ᱢᱚᱦᱚᱢᱢᱚᱫᱽ ᱵᱟᱡᱟᱨ ᱵᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱢᱚᱦᱚᱢᱢᱚᱫᱽ ᱵᱟᱡᱟᱨ
ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ
ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ
ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ
Coordinates: 23°59′31″N 87°34′19″E / 23.99194°N 87.57194°E / 23.99194; 87.57194
Country ᱥᱤᱧᱚᱛ
ᱯᱚᱱᱚᱛᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛᱵᱤᱨᱵᱷᱩᱢ
ᱥᱚᱝᱥᱚᱫᱽ ᱴᱚᱴᱷᱟᱵᱤᱨᱵᱷᱩᱢ
ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟᱥᱟᱭᱛᱷᱤᱭᱟ, ᱨᱟᱢᱯᱩᱨᱦᱟᱴ
ᱮᱨᱤᱭᱟ
 • ᱞᱮᱠᱷᱟᱜᱩᱴ315.64 ᱠᱤᱢᱤ২ (121.87 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒᱐᱑᱑)
 • ᱞᱮᱠᱷᱟᱜᱩᱴ᱑,᱖᱔,᱕᱗᱐
 • ᱰᱮᱱᱥᱤᱴᱤ520/ᱠᱤᱢᱤ2 (1400/ᱜᱟᱺᱴ ᱢᱟᱹᱭᱤᱞ)
IST (ᱭᱩᱴᱤᱥᱤ+᱐᱕.᱓᱐)
ᱯᱤᱱ ᱠᱳᱰ᱗᱓᱑᱑᱒᱗
ᱥᱤᱠᱷᱱᱟᱹᱛ ᱫᱚᱨ᱖᱕.᱑᱘%
ᱣᱮᱵᱽᱥᱟᱭᱤᱴhttp://birbhum.nic.in/

ᱢᱚᱦᱚᱢᱢᱚᱫᱽ ᱵᱟᱡᱟᱨ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱥᱤᱣᱲᱤ ᱥᱚᱫᱚᱨ ᱪᱟᱸᱜᱟ ᱠᱷᱚᱸᱰ ᱨᱮ ᱢᱤᱫᱴᱟᱹᱝ ᱥᱟᱥᱚᱱ ᱪᱟᱪᱞᱟᱣ ᱵᱚᱱᱚᱛ ᱠᱟᱱᱟ᱾

