ᱢᱟᱞ ᱯᱟᱦᱟᱲᱤᱭᱟ ᱦᱚᱲ
| Total population | |
|---|---|
| ᱑,᱘᱒,᱕᱖᱐[᱑] (᱒᱐᱑᱑ ᱦᱚᱲ ᱞᱮᱠᱷᱟ) | |
| Regions with significant populations | |
 ᱥᱤᱧᱚᱛ | |
| ᱡᱷᱟᱨᱠᱷᱚᱸᱰ | ᱑,᱓᱕,᱗᱙᱗ |
| ᱯᱚᱪᱷᱤᱢ ᱵᱟᱝᱞᱟ | ᱔᱔,᱕᱓᱘ |
| ᱵᱤᱦᱟᱨ | ᱒,᱒᱒᱕ |
| Languages | |
| ᱢᱟᱞᱛᱳ • ᱢᱟᱞ ᱯᱟᱦᱟᱲᱤᱭᱟ • ᱵᱟᱝᱞᱟ •ᱦᱤᱱᱫᱤ | |
| Religion | |
| ᱦᱤᱱᱫᱩ • ᱤᱥᱟᱹᱭ | |
| Related ethnic groups | |
| ᱥᱟᱣᱨᱤᱭᱟ ᱯᱟᱦᱟᱲᱤᱭᱟ • ᱠᱩᱨᱩᱠᱷ • ᱫᱨᱟᱵᱤᱲ ᱦᱚᱲ | |
ᱢᱟᱞ ᱯᱟᱦᱟᱲᱤᱭᱟ ᱦᱚᱲ ᱠᱚᱫᱚ ᱵᱷᱟᱨᱚᱛ ᱨᱮᱱ ᱦᱚᱲ ᱠᱟᱱᱟ ᱠᱚ, ᱡᱟᱦᱟᱸᱭ ᱠᱚᱫᱚ ᱢᱩᱬᱩᱫ ᱞᱮᱠᱟᱛᱮ ᱡᱷᱟᱲᱠᱷᱚᱸᱰ ᱟᱨ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱜᱤᱨᱟᱹᱵᱟᱥᱤ ᱢᱮᱱᱟᱜ ᱠᱚᱣᱟ᱾ ᱩᱱᱠᱩ ᱫᱚ ᱛᱟᱡᱽᱢᱚᱦᱚᱞ ᱵᱩᱨᱩ ᱨᱮᱱ ᱢᱩᱲᱩᱫ ᱜᱤᱨᱟᱹᱵᱟᱥᱤ ᱠᱟᱱᱟ ᱠᱚ, ᱡᱟᱦᱟᱸ ᱫᱚ ᱛᱮᱦᱮᱧ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱥᱚᱱᱛᱟᱞ ᱯᱚᱨᱜᱟᱱᱟ ᱠᱷᱚᱸᱰ ᱧᱩᱛᱩᱢ ᱛᱮ ᱩᱯᱨᱩᱢ ᱟᱠᱟᱱᱟ᱾[᱒][᱓][᱔][᱓] ᱯᱚᱪᱷᱤᱢ ᱵᱟᱝᱞᱟ, ᱵᱤᱦᱟᱨ ᱟᱨ ᱡᱷᱟᱨᱠᱷᱚᱸᱰ ᱥᱚᱨᱠᱟᱨ ᱫᱟᱨᱟᱭ ᱛᱮ ᱩᱱᱠᱩ ᱫᱚ ᱢᱤᱫᱴᱟᱝ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱞᱮᱠᱟᱛᱮ ᱥᱮᱞᱮᱫ ᱟᱠᱟᱱᱟ᱾ ᱩᱱᱠᱩᱫᱚ ᱢᱟᱞᱛᱳ ᱯᱟᱹᱨᱥᱤ ᱛᱮ ᱠᱟᱛᱷᱟ ᱠᱚ ᱞᱟᱹᱭᱼᱟ, ᱡᱟᱦᱟᱸ ᱫᱚ ᱢᱤᱫᱴᱟᱝ ᱫᱨᱟᱵᱤᱲ ᱯᱟᱹᱨᱥᱤ ᱠᱟᱱᱟ, ᱚᱱᱟ ᱥᱟᱶ ᱱᱟᱥᱮ ᱚᱞ ᱟᱠᱟᱱ ᱤᱱᱰᱳᱼᱟᱨᱤᱭᱟᱱ ᱢᱟᱞ ᱯᱟᱦᱟᱲᱤ ᱯᱟᱹᱨᱥᱤ ᱦᱚᱸ᱾ [citation needed]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱝᱞᱟ ᱨᱮ ᱢᱩᱥᱞᱟᱹ ᱥᱟᱥᱚᱱ ᱚᱠᱛᱚ ᱢᱟᱞ ᱯᱟᱦᱟᱲᱤᱭᱟ ᱠᱚ ᱛᱟᱦᱮᱸ ᱠᱟᱱᱟ ᱫᱤᱠᱜᱟᱹᱨᱤᱭᱟᱹ ᱞᱟᱹᱲᱦᱟᱹᱭᱤᱭᱟᱹ ᱡᱟᱦᱟᱸᱭ ᱫᱚ ᱥᱚᱨᱠᱟᱨᱟᱜ ᱥᱟᱢᱲᱟᱣ ᱠᱷᱚᱱ ᱯᱷᱩᱨᱜᱟᱹᱞ ᱨᱮᱠᱚ ᱛᱟᱦᱮᱱ ᱠᱟᱱᱟ ᱢᱮᱱᱠᱷᱟᱱ ᱴᱚᱴᱷᱟ ᱨᱮᱱ ᱡᱩᱢᱤᱫᱟᱨ ᱠᱚ ᱥᱟᱶ ᱢᱤᱫᱴᱟᱝ ᱥᱟᱹᱜᱟᱹᱭ ᱠᱚ ᱛᱷᱟᱯᱚᱱ ᱞᱮᱫᱟ᱾ ᱱᱚᱣᱟ ᱪᱩᱠᱛᱤ ᱞᱮᱠᱟᱛᱮ ᱢᱟᱞ ᱯᱟᱦᱟᱨᱤᱭᱟ ᱨᱮᱭᱟᱜ ᱦᱟᱥᱟ ᱫᱚ ᱥᱚᱨᱫᱟᱨ ᱠᱚᱣᱟᱜ ᱟᱹᱭᱩᱨ ᱛᱮ ᱴᱟᱯᱯᱟ ᱨᱮ ᱦᱟᱹᱴᱤᱧ ᱦᱳᱭ ᱞᱮᱱᱟ, ᱡᱟᱦᱟᱠᱚ ᱛᱟᱭᱚᱢᱛᱮ ᱢᱟᱺᱡᱷᱤ ᱦᱚᱛᱮᱛᱮ ᱪᱟᱪᱞᱟᱣᱚᱜᱼᱟ᱾ ᱥᱚᱨᱫᱟᱨ ᱠᱚᱫᱚ ᱢᱟᱞ ᱯᱟᱦᱟᱨᱤᱭᱟ ᱠᱚ ᱢᱩᱫᱽᱨᱮ ᱢᱤᱫᱴᱟᱝ ᱟᱹᱱ ᱥᱟᱢᱵᱽᱲᱟᱣᱤᱡ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟ, ᱡᱟᱦᱟᱸ ᱨᱮᱭᱟᱜ ᱵᱚᱫᱚᱞ ᱛᱮ ᱩᱱᱠᱩ ᱢᱮᱞᱟᱱ ᱴᱚᱴᱷᱟ ᱨᱮᱱ ᱦᱚᱲᱠᱚ ᱫᱟᱨᱟᱭ ᱛᱮ ᱢᱤᱫ ᱜᱚᱴᱟᱵᱩᱴᱟᱹ ᱯᱚᱨᱤᱢᱟᱱ ᱨᱮᱭᱟᱜ ᱚᱛ ᱠᱚ ᱮᱢ ᱞᱮᱫᱟ᱾ ᱵᱩᱨᱩ ᱥᱮᱫ ᱪᱟᱞᱟᱜ ᱰᱟᱦᱟᱨ ᱠᱚ ᱢᱟᱞ ᱯᱟᱦᱟᱨᱤᱭᱟ ᱥᱤᱯᱟᱹᱦᱤ ᱥᱟᱶ ᱥᱟᱶᱛᱮ ᱢᱮᱞᱟᱱ ᱴᱚᱴᱷᱟ ᱨᱮᱱ ᱦᱚᱲ ᱠᱚᱣᱟᱜ ᱜᱟᱲ ᱠᱚ ᱫᱟᱨᱟᱭ ᱛᱮ ᱨᱩᱠᱷᱤᱭᱟᱹ ᱠᱚᱨᱟᱣ ᱦᱳᱭ ᱞᱮᱱᱟ᱾ ᱱᱚᱣᱟ ᱵᱚᱱᱫᱮᱡ ᱵᱩᱨᱩ ᱟᱨ ᱢᱮᱞᱟᱱ ᱴᱚᱴᱷᱟ ᱨᱮᱱ ᱦᱚᱲᱠᱚ ᱢᱩᱫᱨᱮ ᱱᱟᱯᱟᱭ ᱜᱟᱛᱮ ᱥᱟᱶᱛᱮ ᱨᱮᱭᱟᱜ ᱥᱟᱹᱜᱟᱹᱭ ᱮ ᱜᱚᱴᱟ ᱞᱮᱫᱟ᱾ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ, ᱡᱚᱢᱤᱫᱟᱨ ᱟᱨ ᱥᱚᱨᱫᱟᱨ ᱢᱩᱫᱨᱮ ᱢᱮᱞᱟᱱ ᱴᱚᱴᱷᱟ ᱛᱟᱞᱟᱛᱮ ᱱᱚᱣᱟ ᱵᱚᱱᱫᱮᱡ ᱫᱚ ᱱᱟᱶᱟ ᱦᱩᱭ ᱞᱮᱱᱟ᱾
ᱮᱱᱠᱷᱟᱱ, ᱢᱟᱞ ᱯᱟᱦᱟᱲᱤᱭᱟ ᱠᱚ ᱡᱚᱠᱷᱚᱱ ᱟᱨᱦᱚᱸ ᱩᱱᱠᱩᱭᱟᱜ ᱯᱷᱩᱨᱜᱟᱹᱞ ᱨᱮᱭᱟᱜ ᱠᱚ ᱨᱤᱠᱟᱹ ᱞᱮᱫᱟ, ᱩᱱ ᱚᱠᱛᱚ ᱩᱱᱠᱩ ᱫᱚ ᱡᱟᱢᱤᱱᱫᱟᱨ ᱠᱚ ᱫᱟᱨᱟᱭ ᱛᱮ ᱠᱚ ᱮᱲᱮ ᱚᱪᱚ ᱞᱮᱱᱟ, ᱡᱟᱦᱟᱸᱭ ᱠᱚᱫᱚ ᱩᱱᱠᱩ ᱨᱮᱱ ᱟᱭᱢᱟ ᱢᱩᱲᱩᱫ ᱦᱚᱲ ᱠᱚ ᱜᱚᱡ ᱞᱮᱫ ᱠᱚᱣᱟ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱩᱱᱠᱩ ᱫᱚ ᱢᱮᱞᱟᱱ ᱚᱛ ᱨᱮ ᱡᱟᱨᱯᱟ ᱠᱚ ᱮᱛᱚᱦᱚᱵ ᱞᱮᱫᱟ᱾ ᱑᱗᱗᱐ ᱥᱮᱨᱢᱟ ᱨᱮᱭᱟᱜ ᱵᱟᱝᱞᱟ ᱨᱮᱭᱟᱜ ᱟᱠᱟᱞ ᱚᱠᱛᱮ ᱱᱚᱶᱟ ᱟᱱᱟᱴ ᱟᱨᱦᱚᱸ ᱰᱷᱮᱨ ᱞᱮᱱᱟ, ᱡᱟᱦᱟᱸ ᱫᱚ ᱢᱟᱞ ᱯᱟᱦᱟᱨᱟ ᱵᱤᱨ ᱥᱟᱢᱟᱱ ᱪᱮᱛᱟᱱ ᱴᱮᱦᱟᱴ ᱠᱷᱟᱹᱛᱤᱨᱛᱮ ᱵᱟᱝ ᱮᱥᱮᱨ ᱞᱮᱱᱟ ᱟᱨ ᱚᱱᱟᱛᱮ ᱟᱹᱰᱤ ᱜᱟᱱ ᱴᱮᱠᱟᱣ ᱵᱟᱝ ᱠᱟᱛᱮ ᱡᱟᱨᱯᱟ ᱠᱚᱨᱟᱣ ᱫᱟᱲᱮ ᱞᱮᱱᱟ᱾ ᱨᱟᱡᱽᱢᱟᱦᱚᱞ ᱵᱩᱨᱩ ᱴᱷᱮᱱ ᱜᱟᱝᱜᱟ ᱨᱮᱭᱟᱜ ᱮᱛᱚᱢ ᱫᱷᱟᱨᱮ ᱨᱮ ᱥᱟᱸᱜᱷᱟᱨ ᱫᱚ ᱯᱨᱟᱭ ᱵᱟᱝ ᱜᱟᱱᱚᱜ ᱠᱟᱱ ᱛᱟᱦᱮᱫ ᱟᱨ ᱵᱨᱤᱴᱤᱥ ᱦᱚᱲ ᱠᱚᱦᱚᱸ ᱞᱩᱴᱤᱭ ᱠᱟᱛᱮ ᱜᱚᱡ ᱞᱮᱫ ᱠᱚᱣᱟ᱾ ᱵᱨᱤᱴᱤᱥ ᱠᱚ ᱩᱱᱠᱩ ᱠᱚ ᱴᱮᱠᱟᱣ ᱞᱟᱹᱜᱤᱫ ᱟᱭᱢᱟ ᱨᱤᱠᱟᱹ ᱞᱮᱫ ᱨᱮᱦᱚᱸ ᱢᱟᱞ ᱯᱟᱦᱟᱨᱟ ᱠᱚᱫᱚ ᱵᱨᱤᱴᱤᱥ ᱯᱷᱟᱹᱫᱽ ᱠᱚ ᱵᱤᱨ ᱨᱮ ᱟᱹᱜᱩ ᱠᱟᱛᱮ ᱠᱚ ᱞᱟᱹᱲᱦᱟᱹᱭ ᱞᱮᱫ ᱠᱚᱣᱟ, ᱡᱟᱦᱟᱸᱨᱮ ᱵᱨᱤᱴᱤᱥ ᱨᱟᱭᱯᱷᱚᱞ ᱠᱚ ᱵᱮᱼᱠᱟᱹᱢᱤᱭᱟᱹ ᱟᱨ ᱯᱟᱦᱟᱨᱤᱭᱟ ᱠᱚᱣᱟᱜ ᱵᱤᱥᱟᱱ ᱟᱜᱼᱥᱟᱨ ᱠᱚ ᱥᱚᱨᱮᱥ ᱛᱟᱦᱮᱸ ᱠᱟᱱᱟ᱾ ᱢᱩᱪᱟᱹᱫ ᱨᱮ, ᱑᱗᱗᱘ ᱥᱮᱨᱢᱟ ᱨᱮ, ᱵᱨᱤᱴᱤᱥ ᱠᱚᱣᱟᱜ ᱢᱤᱫᱴᱟᱝ "ᱥᱚᱱᱛᱚᱨᱚᱱ" ᱯᱚᱨᱤᱠᱚᱞᱯᱚᱱᱟ ᱨᱮᱭᱟᱜ ᱠᱟᱛᱷᱟ ᱮᱢ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱛᱟᱦᱮᱸ ᱠᱟᱱᱟ ᱠᱟᱹᱣᱰᱤ ᱟᱨ ᱦᱟᱸᱥᱟ ᱫᱚ ᱥᱚᱨᱫᱟᱨ ᱴᱷᱮᱱ ᱨᱩᱣᱟᱹᱲ ᱦᱳᱭ ᱞᱮᱱᱟ ᱟᱨ ᱡᱚᱢᱤᱫᱟᱨ ᱠᱚᱣᱟᱜ ᱜᱟᱲ ᱠᱚ ᱤ.ᱟᱭ.ᱥᱤ ᱨᱮᱱ ᱠᱟᱹᱢᱤᱭᱟᱹ ᱠᱚ ᱫᱟᱨᱟᱭ ᱛᱮ ᱦᱟᱛᱟᱣ ᱦᱩᱭ ᱞᱮᱱᱟ᱾ ᱟᱭᱢᱟ ᱢᱟᱞ ᱯᱟᱦᱟᱨᱤᱭᱟ ᱫᱚ ᱢᱤᱫᱴᱟᱝ ᱱᱟᱶᱟ ᱵᱨᱤᱴᱤᱥ ᱯᱷᱟᱹᱫᱽ ᱨᱮᱠᱚ ᱵᱟᱦᱟᱞ ᱦᱩᱭ ᱞᱮᱱᱟ ᱡᱟᱦᱟᱸ ᱫᱚ ᱟᱹᱰᱤ ᱠᱟᱹᱢᱤ ᱟᱱ ᱞᱮᱠᱟᱛᱮ ᱥᱟᱹᱵᱩᱫ ᱞᱮᱱᱟ, ᱯᱳᱭᱞᱳ ᱥᱮᱨᱣᱟ ᱟᱱᱟᱜ ᱟᱜ ᱟᱨ ᱥᱟᱨ ᱵᱮᱣᱦᱟᱨ ᱠᱟᱛᱮ ᱟᱨ ᱢᱩᱪᱟᱹᱫ ᱨᱮ ᱵᱨᱤᱴᱤᱥ ᱥᱟᱯᱟᱵᱽ ᱵᱮᱣᱦᱟᱨ ᱠᱟᱛᱮ᱾ [᱕] ᱯᱟᱦᱟᱨᱤᱭᱟ ᱨᱮᱡᱤᱢᱮᱱᱴ, ᱵᱷᱟᱜᱚᱞᱯᱩᱨ ᱵᱩᱨᱩ ᱨᱮᱧᱡᱟᱨᱥ, ᱑᱘᱕᱗ ᱨᱮᱭᱟᱜ ᱞᱟᱹᱲᱦᱟᱹᱭ ᱟᱨ ᱵᱨᱤᱴᱤᱥ ᱯᱷᱟᱹᱫᱽ ᱠᱚᱣᱟᱜ ᱫᱚᱲᱦᱟ ᱵᱮᱱᱟᱣ ᱫᱷᱟᱹᱵᱤᱡ ᱪᱟᱞᱟᱣᱟᱱ ᱛᱟᱦᱮᱸ ᱠᱟᱱᱟ᱾
ᱫᱤᱥᱚᱢ ᱫᱚ ᱟᱨᱡᱟᱣ ᱫᱟᱲᱮ ᱞᱟᱹᱜᱤᱫ ᱥᱚᱨᱠᱟᱨ ᱢᱟᱞ ᱯᱟᱦᱟᱲᱤᱭᱟ ᱠᱚ ᱛᱷᱟᱹᱭᱤ ᱪᱟᱹᱥᱤ ᱞᱮᱠᱟᱛᱮ ᱢᱮᱞᱟᱱ ᱴᱚᱴᱷᱟ ᱨᱮ ᱛᱷᱟᱯᱚᱱ ᱨᱮᱭᱟᱜ ᱮ ᱨᱤᱠᱟᱹ ᱞᱮᱫᱟ, ᱢᱮᱱᱠᱷᱟᱱ ᱱᱚᱶᱟ ᱠᱟᱹᱢᱤ ᱫᱚ ᱵᱟᱝ ᱦᱩᱭ ᱞᱮᱱᱟ᱾ ᱚᱱᱟ ᱵᱚᱫᱚᱞ ᱛᱮ, ᱵᱨᱤᱴᱤᱥ ᱠᱚ ᱪᱷᱳᱴᱟᱜᱽᱯᱩᱨ ᱢᱟᱞᱵᱷᱩᱢᱤ ᱨᱮᱭᱟᱜ ᱮᱛᱚᱢᱼᱥᱟᱢᱟᱝ ᱦᱤᱸᱥ ᱠᱷᱚᱱ ᱥᱟᱱᱛᱟᱞ ᱪᱟᱥᱤᱭᱟᱹ ᱠᱚ ᱤᱫᱤ ᱞᱮᱫ ᱠᱚᱣᱟ, ᱡᱟᱦᱟᱸᱭ ᱠᱚ ᱑᱘᱓᱐ ᱨᱮᱭᱟᱜ ᱜᱮᱞᱟᱝ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱟᱹᱰᱤ ᱜᱟᱱ ᱢᱟᱨᱟᱝ ᱴᱚᱴᱷᱟ ᱨᱮᱠᱚ ᱜᱤᱨᱟᱹᱵᱟᱹᱥᱤ ᱞᱮᱱᱟ᱾ ᱢᱟᱞ ᱯᱟᱦᱟᱨᱤᱭᱟ ᱠᱚᱫᱚ ᱩᱱᱠᱩᱣᱟᱜ ᱫᱤᱥᱚᱢ ᱨᱮ ᱥᱟᱱᱛᱟᱞ ᱠᱚᱣᱟᱜ ᱜᱤᱨᱟᱹᱵᱟᱥ ᱠᱚ ᱟᱹᱰᱤ ᱠᱚ ᱵᱤᱨᱩᱫ ᱞᱮᱫᱟ, ᱢᱤᱫᱴᱟᱝ ᱞᱟᱹᱲᱦᱟᱹᱭ ᱡᱟᱦᱟᱸ ᱑᱘᱕᱐ ᱜᱮᱞᱟᱝ ᱦᱟᱹᱵᱤᱡ ᱪᱟᱞᱟᱣᱟᱱ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱥᱟᱱᱛᱟᱞ ᱠᱚᱣᱟᱜ ᱞᱮᱠᱷᱟ ᱟᱹᱰᱤ ᱵᱟᱹᱲᱛᱤ ᱞᱮᱱᱟ᱾ ᱥᱟᱱᱛᱟᱞ ᱠᱚᱣᱟᱜ ᱥᱮᱞᱮᱫ ᱫᱚ ᱢᱮᱱᱮᱞᱟ ᱞᱮᱠᱟᱛᱮ ᱢᱟᱞ ᱯᱟᱦᱟᱨᱤᱭᱟ ᱠᱚ ᱢᱮᱞᱟᱱ ᱴᱚᱴᱷᱟ ᱨᱮᱱ ᱦᱚᱲ ᱠᱚ ᱥᱟᱶ ᱥᱟᱹᱜᱟᱹᱭ ᱠᱷᱚᱱ ᱠᱚ ᱛᱚᱯᱟᱜ ᱞᱮᱱᱟ᱾ ᱢᱩᱪᱟᱹᱫ ᱨᱮ, ᱩᱱᱠᱩᱣᱟᱜ ᱴᱚᱴᱷᱟ ᱫᱚ ᱥᱟᱱᱛᱟᱞ ᱯᱚᱨᱜᱟᱱ ᱧᱩᱛᱩᱢ ᱛᱮ ᱩᱯᱨᱩᱢ ᱞᱮᱱᱟ᱾ ᱥᱟᱱᱛᱟᱞ ᱯᱚᱨᱜᱟᱱᱟᱥ [᱕] ᱟᱭᱢᱟ ᱥᱟᱥᱚᱱᱟᱱ ᱤᱭᱩᱱᱤᱴ ᱨᱮᱭᱟᱜ ᱢᱤᱫᱴᱟᱝ ᱦᱟᱹᱴᱤᱧ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱱᱟᱦᱟᱜ ᱒᱐᱐᱐ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱵᱮᱱᱟᱣ ᱟᱠᱟᱱᱟ᱾
