ᱠᱩᱨᱩᱢᱜᱨᱟᱢ

ᱠᱩᱨᱩᱢᱜᱨᱟᱢ ᱟᱛᱳ
ᱟᱛᱳ, ᱟᱛᱳ ᱯᱚᱧᱪᱟᱭᱮᱛ
ᱠᱩᱨᱩᱢᱜᱨᱟᱢ ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ
Coordinates: 24.2436°N 87.8758°E / 24.2436; 87.8758
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛ	ᱵᱤᱨᱵᱷᱩᱢ
ᱥᱚᱨᱠᱟᱨ
• ᱞᱮᱠᱟᱱ	ᱜᱨᱟᱢ ᱯᱚᱧᱪᱟᱭᱮᱛ
• MP	ᱥᱚᱛᱟᱵᱽᱫᱤ ᱨᱟᱭ
ᱮᱨᱤᱭᱟ
• ᱞᱮᱠᱷᱟᱜᱩᱴ	4.04 ᱠᱤᱢᱤ২ (1.56 ᱜᱟᱺᱴ ᱢᱟᱭᱤᱞ)
ᱩᱥᱩᱞ	40 ᱢᱤᱴᱚᱨ (130 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱓,᱗᱒᱘
• ᱰᱮᱱᱥᱤᱴᱤ	920/ᱠᱤᱢᱤ2 (2400/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ ᱠᱚ
• ᱥᱚᱨᱠᱟᱨᱤ	ᱵᱟᱝᱞᱟ, ᱤᱝᱞᱤᱥ, ᱥᱟᱱᱛᱟᱞᱤ
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱓᱑᱒᱔᱒
ᱴᱮᱞᱤᱯᱷᱚᱱ ᱠᱳᱰ	+᱙᱑-᱓᱔᱖᱕
ᱜᱟᱹᱰᱤ ᱨᱤᱡᱤᱥᱴᱨᱤ	WB-᱔᱕, WB-᱔᱖
ᱞᱳᱠᱥᱚᱵᱷᱟ ᱛᱟᱞᱢᱟ	ᱵᱤᱨᱵᱷᱩᱢ
ᱣᱮᱵᱽᱥᱟᱭᱤᱴ	birbhum.nic.in

ᱠᱩᱨᱩᱢᱜᱨᱟᱢ ᱵᱷᱟᱨᱚᱛ ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱨᱟᱢᱯᱩᱨᱦᱟᱴ ᱪᱟᱸᱜᱟ ᱠᱷᱚᱸᱰ ᱨᱮᱭᱟᱜ ᱱᱚᱞᱦᱟᱴᱤ ᱑ ᱵᱚᱞᱚᱠ ᱨᱮ ᱢᱮᱱᱟᱜ ᱢᱤᱫᱴᱟᱝ ᱢᱟᱨᱮᱱ ᱟᱛᱳ ᱠᱟᱱᱟ᱾

ᱚᱛᱱᱚᱜ

ᱠᱩᱨᱩᱢᱜᱨᱟᱢ ᱟᱛᱳ ᱨᱮᱭᱟᱜ ᱜᱩᱴ ᱚᱛᱱᱚᱜ ᱴᱚᱴᱷᱟ ᱔.᱐᱔ ᱪᱟᱹᱣᱠᱟᱹ ᱠᱤᱞᱳᱢᱤᱴᱟᱨ ᱟᱨ ᱱᱚᱣᱟ ᱫᱚ ᱪᱟᱸᱜᱟ ᱠᱷᱚᱸᱰ ᱨᱮᱭᱟᱜ ᱑᱕ ᱟᱱᱟᱜ ᱢᱟᱨᱟᱝ ᱟᱛᱳ ᱠᱟᱱᱟ᱾  ᱠᱩᱨᱩᱢᱜᱨᱟᱢ ᱨᱮᱭᱟᱜ ᱩᱥᱩᱞ ᱥᱟᱹᱢᱩᱫ ᱚᱛ ᱠᱷᱚᱱ ᱔᱐ ᱢᱤᱴᱟᱨ ᱾ ᱚᱠᱛᱚ ᱴᱚᱴᱷᱟᱼ ᱵᱷᱟᱨᱚᱛᱤᱭᱚ ᱢᱟᱹᱱ ᱚᱠᱛᱚ (IST) (GMT + ᱐᱕:᱓᱐)