ᱢᱤᱫ ᱧᱮᱱᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱨᱵᱷᱩᱢ ᱦᱚᱱᱚᱛ ᱫᱚ ᱚᱛᱱᱚᱜ ᱞᱮᱠᱟᱛᱮ ᱢᱟᱨᱮᱱᱟᱜ ᱨᱟᱲ ᱴᱚᱴᱷᱟ ᱨᱮᱭᱟᱜ ᱢᱤᱫᱴᱟᱝ ᱦᱤᱸᱥ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱯᱟᱪᱮ ᱦᱤᱸᱥ ᱫᱚ ᱢᱩᱬᱩᱫ ᱞᱮᱠᱟᱛᱮ ᱪᱷᱳᱴᱳᱱᱟᱜᱽᱯᱩᱨ ᱯᱞᱮᱴᱚ ᱨᱮᱭᱟᱜ ᱯᱟᱥᱱᱟᱣ ᱦᱤᱸᱥ ᱠᱟᱱᱟ᱾ ᱱᱚᱶᱟ ᱴᱚᱴᱷᱟ ᱨᱮ ᱡᱟᱹᱥᱛᱤᱜᱮ ᱪᱷᱟᱹᱲ ᱟᱨᱟᱜ ᱢᱚᱨᱟᱢ, ᱠᱚᱢ ᱩᱵᱽᱡᱟᱹᱣ ᱟᱱ ᱦᱟᱥᱟ ᱢᱮᱱᱟᱜᱼᱟ ᱾ ᱥᱟᱢᱟᱝ ᱥᱮᱫ ᱨᱮ ᱚᱡᱚᱭ, ᱵᱚᱠᱨᱮᱥᱥᱚᱨ, ᱢᱳᱨ, ᱟᱨ ᱵᱨᱟᱦᱢᱚᱱᱤ ᱜᱟᱰᱟ ᱞᱮᱠᱟᱱ ᱢᱩᱲᱩᱫ ᱜᱟᱰᱟ ᱠᱚ ᱨᱮᱭᱟᱜ ᱞᱤᱸᱜᱤᱱ ᱯᱩᱞᱤ ᱛᱮ ᱩᱵᱽᱡᱟᱹᱣ ᱚᱛ ᱦᱟᱥᱟ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱭᱟᱜ ᱜᱩᱴ ᱦᱤᱸᱥᱨᱮ ᱥᱩᱢᱩᱝ ᱓.᱕% ᱵᱤᱨ ᱢᱮᱱᱟᱜᱼᱟ ᱾ ᱮᱱᱛᱮᱨᱮᱦᱚᱸ ᱦᱚᱱᱚᱛ ᱨᱮ ᱠᱩᱭᱞᱟᱹ ᱧᱟᱢᱚᱜᱼᱟ ᱟᱨ ᱵᱚᱠᱨᱮᱥᱥᱚᱨ ᱛᱷᱟᱨᱢᱟᱞ ᱫᱟᱲᱮ ᱵᱮᱱᱟᱣ ᱛᱟᱞᱢᱟ ᱨᱮᱭᱟᱜ ᱒,᱐᱑᱐ ᱢᱮᱜᱟᱣᱟᱴ ᱫᱟᱲᱮ ᱵᱮᱱᱟᱣ ᱨᱮᱭᱟᱜ ᱫᱟᱲᱮ ᱢᱮᱱᱟᱜᱼᱟ, ᱵᱤᱨᱵᱷᱩᱢ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱨᱮᱭᱟᱜ ᱦᱟᱞᱚᱛ ᱪᱟᱥ ᱫᱟᱨᱟᱭ ᱛᱮ ᱮᱥᱮᱨ ᱟᱠᱟᱱᱟ᱾[᱑] ᱑᱙᱗᱗ ᱥᱮᱨᱢᱟ ᱠᱷᱚᱱ ᱯᱚᱪᱷᱤᱢ ᱵᱟᱝᱞᱟ ᱨᱮ ᱢᱟᱨᱟᱝ ᱚᱠᱚᱪ ᱨᱮ ᱚᱛ ᱦᱟᱥᱟ ᱟᱹᱨᱩᱼᱯᱷᱮᱨᱟᱣ ᱦᱩᱭ ᱞᱮᱱᱟ ᱾ ᱚᱛ ᱦᱟᱥᱟ ᱨᱮᱭᱟᱜ ᱥᱤᱢᱟᱹ ᱠᱷᱚᱱ ᱪᱮᱛᱟᱱ ᱨᱮ ᱢᱮᱱᱟᱜ ᱚᱛ ᱦᱟᱥᱟ ᱠᱚ ᱦᱟᱛᱟᱣ ᱠᱟᱛᱮ ᱪᱟᱹᱥᱤ ᱠᱚ ᱢᱩᱫᱨᱮ ᱦᱟᱹᱴᱤᱧ ᱦᱳᱭ ᱞᱮᱱᱟ ᱾[᱒] ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱒᱐᱑᱑ ᱥᱮᱨᱢᱟ ᱦᱟᱹᱵᱤᱡ ᱑᱙,᱙᱖᱘ ᱦᱮᱠᱴᱟᱨ ᱵᱷᱮᱥᱴ ᱡᱟᱭᱜᱟ ᱠᱚ ᱑,᱖᱑,᱕᱑᱕ ᱪᱟᱹᱥᱤ ᱦᱚᱲ ᱠᱚ ᱢᱩᱫᱨᱮ ᱦᱟᱹᱴᱤᱧ ᱦᱩᱭ ᱟᱠᱟᱱᱟ᱾ ᱛᱚᱵᱮ ᱪᱟᱥ ᱠᱟᱹᱢᱤ ᱨᱮᱭᱟᱜ ᱓᱘% ᱠᱷᱚᱱ ᱦᱚᱸ ᱡᱟᱹᱥᱛᱤ ᱡᱟᱭᱜᱟ ᱨᱮᱭᱟᱜ ᱥᱚᱝ ᱫᱚ ᱑ ᱮᱠᱚᱨ ᱠᱷᱚᱱ ᱦᱚᱸ ᱠᱚᱢ ᱜᱮᱭᱟ᱾[᱑] ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱜᱩᱴ ᱠᱟᱹᱢᱤᱭᱟᱹ ᱠᱚ ᱢᱩᱫᱽᱨᱮ ᱪᱟᱥ ᱠᱟᱹᱢᱤᱭᱟᱹ ᱠᱚᱣᱟᱜ ᱦᱟᱹᱴᱤᱧ ᱔᱕ᱹ᱙%, ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱥᱟᱱᱟᱢ ᱦᱚᱱᱚᱛ ᱢᱩᱫᱽᱨᱮ ᱡᱚᱛᱚᱠᱷᱚᱱ ᱡᱟᱹᱥᱛᱤᱭᱟ᱾[᱓] ᱡᱳᱭᱫᱮᱵ ᱠᱮᱱᱫᱩᱞᱤ ᱟᱨ ᱪᱚᱱᱰᱤᱫᱟᱥ ᱱᱟᱱᱩᱨ ᱞᱮᱠᱟᱱ ᱥᱮᱨᱣᱟ ᱟᱱᱟᱜ ᱪᱤᱱᱦᱟᱹ ᱥᱟᱶ ᱞᱟᱠᱪᱟᱨ ᱞᱮᱠᱟᱛᱮ ᱠᱤᱥᱟᱹᱬ ᱵᱤᱨᱵᱷᱩᱢ ᱨᱮ ᱥᱚᱱᱛᱤᱱᱤᱠᱮᱴᱟᱱ ᱨᱮ ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱ ᱵᱟᱨ ᱦᱚᱲ ᱱᱳᱵᱮᱞ ᱥᱤᱨᱯᱟᱹ ᱦᱟᱢᱮᱴᱤᱡᱭᱟᱹ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱜᱳᱨ ᱟᱨ ᱚᱢᱚᱨᱛᱚ ᱥᱮᱱ ᱥᱟᱶᱛᱮ ᱥᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ᱾[᱔]

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱨᱤᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱢᱮᱯ ᱪᱤᱛᱟᱹᱨ ᱨᱮ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱟᱨ ᱢᱤᱣᱱ6 ᱴᱚᱴᱷᱟ ᱩᱫᱩᱜ ᱟᱠᱟᱱᱟ ᱾ ᱢᱟᱨᱟᱝ ᱢᱮᱯ ᱧᱮᱞ ᱞᱟᱹᱜᱤᱫ ᱢᱮᱯ ᱨᱮ ᱞᱤᱱ ᱢᱮ ᱾

