Jump to content

ᱥᱳᱢᱱᱟᱛᱷ ᱥᱚᱨᱢᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱢᱮᱡᱚᱨ

ᱥᱳᱢᱱᱟᱛᱷ ᱥᱚᱨᱢᱟ

᱒᱐᱐᱓ ᱥᱮᱨᱢᱟ ᱨᱮ ᱥᱤᱧᱚᱛ ᱨᱮᱱᱟᱜ ᱥᱴᱮᱢᱯ ᱨᱮ ᱢᱮᱡᱚᱨ ᱥᱳᱢᱱᱟᱛᱷ ᱥᱚᱨᱢᱟ
ᱡᱟᱱᱟᱢ᱓᱑ ᱡᱟᱱᱩᱣᱟᱨᱤ ᱑᱙᱒᱓(1923-01-31)
ᱫᱚᱫᱷ, ᱠᱟᱝᱜᱽᱲᱟ ᱦᱚᱱᱚᱛ, ᱯᱚᱧᱡᱟᱵᱽ ᱯᱚᱱᱚᱛᱯᱚᱧᱡᱟᱵᱽ ᱯᱚᱱᱚᱛ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱦᱤᱢᱟᱪᱚᱞ ᱯᱨᱚᱫᱮᱥ, ᱥᱤᱧᱚᱛ)
ᱵᱚᱸᱜᱟᱛᱟᱞᱟ᱓ ᱱᱚᱵᱷᱮᱢᱵᱚᱨ ᱑᱙᱔᱗ (᱒᱔ ᱵᱚᱭᱚᱥ)
ᱵᱟᱰᱜᱟᱢ, ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ, Dominion of India
ᱮᱞᱤᱡᱮᱱᱥ ᱵᱨᱤᱴᱤᱥ ᱥᱤᱧᱚᱛ
 ᱥᱤᱧᱚᱛ
ᱥᱮᱵᱟ/ᱪᱟᱸᱜᱟ ᱵᱨᱤᱴᱤᱥ ᱤᱱᱰᱤᱭᱟᱱ ᱟᱨᱢᱤ
 ᱥᱤᱧᱚᱛᱤᱭᱟᱹ ᱯᱷᱟᱹᱫᱽ
ᱥᱮᱵᱟ ᱚᱠᱛᱚ1942–1947
ᱦᱩᱫᱟᱹ ᱨᱮᱭᱟᱜ ᱢᱟᱹᱱ ᱢᱮᱡᱚᱨ
ᱥᱮᱵᱟ ᱮᱞIC-521[᱑]
ᱤᱣᱱᱤᱴ4th Battalion, Kumaon Regiment
ᱞᱟᱹᱰᱷᱟᱹᱭ/ᱛᱟᱯᱟᱢWorld War II

Indo-Pakistani War of 1947

ᱥᱤᱨᱯᱟᱹᱠᱚ
ᱥᱟᱹᱜᱟᱹᱭᱡᱮᱱᱮᱨᱟᱞ ᱵᱷᱤ. ᱮᱱ. ᱥᱚᱨᱢᱟ (ᱵᱚᱭᱦᱟ)

ᱢᱮᱡᱚᱨ ᱥᱳᱢᱱᱟᱛᱷ ᱥᱚᱨᱢᱟ, ᱯᱤ.ᱵᱷᱤ.ᱥᱤ. (᱓᱑ ᱡᱟᱱᱩᱣᱟᱨᱤ ᱑᱙᱒᱓ - ᱓ ᱱᱚᱵᱷᱮᱢᱵᱚᱨ ᱑᱙᱔᱗), ᱫᱚ ᱥᱤᱧᱚᱛᱤᱭᱟᱹ ᱯᱷᱟᱹᱫᱽ ᱨᱤᱱᱤᱡ ᱢᱤᱫ ᱚᱯᱷᱤᱥᱚᱨ ᱛᱟᱦᱮᱸ ᱠᱟᱱᱟᱭ, ᱟᱨ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱤᱞᱤᱴᱟᱨᱤ ᱯᱷᱟᱹᱫᱽ ᱥᱤᱨᱯᱷᱟᱹ ᱯᱚᱨᱚᱢ ᱵᱤᱨ ᱪᱚᱠᱨᱚ (PVC) ᱨᱤᱱᱤᱡ ᱯᱩᱭᱞᱩ ᱟᱢᱮᱴᱤᱡ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸ ᱫᱚ ᱩᱱᱤ ᱜᱚᱡ ᱛᱟᱭᱚᱢ ᱢᱟᱹᱱ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾[᱒]

