Jump to content

ᱨᱟᱢᱟᱥᱣᱟᱢᱤ ᱯᱚᱨᱚᱢᱮᱥᱣᱚᱨᱚᱢ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱨᱟᱢᱟᱥᱣᱟᱢᱤ ᱯᱚᱨᱚᱢᱮᱥᱣᱚᱨᱚᱢ

ᱡᱟᱱᱟᱢ᱑᱓ ᱥᱮᱯᱴᱮᱢᱵᱚᱨ ᱑᱙᱔᱖(1946-09-13)
ᱵᱳᱢᱵᱟᱭ, ᱵᱳᱢᱵᱟᱭ ᱯᱚᱱᱚᱛ, ᱵᱨᱤᱴᱤᱥ ᱥᱤᱧᱚᱛ
ᱵᱚᱸᱜᱟᱛᱟᱞᱟ᱒᱕ ᱱᱚᱵᱷᱮᱢᱵᱚᱨ ᱑᱙᱘᱗ (᱔᱑ ᱵᱚᱭᱚᱥ)
ᱥᱨᱤᱞᱚᱝᱠᱟ
ᱮᱞᱤᱡᱮᱱᱥᱥᱤᱧᱚᱛ ᱥᱤᱧᱚᱛ ᱨᱮᱱᱟᱜ ᱟᱹᱯᱱᱟᱹᱛ
ᱥᱮᱵᱟ/ᱪᱟᱸᱜᱟ ᱥᱤᱧᱚᱛᱤᱭᱟᱹ ᱯᱷᱟᱹᱫᱽ
ᱥᱮᱵᱟ ᱚᱠᱛᱚ᱑᱙᱗᱒–᱑᱙᱘᱗
ᱦᱩᱫᱟᱹ ᱨᱮᱭᱟᱜ ᱢᱟᱹᱱ ᱢᱮᱡᱚᱨ
ᱥᱮᱵᱟ ᱮᱞSS-25573 (ᱠᱷᱟᱴᱚ ᱚᱠᱛᱚ-ᱥᱟᱨᱵᱷᱤᱥ ᱠᱚᱢᱤᱥᱚᱱ)[᱑]
IC-32907 (ᱨᱮᱜᱩᱞᱟᱨ ᱠᱚᱢᱤᱥᱚᱱ)
ᱤᱣᱱᱤᱴᱢᱟᱦᱟᱨ ᱨᱮᱡᱤᱢᱮᱱᱴ
ᱟᱭ.ᱯᱤ.ᱠᱮ.ᱮᱯᱷ
ᱞᱟᱹᱰᱷᱟᱹᱭ/ᱛᱟᱯᱟᱢᱥᱨᱤᱞᱚᱝᱠᱟᱱ ᱜᱷᱟᱨᱚᱸᱡᱽ ᱞᱟᱹᱲᱦᱟᱹᱭ
ᱚᱯᱟᱨᱮᱥᱟᱱ ᱯᱟᱣᱟᱱ
ᱥᱤᱨᱯᱟᱹᱠᱚ ᱯᱚᱨᱚᱢ ᱵᱤᱨ ᱪᱚᱠᱨᱚ

ᱢᱮᱡᱚᱨ ᱨᱟᱢᱟᱥᱣᱟᱢᱤ ᱯᱚᱨᱚᱢᱮᱥᱣᱚᱨᱚᱢ (᱑᱓ ᱥᱮᱯᱴᱮᱢᱵᱚᱨ ᱑᱙᱔᱖, ᱢᱩᱢᱵᱟᱭ - ᱒᱕ ᱱᱚᱵᱷᱮᱢᱵᱚᱨ ᱑᱙᱘᱗, ᱥᱨᱤᱞᱚᱝᱠᱟ), ᱟᱡ ᱨᱮᱱ ᱜᱟᱛᱮ ᱠᱚ ᱫᱚ ᱯᱟᱨᱤ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱯᱷᱟᱹᱫᱽ ᱨᱤᱱᱤᱡ ᱢᱤᱫ ᱚᱯᱷᱤᱥᱚᱨ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱡᱟᱜ ᱫᱤᱞᱜᱟᱹᱨᱤᱭᱟᱹ ᱞᱟᱹᱜᱤᱫ ᱛᱮ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱷᱟᱹᱫᱽ ᱥᱤᱨᱯᱟᱹ ᱯᱚᱨᱚᱢ ᱵᱤᱨ ᱪᱚᱠᱨᱚ ᱮ ᱧᱟᱢ ᱟᱠᱟᱫ-ᱟ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱖ ᱡᱟᱱᱩᱣᱟᱨᱤ ᱑᱙᱗᱒ ᱥᱟᱞᱮ ᱨᱮ ᱯᱮᱨᱟᱢᱮᱥᱣᱚᱨᱚᱱ ᱫᱚ ᱑᱕ ᱵᱮᱴᱮᱞᱤᱭᱟᱱ ᱢᱟᱦᱟᱨ ᱨᱮᱡᱤᱢᱮᱱᱴ ᱨᱮ ᱫᱚᱥᱟᱨ ᱞᱤᱴᱮᱱᱮᱱᱮᱱᱴ ᱞᱮᱠᱟᱛᱮ ᱥᱚᱨᱴ ᱥᱚᱨᱵᱷᱤᱥ ᱠᱚᱢᱤᱥᱚᱱ ᱮ ᱧᱟᱢ ᱞᱮᱫ ᱛᱟᱦᱮᱸᱫ᱾[᱑] ᱑᱖ ᱡᱟᱱᱩᱣᱟᱨᱤ ᱑᱙᱗᱔ ᱨᱮ ᱞᱮᱯᱷᱴᱮᱱᱮᱱᱴ ᱞᱮᱠᱟᱛᱮ ᱯᱨᱳᱢᱳᱰ ᱟᱠᱟᱱᱟ,[᱒] ᱩᱱᱤ ᱫᱚ ᱛᱟᱭᱚᱢ ᱛᱮ ᱨᱤᱜᱩᱞᱟᱨ ᱠᱚᱢᱤᱥᱚᱱ ᱮ ᱧᱟᱢ ᱠᱮᱫᱼᱟ, ᱟᱨ ᱑᱒ ᱚᱠᱴᱚᱵᱚᱨ ᱑᱙᱗᱙ ᱨᱮ ᱠᱮᱯᱴᱮᱱ ᱟᱨ ᱓᱑ ᱡᱩᱞᱟᱭ ᱑᱙᱘᱔ ᱨᱮ ᱢᱮᱡᱚᱨ ᱞᱮᱠᱟᱛᱮ ᱯᱨᱳᱢᱳᱰ ᱟᱠᱟᱱᱟᱭ᱾[᱓][᱔]