ᱢᱚᱦᱚᱢᱢᱚᱫᱽ ᱵᱟᱡᱟᱨ ᱫᱚ {23°59′31″N 87°34′19″E / 23.992°N 87.572°E / 23.992; 87.572 ᱨᱮ ᱢᱮᱱᱟᱜᱼᱟ᱾

ᱢᱚᱦᱚᱢᱢᱚᱫᱽ ᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱫᱚ ᱮᱛᱚᱢ ᱨᱮ ᱨᱟᱢᱯᱩᱨᱦᱟᱴ ᱑ ᱵᱚᱱᱚᱛ, ᱥᱟᱢᱟᱝ ᱨᱮ ᱢᱚᱭᱩᱨᱮᱥᱣᱚᱨ ᱑ ᱵᱚᱱᱚᱛ ᱟᱨ ᱥᱟᱭᱛᱷᱤᱭᱟ ᱵᱚᱱᱚᱛ, ᱮᱛᱚᱢ ᱨᱮ ᱥᱤᱣᱲᱤ ᱑ ᱟᱨ ᱥᱤᱣᱲᱤ ᱒ ᱵᱚᱱᱚᱛ ᱟᱨ ᱯᱟᱪᱮ ᱨᱮ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱫᱩᱢᱠᱟᱹ ᱦᱚᱱᱚᱛ ᱨᱮ ᱢᱮᱱᱟᱜ ᱨᱟᱱᱤᱥᱣᱚᱨ ᱵᱚᱱᱚᱛ ᱛᱮ ᱜᱷᱮᱨᱟᱣ ᱟᱠᱟᱱᱟ᱾[᱕]

ᱢᱚᱦᱚᱢᱢᱚᱫᱽ ᱵᱟᱡᱟᱨ ᱵᱚᱱᱚᱛ/ᱯᱚᱧᱪᱟᱭᱮᱛ ᱥᱟᱢᱤᱛᱤ ᱨᱮᱱᱟᱜ ᱜᱽᱨᱟᱢ ᱯᱚᱧᱪᱟᱭᱮᱛ ᱠᱚ ᱫᱚ ᱦᱩᱭᱩᱜ ᱠᱟᱱᱟ: ᱟᱝᱜᱟᱨᱜᱳᱨᱤᱭᱟ, ᱵᱷᱟᱨᱠᱟᱴᱟ, ᱵᱷᱩᱛᱩᱨᱟ (ᱥᱮᱦᱟᱨᱟᱠᱩᱲᱤ), ᱪᱟᱨᱤᱪᱟ, ᱫᱮᱣᱪᱟ, ᱜᱳᱱᱯᱩᱨ, ᱦᱤᱝᱞᱳᱣ, ᱠᱟᱯᱤᱥᱛᱟ, ᱢᱚᱦᱚᱢᱢᱚᱫᱽ ᱵᱟᱡᱟᱨ, ᱯᱩᱨᱟᱱᱟᱜᱨᱟᱢ, ᱨᱟᱢᱯᱩᱨ ᱟᱨ ᱥᱮᱠᱮᱰᱰᱟ᱾[᱖]

ᱰᱮᱢᱚᱜᱽᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱢᱚᱦᱚᱢᱢᱚᱫᱽ ᱵᱟᱡᱟᱨ ᱵᱚᱱᱚᱛ ᱨᱮ ᱑,᱖᱔,᱕᱗᱐ ᱦᱚᱲ ᱢᱮᱱᱟᱜ ᱠᱚᱣᱟ, ᱱᱩᱠᱩ ᱫᱚ ᱡᱚᱛᱚ ᱜᱮ ᱟᱹᱛᱩ ᱨᱮᱱ ᱠᱟᱱᱟ ᱠᱚ᱾ ᱘᱓,᱕᱙᱐ (᱕᱑%) ᱠᱚᱲᱟ ᱟᱨ ᱘᱐,᱙᱘᱐ (᱔᱙%) ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ᱾ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱦᱚᱲ ᱮᱞ ᱫᱚ ᱒᱓,᱓᱔᱖ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾ ᱞᱮᱠᱷᱟᱥᱤᱫ ᱡᱟᱹᱛᱤ ᱠᱚᱣᱟᱜ ᱞᱮᱠᱷᱟ ᱔᱓,᱘᱑᱔ (᱒᱖.᱖᱒%) ᱟᱨ ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱞᱮᱠᱷᱟ ᱓᱑,᱑᱕᱒ (᱑᱘.᱙᱓%)᱾[᱗]

ᱥᱤᱠᱷᱱᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱢᱚᱦᱚᱢᱢᱚᱫᱽ ᱵᱟᱡᱟᱨ ᱵᱚᱱᱚᱛ ᱨᱮ ᱚᱞ ᱯᱟᱲᱦᱟᱣ ᱟᱠᱟᱱ ᱦᱚᱲ ᱮᱞ ᱫᱚ ᱙᱒,᱐᱔᱕ (᱖ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱦᱚᱲ ᱮᱞ ᱨᱮᱱᱟᱜ ᱖᱕.᱑᱘%) ᱛᱟᱦᱮᱸ ᱠᱟᱱᱟ᱾ ᱚᱱᱟ ᱢᱩᱸᱫᱽ ᱠᱷᱚᱱ ᱠᱚᱲᱟ ᱕᱑,᱘᱙᱒ (᱖ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱦᱚᱲ ᱮᱞ ᱨᱮᱱᱟᱜ ᱗᱒.᱒᱖%) ᱟᱨ ᱠᱩᱲᱤ ᱔᱐,᱑᱕᱓ (᱖ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱦᱚᱲ ᱮᱞ ᱨᱮᱱᱟᱜ ᱕᱗.᱘᱒%) ᱛᱟᱦᱮᱸ ᱠᱟᱱᱟ᱾ ᱡᱟᱱᱟᱝ ᱵᱷᱮᱜᱟᱨ (ᱠᱩᱲᱤ ᱟᱨ ᱠᱚᱲᱟ ᱚᱞ ᱯᱟᱲᱦᱟᱣ ᱛᱟᱞᱟᱨᱮ ᱵᱷᱮᱜᱟᱨ) ᱫᱚ ᱑᱔.᱔᱑% ᱛᱟᱦᱮᱸ ᱠᱟᱱᱟ᱾[᱗]

