ᱥᱟᱭᱛᱟᱱ ᱥᱤᱝ
ᱥᱟᱭᱛᱟᱱ ᱥᱣᱝ ᱵᱷᱟᱴᱤ | |
|---|---|
| ᱥᱟᱭᱛᱟᱱ ᱥᱤᱝ ᱵᱷᱟᱴᱤ Portrait of Shaitan Singh | |
| ᱡᱟᱱᱟᱢ | ᱑ ᱰᱤᱥᱮᱢᱵᱚᱨ ᱑᱙᱒᱔ ᱡᱚᱫᱷᱯᱩᱨ ᱯᱚᱱᱚᱛ, ᱵᱨᱤᱴᱤᱥ ᱥᱤᱧᱚᱛ |
| ᱵᱚᱸᱜᱟᱛᱟᱞᱟ | ᱑᱘ ᱱᱚᱵᱷᱮᱢᱵᱚᱨ ᱑᱙᱖᱒ (᱓᱗ ᱵᱚᱭᱚᱥ) ᱨᱮᱡᱟᱝ ᱞᱟ, ᱞᱟᱫᱟᱠᱷ ᱥᱟᱥᱚᱱᱮᱫ ᱮᱞᱟᱠᱟ |
| ᱮᱞᱤᱡᱮᱱᱥ |  ᱥᱤᱧᱚᱛ ᱨᱮᱱᱟᱜ ᱟᱹᱯᱱᱟᱹᱛ |
| ᱥᱮᱵᱟ/ |  ᱥᱤᱧᱚᱛᱤᱭᱟᱹ ᱯᱷᱟᱹᱫᱽ |
| ᱥᱮᱵᱟ ᱚᱠᱛᱚ | 1949–1962 |
| ᱦᱩᱫᱟᱹ ᱨᱮᱭᱟᱜ ᱢᱟᱹᱱ |  ᱢᱮᱡᱚᱨ |
| ᱥᱮᱵᱟ ᱮᱞ | IC-6400[᱑] |
| ᱤᱣᱱᱤᱴ | .svg){kind=small} ᱑᱓ ᱠᱩᱢᱟᱣᱩᱱ |
| ᱞᱟᱹᱰᱷᱟᱹᱭ/ᱛᱟᱯᱟᱢ | |
| ᱥᱤᱨᱯᱟᱹᱠᱚ |  ᱯᱚᱨᱚᱢ ᱵᱤᱨ ᱪᱚᱠᱨᱚ |
| ᱵᱟᱹᱦᱩ(ᱠᱚ) | ᱥᱟᱜᱩᱱ ᱠᱟᱱᱣᱟᱨ[᱒] |
ᱢᱮᱡᱚᱨ ᱥᱟᱭᱛᱟᱱ ᱥᱤᱝ ᱵᱷᱟᱴᱤ, ᱯ.ᱵ.ᱪ. (᱑ ᱱᱚᱵᱷᱮᱢᱵᱚᱨ ᱑᱙᱒᱔ ᱑᱘ ᱱᱚᱵᱷᱮᱢᱵᱚᱨ ᱑᱙᱖᱒) ᱫᱚ ᱢᱤᱫ ᱯᱷᱟᱹᱫᱽ ᱚᱯᱷᱤᱥᱟᱨ ᱟᱨ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱷᱟᱹᱫᱽ ᱥᱤᱨᱯᱷᱟᱹ ᱯᱚᱨᱚᱢ ᱵᱤᱨ ᱪᱚᱠᱨᱚ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱥᱤᱝ ᱫᱚ ᱨᱟᱡᱚᱥᱛᱷᱟᱱ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡᱟᱜ ᱯᱟᱲᱦᱟᱣ ᱯᱩᱨᱟᱹᱣ ᱠᱟᱛᱮ ᱥᱤᱝ ᱫᱚ ᱡᱚᱫᱷᱯᱩᱨ ᱨᱟᱡᱽ ᱯᱷᱟᱹᱫᱽ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱡᱚᱫᱷᱯᱩᱨ ᱨᱟᱡᱚᱥᱴᱷᱤ ᱥᱤᱧᱚᱛ ᱨᱮ ᱥᱮᱞᱮᱫ ᱮᱱ ᱛᱟᱭᱚᱢ ᱩᱱᱤ ᱫᱚ ᱠᱩᱢᱟᱣᱩᱱ ᱨᱮᱡᱤᱢᱮᱱᱴ ᱨᱮᱭ ᱦᱮᱡ ᱮᱱᱟ ᱾ ᱩᱱᱤ ᱫᱚ ᱱᱟᱜᱟ ᱵᱩᱨᱩ ᱨᱮ ᱚᱯᱨᱮᱥᱚᱱ ᱨᱮ ᱟᱨ ᱑᱙᱖᱑ ᱥᱮᱨᱢᱟ ᱨᱮ ᱜᱳᱣᱟ ᱨᱮᱱᱟᱜ ᱥᱤᱧᱚᱛ ᱥᱟᱞᱟᱜ ᱡᱩᱲᱟᱹᱣ ᱨᱮ ᱦᱚᱸᱭ ᱥᱮᱞᱮᱫ ᱞᱮᱱᱟ ᱾
