱟᱭᱴᱤ ᱨᱮᱱᱟᱜ ᱪᱟᱸᱜᱟ ᱚᱯᱷᱤᱥ ᱢᱮᱱᱟᱜᱼᱟ᱾ ᱱᱚᱰᱮᱱᱟᱜ ᱡᱤᱱᱤᱥ ᱠᱚᱫᱚ ᱦᱩᱭᱩᱜ ᱠᱟᱱᱟ ᱪᱟᱣᱞᱮ, ᱜᱩᱦᱩᱢ ᱟᱨ ᱛᱩᱨᱤ ᱮᱢᱟᱱ᱾^[᱗]

ᱠᱟᱹᱣᱰᱤᱭᱟᱹᱨᱤ

ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱦᱟᱯᱛᱟ ᱨᱮ ᱢᱤᱫ ᱫᱷᱟᱣ ᱵᱟᱡᱟᱨ ᱵᱟᱹᱭᱥᱟᱹᱜᱼᱟ, ᱡᱟᱦᱟᱸ ᱫᱚ ᱴᱚᱴᱷᱟ ᱨᱮᱱ ᱦᱚᱲ ᱦᱟᱴ ᱠᱚ ᱢᱮᱛᱟᱜ ᱠᱟᱱᱟ᱾ ᱟᱲᱟᱜ ᱥᱟᱠᱟᱢ ᱵᱮᱜᱚᱨ ᱦᱚᱸ ᱴᱩᱠᱩᱡ ᱪᱮᱞᱟᱝ, ᱞᱟᱴᱷ ᱨᱮᱭᱟᱜ ᱡᱤᱱᱤᱥ, ᱡᱷᱩᱲᱤ, ᱡᱚ ᱡᱟᱝ ᱮᱢᱟᱱ ᱠᱚ ᱧᱟᱢᱚᱜᱼᱟ᱾ ᱢᱮᱱᱠᱷᱟᱱ ᱱᱤᱛᱚᱜ ᱫᱚ ᱞᱟᱵᱷᱯᱩᱨ ᱨᱮᱭᱟᱜ ᱠᱟᱹᱣᱰᱤᱭᱟᱹᱨᱤ ᱫᱚ ᱵᱚᱫᱚᱞ ᱟᱠᱟᱱᱟ᱾ ᱯᱩᱱᱭᱟᱹ ᱢᱩᱬᱩᱛ ᱵᱮᱯᱟᱨ ᱵᱟᱡᱟᱨ ᱢᱮᱱᱟᱜᱼᱟ᱾ ᱑. ᱵᱚᱥ ᱥᱴᱮᱱᱰ ᱵᱟᱡᱟᱨ, ᱒. BDO ᱠᱚᱢᱯᱞᱮᱠᱥ, ᱓. ᱥᱟᱥᱛᱤᱱᱚᱜᱚᱨ ᱵᱟᱡᱟᱨ ᱟᱨ ᱔. ᱦᱟᱴᱛᱚᱞᱟ᱾ ᱞᱚᱵᱽᱯᱩᱨ ᱫᱚ ᱞᱚᱵᱽᱯᱩᱨ ᱥᱩᱨ ᱨᱮ ᱢᱮᱱᱟᱜ ᱟᱹᱛᱩ ᱠᱚ ᱞᱟᱹᱜᱤᱫ ᱦᱚᱸ ᱞᱟᱹᱠᱛᱤᱭᱟᱱ ᱜᱮᱭᱟ᱾

ᱥᱟᱜᱟᱲᱚᱢ

ᱱᱚᱶᱟ ᱫᱚ ᱥᱤᱣᱲᱤ-ᱯᱷᱩᱴᱤᱥᱟᱠᱳ (ᱯᱚᱱᱚᱛ ᱨᱟᱡᱽᱰᱟᱦᱟᱨ ᱖) ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱟᱨ ᱞᱟᱵᱷᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱟᱦᱢᱚᱫᱽᱯᱩᱨ ᱠᱷᱚᱱ ᱑᱒ ᱠᱤᱞᱚᱢᱤᱴᱚᱨ ᱟᱨ ᱟᱦᱢᱚᱫᱽᱯᱩᱨ ᱠᱟᱴᱣᱟ ᱨᱮᱞᱣᱮ ᱨᱮ ᱠᱤᱨᱱᱟᱦᱟᱨ ᱠᱷᱚᱱ ᱑᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ᱾^[᱘]

᱕᱒ ᱠᱤᱞᱚᱢᱤᱴᱚᱨ ᱚᱦᱢᱚᱫᱽᱯᱩᱨ – ᱠᱟᱴᱣᱟ ᱱᱮᱨᱚᱜᱮᱡᱽ (᱒'᱖") ᱞᱟᱭᱤᱱ ᱨᱮ ᱢᱤᱫ ᱴᱮᱱ ᱴᱨᱮᱱ ᱫᱤᱱᱟᱹᱢ ᱦᱤᱞᱚᱜ ᱪᱟᱞᱟᱜ ᱠᱟᱱ ᱛᱟᱦᱮᱸᱫ᱾ ᱱᱚᱣᱟ ᱫᱚ ᱟᱡᱟᱜ ᱮᱛᱚᱦᱚᱵ ᱠᱷᱚᱱ ᱜᱮ ᱢᱤᱫᱴᱟᱹᱝ ᱥᱤᱝᱜᱮᱞ ᱞᱟᱭᱤᱱ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ᱾ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱑᱙᱖᱖ ᱨᱮ ᱢᱮᱠᱞᱚᱭᱰ ᱟᱨ ᱠᱚᱢᱯᱟᱱᱤ ᱠᱷᱚᱱ ᱠᱟᱴᱣᱟ ᱟᱨ ᱟᱦᱢᱚᱫᱽᱯᱩᱨ, ᱟᱨ ᱠᱟᱴᱣᱟ ᱟᱨ ᱵᱚᱨᱫᱷᱚᱢᱟᱱ ᱛᱟᱞᱟ ᱨᱮᱱᱟᱜ ᱦᱩᱰᱤᱧ ᱜᱮᱡᱽ ᱴᱨᱮᱠ ᱮ ᱦᱟᱛᱟᱣ ᱞᱮᱫᱼᱟ᱾ ᱨᱮᱞᱣᱮ ᱠᱚ ᱯᱟᱥᱮᱱᱡᱚᱨ ᱠᱚ ᱵᱟᱝ ᱧᱟᱢ ᱟᱨ ᱴᱤᱠᱤᱴ ᱠᱚ ᱵᱟᱝ ᱠᱤᱨᱤᱧ ᱨᱮᱭᱟᱜ ᱚᱡᱮ ᱠᱚᱭ ᱪᱤᱱᱦᱟᱹᱯ ᱠᱮᱫᱟ᱾ ᱑᱖ ᱡᱟᱱᱩᱣᱟᱨᱤ ᱒᱐᱑᱓ ᱠᱷᱚᱱ ᱴᱨᱮᱱ ᱥᱮᱵᱟ ᱠᱚ ᱵᱚᱱᱫᱚ ᱟᱠᱟᱱᱟ ᱟᱨ ᱱᱟᱱᱦᱟ ᱜᱮᱡᱽ ᱞᱟᱭᱤᱱ ᱵᱚᱫᱚᱞ ᱨᱮᱱᱟᱜ ᱵᱮᱵᱚᱥᱛᱟ ᱨᱮᱱᱟᱜ ᱠᱟᱹᱢᱤ ᱪᱟᱞᱟᱜ ᱠᱟᱱᱟ ᱛᱟᱦᱮᱸᱫ᱾ ᱒᱐᱑᱗ ᱨᱮᱱᱟᱜ ᱮᱛᱚᱦᱚᱵ ᱨᱮ ᱠᱟᱹᱢᱤ ᱠᱚ ᱯᱩᱨᱟᱹᱣ ᱦᱩᱭ ᱞᱮᱱᱟ ᱟᱨ ᱒᱔ ᱢᱮ ᱒᱐᱑᱘ ᱠᱷᱚᱱ ᱱᱚᱣᱟ ᱦᱟᱹᱴᱤᱧ ᱨᱮ ᱯᱟᱥᱮᱡᱟᱨ ᱥᱮᱵᱟ ᱞᱟᱹᱜᱤᱫ ᱛᱮ ᱮᱛᱚᱦᱚᱵ ᱟᱠᱟᱱᱟ᱾