ᱯᱷᱟᱹᱫᱽ ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱕ ᱱᱚᱵᱷᱮᱢᱵᱚᱨ ᱑᱙᱘᱗ ᱦᱤᱞᱚᱜ, ᱢᱮᱡᱚᱨ ᱨᱟᱢᱟᱥᱣᱟᱢᱤ ᱯᱚᱨᱚᱢᱮᱥᱣᱚᱨᱚᱱ ᱥᱨᱤᱞᱚᱝᱠᱟ ᱨᱮ ᱥᱟᱨᱪ ᱚᱯᱨᱮᱥᱚᱱ ᱠᱷᱚᱱ ᱨᱩᱣᱟᱹᱲᱚᱜ ᱠᱟᱱ ᱚᱠᱛᱮ ᱨᱮ, ᱧᱤᱫᱟᱹ ᱵᱮᱲᱟ ᱨᱮ, ᱟᱡᱟᱜ ᱠᱚᱞᱚᱢ (ᱯᱷᱟᱹᱫᱽ ᱜᱩᱴ) ᱫᱚ ᱢᱤᱫ ᱜᱩᱴ ᱢᱤᱞᱤᱴᱮᱱᱴ ᱠᱚ ᱦᱚᱛᱮᱛᱮ ᱠᱚ ᱡᱟᱨᱯᱟ ᱞᱮᱫᱟ, ᱚᱠᱚᱭ ᱠᱚᱣᱟᱜ ᱨᱮ ᱕ ᱜᱚᱴᱟᱝ ᱨᱟᱭᱯᱷᱚᱞ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱞᱜᱟ ᱛᱮᱜᱮ ᱢᱚᱱᱮᱭ ᱵᱩᱡᱷᱟᱹᱣ ᱠᱮᱜᱼᱟ, ᱞᱚᱞᱚ ᱦᱟᱛᱟᱝᱤᱭᱟᱹ ᱠᱚ ᱛᱟᱭᱚᱢ ᱠᱷᱚᱱ ᱜᱷᱮᱨᱟᱣ ᱠᱮᱜᱼᱟ ᱟᱨ ᱩᱱᱠᱩ ᱨᱮᱭ ᱦᱟᱨᱟᱣ ᱠᱮᱜᱼᱟ, ᱡᱟᱦᱟᱸ ᱫᱚ ᱩᱱᱠᱩ ᱥᱟᱱᱟᱢ ᱠᱚ ᱟᱠᱵᱟᱠᱟᱣ ᱩᱛᱟᱹᱨ ᱞᱮᱱᱟ᱾ ᱛᱤᱻᱛᱤ ᱞᱟᱹᱲᱦᱟᱹᱭ ᱡᱚᱠᱷᱮᱡ ᱢᱤᱫ ᱞᱚᱞᱚ ᱦᱟᱛᱟᱝᱤᱭᱟᱹ ᱫᱚ ᱟᱡᱟᱜ ᱠᱚᱲᱟᱢ ᱨᱮᱭ ᱜᱩᱞᱤ ᱞᱮᱫᱮᱭᱟ᱾ ᱢᱮᱡᱚᱨ ᱯᱟᱨᱟᱢᱮᱥᱣᱚᱨᱚᱱ ᱫᱚ ᱢᱟᱭᱟᱝᱚᱜ ᱛᱩᱞᱩᱪ ᱨᱮ ᱞᱚᱞᱚ ᱦᱟᱛᱟᱝᱤᱭᱟᱹ ᱴᱷᱮᱱ ᱠᱷᱚᱱ ᱨᱟᱭᱯᱷᱮᱞ ᱨᱮᱡ ᱠᱟᱛᱮ ᱮ ᱴᱷᱩ ᱜᱚᱡ ᱞᱮᱫᱮᱭᱟ᱾ ᱜᱟᱹᱦᱤᱨ ᱛᱮᱭ ᱜᱷᱟᱹᱞ ᱟᱠᱟᱱ ᱛᱟᱦᱮᱱ ᱨᱮᱦᱚᱸ ᱩᱱᱤ ᱫᱚ ᱟᱡᱟᱜ ᱜᱩᱨ ᱫᱷᱟᱹᱵᱤᱡ ᱟᱡᱟᱜ ᱠᱚᱞᱚᱢ ᱨᱮᱱ ᱯᱷᱟᱹᱫᱽ ᱠᱚ ᱞᱚᱞᱚ ᱦᱟᱛᱟᱝᱤᱭᱟᱹ ᱠᱚ ᱥᱟᱶ ᱞᱟᱹᱲᱦᱟᱹᱭ ᱤᱫᱤ ᱨᱮᱭᱟᱜ ᱚᱰᱟᱨ ᱮ ᱮᱢᱟ ᱠᱚ ᱠᱟᱱ ᱛᱟᱦᱮᱸᱫ᱾ ᱯᱮᱭᱟ ᱞᱚᱞᱚ ᱦᱟᱛᱟᱝᱤᱭᱟᱹ ᱠᱚ ᱜᱚᱡ ᱞᱮᱫ ᱠᱚᱣᱟ ᱟᱨ ᱯᱮᱭᱟ ᱨᱟᱭᱯᱷᱚᱞ ᱟᱨ ᱵᱟᱨᱭᱟ ᱨᱚᱠᱮᱴ ᱞᱚᱧᱪᱟᱨ ᱠᱚ ᱧᱟᱢ ᱞᱮᱫᱟ ᱟᱨ ᱡᱟᱨᱯᱟ ᱠᱚ ᱢᱮᱴᱟᱣ ᱞᱮᱫ ᱛᱟᱠᱚᱣᱟ᱾

ᱯᱚᱨᱚᱢ ᱵᱤᱨ ᱪᱚᱠᱨᱚ ᱚᱱᱚᱞ ᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛᱤᱭᱟᱹ ᱯᱷᱟᱹᱫᱽ ᱚᱯᱷᱤᱥᱤᱭᱟᱞ ᱣᱮᱵᱽᱥᱟᱭᱤᱴ ᱨᱮ ᱯᱚᱨᱚᱢ ᱵᱤᱨ ᱪᱚᱠᱨᱚ ᱨᱮᱱᱟᱜ ᱚᱱᱚᱞ ᱫᱚ ᱱᱚᱝᱠᱟ ᱢᱮᱱᱟᱜᱼᱟ:

CITATION
MAJOR RAMASWAMY PARAMESWARAN
8 MAHAR (IC-32907)

On 25 November 1987, when Major Ramaswamy Parameswaran was returning from search operation in Sri Lanka, late at night, his column was ambushed by a group of militants. With cool presence of mind, he encircled the militants from the rear and charged into them, taking them completely surprise. During the hand-to-hand combat, a militant shot him in the chest. Undaunted, Major Parameswaran snatched the rifle from the militant and shot him dead. Gravely wounded, he continued to give orders and inspired his command till he breathed his last. Five militants were killed and three rifles and two rocket launchers were recovered and the ambush was cleared.