ᱠᱩᱨᱩᱢᱜᱨᱟᱢ ᱫᱚ ᱦᱚᱱᱚᱛ ᱥᱚᱫᱚᱨ ᱫᱚᱯᱛᱚᱨ ᱥᱤᱣᱲᱤ, ᱵᱤᱨᱵᱷᱩᱢ ᱠᱷᱚᱱ ᱖᱐ ᱠᱤᱞᱳᱢᱤᱴᱟᱨ ᱠᱚᱧᱮ ᱨᱮ ᱢᱮᱱᱟᱜᱼᱟ ᱾  ᱱᱚᱞᱦᱟᱴᱤ ᱥᱟᱦᱟᱨ ᱠᱷᱚᱱ ᱑᱐ ᱠᱤᱞᱳᱢᱤᱴᱟᱨ, ᱨᱟᱢᱯᱩᱨᱦᱟᱴ ᱠᱷᱚᱱ ᱑᱓ ᱠᱤᱞᱳᱢᱤᱴᱟᱨ, ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱠᱚᱞᱠᱟᱛᱟ ᱠᱷᱚᱱ ᱒᱒᱕ ᱠᱤᱞᱳᱢᱤᱴᱟᱨ ᱥᱟᱺᱜᱤᱧ ᱨᱮ᱾    ᱥᱩᱨ ᱨᱮ ᱢᱮᱱᱟᱜ ᱮᱴᱟᱜ ᱥᱟᱦᱟᱨ ᱠᱚᱫᱚ ᱦᱩᱭᱩᱜ ᱠᱟᱱᱟ ᱥᱟᱹᱭᱛᱟᱹ (᱔᱕ ᱠᱤᱞᱳᱢᱤᱴᱟᱨ),ᱵᱚᱦᱚᱨᱚᱢᱯᱩᱨ (᱖᱐ ᱠᱤᱞᱳᱢᱤᱴᱟᱨ) ᱟᱨ ᱵᱳᱞᱯᱩᱨ (᱘᱐ ᱠᱤᱞᱳᱢᱤᱴᱟᱨ) ᱾    ᱛᱟᱨᱟᱯᱤᱴᱷ ᱢᱟ ᱛᱟᱨᱟ ᱢᱚᱱᱫᱤᱨ ᱠᱩᱨᱩᱢᱜᱨᱟᱢ (᱒᱒ ᱠᱤᱞᱳᱢᱤᱴᱟᱨ) ᱥᱩᱨ ᱨᱮ ᱢᱮᱱᱟᱜᱼᱟ ᱾  ᱱᱟᱜᱟᱢᱤᱭᱟᱹ ᱞᱟᱞᱵᱟᱜᱽ ᱟᱨ ᱢᱩᱨᱥᱤᱫᱟᱵᱟᱫᱽ ᱦᱚᱸ ᱠᱩᱨᱩᱢᱜᱨᱟᱢ (᱖᱕ ᱠᱤᱞᱳᱢᱤᱴᱟᱨ) ᱠᱷᱚᱱ ᱟᱹᱰᱤ ᱥᱟᱺᱜᱤᱧ ᱨᱮᱫᱚ ᱵᱟᱹᱱᱩᱜᱼᱟ ᱾ ᱠᱩᱨᱩᱢᱜᱨᱟᱢ ᱨᱮᱭᱟᱜ ᱥᱩᱨᱼᱥᱩᱯᱩᱨ ᱟᱛᱳ ᱠᱚ ᱦᱩᱭᱩᱜ ᱠᱟᱱᱟ ᱠᱟᱱᱩᱯᱟᱨᱟ, ᱥᱚᱨᱫᱷᱟ, ᱢᱮᱦᱮᱜᱨᱟᱢ, ᱛᱮᱡᱦᱟᱴᱤ, ᱵᱳᱣᱡᱚᱝ, ᱫᱷᱚᱨᱚᱢᱯᱩᱨ, ᱵᱟᱨᱞᱟ, ᱨᱚᱜᱷᱩᱱᱟᱛᱷᱯᱩᱨ, ᱜᱚᱭᱛᱟ, ᱵᱮᱞᱩᱱ, ᱥᱟᱫᱟᱥᱤᱵᱯᱩᱨ, ᱠᱚᱱᱟᱭᱯᱩᱨ ᱮᱢᱟᱱ ᱾