ᱵᱚᱥ ᱴᱟᱨᱢᱤᱱᱟᱞ ᱫᱚ ᱞᱟᱵᱽᱯᱩᱨ ᱥᱚᱢᱵᱷᱩᱱᱟᱛᱷ ᱠᱚᱞᱮᱡᱽ ᱟᱨ ᱵᱚᱱᱚᱛ ᱵᱤᱵᱷᱟᱜᱽ ᱚᱯᱷᱤᱥ ᱠᱷᱚᱱ ᱟᱹᱰᱤ ᱥᱩᱨ ᱨᱮ ᱢᱮᱱᱟᱜᱼᱟ᱾ ᱞᱟᱵᱷᱯᱩᱨ ᱫᱚ ᱥᱤᱣᱲᱤ, ᱥᱟᱭᱛᱷᱤᱭᱟ, ᱨᱟᱢᱯᱩᱨᱦᱟᱴ, ᱵᱳᱞᱯᱩᱨ, ᱠᱤᱨᱱᱟᱦᱟᱨ ᱟᱨ ᱦᱚᱱᱚᱛ ᱨᱮᱱᱟᱜ ᱮᱴᱟᱜ ᱢᱩᱬ ᱡᱟᱭᱜᱟ ᱠᱷᱚᱱ ᱵᱟᱥ ᱰᱟᱦᱟᱨ ᱤᱫᱤ ᱛᱮ ᱡᱚᱲᱟᱣ ᱟᱠᱟᱱᱟ᱾ ᱵᱚᱨᱫᱷᱚᱢᱟᱱ, ᱫᱩᱨᱜᱟᱯᱩᱨ, ᱟᱥᱟᱱᱥᱳᱞ, ᱵᱚᱦᱚᱨᱚᱢᱯᱩᱨ, ᱠᱟᱴᱣᱟ, ᱠᱨᱤᱥᱱᱟᱱᱚᱜᱚᱨ ᱥᱟᱶ ᱦᱚᱸ ᱱᱚᱰᱮ ᱠᱷᱚᱱ ᱵᱟᱥ ᱥᱮᱵᱟ ᱢᱮᱱᱟᱜᱼᱟ᱾

ᱥᱮᱪᱮᱫ

ᱢᱟᱨᱟᱝ ᱵᱤᱨᱫᱟᱹᱜᱟᱲ

ᱥᱚᱢᱵᱷᱩᱱᱟᱛᱷ ᱠᱚᱞᱮᱡᱽ, ᱞᱟᱵᱷᱯᱩᱨ (ᱛᱷᱟᱯᱚᱱ. ᱑᱙᱖᱓)
ᱞᱟᱵᱽᱯᱩᱨ ᱢᱟᱪᱮᱛ ᱥᱮᱪᱮᱫ ᱛᱷᱟᱹᱯᱱᱤᱛ (B.Ed)
ᱞᱚᱵᱽᱯᱩᱨ ᱢᱟᱪᱮᱛ ᱥᱮᱪᱮᱫ ᱛᱷᱟᱹᱯᱱᱤᱛ (D.El.Ed)

ᱞᱟᱠᱪᱟᱨ

ᱛᱟᱨᱟᱥᱚᱝᱠᱚᱨᱟᱜ ᱚᱲᱟᱜ

ᱛᱟᱨᱟᱥᱚᱝᱠᱚᱨ ᱵᱟᱱᱫᱳᱯᱟᱫᱷᱭᱟᱭ, ᱵᱟᱝᱜᱟᱞᱤ ᱚᱱᱚᱞᱤᱭᱟᱹ, ᱒᱓ ᱡᱩᱞᱟᱭ ᱑᱙᱙᱘ ᱨᱮ ᱞᱟᱵᱷᱯᱩᱨ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱑᱙᱑᱖ ᱥᱟᱞᱮ ᱨᱮ ᱞᱟᱵᱷᱯᱩᱨ ᱠᱷᱚᱱ ᱢᱮᱴᱨᱤᱠ ᱯᱟᱥ ᱞᱮᱫᱟᱭ᱾^[᱙] ᱟᱡᱟᱜ ᱟᱹᱰᱤ ᱜᱟᱱ ᱚᱱᱚᱬᱦᱮ ᱟᱨ ᱜᱟᱭᱟᱱ ᱠᱚᱨᱮ ᱱᱚᱶᱟ ᱴᱚᱴᱷᱟ ᱨᱮᱱᱟᱜ ᱵᱚᱨᱱᱚᱱ ᱢᱮᱱᱟᱜ ᱟᱠᱟᱫᱟ᱾