ᱯᱟᱹᱨᱥᱤ ᱟᱨ ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱚᱢᱢᱚᱫᱽ ᱵᱟᱡᱟᱨ ᱵᱚᱱᱚᱛ ᱨᱮ ᱫᱷᱚᱨᱚᱢ (᱒᱐᱑᱑)[᱘]
ᱦᱤᱱᱫᱩ
 
 67.25%
ᱤᱥᱞᱟᱢ
 
 31.29%
ᱤᱥᱟᱹᱭ
 
 0.77%
ᱥᱟᱨᱱᱟ
 
 0.60%
ᱮᱴᱟᱜ
 
 0.77%

᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ ᱑᱑᱐,᱕᱐᱖ ᱜᱚᱴᱟᱝ ᱦᱤᱱᱫᱩ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱢᱚᱦᱚᱢᱢᱚᱫᱽ ᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱖᱗.᱑᱕% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾ ᱢᱩᱥᱞᱤᱢ ᱦᱚᱲ ᱮᱞ ᱫᱚ ᱕᱑,᱔᱘᱗ ᱛᱟᱦᱮᱸ ᱠᱟᱱᱟ ᱟᱨ ᱓᱑.᱒᱙% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾ ᱑,᱒᱖᱖ ᱜᱚᱴᱟᱝ ᱠᱨᱤᱥᱴᱤᱭᱟᱱ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱐.᱗᱗% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱮᱴᱟᱜ ᱠᱚᱣᱟᱜ ᱞᱮᱠᱷᱟ ᱫᱚ ᱑,᱓᱑᱑ ᱟᱨ ᱐.᱘᱐% ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾[᱘]

ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱦᱤᱱᱫᱩ ᱠᱚᱣᱟᱜ ᱞᱮᱠᱷᱟ ᱑᱙᱖᱑ ᱨᱮ ᱗᱒.᱒% ᱠᱷᱚᱱ ᱒᱐᱑᱑ ᱨᱮ ᱖᱒.᱓% ᱦᱟᱹᱵᱤᱡ ᱠᱚᱢ ᱟᱠᱟᱱᱟ᱾ ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱢᱩᱥᱞᱟᱹ ᱠᱚᱣᱟᱜ ᱦᱤᱥᱟᱹᱵᱽ ᱫᱚ ᱱᱚᱶᱟ ᱚᱠᱛᱚ ᱨᱮ ᱒᱗.᱖% ᱠᱷᱚᱱ ᱓᱗.᱑% ᱦᱟᱹᱵᱤᱡ ᱥᱮᱱ ᱟᱠᱟᱱᱟ᱾ ᱒᱐᱑᱑ ᱥᱮᱨᱢᱟ ᱨᱮ ᱐.᱓% ᱠᱨᱤᱥᱴᱤᱭᱟᱱ ᱠᱚ ᱛᱟᱦᱮᱸ ᱠᱟᱱᱟ᱾[᱙]

ᱢᱚᱦᱚᱢᱢᱚᱫᱽ ᱵᱟᱡᱟᱨ ᱵᱚᱱᱚᱛ ᱨᱮ ᱯᱟᱹᱨᱥᱤ ᱠᱚ (᱒᱐᱑᱑)[᱑᱐]

  ᱵᱟᱝᱞᱟ (78.28%)
  ᱥᱟᱱᱛᱟᱲᱤ (17.01%)
  ᱮᱴᱟᱜ (1.93%)

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ ᱨᱮ, ᱗᱘.᱒᱘% ᱦᱚᱲ ᱫᱚ ᱵᱟᱝᱞᱟ ᱯᱟᱹᱨᱥᱤ, ᱑᱗.᱐᱑% ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱓.᱕᱑% ᱠᱷᱳᱨᱴᱷᱟ ᱯᱟᱹᱨᱥᱤ ᱫᱚ ᱟᱠᱚᱣᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱨᱚᱲᱼᱟ᱾[᱑᱐]

ᱟᱹᱛᱩ ᱨᱮᱭᱟᱜ ᱨᱮᱸᱜᱮᱡ ᱦᱟᱞᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱕ ᱥᱮᱨᱢᱟ ᱨᱮ ᱵᱤ.ᱯᱤ.ᱮᱞ ᱚᱲᱟᱜ ᱨᱮᱭᱟᱜ ᱥᱟᱨᱵᱷᱮ ᱞᱮᱠᱟᱛᱮ ᱢᱚᱦᱚᱢᱢᱚᱫᱽ ᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱵᱤ.ᱯᱤ.ᱮᱞ ᱚᱲᱟᱜ ᱨᱮᱭᱟᱜ ᱦᱟᱹᱴᱤᱧ ᱛᱟᱦᱮᱸ ᱠᱟᱱ ᱓᱕.᱓%, ᱮᱴᱟᱜ ᱥᱮᱫ ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱔᱒.᱓% ᱾