ᱥᱟᱥᱚᱱᱟᱱ ᱟᱨ ᱯᱳᱥᱴᱟᱞ ᱵᱩᱴᱟᱹ

• ᱟᱛᱳ ᱯᱚᱧᱪᱟᱭᱮᱛ - ᱠᱩᱨᱩᱢᱜᱨᱟᱢ ᱟᱛᱳ ᱯᱚᱧᱪᱟᱭᱮᱛ ᱾
• ᱯᱩᱞᱤᱥ ᱥᱴᱮᱥᱚᱱ - ᱱᱚᱞᱦᱟᱴᱤ ᱾
• ᱵᱚᱞᱚᱠ ᱚᱯᱷᱤᱥ - ᱱᱟᱞᱦᱟᱴᱤ ᱑ (ᱥᱟᱶᱛᱟ ᱩᱛᱱᱟᱹᱣ ᱵᱚᱞᱚᱠ) ᱾
• ᱪᱟᱸᱜᱟ ᱠᱷᱚᱸᱰ ᱠᱟᱹᱢᱤ ᱚᱲᱟᱜᱼᱨᱟᱢᱯᱩᱨᱦᱟᱴ ᱪᱟᱸᱜᱟ ᱠᱷᱚᱸᱰ
• ᱵᱤᱫᱷᱟᱱ ᱥᱚᱵᱷᱟ ᱛᱟᱞᱢᱟ - ᱱᱟᱞᱦᱟᱴᱤ (ᱵᱤᱫᱷᱚᱱ ᱥᱚᱵᱷᱟ ᱛᱟᱞᱢᱟ ᱾
• ᱞᱳᱠᱥᱚᱵᱷᱟ ᱛᱟᱞᱢᱟ - ᱵᱤᱨᱵᱷᱩᱢ (ᱞᱳᱠᱥᱚᱵᱷᱟ ᱛᱟᱞᱢᱟ ᱾
• ᱯᱳᱥᱴ ᱚᱯᱷᱤᱥ - ᱠᱩᱨᱩᱢᱜᱨᱟᱢ ᱾
• ᱯᱤᱱ ᱠᱳᱰ ᱗᱓᱑᱒᱔᱒ ᱾
• ᱮᱥ ᱴᱤ ᱰᱤ ᱠᱳᱰᱼ03465 (ᱱᱟᱞᱦᱟᱴᱤ)
• ᱦᱚᱱᱚᱛ ᱥᱚᱫᱚᱨ ᱫᱚᱯᱛᱚᱨ ᱫᱚ ᱦᱩᱭᱩᱜ ᱠᱟᱱᱟ ᱥᱤᱣᱲᱤ, ᱵᱤᱨᱵᱷᱩᱢ ᱾
• ᱛᱷᱚᱱᱚᱛ ᱢᱩᱲᱩᱫ ᱛᱟᱞᱢᱟᱼᱵᱚᱨᱫᱚᱵᱚᱱ ᱾