᱑᱙᱖᱒ ᱥᱮᱨᱢᱟ ᱨᱮᱱᱟᱜ ᱥᱤᱧᱚᱛ-ᱪᱤᱱ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱠᱩᱢᱟᱣᱩᱱ ᱨᱮᱡᱤᱢᱮᱱᱴ ᱨᱮᱱᱟᱜ ᱑᱓ ᱟᱱᱟᱜ ᱵᱟᱴᱟᱞᱤᱭᱚᱱ ᱫᱚ ᱪᱩᱥᱩᱞ ᱥᱮᱠᱴᱚᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱥᱤᱝ ᱟᱜ ᱠᱚᱢᱟᱱᱰ ᱟᱛᱮ C ᱠᱚᱢᱯᱟᱹᱱᱤ ᱨᱮᱡᱚᱝ ᱞᱟ ᱨᱮ ᱴᱷᱟᱶ ᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾
ᱯᱩᱭᱞᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱭᱛᱟᱱ ᱥᱤᱝ ᱫᱚ ᱑ ᱱᱚᱵᱷᱮᱢᱵᱚᱨ ᱑᱙᱒᱔ ᱥᱟᱞᱮ ᱨᱮ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱡᱚᱫᱷᱯᱩᱨ ᱦᱚᱱᱚᱛ ᱨᱮᱱᱟᱜ ᱵᱚᱱᱟᱥᱚᱨ ᱟᱹᱛᱩ ᱨᱮ ᱵᱷᱟᱴᱤ ᱵᱚᱝᱥᱚ ᱨᱮᱱᱟᱜ ᱨᱟᱡᱽᱯᱩᱛ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱑] ᱟᱡ ᱵᱟᱵᱟ ᱫᱚ ᱞᱮᱯᱷᱴᱤᱱᱮᱱᱴ ᱠᱚᱨᱚᱱᱮᱞ ᱦᱮᱢ ᱥᱤᱝ ᱮ ᱛᱟᱦᱮᱸ ᱠᱟᱱᱟᱭ ᱾ ᱞᱤᱴᱮᱱᱮᱱᱴ ᱠᱚᱨᱚᱱᱮᱞ ᱥᱤᱝ ᱫᱚ ᱯᱩᱭᱞᱩ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱯᱷᱨᱟᱱᱥ ᱨᱮ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱥᱟᱶᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱟᱨ ᱵᱨᱤᱴᱤᱥ ᱥᱚᱨᱠᱟᱨ ᱦᱚᱛᱮᱛᱮ ᱩᱱᱤ ᱫᱚ ᱚᱨᱰᱚᱨ ᱚᱯᱷ ᱫᱟ ᱵᱨᱤᱴᱤᱥ ᱮᱢᱯᱭᱟᱨ (OBE) ᱛᱮ ᱢᱟᱹᱱ ᱦᱟᱞᱟᱝ ᱞᱮᱱᱟᱭ ᱾[᱓]
ᱥᱤᱝ ᱫᱚ ᱪᱳᱯᱟᱥᱱᱤ ᱥᱤᱱᱤᱭᱚᱨ ᱥᱮᱠᱮᱱᱰᱟᱨᱤ ᱤᱥᱠᱩᱞ, ᱡᱚᱫᱷᱯᱩᱨ ᱨᱮ ᱢᱮᱴᱨᱤᱠ ᱫᱷᱟᱹᱨᱤᱡ ᱮ ᱯᱟᱲᱦᱟᱣ ᱟᱠᱟᱱᱟᱭ ᱾ ᱟᱥᱲᱟ ᱨᱮ, ᱩᱱᱤ ᱫᱚ ᱯᱷᱩᱴᱵᱚᱞ ᱠᱷᱮᱞᱚᱸᱰᱤᱭᱟ. ᱞᱮᱠᱟᱛᱮ ᱟᱡᱟᱜ ᱥᱠᱤᱞ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱑᱙᱔᱓ ᱥᱮᱨᱢᱟ ᱨᱮ ᱟᱡᱟᱜ ᱟᱥᱲᱟ ᱥᱮᱪᱮᱫ ᱯᱩᱨᱟᱹᱣ ᱠᱟᱛᱮ ᱥᱤᱝ ᱡᱚᱥᱵᱷᱟᱱᱴ ᱠᱚᱞᱮᱡᱽ ᱨᱮ ᱪᱟᱞᱟᱣ ᱮᱱᱟ ᱟᱨ ᱑᱙᱔᱗ ᱨᱮ ᱟᱡᱟᱜ ᱵᱤᱨᱫᱟᱹᱜᱟᱲ ᱯᱟᱲᱦᱟᱣ ᱯᱩᱨᱟᱹᱣ ᱮᱱᱟ ᱾ ᱑ ᱚᱜᱚᱥᱴ ᱑᱙᱔᱙ ᱨᱮ,[᱓] ᱩᱱᱤ ᱫᱚ ᱢᱤᱫ ᱚᱯᱷᱤᱥᱟᱨ ᱞᱮᱠᱟᱛᱮ ᱡᱚᱫᱷᱯᱩᱨ ᱨᱟᱡᱽ ᱯᱷᱟᱹᱫᱽ ᱨᱮ ᱥᱮᱞᱮᱫ ᱞᱮᱱᱟᱭ ᱾
ᱢᱤᱞᱤᱴᱨᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱫᱷᱯᱩᱨ ᱨᱟᱡᱚᱥᱴᱷᱤ ᱥᱤᱧᱚᱛ ᱨᱮ ᱵᱚᱞᱚ ᱞᱮᱱ ᱛᱟᱭᱚᱢ, ᱥᱤᱝ ᱫᱚ ᱠᱩᱢᱟᱣᱩᱱ ᱨᱮᱡᱤᱢᱮᱱᱴ ᱨᱮᱭ ᱦᱮᱡ ᱮᱱᱟ ᱾ ᱒᱕ ᱱᱚᱵᱷᱮᱢᱵᱚᱨ ᱑᱙᱕᱕ ᱨᱮ ᱩᱱᱤ ᱫᱚ ᱠᱮᱯᱴᱮᱱ ᱞᱮᱠᱟᱛᱮᱭ ᱩᱪᱷᱟᱹᱱ ᱞᱮᱱᱟ,[᱔] ᱟᱨ ᱩᱱᱤ ᱫᱚ ᱑᱙᱖᱑ ᱨᱮ ᱱᱟᱜᱟ ᱵᱩᱨᱩ ᱟᱨ ᱜᱳᱣᱟ ᱨᱮ ᱥᱤᱧᱚᱛᱤᱭᱟᱹ ᱠᱟᱹᱢᱤ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱑᱑ ᱡᱩᱱ ᱑᱙᱖᱒ ᱨᱮ ᱩᱱᱤ ᱫᱚ ᱢᱮᱡᱚᱨ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟᱭ ᱾[᱕]
᱑᱙᱖᱒ ᱥᱤᱧᱚᱛ-ᱪᱤᱱ ᱞᱟᱹᱲᱦᱟᱹᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱟᱨ ᱪᱤᱱ ᱛᱟᱞᱟ ᱨᱮ ᱦᱤᱢᱟᱞᱚᱭ ᱴᱚᱴᱷᱟ ᱨᱮᱱᱟᱜ ᱥᱤᱢᱟᱹ ᱨᱮ ᱟᱹᱰᱤ ᱥᱮᱫᱟᱭ ᱠᱷᱚᱱ ᱟᱹᱭᱫᱟᱹᱨᱤ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱢᱟᱨᱟᱝ ᱢᱚᱱᱛᱨᱤ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱫᱚ ᱥᱤᱧᱚᱛ ᱨᱮᱱᱟᱜ ᱟᱹᱭᱫᱟᱹᱨᱤ ᱴᱚᱴᱷᱟ ᱨᱮ ᱪᱤᱱ ᱨᱮᱱᱟᱜ ᱟᱹᱭᱫᱟᱹᱨᱤ ᱠᱚ ᱵᱟᱧᱪᱟᱣ ᱞᱟᱹᱜᱤᱫ ᱨᱟᱡᱽᱟᱹᱨᱤ ᱵᱮᱱᱟᱣ ᱞᱟᱹᱜᱤᱫ ᱠᱚ ᱞᱟᱹᱭ ᱞᱮᱫ ᱛᱟᱦᱮᱸᱫ ᱾ ᱢᱮᱱᱠᱷᱟᱱ, ᱥᱤᱧᱚᱛᱤᱭᱟᱹ ᱯᱷᱟᱹᱫᱽ ᱛᱟᱞᱟ ᱛᱮ ᱮᱢ ᱟᱠᱟᱱ ᱱᱚᱣᱟ ᱩᱫᱽᱜᱟᱹᱣ ᱫᱚ ᱵᱟᱧᱪᱟᱣ ᱞᱮᱱᱟ ᱾ ᱚᱱᱟ ᱵᱮᱜᱚᱨ ᱩᱱᱤ ᱫᱚ ᱢᱤᱫ ᱚᱯᱷᱤᱥᱟᱨ ᱦᱚᱛᱮᱛᱮ "ᱯᱷᱚᱨᱣᱟᱨᱰ ᱯᱚᱞᱤᱥᱤ" ᱧᱩᱛᱩᱢᱟᱱ ᱡᱚᱡᱚᱱᱟᱭ ᱢᱚᱱᱮ ᱠᱮᱫᱼᱟ ᱾ ᱱᱚᱣᱟ ᱫᱚ ᱪᱤᱱᱤ ᱠᱚᱣᱟᱜ ᱥᱩᱨ ᱨᱮ ᱟᱭᱢᱟ ᱦᱩᱰᱤᱧ ᱯᱚᱥᱴ ᱠᱚ ᱵᱮᱱᱟᱣ ᱞᱟᱹᱜᱤᱫ ᱩᱫᱩᱜ ᱥᱚᱫᱚᱨ ᱟᱠᱟᱫᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ Chakravorty 1995, p. 73.