Major Ramaswamy Parameswaran displayed the most conspicuous gallantry and thought nothing of dying at his post.[᱕]

ᱟᱭ.ᱯᱤ.ᱠᱮ.ᱮᱯᱷ ᱫᱤᱥᱟᱹ ᱨᱩᱣᱟᱹᱲ ᱦᱩᱲᱟᱹᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱕ ᱚᱜᱚᱥᱴ ᱒᱐᱑᱒ ᱨᱮ, R.K. ᱨᱟᱫᱷᱟᱠᱨᱤᱥᱱᱚᱱ, ᱫᱤ ᱦᱤᱱᱫᱩ ᱨᱮᱱᱟᱜ ᱠᱚᱞᱚᱢᱵᱚ ᱠᱷᱚᱵᱚᱨᱤᱭᱟᱹ ᱫᱚ IPKF ᱴᱨᱟᱱᱥᱠᱨᱟᱭᱵᱷᱤᱥᱚᱱ ᱨᱮ ᱢᱤᱫᱴᱮᱱ ᱟᱹᱰᱤ ᱢᱟᱨᱟᱝ ᱵᱷᱩᱞ ᱚᱞ ᱞᱮᱫᱟ: ᱚᱱᱚᱞ ᱨᱮ ᱚᱞ ᱢᱮᱱᱟᱜᱼᱟ: IC 32907F MAJ. P.RAMASWAMY MVC 25 NOV 1987 8 MAHAR. MVC ᱫᱚ ᱢᱚᱦᱟ ᱵᱤᱨ ᱪᱚᱠᱨᱚ, ᱥᱤᱧᱚᱛ ᱨᱮᱱᱟᱜ ᱫᱚᱥᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱤᱞᱤᱴᱟᱨᱤ ᱰᱮᱠᱳᱨᱮᱥᱚᱱ ᱨᱮᱱᱟᱜ ᱩᱯᱨᱩᱢ ᱠᱟᱱᱟ᱾ ᱢᱟᱲᱟᱝ ᱫᱚ ᱚᱠᱚᱭ ᱦᱚᱸ ᱱᱚᱣᱟ ᱵᱷᱩᱞ ᱵᱟᱠᱚ ᱧᱮᱞ ᱟᱠᱟᱫ ᱛᱟᱦᱮᱸᱫ᱾ ᱚᱱᱰᱮ ᱤᱧ ᱛᱟᱦᱮᱸᱱ ᱚᱠᱛᱮ, ᱤᱧᱟᱜ ᱢᱚᱱᱮ ᱨᱮ ᱱᱚᱶᱟ ᱦᱮᱡ ᱮᱱᱟ ᱡᱮ ᱚᱞ ᱟᱠᱟᱱ ᱑᱒᱐᱐ ᱜᱟᱱ ᱯᱷᱟᱹᱫᱽ ᱠᱚᱣᱟᱜ ᱧᱩᱛᱩᱢ ᱟᱨ ᱥᱟᱨᱦᱟᱣ ᱫᱚ ᱡᱚᱛᱚ ᱜᱮ ᱥᱟᱹᱨᱤ ᱵᱟᱝ ᱠᱟᱱᱟ᱾ ᱥᱤᱧᱚᱛ ᱯᱷᱩᱨᱜᱟᱹᱞ ᱛᱟᱭᱚᱢ ᱠᱷᱚᱱ ᱠᱷᱟᱹᱞᱤ ᱒᱑ ᱜᱚᱴᱟᱝ ᱥᱤᱧᱚᱛᱤᱭᱟᱹ ᱠᱚᱣᱟᱜ ᱧᱩᱛᱩᱢ ᱨᱮ ᱯᱤ.ᱵᱤ.ᱥᱤ ᱢᱟᱹᱱ ᱢᱮᱱᱟᱜᱼᱟ, ᱯᱟᱨᱚᱢᱮᱥᱣᱚᱨᱚᱱ ᱫᱚ IPKF ᱨᱮᱱ ᱢᱤᱫᱴᱮᱱ ᱜᱮᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱱᱚᱝᱠᱟᱱ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱢᱚᱦᱟᱨ ᱨᱮᱡᱤᱢᱮᱱᱴ ᱨᱤᱱᱤᱡ ᱢᱤᱫᱴᱟᱹᱝ ᱱᱚᱝᱠᱟᱱ ᱯᱷᱟᱹᱫᱽ ᱦᱚᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱷᱟᱹᱫᱽ ᱥᱤᱨᱯᱟᱹ ᱮ ᱧᱟᱢ ᱟᱠᱟᱫᱼᱟ᱾ ᱑᱙᱔᱑ ᱥᱮᱨᱢᱟ ᱠᱷᱚᱱ ᱠᱟᱹᱢᱤᱭᱟᱠᱟᱱ ᱢᱤᱫ ᱨᱮᱡᱤᱢᱮᱱᱴ ᱞᱟᱹᱜᱤᱫ ᱱᱚᱶᱟ ᱫᱚ ᱟᱹᱰᱤ ᱢᱟᱨᱟᱝ ᱠᱟᱛᱷᱟ ᱠᱟᱱᱟ᱾"[᱖]

