ᱱᱟᱵᱷᱟᱞ ᱴᱟᱴᱟ

ᱱᱟᱵᱷᱟᱞ ᱴᱟᱴᱟ
ᱯᱤᱵᱤ
ᱱᱟᱵᱷᱟᱞ ᱴᱟᱴᱟ; ᱯᱤᱵᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	᱓᱐ ᱚᱜᱚᱥᱴ ᱑᱙᱐᱔; ᱥᱩᱨᱚᱛ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱐᱕ ᱢᱮ ᱑᱙᱘᱙ (᱘᱔ ᱵᱚᱭᱚᱥ); ᱵᱚᱢᱵᱮ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ
ᱠᱟᱹᱢᱤ	ᱤᱱᱰᱟᱥᱴᱨᱤᱭᱟᱞᱤᱥᱴ, ᱯᱷᱤᱞᱟᱱᱛᱨᱚᱯᱤᱥᱴ
ᱡᱤᱭᱚᱱ ᱥᱚᱦᱮᱫ	ᱥᱤᱢᱳᱱ ᱴᱟᱴᱟ (ᱵᱟᱯᱞᱟ ᱑᱙᱕᱕)
ᱦᱚᱯᱚᱱ	᱓, ᱡᱟᱦᱟᱸ ᱨᱮ ᱨᱚᱛᱚᱱ ᱴᱟᱴᱟ; ᱱᱳᱭᱮᱞ ᱴᱟᱴᱟ ᱦᱚᱸ ᱥᱮᱞᱮᱫ ᱢᱮᱱᱟᱜ ᱠᱚᱣᱟ
ᱟᱯᱟᱛ ᱮᱸᱜᱟᱛ	ᱨᱚᱛᱚᱱᱡᱤ ᱴᱟᱴᱟ (ᱵᱟᱵᱟ);
ᱯᱮᱲᱟ ᱥᱟᱹᱜᱟᱹᱭᱟᱱᱠᱚ	ᱴᱟᱴᱟ ᱜᱷᱟᱨᱚᱸᱡᱽ ᱠᱚ ᱧᱮᱞ ᱢᱮ

ᱱᱟᱵᱷᱟᱞ ᱦᱳᱨᱢᱩᱥᱡᱤ ᱴᱟᱴᱟ (᱒᱐ ᱚᱜᱚᱥᱴ ᱑᱙᱐᱔ - ᱕ ᱢᱮ ᱑᱙᱘᱙) ᱫᱚ ᱥᱚᱨ ᱨᱚᱛᱚᱱᱡᱤ ᱴᱟᱴᱟ ᱭᱤᱡ ᱱᱤᱡᱮᱨ ᱦᱚᱯᱚᱱ ᱟᱨ ᱴᱟᱴᱟ ᱜᱩᱴ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱯᱟᱹᱴᱷᱩᱣᱟᱹ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱨᱚᱛᱚᱱ ᱴᱟᱴᱟ, ᱡᱤᱢᱤ ᱴᱟᱴᱟ ᱟᱨ ᱱᱳᱭᱮᱞ ᱴᱟᱴᱟ ᱟᱡ ᱵᱟᱵᱟ ᱠᱟᱱᱟᱭ ᱾

ᱮᱛᱚᱦᱚᱵ ᱡᱤᱭᱚᱱ

ᱱᱟᱵᱷᱟᱞ ᱫᱚ ᱒᱐ ᱚᱜᱚᱥᱴ ᱑᱙᱐᱔ ᱨᱮ ᱥᱩᱨᱚᱛ ᱨᱮ ᱢᱤᱫᱴᱟᱹᱝ ᱛᱟᱱᱟᱞᱟ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾

ᱩᱱᱤ ᱟᱡ ᱟᱭᱳ ᱫᱚ ᱨᱚᱛᱚᱱᱵᱟᱭᱤ ᱱᱤ ᱨᱟᱣ, ᱠᱩᱵᱚᱨᱵᱟᱭᱤ ᱨᱟᱣ ᱱᱤ ᱰᱚᱵᱽᱵᱩ ᱭᱤᱡ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ, ᱴᱟᱴᱟ ᱜᱩᱴ ᱨᱤᱱᱤᱡ ᱯᱷᱚᱣᱩᱱᱰᱟᱨ ᱡᱟᱢᱥᱮᱫᱽᱡᱤ ᱴᱟᱴᱟ ᱭᱤᱡ ᱵᱟᱦᱩ ᱦᱤᱨᱟᱵᱟᱭ ᱴᱟᱴᱟ ᱱᱤ ᱰᱚᱵᱽᱵᱩ ᱭᱤᱡ ᱮᱨᱟ ᱠᱟᱱᱟᱭ ᱾^[᱑]

ᱱᱩᱭ ᱟᱡ ᱵᱟᱵᱟ ᱫᱚ ᱦᱳᱨᱢᱩᱥᱡᱤ ᱴᱟᱴᱟ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱴᱟᱴᱟ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱤᱫ ᱥᱟᱺᱜᱤᱧ ᱦᱟᱹᱴᱤᱧ ᱨᱤᱱᱤᱡ ᱠᱟᱱᱟᱭ ᱾ ᱦᱳᱨᱢᱩᱥᱡᱤ ᱫᱚ ᱚᱦᱢᱚᱫᱟᱵᱟᱫᱽ ᱨᱮ ᱢᱮᱱᱟᱜ ᱮᱰᱵᱷᱟᱱᱥ ᱢᱤᱞᱥ ᱨᱮ ᱥᱯᱤᱱᱤᱝ ᱢᱟᱥᱴᱟᱨ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱑᱙᱐᱘ ᱥᱟᱞ ᱨᱮ ᱟᱡ ᱫᱚ ᱵᱚᱸᱜᱟ ᱛᱟᱞᱟ ᱮᱱᱟ ᱾^[᱒] ᱡᱚᱠᱷᱚᱱ ᱱᱟᱵᱷᱟᱞ ᱫᱚ ᱩᱱ ᱚᱠᱛᱚ ᱫᱚ ᱯᱩᱱ ᱥᱮᱨᱢᱟ ᱩᱢᱮᱨ ᱨᱮᱜᱮ ᱛᱟᱦᱮᱸ ᱠᱟᱱᱟᱭ ᱾

ᱱᱟᱵᱷᱟᱞ ᱟᱡ ᱵᱟᱵᱟ ᱵᱚᱸᱜᱟ ᱛᱟᱞᱟ ᱮᱱ ᱛᱟᱭᱚᱢ ᱟᱡ ᱟᱭᱳ ᱱᱟᱵᱽᱥᱟᱨᱤ ᱪᱟᱞᱟᱣ ᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱜᱷᱟᱨᱚᱸᱡᱽ ᱞᱟᱹᱜᱤᱫ ᱠᱟᱹᱢᱤ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱠᱮᱫᱼᱟ ᱾ ᱨᱚᱛᱚᱱᱵᱟᱭ ᱟᱡᱟᱜ ᱟᱭ ᱫᱚ ᱠᱟᱹᱴᱤᱡ ᱠᱟᱹᱴᱤᱡ ᱠᱟᱹᱢᱤ ᱠᱷᱚᱱ ᱜᱮ ᱧᱟᱢ ᱞᱮᱱ ᱛᱟᱦᱮᱸᱫ ᱾^[᱒] ᱱᱟᱵᱷᱟᱞ ᱫᱚ ᱟᱹᱰᱤ ᱟᱞᱜᱟ ᱵᱟᱲᱦᱟᱣ ᱞᱟᱹᱜᱤᱫ ᱛᱮ ᱡᱮ.ᱮᱱ. ᱯᱮᱴᱤᱴ ᱯᱟᱨᱥᱤ ᱚᱱᱟᱛᱷᱟᱱᱟᱞᱚᱭ ᱨᱮ ᱛᱟᱦᱮᱸ ᱠᱟᱱᱟᱭ ᱾^[᱒]

ᱥᱚᱨ ᱨᱚᱛᱚᱱᱡᱤ ᱴᱟᱴᱟ ᱟᱡ ᱵᱟᱦᱩ ᱱᱟᱵᱟᱡᱽᱵᱟᱭᱤ ᱫᱚ ᱑᱓ ᱥᱮᱨᱢᱟ ᱩᱢᱮᱨ ᱨᱮ ᱩᱱᱤ ᱫᱚ ᱚᱱᱟᱛᱷᱟᱞᱚᱭ ᱠᱷᱚᱱᱮ ᱜᱚᱴᱟ ᱞᱮᱫ ᱛᱟᱦᱮᱸᱫ ᱾^[᱒]^[᱒]

ᱛᱟᱭᱚᱢ ᱛᱮ ᱱᱟᱵᱷᱟᱞ ᱫᱚ ᱵᱚᱢᱵᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱠᱚᱱᱚᱢᱚᱥᱤᱥ ᱨᱮ ᱢᱟᱪᱮᱛ ᱞᱮᱠᱟᱛᱮᱭ ᱯᱟᱲᱦᱟᱣ ᱮᱱᱟ ᱟᱨ ᱞᱚᱱᱰᱚᱱ ᱨᱮ ᱮᱠᱟᱶᱴᱤᱝ ᱨᱮ ᱢᱤᱫᱴᱟᱹᱝ ᱠᱟᱹᱴᱤᱡ ᱠᱳᱨᱥ ᱨᱮᱭ ᱥᱮᱞᱮᱫ ᱮᱱᱟ ᱾^[᱒]

ᱩᱱᱤ ᱫᱚ ᱟᱡᱟᱜ ᱯᱟᱹᱦᱤᱞ ᱫᱤᱱ ᱠᱚ ᱫᱤᱥ ᱦᱚᱸ ᱵᱟᱭ ᱦᱤᱨᱤᱧ ᱞᱮᱫᱼᱟ ᱟᱨ ᱢᱤᱫ ᱫᱷᱟᱣ ᱫᱚᱭ ᱢᱮᱱ ᱠᱮᱫᱼᱟ :^[᱒]

ᱜᱷᱟᱨᱚᱸᱡᱽ

ᱱᱟᱵᱷᱟᱞᱤᱡᱤᱜ ᱯᱩᱭᱞᱩ ᱵᱟᱦᱩ ᱫᱚ ᱥᱩᱱᱤ ᱠᱚᱢᱤᱥᱟᱨᱤᱭᱚᱴ ᱮ ᱛᱟᱦᱮᱸ ᱠᱟᱱᱟᱭ ᱾ ᱱᱩᱠᱤᱱ ᱨᱤᱱ ᱵᱟᱨᱭᱟ ᱦᱚᱯᱚᱱ ᱫᱚ ᱨᱚᱛᱚᱱ ᱟᱨ ᱡᱤᱢᱤ ᱠᱤᱱ ᱛᱟᱦᱮᱸ ᱠᱟᱱᱟ ᱾^[᱓] ᱵᱟᱱᱟᱨ ᱦᱚᱯᱚᱱ ᱵᱟᱝ ᱠᱤᱱ ᱵᱟᱯᱞᱟ ᱟᱠᱟᱱᱟ ᱟᱨ ᱵᱟᱝ ᱜᱤᱫᱽᱨᱟᱹ ᱦᱚᱸ ᱵᱟᱝ ᱠᱚ ᱛᱟᱦᱮᱸ ᱠᱟᱱᱟ ᱾ ᱑᱙᱔᱐ ᱥᱟᱞ ᱨᱮᱱᱟᱜ ᱛᱟᱞᱟ ᱨᱮ ᱱᱚᱣᱟ ᱡᱩᱨᱤ ᱯᱟᱹᱨᱤ ᱫᱚ ᱵᱷᱮᱜᱟᱨ ᱮᱱᱟ ᱾^[᱔]