ᱦᱚᱲ ᱞᱮᱠᱷᱟ

• ᱠᱩᱨᱩᱢᱜᱨᱟᱢ ᱢᱤᱫᱴᱟᱝ ᱢᱟᱨᱟᱝ ᱟᱛᱳ, ᱡᱟᱦᱟ ᱨᱮ ᱜᱩᱴ ᱙᱔᱓ ᱜᱚᱴᱟᱝ ᱜᱷᱟᱨᱚᱸᱡᱽ ᱢᱮᱱᱟᱜᱼᱟ, ᱵᱷᱟᱨᱚᱛ ᱨᱮᱭᱟᱜ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱡᱚᱛᱚ ᱜᱷᱟᱨᱚᱸᱡᱽ ᱨᱮ ᱜᱚᱲ ᱔ ᱦᱚᱲ ᱠᱚ ᱛᱟᱦᱮᱸᱱ ᱾ ᱟᱛᱳ ᱨᱮᱭᱟᱜ ᱦᱚᱲ ᱞᱮᱠᱷᱟ ᱓,᱗᱒᱘, ᱡᱟᱦᱟᱸ ᱢᱩᱫᱽᱨᱮ ᱑,᱙᱐᱓ ᱦᱚᱲ ᱠᱚᱲᱟ (᱕᱑%) ᱟᱨ ᱑,᱘᱒᱕ ᱦᱚᱲ ᱛᱤᱨᱞᱟᱹ (᱔᱙%) ᱾ ᱐ - ᱖ ᱥᱮᱨᱢᱟ ᱩᱢᱮᱨ ᱨᱮᱱ ᱜᱤᱫᱽᱨᱟᱹ ᱔᱑᱐ ᱦᱚᱲ, ᱡᱟᱦᱟᱸ ᱟᱛᱳ ᱨᱮᱭᱟᱜ ᱜᱩᱴ ᱦᱚᱲ ᱞᱮᱠᱷᱟ ᱨᱮᱭᱟᱜ ᱑᱑%, ᱩᱱᱠᱩ ᱢᱩᱫᱨᱮ ᱕᱒% ᱜᱤᱫᱽᱨᱟᱹ ᱟᱨ ᱔᱘% ᱠᱩᱲᱤ ᱾ ᱟᱛᱳ ᱨᱮ ᱦᱚᱲ ᱞᱮᱠᱷᱟ ᱨᱮᱭᱟᱜ ᱰᱮᱱᱥᱤᱴᱤ ᱦᱩᱭᱩᱜ ᱠᱟᱱᱟ ᱡᱚᱛᱚ ᱪᱟᱹᱣᱠᱟᱹ ᱠᱤᱞᱳᱢᱤᱴᱟᱨ ᱨᱮ ᱙᱒᱓ ᱦᱚᱲ ᱾ ᱱᱚᱶᱟ ᱟᱛᱳ ᱨᱮᱭᱟᱜ ᱜᱩᱴ ᱦᱚᱲ ᱞᱮᱠᱷᱟ ᱨᱮᱭᱟᱜ ᱒᱔% ᱥᱟᱫᱷᱟᱨᱚᱱ ᱡᱟᱹᱛ, ᱗᱖% ᱞᱮᱠᱷᱟᱥᱤᱫ ᱡᱟᱹᱛᱤ ᱾
• ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱥᱤᱠᱷᱱᱟᱹᱛ ᱦᱟᱨ ᱠᱷᱚᱱ ᱨᱮ ᱠᱩᱨᱩᱢᱜᱨᱟᱢ ᱟᱛᱳ ᱨᱮ ᱥᱮᱪᱮᱫ ᱨᱮᱭᱟᱜ ᱦᱟᱨ ᱰᱷᱮᱨ ᱜᱮᱭᱟ᱾ ᱒᱐᱑᱑ ᱥᱮᱨᱢᱟ ᱨᱮ, ᱠᱩᱨᱩᱢᱜᱨᱟᱢ ᱟᱛᱳ ᱨᱮ ᱥᱮᱪᱮᱫ ᱦᱟᱨ ᱛᱟᱦᱮᱸ ᱠᱟᱱᱟ ᱗᱗.᱗᱓% ᱾ ᱠᱩᱨᱩᱢᱜᱨᱟᱢ ᱨᱮ ᱠᱚᱲᱟ ᱠᱚᱣᱟᱜ ᱥᱤᱠᱷᱱᱟᱹᱛ ᱦᱟᱨ ᱘᱓.᱔᱔% ᱟᱨ ᱛᱤᱨᱞᱟᱹ ᱠᱚᱣᱟᱜ ᱥᱤᱠᱷᱱᱟᱹᱛ ᱦᱟᱨ ᱗᱑.᱗᱙% ᱾
• ᱟᱛᱳ ᱨᱮᱭᱟᱜ ᱜᱩᱴ ᱦᱚᱲ ᱞᱮᱠᱷᱟ ᱢᱩᱫᱽᱨᱮ ᱑,᱒᱔᱙ ᱦᱚᱲ ᱠᱟᱹᱢᱤ ᱠᱟᱹᱢᱤ ᱨᱮ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱡᱟᱦᱟ ᱢᱩᱫᱨᱮ ᱕᱔% ᱠᱚᱲᱟ ᱟᱨ ᱑᱓% ᱛᱤᱨᱞᱟᱹ ᱠᱟᱹᱢᱤ ᱦᱚᱲ ᱞᱮᱠᱷᱟ ᱾ ᱗᱘.᱓᱘% ᱠᱟᱹᱢᱤᱭᱟᱹ ᱠᱚ ᱩᱱᱠᱩᱣᱟᱜ ᱠᱟᱹᱢᱤ ᱫᱚ ᱢᱩᱲᱩᱫ ᱠᱟᱹᱢᱤ (6 ᱪᱟᱸᱫᱳ ᱠᱷᱚᱱ ᱡᱟᱹᱥᱛᱤ ᱠᱟᱹᱢᱤ ᱥᱮ ᱟᱨᱡᱟᱣ) ᱞᱮᱠᱟᱛᱮ ᱵᱚᱨᱱᱚᱱ ᱟᱠᱟᱫᱟ ᱟᱨ 21.62% 6 ᱪᱟᱸᱫᱳ ᱠᱷᱚᱱ ᱠᱚᱢ ᱚᱠᱛᱚ ᱞᱟᱹᱜᱤᱫ ᱡᱳᱨ ᱮᱢᱚᱜ ᱞᱟᱹᱜᱤᱫ ᱠᱚᱢ ᱠᱟᱹᱢᱤ ᱦᱚᱨᱟ ᱥᱟᱞᱟᱜ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱢᱩᱲᱩᱫ ᱠᱟᱹᱢᱤ ᱨᱮ ᱥᱮᱞᱮᱫ ᱟᱠᱟᱱ 1249 ᱠᱟᱹᱢᱤᱭᱟᱹ ᱠᱚ ᱢᱩᱫᱽᱨᱮ 104 ᱦᱚᱲ ᱪᱟᱥᱤᱭᱟᱹ (ᱚᱲᱟᱜ ᱨᱮᱱ ᱢᱟᱹᱞᱤᱠ ᱥᱮ ᱜᱟᱛᱮᱼᱢᱤᱨᱤᱠ ᱟᱨ 517 ᱦᱚᱲ ᱪᱟᱥ ᱠᱟᱹᱢᱤᱭᱟᱹ ᱠᱚ ᱛᱟᱦᱮᱸᱠᱟᱱᱟ ᱾

ᱵᱚᱨᱱᱚᱱ ᱾	ᱜᱩᱴ ᱾	ᱠᱚᱲᱟ ᱾	ᱛᱤᱨᱞᱟᱹ ᱾
ᱜᱩᱴ ᱚᱲᱟᱜ ᱞᱮᱠᱷᱟ	932	ᱼᱼᱼᱼᱼ ᱾	ᱼᱼᱼᱼᱼ ᱾
ᱦᱚᱲ ᱞᱮᱠᱷᱟ	3728	1903	1825
ᱜᱤᱫᱽᱨᱟᱹ (0ᱼ6)	410	212	198
ᱞᱮᱠᱷᱟᱥᱤᱫ ᱡᱟᱹᱛᱤ	2844	1455	1389
ᱞᱮᱠᱷᱟᱥᱤᱫ ᱟᱹᱫᱤᱵᱟᱹᱥᱤ	0	0	0
ᱥᱮᱪᱮᱫ	77.73%	83.44%	71.79%
ᱜᱩᱴ ᱠᱟᱹᱢᱤᱭᱟᱹ ᱠᱚ	1249	1020	229
ᱢᱩᱲᱩᱫ ᱠᱟᱹᱢᱤᱭᱟᱹ	979	0	0
ᱥᱤᱢᱟᱹ ᱠᱟᱹᱢᱤᱭᱟᱹ	270	199	71