ᱛᱩᱨᱩᱭ ᱜᱚᱴᱟᱝ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱢᱩᱨᱟᱨᱟᱭ ᱒, ᱱᱚᱞᱦᱟᱴᱤ ᱒, ᱨᱟᱢᱯᱩᱨᱦᱟᱴ ᱒, ᱨᱟᱢᱯᱩᱨᱦᱟᱴ ᱑, ᱥᱤᱣᱲᱤ ᱒ ᱟᱨ ᱢᱩᱨᱟᱨᱟᱭ ᱑, ᱨᱮ ᱵᱤ.ᱯᱤ.ᱮᱞ ᱜᱷᱟᱨᱚᱸᱡᱽ ᱨᱮᱭᱟᱜ ᱦᱟᱹᱴᱤᱧ ᱕᱐% ᱠᱷᱚᱱ ᱦᱚᱸ ᱡᱟᱹᱥᱛᱤ ᱛᱟᱦᱮᱸ ᱠᱟᱱᱟ ᱾ ᱯᱮᱭᱟ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱨᱟᱡᱽᱱᱚᱜᱚᱨ, ᱥᱤᱣᱲᱤ ᱑ ᱟᱨ ᱞᱟᱵᱷᱯᱩᱨ ᱨᱮ ᱵᱤ.ᱯᱤ.ᱮᱞ ᱜᱷᱟᱨᱚᱸᱡᱽ ᱨᱮᱭᱟᱜ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱓᱐% ᱠᱷᱚᱱ ᱠᱚᱢ ᱾ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱮᱴᱟᱜ ᱜᱮᱞ ᱜᱚᱴᱟᱝ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱫᱚ ᱱᱚᱣᱟ ᱛᱟᱞᱟ ᱨᱮ ᱛᱟᱦᱮ ᱞᱮᱱᱟ ᱾[᱑᱑]

ᱠᱟᱹᱣᱰᱤᱭᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱤᱭᱚᱱ ᱠᱷᱟᱸᱰᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱚᱢᱢᱚᱫᱽ ᱵᱟᱡᱟᱨ ᱵᱚᱱᱚᱛ ᱨᱮ
ᱡᱤᱭᱚᱱ ᱠᱷᱟᱸᱰᱟᱣ

  ᱪᱟᱹᱥᱤ (15.43%)
  ᱪᱟᱥ ᱵᱮᱞᱟᱨ (44.89%)
  ᱚᱲᱟᱜ ᱠᱟᱹᱢᱤ (2.44%)
  ᱮᱴᱟᱜ ᱠᱟᱹᱢᱤ (37.50%)

ᱯᱚᱨᱤᱠᱟᱴᱷᱟᱢᱳ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱝᱠᱤᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱓-᱑᱔ ᱥᱮᱨᱢᱟ ᱨᱮ ᱞᱟᱵᱷᱯᱩᱨ ᱥᱟᱶᱛᱟ ᱩᱛᱱᱟᱹᱣ ᱨᱮ ᱕ ᱜᱚᱴᱟᱝ ᱠᱚᱢᱚᱨᱥᱤᱭᱟᱞ ᱵᱮᱝᱠ ᱟᱨ ᱓ ᱜᱚᱴᱟᱝ ᱜᱨᱟᱢᱤᱱ ᱵᱮᱝᱠ ᱨᱮᱭᱟᱜ ᱚᱯᱷᱤᱥ ᱛᱟᱦᱮᱸ ᱠᱟᱱᱟ᱾[᱑᱒]

ᱠᱩᱭᱞᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱨᱵᱷᱩᱢ ᱠᱩᱭᱞᱟᱹ ᱠᱷᱟᱫᱟᱱ ᱨᱮ ᱫᱮᱣᱪᱟ ᱯᱟᱪᱟᱢᱤ ᱠᱩᱭᱞᱟᱹ ᱠᱷᱟᱫᱟᱱ ᱯᱚᱪᱷᱤᱢ ᱵᱟᱝᱞᱟ (ᱡᱩᱲᱩ: ᱒᱘%), ᱵᱤᱦᱟᱨ, ᱩᱛᱚᱨ ᱯᱨᱚᱫᱮᱥ, ᱯᱟᱧᱡᱟᱵᱽ, ᱠᱚᱨᱱᱟᱴᱚᱠ, ᱛᱟᱢᱤᱞᱱᱟᱰᱩ ᱟᱨ ᱥᱟᱛᱞᱩᱡᱽ ᱡᱚᱞ ᱵᱤᱫᱽᱫᱩᱛ ᱱᱤᱜᱟᱢ ᱠᱚ ᱦᱟᱹᱴᱤᱧ ᱟᱠᱟᱱᱟ ᱾ ᱱᱟᱣᱟ ᱵᱽᱞᱚᱠ ᱨᱮ ᱠᱷᱟᱫᱟᱱ ᱞᱟ ᱞᱟᱹᱜᱤᱫ ᱢᱤᱫ ᱱᱟᱣᱟ ᱠᱚᱢᱯᱟᱱᱤ ᱵᱮᱝᱜᱚᱞ ᱵᱤᱨᱵᱷᱩᱢ ᱠᱚᱞᱯᱷᱤᱞᱰᱥ ᱞᱤᱢᱤᱴᱮᱰ ᱵᱮᱱᱟᱣ ᱟᱠᱟᱱᱟ᱾ ᱱᱚᱣᱟ ᱵᱞᱚᱠ ᱨᱮ ᱱᱤᱛᱚᱜ ᱒᱐᱐ ᱠᱳᱴᱤ ᱴᱚᱱ ᱨᱮᱱᱟᱜ ᱠᱩᱭᱞᱟᱹ ᱵᱟᱠᱷᱟᱲ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱠᱩᱭᱞᱟᱹ ᱵᱟᱠᱷᱟᱲ ᱒᱐᱐᱐ ᱠᱳᱴᱤ ᱴᱚᱱ ᱫᱷᱟᱹᱵᱤᱡ ᱰᱷᱮᱨ ᱦᱩᱭ ᱫᱟᱲᱮᱭᱟᱜᱼᱟ᱾ ᱠᱷᱚᱵᱚᱨ ᱠᱚ ᱞᱮᱠᱟᱛᱮ, ᱱᱚᱣᱟ ᱵᱞᱚᱠ ᱫᱚ ᱑᱒᱓᱐ ᱦᱮᱠᱴᱟᱨ ᱡᱟᱭᱜᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱟᱨ ᱗᱐ ᱠᱷᱚᱱ ᱘᱐ ᱢᱤᱴᱚᱨ ᱚᱥᱟᱨ ᱵᱮᱥᱚᱞᱴ ᱫᱷᱤᱨᱤ ᱛᱮ ᱯᱚᱴᱚᱢ ᱟᱠᱟᱱ ᱨᱮ ᱱᱚᱣᱟ ᱠᱷᱚᱱ ᱠᱩᱭᱞᱟᱹ ᱞᱟ ᱦᱟᱛᱟᱣ ᱫᱚ ᱟᱹᱰᱤ ᱟᱸᱴ ᱜᱮᱭᱟ᱾ ᱢᱮᱱᱠᱷᱟᱱ ᱱᱚᱶᱟ ᱴᱚᱴᱷᱟ ᱫᱚ ᱵᱮᱼᱪᱟᱥ ᱡᱟᱭᱜᱟ ᱠᱟᱱᱟ᱾[᱑᱓][᱑᱔][᱑᱕]

ᱮᱴᱟᱜ ᱥᱮᱠᱴᱚᱨ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱙ ᱥᱮᱨᱢᱟ ᱨᱮᱭᱟᱜ ᱦᱚᱱᱚᱛ ᱢᱟᱹᱱᱢᱤ ᱩᱛᱱᱟᱹᱣ ᱨᱤᱯᱳᱴ ᱞᱮᱠᱟᱛᱮ ᱠᱚᱞᱠᱟᱹᱨᱠᱷᱟᱱᱟ ᱥᱮᱫ ᱛᱮ ᱵᱤᱨᱵᱷᱩᱢ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱟᱹᱰᱤ ᱯᱟᱹᱪᱷᱞᱟᱹ ᱦᱚᱱᱚᱛ ᱠᱟᱱᱟ᱾ ᱑᱙᱙᱑ ᱠᱷᱚᱱ ᱒᱐᱐᱕ ᱫᱷᱟᱹᱵᱤᱡ ᱯᱚᱪᱷᱤᱢ ᱵᱟᱝᱞᱟ ᱨᱮ ᱵᱮᱱᱟᱣ ᱟᱠᱟᱱ ᱱᱟᱣᱟ ᱤᱱᱰᱚᱥᱴᱨᱤᱭᱟᱞ ᱯᱨᱚᱡᱮᱠᱴ ᱠᱚ ᱢᱩᱫᱽ ᱨᱮ ᱑.᱒᱓% ᱜᱮ ᱵᱤᱨᱵᱷᱩᱢ ᱨᱮ ᱦᱮᱡ ᱞᱮᱱᱟ᱾ ᱵᱚᱠᱨᱮᱥᱥᱚᱨ ᱛᱷᱟᱨᱢᱟᱞ ᱯᱟᱣᱟᱨ ᱯᱞᱮᱱᱴ ᱫᱚ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱮᱱ ᱢᱟᱨᱟᱝ ᱤᱱᱰᱚᱥᱴᱨᱤ ᱠᱟᱱᱟ ᱟᱨ ᱱᱚᱸᱰᱮ ᱕,᱐᱐᱐ ᱜᱟᱱ ᱦᱚᱲ ᱠᱚ ᱠᱟᱹᱢᱤᱭᱟ᱾ ᱯᱩᱱᱭᱟᱹ ᱢᱤᱰᱤᱭᱟᱢ ᱤᱱᱰᱚᱥᱴᱨᱤ ᱟᱨ ᱔᱗᱔᱘ ᱜᱚᱴᱟᱝ ᱦᱩᱰᱤᱧ ᱤᱱᱰᱚᱥᱴᱨᱤ ᱢᱮᱱᱟᱜᱼᱟ᱾[᱑᱖]