ᱥᱚᱨᱢᱟ ᱫᱚ ᱑᱙᱔᱒ ᱥᱮᱨᱢᱟ ᱨᱮ ᱑᱙ ᱟᱱᱟᱜ ᱦᱟᱭᱫᱽᱨᱟᱵᱟᱫᱽ ᱨᱮᱡᱤᱢᱮᱱᱴ ᱨᱮ ᱘ ᱟᱱᱟᱜ ᱵᱟᱴᱟᱞᱤᱭᱚᱱ ᱨᱮ ᱵᱟᱦᱟᱞ ᱞᱮᱱᱟᱭ ᱾[᱓] ᱩᱱᱤ ᱫᱚ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱨᱮᱱᱟᱜ ᱟᱨᱟᱠᱟᱱ ᱠᱟᱹᱢᱤᱦᱚᱨᱟ ᱚᱠᱛᱚ ᱨᱮ ᱵᱚᱨᱢᱟ ᱨᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱯᱨᱮᱥᱢᱮᱸᱴ ᱨᱮᱭ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾ ᱑᱙᱔᱗-᱑᱙᱔᱘ ᱥᱮᱨᱢᱟ ᱨᱮ ᱥᱤᱧᱚᱛ-ᱯᱟᱠᱤᱥᱛᱟᱱ ᱞᱟᱹᱲᱦᱟᱹᱭ ᱨᱮ ᱞᱟᱹᱲᱦᱟᱹᱭ ᱠᱟᱛᱮ, ᱥᱳᱢᱱᱟᱛᱷ ᱥᱚᱨᱢᱟ ᱫᱚ ᱓ ᱱᱚᱵᱷᱮᱢᱵᱚᱨ ᱑᱙᱔᱗ ᱨᱮ ᱥᱨᱤᱱᱚᱜᱚᱨ ᱩᱰᱟᱹᱱ ᱰᱟᱹᱦᱤ ᱥᱩᱨ ᱯᱟᱠᱤᱥᱛᱟᱱᱤ ᱞᱟᱹᱞᱤᱥᱤᱭᱟᱹ ᱠᱚ ᱨᱩᱣᱟᱹᱲ ᱚᱠᱛᱚ ᱨᱮ ᱜᱩᱨ ᱮᱱᱟᱭ ᱾ ᱵᱚᱰᱜᱟᱢ ᱨᱮᱱᱟᱜ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱩᱱᱤᱭᱟᱜ ᱵᱤᱨᱟᱹᱫᱟᱹᱞᱤ ᱟᱨ ᱜᱚᱡ ᱛᱟᱭᱚᱢ ᱩᱱᱤ ᱫᱚ ᱯᱚᱨᱚᱢ ᱵᱤᱨ ᱪᱚᱠᱨᱚ ᱢᱟᱹᱱ ᱮ ᱧᱟᱢ ᱞᱮᱫᱟ ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱨᱢᱟ ᱫᱚ ᱓᱑ ᱡᱟᱱᱩᱣᱟᱨᱤ ᱑᱙᱒᱓ ᱥᱟᱞᱮ ᱨᱮ ᱢᱤᱫ ᱰᱳᱜᱽᱨᱟ ᱵᱨᱟᱦᱢᱚᱱ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱔] ᱫᱟᱫᱷ, ᱠᱟᱝᱜᱽᱲᱟ, ᱯᱚᱧᱡᱟᱵᱽ (ᱱᱤᱛᱚᱜᱟᱜ ᱦᱤᱢᱟᱪᱚᱞ ᱯᱨᱚᱫᱮᱥ) ᱨᱮ ᱾ ᱟᱡ ᱵᱟᱵᱟ ᱚᱢᱚᱨ ᱱᱟᱛᱷ ᱥᱚᱨᱢᱟ ᱫᱚ ᱢᱤᱫ ᱯᱷᱟᱹᱫᱽ ᱚᱯᱷᱤᱥᱟᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱨᱤᱱ ᱟᱭᱢᱟ ᱵᱚᱭᱦᱟ-ᱢᱤᱥᱨᱟ ᱫᱚ ᱯᱷᱟᱹᱫᱽ ᱨᱮᱠᱚ ᱠᱟᱹᱢᱤ ᱟᱠᱟᱫᱟ ᱾ ᱟᱡᱤᱡ ᱦᱩᱰᱤᱧ ᱵᱚᱭᱦᱟ ᱵᱤᱥᱳᱣᱟᱱᱟᱛᱷ ᱥᱚᱨᱢᱟ ᱛᱟᱭᱚ ᱛᱮ ᱵᱷᱟᱨᱚᱛᱤᱭᱚ ᱥᱮᱱᱟᱯᱷᱟᱹᱫᱽ ᱨᱤᱱᱤᱡ ᱑᱔ ᱟᱱᱤᱡ ᱥᱮᱱᱟᱯᱷᱚᱫᱟᱨ ᱵᱮᱱᱟᱣ ᱮᱱᱟᱭ ᱾ ᱥᱳᱢᱱᱟᱛᱷ ᱥᱚᱨᱢᱟ ᱫᱚ ᱥᱮᱞᱮᱫᱚᱜ ᱢᱟᱬᱟᱝ ᱨᱮ ᱟᱡᱟᱜ ᱟᱥᱲᱟ ᱥᱮᱪᱮᱫ ᱫᱚ ᱥᱟᱨᱣᱩᱰ ᱠᱚᱞᱮᱡᱽ, ᱱᱟᱭᱱᱤᱴᱟᱞ ᱠᱷᱚᱱ ᱯᱩᱨᱟᱹᱣ ᱞᱮᱫᱼᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱨᱚᱭᱮᱞ ᱢᱤᱞᱤᱴᱨᱤ ᱠᱚᱞᱮᱡᱽ, ᱥᱟᱱᱰᱦᱟᱨᱥᱴ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾ ᱟᱡ ᱜᱤᱫᱽᱨᱟᱹ ᱚᱠᱛᱚ ᱨᱮ, ᱥᱳᱢᱱᱟᱛᱷ ᱫᱚ ᱵᱷᱚᱜᱚᱵᱚᱫᱽ ᱜᱤᱛᱟ ᱨᱮ ᱠᱨᱤᱥᱱᱟ ᱟᱨ ᱚᱨᱡᱩᱱ ᱟᱜ ᱥᱮᱪᱮᱫ ᱫᱟᱨᱟᱭ ᱛᱮ ᱮᱥᱮᱨ ᱞᱮᱱᱟᱭ ᱾ ᱩᱱᱤ ᱫᱚ ᱟᱡ ᱜᱚᱲᱚᱢ ᱦᱟᱲᱟᱢ ᱦᱚᱛᱮᱛᱮ ᱥᱮᱪᱮᱫ ᱞᱮᱱᱟ ᱛᱟᱦᱮᱸᱫ ᱾