ᱛᱷᱟᱭᱤ ᱯᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱵᱟᱝᱞᱟ ᱴᱚᱴᱷᱟ ᱨᱮ ᱮᱴᱟᱜ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱤᱝᱨᱮᱡᱤ ᱟᱨ ᱥᱟᱱᱛᱟᱲᱤ᱾

ᱥᱚᱨᱠᱟᱨ ᱟᱨ ᱨᱟᱡᱽᱟᱹᱨᱤ

ᱠᱩᱨᱩᱢᱜᱨᱟᱢ ᱨᱮᱭᱟᱜ ᱢᱩᱲᱩᱫ ᱯᱳᱱ ᱜᱚᱴᱟᱝ ᱨᱟᱡᱽᱟᱹᱨᱤ ᱫᱚᱞ ᱫᱚ ᱦᱩᱭᱩᱜ ᱠᱟᱱᱟ ᱥᱟᱱᱟᱢ ᱵᱷᱟᱨᱚᱛᱤᱭᱚ ᱛᱨᱤᱱᱚᱢᱩᱞ ᱠᱚᱝᱜᱽᱨᱮᱥ (ᱴᱤᱢᱥᱤ), ᱵᱷᱟᱨᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱾(ᱵᱤᱡᱮᱯᱤ),ᱵᱷᱟᱨᱚᱛᱤᱭᱚ ᱡᱟᱹᱛᱤᱭᱟᱹᱨᱤ ᱠᱚᱝᱜᱨᱮᱥ ᱾ (ᱟᱭᱹᱮᱱᱥᱤ) ᱟᱨ ᱵᱷᱟᱨᱚᱛ ᱨᱮᱭᱟᱜ ᱠᱚᱢᱤᱭᱩᱱᱤᱥᱴ ᱯᱟᱨᱴᱤ (ᱥᱤᱯᱤ ᱟᱭ ᱮᱢ) ᱾   

ᱞᱟᱠᱪᱟᱨ

ᱯᱨᱟᱭ ᱥᱟᱱᱟᱢ ᱦᱤᱱᱫᱩ ᱯᱚᱨᱚᱵᱽ ᱠᱚ ᱢᱟᱱᱟᱣᱼᱟ ᱾ ᱟᱛᱳ ᱨᱮᱱ ᱦᱚᱲᱠᱚ ᱫᱟᱨᱟᱭ ᱛᱮ ᱰᱚᱨᱜᱟ ᱯᱩᱡᱟ, ᱠᱟᱞᱤᱯᱩᱡᱟ ᱟᱨ ᱥᱚᱨᱚᱥᱚᱛᱤ ᱯᱩᱡᱟ ᱯᱮᱭᱟ ᱡᱚᱛᱚᱠᱷᱚᱱ ᱰᱷᱮᱨ ᱢᱟᱱᱟᱣᱚᱜ ᱟᱱ ᱯᱚᱨᱚᱵᱽ ᱠᱟᱱᱟ ᱾