- ↑ "Major Shaitan Singh's widow dies". Business Standard. Press Trust of India. 18 April 2015. Retrieved 4 December 2017.
- ↑ ᱓.᱐ ᱓.᱑ Reddy 2007, p. 41.
- ↑ "Part I-Section 4: Ministry of Defence (Army Branch)" (PDF). The Gazette of India. 9 June 1956. p. 113.
- ↑ Reddy 2007, p. 42.
- Chakravorty, B.C. (1995), Stories of Heroism: PVC & MVC Winners (in ᱟᱝᱜᱽᱨᱮᱡᱤ), New Delhi: Allied Publishers, ISBN 978-81-70235-16-3
- Raj, Anthony S.; Shanmugam, Sudalaimuthu S. (2009), Logistics Management for International Business: Text and Cases (in ᱟᱝᱜᱽᱨᱮᱡᱤ), PHI Learning, ISBN 978-81-20337-92-3
- Reddy, Kittu (2007), Bravest of the Brave: Heroes of the Indian Army (in ᱟᱝᱜᱽᱨᱮᱡᱤ), New Delhi: Prabhat Prakashan, ISBN 978-81-87100-00-3
- Cardozo, Major General Ian (retd.) (2003), Param Vir: Our Heroes in Battle (in ᱟᱝᱜᱽᱨᱮᱡᱤ), New Delhi: Roli Books, ISBN 978-81-74362-62-9
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Rawat, Rachna Bisht (2014), The Brave: Param Vir Chakra Stories, Penguin Books India Private Limited, ISBN 978-01-4342-235-8
| ᱧᱟᱢᱤᱭᱟᱹ ᱠᱚ |
|  |
|---|---|---|
| ᱰᱤᱡᱟᱭᱤᱱᱟᱨ | ||