ᱛᱟᱭᱚᱢ ᱛᱮ ᱱᱟᱵᱷᱟᱞ ᱫᱚ ᱥᱩᱭᱡᱟᱨᱞᱮᱱᱰ ᱨᱤᱱᱤᱡ ᱢᱤᱫ ᱵᱮᱯᱟᱨᱤ ᱛᱤᱨᱞᱟᱹ ᱥᱤᱢᱳᱱ ᱰᱩᱱᱟᱭᱚᱨ ᱥᱟᱶᱮ ᱵᱟᱯᱞᱟ ᱮᱱᱟ ᱾ ᱱᱩᱠᱤᱱ ᱫᱚ ᱑᱙᱕᱕ ᱥᱟᱞ ᱨᱮᱠᱤᱱ ᱵᱟᱯᱞᱟ ᱮᱱᱟ ᱾^[᱕] ᱱᱳᱭᱮᱞ ᱴᱟᱴᱟ ᱫᱚ ᱟᱡᱤᱡ ᱦᱚᱯᱚᱱ ᱠᱟᱱᱟᱭ ᱾^[᱕]

ᱠᱟᱹᱢᱤ ᱡᱤᱭᱚᱱ

ᱴᱟᱴᱟ ᱜᱩᱴ

᱑᱙᱓᱐ ᱥᱟᱞ ᱨᱮ, ᱩᱱᱤ ᱫᱚ ᱰᱤᱥᱯᱮᱪ ᱠᱞᱟᱨᱠ-ᱥᱟᱶ-ᱜᱚᱲᱚ ᱥᱩᱛᱨᱮᱛ ᱞᱮᱠᱟᱛᱮ ᱴᱟᱴᱟ ᱥᱚᱱᱥ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱛᱟᱭᱚᱢ ᱛᱮ ᱴᱟᱴᱟ ᱥᱚᱱᱥ ᱞᱤᱢᱤᱴᱮᱰ ᱨᱤᱱᱤᱡ ᱜᱚᱲᱚ ᱥᱩᱛᱨᱮᱛ ᱮ ᱵᱮᱱᱟᱣ ᱮᱱᱟ ᱾^[᱒] ᱑᱙᱓᱓ ᱥᱟᱞ ᱨᱮ ᱩᱱᱤ ᱫᱚ ᱩᱰᱟᱹᱱ ᱵᱤᱵᱷᱟᱜᱽ ᱨᱤᱱᱤᱡ ᱥᱩᱛᱨᱮᱛ ᱮ ᱵᱮᱱᱟᱣ ᱮᱱᱟ ᱟᱨ ᱚᱱᱟ ᱛᱟᱭᱚᱢ ᱢᱚᱬᱮ ᱥᱮᱨᱢᱟ ᱛᱟᱭᱚᱢ ᱩᱱᱤ ᱫᱚ ᱞᱩᱜᱽᱲᱤ ᱵᱤᱵᱷᱟᱜᱽ ᱨᱮ ᱢᱤᱫ ᱠᱟᱹᱢᱤᱭᱟᱹ ᱞᱮᱠᱟᱛᱮᱭ ᱥᱮᱞᱮᱫ ᱞᱮᱱᱟ ᱾ ᱑᱙᱓᱙ ᱥᱮᱨᱢᱟ ᱨᱮ ᱩᱱᱤ ᱫᱚ ᱴᱟᱴᱟ ᱠᱩᱢᱯᱟᱹᱱᱤ ᱨᱮ ᱡᱚᱭᱮᱱᱴ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ ᱮ ᱵᱮᱱᱟᱣ ᱮᱱᱟ ᱟᱨ ᱑᱙᱔᱗ ᱥᱮᱨᱢᱟ ᱨᱮ ᱱᱚᱣᱟ ᱨᱮ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ ᱮ ᱵᱮᱱᱟᱣ ᱮᱱᱟ ᱾^[᱒] ᱑ ᱯᱷᱮᱵᱽᱨᱩᱣᱟᱨᱤ ᱑᱙᱔᱑ ᱨᱮ, ᱩᱱᱤ ᱫᱚ ᱴᱟᱴᱟ ᱥᱚᱱᱥ ᱨᱤᱱᱤᱡ ᱰᱟᱭᱨᱮᱠᱴᱚᱨ ᱮ ᱵᱮᱱᱟᱣ ᱮᱱᱟ ᱾^[᱒] ᱑᱙᱔᱘ ᱥᱟᱞ ᱨᱮ ᱩᱱᱤ ᱫᱚ ᱴᱟᱴᱟ ᱚᱭᱮᱞ ᱢᱤᱞᱥ ᱠᱚᱢᱯᱟᱹᱱᱤ ᱞᱤᱢᱤᱴᱮᱰ ᱨᱤᱱᱤᱡ ᱢᱟᱱᱟᱜᱤᱝ ᱰᱟᱭᱨᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱾^[᱒] ᱩᱱᱤ ᱫᱚ ᱚᱦᱢᱚᱫᱟᱵᱟᱫᱽ ᱨᱮ ᱢᱮᱱᱟᱜ ᱴᱟᱴᱟ ᱜᱩᱴ ᱨᱮᱱᱟᱜ ᱠᱚᱢᱯᱟᱹᱱᱤ ᱚᱦᱢᱚᱫᱟᱵᱟᱫᱽ ᱮᱰᱵᱷᱟᱱᱥ ᱢᱤᱞᱥ ᱨᱤᱱᱤᱡ ᱯᱟᱨᱥᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾^[᱖]