ᱥᱟᱜᱟᱲᱚᱢ

• ᱰᱟᱦᱟᱨ ᱯᱚᱨᱤᱥᱮᱵᱟ ᱛᱟᱞᱟᱛᱮᱼ ᱟᱛᱳ ᱫᱚ ᱨᱟᱢᱯᱩᱨᱦᱟᱴ ᱥᱟᱞᱟᱜ ᱥᱚᱨᱟᱥᱚᱨᱤ ᱛᱮ ᱥᱮᱞᱮᱫ ᱞᱟᱹᱜᱤᱫ ᱗ ᱜᱚᱴᱟᱝ ᱵᱮᱼᱥᱚᱨᱠᱟᱨᱤ ᱵᱟᱥ ᱢᱮᱱᱟᱜᱼᱟ ᱟᱨ ᱱᱚᱶᱟ ᱵᱟᱥ ᱠᱚ ᱢᱩᱫᱽᱨᱮ ᱑ ᱜᱚᱴᱟᱝ ᱵᱟᱥ ᱥᱤᱣᱲᱤ ᱪᱟᱞᱟᱣᱚᱜᱼᱟ ᱾ ᱥᱩᱨ ᱨᱮ ᱡᱟᱹᱛᱤᱭᱟᱹᱨᱤ ᱰᱟᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱮᱱ ᱮᱭᱤᱪᱼ᱖᱐ (ᱢᱳᱨᱜᱨᱟᱢ ᱠᱷᱚᱱ ᱯᱟᱱᱟᱜᱚᱲ ᱫᱷᱟᱹᱵᱤᱡ ᱱᱚᱞᱦᱟᱴᱤ,ᱨᱟᱢᱯᱩᱨᱦᱟᱴ , ᱥᱤᱣᱲᱤ, ᱫᱩᱵᱨᱟᱡᱽᱯᱩᱨ,ᱤᱞᱟᱹᱢᱵᱟᱡᱟᱨ ᱛᱟᱞᱟᱛᱮ ᱡᱟᱦᱟᱸ ᱫᱚ ᱠᱚᱨᱩᱢᱜᱨᱟᱢ ᱠᱷᱚᱱ ᱕ ᱠᱤᱞᱳᱢᱤᱴᱟᱨ ᱯᱚᱪᱷᱤᱢ ᱥᱮᱫ ᱛᱮᱡᱦᱟᱴᱤ ᱟᱛᱳ ᱛᱟᱞᱟᱛᱮ ᱪᱟᱞᱟᱣ ᱟᱠᱟᱱᱟ ᱾  ᱠᱩᱨᱩᱢᱜᱨᱟᱢ ᱥᱚᱨᱫᱷᱟᱼᱠᱩᱨᱩᱢᱜᱨᱟᱢᱼᱛᱮᱡᱦᱟᱴᱤ ᱰᱟᱦᱟᱨ (᱑᱒ ᱯᱷᱩᱴ ᱯᱟᱥᱱᱟᱣ ) ᱛᱟᱞᱟᱛᱮ ᱮᱱ ᱮᱭᱤᱪᱼ᱖᱐ ᱥᱟᱶ ᱥᱮᱞᱮᱫ ᱟᱠᱟᱱᱟ ᱡᱟᱦᱟᱸ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱫᱟᱨᱟᱭ ᱛᱮ ᱧᱮᱞᱼᱵᱟᱹᱲᱤᱡ ᱦᱩᱭᱩᱜᱼᱟ ᱾ ᱠᱩᱨᱩᱢᱜᱨᱟᱢ ᱥᱮᱴᱮᱨ ᱞᱟᱹᱜᱤᱫ ᱛᱮᱡᱽᱦᱟᱴᱤ ᱠᱷᱚᱱ ᱵᱟᱥ ᱵᱮᱜᱚᱨ ᱦᱚᱸ ᱟᱭᱢᱟ 'ᱴᱳᱴᱳ ᱨᱤᱠᱥᱚ' ᱢᱮᱱᱟᱜᱼᱟ ᱾ ᱥᱟᱫᱷᱟᱨᱚᱱ ᱦᱟᱯᱛᱟ ᱨᱮᱭᱟᱜ ᱫᱤᱱ ᱨᱮ ᱛᱮᱡᱦᱟᱴᱤ ᱠᱷᱚᱱ ᱨᱟᱢᱯᱩᱨᱦᱟᱴ ᱟᱨ ᱱᱟᱞᱦᱟᱴᱤ ᱫᱷᱟᱹᱵᱤᱡ ᱡᱚᱛᱚ ᱑᱐ ᱴᱤᱲᱤᱡ ᱨᱮ ᱵᱟᱥ ᱧᱟᱢᱚᱜᱼᱟ ᱾