ᱵᱤᱨᱵᱷᱩᱢ ᱨᱮ ᱪᱟᱥ ᱠᱟᱹᱢᱤ ᱨᱮ ᱥᱮᱞᱮᱫ ᱟᱠᱟᱱ ᱦᱚᱲ ᱠᱚᱣᱟᱜ ᱮᱞ ᱫᱚ ᱠᱚᱢᱚᱜ ᱠᱟᱱᱟ᱾ ᱦᱚᱱᱚᱛ ᱢᱟᱹᱱᱢᱤ ᱩᱛᱱᱟᱹᱣ ᱨᱤᱯᱳᱨᱴ ᱞᱮᱠᱟᱛᱮ, ᱟᱭᱢᱟ ᱦᱚᱲ ᱱᱤᱛᱚᱜ ᱫᱚ ᱮᱴᱟᱜ ᱡᱤᱱᱤᱥ ᱨᱮ ᱠᱟᱹᱢᱤ ᱠᱚ ᱠᱚᱨᱟᱣ ᱮᱫᱟ, ᱡᱮᱞᱮᱠᱟ ᱦᱟᱹᱠᱩ ᱥᱟᱵᱽ, ᱫᱚᱠᱟᱱ ᱵᱮᱯᱟᱨ, ᱡᱚᱢᱟᱜ ᱵᱮᱯᱟᱨ, ᱛᱚᱣᱟ ᱟᱹᱠᱷᱨᱤᱧ, ᱩᱛᱩ ᱨᱮᱭᱟᱜ ᱟᱹᱠᱷᱨᱤᱧ ᱮᱢᱟᱱ᱾ ᱱᱚᱣᱟ ᱡᱚᱛᱚ ᱠᱟᱹᱢᱤ ᱠᱚᱜᱮ ᱠᱟᱹᱢᱤ ᱨᱮᱭᱟᱜ ᱞᱟᱛᱟᱨ ᱛᱷᱚᱠ ᱨᱮ ᱞᱮᱠᱷᱟᱜ ᱠᱟᱱᱟ, ᱚᱱᱟᱛᱮ ᱱᱚᱣᱟ ᱠᱟᱹᱢᱤ ᱠᱚ ᱟᱠᱚᱣᱟᱜ ᱜᱷᱟᱨᱚᱸᱡᱽ ᱪᱟᱞᱟᱣ ᱞᱟᱹᱜᱤᱫ ᱡᱚᱛᱷᱟᱛ ᱥᱮ ᱵᱟᱝ ᱚᱱᱟ ᱨᱮ ᱦᱤᱫᱤᱡ ᱢᱮᱱᱟᱜᱼᱟ᱾[᱑᱗]

ᱯᱟᱹᱪᱷᱞᱟᱹ ᱴᱚᱴᱷᱟ ᱜᱚᱲᱚ ᱯᱷᱟᱱᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱨᱵᱷᱩᱢ ᱦᱚᱱᱚᱛ ᱫᱚ ᱢᱤᱫ ᱯᱟᱹᱪᱷᱞᱟᱹ ᱴᱚᱴᱷᱟ ᱞᱮᱠᱟᱛᱮ ᱥᱮᱞᱮᱫ ᱟᱠᱟᱱᱟ ᱟᱨ ᱯᱟᱹᱪᱷᱞᱟᱹ ᱴᱚᱴᱷᱟ ᱜᱨᱟᱱᱴ ᱯᱷᱚᱸᱰ ᱠᱷᱚᱱ ᱨᱟᱦᱟᱛ ᱜᱚᱲᱚᱭ ᱧᱟᱢᱟ᱾ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱵᱮᱱᱟᱣ ᱟᱠᱟᱱ ᱱᱚᱶᱟ ᱯᱷᱟᱱᱰ ᱫᱚ ᱯᱨᱚᱥᱟᱥᱚᱱᱤᱠ ᱵᱤᱵᱷᱟᱜᱽ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱠᱟᱹᱢᱡ ᱞᱟᱹᱜᱤᱫ ᱠᱟᱱᱟ᱾ ᱒᱐᱑᱒ ᱥᱮᱨᱢᱟ ᱦᱟᱹᱵᱤᱡ, ᱱᱚᱣᱟ ᱡᱚᱡᱚᱱᱟ ᱦᱚᱛᱮᱛᱮ ᱫᱤᱥᱚᱢ ᱡᱟᱠᱟᱛ ᱨᱮ ᱒᱗᱒ ᱜᱚᱴᱟᱝ ᱡᱤᱞᱟᱹ ᱜᱚᱲᱚᱭ ᱧᱟᱢ ᱟᱠᱟᱫᱟ, ᱱᱚᱶᱟ ᱛᱷᱚᱠ ᱨᱮ ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮᱱᱟᱜ ᱑᱑ ᱜᱚᱴᱟᱝ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾[᱑᱘][᱑᱙]

ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱚᱢᱢᱚᱫᱽ ᱵᱟᱡᱟᱨ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱓ ᱞᱟᱹᱣᱠᱟᱹ ᱥᱮᱵᱟ ᱟᱨ ᱖ ᱜᱚᱴᱟᱜ ᱮᱛᱚᱦᱚᱵ ᱟᱨ ᱢᱩᱪᱟᱹᱫ ᱵᱟᱥ ᱰᱟᱦᱟᱨ ᱢᱮᱱᱟᱜᱼᱟ᱾ ᱥᱩᱨ ᱥᱩᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱵᱚᱱᱚᱛ ᱦᱮᱰᱠᱩᱣᱟᱴᱚᱨ, ᱢᱚᱦᱚᱢᱢᱚᱫᱽ ᱵᱟᱡᱟᱨ ᱠᱷᱚᱱ ᱑᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ᱾[᱑᱒]