ᱤᱱᱟᱹ ᱥᱮᱨᱢᱟ ᱜᱮ ᱩᱱᱤ ᱫᱚ ᱮᱴᱟᱜ ᱞᱩᱜᱽᱲᱤ ᱢᱤᱞ ᱟᱨ ᱯᱮᱭᱟ ᱤᱞᱮᱠᱴᱨᱤᱠ ᱠᱚᱢᱯᱟᱹᱱᱤ ᱨᱮ ᱯᱟᱨᱥᱮᱛ ᱮ ᱵᱮᱱᱟᱣ ᱮᱱᱟ ᱾ ᱢᱤᱫ ᱟᱠᱴᱤᱵᱽ ᱰᱟᱭᱨᱮᱠᱴᱚᱨ ᱠᱷᱚᱱ ᱩᱱᱤ ᱫᱚ ᱛᱟᱭᱚᱢ ᱛᱮ ᱴᱟᱴᱟ ᱥᱚᱱᱥ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱮ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱯᱮᱭᱟ ᱴᱟᱴᱟ ᱤᱞᱮᱠᱴᱨᱤᱠ ᱠᱚᱢᱯᱟᱹᱱᱤ, ᱯᱩᱱᱭᱟᱹ ᱞᱩᱜᱽᱲᱤ ᱢᱤᱞ ᱟᱨ ᱥᱟᱨ ᱨᱚᱛᱚᱱ ᱴᱟᱴᱟ ᱴᱨᱚᱥᱴ ᱨᱮᱱᱟᱜ ᱢᱟᱱᱮᱡᱮᱱᱴ ᱞᱟᱹᱜᱤᱫ ᱛᱮ ᱥᱩᱨ ᱥᱩᱯᱩᱨ ᱨᱟᱥᱴᱨᱤᱭ ᱛᱟᱦᱮᱸ ᱠᱟᱱᱟ ᱾^[᱒]^[᱗] ᱩᱱᱤ ᱫᱚ ᱴᱟᱴᱟ ᱥᱚᱱᱥ ᱵᱳᱨᱰ ᱨᱮ ᱡᱮ.ᱟᱨ.ᱰᱤ. ᱴᱟᱴᱟ ᱥᱟᱶ ᱟᱹᱰᱤ ᱫᱤᱱ ᱫᱷᱟᱹᱨᱤᱡ ᱥᱮᱵᱟ ᱮᱢᱚᱜᱤᱡ ᱥᱚᱦᱚᱫᱤᱭᱟᱹ ᱟᱨ ᱥᱩᱨ ᱥᱩᱯᱩᱨ ᱥᱚᱦᱮᱫᱤᱭᱟᱹ ᱮ ᱛᱟᱦᱮᱸ ᱠᱟᱱᱟᱭ ᱾

ᱮᱴᱟᱜ ᱠᱚᱢᱯᱟᱹᱱᱤ ᱠᱚ

ᱩᱱᱤ ᱫᱚ ᱛᱩᱞᱥᱤᱫᱟᱥ ᱠᱤᱞᱟᱪᱟᱸᱫᱽ, ᱨᱟᱢᱮᱥᱣᱚᱨ ᱫᱟᱥ ᱵᱤᱲᱞᱟ, ᱚᱨᱵᱤᱱᱫᱽ ᱢᱚᱯᱷᱚᱛᱞᱟᱞ ᱟᱨ ᱮᱴᱟᱜ ᱠᱚ ᱥᱟᱶ ᱵᱮᱸᱠ ᱚᱯᱷ ᱵᱟᱲᱳᱫᱟ ᱨᱮ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾^[᱘]

ᱮᱴᱟᱜ ᱠᱟᱹᱢᱤ ᱠᱚ

᱑᱙᱖᱖ ᱥᱟᱞ ᱨᱮ, ᱩᱱᱤ ᱫᱚ ᱛᱟᱞᱢᱟ ᱥᱚᱨᱠᱟᱨ ᱦᱚᱛᱮᱛᱮ ᱛᱷᱟᱯᱚᱱ ᱟᱠᱟᱱ ᱡᱚᱡᱚᱱᱟ ᱠᱚᱢᱤᱥᱚᱱ ᱨᱮ ᱞᱮᱵᱟᱨ ᱯᱮᱱᱮᱞ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ ᱾^[᱒]

ᱩᱱᱤ ᱫᱚ ᱠᱷᱮᱞᱚᱸᱰ ᱨᱮ ᱥᱮᱞᱮᱫ ᱮᱱᱟᱭ, ᱟᱭᱢᱟ ᱮᱴᱟᱜ ᱠᱟᱹᱢᱤᱦᱚᱨᱟ ᱨᱮ ᱥᱮᱞᱮᱫ ᱮᱱᱟᱭ ᱟᱨ ᱥᱟᱶᱛᱟ, ᱥᱮᱪᱮᱫ ᱟᱨ ᱠᱟᱹᱢᱤᱦᱚᱨᱟ ᱨᱮ ᱢᱟᱨᱟᱝ ᱯᱟᱥᱴᱟ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱑᱕ ᱥᱮᱨᱢᱟ ᱫᱷᱟᱹᱨᱤᱡ ᱥᱤᱧᱚᱛᱤᱭᱟᱹ ᱦᱚᱠᱤ ᱢᱚᱦᱟᱥᱚᱸᱜᱷᱟ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱔᱘, ᱑᱙᱕᱒ ᱟᱨ ᱑᱙᱕᱖ ᱨᱮ ᱥᱤᱧᱚᱛᱤᱭᱟᱹ ᱦᱚᱠᱤ ᱴᱤᱢ ᱚᱞᱤᱢᱯᱤᱠ ᱥᱳᱣᱨᱱ ᱡᱤᱛᱠᱟᱹᱨ ᱞᱮᱱ ᱚᱠᱛᱚ ᱨᱮ ᱩᱱᱤ ᱢᱩᱬᱩᱛ ᱮ ᱛᱟᱦᱮᱸ ᱠᱟᱱᱟ ᱾

ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱥᱟᱬᱮᱥ ᱥᱟᱸᱥᱛᱷᱟᱱ, ᱵᱚᱢᱵᱮ ᱯᱚᱱᱚᱛ ᱥᱟᱶᱛᱟ ᱠᱟᱹᱢᱤᱭᱟᱱ ᱯᱚᱨᱤᱥᱚᱫᱽ, ᱥᱣᱚᱫᱮᱥᱤ ᱞᱤᱜᱽ ᱟᱨ ᱡᱟᱹᱛᱤᱭᱟᱹᱨᱤ ᱨᱩᱠᱷᱤᱭᱟᱹ ᱯᱚᱨᱤᱥᱚᱫᱽ ᱮᱢᱟᱱ ᱟᱭᱢᱟ ᱮᱴᱟᱜ ᱥᱟᱸᱥᱛᱷᱟᱱ ᱨᱮᱭ ᱠᱟᱹᱢᱤ ᱟᱠᱟᱫᱼᱟ ᱾^[᱒]

ᱢᱤᱫ ᱯᱷᱤᱞᱟᱱᱛᱨᱚᱯᱤᱥᱴ ᱞᱮᱠᱟᱛᱮ, ᱤᱱᱰᱤᱭᱟᱱ ᱠᱮᱱᱥᱚᱨ ᱥᱳᱥᱟᱭᱤᱴᱤ ᱨᱮᱱᱟᱜ ᱛᱷᱟᱯᱚᱱ ᱫᱚ ᱑᱙᱕᱑ ᱥᱮᱨᱢᱟ ᱨᱮ ᱱᱟᱵᱷᱟᱞ ᱴᱟᱴᱟ ᱟᱨ ᱰᱨ. ᱰᱤ. ᱡᱮ. ᱡᱩᱥᱣᱟᱣᱟᱞᱟ ᱦᱚᱛᱮᱛᱮ ᱠᱚᱨᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱱᱚᱣᱟ ᱟᱡᱟᱨ ᱠᱷᱚᱱ ᱟᱬᱜᱚ ᱟᱠᱟᱱ ᱦᱚᱲ ᱠᱚᱣᱟᱜ ᱟᱥᱚᱠᱟᱭ, ᱵᱟᱰᱟᱭ, ᱨᱟᱨᱟᱱ ᱟᱨ ᱡᱤᱣᱤ ᱵᱟᱧᱪᱟᱣ ᱞᱟᱹᱜᱤᱫ ᱛᱮ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱥᱣᱮᱛᱟᱠ, ᱵᱮ-ᱞᱟᱵᱷ, ᱡᱟᱹᱛᱤᱭᱟᱹᱨᱤ ᱜᱟᱶᱛᱟ ᱠᱟᱱᱟ ᱾^[᱙] ᱩᱱᱤ ᱫᱚ ᱓᱐ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱚᱠᱛᱚ ᱤᱱᱰᱤᱭᱟᱱ ᱠᱮᱱᱥᱚᱨ ᱥᱳᱥᱟᱭᱴᱤ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾^[᱒]

ᱩᱱᱤ ᱫᱚ ᱜᱚᱲᱚ ᱯᱷᱟᱹᱫᱽ ᱵᱷᱟᱹᱞᱟᱹᱭ ᱜᱟᱶᱛᱟ ᱨᱤᱱᱤᱡ ᱯᱟᱨᱥᱮᱛ ᱟᱨ ᱟᱭᱢᱟ ᱯᱷᱤᱞᱟᱱᱴᱨᱚᱯᱤᱠ ᱴᱨᱚᱥᱴ ᱠᱚᱨᱮ ᱱᱤᱡ ᱴᱨᱚᱥᱴᱤ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾

ᱩᱱᱤ ᱫᱚ ᱟᱭᱢᱟ ᱥᱮᱨᱢᱟ ᱫᱷᱟᱹᱨᱤᱡ ᱮᱢᱯᱞᱚᱭᱚᱨᱥ ᱯᱷᱮᱰᱟᱨᱮᱥᱚᱱ ᱚᱯᱷ ᱤᱱᱰᱤᱭᱟ ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱯᱩᱱ ᱜᱮᱞ ᱫᱷᱟᱹᱨᱤᱡ ᱱᱚᱣᱟ ᱜᱟᱶᱛᱟ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱛᱟᱭᱚᱢ, ᱱᱚᱣᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱟᱡᱟᱜ ᱥᱮᱱᱴᱤᱝ ᱚᱠᱛᱚ ᱨᱮ, ᱩᱱᱤ ᱫᱚ ᱱᱚᱣᱟ ᱨᱤᱱᱤᱡ "ᱨᱟᱥᱴᱨᱚᱯᱚᱛᱤ ᱮᱢᱮᱨᱤᱴᱟᱥ" ᱠᱚ ᱵᱮᱱᱟᱣ ᱠᱮᱫᱮᱭᱟ ᱾

ᱨᱟᱡᱽᱟᱹᱨᱤ ᱠᱚ

ᱟᱡ ᱠᱟᱠᱟ ᱭᱤᱡ ᱜᱤᱫᱽᱨᱟᱹ ᱟᱨ ᱟᱹᱰᱤ ᱫᱤᱱ ᱠᱷᱚᱱ ᱜᱚᱲᱚ ᱣᱟᱭ ᱠᱟᱱ ᱡᱮ.ᱟᱨ.ᱰᱤ. ᱴᱟᱴᱟ ᱠᱷᱚᱱ ᱟᱡᱟᱜ ᱢᱚᱱᱮ ᱫᱚ ᱵᱷᱮᱜᱟᱨ ᱜᱮ ᱛᱟᱦᱮᱸ ᱠᱟᱱᱟ ᱾ ᱡᱮ.ᱟᱨ.ᱰᱤ. ᱫᱚ ᱨᱟᱡᱽᱟᱹᱨᱤ ᱠᱷᱚᱱ ᱥᱟᱺᱜᱤᱧ ᱨᱮ ᱛᱟᱦᱮᱱ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱫ, ᱱᱟᱵᱷᱟᱞ ᱫᱚ ᱑᱙᱗᱑ ᱥᱟᱞ ᱨᱮ ᱮᱛᱚᱢ ᱵᱚᱢᱵᱮ ᱠᱷᱚᱱ ᱢᱤᱫ ᱱᱤᱡᱮᱨᱟᱜ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱮ ᱵᱟᱪᱷᱚᱱ ᱮᱱᱟ, ᱢᱮᱱᱠᱷᱟᱱ ᱵᱟᱪᱷᱱᱟᱣ ᱨᱮᱭ ᱦᱟᱨᱟᱣ ᱮᱱᱟ ᱾

ᱥᱤᱨᱯᱷᱟᱹ ᱠᱚ

ᱟᱯᱱᱟᱛ ᱢᱟᱦᱟᱸ, ᱑᱙᱖᱙ ᱥᱮᱨᱢᱟ ᱨᱮ ᱱᱟᱵᱷᱟᱞ ᱴᱟᱴᱟ ᱫᱚ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱯᱚᱫᱽᱢᱚ ᱵᱷᱩᱥᱚᱱ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱥᱟᱨᱦᱟᱣ ᱟᱠᱟᱱᱟ ᱾^[᱑᱐] ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱫᱚ ᱤᱱᱰᱚᱥᱴᱨᱤᱭᱟᱞ ᱯᱮᱥ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱛᱮ ᱢᱟᱱᱚᱛ ᱮ ᱧᱟᱢ ᱞᱮᱫᱼᱟ ᱟᱨ ᱥᱟᱨ ᱡᱟᱦᱟᱸᱜᱤᱨ ᱜᱟᱱᱫᱷᱤ ᱢᱮᱰᱟᱞ ᱮ ᱧᱟᱢ ᱞᱮᱫᱼᱟ ᱾ ᱩᱱᱤ ᱫᱚ ᱨᱟᱥᱴᱨᱤᱭᱚ ᱠᱟᱨᱢᱤᱠ ᱢᱟᱱᱮᱡᱽᱢᱮᱱᱴ ᱤᱱᱥᱴᱤᱴᱭᱩᱴ ᱨᱮ ᱡᱤᱣᱤᱵᱚᱱ ᱢᱟᱹᱞᱤᱠ ᱞᱮᱠᱟ ᱛᱮᱭ ᱢᱟᱱᱟᱣ ᱟᱠᱟᱱᱟ ᱾^[᱒]

ᱜᱩᱨ

᱕ ᱢᱮ ᱑᱙᱘᱙ ᱥᱟᱞ ᱨᱮ ᱵᱚᱢᱵᱮ ᱨᱮ ᱠᱮᱱᱥᱚᱨ ᱨᱚᱜᱽ ᱛᱮᱭ ᱵᱚᱸᱜᱟ ᱛᱟᱞᱟ ᱮᱱᱟ ᱾^[᱒]^[᱑᱑]^[᱑᱒]