ᱥᱩᱨ ᱥᱩᱯᱩᱨ ᱡᱟᱭᱜᱟ ᱠᱚ

ᱦᱚᱲᱢᱚ ᱥᱟᱶᱟᱨ

ᱞᱟᱵᱽᱯᱩᱨ ᱨᱮ ᱞᱚᱵᱽᱯᱩᱨ ᱟᱹᱛᱩ ᱦᱟᱥᱯᱟᱛᱟᱞ ᱨᱮ ᱓᱐ ᱜᱚᱴᱟᱝ ᱵᱮᱰ ᱢᱮᱱᱟᱜᱼᱟ᱾^[᱑᱐]

ᱵᱟᱨᱦᱮ ᱡᱚᱱᱚᱲ

ᱞᱟᱵᱷᱯᱩᱨ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ

ᱥᱟᱹᱠᱷᱭᱟᱹᱛ

↑ Falling Rain Genomics, Inc – Labhpur
↑ "Rising flood waters claim 4". The Telegraph, 12 July 2006. Archived from the original on 25 May 2011. Retrieved 2007-08-24.
↑ "District Statistical Handbook 2008, Birbhum" (PDF). Table 2.1. Bureau of Applied Economics and Statistics, Government of West Bengal. Retrieved 30 January 2018.
↑ "Birbhum Police". Police Stations. West Bengal Police. Archived from the original on 12 February 2018. Retrieved 30 January 2018.
↑ "District Census Handbook: Birbhum, Series 20, Part XII B" (PDF). Map of Birbhum with CD Block HQs and Police Stations (on the fourth page). Directorate of Census Operations, West Bengal, 2011. Retrieved 1 February 2018.
↑ "2011 Census – Primary Census Abstract Data Tables". West Bengal – District-wise. Registrar General and Census Commissioner, India. Retrieved 1 February 2018.
↑ "District Census Handbook Birbhum, Census of India 2011, Series 20, Part XII A" (PDF). Section II Town Directory, Pages 1025- 1033. Directorate of Census Operations V, West Bengal. Retrieved 16 July 2019.
↑ "Labhpur". Birbhum District administration. Retrieved 2007-08-24.
↑ Badiuzzaman (2012). "Bandyopadhyay, Tarashankar". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh.
↑ "Health & Family Welfare Department" (PDF). Health Statistics – Rural Hospitals. Government of West Bengal. Archived from the original (PDF) on 8 October 2022. Retrieved 1 February 2018.

[1] Falling Rain Genomics, Inc – Labhpur

[2] "Rising flood waters claim 4". The Telegraph, 12 July 2006. Archived from the original on 25 May 2011. Retrieved 2007-08-24.

[handbook2008-3] "District Statistical Handbook 2008, Birbhum" (PDF). Table 2.1. Bureau of Applied Economics and Statistics, Government of West Bengal. Retrieved 30 January 2018.

[4] "Birbhum Police". Police Stations. West Bengal Police. Archived from the original on 12 February 2018. Retrieved 30 January 2018.

[5] "District Census Handbook: Birbhum, Series 20, Part XII B" (PDF). Map of Birbhum with CD Block HQs and Police Stations (on the fourth page). Directorate of Census Operations, West Bengal, 2011. Retrieved 1 February 2018.

[census3-2011-6] "2011 Census – Primary Census Abstract Data Tables". West Bengal – District-wise. Registrar General and Census Commissioner, India. Retrieved 1 February 2018.

[7] "District Census Handbook Birbhum, Census of India 2011, Series 20, Part XII A" (PDF). Section II Town Directory, Pages 1025- 1033. Directorate of Census Operations V, West Bengal. Retrieved 16 July 2019.

[Government-8] "Labhpur". Birbhum District administration. Retrieved 2007-08-24.

[9] Badiuzzaman (2012). "Bandyopadhyay, Tarashankar". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh.

[10] "Health & Family Welfare Department" (PDF). Health Statistics – Rural Hospitals. Government of West Bengal. Archived from the original (PDF) on 8 October 2022. Retrieved 1 February 2018.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]