ᱱᱚᱶᱟ ᱵᱚᱱᱚᱛ ᱛᱟᱞᱟ ᱛᱮ NH ᱑᱔ ᱦᱤᱡᱩᱜᱼᱟ ᱟᱨ SH ᱑᱑, ᱡᱟᱦᱟᱸ ᱫᱚ ᱢᱚᱦᱚᱢᱢᱚᱫᱽ ᱵᱚᱡᱟᱨ ᱠᱷᱚᱱ ᱨᱟᱱᱟᱜᱷᱟᱴ ᱦᱤᱡᱩᱜᱼᱟ, ᱢᱚᱦᱚᱢᱢᱚᱫᱽ ᱵᱚᱡᱟᱨ ᱠᱷᱚᱱ ᱮᱛᱚᱦᱚᱵᱚᱜᱼᱟ᱾[᱒᱐]

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲᱢᱚ ᱥᱟᱶᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ↑ ᱑.᱐ ᱑.᱑ "District Census Handbook Birbhum, Census of India 2011, Series 20, Part XII A" (PDF). Page v: Progress and Heritage of Birbhum, Page 15: Physiography, Page 21: Tenancy, Agriculture. Directorate of Census Operations, West Bengal. Retrieved 14 December 2017.
  2. ↑ "District Human Development Report: South 24 Parganas". (1) Chapter 1.2, South 24 Parganas in Historical Perspective, pages 7-9 (2) Chapter 3.4, Land reforms, pages 32-33. Development & Planning Department, Government of West Bengal, 2009. Archived from the original on 5 October 2016. Retrieved 7 August 2016.
  3. ↑ "District Census Handbook Birbhum, Census of India 2011, Series 20, Part XII B" (PDF). Page 17 : District Highlights – 2011 census. Directorate of Census Operations, West Bengal. Retrieved 14 December 2017.
  4. ↑ "District Census Handbook Birbhum, Census of India 2011, Series 20, Part XII A" (PDF). Page v: Progress and Heritage of Birbhum, Pages 102-105: Bolpur-Satiniketan, Visva Bharati. Directorate of Census Operations, West Bengal. Retrieved 14 December 2017.
  5. ↑ "Tehsil Map of Birbhum". CD Block/ Tehsil. Maps of India. Retrieved 14 December 2017.
  6. ↑ "Directory of District, Subdivision, Panchayat Samiti/ Block and Gram Panchayats in West Bengal". Birbhum - Revised in March 2008. Panchayats and Rural Development Department, Government of West Bengal. Retrieved 17 December 2017.
  7. ↑ ᱗.᱐ ᱗.᱑ "C.D. Block Wise Primary Census Abstract Data(PCA)". 2011 census: West Bengal – District-wise CD Blocks. Registrar General and Census Commissioner, India. Retrieved 6 December 2017.
  8. ↑ ᱘.᱐ ᱘.᱑ "Table C-01 Population by Religion: West Bengal". censusindia.gov.in. Registrar General and Census Commissioner of India. 2011.
  9. ↑ "District Census Handbook Birbhum, Census of India 2011, Series 20, Part XII A" (PDF). Page 47: Religion. Directorate of Census Operations, West Bengal. Retrieved 14 December 2017.
  10. ↑ ᱑᱐.᱐ ᱑᱐.᱑ "Table C-16 Population by Mother Tongue: West Bengal". www.censusindia.gov.in. Registrar General and Census Commissioner of India.
  11. ↑ "District Human Development Report: Birbhum" (PDF). Table 4.5 + Analytical Text: Number and percentage of BPL households, 2005, page 83-85. Development and Planning Department, Government of West Bengal, 2011. Archived from the original (PDF) on 11 June 2017. Retrieved 28 December 2017.
  12. ↑ ᱑᱒.᱐ ᱑᱒.᱑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named handbook2014
  13. ↑ "Birbhum Coal: A possible game-changer for Bengal". Business Standard, 9 November 2015. Retrieved 22 January 2018.
  14. ↑ "India's largest coal mine coming up at Birbhum: Mamata". The Hindu, 4 December 2015. Retrieved 22 January 2018.
  15. ↑ "Lead role for Bengal in new company to mine Birbhum coal". The Telegraph, 29 October 2015. Archived from the original on October 29, 2015. Retrieved 22 January 2018.
  16. ↑ "District Human Development Report: Birbhum, Chapter IV: Economic Opportunities and Security of Livelihood" (PDF). Chapter 4.4: Opportunities in Industries, Page 93. Development & Planning Department, Government of West Bengal, 2009. Archived from the original (PDF) on 11 June 2017. Retrieved 20 January 2018.
  17. ↑ "District Human Development Report: Birbhum, Chapter IV: Economic Opportunities and Security of Livelihood" (PDF). Chapter 4.2: Structure of Employment, Page 78. Development & Planning Department, Government of West Bengal, 2009. Archived from the original (PDF) on 11 June 2017. Retrieved 20 January 2018.
  18. ↑ "Backward Regions Grant Funds: Programme Guidelines" (PDF). Ministry of Panchayati Raj, Government of India. Archived from the original (PDF) on 30 October 2017. Retrieved 22 January 2018.
  19. ↑ "Backward Regions Grant Fund". Press Release, 14 June 2012. Press Information Bureau, Government of India. Retrieved 22 January 2018.
  20. ↑ Google maps
"https://sat.wikipedia.org/w/index.php?title=ᱢᱚᱦᱚᱢᱢᱚᱫᱽ_ᱵᱟᱡᱟᱨ_ᱵᱚᱱᱚᱛ&oldid=119585" ᱠᱷᱚᱱ ᱧᱟᱢ ᱟᱹᱜᱩᱭ