ᱢᱤᱞᱤᱴᱨᱤ ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱒ ᱯᱷᱮᱵᱽᱨᱩᱣᱟᱨᱤ ᱑᱙᱔᱒ ᱨᱮ, ᱨᱟᱡᱚᱥᱴᱷᱤ ᱢᱤᱞᱤᱴᱮᱨᱤ ᱠᱚᱞᱮᱡᱽ ᱠᱷᱚᱱ ᱜᱨᱮᱡᱩᱣᱮᱴ ᱦᱩᱭ ᱠᱟᱛᱮ, ᱥᱚᱨᱢᱟ ᱫᱚ ᱵᱨᱤᱴᱤᱥ ᱤᱱᱰᱤᱭᱟᱱ ᱟᱨᱢᱤ ᱨᱮᱱᱟᱜ ᱙ ᱟᱱᱟᱜ ᱵᱮᱴᱟᱞᱤᱭᱚᱱ, ᱑᱙ ᱟᱱ ᱦᱟᱭᱫᱨᱟᱵᱟᱫᱽ ᱨᱮᱡᱤᱢᱮᱱᱴ (ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱤᱱᱰᱤᱭᱟᱱ ᱟᱨᱢᱤ ᱨᱮᱱᱟᱜ ᱯᱩᱱ ᱟᱱᱟᱜ ᱵᱮᱴᱟᱞᱤᱭᱚᱱ, ᱠᱩᱢᱟᱣᱩᱸ ᱨᱮᱡᱤᱢᱮᱱᱴ ᱮ ᱵᱮᱱᱟᱣ ᱮᱱᱟ) ᱨᱮᱭ ᱵᱟᱦᱟᱞ ᱞᱮᱱᱟᱭ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱩᱱᱤ ᱫᱚ ᱵᱚᱨᱢᱟ ᱨᱮ ᱟᱨᱚᱠᱟᱱ ᱞᱟᱹᱲᱦᱟᱹᱭ ᱚᱠᱛᱚ ᱡᱚᱯᱚᱱᱤ ᱠᱚ ᱵᱤᱨᱩᱫᱽ ᱨᱮ ᱠᱟᱹᱢᱤ ᱧᱮᱞ ᱞᱮᱫᱟ ᱾ ᱚᱱᱟ ᱚᱠᱛᱚ ᱩᱱᱤ ᱠᱚᱨᱱᱮᱞ ᱠᱮᱹ ᱮᱥ ᱛᱷᱤᱢᱢᱟᱭᱚᱣᱟᱜ ᱠᱚᱢᱟᱱᱰ ᱨᱮ ᱠᱟᱹᱢᱤ ᱞᱮᱫᱟᱭ, ᱡᱟᱦᱟᱸᱭ ᱛᱟᱭᱚᱢ ᱛᱮ ᱡᱮᱱᱟᱨᱮᱞ ᱯᱚᱫᱽ ᱨᱮᱭ ᱥᱮᱴᱮᱨ ᱮᱱᱟ ᱟᱨ ᱑᱙᱕᱗ ᱠᱷᱚᱱ ᱑᱙᱖᱑ ᱥᱮᱨᱢᱟ ᱫᱷᱟᱹᱨᱤᱡ ᱯᱷᱟᱹᱫᱽ ᱨᱤᱱᱤᱡ ᱢᱩᱲᱩᱛ ᱮ ᱵᱮᱱᱟᱣ ᱮᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Chakravorty 1995, pp. 75–76.
  2. "SOMNATH SHARMA | Gallantry Awards". Gallantry Awards, Government of India. Archived from the original on 16 December 2017. Retrieved 15 December 2017.
  3. "Major Somnath Sharma: A hero for generations of soldiers – ADU News". aviation-defence-universe.com. Retrieved 2020-06-23.
  4. Desk, India TV News (2013-02-15). "India's first Param Vir Chakra winner Major Som Nath Sharma, the hero of 1947 war". indiatvnews.com (in ᱟᱝᱜᱽᱨᱮᱡᱤ). Retrieved 2022-01-12.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]