ᱢᱤᱫ ᱚᱲᱟᱜ ᱧᱩᱛᱩᱢ ᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱙᱘ ᱥᱮᱨᱢᱟ ᱨᱮ ᱢᱮᱡᱚᱨ ᱨᱟᱢᱟᱥᱣᱟᱢᱤ ᱯᱚᱨᱚᱢᱮᱥᱣᱚᱨᱚᱱ ᱟᱜ ᱥᱟᱨᱦᱟᱣ ᱨᱮ ᱟᱨᱠᱳᱴ ᱰᱟᱦᱟᱨ ᱪᱮᱱᱱᱟᱭ ᱨᱮ ᱢᱤᱫ ᱠᱚᱞᱚᱱᱤ ᱵᱮᱱᱟᱣ ᱠᱟᱛᱮ ᱢᱮᱡᱚᱨ ᱨᱟᱢᱟᱥᱣᱟᱢᱤ ᱯᱚᱨᱚᱢᱮᱥᱣᱚᱨ ᱟᱜ ᱢᱟᱹᱱ ᱨᱮ ᱮ.ᱰᱤ.ᱮᱪ.ᱳ. ᱯᱚᱨᱚᱢᱮᱥᱣᱚᱨᱚᱱ ᱵᱤᱦᱟᱨ ᱧᱩᱛᱩᱢ ᱛᱮ ᱠᱚ ᱧᱩᱛᱩᱢ ᱠᱮᱫᱼᱟ᱾

ᱨᱟᱢᱟᱥᱣᱟᱢᱤ ᱯᱚᱨᱚᱢᱮᱥᱣᱚᱨᱚᱱ ᱟᱜ ᱢᱩᱴᱷᱟᱹᱱ ᱯᱟᱨᱚᱢ ᱭᱚᱫᱷᱟ ᱥᱛᱷᱚᱞ, ᱡᱟᱹᱛᱤᱭᱟᱹᱨᱤ ᱞᱟᱹᱲᱦᱟᱹᱭ ᱫᱤᱱᱤᱥᱟᱹ, ᱱᱟᱶᱟ ᱫᱤᱞᱞᱤ ᱨᱮ

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ "Part I-Section 4: Ministry of Defence (Army Branch)" (PDF). The Gazette of India. 23 November 1974. p. 1292.
  2. "Part I-Section 4: Ministry of Defence (Army Branch)". The Gazette of India. 29 March 1975. p. 469.
  3. "Part I-Section 4: Ministry of Defence (Army Branch)" (PDF). The Gazette of India. 11 June 1983. p. 899.
  4. "Part I-Section 4: Ministry of Defence (Army Branch)" (PDF). The Gazette of India. 3 August 1985. p. 1077.
  5. The Param Vir Chakra Winners (PVC), Official Website of the Indian Army, retrieved 28 August 2014
  6. Radhakrishnan, R.K. (15 August 2012). "Glaring mistake that missed many an eye". The Hindu. Retrieved 16 August 2012.