ᱡᱚᱥᱤᱯᱩᱨ
| ᱡᱚᱥᱤᱯᱩᱨ | |
|---|---|
| ᱱᱟᱜᱟᱨ | |
  ᱡᱚᱥᱤᱯᱩᱨ | |
| Coordinates: 21°58′03″N 86°04′49″E / 21.9675°N 86.0803°ECoordinates: 21°58′03″N 86°04′49″E / 21.9675°N 86.0803°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱢᱚᱭᱩᱨᱵᱷᱚᱸᱡᱽ |
| ᱩᱥᱩᱞ | 406 ᱢᱤᱴᱚᱨ (1332 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱐᱑) |
| • ᱞᱮᱠᱷᱟᱜᱩᱴ | ᱑᱔᱑᱙᱕ |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱩᱰᱤᱭᱟ |
| • ᱮᱴᱟᱜ ᱯᱟᱹᱨᱥᱤ | ᱦᱳ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱗᱕᱗᱐᱓᱔ |
| ᱴᱮᱞᱤᱯᱷᱚᱱ ᱠᱳᱰ | ᱐᱖᱗᱙᱗-xxxxxx |
| ᱜᱟᱹᱰᱤ ᱨᱤᱡᱤᱥᱴᱨᱤ | OD11-X-XXXX |
| ᱣᱮᱵᱽᱥᱟᱭᱤᱴ | https://mayurbhanj.nic.in/ |
ᱡᱚᱥᱤᱯᱩᱨ ᱫᱚ ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱱᱟᱜ ᱢᱤᱫ ᱛᱚᱦᱥᱤᱞ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱥᱤᱢᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮᱱᱟᱜ ᱮᱛᱚᱢ-ᱯᱟᱪᱮ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱟᱹᱰᱤ ᱞᱮᱠᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱚᱛᱱᱚᱜ ᱜᱷᱟᱹᱴᱤ ᱢᱮᱱᱟᱜᱼᱟ, ᱵᱤᱨ ᱚᱛᱮᱛ ᱟᱨ ᱠᱷᱤᱪᱤᱝ ᱢᱚᱱᱫᱤᱨ ᱡᱮᱞᱮᱠᱟ ᱟᱹᱰᱤ ᱜᱟᱱ ᱢᱟᱨᱮ ᱢᱚᱱᱫᱤᱨ ᱟᱨ ᱢᱟᱲᱟᱝ ᱟᱜ ᱢᱚᱭᱩᱨᱵᱷᱚᱸᱡᱽ ᱯᱚᱱᱚᱛ ᱨᱮᱱᱟᱜ ᱯᱩᱭᱞᱩ ᱦᱮᱰᱠᱩᱣᱟᱴᱚᱨ ᱥᱮᱞᱮᱫ ᱢᱮᱱᱟᱜᱼᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱥᱤᱯᱩᱨ ᱫᱚ 21°58′03″N 86°04′49″E / 21.9675°N 86.0803°E ᱨᱮ ᱢᱮᱱᱟᱜᱼᱟ ᱾[᱑] ᱱᱚᱶᱟ ᱨᱮᱱᱟᱜ ᱩᱥᱩᱞ ᱫᱚ ᱔᱐᱖ ᱢᱤᱴᱚᱨ (᱑᱓᱒ ᱯᱷᱤᱴ) ᱢᱮᱱᱟᱜᱼᱟ ᱾ ᱵᱟᱨᱭᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱱᱚᱶᱟ ᱦᱚᱛᱮᱛᱮ ᱪᱟᱞᱟᱜᱼᱟ - NH 49 ᱟᱨ NH 220 ᱾ ᱠᱚᱞᱠᱟᱛᱟ ᱢᱩᱢᱵᱟᱭ ᱮᱱ.ᱮᱪ. ᱟᱨ ᱨᱟᱺᱪᱤ ᱵᱤᱡᱚᱭᱣᱟᱰᱟ ᱮᱱ.ᱮᱪ. ᱾ ᱴᱟᱴᱟᱱᱚᱜᱚᱨ ᱫᱚ ᱡᱚᱥᱤᱯᱩᱨ ᱠᱷᱚᱱ ᱒.᱕ ᱴᱟᱲᱟᱝ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱥᱩᱨ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱵᱟᱫᱟᱢᱯᱟᱦᱟᱲ ᱠᱟᱱᱟ ᱡᱚᱥᱤᱯᱩᱨ ᱠᱷᱚᱱ ᱑᱗.᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱟᱨ ᱫᱚᱥᱟᱨ ᱥᱩᱨ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱫᱚ ᱵᱟᱸᱜᱽᱨᱤᱯᱳᱥᱤ ᱠᱟᱱᱟ ᱡᱚᱥᱤᱯᱩᱨ ᱠᱷᱚᱱ ᱖᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱦᱚᱲ ᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱑ ᱥᱟᱞ ᱫᱷᱟᱹᱨᱤᱡ,[᱒] ᱡᱚᱥᱤᱯᱩᱨ ᱨᱮ ᱑᱔,᱘᱗᱖ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱦᱚᱲ ᱮᱞ ᱨᱮ ᱕᱓% ᱠᱚᱲᱟ ᱟᱨ ᱔᱗% ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱡᱚᱥᱤᱯᱩᱨ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱗᱔% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱕᱙.᱕% ᱠᱷᱚᱱ ᱫᱚ ᱰᱮᱦᱮᱨ ᱜᱮᱭᱟ : ᱠᱚᱲᱟ ᱟᱜ ᱥᱮᱪᱮᱫ ᱫᱚ ᱘᱐% ᱢᱮᱱᱟᱜᱼᱟ, ᱟᱨ ᱛᱤᱨᱞᱟᱹ ᱭᱟᱜ ᱥᱮᱪᱮᱫ ᱫᱚ ᱖᱗% ᱢᱮᱱᱟᱜᱼᱟ ᱾ ᱡᱚᱥᱤᱯᱩᱨ ᱨᱮ, ᱑᱑% ᱦᱚᱲ ᱮᱞ ᱫᱚ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱮᱨ ᱠᱚ ᱢᱮᱱᱟᱜ ᱠᱚᱣᱟ ᱾ ᱱᱤᱛᱚᱜ ᱞᱚᱠᱟᱞ ᱦᱚᱲ ᱮᱞ ᱫᱚ ᱒᱕,᱐᱐᱐ ᱠᱷᱚᱱ ᱰᱮᱦᱮᱨ ᱜᱮ ᱢᱮᱱᱟᱜ ᱠᱚᱣᱟ ᱾ ᱰᱮᱦᱮᱨ ᱛᱮᱫ ᱥᱟᱸᱜᱮ ᱦᱚᱲ ᱮᱞ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱢᱮᱱᱟᱜ ᱠᱚᱣᱟ ᱾ ᱡᱚᱥᱤᱯᱩᱨ ᱫᱚ ᱯᱚᱪᱷᱤᱢ ᱵᱟᱝᱞᱟ ᱟᱨ ᱡᱷᱟᱨᱠᱷᱚᱸᱰ ᱠᱷᱚᱱ ᱥᱩᱨ ᱤᱫᱤ ᱛᱮ ᱮᱴᱟᱜ ᱯᱟᱹᱨᱥᱤ ᱫᱚ ᱦᱤᱱᱫᱤ ᱟᱨ ᱵᱟᱝᱞᱟ ᱠᱟᱱᱟ ᱾ ᱮᱴᱟᱜ ᱡᱟᱹᱛᱤ ᱠᱚ ᱮᱥ.ᱥᱤ., ᱤᱥᱟᱹᱭ, ᱥᱤᱠᱷ, ᱢᱩᱥᱞᱤᱢ ᱟᱨ ᱢᱟᱨᱟᱝ ᱡᱟᱹᱛᱤ ᱨᱤᱱ ᱦᱤᱱᱫᱩ ᱠᱚ ᱢᱮᱱᱟᱜ ᱠᱚᱣᱟ ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱥᱤᱯᱩᱨ ᱨᱮ ᱠᱚᱞᱮᱡᱽ ᱨᱮ ᱥᱮᱞᱮᱫ ᱢᱮᱱᱟᱜᱼᱟ :
- ᱡᱚᱥᱤᱯᱩᱨ ᱡᱩᱱᱤᱭᱟᱹᱨ ᱠᱚᱞᱮᱡᱽ
ᱡᱚᱥᱤᱯᱩᱨ ᱨᱮ ᱟᱥᱲᱟ ᱥᱮᱞᱮᱫ ᱢᱮᱱᱟᱜᱼᱟ :
- ᱡᱚᱥᱤᱯᱩᱨ ᱯᱩᱭᱞᱩ ᱟᱥᱲᱟ
- ᱡᱚᱥᱤᱯᱩᱨ ᱥᱚᱨᱠᱟᱨᱤ ᱩᱱᱩᱥᱩᱞ ᱟᱥᱲᱟ
- ᱥᱚᱨᱠᱟᱨᱤ ᱟᱪᱮᱛᱟᱱᱤ ᱩᱱᱩᱥᱩᱞ ᱟᱥᱲᱟ
- ᱰᱮ ᱯᱟᱣᱚᱞ ᱟᱥᱲᱟ
- ᱰᱤᱹᱮᱹᱣᱤ ᱫᱤᱥᱩᱣᱟᱹ ᱟᱥᱲᱟ
- ᱳᱰᱤᱥᱟ ᱟᱫᱟᱨᱥᱟ ᱟᱥᱲᱟ (CBSE)
ᱥᱚᱨᱥᱚᱛᱤ ᱥᱤᱥᱩ ᱵᱤᱫᱽᱭᱟ ᱢᱚᱱᱫᱤᱨ ᱾ ᱡᱚᱥᱤᱯᱩᱨ ᱟᱪᱮᱛᱟᱱᱤ ᱩᱱᱩᱥᱩᱞ ᱟᱥᱲᱟ ᱨᱮᱱᱟᱜ ᱴᱷᱟᱯᱚᱱ ᱑᱙᱖᱕ ᱥᱟᱞ ᱨᱮ ᱢᱤᱫ ᱞᱚᱠᱟᱞ ᱢᱩᱥᱞᱤᱢ ᱵᱮᱯᱟᱨ ᱤᱫᱤ ᱛᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ; ᱑᱙᱘᱐ ᱥᱟᱞ ᱨᱮ, ᱱᱚᱣᱟ ᱳᱰᱤᱥᱟ ᱥᱚᱨᱠᱟᱨ ᱨᱮ ᱪᱟᱞᱟᱣ ᱮᱫᱟ ᱾
ᱧᱮᱞᱡᱚᱝ ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱥᱤᱯᱩᱨ ᱥᱩᱨ ᱨᱮ ᱕ ᱜᱚᱴᱟᱝ ᱠᱷᱚᱱ ᱡᱟᱹᱥᱛᱤ ᱡᱷᱟᱨᱱᱟ ᱢᱮᱱᱟᱜᱼᱟ ᱾ ᱥᱤᱢᱲᱤᱯᱟᱲ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱡᱚᱥᱤᱯᱩᱨ ᱠᱷᱚᱱ ᱕᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱢᱤᱫ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱟᱨ ᱛᱟᱹᱨᱩᱵ ᱨᱟᱠᱷᱟᱵᱤᱨ ᱠᱟᱱᱟ ᱾ ᱡᱚᱥᱤᱯᱩᱨ ᱫᱚ ᱛᱟᱭᱟᱱ ᱯᱟᱨᱠ ᱞᱟᱹᱜᱤᱫ ᱛᱮ ᱦᱚᱸ ᱧᱩᱛᱩᱢᱟᱱ ᱜᱮᱭᱟ ᱾ ᱱᱚᱣᱟ ᱡᱚᱥᱤᱯᱩᱨ ᱨᱮᱱᱟᱜ ᱢᱩᱬ ᱵᱟᱡᱟᱨ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱟᱨ ᱠᱷᱮᱨᱤ ᱵᱷᱟᱱᱰᱟᱱ ᱜᱟᱰᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱡᱟᱭᱜᱟ ᱫᱚ ᱨᱟᱢ ᱛᱤᱨᱛᱷᱚ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ ᱾ ᱯᱩᱨᱟᱹ ᱥᱤᱧᱚᱛ ᱨᱮ ᱳᱰᱤᱥᱟ ᱵᱤᱨ ᱛᱟᱞᱟ ᱨᱮ ᱢᱮᱱᱟᱜ ᱱᱚᱣᱟ ᱫᱚ ᱢᱤᱫᱴᱟᱹᱝ ᱜᱮ ᱛᱟᱭᱟᱱ ᱱᱚᱨᱥᱚᱨᱤ ᱯᱟᱨᱠ ᱠᱟᱱᱟ ᱾
ᱦᱮᱡ ᱥᱮᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱚᱲᱚᱠ ᱰᱟᱦᱟᱨ ᱛᱮ ᱥᱮᱱᱚᱜ ᱞᱟᱹᱜᱤᱫ ᱛᱮ ᱞᱚᱠᱡᱚᱨᱤ ᱮ/ᱥᱤ ᱵᱟᱥ ᱫᱚ ᱥᱚᱦᱚᱨ ᱠᱚ ᱛᱟᱞᱟ ᱛᱮ ᱥᱮᱱᱚᱜ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱦᱚᱨ ᱰᱟᱦᱟᱨ ᱠᱟᱱᱟ ᱾ ᱱᱚᱸᱰᱮ ᱠᱷᱚᱱ ᱵᱷᱩᱵᱽᱱᱮᱥᱚᱨ, ᱯᱩᱨᱤ, ᱥᱚᱢᱵᱚᱞᱯᱩᱨ, ᱡᱷᱟᱨᱥᱩᱜᱩᱰᱟ, ᱨᱟᱩᱨᱠᱮᱞᱟ, ᱠᱮᱱᱫᱩᱡᱷᱚᱨ, ᱵᱟᱞᱮᱥᱚᱨ, ᱚᱱᱩᱜᱩᱲ, ᱠᱚᱴᱚᱠ, ᱡᱟᱢᱥᱮᱫᱽᱯᱩᱨ, ᱨᱟᱺᱪᱤ ᱟᱨ ᱠᱚᱞᱠᱟᱛᱟ ᱞᱟᱹᱜᱤᱫ ᱛᱮ ᱡᱚᱲᱟᱣ ᱢᱮᱱᱟᱜᱼᱟ ᱾ ᱧᱮᱞᱡᱚᱝ ᱴᱚᱴᱷᱟ ᱠᱚᱨᱮ ᱪᱟᱞᱟᱣ ᱟᱨ ᱧᱮᱞᱡᱚᱝ ᱞᱟᱹᱜᱤᱫ ᱴᱮᱠᱥᱤ ᱨᱮᱱᱟᱜ ᱢᱤᱫ ᱞᱮᱠᱟᱱ ᱡᱟᱭᱜᱟ ᱢᱮᱱᱟᱜᱼᱟ ᱾
- ᱡᱚᱥᱤᱯᱩᱨ ᱠᱷᱚᱱ ᱑᱗ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱵᱟᱫᱟᱢᱯᱟᱦᱟᱲ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Falling Rain Genomics, Inc -Joshipur
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.