ᱛᱮᱦᱮᱧ, ᱯᱟᱦᱟᱲᱤᱭᱟ ᱠᱚᱫᱚ ᱩᱱᱠᱩᱣᱟᱜ ᱫᱤᱥᱚᱢ ᱨᱮ ᱞᱮᱠᱷᱟᱥᱤᱫ ᱨᱮᱦᱚ ᱥᱮᱴᱮᱨ ᱟᱠᱟᱱᱟ᱾ ᱟᱭᱢᱟ ᱥᱚᱨᱠᱟᱨᱟᱜ ᱯᱟᱱᱛᱷᱟ ᱩᱱᱠᱩ ᱪᱮᱛᱟᱱ ᱨᱮ ᱤᱫᱤ ᱠᱟᱛᱮ ᱠᱚ ᱨᱤᱠᱟᱹ ᱟᱠᱟᱫᱟ, ᱮᱱᱛᱮ ᱨᱮᱦᱚᱸ ᱩᱱᱠᱩᱣᱟᱜ ᱥᱮᱪᱮᱫ ᱦᱟᱨ ᱫᱚ ᱟᱹᱰᱤ ᱠᱚᱢ ᱑%᱾ ᱪᱟᱸᱜᱟᱼᱡᱟᱹᱛᱤ ᱠᱚᱣᱟᱜ ᱟᱭᱢᱟᱜᱟᱱ ᱟᱛᱳ ᱨᱮ ᱧᱩ ᱫᱟᱜ ᱥᱮ ᱵᱮᱵᱷᱟᱨ ᱞᱮᱠᱟᱱ ᱞᱟᱹᱠᱛᱤᱭᱟᱱ ᱥᱩᱵᱤᱫᱷᱟ ᱨᱮᱭᱟᱜ ᱟᱱᱟᱴ ᱢᱮᱱᱟᱜᱼᱟ, ᱟᱹᱰᱤ ᱠᱚᱢ ᱦᱚᱲ ᱜᱮ ᱥᱚᱨᱠᱟᱨᱟᱜ ᱠᱟᱹᱢᱤ ᱠᱚ ᱧᱟᱢ ᱟᱠᱟᱫᱟ ᱟᱨ ᱡᱟᱦᱟᱸᱭ ᱦᱚᱸ ᱨᱟᱡᱟᱹᱨᱤ ᱨᱮ ᱥᱮᱞᱮᱫ ᱵᱟᱹᱱᱩᱜ ᱠᱚᱣᱟ᱾ ᱯᱟᱦᱟᱨᱤᱭᱟ [᱖] ᱩᱱᱠᱩᱣᱟᱜ ᱦᱟᱥᱟ ᱨᱩᱣᱟᱹᱲ ᱟᱨ ᱩᱱᱠᱩᱭᱟᱜ ᱥᱟᱶᱛᱟ ᱟᱹᱨᱤ ᱟᱨ ᱠᱟᱹᱣᱰᱤᱭᱟᱹᱨᱤ ᱦᱟᱞᱚᱛ ᱩᱛᱱᱟᱹᱣ ᱞᱟᱹᱜᱤᱫ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱟᱭᱢᱟ ᱜᱟᱶᱛᱟ ᱵᱮᱱᱟᱣ ᱟᱠᱟᱫᱟ᱾
ᱥᱟᱶᱛᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱟᱢᱤᱱᱼᱤᱼᱠᱳᱦ ᱨᱮᱭᱟᱜ ᱮᱛᱚᱢ ᱵᱩᱨᱩ ᱨᱮ ᱟᱨ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮᱭᱟᱜ ᱮᱛᱚᱢ ᱟᱨ ᱥᱟᱢᱟᱝ ᱨᱮ ᱢᱮᱱᱟᱜ ᱠᱚ ᱢᱟᱞ ᱯᱟᱦᱟᱨᱤᱭᱟ ᱠᱚᱱᱦᱤᱱᱫᱩ ᱠᱚ ᱦᱩᱭ ᱟᱠᱟᱱᱟ᱾ ᱩᱱᱠᱩ ᱢᱩᱫᱽᱨᱮ ᱟᱭᱢᱟ ᱠᱚ ᱵᱟᱝᱞᱟ ᱯᱟᱹᱨᱥᱤ ᱛᱮᱠᱚ ᱨᱚᱲᱟ, ᱢᱮᱱᱠᱷᱟᱱ ᱮᱴᱟᱜ ᱠᱚ ᱥᱟᱶ ᱩᱱᱠᱩ ᱵᱟᱝᱞᱟ ᱟᱨ ᱦᱤᱱᱫᱤ ᱯᱟᱹᱨᱥᱤ ᱛᱮᱠᱚ ᱨᱚᱲᱟ᱾ ᱵᱟᱝᱞᱟ ᱟᱨ ᱫᱮᱵᱽᱱᱟᱜᱽᱨᱤ ᱞᱤᱯᱤ ᱠᱚ ᱩᱱᱠᱩ ᱠᱚ ᱵᱮᱣᱦᱟᱨᱼᱟ᱾ ᱢᱟᱞ ᱯᱟᱦᱟᱨᱤᱭᱟ ᱠᱚ ᱪᱟᱥ ᱟᱨ ᱵᱤᱨ ᱟᱨᱡᱟᱣ ᱛᱮ ᱟᱠᱚᱣᱟᱜ ᱡᱤᱭᱚᱱ ᱠᱚ ᱠᱷᱟᱸᱰᱟᱣ ᱮᱫᱟ᱾ ᱫᱟᱠᱟ ᱫᱚ ᱩᱱᱠᱩᱣᱟᱜ ᱢᱩᱲᱩᱫ ᱡᱚᱢᱟᱜ ᱠᱟᱱᱟ᱾ ᱢᱩᱱ, ᱢᱚᱥᱩᱨ, ᱠᱚᱞᱛᱤ ᱟᱨ ᱞᱟᱨ ᱞᱮᱠᱟᱱ ᱪᱟᱹᱞ ᱠᱚ ᱵᱮᱣᱦᱟᱨᱟ᱾ ᱩᱱᱠᱩ ᱫᱚ ᱱᱤᱨᱟᱢᱤᱥ ᱵᱟᱝ ᱠᱟᱱᱟ ᱠᱚ, ᱢᱮᱱᱠᱷᱟᱱ ᱰᱟᱹᱝᱨᱤ ᱡᱤᱞ ᱫᱚ ᱵᱟᱝ ᱠᱚ ᱡᱚᱢᱼᱟ᱾ ᱠᱚᱲᱟ ᱟᱨ ᱛᱤᱨᱞᱟᱹ ᱵᱟᱱᱟᱨ ᱜᱮ ᱦᱟᱺᱰᱤ ᱠᱚ ᱧᱩᱭᱟ, ᱡᱟᱦᱟᱸ ᱫᱚ ᱚᱲᱟᱜ ᱨᱮ ᱵᱮᱱᱟᱣ ᱦᱩᱭᱩᱜᱼᱟ ᱥᱮ ᱵᱟᱡᱟᱨ ᱠᱷᱚᱱ ᱠᱤᱨᱤᱧ ᱦᱩᱭᱩᱜᱼᱟ᱾ [᱗][᱘] [᱙] ᱩᱱᱠᱩ ᱪᱩᱴᱤ ᱛᱷᱟᱢᱟᱠᱩᱲ ᱠᱚ ᱧᱩᱭᱟ ᱟᱨ ᱛᱷᱟᱢᱟᱠᱩᱲ ᱠᱚ ᱛᱚᱜᱚᱡᱟ᱾
ᱫᱷᱚᱨᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱞ[᱕] ᱯᱟᱦᱟᱲᱤᱭᱟ ᱠᱚᱫᱚ ᱩᱱᱠᱩ ᱥᱟᱣᱨᱤᱭᱟ ᱯᱟᱦᱟᱲᱤᱭᱟ ᱨᱮᱱ ᱮᱴᱟᱜ ᱠᱚ ᱞᱮᱠᱟ ᱫᱷᱚᱨᱢᱮᱨ ᱜᱚᱸᱥᱟᱭ ᱧᱩᱛᱩᱢ ᱛᱮ ᱢᱤᱫ ᱦᱚᱲ ᱥᱩᱨᱚ ᱵᱚᱸᱜᱟ ᱠᱚ ᱢᱟᱱᱟᱣ ᱮᱭᱟ᱾
ᱱᱚᱶᱟ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "A-11 Individual Scheduled Tribe Primary Census Abstract Data and its Appendix". www.censusindia.gov.in. Office of the Registrar General & Census Commissioner, India. Retrieved 2017-11-18.
- ↑ "Bihar Scheduled Tribe List". tribesindia.com.
- ↑ ᱓.᱐ ᱓.᱑ "Scheduled Tribe List Of West Bengal State". anagrasarkalyan.gov.in. Archived from the original on 2009-08-29.
- ↑ Jharkhand, Government of. "Scheduled tribes of Jharkhand". www.jharkhand.gov.in. Archived from the original on 2018-06-13. Retrieved 2024-03-02.
- ↑ ᱕.᱐ ᱕.᱑ ᱕.᱒ Hewitt, J. F. (April 1893). "Art. VII.–The Tribes and Castes of Bengal, by H. H. Risley. Vols. I. and II. Ethnographic Glossary, Vols. I. and II. Anthropometric Data". Journal of the Royal Asiatic Society of Great Britain & Ireland. 25 (2): 237–300. doi:10.1017/s0035869x00022395. ISSN 0035-869X.
- ↑ Vulnerability of Autochthon Paharias of Santal Parganas: Revealing Continuity of Colonial Legacy, 2020
- ↑ "Mal Paharia Adivasi". jharkhand org. Archived from the original on 2010-09-02.
- ↑ "Mal Paharia Adivasi". tribesindia.com.
- ↑ Houlton, Sir John, Bihar, the Heart of India, p. 81, Orient Longmans, 1949
ᱪᱷᱟᱸᱪ:Scheduled tribes of West Bengalᱪᱷᱟᱸᱪ:Tribes of Jharkhand