• ᱨᱮᱞ ᱯᱚᱨᱤᱥᱮᱵᱟᱼᱠᱩᱨᱩᱢᱜᱨᱟᱢ ᱠᱷᱚᱱ ᱥᱩᱨ ᱨᱮ ᱨᱮᱞ ᱥᱴᱮᱥᱚᱱ ᱫᱚ ᱦᱩᱭᱩᱜ ᱠᱟᱱᱟ ᱥᱳᱭᱟᱫᱤᱱᱯᱩᱨᱼᱥᱰᱤ ᱮᱞ ᱮᱹ (᱙ᱹ᱕ ᱠᱤᱞᱳᱢᱤᱴᱟᱨ) ᱾  ᱥᱳᱨᱥᱳᱯᱳᱨ ᱮᱴᱟᱜ ᱨᱮᱞ ᱥᱴᱮᱥᱚᱱ ᱠᱚᱫᱚ ᱦᱩᱭᱩᱜ ᱠᱟᱱᱟ ᱱᱚᱞᱦᱟᱴᱤ ᱡᱟᱝᱥᱚᱱᱼ ᱨᱮᱞ ᱥᱴᱮᱥᱚᱱ ᱮᱭᱤᱪ ᱴᱤ (᱑᱐ ᱠᱤᱞᱳᱢᱤᱴᱟᱨ) ᱟᱨ ᱨᱟᱢᱯᱩᱨᱦᱟᱴ ᱡᱟᱝᱥᱚᱱ ᱨᱮᱞ ᱥᱴᱮᱥᱚᱱᱼᱟᱨᱯᱤ ᱮᱭᱤᱪ (᱑᱔ ᱠᱤᱞᱳᱢᱤᱴᱟᱨ) ᱾   ᱟᱨᱯᱤ ᱮᱭᱤᱪᱼᱨᱟᱢᱯᱩᱨᱦᱟᱴ ᱡᱳᱝᱥᱚᱱ ᱫᱚ ᱥᱟᱢᱟᱝ ᱨᱮᱞ ᱴᱚᱴᱷᱟ ᱨᱮᱭᱟᱜ ᱦᱟᱣᱲᱟ ᱠᱷᱚᱸᱰ ᱨᱮᱭᱟᱜ ᱢᱤᱫᱴᱟᱝ ᱢᱩᱬᱩᱫ ᱨᱮᱞ ᱥᱴᱮᱥᱚᱱ ᱡᱟᱦᱟᱸ ᱫᱚ ᱠᱚᱞᱠᱟᱛᱟ, ᱫᱚᱠᱷᱤᱱ ᱵᱟᱝᱞᱟ, ᱫᱚᱠᱷᱤᱱ ᱵᱷᱟᱨᱚᱛ, ᱛᱟᱞᱟ ᱟᱨ ᱯᱚᱪᱷᱤᱢ ᱵᱷᱟᱨᱚᱛ ᱨᱮᱭᱟᱜ ᱠᱤᱪᱷᱩ ᱦᱤᱸᱥ, ᱩᱛᱛᱚᱨ ᱵᱷᱟᱨᱚᱛ, ᱩᱛᱛᱚᱨ ᱵᱟᱝᱞᱟ ᱟᱨ ᱜᱚᱴᱟ ᱩᱛᱛᱚᱨᱼᱯᱩᱨᱵᱚ ᱵᱷᱟᱨᱚᱛ ᱥᱟᱞᱟᱜ ᱥᱮᱞᱮᱫ ᱟᱠᱟᱱᱟ ᱾
• ᱩᱰᱟᱹᱱ ᱟᱰᱟᱼ ᱥᱩᱨ ᱨᱮ ᱫᱤᱥᱚᱢ ᱨᱮᱭᱟᱜ ᱩᱰᱟᱹᱱ ᱟᱰᱟ ᱫᱚ ᱦᱩᱭᱩᱜ ᱠᱟᱱᱟ ᱫᱩᱨᱜᱚᱯᱩᱨ ᱨᱮᱭᱟᱜ (᱑᱒᱔ ᱠᱤᱞᱳᱢᱤᱴᱟᱨ)ᱠᱟᱡᱤ ᱱᱟᱡᱨᱚᱞ ᱤᱥᱞᱟᱢ ᱩᱰᱟᱹᱱ ᱟᱰᱟ ᱾ ᱟᱨ ᱥᱳᱨ ᱨᱮ ᱡᱮᱜᱮᱫ ᱡᱟᱠᱟᱛ ᱩᱰᱟᱹᱱ ᱟᱰᱟ ᱫᱚ ᱠᱟᱱᱟ ᱠᱚᱞᱠᱟᱛᱟ ᱨᱮᱭᱟᱜ ᱱᱟᱛᱟᱡᱤ ᱥᱩᱵᱷᱟᱥ ᱪᱚᱱᱫᱨᱳ ᱵᱳᱥ ᱡᱮᱜᱮᱫ ᱡᱟᱠᱟᱛ ᱩᱰᱟᱹᱱ ᱩᱰᱟᱹᱱ ᱟᱰᱟ ᱾ 