ᱢᱮᱢᱳᱨᱤᱭᱟᱞ ᱠᱚ

ᱥᱤᱧᱚᱛᱤᱭᱟᱹ ᱥᱟᱶᱛᱟ ᱠᱟᱹᱢᱤᱭᱟᱹ ᱟᱨ ᱵᱮᱯᱟᱨ ᱢᱟᱱᱮᱡᱽᱢᱮᱱᱴ ᱤᱱᱥᱴᱤᱴᱭᱩᱴ ᱫᱚ ᱩᱱᱤᱭᱟᱜ ᱚᱱᱚᱬᱦᱮ ᱛᱮ ᱠᱷᱮᱞᱚᱸᱰ ᱢᱟᱱᱮᱡᱽᱢᱮᱱᱴ ᱵᱤᱵᱷᱟᱜᱽ ᱨᱮᱱᱟᱜ ᱧᱩᱛᱩᱢ ᱫᱚ ᱫᱟ ᱱᱟᱵᱷᱟᱞ ᱴᱟᱴᱟ ᱥᱮᱱᱴᱚᱨ ᱚᱯᱷ ᱮᱠᱥᱤᱞᱮᱱᱥ ᱤᱱ ᱥᱯᱳᱨᱴᱥ ᱢᱮᱱᱮᱡᱽᱢᱮᱱᱴ ᱧᱩᱛᱩᱢ ᱛᱮ ᱫᱚᱦᱚ ᱟᱠᱟᱱᱟ ᱾^[᱑᱓]
ᱩᱱᱤᱭᱟᱜ ᱚᱱᱚᱬᱦᱮ ᱛᱮ ᱑᱙᱙᱒ ᱥᱮᱨᱢᱟ ᱠᱷᱚᱱ ᱡᱟᱣ ᱥᱮᱨᱢᱟ ᱜᱮ ᱱᱟᱵᱷᱟᱞ ᱴᱟᱴᱟ ᱢᱮᱢᱳᱨᱤᱭᱟᱞ ᱞᱮᱠᱪᱟᱨ ᱫᱚ ᱡᱟᱹᱛᱤᱭᱟᱹᱨᱤ ᱯᱟᱨᱥᱚᱱᱚᱞ ᱢᱟᱱᱮᱡᱽᱢᱮᱱᱴ ᱤᱱᱥᱴᱤᱴᱭᱩᱴ ᱦᱚᱛᱮᱛᱮ ᱦᱩᱭᱩᱜ ᱠᱟᱱᱟ ᱾
᱒᱐᱐᱔ ᱥᱮᱨᱢᱟ ᱨᱮ, ᱴᱟᱴᱟ ᱜᱨᱩᱯ ᱡᱟᱢᱥᱮᱫᱽᱡᱤ ᱴᱟᱴᱟ, ᱡᱮ.ᱟᱨ.ᱰᱤ. ᱴᱟᱴᱟ ᱟᱨ ᱱᱟᱵᱷᱟᱞ ᱴᱟᱴᱟ ᱠᱚᱣᱟᱜ ᱚᱱᱚᱬᱦᱮ ᱛᱮ ᱡᱚᱯᱚᱲᱟᱣ ᱞᱮᱠᱟᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱥᱚᱦᱚᱨ ᱠᱚᱨᱮ 'ᱫᱟ ᱥᱮᱱᱪᱩᱨᱤ ᱚᱯᱷ ᱴᱨᱚᱥᱴ' ᱧᱩᱛᱩᱢ ᱛᱮ ᱢᱤᱫᱴᱟᱹᱝ ᱩᱯᱨᱩᱢ ᱮ ᱮᱢᱟᱫᱟ ᱾^[᱑᱔]
ᱮᱢᱯᱞᱚᱭᱡᱚᱨᱥ ᱯᱷᱮᱰᱮᱨᱮᱥᱚᱱ ᱚᱯᱷ ᱤᱱᱰᱤᱭᱟ ᱫᱚ ᱩᱱᱤᱭᱟᱜ ᱚᱱᱚᱬᱦᱮ ᱞᱮᱠᱟᱛᱮ ᱒᱐᱑᱔ ᱨᱮ 'ᱱᱟᱵᱷᱟᱞ ᱴᱟᱴᱟ ᱤᱱᱥᱴᱤᱴᱭᱩᱴ ᱯᱷᱚᱨ ᱴᱨᱮᱱᱤᱝ ᱤᱱ ᱤᱱᱰᱚᱥᱴᱨᱤᱭᱟᱞ ᱨᱮᱞᱮᱥᱚᱱᱥ' ᱮ ᱮᱛᱚᱦᱚᱵ ᱞᱮᱫᱼᱟ ᱾^[᱑᱕]
᱑᱙᱙᱙ ᱥᱟᱞ ᱨᱮ ᱱᱟᱵᱷᱟᱞ ᱴᱟᱴᱟ ᱟᱜ ᱩᱭᱦᱟᱹᱨ, ᱚᱞ, ᱨᱚᱲ ᱮᱢᱟᱱ ᱠᱚᱨᱮᱱᱟᱜ ᱢᱤᱫ ᱯᱚᱛᱚᱵ ᱯᱟᱨᱥᱟᱞ ᱞᱮᱱᱟ ᱾^[᱑᱖]
᱒᱐᱑᱙ ᱥᱮᱨᱢᱟ ᱨᱮ, ᱳᱰᱤᱥᱟ ᱥᱚᱨᱠᱟᱨ, ᱴᱟᱴᱟ ᱥᱴᱤᱞ ᱟᱨ ᱴᱟᱴᱟ ᱴᱨᱚᱥᱴ (ᱦᱚᱠᱤ ᱮᱥ ᱯᱷᱚᱸᱰᱮᱥᱚᱱ) ᱫᱚ ᱵᱷᱩᱵᱽᱱᱮᱥᱚᱨ, ᱳᱰᱤᱥᱟ ᱨᱮ ᱦᱚᱠᱤ ᱮᱪ.ᱯᱤ.ᱥᱤ. ᱥᱤᱧᱚᱛ ᱨᱮ ᱦᱚᱠᱤ ᱨᱮᱱᱟᱜ ᱵᱷᱟᱹᱞᱟᱹᱭ ᱨᱮ ᱱᱟᱵᱷᱟᱞ ᱴᱟᱴᱟ ᱟᱜ ᱢᱩᱬᱩᱛ ᱮᱱᱮᱢ ᱞᱟᱹᱜᱤᱫ ᱛᱮ ᱩᱱᱤ ᱥᱟᱨᱦᱟᱣ ᱞᱟᱹᱜᱤᱫ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱳᱰᱤᱥᱟ ᱱᱟᱵᱷᱟᱞ ᱴᱟᱴᱟ ᱦᱚᱠᱤ ᱦᱟᱭ ᱯᱟᱨᱯᱚᱨᱢᱟᱱᱥ ᱥᱮᱱᱴᱟᱨ ᱠᱚ ᱫᱚᱦᱚ ᱠᱮᱫᱟ ᱾^[᱑᱗]

ᱥᱟᱹᱠᱷᱭᱟᱹᱛ

↑ "Who is Ratan Tata and how 'real' a Tata is he?". VCCircle (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2024-05-19.
↑ ^᱒.᱐᱐ ^᱒.᱐᱑ ^᱒.᱐᱒ ^᱒.᱐᱓ ^᱒.᱐᱔ ^᱒.᱐᱕ ^᱒.᱐᱖ ^᱒.᱐᱗ ^᱒.᱐᱘ ^᱒.᱐᱙ ^᱒.᱑᱐ ^᱒.᱑᱑ ^᱒.᱑᱒ ^᱒.᱑᱓ ^᱒.᱑᱔ ^᱒.᱑᱕ ^᱒.᱑᱖ "NAVAL HORMUSJI TATA (1904-1989)". TATA CENTRAL ARCHIVES. Archived from the original on 2 January 2015. Retrieved 22 March 2015.
↑ এক্সপ্রেস, বেঙ্গল (8 December 2022). "দুটা মাত্র ঘর, ব্যাবহার করেন না মোবাইল চিনতে পাচ্ছেন রতন টাটার এই ভাই কে ?". Bengal Xpress (in Bengali). Archived from the original on 28 February 2024. Retrieved 8 December 2022.
↑ Langley, William (30 March 2008). "Ratan Tata rode the tiger economy and now he drives Jaguar". The Daily Telegraph. London. Archived from the original on 12 January 2022. Retrieved 31 March 2012.ᱪᱷᱟᱸᱪ:Cbignore
↑ ^᱕.᱐ ^᱕.᱑ "Simone Tata". The Asha Centre. Archived from the original on 17 December 2014. Retrieved 17 December 2014.
↑ The Eastern Economist; a Weekly Review of Indian and International Economic Affairs, Volume 37, Issues 1-1961
↑ Herdeck, Margaret; Piramal, Gita (1985). India's Industrialists, Volume 1 By Margaret Herdeck, Gita Piramal. Three Continents Press. p. 320,321, 436. ISBN 9780894104152. Retrieved 22 March 2015.
↑ Corporate Governance: Concept, Evolution and India Story By Praveen B. Malla. 2013. p. 38. Retrieved 22 March 2015.
↑ "Indian Cancer Society — Profile". Indian Cancer Society. Retrieved 6 April 2015.
↑ "Padma Awards" (PDF). Ministry of Home Affairs, Government of India. 2015. Retrieved 21 July 2015.
↑ Business Maharajas. p. 364,371–73,453–54. Retrieved 22 March 2015.
↑ Bhatt, S. C. (2006). Land and People of Indian States and Union Territories: In 36 ..., Volume 16 edited by S. C. Bhatt, Gopal K. Bhargava. Gyan Publishing House. p. 675. ISBN 9788178353722. Retrieved 22 March 2015.
↑ Basu, Anik (17 August 2007). "Sports management gains legitimacy". LiveMint. Retrieved 26 October 2018.
↑ "Exhibition on Tatas". Business Standard. 31 August 2004. Retrieved 22 March 2015.
↑ Employers' Federation of India (EFI) launches the 'Naval Tata Institute for Training in Industrial Relations' at the EFI National Human Resource Management Summit 2014
↑ [᱑] Naval Tata remembered, 1999.
↑ "Naval Tata Hockey Academy Inaugurated In Odisha Capital". Kalinga TV. 13 August 2019. Retrieved 13 August 2019.

[1] "Who is Ratan Tata and how 'real' a Tata is he?". VCCircle (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2024-05-19.

[t-2] ᱒.᱐᱐ ^᱒.᱐᱑ ^᱒.᱐᱒ ^᱒.᱐᱓ ^᱒.᱐᱔ ^᱒.᱐᱕ ^᱒.᱐᱖ ^᱒.᱐᱗ ^᱒.᱐᱘ ^᱒.᱐᱙ ^᱒.᱑᱐ ^᱒.᱑᱑ ^᱒.᱑᱒ ^᱒.᱑᱓ ^᱒.᱑᱔ ^᱒.᱑᱕ ^᱒.᱑᱖ "NAVAL HORMUSJI TATA (1904-1989)". TATA CENTRAL ARCHIVES. Archived from the original on 2 January 2015. Retrieved 22 March 2015.

[3] এক্সপ্রেস, বেঙ্গল (8 December 2022). "দুটা মাত্র ঘর, ব্যাবহার করেন না মোবাইল চিনতে পাচ্ছেন রতন টাটার এই ভাই কে ?". Bengal Xpress (in Bengali). Archived from the original on 28 February 2024. Retrieved 8 December 2022.

[telegraphearlylife-4] Langley, William (30 March 2008). "Ratan Tata rode the tiger economy and now he drives Jaguar". The Daily Telegraph. London. Archived from the original on 12 January 2022. Retrieved 31 March 2012.ᱪᱷᱟᱸᱪ:Cbignore

[s-5] ᱕.᱐ ^᱕.᱑ "Simone Tata". The Asha Centre. Archived from the original on 17 December 2014. Retrieved 17 December 2014.

[6] The Eastern Economist; a Weekly Review of Indian and International Economic Affairs, Volume 37, Issues 1-1961

[gp-7] Herdeck, Margaret; Piramal, Gita (1985). India's Industrialists, Volume 1 By Margaret Herdeck, Gita Piramal. Three Continents Press. p. 320,321, 436. ISBN 9780894104152. Retrieved 22 March 2015.

[8] Corporate Governance: Concept, Evolution and India Story By Praveen B. Malla. 2013. p. 38. Retrieved 22 March 2015.

[9] "Indian Cancer Society — Profile". Indian Cancer Society. Retrieved 6 April 2015.

[Padma_Awards-10] "Padma Awards" (PDF). Ministry of Home Affairs, Government of India. 2015. Retrieved 21 July 2015.

[11] Business Maharajas. p. 364,371–73,453–54. Retrieved 22 March 2015.

[12] Bhatt, S. C. (2006). Land and People of Indian States and Union Territories: In 36 ..., Volume 16 edited by S. C. Bhatt, Gopal K. Bhargava. Gyan Publishing House. p. 675. ISBN 9788178353722. Retrieved 22 March 2015.

[13] Basu, Anik (17 August 2007). "Sports management gains legitimacy". LiveMint. Retrieved 26 October 2018.

[14] "Exhibition on Tatas". Business Standard. 31 August 2004. Retrieved 22 March 2015.

[15] Employers' Federation of India (EFI) launches the 'Naval Tata Institute for Training in Industrial Relations' at the EFI National Human Resource Management Summit 2014

[nt-16] [᱑] Naval Tata remembered, 1999.

[17] "Naval Tata Hockey Academy Inaugurated In Odisha Capital". Kalinga TV. 13 August 2019. Retrieved 13 August 2019.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]

[᱑᱑]

[᱑᱒]

[᱑᱓]

[᱑᱔]

[᱑᱕]

[᱑᱖]

[᱑᱗]