ᱥᱮᱪᱮᱫ

ᱠᱩᱨᱩᱢᱜᱨᱟᱢ ᱨᱮ ᱵᱟᱨᱭᱟ ᱵᱟᱝᱞᱟ ᱛᱟᱞᱟ ᱥᱚᱨᱠᱟᱨᱟᱜ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ (ᱯᱳᱭᱞᱳ ᱠᱷᱚᱱ ᱔ ᱟᱱᱟᱜ ᱪᱟᱱᱟᱪ) ᱼ ᱠᱩᱨᱩᱢᱜᱨᱟᱢ ᱜᱤᱫᱽᱨᱟᱹ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱟᱨ ᱠᱩᱨᱩᱢᱜᱨᱟᱢ ᱠᱩᱲᱤ ᱠᱚᱣᱟᱜ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱾ᱱᱚᱣᱟ ᱵᱮᱜᱚᱨ ᱦᱚᱸ ᱠᱩᱨᱩᱢᱜᱨᱟᱢ ᱨᱮ ᱢᱤᱫᱴᱟᱝ ᱵᱮᱼᱥᱚᱨᱠᱟᱨᱤ ᱫᱷᱚᱨᱚᱢ ᱥᱟᱵᱟᱫᱤᱭᱟᱹ ᱚᱲᱟᱜ ᱢᱮᱱᱟᱜᱼᱟ ᱾ᱠᱩᱨᱩᱢᱜᱨᱟᱢ ᱨᱮ ᱢᱤᱫᱴᱟᱝ ᱜᱚᱲᱚ ᱥᱮᱪᱮᱫ ᱥᱚᱨᱠᱟᱨᱟᱜ ᱵᱟᱝᱞᱟ ᱛᱟᱞᱟ ᱩᱥᱩᱞᱼᱥᱮᱠᱱᱰᱟᱨᱤ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱼᱢᱤᱛᱨᱚᱵᱷᱩᱢ ᱦᱟᱭᱥᱩᱠᱚᱞ ᱡᱟᱦᱟᱸ 1921 ᱥᱟᱹᱦᱤᱛ ᱨᱮ ᱛᱷᱟᱯᱚᱱ ᱟᱠᱟᱱ ᱱᱚᱶᱟ ᱴᱚᱴᱷᱟ ᱨᱮᱭᱟᱜ ᱢᱟᱨᱮᱱ ᱦᱟᱭᱥᱩᱠᱩᱞ ᱾ ᱥᱩᱨᱼᱥᱩᱯᱩᱨ ᱟᱛᱳ ᱟᱨ ᱥᱩᱨᱼᱥᱩᱯᱩᱨ ᱥᱟᱦᱟᱨ ᱠᱷᱚᱱ ᱥᱮᱪᱮᱫᱤᱭᱟᱹ ᱠᱚ ᱱᱚᱶᱟ ᱨᱮ ᱯᱟᱲᱦᱟᱣ ᱞᱟᱹᱜᱤᱫ ᱠᱚ ᱦᱮᱡᱚᱜᱼᱟ ᱾ ᱱᱚᱶᱟ ᱫᱚ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱢᱤᱫᱴᱟᱝ ᱟᱹᱰᱤ ᱧᱩᱛᱩᱢᱟᱱ ᱵᱤᱨᱫᱟᱹᱜᱟᱲ ᱾ ᱱᱚᱶᱟ ᱵᱤᱨᱫᱟᱹᱜᱟᱲ ᱨᱮ ᱠᱷᱮᱞᱳᱰ ᱨᱮᱭᱟᱜ ᱢᱤᱫᱴᱟᱝ ᱢᱟᱨᱟᱝ ᱠᱷᱮᱞᱳᱰ ᱴᱷᱟᱶ ᱢᱮᱱᱟᱜᱼᱟ ᱾ ᱛᱷᱟᱯᱚᱱ ᱛᱟᱭᱚᱢ ᱠᱷᱚᱱ, ᱵᱤᱨᱫᱟᱹᱜᱟᱲ ᱫᱚ ᱵᱮᱼᱥᱟᱵᱤᱠ ᱫᱟᱲᱮᱭ ᱩᱛᱱᱟᱹᱣ ᱟᱠᱟᱫᱟ ᱟᱨ ᱱᱚᱶᱟ ᱞᱮᱠᱟᱛᱮ ᱥᱮᱪᱮᱫ ᱴᱚᱴᱷᱟ ᱨᱮ ᱢᱤᱫᱴᱟᱝ ᱪᱤᱱᱦᱟᱹ ᱵᱮᱱᱟᱣ ᱟᱠᱟᱱᱟ ᱾ᱢᱮᱱᱠᱷᱟᱱ ᱠᱩᱨᱩᱢᱜᱨᱟᱢ ᱟᱛᱳ ᱨᱮ ᱡᱟᱦᱟᱱ ᱠᱚᱞᱮᱡᱽ ᱵᱟᱝ ᱢᱮᱱᱟᱜᱼᱟ ᱾ ᱠᱩᱨᱩᱢᱜᱨᱟᱢ ᱨᱮᱭᱟᱜ ᱥᱳᱨᱥᱳᱯᱳᱨ ᱠᱚᱞᱮᱡᱽ ᱠᱚᱫᱚ ᱦᱩᱭᱩᱜ ᱠᱟᱱᱟ ᱨᱟᱢᱯᱩᱨᱦᱟᱴ ᱠᱚᱞᱮᱡᱽ ᱟᱨ ᱦᱤᱨᱟᱞᱟᱞ ᱵᱷᱚᱠᱚᱛ ᱠᱚᱞᱮᱡᱽ ᱾

ᱱᱚᱶᱟ ᱦᱚᱸ ᱧᱮᱞ ᱢᱮ

• ᱢᱤᱛᱨᱚᱵᱷᱩᱢ ᱦᱟᱭ ᱥᱠᱳᱞ
• ᱱᱚᱞᱦᱟᱴᱤ ᱑ ᱾
• ᱨᱟᱢᱯᱩᱨᱦᱟᱴ ᱾

ᱥᱟᱹᱠᱷᱭᱟᱹᱛ

• http://birbhum.org
• http://www.birbhum.gov.in

ᱵᱟᱨᱦᱮ ᱡᱚᱱᱚᱲ

• ICBSE.com ᱨᱮ ""ᱢᱤᱛᱨᱚᱵᱷᱩᱢ ᱦᱟᱭ ᱥᱠᱳᱞ"" ᱾ 24 ᱡᱟᱱᱩᱭᱟᱨᱤ 2018 ᱨᱮ ᱧᱟᱢ ᱟᱠᱟᱱᱟ ᱾